حاج خناااااااء :jakoush: أحسن ما حطلكن مسألة تضلو فيها لآخر عمركن

:melody:

®

حط مسألة:pos:

لاني خلقة هلق رايحة عالمدرسة يعني ما رح حلها :p

:oمرحدا .. هههه

سوري شبيحة .. بس مبارح كنت معجوق كتير ..

وهي اليوم بحط شي جديد .. يلا هلا بنزل ثواني .. ( ادعو للمنتخب اليوم لعبتو مع ايران بكاس العالم ):p:D


ثواني وبنزل الجديدة

خيو حنمشيا هلا بوحدة .. سهلة .. والبقية تاتي

خيو هي المسيو ريمووو .. عندا مزرعة كبيرة كان .. ومربيين هنيك دجاج .. وارانب

( تاكلي جزر مريوم ؟ :p)

المهم .. بقا .. اجا هيك .. الحرامي اللي سرق البردقانات .. باللغز الماضي ..

" مين هوة ؟ ":o
فلنفرض منسميه ابو علي :yahoo:

اجا اتطلع من فوق .. بما انو حمصي .. هيك خبرة يعني طلع معو انو في .. 42 راس :sly:

نزل لتحت ... هيك .. مدري شو خطر عبالو ها .. قام شاف 132 رجل .. موجودين عالارض

بقا .. كرمال ابو علي بيك .. اجت ريمووو.. بدا تتكارم معو .. " مع انو بقولو ما لابقلو ها شنو عينو ديقة " المهم ..

راحت دبحتلو خيو .. دجاجتين .. و ارانب

"كبيرة يا ام الريم والله كبيرة "

( العما شو بياكل هالاب علي :jakoush:)

قام بعد الاكل .. راح عمك ابو علي بدو يتاكد .. انو اللي دبحون قدامو .. حطولو ياهم كلن عالاكل

( العما ... العما ما بيستحي هاد :frown:قلتلكم ما لابقلو)


بقا رجع عدون من اول وجديد ..

عدد الرجلين .. 132

طلع معو انو الروس متساوية


بقا شو رايكم ..

مين ابو علي:o ... .. عفوا قصدي .. كم ارنب وكم غنمة كان في بالمزرعة تبع ام الريم :gem:


عفكرة ولا اسهل من هيك ها .. وناطرينكم :D

راحت دبحتلو خيو .. دجاجتين .. و ارانب

انت هون محدد انو دجاجتين.
عدد الارانب, مجهول, ولا قصدك دجاجتين وارنب؟

24 ارنب
18 جاجة.
مع انو ما دخل بمخي موضوع انو بعد ما دبحتلو الجاجات والارانب ضل عدد الرجلين نفسو :shock:

طريقتي كالتالي.
تجاهلت القسم الاخير من الرد
وعملت معادلتين بمجهولين
X = عدد الارانب
Y = عدد الجاجات

X + Y = 42
جاجات + الارانب = 42

هلق بما انو الجاجة الا رجلتين ضربنا Y * 2
وبما انو الارنب الو 4 ضربنا X * 4
هيك بصير عنا معادلة تانية واللي هية

2Y + 4X = 132
منحل المعادلة الاولة لواحد من المجهولين ورح اختار X
بتصير المعادلة الاولى
X = 42 - Y
منحط 42 - Y محل الاكس بالمعادلة التانية
بصير عنا

2Y + 4(42 - Y) =132
منحلها بتصير
2Y + 168 - 4Y = 132
بعدين بتصير المعادلة اذا حليناها
2Y (سلبي) = 36-
وبالتالي بصتير
Y = 18
منحط 18 بالمعادلة الاولى بيطلع معنا انو X = 42 -18
واللي هو X = 24

يا ريت حدا يصغلنا ياها متل العالم
لأنو مبين أنو يمان كان نعسان و هو عم يكتب:sick:





عدد الرجلين .. 132


كيف ضلو 132 رجل بعد يللي دبحوهون ..؟؟ :shock:

هههههه
معلم بظن القسم تبع الدبح وهالحكي بس اكل هوا لا اكتر ولا اقل.
خصوصي انو ضلو عدد الرجلين وعدد الروس نفس الشي!!


بعدين ليش عم تتمسخر على يمان
ما بتخاف ما الله يعملك متلو؟؟ (بعيد الشر طبعا)

] دجاج .. وارانب [/COLOR]

42 راس :sly:

قام شاف 132 رجل .. موجودين عالارض


راحت دبحتلو خيو .. دجاجتين .. و ارانب

بقا رجع عدون من اول وجديد ..

عدد الرجلين .. 132

طلع معو انو الروس متساوية


قصدي .. كم ارنب وكم غنمة كان في بالمزرعة تبع ام الريم :gem:



يمان بيحشش شي؟؟
:shock:

لا هو بس هيك اخوت خلقة ربو

لا هو بس هيك اخوت خلقة ربو

ايوا:?

يعني هلق اخر الشي طلع شو المطلوب؟

لانو مدري ليش حاسس انو في ريحة حشيش بالموضوع!! يا اما الشغلة خلقية;)

عما نمزح يمان:oops:


هلق بعد شوي بيجي يمان وبيبان المرج:sly:

ما بتخاف ما الله يعملك متلو؟؟ (بعيد الشر طبعا)
بعيد الشر عن كل الشباب الطيبة
يعني هي شغلة ما بتتمناها لا لعدو و لا لصديق ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

رجاءاً يعني ما حدا يحكي على صديقي يمان ايواه

ريالي متلي هادا.. بقا الله يرضى عليكن حطو راسكن بالمسألة وعالسكت :pos:

لك يعدمني .. ماني محشش .. بس اخوية محششة :p

صح صح حلك جاد .. هاد باثبت انك حمصي من حق وحقيق .. يعني ..

مع اني كتبت المسالة فيا كم غلط .. بس حضرتكم .. حلا .. >>> حمصي .. ما مشكلة :lol:...


سوري شبيبة .. جد حششنا شوي ... انو بقي عدد الرجلين 96

ودبحتلو 8 ارانب .. :frown:


العما شو بتلعو ...:pos:


كفو ماتيا كفو .. :Dالعفش.. ما بيطلع فيكم الخير ..


يلا حنزل وحدة هلا قبل ما اطلع .. :pos:

خيو في بلدية .. هيك بزمانا .. كان اسما طرنفيشة:o .. راحت بدا .. تحط لمبات .. عواميد كهربا يعني .. في براس كل عمود لمبة .. المهزززز .. هلا ..

راحو بدن يركبو .. 45 عامود على طرفين الشارع .. الرئيسي للطرنفيشة ..

المهم .. هلا كل عمود بيبعد عن التاني .. 30 متر

تم توزيع العواميد على طرفين الشارع اليميني واليساري .. بحيث يكون .. العمود بالطرف اليميني .. بنص المسافة بين عامودين .. على الطرف اليساري ..


احسبلي طول الشارع الرئيسيس المؤدي الى الطرنفيشة :p


وراجعلكم :D

خيو في بلدية .. هيك بزمانا .. كان اسما طرنفيشة:o .. راحت بدا .. تحط لمبات .. عواميد كهربا يعني .. في براس كل عمود لمبة .. المهزززز .. هلا ..

راحو بدن يركبو .. 45 عامود على طرفين الشارع .. الرئيسي للطرنفيشة ..

المهم .. هلا كل عمود بيبعد عن التاني .. 30 متر

تم توزيع العواميد على طرفين الشارع اليميني واليساري .. بحيث يكون .. العمود بالطرف اليميني .. بنص المسافة بين عامودين .. على الطرف اليساري ..


احسبلي طول الشارع الرئيسيس المؤدي الى الطرنفيشة :p


وراجعلكم :D

660متر....

كفو ماتيا كفو .. :D

طول عمري :pos:

660متر....

تعا اقرا عليك شي حتى ما تنحسد
ولو انو بلكي ما طلع هو الجويب الصح من منطلق اني ما قرأت المسألة اصلاً so ما بيجوز اجزملك صحة جويبك..
بس انو لانك اب سمرا بنقول احتمال كبيييييييييييييييييييير يكون صح :lol:
.
.
.


يلا سي يو جميعاً .. والله يا عميماتي(جمع عمتي) عندنا رحلة.. مسافرين

يلا دعولنا ما نتدهور عالطريق :lol:

امري لله رح شارك انا :larg: :
630 م :pos:
لا تقلي غلط :jakoush:

690
مين بيزيد

690
مين بيزيد
اذا حسبت عدد العواميد مزبوط بيطلع 690

بس لازم نحسب المسافات بين العواميد
يعني رح يكون من جهة 23 عامود و من جهة 22 عمود
لازم ناخد ال 23 عمود يعني بكون بينهم 22 مسافة مضروبين بـ 30متر .... بيطلع طول الشارع 660 متر

اذا حسبت عدد العواميد مزبوط بيطلع 690

بس لازم نحسب المسافات بين العواميد
يعني رح يكون من جهة 23 عامود و من جهة 22 عمود
لازم ناخد ال 23 عمود يعني بكون بينهم 22 مسافة مضروبين بـ 30متر .... بيطلع طول الشارع 660 متر
لك معك حق انا هيك كمان حسبتها بس دري ليش طلع معي الجواب غلط :shock:
انا شلت من كل طرف عمود :lol:

اذا حسبت عدد العواميد مزبوط بيطلع 690

بس لازم نحسب المسافات بين العواميد
يعني رح يكون من جهة 23 عامود و من جهة 22 عمود
لازم ناخد ال 23 عمود يعني بكون بينهم 22 مسافة مضروبين بـ 30متر .... بيطلع طول الشارع 660 متر

انو انت تماما متل ما عما تقول, بس اخر الشي ما كتير زبطت

هلق بيكون فمن كل جهة 22 عامود هادا الكلام صح ...
بس اسا بيضل في عامود بقيان عالجهة التاني والي رح يكون بنص المسافة من العامود الاخير
مشان هيك انا بغير رأي وبساوي هلق
675 متر

مرة تاني بحاول اشرح قصدي
45 عامود
بيتوزعو 22 عكل جهة
بيصيرو وقتا على بعد 660 متر متل ما كنت عما تقول
بس اسا بيضل العامود الاخير والي بيكون من الجهة التاني وبيكون على بعد نص المسافة بين عامودين
مشان هيك بيطلع معنا 660 + 15 = 675

بس اسا بيضل العامود الاخير والي بيكون من الجهة التاني وبيكون على بعد نص المسافة بين عامودين
مشان هيك بيطلع معنا 660 + 15 = 675
ما بتقدر تحسبا بهالشكل
لأنومزبوط بيبعد مسافة 15 متر عن آخر عمود بالجهة التانية
بس كمان بيبعد مسافة 30 متر عن العمود يللي قبلو بنفس الجهة
يعني اذا بدك تحسب طول الشارع .... لازم تحسب على اساس الجهة يللي فيها عواميد أكتر
و يللي من ضمنها أكيد رح يكون أول عمود بالشارع و كمان آخر عامود لأنو العدد فردي
و متل ما قلنا هالجهة فيها 23 عامود يعني 22 مسافة يعني 660 متر

تمام .. بالضبط متل حكي سامر ..

حل ابو سمرة الصح شباب .. وسيمو .. حكيك فيو صحة .. بس سامر فسرلك انو ... بدك تعتمد عجهة الشارع اللي فيو 23 عمود ..

:Dويلا منزل الجديدة

شباب .. هي عالماشي ..

كيف فينا نستخدم .. تسع تمانات

8,8,8,8,8,8,8,8,8

لحتى ينتج عنا الرقم 9000

ما بتقدر تحسبا بهالشكل
لأنومزبوط بيبعد مسافة 15 متر عن آخر عمود بالجهة التانية
بس كمان بيبعد مسافة 30 متر عن العمود يللي قبلو بنفس الجهة
يعني اذا بدك تحسب طول الشارع .... لازم تحسب على اساس الجهة يللي فيها عواميد أكتر
و يللي من ضمنها أكيد رح يكون أول عمود بالشارع و كمان آخر عامود لأنو العدد فردي
و متل ما قلنا هالجهة فيها 23 عامود يعني 22 مسافة يعني 660 متر
اي وصلت الفكرة هلق, انا كنت حاسب انو الشارع بيبلش من العامود رقم صفر .. مشان هيك فرقت .. لازم الواحد يبلش من العامود رقم واحد
:D


كرهين هدول مسائل الارقام:frown:
هلق بيجي راو وبيحلة بخمس طرق:o


:D

طول عمري بتعقدني المسائل وخصوصي الرياضيات ..

موضوعك وبجداره وجعلي راسي ...:pos:

لانو في مساله حليتوها عقدتني وما انحلت معي .. بس غشيتا بالاخير :cry:

طول عمري بتعقدني المسائل وخصوصي الرياضيات ..

موضوعك وبجداره وجعلي راسي ...:pos:

لانو في مساله حليتوها عقدتني وما انحلت معي .. بس غشيتا بالاخير :cry:
اذا انحلت المسألة فاكيد الي حلة او ايا حدي تاني بيعرف الحل ممكن يجرب يشرحلك اياها مرة تاني
اذا الك مصلحة طبعا




وبعدين ما عيب عليكي تغشي:pos:

اذا انحلت المسألة فاكيد الي حلة او ايا حدي تاني بيعرف الحل ممكن يجرب يشرحلك اياها مرة تاني
اذا الك مصلحة طبعا




وبعدين ما عيب عليكي تغشي:pos:
فهمتا .. بعد ما شفت الحل ..

بس اتدايقت لانو الحل طلع غبي ..:cry:

فهمتا .. بعد ما شفت الحل ..

بس اتدايقت لانو الحل طلع غبي ..:cry:

:o
اي هي بتصير كتير
بدك تطولي بالك شوي وتضلي تاخدي الافكار الغبية كمان بعين الاعتبار;)



وهلق مسكي الالة الحاسبة وساوي من تسع تمانات 9000:shock:


وبيطلعلك جائزة من يمان اذا حليتية :adal:

كرهين هدول مسائل الارقام:frown:
اي بالفعل
غليظين هدول ......... :sick:




الحلو بالمسائل العادية ... كيف تستنتج المعادلة ....مو كيف بتحلا

تسالي طلعت متاخر ساعتين عن حل المسالة
منيح لحقت احزفو هههههههه

88 +8888+8+8+8


=

9000 ..

مو هيك ؟؟:?

88 +8888+8+8+8


=

9000 ..

مو هيك ؟؟:?

برافو :D

برافو :D
حاسه حالي متل ملكات الجمال .. :lol:.. ما بصدقو لما بيحصلو عاللقب :p..



الي بعدو يمان :larg:

الحلو بالمسائل العادية ... كيف تستنتج المعادلة ....مو كيف بتحلا

ما هاي هيي الرياضيات .. لما بتقدر تحول معلومات ( نص, او شكل هندسي ) لمعادلات رياضية فينك تحلة
والحل باغلب الاوقات ما بيكون كتير صعب .. اوقات بدو شوية تركيز بالحساب .. بس بشكل عام شي قابل للحل


عكل حال عما نسنتا شي حدي بيحب هيك شغلات مشان تجي بعدا شي مسألة متل الخلق والعالم

88 +8888+8+8+8


=

9000 ..

مو هيك ؟؟:?
هيك تماما

شفتي هاي مشي الحالة وما كانت صعبة عليكي


بس يجي يمان قوليلو يعطيكي الجائزة:p

احم احم ... ام الرور حلتا .. مممم


لك ام الرور تطلب اللي بدا ياه بتستاهل والله ... :p...


يلا منزل جديدة :D

اي خيو ... وهاي الجديدة ..

خيو .. هي الحجة ماتيا .. كان عندا بالسقيفة ... 10 طناجر ..

بتكون سعاتها على هالشكل

38,22,12,5,2,1,4,6,15,24

اجت الحجة ماتيا ... بدا تعبي هالطناجر بسوائل معينة ...

هلا فلفنرض انو راحت عبت ... ببعضن عصير بردقان ... وكمان بطناجر تانية راحت عبت .. حليب

وبطناجر تانية راحت عبت .. عرق سوس حلو هالحكي ..


هلا .. المعطيات :

1-بعد ما انصبت السوائل .. ضل في عنا بالاخير .. طنجرة وحدة فاضية
2-بعد ما تم صب السوائل .. نتج عنا .. انو حجم الحليب المصبوب = ضعف حجم عصير البردقان المصبوب
3-بعد ما تم صب السوائل .. نتج عنا .. انو حجم عرق السوس المصبوب = ضعف حجم الحليب المصبوب

المطلوب :

1-عشو بتحتوي كل طنجرة " حليب-عرق سوس-بردقان"؟
2-شو سعة الطنجرة اللي بقيت الـ " فاضية ".؟

.:D

ظريفة هي بنفكر فيا ومنردلك خبر

خيو حليناها:
ليك الطنجرة الفاضية سعتها: 24
و عندك: 15 عصير
30 حليب
60 عرق سوس
شلون :larg:

غـــــــلـــــط

غـــــــلـــــط
طيب اجمع الارقام بيطلع معك انو الجواب صح :larg:

الحل بالشكل التالي:
نفرض حجم البردئان x
و بالتالي حجم الحليب 2x
كمان حجم العرقسوس 4x
بالجمع ينتج حجم السوائل مجتمعة 7x

نجمع سعات الطناجر العشرة ينتج 129

هلأ لازم يكون مجموع سعات الطناجر التسعة الممتلئة من مضاعفات العدد 7
أكبر عدد من مضاعفات 7 و أصغر من 129 هو 126
لكن منلاحظ إنو مافي طنجرة سعتها 3 (اللي هو الفرق بين 126 و 129) مشان نتركها فاضية
منجرّب العدد اللي بعده و هو 119 و الفرق 10 كمان مافي طنجرة نمرة 10
اللي بعده 112 و الفرق 17 برضو مافي طنجرة نمرة 17
اللي بعدو 105 و الفرق 24 و عندنا طنجرة نمرة 24
يعني
7x=105
x=15
(سبع لطوووش)
و بالتالي كميات السؤال كمايلي:
البردئان 15
الحليب 30
العرقسوس 60
و الطنجرة الفاضية هيه نمرة 24

هات غيرا


سؤال معلم يمان بس يعني انت محتكر الأسئلة و لا بصير حدا غيرك يحطلنا أسئلة



:melody:

®

طيب اجمع الارقام بيطلع معك انو الجواب صح :larg:

بعرف حجي بس انو انا حسبت بطريقة كان البردقان فيا 2X ف لغيت الواحد طلع معي ناتج بس مازبطو عالطناجر :p

طلع معي انو لازم ماتايا تستعير من عند الجيران طنجرة لتزبط ع جوابي :o

وسيمو حلك صح شريك ... بس حطلنا طريقة حلك كنت ..

بس جد شغلة .... راغب روعة ... يعني بكل معنى الكلمة روعة ..

روحي شريك :D

* لا شريك ماني محتكر شي ... واللي عندو يحط وكلنا منحل ..

بس المهم ما يصير تضارب يعني ما حدا ينزل .. ويكون في وحدة لسا ما انحلت او انحط حلها ..

وعراسي احلا شبيبة ...

** هلا انا بقيانلي يومين بالشام:cry: .. بدكم تعذروني لو صار شوية تقصير ..يعني ما عاد يصحلي فوت كتير بجوز ممكن انو ايا حدن يحط .. يصير مسائل والكل يحاولو يحلوها .. يعني ما ضروري تنطروني او تنطرو حدن معين ..

وعراسي الشباب كلا ..:D

اي خيو ...

هلا هاد خيو عمك ابو الهن .. راح مرة عند الصايغ بدو يتكارم يعني .. :?

راح .. وبدو يشتري الماس .. لصاحبتو الجديدة :o


المهم فات على هالمحل خيو ... بجيبتو في خسا عشرين مليون ..:cry:

بقا سالو للبياع قلو بقديش الوحدة معلم " البياع هون:shock: .. اتطلع فيه قلو شو مشان .. شو هي الوحدة .. شو عم نشتري عالمكسر نحنا :p"

المهم .. طلع حق الالماساية الوحدي خيو .. خسة مليون ..

المهم ... عمك ابو الهن شو راح ساوا ... راح قلو عطيني 4 اصليات ووحدة تقليد ..

انو .. الزلمة .. عطا ياهم .. عمك ابو الهن .. راح زبطون بعلبة وعيكفك ..

راح عند المدام .. وعطاها ياهم ..

هلا للاسف طلع ابو الهن مانو عرفان انو العلقة اللي علقانها .. :o

راحت هي الشبيحة ... بدا تتاكد .. وفعلا هوة المزيفة فارقة بالوزن عن الاصليات ..

هلا السؤال .. كيف فيها تعرف الماسة المزيفة ... بوزنتين بس ؟

بدي حلها بطريقتين مختلفتين :D

بسيطة.
بتجيب هالميزان.
بتحط بكفة وحدة, وبالكفة التانية بتحط وحدة تاني.
اذا اختلف الوزن, بتكون الكفة اللي طالعة لفوق هية اللي فيها المزيفة.
اذا تساوو. بتحط تنتين تانيات. اذا اختلف الوزن. بتكون الالماسة اللي ضافتها اخر الشي, بالكفة اللي ارتفعت. هية المزيفة.
واذا تساوو, بتكون الخامسة اللي معها هية المختلفة


اما الطريقة التانية فمنعمل الطريقة الاولى بس بالعكس,
يعني منحط تنتين بكفة وتنتين بكفة تانية.
اذا توازنو, كان بها, وبتكون اللي معنا هية المختلفة.
اذا ما توازنو, منشيل تنين. اذا توازنو, بتكون اللي شلناها من الكفة الطالعة هية المزيفة.
واذا ضلو مو متوازنين, بتكون المزيفة بالكفة المرتفعة

الحل بالشكل التالي:
نفرض حجم البردئان x
و بالتالي حجم الحليب 2x
كمان حجم العرقسوس 4x
بالجمع ينتج حجم السوائل مجتمعة 7x

نجمع سعات الطناجر العشرة ينتج 129

هلأ لازم يكون مجموع سعات الطناجر التسعة الممتلئة من مضاعفات العدد 7
أكبر عدد من مضاعفات 7 و أصغر من 129 هو 126
لكن منلاحظ إنو مافي طنجرة سعتها 3 (اللي هو الفرق بين 126 و 129) مشان نتركها فاضية
منجرّب العدد اللي بعده و هو 119 و الفرق 10 كمان مافي طنجرة نمرة 10
اللي بعده 112 و الفرق 17 برضو مافي طنجرة نمرة 17
اللي بعدو 105 و الفرق 24 و عندنا طنجرة نمرة 24
يعني
7x=105
x=15
(سبع لطوووش)
و بالتالي كميات السؤال كمايلي:
البردئان 15
الحليب 30
العرقسوس 60
و الطنجرة الفاضية هيه نمرة 24

هات غيرا


سؤال معلم يمان بس يعني انت محتكر الأسئلة و لا بصير حدا غيرك يحطلنا أسئلة



:melody:

®

تماما شريك يسلمو ريحتني من كتابة الحل :D
اسف انا ماني متابع المسابقة ف مشان هيك ما عرفت اني لازم اكتب الحل
مرة تانية مشكور راغب