القتل الرحيم [الأرشيـــــف]

امرأة من ورق

30/09/2006, 10:10

شو رأيكن بحياة شخص مريض ووصل لدرجة من المرض انو صار عاجز تماما وعم يتألم ليل نهار وعارف انو مستحيل يكون في علاج لمرضه يعني رح يضل طول عمره (اللي صار قصير) عايش بالالم وبدون اي امل بالاضافة للمصاريف اللي يمكن تكسر ضهر عيلتو...... اي احسن انو نتركه يعيش بالالم هالايام اللي بقيانتلو او انو نسمح بالموت الرحيم بهيك حالة وهيك بنخليه يرتاح من الالم؟؟

هلأ بعرف انو الموضوع حساس لكتير منكن وبتمنى انو يكون النقاش بعيد عن الدين..... يعني يكون من النواحي الانسانية او القانونية :D

نيرفانا

30/09/2006, 10:27

سلام إمرأة من ورق:D

يعني موضوع حساس فعلاً لكن إنك تلاقي إجابات كلها بعيدة عن المفاهيم الدينية بتصور صعب

و أول ما خطرلي لما قرأت موضوعك إنك رح تلاحظي تفاوت كبير بالآراء ..

من جهتي وجدت صعوبة في إني حدد إجابتي لكن الحل المنطقي هو الموت الرحيم!!!!!!!

لكن السؤال هل هذا المريض رغم ألمه و فقدان أمله وما يكبد أهله من خسائر ودون جدوى يقبل أن تسلب منه أيامه المتبقية له؟؟

امرأة من ورق

30/09/2006, 10:33

سلام إمرأة من ورق:D

يعني موضوع حساس فعلاً لكن إنك تلاقي إجابات كلها بعيدة عن المفاهيم الدينية بتصور صعب

و أول ما خطرلي لما قرأت موضوعك إنك رح تلاحظي تفاوت كبير بالآراء ..

من جهتي وجدت صعوبة في إني حدد إجابتي لكن الحل المنطقي هو الموت الرحيم!!!!!!!

لكن السؤال هل هذا المريض رغم ألمه و فقدان أمله وما يكبد أهله من خسائر ودون جدوى يقبل أن تسلب منه أيامه المتبقية له؟؟

شكرا كتير نيرفانا عالمرور الحلو :D

ومنشان سؤالك انو اذا المريض رح يقبل انو تسلب ايامه المتبقية له(وهو مابظن فينا نسميها انو سلب لانو رح تكون برضاه)؟؟ من شروط القتل الرحيم انو يتم بموافقة المريض..... وبظن انو الحياة مع الم وبدون امل كتير صعبة وكتير ناس رح يحسو انو الموت فعلا ارحم منها وهني رح يطالبو فيه

نيرفانا

30/09/2006, 10:40

إمرأ من ورق بدي أطلب منك ذكر مثال حي على هالحالة لأني حابة أعرف إذا في إنسان كان عندو الجرأة الكافية باتخاذ هيك قرار.... طبعاً إذا متوفر المثال؟

ومشكورة.

امرأة من ورق

30/09/2006, 10:49

إمرأ من ورق بدي أطلب منك ذكر مثال حي على هالحالة لأني حابة أعرف إذا في إنسان كان عندو الجرأة الكافية باتخاذ هيك قرار.... طبعاً إذا متوفر المثال؟

ومشكورة.

بهاد الرابط في مثال من فرنسا :D

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ونورتي نيرفانا :D

tiger

30/09/2006, 10:58

موضوع كتير شائك والأجابة عليه صعبة خصوصا اذا كانت من وجهة غير دينية ....
وبرأيي كل الحالات هي حالات خاصة بترجع لصاحب القرار وياللي حواليه ....

امرأة من ورق

30/09/2006, 11:01

موضوع كتير شائك والأجابة عليه صعبة خصوصا اذا كانت من وجهة غير دينية ....
وبرأيي كل الحالات هي حالات خاصة بترجع لصاحب القرار وياللي حواليه ....

شكرا كتير تايغر عالمرور :D

طاهر اخـو وطفي

30/09/2006, 11:10

الموت الرحيم ربما هي سلب الشخص حياته

الحياة والموت بيد الله عز وجل
وكثير ما سمعنا ان اشخاص فاقدي الحياة ولكن بارادة الله عاشوا ربما اكثر من الذي عالجهم او من قرر ان لا حياة لهم
وجميع من التشريعات السماورية او التشريعي الذي وضعه الانسان لا تقر بالموت الرحيم

Blue Sky

30/09/2006, 11:35

شو رأيكن بحياة شخص مريض ووصل لدرجة من المرض انو صار عاجز تماما وعم يتألم ليل نهار وعارف انو مستحيل يكون في علاج لمرضه يعني رح يضل طول عمره (اللي صار قصير) عايش بالالم وبدون اي امل بالاضافة للمصاريف اللي يمكن تكسر ضهر عيلتو...... اي احسن انو نتركه يعيش بالالم هالايام اللي بقيانتلو او انو نسمح بالموت الرحيم بهيك حالة وهيك بنخليه يرتاح من الالم؟؟

هلأ بعرف انو الموضوع حساس لكتير منكن وبتمنى انو يكون النقاش بعيد عن الدين..... يعني يكون من النواحي الانسانية او القانونية :D

من جهة حساس اكيد ...بس يعني كيف بدي قللك ماتواخذيني على هالكلمة :

اذا شفت الاعمى تركو مانك ارحم من ربوو (هو انا غيرت كلمة لانو يمكن البعض مايفهمها )

Reemi

30/09/2006, 11:45

:cry:
اول شي انا بأمن انو في علاج لكل شي .. ما دام العلاج الاول هوي الارداة...

بس اذا وصل الموضوع انو مثلا عايش فيه بس الدماغ..وهوي متألم وبقراره وهيك حالات خاصة يعني .. انا مع الموت الرحيم...مع الاسف:cry:

hanny dagher

30/09/2006, 11:58

لقول رايي بالموضوع وبعدين بدي احكي قصة صارت مع واحد من معارفنا
رايي انا ضد القتل الرحيم باي شكل من الاشكال لانه انهاء لحياة الشخص ان كان بعدم موافقتو فهوي جريمة قتل وان كان بموافقتو فهوي انتحار وانا ضد التنتين

هادا واحد من معارفنا تصاوب بطلق براسو واستقرت الرصاصة بالدماغ وما قدرو يطالعولو ياها صار متل الميت بس بيفتح عيونو ووبيتنفس بس مو وعيان شو في حواليي مو وعيان مين بيحكي ما بيميز شي بحالة سكون كاملة
الدكاترة فقدو الامل نهائي منو انو ينجى من هالحادثة وكتير اقترحو على اهلو الموت الرحيم بس ما كانو اهلو يرضو كان خيو يقول لو بدو يكلفني كل المصاري اللي معي ما رح اتركو وبدي عالجو لو شو ما بدو

اخر شي سمعتو انو حالتو تحسنت صار بيسمع وبيحكي وبيتحرك حركات بسيطة وحالتو بتحسن ملحوظ

يعني لو قاتلينو من اول كانو حرمو علي فرصة الشفاء
فلهيك برجع بقول رايي بطريقة تانية انو الواحد ياخد فرصتو بالحياة للاخير ان كان مريض وان كان مو مريض وبدون ما حاد يتدخل فيها وما بيعرف الواحد شو بيصير معو

ملاحظة (نقطتين فوق بعض :? ) حاسس الرد محشش بس ما تواخزوني عم اكتبو قبل ما قوم على النوم

فلاش باك

30/09/2006, 12:43

فعلا موضوعك صعب
بس انو موضوع الموت الرحيم مشكلة كبيرة وعويصة يعني نحنا بأغلب الاحيان عاطفيين يعني ممكن يكون في عنا حالة من هالنوع انو شخص مريض وخاصة اذا كان كبير بالعمر وعم يتعذب انو يموت ولا مايموت ؟
في ناس بتقول انو ياعمي خليه بالغرفة على القليلة انو عم نشوفو وعم نسمع نفسه وفي ناس بتقلك خليه يموت مشان يرتاح ومنزعل كم يوم بعدين بيمشي الحال لأنو اولتا وأخرتا بدو يموت فلاء يموت من هلئ احسن مشانو
وطبعا في شغلة مهمة بتلعب دور بالموضوع انو اذا كان المريض مصاب بداء مافي منو علاج وطبعا اذا كان المريض كبير بالعمر يعني

بس انا صراحة مو مع الموت الرحيم

امرأة من ورق

30/09/2006, 13:03

الموت الرحيم ربما هي سلب الشخص حياته

الحياة والموت بيد الله عز وجل
وكثير ما سمعنا ان اشخاص فاقدي الحياة ولكن بارادة الله عاشوا ربما اكثر من الذي عالجهم او من قرر ان لا حياة لهم
وجميع من التشريعات السماورية او التشريعي الذي وضعه الانسان لا تقر بالموت الرحيم

شكرا كتير على مرورك:D

هلأ مارح احكي من ناحية التشريعات السماوية لانو بس فتنا بالنقاش من وجهة نظر دينية رح يتحول النقاش لحرب ومسبات لذلك بتمنى انو ماحدا يرجع يدخل بالحكي من الناحية الدينية :D

اما منشان التشريعات اللي وضعها الانسان بحب قلك انو في تشريعات أقرت الموت الرحيم واعتبرتو عمل شرعي متل هولندا

امرأة من ورق

30/09/2006, 13:07

من جهة حساس اكيد ...بس يعني كيف بدي قللك ماتواخذيني على هالكلمة :

اذا شفت الاعمى تركو مانك ارحم من ربوو (هو انا غيرت كلمة لانو يمكن البعض مايفهمها )

شكرا blue sky عالمرور :D
وووووووووو لاتعليق

امرأة من ورق

30/09/2006, 13:08

:cry:
اول شي انا بأمن انو في علاج لكل شي .. ما دام العلاج الاول هوي الارداة...

بس اذا وصل الموضوع انو مثلا عايش فيه بس الدماغ..وهوي متألم وبقراره وهيك حالات خاصة يعني .. انا مع الموت الرحيم...مع الاسف:cry:

:cry: :cry: :cry: :cry:

وانا متلك :cry:

شكرا ريمي:D

امرأة من ورق

30/09/2006, 13:12

لقول رايي بالموضوع وبعدين بدي احكي قصة صارت مع واحد من معارفنا
رايي انا ضد القتل الرحيم باي شكل من الاشكال لانه انهاء لحياة الشخص ان كان بعدم موافقتو فهوي جريمة قتل وان كان بموافقتو فهوي انتحار وانا ضد التنتين

هادا واحد من معارفنا تصاوب بطلق براسو واستقرت الرصاصة بالدماغ وما قدرو يطالعولو ياها صار متل الميت بس بيفتح عيونو ووبيتنفس بس مو وعيان شو في حواليي مو وعيان مين بيحكي ما بيميز شي بحالة سكون كاملة
الدكاترة فقدو الامل نهائي منو انو ينجى من هالحادثة وكتير اقترحو على اهلو الموت الرحيم بس ما كانو اهلو يرضو كان خيو يقول لو بدو يكلفني كل المصاري اللي معي ما رح اتركو وبدي عالجو لو شو ما بدو

اخر شي سمعتو انو حالتو تحسنت صار بيسمع وبيحكي وبيتحرك حركات بسيطة وحالتو بتحسن ملحوظ

يعني لو قاتلينو من اول كانو حرمو علي فرصة الشفاء
فلهيك برجع بقول رايي بطريقة تانية انو الواحد ياخد فرصتو بالحياة للاخير ان كان مريض وان كان مو مريض وبدون ما حاد يتدخل فيها وما بيعرف الواحد شو بيصير معو

ملاحظة (نقطتين فوق بعض :? ) حاسس الرد محشش بس ما تواخزوني عم اكتبو قبل ما قوم على النوم

هلأ حكيك كتير حلو
بس متل مافهمت من قصة هاد الشب انو كان مو وعيان..... بكلمة تانية ماكانو اهلو عم يشوفوه وهوي بحالة الم لاتحتمل وهوي كمان ماكان حاسس بالم..... بس لو كان واعي وحاسس بالم كتير قوي وبنفس الوقت بيعرف انو مافي مجال يرتاح من ألمو غير بالموت ماكان اختلف الوضع؟؟؟
ونوم العوافي
:D

امرأة من ورق

30/09/2006, 13:14

فعلا موضوعك صعب
بس انو موضوع الموت الرحيم مشكلة كبيرة وعويصة يعني نحنا بأغلب الاحيان عاطفيين يعني ممكن يكون في عنا حالة من هالنوع انو شخص مريض وخاصة اذا كان كبير بالعمر وعم يتعذب انو يموت ولا مايموت ؟
في ناس بتقول انو ياعمي خليه بالغرفة على القليلة انو عم نشوفو وعم نسمع نفسه وفي ناس بتقلك خليه يموت مشان يرتاح ومنزعل كم يوم بعدين بيمشي الحال لأنو اولتا وأخرتا بدو يموت فلاء يموت من هلئ احسن مشانو
وطبعا في شغلة مهمة بتلعب دور بالموضوع انو اذا كان المريض مصاب بداء مافي منو علاج وطبعا اذا كان المريض كبير بالعمر يعني

بس انا صراحة مو مع الموت الرحيم

شكرا كتير فلاش باك :D

الإمبراطور

30/09/2006, 14:13

أول شيء : القتل الرحيم هو يأس من رحمة الله
هو رفض لتجربة سمح بها الله
و هو قتل "لا تقتل" و لا إستثناء

امرأة من ورق

30/09/2006, 14:22

أول شيء : القتل الرحيم هو يأس من رحمة الله
هو رفض لتجربة سمح بها الله
و هو قتل "لا تقتل" و لا إستثناء

مابعرف ليش حاسستك معصب
روق اذا كنت معصب
بكل الاحوال اهلا وسهلا فيك:D

فراشة

30/09/2006, 14:53

رايي انا ضد القتل الرحيم باي شكل من الاشكال لانه انهاء لحياة الشخص ان كان بعدم موافقتو فهوي جريمة قتل وان كان بموافقتو فهوي انتحار وانا ضد التنتين

انا رأيي من رأي هاني تمام وبعتقد انو المفروض انو دايما يكون في عنا امل بالشفاء وانو تتحسن حالة المريض ... يعني نعيش شوي على الامل

ري مي

01/10/2006, 02:59

هلق وإذا يعني الانسان عانى بحياتو
ما كل هالدني هيك وقفت على اخر لحظات الحياة
يعني برأيكون اذا الواحد مو مريض جسديا وما عم يحتضر يعني ما في شي 1000 شغلة بتمقتوا بالنهار القصير
وكل ما انمقت بدو يفكر بالموت شغلة والله
بقا عادي يمكن هالمريض يصح بعدين لانو مو خالص عمرو لسا ويمكن مرضو ياخد منه عبره لبعدين
ويمكن هالمريض يموت لحالو يعني وهيك بيكون احسن لانو اذا صح رح يرجع ينمقت بسبعمية شغلة
وهيك
بقا انا ضد القتل الرحيم

امرأة من ورق

01/10/2006, 09:56

انا رأيي من رأي هاني تمام وبعتقد انو المفروض انو دايما يكون في عنا امل بالشفاء وانو تتحسن حالة المريض ... يعني نعيش شوي على الامل

شكرا كتير فراشة :D

الامل حلو بس احيانا بينقطع تماما :cry:

امرأة من ورق

01/10/2006, 09:59

هلق وإذا يعني الانسان عانى بحياتو
ما كل هالدني هيك وقفت على اخر لحظات الحياة
يعني برأيكون اذا الواحد مو مريض جسديا وما عم يحتضر يعني ما في شي 1000 شغلة بتمقتوا بالنهار القصير
وكل ما انمقت بدو يفكر بالموت شغلة والله
بقا عادي يمكن هالمريض يصح بعدين لانو مو خالص عمرو لسا ويمكن مرضو ياخد منه عبره لبعدين
ويمكن هالمريض يموت لحالو يعني وهيك بيكون احسن لانو اذا صح رح يرجع ينمقت بسبعمية شغلة
وهيك
بقا انا ضد القتل الرحيم

شكرا كتير ري مي :D
بس انت عم تحكي عن مشاكل مهما كبرت بتضل صغيرة جنب مرض وألم مابيحتمل ومافي معو اي احتمال للشفاء...... يعني اللي بدو يفكر بالموت بسبب شوية مشاكل احتمال كبير بتنحل او اذا مابتنحل ببساطة فيه يدير وجهو عنها ويفكر بنواحي تانية بالحياة هاد مابيستاهل الحياة اصلا...... اما لما بيعجز الانسان عن اي شي بسبب مرض مافي منو شفاء ابدا وقتها بيصير حكي تاني;-)

hanny dagher

01/10/2006, 11:12

هلأ حكيك كتير حلو
بس متل مافهمت من قصة هاد الشب انو كان مو وعيان..... بكلمة تانية ماكانو اهلو عم يشوفوه وهوي بحالة الم لاتحتمل وهوي كمان ماكان حاسس بالم..... بس لو كان واعي وحاسس بالم كتير قوي وبنفس الوقت بيعرف انو مافي مجال يرتاح من ألمو غير بالموت ماكان اختلف الوضع؟؟؟
ونوم العوافي
:D

هلأ حكيك في شي مزبوط بس انسان وصل لمرحلة الموت او فيكي تقول مات بس عم يتنفس واهلو شايفينو بهالحالة بعتقد انو فيها الم كبير لاهلو يعني شايفين ابنن بهالوضع هادا وما عم يقدرو يساوو شي فبعض العالم بتقلك انو اي خيو خلص ميت وميت منقتلو قتل رحيم (ما بحب تسمية هالعملية قتل رحيم بتضل كلمة قتل قاسية شوي بحب تسميتو موت رحيم اخف حدة بس مو بكتير ) اي فبيقولوك خلي يموت موت رحيم احسن ما يضل بهالحالة هيك

انا باعتقادي ما في مرض ما الو علاج لكن ممكن يتاخر علاجو لحتى يكتشف بس المشكلة انو ما بتعرفي ايمت بيكشفو علاج لهالمرض
يعني مثلا واحد مريض بالسرطان وعم يتعزب كل نهار واهلو شايفينو ولنقول نوع السرطان اللي هوي مصاب في ما الو علاج وقررو اخر الشي انو يموتو موت رحيم واجا تاني نهار اكتشفو دوا لهالنوع هادا من السرطان شو رح تكون ردة فعل اهلو ؟

عرفتي عليي ليش انا ضد الموت الرحيم

امرأة من ورق

01/10/2006, 11:42

هلأ حكيك في شي مزبوط بس انسان وصل لمرحلة الموت او فيكي تقول مات بس عم يتنفس واهلو شايفينو بهالحالة بعتقد انو فيها الم كبير لاهلو يعني شايفين ابنن بهالوضع هادا وما عم يقدرو يساوو شي فبعض العالم بتقلك انو اي خيو خلص ميت وميت منقتلو قتل رحيم (ما بحب تسمية هالعملية قتل رحيم بتضل كلمة قتل قاسية شوي بحب تسميتو موت رحيم اخف حدة بس مو بكتير ) اي فبيقولوك خلي يموت موت رحيم احسن ما يضل بهالحالة هيك

انا باعتقادي ما في مرض ما الو علاج لكن ممكن يتاخر علاجو لحتى يكتشف بس المشكلة انو ما بتعرفي ايمت بيكشفو علاج لهالمرض
يعني مثلا واحد مريض بالسرطان وعم يتعزب كل نهار واهلو شايفينو ولنقول نوع السرطان اللي هوي مصاب في ما الو علاج وقررو اخر الشي انو يموتو موت رحيم واجا تاني نهار اكتشفو دوا لهالنوع هادا من السرطان شو رح تكون ردة فعل اهلو ؟

عرفتي عليي ليش انا ضد الموت الرحيم

اي عرفت عليك ليش..... بس بشكل عام الموت الرحيم (متل مو انت حابب تسميه وهي تسمية فعلا الطف) المهم انو الموت الرحيم بيصير عموما لما بيوصل المرض لمرحلة كتير متقدمة وبيكون صار الانسان عاجز تماما ومابقيلو غير شغلة اسابيع من الالم بهي الحياة...... وبظن انو خلال اسابيع مارح يلاقو علاج او اذا لقوه فاكيد بدو فترة تجريب ومارح يكون جاهز للاستعمال البشري خلال هيك فترة..... يعني فعلا بيكون بطل فيه امل لالو :cry:

ومابتصور في شخص سمع اليوم انو معو مرض متل السرطان وبنفس اليوم فورا رح يطالب بالموت الرحيم ورح يضل عايش فترة طويلة عالامل بس رح يوصل لفترة ينفقد فيها هالامل لما بتضللو فترة حياة قصيرة وغير كافية لاكتشاف الدوا وتجريبو ولما بكون المرض صار كتير مستشري بجسمو يعني انو ماضل محدود مثلا بعضو واحد من الجسم بالاضافة للألم اللي بكتير حالات بتبطل حتى اقوى المسكنات انو تنهيه...... وهون بتبلش المطالبة بالموت الرحيم لانو فعلا ماضل في أمل ابدا وماضل غير الألم:cry:

hanny dagher

01/10/2006, 11:55

اي عرفت عليك ليش..... بس بشكل عام الموت الرحيم (متل مو انت حابب تسميه وهي تسمية فعلا الطف) المهم انو الموت الرحيم بيصير عموما لما بيوصل المرض لمرحلة كتير متقدمة وبيكون صار الانسان عاجز تماما ومابقيلو غير شغلة اسابيع من الالم بهي الحياة...... وبظن انو خلال اسابيع مارح يلاقو علاج او اذا لقوه فاكيد بدو فترة تجريب ومارح يكون جاهز للاستعمال البشري خلال هيك فترة..... يعني فعلا بيكون بطل فيه امل لالو :cry:

ومابتصور في شخص سمع اليوم انو معو مرض متل السرطان وبنفس اليوم فورا رح يطالب بالموت الرحيم ورح يضل عايش فترة طويلة عالامل بس رح يوصل لفترة ينفقد فيها هالامل لما بتضللو فترة حياة قصيرة وغير كافية لاكتشاف الدوا وتجريبو ولما بكون المرض صار كتير مستشري بجسمو يعني انو ماضل محدود مثلا بعضو واحد من الجسم بالاضافة للألم اللي بكتير حالات بتبطل حتى اقوى المسكنات انو تنهيه...... وهون بتبلش المطالبة بالموت الرحيم لانو فعلا ماضل في أمل ابدا وماضل غير الألم:cry:

معناتا ما عرفتي عليي ليش
انا ما عم قول راح يطالب بنفس النهار بالموت الرحيم
بس قلتلك انا بآمن انو ما في شي ما الو دوا هلأ ممكن يكون دوا طبيعي ممكن يكون دوا صنعي يعني مواد كيميائية

يعني برجع بقلك هالزلمي عرف انو بقيلو كم اسبوع بعد فترة طويلة مع المرض (لانو حسب جملتك انو ما رح يطالب باول نهار معناتا في فترة طويلة ) متأمل فيها انو رح يكون في دوا اكيد بيقلك اللي تحمل هالفترة بيتحمل هالكم اسبوع الباقيين بلكي بيصير شي حتى لو وصلت درجة المو لدرجة كبيرة بس ما في حدا بيحب يموت بيضل متعلق بقشة انو لنقول سمع خبر على التلفزيون انو وصلو العلماء لعلاج لمرضو انو بتحسي خلص تجدد املو
برجع بقلك ممكن انتي تموتي موت رحيم من هون وتاني نهار يكون في دوا لمرضو مجرب وجاهز ومعمول علي دراسات واثبت فعالية بعلاج هادا المرض لمرحلة متطورة جدا هيك بتكوني روحتي على المريض فرصة بالعلاج وخسرتي شخص غالي عليكي هيك صدمتك والمك رح يكون اكبر

الإمبراطور

01/10/2006, 12:15

مابعرف ليش حاسستك معصب
روق اذا كنت معصب
بكل الاحوال اهلا وسهلا فيك:D

و الله ما معصب و الله يسلمك !!! :D

sezar

01/10/2006, 12:21

ما حدا بيعيش حياة غير يلي بيستاهلا و بموت بالطريقة يلي بيستاهلا

marioma alghzayala

01/10/2006, 13:50

:cry:
اول شي انا بأمن انو في علاج لكل شي .. ما دام العلاج الاول هوي الارداة...

بس اذا وصل الموضوع انو مثلا عايش فيه بس الدماغ..وهوي متألم وبقراره وهيك حالات خاصة يعني .. انا مع الموت الرحيم...مع الاسف:cry:

اي وانا هيك رايي ....:cry: ..مع انو انا عندي قناعة (الله اللي خلق الروح والله اللي بياخدا)

هللأ بجوز يعتبروا البعض انها جريمة وما بعرف شو ..بس انو اخرتو رح يموت :cry: ..وهيك عم يوفر عليه عذاب وتعب والخ....وهالشغل بترجع لوضع الشخص وعيلتو باتخاذ القرار ...

وشكرا لالك امراة من ورق ..:D

ري مي

01/10/2006, 13:51

ما حدا بيعيش حياة غير يلي بيستاهلا و بموت بالطريقة يلي بيستاهلا
يا امرأة من ورق :D انا من راي سيزار لهيك قلتلك انو واذا يعني اذا عانى اللانسان قبل موتو
ما حدا بياخد غير اللي مستاهلو
وبعدين مين قال انو المرض الجسدي هوي اصعب شي
حبيبتي في اشيا كتير اصعب منه متل فقدان الاهل والابناء تخيلي انسان وحيد ما عندو حدا وما عندو رفقات بالهالزمن المادي لشو عيشتو
متل انو الواحد ينحرم من المشي مثلا ويكون مقعد
متل فقدان الكرامة .......
ما بعرف بالنهاية هي وجهة نظري و بتختلف الآراء:D :D :D :D

امرأة من ورق

01/10/2006, 13:52

معناتا ما عرفتي عليي ليش
انا ما عم قول راح يطالب بنفس النهار بالموت الرحيم
بس قلتلك انا بآمن انو ما في شي ما الو دوا هلأ ممكن يكون دوا طبيعي ممكن يكون دوا صنعي يعني مواد كيميائية

يعني برجع بقلك هالزلمي عرف انو بقيلو كم اسبوع بعد فترة طويلة مع المرض (لانو حسب جملتك انو ما رح يطالب باول نهار معناتا في فترة طويلة ) متأمل فيها انو رح يكون في دوا اكيد بيقلك اللي تحمل هالفترة بيتحمل هالكم اسبوع الباقيين بلكي بيصير شي حتى لو وصلت درجة المو لدرجة كبيرة بس ما في حدا بيحب يموت بيضل متعلق بقشة انو لنقول سمع خبر على التلفزيون انو وصلو العلماء لعلاج لمرضو انو بتحسي خلص تجدد املو
برجع بقلك ممكن انتي تموتي موت رحيم من هون وتاني نهار يكون في دوا لمرضو مجرب وجاهز ومعمول علي دراسات واثبت فعالية بعلاج هادا المرض لمرحلة متطورة جدا هيك بتكوني روحتي على المريض فرصة بالعلاج وخسرتي شخص غالي عليكي هيك صدمتك والمك رح يكون اكبر

اسفة هاني بس مافيي عم اقتنع بكلامك الاخير
يعني حدا معو مرض مستعصي اكيد رح يكون متابع كل اخبار علاج هيك مرض ورح يكون عم يحاول انو يشوف الاطباء اللي معنيين بعلاج هيك مرض ومتابعين كمان اخر الاخبار...... واكيد اول اختراع دوا مارح يبلشو الاطباء باستعمالو بشريا بين يوم والتاني يعني بين ماتطلع اول فكرة لهيك علاج وبين مايتجرب وتنعمل عليه الدراسات ويبدأ استعمالو بشريا اكيد مارح تصير خلال اسبوع او شهر او شهرين....... وبالتالي لما بيكون الشخص مثلا باقيلو شهر او شهرين بالحياة وطلعت فكرة علاج رح يكون عطانا عمرو بين مابلش تطبيق العلاج:(

امرأة من ورق

01/10/2006, 13:54

ما حدا بيعيش حياة غير يلي بيستاهلا و بموت بالطريقة يلي بيستاهلا

اسفة سيزار بس ممكن توضح شوي اكتر شو قصدك بالضبط :D

امرأة من ورق

01/10/2006, 13:55

اي وانا هيك رايي ....:cry: ..مع انو انا عندي قناعة (الله اللي خلق الروح والله اللي بياخدا)

هللأ بجوز يعتبروا البعض انها جريمة وما بعرف شو ..بس انو اخرتو رح يموت :cry: ..وهيك عم يوفر عليه عذاب وتعب والخ....وهالشغل بترجع لوضع الشخص وعيلتو باتخاذ القرار ...

وشكرا لالك امراة من ورق ..:D

شكرا كتير مريوما :D

امرأة من ورق

01/10/2006, 14:07

يا امرأة من ورق :D انا من راي سيزار لهيك قلتلك انو واذا يعني اذا عانى اللانسان قبل موتو
ما حدا بياخد غير اللي مستاهلو
وبعدين مين قال انو المرض الجسدي هوي اصعب شي
حبيبتي في اشيا كتير اصعب منه متل فقدان الاهل والابناء تخيلي انسان وحيد ما عندو حدا وما عندو رفقات بالهالزمن المادي لشو عيشتو
متل انو الواحد ينحرم من المشي مثلا ويكون مقعد
متل فقدان الكرامة .......
ما بعرف بالنهاية هي وجهة نظري و بتختلف الآراء:D :D :D :D

اول شي عندي تعليق انو ماحدا بياخد غير اللي بيستاهلو..... يعني المريض اللي عم يتألم بيكون بيستاهل الألم؟؟:? مابعرف ليش حسيت انو هالفكرة فيها ظلم كتير للمريض..... انو ممكن يكون انسان سكرة وبيجنن ومن احسن الشخصيات اللي مرت عالبشرية بس يمرض يعني هاد بيستاهل يعيش ايام بالألم....... مابعرف يمكن انا فهمت هالنقطة غلط ولهي طلبت من سيزار يوضحها اكتر

والنقطة التانية انو انا ماقلت انو المرض الجسدي العادي اللي بيمر على كل البشر هوي اصعب شي..... بالعكس هاد شي كتير بسيط جنب المشاكل التانية...... بس لما بيوصل المرض بالانسان للعجز انو مثلا مانو قادر ياكل او يشرب او يطلع عالحمام إلا بمساعدة شي شخص تاني ويكون عرفان انو رح يقضي كل عمرو اللي بقى على هي الحالة هاد هوي المرض الصعب يعني رح يكون هاد بحد ذاتو فقدان لشي من الكرامة وهون رح يكون انسان عاجز عن كلشي بالدنيا من عمل ومن كلشي ...... وعند درجة من المرض من هاد وقتها ممكن الانسان يطالب بالموت الرحيم لانو صارت حياتو عبارة عن ألم جسدي بالاضافة لاتكال عالاخرين بكل شي وحتى الموت

وشكرا كتير على رأيك:D

tiger

01/10/2006, 14:34

ماني عم غير الموضوع بس حدا شاف فيلم :
( Million Dollar baby ) بظن أنو متصل مباشرة بالموضوع ياللي عم نحكي عنه ....
وبيعطي غير رؤية وبعد للموت الرحيم .....
بكل الأحوال برجع بقول كل حالة هي حالة خاصة والحل تبعها ما بينطبق على غيرها ......
بس فعلا بنصح الكل يشوفو الفيلم لأنو فعلا أكتر من رائع .....

Lady in Red

01/10/2006, 14:49

أنا مع القتل الرحيم إذا كان المريض في حالة غيبوبة و غير واعٍ أو على طلبه هو

و شكراً على طرح هل فكرة لأنها كتير مهمة

امرأة من ورق

01/10/2006, 14:52

ماني عم غير الموضوع بس حدا شاف فيلم :
( Million Dollar baby ) بظن أنو متصل مباشرة بالموضوع ياللي عم نحكي عنه ....
وبيعطي غير رؤية وبعد للموت الرحيم .....
بكل الأحوال برجع بقول كل حالة هي حالة خاصة والحل تبعها ما بينطبق على غيرها ......
بس فعلا بنصح الكل يشوفو الفيلم لأنو فعلا أكتر من رائع .....

للأسف ماشفت الفلم بس راح حاول احصل عليه باقرب فرصة وشوفو...... وشكرا عالفكرة تايغر:D

واكيد كل حالة هيي حالة خاصة ومابيصير نعمم حكينا على كل الحالات :D

امرأة من ورق

01/10/2006, 14:56

أنا مع القتل الرحيم إذا كان المريض في حالة غيبوبة و غير واعٍ أو على طلبه هو

و شكراً على طرح هل فكرة لأنها كتير مهمة

شكرا كتير الك ليدي ان رد:D

فيروزة

01/10/2006, 16:39

شو رأيكن بحياة شخص مريض ووصل لدرجة من المرض انو صار عاجز تماما وعم يتألم ليل نهار وعارف انو مستحيل يكون في علاج لمرضه يعني رح يضل طول عمره (اللي صار قصير) عايش بالالم وبدون اي امل بالاضافة للمصاريف اللي يمكن تكسر ضهر عيلتو...... اي احسن انو نتركه يعيش بالالم هالايام اللي بقيانتلو او انو نسمح بالموت الرحيم بهيك حالة وهيك بنخليه يرتاح من الالم؟؟

هلأ بعرف انو الموضوع حساس لكتير منكن وبتمنى انو يكون النقاش بعيد عن الدين..... يعني يكون من النواحي الانسانية او القانونية :D
إذا كان القتل بدافع الرحمة يعني إنهاء حياة إنسان أو مساعدته على الموت فالأديان بتحرم هاد الشي
الموت هو من حق الله
وبعدين في مئات مئات الحالات من المرضى الميؤوس من شفائهم قد مـنَّ الله عليهم بالشفاء وعاشو سنوات طويلة
بس فالنفرض أنو في أشخاص عندهم حالات مستحيلة الشفاء وعم يتألمو كتير فإن الله أعلم بحالهم

tiger

01/10/2006, 16:47

إذا كان القتل بدافع الرحمة يعني إنهاء حياة إنسان أو مساعدته على الموت فالأديان بتحرم هاد الشي
الموت هو من حق الله
وبعدين في مئات مئات الحالات من المرضى الميؤوس من شفائهم قد مـنَّ الله عليهم بالشفاء وعاشو سنوات طويلة
بس فالنفرض أنو في أشخاص عندهم حالات مستحيلة الشفاء وعم يتألمو كتير فإن الله أعلم بحالهم

هلا امرأة من ورق طلبت انو ما نخلط الدين ....!!!!

طيب بقلك هية بطريقة تانية :
الملحد أو المؤمن بدين ما فيو شي اسمو الله .....
بينطبق عليه الحكي تبعك ?? ....

امرأة من ورق

01/10/2006, 17:44

إذا كان القتل بدافع الرحمة يعني إنهاء حياة إنسان أو مساعدته على الموت فالأديان بتحرم هاد الشي
الموت هو من حق الله
وبعدين في مئات مئات الحالات من المرضى الميؤوس من شفائهم قد مـنَّ الله عليهم بالشفاء وعاشو سنوات طويلة
بس فالنفرض أنو في أشخاص عندهم حالات مستحيلة الشفاء وعم يتألمو كتير فإن الله أعلم بحالهم

للمرة يمكن الرابعة بالموضوع رح اطلب انو مانحكي الرأي الديني بالموضوع وهاد مو تقليل من احترام او اهمية الرأي الديني بس لسببين الاول انو رأي الدين معروف وبالتالي طرحو كمان مرة مارح يكون زاد شي جديد عالموضوع والسبب التاني انو مجرد مادخلنا بالحكي عن الدين رح تبلش المشاكل بالموضوع ورح تبلش المسبات و البهادل متل ماتعودنا بكل المواضيع اللي تحولت لدينية هون بالاخوية وهاد شي رح يضر بالحوار بالموضوع
بتمنى تكون وصلت الفكرة

بكل الاحوال شكرا فيروزة عالمرور :D

امرأة من ورق

01/10/2006, 17:48

هلا امرأة من ورق طلبت انو ما نخلط الدين ....!!!!

طيب بقلك هية بطريقة تانية :
الملحد أو المؤمن بدين ما فيو شي اسمو الله .....
بينطبق عليه الحكي تبعك ?? ....

رجاء تايغر نوقف نحكي بالدين :cry:

بس بلشنا بالحكي من هي النقطة رح يبلش الخبيط ورح نضطر نسكر الموضوع وانا حابة نكمل فيه لسه اذا في مجال:D

blue rose

01/10/2006, 18:07

انا ضد القتل الرحيم بجميع اشكاله لانو اذا بموافقة المريض فهو انتحار واذا بعدم موافقته فهو قتل

هلأ اذا قلنا انو كل واحد بدو يحس بوجع بروح ماخد حياتو اصبح كل الناس بتمنوا هيك وشو يقولو يللي مرضانين بالسرطان بيحسو باوجاع رهيبة وانا شايفة الشغلة عن قريب مو بحكي بس ...

وتا قلك شغلة صايرة مع واحدة قريبتي مرضت مرضة عادية يعني رشح وكحة وهيك وانتقلت تا صار عندها مشاكل بالرئات وبالقلب وقعدت شي شهر بالمستشفى وهي مرة بتصحى عن حالها ومرة لا واكيد كانت تحس باوجاع مانا طبيعية واقترحوا علينا ناس نعمل هالشي مع انو ممنوع قانونيا عنا حتى انو في يوم وقف القلب عندها وضلوا يحيوا فيها لمدة نص ساعة تا عاشت كمان مرة .....

هلأ انا جبت هالشغلة تا قلك انو ما في شي مستحيل صحيح انو في معقول وغير معقول بس ممكن بالمرة اللي بيقرروا فيها يموتوا المريض يكون في عندو فرصة بس بالاخير انا بامن انو كل انسان بعيش حياتو يعني لو انو اجت الدقيقة يللي بدو يموت رايح يموت ....

بقا بالاخر انا ما بامن بالقتل الرحيم وتسلمي على الموضوع المثير :D

إنسان وبس

01/10/2006, 18:10

انا ضد القتل بكافة اشكاله رحيم ورجيم

امرأة من ورق

01/10/2006, 18:17

انا ضد القتل الرحيم بجميع اشكاله لانو اذا بموافقة المريض فهو انتحار واذا بعدم موافقته فهو قتل

هلأ اذا قلنا انو كل واحد بدو يحس بوجع بروح ماخد حياتو اصبح كل الناس بتمنوا هيك وشو يقولو يللي مرضانين بالسرطان بيحسو باوجاع رهيبة وانا شايفة الشغلة عن قريب مو بحكي بس ...

وتا قلك شغلة صايرة مع واحدة قريبتي مرضت مرضة عادية يعني رشح وكحة وهيك وانتقلت تا صار عندها مشاكل بالرئات وبالقلب وقعدت شي شهر بالمستشفى وهي مرة بتصحى عن حالها ومرة لا واكيد كانت تحس باوجاع مانا طبيعية واقترحوا علينا ناس نعمل هالشي مع انو ممنوع قانونيا عنا حتى انو في يوم وقف القلب عندها وضلوا يحيوا فيها لمدة نص ساعة تا عاشت كمان مرة .....

هلأ انا جبت هالشغلة تا قلك انو ما في شي مستحيل صحيح انو في معقول وغير معقول بس ممكن بالمرة اللي بيقرروا فيها يموتوا المريض يكون في عندو فرصة بس بالاخير انا بامن انو كل انسان بعيش حياتو يعني لو انو اجت الدقيقة يللي بدو يموت رايح يموت ....

بقا بالاخر انا ما بامن بالقتل الرحيم وتسلمي على الموضوع المثير :D

شكرا كتير الك blue rose:D

وهي اكيد لما بنحكي عن الموت الرحيم بنكون عم نحكي عن اشخاص معون سرطان او مرض من هالنوع التقيل هاد وبحالة كتير متأخرة من المرض يعني لما بيبطل يكون في امل :cry:

50cent

01/10/2006, 18:21

انا مع القتل الرحيم بجميع انواعه
ولماذا سموه قتل رحيم؟ :?:
هذا السؤال موجهه للي ضد الفكره

امرأة من ورق

01/10/2006, 18:23

انا ضد القتل بكافة اشكاله رحيم ورجيم

شكرا كتير انسان وبس على رأيك :D

امرأة من ورق

01/10/2006, 18:30

انا مع القتل الرحيم بجميع انواعه
ولماذا سموه قتل رحيم؟ :?:
هذا السؤال موجهه للي ضد الفكره

سؤال ذكي وحلو وانا بانتظار انو حدا من معارضين الفكرة يجاوب عليه
شكرا الك :D

إنسان وبس

01/10/2006, 18:32

شكرا كتير انسان وبس على رأيك :D
لا شكر على الواجب
يا صديقتي لو نظرنا للجملة رح نشوف انو عبارة القتل الرحيم فيها الكثير من التناقض
القتل يعني العدم وهالشي قبيح
والرحيم ما بدها تعريف
اما عن سبب بروز هالظاهرة في البلدان الغربية ومتل ما سعمت قانون هولندا بيسمح بالقتل الرحيم السبب هو باعتقادي الحكومة مصاريف العلاج وتكاليفو الباهظة بترهق خزانة الدولة
اما لو قلنا انو المريض هو عم يوافق على قتل نفسه طبعا بعد يئس الاطباء من شفائه فهاد اسمه انتحار لكن بطريقة واسلوب مغلف بشوية انسانية على اساس
القتل الرحيم في مهنة الطب ما في ولا يوجد وخلينا نراجع قسم الاطباء لما بيتخرجوا

امرأة من ورق

01/10/2006, 18:44

لا شكر على الواجب
يا صديقتي لو نظرنا للجملة رح نشوف انو عبارة القتل الرحيم فيها الكثير من التناقض
القتل يعني العدم وهالشي قبيح
والرحيم ما بدها تعريف
اما عن سبب بروز هالظاهرة في البلدان الغربية ومتل ما سعمت قانون هولندا بيسمح بالقتل الرحيم السبب هو باعتقادي الحكومة مصاريف العلاج وتكاليفو الباهظة بترهق خزانة الدولة
اما لو قلنا انو المريض هو عم يوافق على قتل نفسه طبعا بعد يئس الاطباء من شفائه فهاد اسمه انتحار لكن بطريقة واسلوب مغلف بشوية انسانية على اساس
القتل الرحيم في مهنة الطب ما في ولا يوجد وخلينا نراجع قسم الاطباء لما بيتخرجوا

هلأ اكيد العبارة للوهلة الاولى رح تحس فيها تناقض بين القتل وبين الرحمة
بس لما بتفكر بالموضوع بشكل اكتر وبحالة المريض اللي رح يطلب هيك شي رح تشوف انو حالتو واصلة لدرجة الموت بالحياة يعني انسان بالغالب وصل لدرجة العجز المطلق او شبه المطلق وماعاد قادر ينتج اي شئ او يعمل اي شي حتى ابسط الامور متل انو ياكل او يشرب بدون مساعدة حدا وضيف عليها الآلام الجسدية الفظيعة اللي عم يحس فيها بتشوف انو هيك شخص وصل لحالة اسوء من العدم وهي الألم وبس الألم :cry:
يعني بظن انو بس تفكر فيها هيك مارح تشوف الموت هون انو عدم...... بالعكس هوي رياحة

بكل الاحوال انا هاد رأيي الشخصي ومرحبا فيك وبرأيك:D