القتل الرحيم [الأرشيـــــف] - صفحة 4

صفحات : 1 2 3 [4]

Abu ToNi

04/10/2006, 16:06

طيب وشو عرفك انها نفس بريئة:lol:
عم امزح
انا بالنسبة الي مالي قلب خلصه من العذاب بايدي لاني رح ضل اتعذب بقية عمري

بس بعتقد ان منظر شخص عبيتعذب قدامك ومانك قادرة تساعديه ابشع بكتير من تانيب الضمير

لانه بالآخر انت مقتنعة ان الشخص القاعد قدامك عبيتعذب على الفاضي ونهايته الموت بدون أدنى شك بهاي الحالة بفضل اني اقطع عنه الأوكسجين بايدي احسن ما تبقى صورته وهو معذب مطبوعة بذاكرتي إلى ابد الآبدين :pos: :D

امرأة من ورق

04/10/2006, 18:22

هلأ اول ما انطلق الموضوع انطلق انو يصير الموت الرحيم بدون اخد راي صاحب العلاقة اللي هوي المريض طبعا بعد فترة كل اللي كانو مع الموت الرحيم انو اتجهو انو لاء لازم ناخد راي صاحب العلاقة يعني ما نجي نحنا نقرر منا لحالنا لاء هوي لازم يكون موافق كمان
بالمثال اللي طرحو doh84 كان المريض بحالة سبات يعني ما كان قادر ياخد اي قرار وبالتالي اللي قرر هوي العيلة (طبعا بغض النظر ان كان السبب هوي انو شوفة هالشب عم تسبب الم للعائلة او لاء او انو عم تكلفن مصاري عالفاضي من وجهة نظرن ) طبعا بهالمثل هادا تناقضت الفكرة الاولانية اللي قالو عنها الموافقين على فكرة الموت الرحيم واللي هوي موافقة المريض مع انو معظم الردود كانت داعمة لهالمثال

اهلين هاني:D
هلأ ظاهريا يمكن تشوف تناقض بين فكرة موافقة المريض وبين المثل اللي عطاه doh84 بس انتبه منيح انو بهاد المثل الشخص كان ميت وماكانو الاهل ناطرين انو يلتقى علاج او اي شي بس ببساطة كانو تاركينو جثة عم تتنفس بس فعليا هوي جثة غير قابلة للتحسن :cry: يعني مستحيل يكون في اي مجال للتحسن وكمان مافي اي شي من ظواهر الحياة بس تنفس واعضاء عم تشتغل عالاجهزة

هلأ بغض النظر عن كلمة انسانية الحياة الانسانية اللي انا ما فهمت شو معناتها كمان

رح ناقش فكرة الثقة بين المريض والطبيب
اولا لو ما في ثقة بين المريض والطبيب وخاصة بحالة الامراض المستعصية ما كان بيضل عم يتعالج على ايدي
ثانيا لما المريض بدو يوثق بالطبيب بدو يعرف انو كل شي عم يعملو هالطبيب لصالحو والطبيب مستحيل يعمل شي مو لصالح المريض لانو متل ما قال اسير انو بتصير عندو هاي متل معركة مو مستعد يخسرا
ثالثا انا مع الصراحة بين المريض والطبيب من ناحية تقدم المرض من ناحية الدواء وتاثيراتو والخ الخ
لانو هالصراحة بتزيد من الثقة (مع بعض الاستثناءات رح احكي عليها برابعا)
رابعا واهم الشي لما المريض بدو يقول للطبيب انو يموت موت رحيم والطبيب رح يستجيب لطلبو فهون بيستحق الواحد يوقف انا ضد هالشغلة يعني انا مع انو الطبيب ما يستسلم للياس متل المريض بالعكس الطبيب لازم يكون عندو دائما امل بشفاء المريض ولازم يحاول بكل الوسائل الممكنة انو يزرع الامل بهالمريض هون بتجي الاستثناءات لما الطبيب بيحس انو المريض بلش يفقد الامل وبلش يفكر بالموت الرحيم انا ضد انو يصارحو بكل شي بقى

منشان فكرة انسانية الحياة الانسانية سبق وشرحتها برد من ردودي على محمد متل ماانا فهمتها بس مابعرف عالاكيد اذا هاد المعنى اللي قاصدو اسير او لأ

ومنشان الثقة بين المريض والطبيب...... هلأ بغض النظر عن انو الطبيب صارح مريض بالوضع الاكيد او لأ المريض قادر يحس انو عم يتحسن وضعو الصحي او ثابت عند حد معين او عم يسوء يعني المصارحة او عدمها ممكن تزيد يأسو او تخففو شي بسيط كتير بس مارح تمنع يأسو عالاخير

بالاضافة انو برأيي الطبيب اكتر شخص ممكن يحس باليأس من حالة مريض لانو يفترض يكون مطلع تماما عالوضع وفاهمو وكمان لازم يكون مطلع على التطور بالعلاج وبالتالي اكتر شخص رح يعرف انو شو ممكن يكون مستقبل هالمريض بالاضافة لانو الطبيب على عكسنا بيكون المريض عندو اقرب مايكون لحالة منو لشخص يعني رأيو فيه درجة عقلانية اكتر من المريض نفسو او اهلو.......بس بظن انو مو سهل انو يضل عندو امل وماييأس متل ماانتو عم تفترضو انو الطبيب بيفوت بصراع مع المرض وبس....... وبعد هاد ممكن يصارح المريض باليأس اللي عندو او لأ

نقطة تانية انو المريض يطلب الموت لانو شايف انو عيلتو عم تصرف مصاري مع انو ما حيلتها الفتيلة بعتقد حكيت بهالنقطة قبل ورح ارجع احكيها

ما في عيلة بتتمنى تخسر واحد من افرادها وما في عيلة ما مستعدة تضحي باي شي مشان تحافظ على حياة الشخص المريض اللي موجود حتى لو مضطرة تبيع كل شي حتى لو مضطرة تدين حتى لو شو ما كان انا باكدلكن انو مستعدة تعمل اي شي بس ينشفى المريض اللي عندا

كمثال على ذلك من حياتي انا

عمو لبيي انصاب بسرطان الرئة (بسبب التدخين مشان اللي بيدخنو ) ابنو عم يشتغل شغل بسيط يعني عندو سيارة بيوزع فيها بيض على المحلات بالضيعة وباللي حواليها ويا دوب معيش عيلتو لما بيمرض بيو بيضطر ياخدو على الشام كل فترة مشان يعطي ابر بتكلف الابرة 3000 ليرة
اضافة لاسطوانات الاكسجين اللي كان يجيبها واللي بتكلف الشيء الفلاني
كان البي (الوالد يعني ) على طول يدعي انو الله يموتو مشان يرتاح ومشان يريح هالعالم معو
انا لهلأ بتزكر انو ابنو كان على طول يهدي ويقلو انو الله يخليلنا ياك ويطوللنا بعمرك وانو مستعد ساوي كل شي ومستعد ضحي بكل شي بس انتي تضل بيناتنا ومن هالحكي انو كان يعطي امل بحالو انو هوي اسا موجود وانو هني بدن يا موجود وبتحسو بعد هالحكي يرتاح شوي وينسى موضوع الموت وهيك وضل على هالحالة لحتى مات موت طبيعي
يعني بالنتيجة وبعد كل هالحكي اللي فوق ما في عيلة بتبخل على بعضا بشي واكيد بس واحد يحتاج شغلة بيكونو مستعدين يقدمولو ياها
يعني منلغي عامل العملة من هالناحية هاي

:cry:
كمان مرة مافهمتو عليي شو قصدي
انا ماقلت انو ممكن اي عيلة تتخلى عن شخص بالعيلة كرمال المصاري
انا قلت انو العامل المادي رح يسبب ضغط اضافي عالمريض نفسو ويخليه يحس باليأس اكتر ويصر اكتر عالموت الرحيم وركزولي انو بكل الكلام اللي عم قولو عالمصاري عم استعمل كلمةاكتر لانو المادة لحالها مستحيل تكون عامل بس هيي عامل اضافي بيجي بعد العوامل التانية كلها...... يعني لما بيكون الشخص مقرر الموت الرحيم المادة بتعطيه دافع اضافي لهلشي بس المادة بحد ذاتها مانها عامل يعني مافينا نحكي عن المادة والموت الرحيم لحالون بس كمان مافينا نلغيها عالاخير

بجي هلأ لعامل الانسانية من بين الردود لامراة من ورق وباكتر من رد جابت سيرة انو انا بس امرض بخسر انسانيتي ومو مقصود بانسانتي نظرة المجتمع الي بل نظرتي لنفسي انو انا كنت اعمل شي يفيد المجتمع وبعدين بس امرض بصير عالة على المجتمع واللي اعتمدت عليها اكتر شي لتقنع بفكرة الموت الرحيم

طيب انا هون بدي اسال امراة من ورق سؤال خلينا نقول انو انتي الله يطول بعمرك وصلتي لعمر التمانين سنة وبهالعمر هادا تقلت حركتك ومعد تقدري تتحركي يعني مثلا تلقحتي صار بدك حدا يقومك حدا يلبسك الجرابات لانو معد تقدري توطي بدك حدا يروح يجبلك كاسة مية لانو صعبة عليكي المشي للمطبخ مثلا بالاضافة انو ما عم تشتغلي شي تفيدي المجتمع بالاضافة انو ما في امراض مستعصية ما في الام ما في شي ابدا يعني حالة شيخوخة طبيعية

السؤال هون انتي فقدتي انسانيتك او لاء ؟ اذا كانت متعلقة شغلة الانسانية بهالشغلات اللي ذكرتين واللي بينفقدو بحالة المرض هاي كمان بحالة الشيخوخة بينفقدو

هل هادا معناتا انو انتي بحالة الشيخوخة كمان بتستحقي الموت الرحيم هل هادا معناتو انو كل ختيار ما عندو قدرة يتحرك لانو ختيار بيستحق الموت الرحيم

الشيخوخة موضوع مختلف تماما..... ليش؟؟
لانو بس كون وصلت للشيخوخة بكون عارفة اني عشت بالقليلة 30 سنة على رأس عمل وقدمت فيها الشئ اللي مانو قليل للمجتمع طبعا طالما كنت عم اشتغل بارادة وحاسة بواجبي خلال فترة العمل...... وكمان يفترض كون انجبت اطفال وربيتهن وهي كمان انتاج مانو قليل...... يعني اني بحس اني قدمت شي مهم نوعا ما خلال حياتي ووصلت لمرحلة صار بيحقلي فيها كون مرتاحة من الواجبات شوي
وكمان انو الشيخوخة شغلة طبيعيا ومتوقعة لكل شخص وبتجي بشكل كتير تدريجي يعني من لما الشخص بيصير عمرو اربعين خمسين سنة بيبلش يحس فيها شوي شوي وبيتحضر الها نفسيا
بينما المرض بيجي غالبا كحالة مفاجأة شوي يعني ممكن كتير خلال اشهر او سنة تحس انك فقدت كل قوتك وكل عطاءك .......ورح يمنعك بالاغلب من ممارسة الانتاج وانت بعمر كتير ممكن تكون فيه باوج العطاء لولا المرض ويمكن يحرمك من اي انتاج اذا اجى بعمر مبكر شوي..... يعني وقتها بتحس بالعجز مو بس انو فترة اجتك ولازم ترتاح فيها من العطاء اللي اعطيتو
طبعا كل هالحكي عن الشيخوخة اذا سببت العجز ومو بالضرورة تسبب العجز يعني في ناس وجدي واحد منون عاشو للمية سنة وماتو بدون مايعيشو عجز وكان جدو لقبل وفاتو باسبوع يطلع عالحقلة ويشتغل

هادا كان ملخص للموضوع من وجهة نظري بتمنى ما كون طولت عليكن (قال ما طولت قال :lol: )

هوي للي طولت طولت:lol: بس فيه فائدة:D

كلمة اخيرة لابو طريق وامراة من ورق مشان موضوع الطبيعة والانسان انا مهتم كتير بهالموضوع وبحب اسمع الاراء اللي رح تنطرح نسقو بينكن ونزلو الموضوع وانشالله ما حدا من هالشعب اللي ما بيفهم يشارك واذا شارك التيتة مجود موجودة وهيي بتيك كير اوف هيم

وحياكون :سوريا:

طيب انت تيك كير اوف ايت ونزل الموضوع لنبلش النقاش :D

ومية هلا :D

ما حدا يسالني ليش غير لون الخط معي ما بعرف هيك طلع لحالو :???:

حشش الموقع :pos:

وينك يا نيرفانا :cry:

هلأ الاخوية بتحشش احيانا :lol:
بس كمان هاني مابيقصر:yahoo: :clap:

وعن جد وينها نيرفانا:cry:

moh84

04/10/2006, 18:23

هلأ هون في عندي تعليق

انو قلتي بالاحتمالات طالما دخلتي بالاحتمالات معناتا في عندك احتمالين او اكتر رح اعتبر انو في احتمالين بس

اول احتمال انو يموت المريض وما يكونو اسا اكتشفو دوا
تاني احتمال انو يكتشفو الدوا قبل ما يموت المريض

(ملاحظة صغيرة بس كلمة اكتشفو دوا يعني الدوا صار جاهز للاستعمال يعني بعد كل التجارب والخ الخ الخ )

طيب انتي ومن موقع طبيب ومن موقع اهل مريض بتقدري تحددي مريضك لاي احتمال ينتمي
ومن موقع مريض (بعيد الشر عن قلبك اكيد ) بتقدري تحددي لاي احتمال بتنتمي

انا بقلك مستحيل لانو ما في شي مؤكد بجوز تقليلي انو اي اذا كان باقيلي اسبوع او شهر واسا ما كان في فكرة لدوا

برجع بسالك سؤال تاني انو انتي ضامنة حالك انو تعيشي بس اسبوع بس شهر بس سنة

بتقليلي اي بيكون واصل معي المرض لدرجة عظمى طيب هل بتضمني انو هالدوا او هالطريقة اللي عم يعالجوكي فيها ما تقدر تخفف ولو بشي بسيط من هالمرض او انو تردو لمرحلة قبل تقدري تعيشي بهالمرحلة لبين ما يكتشفو الدوا اللي بيخلصك من المرض بشكل جزري هل بتضمني انو مثلا (على قولة مرسيل يمكن ما بقى اذكر ) انو ما يكون في دكاترة جديدة في خبرات جديدة تقدر تخففلك من مرضك بشكل بسيط الى ان ...............

يعني خلينا ناخدا بشكل عام انو ما فينا نجي نوزع هالمرضى اللي مصابين بامراض مستعصية ما الها دوا على هالاحتمالين اللي ذكرتن فوق
يعني ما فينا نقول هادا وهادا وهادا على الاحتمال الاول يعني موتون موت رحيم
وهادا وهادا وهادا على الاحتمال التاني يعني خلون بدنا نعالجن

كلن لازم ياخدو فرصة متساوية ما لازم تحددي ايمت نهاية حياتو

هادا كان رد على رد امراة من ورق بردي الجاي رح حاول لخص الموضوع بشكل مبسط من وجهة نظري انا وكيف شفت الموضوع لاني حسيت في ريحة تناقضات بالحكي

حياكون :D
كلام معقول

امرأة من ورق

04/10/2006, 18:29

بس بعتقد ان منظر شخص عبيتعذب قدامك ومانك قادرة تساعديه ابشع بكتير من تانيب الضمير

لانه بالآخر انت مقتنعة ان الشخص القاعد قدامك عبيتعذب على الفاضي ونهايته الموت بدون أدنى شك بهاي الحالة بفضل اني اقطع عنه الأوكسجين بايدي احسن ما تبقى صورته وهو معذب مطبوعة بذاكرتي إلى ابد الآبدين :pos: :D

حلو هالحكي
:D :D

امرأة من ورق

04/10/2006, 18:31

كلام معقول

كلام معقول وافتراضي وعاطفي :D

اهلين moh84:D

أسير التشرد

05/10/2006, 23:26

صح ما ورد بشرحك امرة من ورق طبعاً هالشي اللي كنت بقصدو بجملة انسانية الحياة الانسانية ... يمكن انتو ملاحظين هالجملة غريبة شوية... بس اكيد إلي رجوع على الموضوع للشرح والتفصيل في هالنقطة ...
وشكراً لامراة من ورق على الشرح ....:D

امرأة من ورق

06/10/2006, 07:01

Abu ToNi

07/10/2006, 20:23

اهلين اسيرد وبانتظار عودتك والتفصيل بالشرح :D

طولي بالك الهئية اسير راح يرحم له كام بني آدم :o

أسير التشرد

08/10/2006, 07:24

مرحبا يا أحبة ...
عودة منشان التوضيح..
بالبداية انا قلت بردي وما بعرف اللي فهم او ما فهم ... وهو "ولما بدنا نحترم الحياة طبياً ما بنروح بنعمل معارك خلبية ونركز على المرض وننسى المريض ولما بنحكي عن احترام الحياة الانسانية أول شي لازم نعملوا هو احترام انسانيتها ... ومعروف عندكم شو يعني انسانيتها..."
قصدي اذا بدنا نحترم حياة الانسان طبياً ما بتكون بانو نعمل عليه معارك لأجل شفاء عارفين من انو نحن الجهة الخسرانة وما في جدوى من المعركة ... ولو عملنا هالشي رح يكون جل تركيزنا ع المرض وبهيك عم نتجاهل المريض .. واحترام الحياة الانسانية بيقضي منا انو نحافظ قبل كلشي ع انسانيتها...
وامراة من ورق قالت مو كل انسان عايش عم يتنفس بيكون عايش حياة انسانية ... بيكون عايش متل الحيوان او اقل منو كمان ...
لهيك يا احبة انا طبيب بحترم انسانية مريضي واذا طلب مني انهاء عذابو فمن واجبي اني احترام قرارو لأنو اتخذ هالقرار بكامل ملكاتو العقلية ...

أسير التشرد

08/10/2006, 07:28

امرأة من ورق

08/10/2006, 17:52

وحابب اطرح سؤال تاني فينا نقول انو بيندرج كمان تحت بند الموت الرحيم ...
لما بتكون المرأة حامل بطفل مشوه فهل يحق لها اختيار الموت الرحيم لهلطفل اللي ببطنها ؟ لأنو لو ولد هالطفل رح يكون عبء ع اهلو وع نفسو كمان ... طبعاً ما نثير سؤال قبل الاجابة وهو ايمتى بتبدء الحياة الانسانية...؟؟

هي الفكرة هيي عن الاجهاض وبظن انطرح الموضوع بالاخوية من قبل بس مابذكر وين

هلأ السؤال اللي طرحتو انو ايمتى بتبدء الحياة الانسانية ماعندي فكرة واضحة عنو..... يعني في ناس بتقول مجرد ماصار الحمل ومن اول يوم فهاد صار كائن بشري وناس بتقول انو لما بيبلش الجنين ياخد الملامح البشرية وبظن هالشي يعني بالشهر التالت من الحمل بس ماني واثقة من بالضبط من الشهر...... وعالاغلب قناعة الشخص بهي النقطة رح تأثر على رأيو بالاجهاض بهيك حالة

ومنشان السؤال الاساسي هون بدي احكي بغض النظر عن انو الجنين صار انسان اولأ.....هون في نقطتين كتير مهمات الاولى انو لاي درجة اعاقتو خطيرة يعني مثلا اذا فاقد لاحد اطرافو بس كل اعضائو التانية طبيعية وقتها مابظن انها اعاقة خطيرة كتير لانو ممكن انو يعيش حياة قريبة من الطبيعية اكيد مع صعوبات مضاعفة عن انسان عادي بس انو قادر يتدبر اموره
اما اذا اعاقة كاملة وقتها برأيي انو الاجهاض افضل
والنقطة التانية هيي المجتمع اللي رح يولد فيه ولاي درجة قادر يحتضن ويتقبل المعاقين ويأهلون...... اذا مجتمع عاجز عن تقبل المعاق وتأهيلو وقتها شو ماكان وضع الاعاقة بيكون الاجهاض افضل لانو هالمعاق رح يكون مرفوض بشكل كتير كبير يعني نفسيا رح يطلع كمان معاق بالاضافة لاعاقتو العقلية او الجسدية وكمان بهيك مجتمع مستحيل يتعلم اي شي وباي درجة

وشكرا اسير:D

butterfly

08/10/2006, 18:35

امرأة من ورق

09/10/2006, 08:03

بس حبيت شارككون بهالمقطع .. من موضوعنا أسبوع وكاتب .. حسيتو بيخدم موضوعنا ... ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

شكرا كتير ميمو :D

بدي اقتطف جزء من موضوع الرابط اللي ارفقتيه

أصيب سعدالله ونوس بمرض سرطان البلعوم في عام 1992 ...
وبدأ رحلته مع المرض، حدد له الأطباء الفرنسيون مدة للمرض القاتل بستة أشهر وأن هذا الرجل سيفارق الحياة، لم يدركوا روحه المقاتلة والتي هي منتظرة رحلة مع الإبداع، لم يدركوا أن هناك زوجه تساعده على الانتصار فائزة التي وقفت ترعاه وتسهر عليه وتصارع معه المرض وطفلته الهادئة ديمة التي تطلب منه البقاء

سعد الله ونوس كان عندو روح مقاتلة وهاد شي طول بعمرو كتير وكان شي عظيم للبشرية لانو قدر يحافظ عالعطاء...... بس اللي ماعندو هيك روح مقاتلة ورح يكون مستسلم للمرض كيف بدنا نعطيه الروح المقاتلة؟؟
هلأ رح تقليلي لمسة حب وقبلة حنان وكلام جميل ومشجع....... بس برأيك هاد لحالو بيعطي للإنسان الفاقد الأمل الأمل ؟؟ من ناحيتي مابظن رح يعطيه الامل

وبالاخير لاتنسي انو سعد الله ونوس هوي اللي قال "إننا محكومون بالأمل" يعني شوفي لاي درجة كان عندو ايمان بالامل وقوة بس للأسف مافيكي تسقطي قوتو وايمانو بالامل على كل الناس

:D

butterfly

09/10/2006, 08:10

امرأة من ورق

09/10/2006, 08:18

أنا اللي بدي ركز عليو من المقال.. أنو نقطتين .. مو انو مكافح .. وأمل ... بدي ركز على الفرق بين ست شهور عطوه ياها الدكاترة وبين كام سنة هوي عاش... وهاداكتير بيصير .. أنو الوقت اللي بيقدروه الدكاترة لحياة مريض بيخطأ ...
وبدي ركز عالأنجاز اللي حققو بسنوات المرض .. وبس :D

ميمو انا بأمن تماما انو القدرة النفسية للشخص بتعمل العجايب...... يعني في ناس لما بتكون القدرة النفسية عندون عالية ممكن تتغلب عالمرض والعجز بس اكيد هيك ناس مارح يطالبو ولاحدا بالكون رح يطالب الون بالموت الرحيم

يعني انا شبه واثقة انو لو كان سعد الله ونوس انسان عادي من ناحية قدرتو النفسية يمكن ماكان عاش اكتر من الست شهور اللي حددوها الاطباء وماكان انجز اي شئ بعد المرض..... بس للأسف انو مافيكي تعطي الانسان المريض واليائس جرعات قدرة نفسية على تجاوز المرض يعني لما بيأس الشخص يأس حقيقي مافيكي تفيديه اكتر من هيك ورح يدمرو المرض بسرعة عجيبة

هاد كان قصدي بالحكي عن سعد الله ونوس والأمل اللي عطاه هي القدرة والقوة النفسية :D

أسير التشرد

09/10/2006, 08:45

موضوعنا بموت الرحيم هو ان المريض بيكون في اخر حالاتو الحرجة والنهائية من المرض مو باول المرض ... اما لو كان باول المرض ما بعتقد انو رح ييأس بسرعة ويطلب نهاية لحياتو ... رح يقاوم المرض .. لكن بعد فشل هالمقاومة رح يفكر بالموت الرحيم ...
اما الميت دماغياً ما بعتقد بيتألم ... فهو عايش ع الاجهزة الداعمة للحياة... واغلب الميتيين دماغياً الاهل بيطلبو بقاء الاجهزة لمدة لحتى يستعدوا لخبر الوفاة وبعد الاستعداد بيتم ازالة الاجهزة هيك معروف ....

hanny dagher

09/10/2006, 08:56

خلص انا كشكل كتابة ردود فقدت الامل نهائيا باقناعكن

باجل المناقشة لنلتقي على الصوتي او لحتى نلتقي شخصي في يوم من الايام

بس ما بيمنع انو اذا استمر النقاش وعجبتني فكرة وحبيت ناقش فيها انو ما ادخل ورد

تحية للكل :D

Abu ToNi

10/10/2006, 15:45

مرحبا يا أحبة ...:shock: :shock:

الهئية نسيت الشدّه يعني هي أحبّّّّّّّّّّّّة :o

لا يروح فكركم لبعيد :lol: :D

امرأة من ورق

10/10/2006, 16:09

الهئية نسيت الشدّه يعني هي أحبّّّّّّّّّّّّة :o

لا يروح فكركم لبعيد :lol: :D

غابرييل؟؟؟

المفروض نفهم انو هي مزحة يعني؟؟:?

Abu ToNi

10/10/2006, 16:20

غابرييل؟؟؟

المفروض نفهم انو هي مزحة يعني؟؟:?

لالا بس جاي على بالي اتسائل شوي :D

المهم مشان مشروع قتل الجنين المشوّه ما سمعت آرائكم

انا بكل الأحوال ما بعتقد اننا منقدر نقدر هيك وضع بس بحب أقول لمك بأن الكنيسة لا تعترف بالقتل الرحيم لأن النفس البشرية ليست ملك للانسان بل هي ملك لله وحده وهو وحده له الحق بالتحكم بها

فانتوا شو رأيكم :D

وأنا آسف مشان المزحة البايخة اللي فوق :oops:

hanny dagher

11/10/2006, 05:26

الهئية نسيت الشدّه يعني هي أحبّّّّّّّّّّّّة :o

لا يروح فكركم لبعيد :lol: :D

:lol: :lol: :lol: :lol: :lol: :lol: :lol:

yl3n smak fd7tna :o

i will be back :D

Euphoria

11/10/2006, 05:59

امرأة من ورق

11/10/2006, 06:22

مرحبا ,,الموضوع جدير بالمناقشة و احب احيي الاخت اللي طرحتة,,بالنسبة لرأيي فية,انا اقول انو حرام يستحيل اكون مسؤولة عن قتل انسان بغض النظر عن المسميات المعطاة موت رحيم او قتل رحيم ,,القتل او المساعدة لانهاء حياة شخص آخر غلط و ما راح اقول حرام بناء على طلب الاخت صاحبة الموضوع..انا ممكن اموت نفسي بس ما اموت غيري..:D
شكرا كتير على رأيك:D

بس الي تعليق على اخر عبارة قلتيها انو ممكن تموتي نفسك بس ماتموتي غيرك..... يعني بنرجع لانو ممكن تعطي لحالك الحق بالموت الرحيم بس بتحرمي غيرك منو؟؟
بكل الاحوال بعيد ألف شر عنك وعن كل حبايبك ونشالله مابتنحطي باي موقف من هالنوع:D

Euphoria

11/10/2006, 06:36

انا قلت كذا لانو انا اذا قتلت انسان بهالطريقة(موت رحيم) ما راح اقدر اعيش من تأنيب الضمير وبالتالي رح اموت نفسي(شدة على الواو) ..وتسلمين على طريقتك الرايقة والراقية في الرد:D

امرأة من ورق

11/10/2006, 08:03

انا قلت كذا لانو انا اذا قتلت انسان بهالطريقة(موت رحيم) ما راح اقدر اعيش من تأنيب الضمير وبالتالي رح اموت نفسي(شدة على الواو) ..وتسلمين على طريقتك الرايقة والراقية في الرد:D

شكرا كتير عالتوضيح :D :D :D

hanny dagher

11/10/2006, 13:11

الهئية نسيت الشدّه يعني هي أحبّّّّّّّّّّّّة :o

لا يروح فكركم لبعيد :lol: :D

انو وقت قريت هالجملة كنت بالمحاضرة لما قريتا فقعتا ضحكة هالطلاب والانسة طلعو علي هيك انو شبو هادا ما ساوينا شي بيضحك

يعدمني ياكي يا غبرييل على هالسحبة :lol:

سوري بعرف في عالم رح تتدايق بس ما قدرت ما اضحك وما علق :D

Abu ToNi

11/10/2006, 15:53

انو وقت قريت هالجملة كنت بالمحاضرة لما قريتا فقعتا ضحكة هالطلاب والانسة طلعو علي هيك انو شبو هادا ما ساوينا شي بيضحك

يعدمني ياكي يا غبرييل على هالسحبة :lol:

سوري بعرف في عالم رح تتدايق بس ما قدرت ما اضحك وما علق :D

خلص خيو يستر على عرضك ما صدقت امتى مرقت يعني ماني أول بني آدم بيشرد وبيكتب له شي شغلة غبين من هاد النوع :lol:حتى ترجع انت تفتح السيرة

خلص خيو انتوا اخوتي وأحبّّّّتي :lol: :D

امرأة من ورق

11/10/2006, 16:11

شكرا على اعطاء الموضوع جو من التخريب :pos:

Abu ToNi

11/10/2006, 16:15

شكرا على اعطاء الموضوع جو من التخريب :pos:

لالا لا تحسبي اني قصدت خرب الموضوع :pos: :pos:

بكل الأحوال انتا متاسف " يعدم لي اياك يا هاني "

المهم منرجع على صلب الموضوع الأحم بعاطفتها هل هي قادرة على قتل طفلها " حتى لو كان مشوّه "

شو رايك يا امرأة من ورق :D
وبرجع باكد لك اسفي " يعدم لي اياك يا هاني :D "

Greenland

11/10/2006, 23:44

بصراحة ما عندي شي كتيير احكييه بس بصراحة الموضوع لفت انتباهي ....
بتخيل باللحظة يللي بيكون فيها الوجع عم يشتغل شغلوا صعب عاد نحكي بالارادة و أما قصة تعافي ناس من هيك حالات ...يعني بصراحة مثالييييييية شوي و اذا مو مثالية فهي أكييييد استثنائية و بتخيل هون عم نحكي عالمبدأ...
يعني أنا بتخيل مفهوم الرحمة بيشمل هالموضوع ...

امرأة من ورق

12/10/2006, 05:58

COSTA

25/12/2007, 12:22

اول شي منعمل up

تاني شي شكرا على الموضوع القيم
بذكر حادثة صارت مع احد الناس والده كان بالمستشفى على حفة الموت
وكل الاطباء قالو انو مافي امل وسريريا انتهى ...
بس اهلو رفضو انو يشيلو اللاجهزة عنو لانو كانت الاجهزة معيشتو ...
وضلو اكتر من اسبوعين وبعدها صحي الرجل وقام وطاب وهلأ عايش ومبسوط وكانو مافي شي ...
مو كل الناس بصير معها هالشي
بس ما بيعطينا الحق انو نحنا نحكم على حياة اشخاص تانيين
مرة جديدة شكرا على الموضوع الحلو :D

XerostomiA

25/12/2007, 12:55

رغم أن إطلاق سراحه لربه لاقصادي و للمنطق أضمن ،..
لكني أمام روح عزيزة أفعل المستحيل لأجل المستحيل !

أرضى !

أن أتعلق بشمعة ذائبة ،..
خير من ألعن الظلام في غيابه ،..

لنا الله يا سيدتي ،..