ياترى كيف ظهرت هذه الفكرة؟

نا برأيي في سببين
أول سبب هو حاجة الانسان للأمل ...أو الحافز
يعني لما الانسان بيشعر بعجزو أو بيوصل لطرق مسدودة بحب فكرة وجود قوة كبيرة رح تساعدو و رح توقف بجانبو ..
أو رح تنصرو و تجبلو حقو اذا انظلم ..... يعني حب هالصورة فرسمها و صدقها ..
و السبب التاني هو حاجة المجتمع ( بالعموم ) للرادع
يعني كمان قوة عظيمة بس هالمرة بوجهها التاني ...... يللي بتجسد القوة يللي رح تعاقبك اذا أخطأت أو أسأت أو ظلمت ...
يعني فكرة الاله بالمطلق ضرورة بالمجتمع سواء كانت صحيحة أم لا ...
و ضروري الناس تصدقها
لأنو الطبيعة البشرية .... بتختلف من شخص لشخص
و دوافع البشر كمان بتختلف
يعني في ناس كتير ما بيدفعون لعمل ايجابي معين ....
أو بيبعدهون عن عمل سلبي معين .... غير الخوف من هالقوة العظيمة .... يللي تسمى اله

مافي احتمال يكون نابعة من حاجة الانسان لشخص مسيّر وبالتالي عملية البحث عن الآلهة عبر العصور ما كانت البحث عن شيء مشكك انه موجود ويجب الوصول إليه بل كانت عملية للبحث عن مصدر للطمانينة لا اكتر ولا اقل ؟!
وكون جميع الماديات من حجر ونار وقمر يمكن ابطال مفعولها بسهولة فكان لا بدك من وضع الكينونة الروحية لوصف الكائن الروحي المدعو الله ، وفيما بعد تم لصق بعض الالقاب والصفات لكن الفكرة نبعت من التخلي عن الماديات .

لكن بالحضارات القديمة منشوف انه كان في شي روحي وكان غير مادي لكن هاد ما بفسر شي ما بفسر ان الانسان يحاول ادراك الله بقد ما بفسر ان الانسان كان عبحاول يصنع إله ووقت وصل للصف الحالي رضي عن الفكرة وآمن فيها .

بترجع الفكرة للسؤال التالي : من خلق من الله خلق الانسان ام الانسان خلق الله .
انا شخصيا وصلت لقناعة بالجزئية التانية من السؤال .
اقلك شغلة ...

يعني ما في دخان بلا نار ...


يعني الناس ما وضعوا مفهوم الروح .... بدون ما استدلوا عليها بطريقة او بأخرى .. بدن ما شعروا بوجود شي غير مادي في الحياة


يمكن لازم نحكي عن الروح قبل ما نحكي عن الله

نا برأيي في سببين
أول سبب هو حاجة الانسان للأمل ...أو الحافز
يعني لما الانسان بيشعر بعجزو أو بيوصل لطرق مسدودة بحب فكرة وجود قوة كبيرة رح تساعدو و رح توقف بجانبو ..
أو رح تنصرو و تجبلو حقو اذا انظلم ..... يعني حب هالصورة فرسمها و صدقها ..
و السبب التاني هو حاجة المجتمع ( بالعموم ) للرادع
يعني كمان قوة عظيمة بس هالمرة بوجهها التاني ...... يللي بتجسد القوة يللي رح تعاقبك اذا أخطأت أو أسأت أو ظلمت ...
يعني فكرة الاله بالمطلق ضرورة بالمجتمع سواء كانت صحيحة أم لا ...
و ضروري الناس تصدقها
لأنو الطبيعة البشرية .... بتختلف من شخص لشخص
و دوافع البشر كمان بتختلف
يعني في ناس كتير ما بيدفعون لعمل ايجابي معين ....
أو بيبعدهون عن عمل سلبي معين .... غير الخوف من هالقوة العظيمة .... يللي تسمى اله




كلامك مطابق لفكرتي عن مفهوم الاله عند مختلف الحضارات... لذلك ما بعتقد في داعي عيدو


تحياتي

لا تخربط فكرة الله موجودة قبل اليهود بكتير الا اذا قلتلي انو اليهود اقدم من اليونان والاغريق وكل الحضارات القديمة
بس بوافقك براي انو الله في الديانةالمسيحية والاسلاميةماخوذ بشكل كتير كبير من عند اليهود يلي عطوه كل هالحظوة والخطورة
اعتقد انك انتي (المخربطة) لا وجود لفكرة الله (كما نعرفه) عند الاغريق الا اذا اعتبرتي ان الله = زيوس :?, فرق كبير بين فكرة الالوهةالفلسفية ووجود قوة عظمة خلقت الكون والعالم وفكرة هذه الشخصية الغريبة الاطوار التي تسمى الله .

اما تساؤلاتك الكثيرة ..عن الفقراء والاغنياء..وبلدان العالم الاول..والثالث..وما بينهما..والاذكيا والاغبياء..

فيمكنك ان ترفع تلك التساؤلات لمن اختلقها ..من البشر..
واسألهم نيابة" عني عن مقاييس الجمال التي حددوها..ومقاييس الحضارة التي اوجدوها...وعن نسب التلوث ..التي صنعوها..واسألهم عن تكنلوجيا الاسلحة..وانواع التعذيب...ومن اوحى لهم بها..

:D

واسألهم عن الاختراعات العظيمة التي صنعها الانسان لراحة الانسان
اسألهم عن الطب والادوية التي اخترعت لتخفيف عذاب الانسان من امراض فتكت به لسنين طويلة
هل يستطيع الله خلق شجرة اسبيرين??! ولماذا لم يخلقها لتخفيف اوجاعنا !!!!

واسألهم عن الاختراعات العظيمة التي صنعها الانسان لراحة الانسان
اسألهم عن الطب والادوية التي اخترعت لتخفيف عذاب الانسان من امراض فتكت به لسنين طويلة
هل يستطيع الله خلق شجرة اسبيرين??! ولماذا لم يخلقها لتخفيف اوجاعنا !!!!

بس شغلة شجرة الاسبيرين مو كتير منطقية

في كتير تشبيهات انسب

اقلك شغلة ...

يعني ما في دخان بلا نار ...


يعني الناس ما وضعوا مفهوم الروح .... بدون ما استدلوا عليها بطريقة او بأخرى .. بدن ما شعروا بوجود شي غير مادي في الحياة


يمكن لازم نحكي عن الروح قبل ما نحكي عن الله
طبعا ما في دخان من غير والنار طبعيتنا هون انه الانسان بحاجة لشخص اقوى منه يسيّر له حياته ففكرة الحضارات القديمة مثلا كان مافي بيناتها اتصال وكان ما وراء البحر يعتقد انه نهاية العالم ومع هاد الشي منشوف ان الانسان كان على جانبي البحر الأحمر مثلا عبيعبد الحجر بحسب المراجع والمستحاثات التاريخية والرسوم التصويرية فما فينا نعتبر التشابه مصداقية لان حنكون صرنا بمعضلة اكبر ، التشابه يمكن مصداقيته انه الانسان فين ما كان عبيبحبث عن شيء اقوى منه حتى يقدم له ولائه اما كون الشيء موجود ويتم البحث عنه وهو النار المسبب للدخان انه الانسان عبد كثير من الاشياء باحثا عن الروح المسماة الله ، انا شخصيا بستبعد كتير الفكرة لأن بشوفها غير منطقية مقارنة مع الشي اللي انا حكيته بالاول .

_____________________________________________
خطر على بالي هلق سؤال غريب : اذا كنت واقف مع جارنا الختيار اللي تجاوز عمره ال 100 وقال لي : " يا ابني في هلق واحد عبشوفك بس انت ما عبتشوفه وهوي اصل الدنيا وهوي الخالق وهوي بيعرفك وانت ما بتعرفه وهلق هوي عبسمعنا بس ما فينا نسمعه "
برايكم كام ثانية حتطلب مني القصة حتى قول انه جارنا خرفان ؟!

مافي احتمال تكون فكرة الله بحد ذاتها نابعة من تفكير رجل يدعى ابراهيم تجازو ال 100 سنة من العمر !!؟ رجل يائس يبحث عن طفل لتكميل نسله وتفكيره وصله لهي الفكرة ؟!

خطر على بالي هلق سؤال غريب : اذا كنت واقف مع جارنا الختيار اللي تجاوز عمره ال 100 وقال لي : " يا ابني في هلق واحد عبشوفك بس انت ما عبتشوفه وهوي اصل الدنيا وهوي الخالق وهوي بيعرفك وانت ما بتعرفه وهلق هوي عبسمعنا بس ما فينا نسمعه "
برايكم كام ثانية حتطلب مني القصة حتى قول انه جارنا خرفان ؟!

مافي احتمال تكون فكرة الله بحد ذاتها نابعة من تفكير رجل يدعى ابراهيم تجازو ال 100 سنة من العمر !!؟ رجل يائس يبحث عن طفل لتكميل نسله وتفكيره وصله لهي الفكرة ؟!

هو السؤال يلي ماحدا عم يجاوبني عليه و تحديداً الشباب يلي عم يهاجمونا.. شو الفكره من انو الله في غابر زمان و بحسب (القصص) المنقولة كان كل ربع ساعة يأثبت و جوده.. (يبعت أنبياء يعمل طوفانات يخسف الأرض ) و يعدل مسار البشرية.. وحالياً ماعد اتدخل؟؟

هو السؤال يلي ماحدا عم يجاوبني عليه و تحديداً الشباب يلي عم يهاجمونا.. شو الفكره من انو الله في غابر زمان و بحسب (القصص) المنقولة كان كل ربع ساعة يأثبت و جوده.. (يبعت أنبياء يعمل طوفانات يخسف الأرض ) و يعدل مسار البشرية.. وحالياً ماعد اتدخل؟؟
انا بشوف كان العقل البشري سابقا ساذج لمرحلة بتمشي عليه متل هي القصص لكن هلق ما عادت تمرق بالهين .
بس ملاحظة : لهلق في عالم بيطلع معهم ان الله شفاهم وان الله ترائة لهم في الحلم وانا صراحة بوقف عاجز قدام القصص اللي بيروها هل فعلا ممكن يكون في معجزات ؟! ام العقل البشري وقت بآمن بشي ممكن يتخطى كل الحدود بما فيها المعجزات ؟! الايمان بفكرة والوثوق فيها هل هوي السبب وراء المعجزات بأن الرجل مثلا مؤمن في حال لمس ثوب الرجل الفلاني سيشفى ام فعلا لأن لمس ثوب الرجل تم شفاءه ؟!
بمعنى آخر هل القصص هي المروية حاليا حول المعجزات والشفاءات والظهورات لعبة نفسية بحتة ام فعلا فيها شيء من المعجزة وهي تدخل للآلهة ؟!
هل يوجد شفاءات وظهورات ام ما في شي من هاد الشي ؟!

هل يوجد شفاءات وظهورات ام ما في شي من هاد الشي ؟!

صديقي موضوع الروحانيات هو موضوع بعيد كل البعد عن موضوع الله... الموضوع ببساطه و اذا حبيت تصدق انو في شي اسمو قدرات خارقة بشفاء حالات مرضية و هيك شي ممكن تعتبر انو في بشر عندون طاقات أكبر من الطاقات المعتاده.. و هاد موضوع علمي بحت يعني توارد الخواطر و تحؤيك الاشياء عن بعد هي أشياء معترف فيها العلم.. و هي استغلال لطاقات العقل البشري بطريقة أكبر من يلي البشر العاديين بيستغلوه فيها.. و هاد الشي ممكن تدرجو على كل حالات التاثير بالاشخاص بالطرق يلي ذكرتا..
بس الفكرة انو في بعض الأشخاص المتخلفين يلي بيربطو هي القدرات بأمور الدين و هو حكي فاضي.. و في دجالين بيعرفو منيح كيف يستغلو هالضعف و الخوف عند الناس.

اذا انت مقتنع ليش عم تسئل لكن؟؟

طبعا ما في دخان من غير والنار طبعيتنا هون انه الانسان بحاجة لشخص اقوى منه يسيّر له حياته ففكرة الحضارات القديمة مثلا كان مافي بيناتها اتصال وكان ما وراء البحر يعتقد انه نهاية العالم ومع هاد الشي منشوف ان الانسان كان على جانبي البحر الأحمر مثلا عبيعبد الحجر بحسب المراجع والمستحاثات التاريخية والرسوم التصويرية فما فينا نعتبر التشابه مصداقية لان حنكون صرنا بمعضلة اكبر ، التشابه يمكن مصداقيته انه الانسان فين ما كان عبيبحبث عن شيء اقوى منه حتى يقدم له ولائه اما كون الشيء موجود ويتم البحث عنه وهو النار المسبب للدخان انه الانسان عبد كثير من الاشياء باحثا عن الروح المسماة الله ، انا شخصيا بستبعد كتير الفكرة لأن بشوفها غير منطقية مقارنة مع الشي اللي انا حكيته بالاول .


رح نناقش هي الفكرة ...

بس الاول خلي نحكي على الدخان الل يشير الى الروح بشكل عام



خطر على بالي هلق سؤال غريب : اذا كنت واقف مع جارنا الختيار اللي تجاوز عمره ال 100 وقال لي : " يا ابني في هلق واحد عبشوفك بس انت ما عبتشوفه وهوي اصل الدنيا وهوي الخالق وهوي بيعرفك وانت ما بتعرفه وهلق هوي عبسمعنا بس ما فينا نسمعه "
برايكم كام ثانية حتطلب مني القصة حتى قول انه جارنا خرفان ؟!

مافي احتمال تكون فكرة الله بحد ذاتها نابعة من تفكير رجل يدعى ابراهيم تجازو ال 100 سنة من العمر !!؟ رجل يائس يبحث عن طفل لتكميل نسله وتفكيره وصله لهي الفكرة ؟!يا حبيبي كابي ... مو قصة ثانية او دقيقة

ليش ما نقول ان جارك الشايب عندو حكمة او قدر يوصل لشي روحي انت ما وصلتو



خلينا نحكي بوجود الروح .. و اعتقادات الشعوب القيدمة بوجودها و الخرافات اللي الصقت بهذا الموضوع


بانتظارك :D

هو السؤال يلي ماحدا عم يجاوبني عليه و تحديداً الشباب يلي عم يهاجمونا.. شو الفكره من انو الله في غابر زمان و بحسب (القصص) المنقولة كان كل ربع ساعة يأثبت و جوده.. (يبعت أنبياء يعمل طوفانات يخسف الأرض ) و يعدل مسار البشرية.. وحالياً ماعد اتدخل؟؟


فبنا نقول ان الوضع تغير و التفكير البشري تغير ...

يعني بسبب قساوة الحياة كان الانسان بالماضي ما يفهم الا بشي كبير

لكن اليوم احتلف الفكر الانساني و طرق تفاعل الانسان مع الحدث مختلفة ...

مع انه ما انكر وجود مجتمعات ما زالت تفك بطريقة قديمة بالنسبة للعصر الحالي

اللي قرأ كتب فراس السواح عن البدء فـ اظن تتكون عندو فكرة مليحة عن الاله

عطينا ملخص ل كتب فراس السوّاح خيو .. يعني ها الفكرة اللي أخدتا من كتب فراس السواح لخصلنا ياها ..

شو الفكره من انو الله في غابر زمان و بحسب (القصص) المنقولة كان كل ربع ساعة يأثبت و جوده.. (يبعت أنبياء يعمل طوفانات يخسف الأرض ) و يعدل مسار البشرية.. وحالياً ماعد اتدخل؟؟

يمكن من زمان عملو استفتاء و كانو غاضبين من تدخله قام قرر يبعد شوي بركي بيقدرو قيمه الي ساواه بغابر الزمان قام شكلو كمان ما مشي الحال :-/

فبنا نقول ان الوضع تغير و التفكير البشري تغير ...

يعني بسبب قساوة الحياة كان الانسان بالماضي ما يفهم الا بشي كبير

لكن اليوم احتلف الفكر الانساني و طرق تفاعل الانسان مع الحدث مختلفة ...

مع انه ما انكر وجود مجتمعات ما زالت تفك بطريقة قديمة بالنسبة للعصر الحالي

يبدو إنو ماوصلتني فكرتك!! يعني الإنسان القديم كان بحاجة لشي كبير يقنعو مع العلم انو كانت النار معجزة ببعض العصور.. و الانسان المتطور اليوم يلي اختلفت طرق تفاعلو مع الأحداث و صار عقاو أكبر ماعد بحاجة لشي كبير يقنعو؟؟
يعني ماوضحتلي حالة التناسب العكسي يلي عم تحكي فيها:
إنسان عقلو صغير = شي كبير ليقنعو
إنسان عقلو كبير= شي صغير ( حتى ممكن قول بدون شي بالمرة) لازم يقتنع..

هو السؤال يلي ماحدا عم يجاوبني عليه و تحديداً الشباب يلي عم يهاجمونا.. شو الفكره من انو الله في غابر زمان و بحسب (القصص) المنقولة كان كل ربع ساعة يأثبت و جوده.. (يبعت أنبياء يعمل طوفانات يخسف الأرض ) و يعدل مسار البشرية.. وحالياً ماعد اتدخل؟؟


و هوي هون المشكلة بهاد الفكر يللي انت عمتحكي عنو..
الإيمان بوجود الله هوي شغلة إيجابية..مو سلبية..بس حتى الوردة لما منشوفا..كل حدا بشوفا بمنظارو الخاص..هي الوردة..يعني أبسط شي..
لهيك مفهوم الله ما بنكرو..بس كمان نشغل عقلنا شوي..يعني ما نآمن فيه لأنو بخوف..يعني مو متل هدول يللي لو انو نزل بالقرآن انو السرقة حلال كانوا سرقوا..و هيك ..هاد المفهوم السلبي انوضع لهيك عالم..يللي ما بيمشوا غير بالعصاية..أما المفهوم الآخر..هوي مفهوم الروحانيات يللي بتتماشى مع العقل الإنساني ..و مفهوم الله "صوت الضمير"متل ما سميتوه..فهوي بالعكس..حافز لحتى يكون البشر بيستحقوا ينقال عنن بشر..
"اللهم إني ما آمنت بك خوفا من نارك..ولا طمعا بجنتك..و لكني آمنت بك لأني بوجودك أقتنع بإنسانيتي"

رح نناقش هي الفكرة ...

بس الاول خلي نحكي على الدخان الل يشير الى الروح بشكل عام


يا حبيبي كابي ... مو قصة ثانية او دقيقة

ليش ما نقول ان جارك الشايب عندو حكمة او قدر يوصل لشي روحي انت ما وصلتو



خلينا نحكي بوجود الروح .. و اعتقادات الشعوب القيدمة بوجودها و الخرافات اللي الصقت بهذا الموضوع


بانتظارك :D
انا ما عندي مشكلة مع الحوار مع اي شخص بالاخوية فكيف اذا كان مع واحد اكتر الاشخاص اللي بحترهم فيها . :D

فكرة وجود المفهوم اللي بدل على الروح هاد ما بيعطيها اي مصداقية هلق انا من جهتي بربط بشكل كامل بين الروح والله لأن بمجرد ما قلت الله فانت عبتقول روح .

هلق وجود الروح او عدمه هاد ما عندي فكرة بأي صياغة اجا تاريخيا عند الشعوب لكن اللي بعرفه انه ورود بعض الافكار عند عدة شعوب قد يكون يضع تساؤلات حول حقيقة الفكرة وقد يكون عبارة عن اتصال بشكل او بآخر وقد يكون عبارة عن صدفة بحتة .

متل ما قلت لك ما عندي اي اطلاع على ورود فكرة الروح بالحضارات السابقة لكن ما فينا ننكر التخاطر اللي كان يصير بشكل عفوي . وبنفس الوقت قد يكون تعليله عبارة عن سبب كتير سخيف ونحن عمنحط النظريات المعقدة لفتسيره .

:D

هلق تدخل الله سابقا انا بفسره بتخلف الشعوب وكل شي بشوفوه بقولوا " هاد الله "
يعني كلياتنا منعرف قصة كريستوف كولومبوس وقت راح لعند الهنود الحمر واقنعهم انه عمل معجزة وعنده القدرة يخفي الشمس بالوقت اللي كان فيها عبصير حادثة طبيعية بحتة اسمها الكسوف .

يعني سابقا اذا كان ملك مات كانوا ينسبوه لله اذا صار فيضان فهاد غضب الله لهيك بتحس ان الله عبيتدخل لحياتهم كان بشكل مستمر لا بل كان بتخلوا الاحداث اللي بتصير دون تدخل الآلهة لسبب انه اي واحد بده يقول هاد من عند الرب ما حقيدر واحد يجاوبه لأن ما عنده دليل .
تماما متل هلق
هلق ينط واحد يقول لي الخليقة كلها من عند الله
بدي اسكت وما افتح تمي لأن ما عندي دليل
بس وقت بصير بين ايدي نظرية كاملة مكتلمة علمية موثقة حول الخليقة بقدر رد عليه وجاوبه .

تقديري الشخصي : نحن حاليا منقرا قصص الروايات الاغريقية مثلا ومنتضحك على سذاجتها على آلهة للموسيقى وآلهة للفن وآلهة للشعر مانه صعب علي اقدر اتخيل بعد شي 1000 سنة اولاد اولاد اولاد اولاد عبيتضحكوا علي وعبقولوا " لك معقول جدنا كان من كل عقله مقتنع بفكر الله !!؟! "
القصة قصة زمن وعالوعد يا كمون .

و هوي هون المشكلة بهاد الفكر يللي انت عمتحكي عنو..
الإيمان بوجود الله هوي شغلة إيجابية..مو سلبية..بس حتى الوردة لما منشوفا..كل حدا بشوفا بمنظارو الخاص..هي الوردة..يعني أبسط شي..
لهيك مفهوم الله ما بنكرو..بس كمان نشغل عقلنا شوي..يعني ما نآمن فيه لأنو بخوف..يعني مو متل هدول يللي لو انو نزل بالقرآن انو السرقة حلال كانوا سرقوا..و هيك ..هاد المفهوم السلبي انوضع لهيك عالم..يللي ما بيمشوا غير بالعصاية..أما المفهوم الآخر..هوي مفهوم الروحانيات يللي بتتماشى مع العقل الإنساني ..و مفهوم الله "صوت الضمير"متل ما سميتوه..فهوي بالعكس..حافز لحتى يكون البشر بيستحقوا ينقال عنن بشر..
"اللهم إني ما آمنت بك خوفا من نارك..ولا طمعا بجنتك..و لكني آمنت بك لأني بوجودك أقتنع بإنسانيتي"


بفهم من هالحكي انو انت عم تقلنا كل واحد يفصل إله و يشوفو متل مابدو.. بمعنى انو نبتعد عن وصف الإله و مهماته و جنته و ناره يلي حكا عنها ببعض الكتب.. يعني ما نصدق كل الصفات الإرهابية للإله بل ناخد بس الصفات الايجابية

ترجع الفكرة للسؤال التالي : من خلق من الله خلق الانسان ام الانسان خلق الله .

سأسمح لنفسي بتدخل بسيط على ضوء الموضوع الذي أتمنى أن يصل إلى ضوء..
من خلق من! نفترض أن قناعتك بأن الإنسان خلق الله صحيحة وأنا شخصيا لي نفس الإقتناع ولكن بمنظور آخر فهناك العديد من الآلهة تتعدد من شخص لآخر( فهناك من إلهه الجنس أو المال أو السلطة أو الهوى أو الجهل..) وأنا على يقين أن هذه الآلهة تعبد كل حسب طقوسه وثقافته..
ولكن إذا كانت الفكرة عامة وتشمل الله في حد ذاته بأن الإنسان هو من خلق الله فسنسقط حتما في العبثية وهذا المصطلح يحيلنا إلى إلغاء الروابط المنطقية في
تسلسل الأحداث أو المفاهيم المتعددة وعلاقتها ببعضها البعض، وهذا الإلغاء
يقود هذا التسلسل في الأحداث أو المفاهيم إلى أن تتحرر من أية رؤية واضحة
لوجود هدف أو نمط منطقي مألوف وواضح. والعبث هو في الحقيقة نوع من أنواع
التيه الفكري والذي يقود بالضرورة إلى حالة من حالات العذاب وعلى مستويات
عدة. وخير دليل على العذاب بواسطة العبثية هو إسطورة سيزيف إذن العبثية هو فقدان الهدف أو الروابط المنطقية فهل (الخلق) هو نوع من العبثية؟! وهنا سأطرح التساؤل الأزلي المتكرر والملح (وبحسب اعتقادي أن الله هوالخالق) لماذا خلقنا الله؟ و ما هو الهدف والغاية من خلقنا؟
بعيداً عن النصوص المقدسة
الإجابة لابد وأن تكون "المعرفة". "المعرفة" على أنها مشيئة الرب أن
يُعرف بواسطة خلقه. تلك "المعرفة" تبدو وكأنها ضرورة مُلحة، ولولاها
لإنتفت فكرة الإله لإنتفاء المجال العقلي (الإنسان، الخلق) لهذه الفكرة.
وهذا المفهوم بالمناسبة ليس جديداً. جاء في الحديث القدسي: "كنت كنزاً
مخفياً فأردت أن أعرف فخلقت الخلق، فبي عرفوني". وإن كنت قد شرطت في
البداية بعدم الإستشهاد بالنص المقدس، فإن الحالة هنا أبعد من أن تكون
"تقريراً" لا يمكننا تصوره أو إستيعابه عقلاً. بل، في الحقيقة، فإن
المعرفة هي أساس وجود الإله بين عباده. وبـ "المعرفة" هنا أقصد تحديداً
الإقرار (الإيمان، الإستدلال، البرهان، الشك، الإحساس، الإشتباه) بوجود
إله. فإرادة "المعرفة" من جانب الرب جل شأنه هو السبب الرئيسي في حياة
الخلق، وهو السبب الرئيسي في حياة الخالق كفكرة.
بل، في الحقيقة، إنكار الإله وجحود وجوده هو في حد ذاته دليلٌ على حياته
المعنوية في أذهان هؤلاء. فكأنما بإنكارهم وجوده، هم على الحقيقة يقرون
ضمناً بإعمال "الفكر" في حياته، بغض النظر عن نتيجة هذا الفكر أو الجهد
الذهني الذي بذلوه. وهل يكون الهدف من الخلق إلا أن يحيا الخالق في ذهن
مخلوقه؟! وهل يكون نجاح ساحق بعد هكذا نجاح على المخلوق؟
لنتخيل فضاء واسع الأرجاء ولا يوجد به "خلق" يمكنه تصور فكرة الإله، وليس
بمقدوره "معرفة" أياً كان نوعها، هل يمكن للـ "إله" أن يكون حياً في مثل
هكذا ظرف؟
لاحظ أنا هنا أتكلم عن "حياة" معنوية وفكرية بحتة.
إذن "المعرفة"، وعلى المفهوم الذي شرحته أعلاه، هي الغرض من "الخلق" وعلى
الشكل الذي نراه تحديداً وهكذا تكون إرادة ومشيئة الرب تحققت حتى وإن
أنكره منكر. أقول "حتى وإن أنكره منكر" لأن هذا المُنكِر للرب
يعترف ضمناً بإنكاره أياه بأنه قد أعمل الفكر فيه، وتلك هي حياة الإله
المعنوية في ذهن مخلوقه وإستمراريتها ونجاحها الباهر. فكأنما التفكر فيه
(إثباتاً أو نفياً أو حتى في محاولة مبدئية للفهم) هو عبادته،
وبإعمال الفكر فيه (عبادته) يكون قد تحققت مشيئته تعالى في خلقه كلهم
وبلا إستثناء. وهذه قمة "العبقرية" والتي لا يضاهيها ذكاء أو عبقرية
لذاته العلية جل شأنه لأنه يحيا في فكر المؤمن والجاحد على السواء..

يبدو إنو ماوصلتني فكرتك!! يعني الإنسان القديم كان بحاجة لشي كبير يقنعو مع العلم انو كانت النار معجزة ببعض العصور.. و الانسان المتطور اليوم يلي اختلفت طرق تفاعلو مع الأحداث و صار عقاو أكبر ماعد بحاجة لشي كبير يقنعو؟؟
يعني ماوضحتلي حالة التناسب العكسي يلي عم تحكي فيها:
إنسان عقلو صغير = شي كبير ليقنعو
إنسان عقلو كبير= شي صغير ( حتى ممكن قول بدون شي بالمرة) لازم يقتنع..
يا حبيب ...

مو قصة اقتناع .. قصة تفاعل مع الحدث .. قصة اثبات وجود

قصدي من الحديث ... انو الانسان القديم كان يخاف من عدة شغلات ....

لكن انسان اليوم صار يخاف من شغلات جديدة ...


الله يتعامل مع كل واحد حسب طريقة تفكير هذا الواحد ...


على الهامش ...
تعلمت شغلة بالحياة

صعب تلاقي تناسب طردي و عكسي !! قد نشوف يزيد بزيادة او يزيد بنقصان لان نسبة التغيير مو ثابتة :lol:


للحديث بقية :D

انا ما عندي مشكلة مع الحوار مع اي شخص بالاخوية فكيف اذا كان مع واحد اكتر الاشخاص اللي بحترهم فيها . :D

فكرة وجود المفهوم اللي بدل على الروح هاد ما بيعطيها اي مصداقية هلق انا من جهتي بربط بشكل كامل بين الروح والله لأن بمجرد ما قلت الله فانت عبتقول روح .

هلق وجود الروح او عدمه هاد ما عندي فكرة بأي صياغة اجا تاريخيا عند الشعوب لكن اللي بعرفه انه ورود بعض الافكار عند عدة شعوب قد يكون يضع تساؤلات حول حقيقة الفكرة وقد يكون عبارة عن اتصال بشكل او بآخر وقد يكون عبارة عن صدفة بحتة .

متل ما قلت لك ما عندي اي اطلاع على ورود فكرة الروح بالحضارات السابقة لكن ما فينا ننكر التخاطر اللي كان يصير بشكل عفوي . وبنفس الوقت قد يكون تعليله عبارة عن سبب كتير سخيف ونحن عمنحط النظريات المعقدة لفتسيره .

:D

طبعا ... م نقول الله يعني نحكي على الروح

بالبداية عبدوا القمر و الشمس او الحجار .... يعني اشياء ملموسة او مرئية بالنسبة للبشر


في ظواهر صعب تتفسر بالعلم ... طبعا في وقتهم كانت اكثر

لكن ما زالت ظةاهر ما تتفسر بالعلم


يعني مثلا ... الحجر الازرق و الدق على الخشب او النعل الصغير (تكرم) ... الخ

ما جتي اعتباطا او بسبب فكرة عبادة الالهة ...


هي جتي كمعتقدات تفسر ظواهر غريبة حدثت و فقاموا يحطوا اشياء لمنع الحسد مثلا ...


انا مو قصدي ان هذه الاشياء الصحيحة ... بس قصدي في اشياء و قوى غريبة على البشر ... غير ملموسة

ربطوها بوجود عالم ثاني ... عالم روحاني


ما تآمن بعض الحضارات بتناسخ الارواح ... الا حتى تفسر ظواهر قد تكون بسيطة بس تبقى معقدة

ترجع الفكرة للسؤال التالي : من خلق من الله خلق الانسان ام الانسان خلق الله .

سأسمح لنفسي بتدخل بسيط على ضوء الموضوع الذي أتمنى أن يصل إلى ضوء..
من خلق من! نفترض أن قناعتك بأن الإنسان خلق الله صحيحة وأنا شخصيا لي نفس الإقتناع ولكن بمنظور آخر فهناك العديد من الآلهة تتعدد من شخص لآخر( فهناك من إلهه الجنس أو المال أو السلطة أو الهوى أو الجهل..) وأنا على يقين أن هذه الآلهة تعبد كل حسب طقوسه وثقافته..


بالاول نحن ما عمنحكي كمصطلح مجازي حول العبادة والتعبد نحن عمنحكي على الروح يا اخي شو بدك سميها الروح المنسوب اليها كل شيء والمطلوب من الانسان يقتنع بوجودها هل هي موجودة وهل لوجودها مسبب منطقي .
عمنحكي على فكرة الروح والخالق ما عمنحكي على فكرة العبادة والتعبد وفي فرق بيناتهم انا الانسان بيخلق آلهة وبيجعل نفسه عبد الها بس ماننا بصدد التفاصيل اللي انت ذاكرها فوق .




أن الإنسان هو من خلق الله فسنسقط حتما في العبثية وهذا المصطلح يحيلنا إلى إلغاء الروابط المنطقية في
تسلسل الأحداث أو المفاهيم المتعددة وعلاقتها ببعضها البعض، وهذا الإلغاء
يقود هذا التسلسل في الأحداث أو المفاهيم إلى أن تتحرر من أية رؤية واضحة
لوجود هدف أو نمط منطقي مألوف وواضح. والعبث هو في الحقيقة نوع من أنواع
التيه الفكري والذي يقود بالضرورة إلى حالة من حالات العذاب وعلى مستويات
عدة
بعتقد شو ما كان مستوى العبثية اللي حيوصل اله اكيد حيكون افضل من الوضع الراهن .
حاليا الانسان المؤمن سانن قوانين حياته كلها في خدمة روح ما عنده دليل على وجودها او عدمه وبالتالي هوي متل الغريق المتعلق بالقشة .
لا بفضل اني اغرق بالعبثة وبعدين اشوف النور على اني اتم علقان بالقارب مدى العمر والحياة .

. وخير دليل على العذاب بواسطة العبثية هو إسطورة سيزيف
مع اني مطلع كتير على الاساطير بس ما فهمت شو بتقصد بالجملة السابقة الرجاء التوضخ لالي ولبقية الأعضاء اللي عبتابع الحوار .

إذن العبثية هو فقدان الهدف أو الروابط المنطقية فهل (الخلق) هو نوع من العبثية؟! وهنا سأطرح التساؤل الأزلي المتكرر والملح (وبحسب اعتقادي أن الله هوالخالق) لماذا خلقنا الله؟ و ما هو الهدف والغاية من خلقنا؟

فكرة اعتبار الكون موزع بشكل فلسفي بحت ومنتظم اعظم التنظيم ما حتخدم فكرة الموضوع لأن عبثية الكون واضحة ونهاية العالم حقيقة علمية وفي الها كتير اسباب منها ابتعاد القمر عن الارض ومنها اقتراب الارض من الشمس ومنها نظرية الالقتاء باحد الكواكب السيارة الكبيرة . بالنهاية اذا كان في عبثية فعلا فهي اللي هلق عبصير خلقية محتم عليها بالموت بالنهاية لو كان في عبثية بمفهومك وبتفسيرك هل سيكون الوضع ابشع من الحالي !؟

بشك


الإجابة لابد وأن تكون "المعرفة". "المعرفة" على أنها مشيئة الرب أن
يُعرف بواسطة خلقه. تلك "المعرفة" تبدو وكأنها ضرورة مُلحة، ولولاها
لإنتفت فكرة الإله لإنتفاء المجال العقلي (الإنسان، الخلق) لهذه الفكرة.

يا اما انا راسي كتير مسكر وتقلان من الدراسة يا اما انت عبتحكي بالألغاز
المعرفة مشية من عند الله ومعرفة الله مشية الهية ؟!
والانسان محدود المعرفة مخافا ما يقدر يجاري الله في العلم ؟! هيك بتفصد انت !!!؟


في الحقيقة، فإن
المعرفة هي أساس وجود الإله بين عباده. وبـ "المعرفة" هنا أقصد تحديداً
الإقرار (الإيمان، الإستدلال، البرهان، الشك، الإحساس، الإشتباه) بوجود
إله. فإرادة "المعرفة" من جانب الرب جل شأنه هو السبب الرئيسي في حياة
الخلق، وهو السبب الرئيسي في حياة الخالق كفكرة.

هلق مفهوم المفرقة بيظهر عندك ياه غير اللي عندي انا انا عندي المعرفة هي الدليل العقل الاثبات العلوم
اما الايمان والاحساس فهي ابعد ما يمكن عن المعرفة لا بل النقيض للعلم بحسب مفاهيمي للعلوم والمعارف .


بعتذر اني قطعت الحديث عند هي النقطة لأن صار وقت الرجعة للدراسة ولي عودة للموضوع :D

هون (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) فكرة حكوها الشباب مشكوريين ( سيزار , اللامنتمي )
بس كـ تعقيب صغير بالنسبة لـ الايمانيات هي مو مرتبطة بالايمان بالله او بديانة
معينة الايمان وهو الايمان المطلق .. الايمان بفكرة .. بنقطة ..
والاخلاقيات مافينا نفصلها تماما عن الديانات السماوية واللاسماوية والفلسفية وغيرها
المفكرين بقدمهم سعوا للوصول لمجتمع اخلاقي من خلال تمييزهم بين الخطا والصواب
يعني الاخلاق مانها مرتبطة بوجود ديانة او وجود إله ممكن تنوجد لحالها بس لإيجادها
تم التوصل لفكرة وجود إله غيبي يحاسب ويعاقب ويكافئ ويكرم بس بالاساس هي موجودة
قبل وجود الاديان السماوية .. والاديان السماوية بس ايدتها وعطتها بعض الخصوصية

سؤال هامشي : إذا كان آدم اول البشر فأيمت انوجد الانسان الهمجي ؟؟

بس بنقطة مواصلة الحياة وجود الغله مانها ضرورة .. لانو هيك بنكون نفينا وجود اخلاقيات عند غير
العالم المتبعين لديانة او معتقد ما فبنظري وجود الاخلاق هو ضرورة اكبر وليس وجود الإله

طفولة قالت ان الله صوت الضمير ... ممكن ناخد بهاد الحكي بشكل مطلق وبتجريد الإله من صفت الخلق

الروح .. بعتقد بوجود حالة روحية بس ما بالضرورة ربطها بإله .. ممكن تكون نابعة عن ابداع
او عن طاقات موجودة عند البشر وهي الطاقات بعتقد كمان انو اثبتت باكتر من معتقد او فكر

بنظري الله هو الوجود والعدم ..

وجود الله مرتبط بوجود البشرية .. وعدم وجودنا مرتبط بوجود إله ..
بالتالي الله هو فكرة تعتمد على الوجود والعدم ..
والاخلاق هي الحالة الانسانية لوجودنا ..

:D

بنظري الله هو الوجود والعدم ..

وجود الله مرتبط بوجود البشرية .. وعدم وجودنا مرتبط بوجود إله ..
بالتالي الله هو فكرة تعتمد على الوجود والعدم ..
والاخلاق هي الحالة الانسانية لوجودنا ..

:D

بمعنى أن الله بنظرك هو حالة عاطفية مستمدة من الفكر البشري؟؟

لا انا ما قلت انو حالة عاطفية ولا لمحت لهيك شي
هو حالة فكرية بحتة تماما ترتبط بوجودنا او عدمو
وجودنا = وجود فكر

لا انا ما قلت انو حالة عاطفية ولا لمحت لهيك شي
هو حالة فكرية بحتة تماما ترتبط بوجودنا او عدمو
وجودنا = وجود فكر

ما استوعبت كمان مرة.. بمعنى أنه و جودنا مرتبط بوجود إله بعقولنا؟ أو بمعنى إنو وجود أله هو ضرورة لوجدنا و ممارستنا المعيشية اليومية؟

بكافة العصور كان وجود إله - بغض النظر عن ماهية هالـ الإله -
والضرورة للمارسة الحياة المعيشية - باعتبار الحياة المعيشية هي وجود تعايش -
وبنقصد هون بالتعايش التعايش الانساني المرتبط بالاخلاق ..
هلئ احنا كـ بشر بحاجة لوجود الاخلاق بس بعصور سابقة انفرضت الاخلاق على انها اوامر إلهية
لوقت صار في ديانات سماوية حطت الاسس للاخلاق - الحالة الاجتماعية اللي احنا فيها -
ومفهوم الاخلاق بيختلف بين مجتمع وتاني بس مرجعو ديني - سماوية وغير سماوية -

الفكرة .. انو الإله لولا وجود عقولنا ما انوجد .. بمعنى انو وجود الفكر والعقل وليس لوجود هاد الإلهة بعقولنا
يعني العقل انوجد بعدين انطرحت او اتناقشت فكرة وجود الإله ... ونحنا كـ بشر ربطناها بممارستنا حياتنا اليومية

بتمنى كون قدرت وصل الفكرة بشكل ابسط ..

بس شو مشان السؤال اللي حكيتو ..!!

بفهم من هالحكي انو انت عم تقلنا كل واحد يفصل إله و يشوفو متل مابدو.. بمعنى انو نبتعد عن وصف الإله و مهماته و جنته و ناره يلي حكا عنها ببعض الكتب.. يعني ما نصدق كل الصفات الإرهابية للإله بل ناخد بس الصفات الايجابية

أول شي أنا بنت..بس يمكن بهالنقاش يللي صار ما كنت فاضي تطلع مين شب و مين بنت..و عمتحكي الكل بسوية وحدة...
ليش دايما منحب نفهم الأمور ع طريقتنا؟؟؟؟؟؟؟؟؟؟؟..و ليش منحب نشوف رأينا هوي الصح...؟؟
لا ..أنا ما حكيت متل انت ما حبيت تفهم..بس كنت بدي وصل لاستنتاج انو مو ضروري الإيمان يكون من غير وعي متل انت ما تفضلت و قلت..انو بالعكس..ممكن كتير هاد الايمان يكون توصلوا الانسان عن قناعة..مو توارث جيل عن جيل..
وصلت الفكرة؟؟؟؟؟؟؟؟؟؟؟؟؟؟؟؟؟ :lol:

الشغلة ياللي مؤمن فيها من كل قلبي و اعتقد انو قابلة للتصديق , انو في خالق اعظم او قوة عظمة وراء هالابداعات الموجودة على الارض و في الكون .
ما بظن انو عملية الخلق نشأت عن صدفة ( متل ما بتقول بعض النظريات ) العمل منظم اكتر من انو يكون صدفة بحتة ,عظمة تكوين الانسان و تفكير الانسان و ابداع الانسان ياللي خلتنا هاللا عم نتناقش بوجود الخالق هي ابعد ما تكون عن الصدفة ...
لكن انو حدا بيقدر يثبت انو هالخالق ياللي عم احكي عليه هو نفسه الله ياللي بنعبده ما بظن هالشي !!!
هون بتدخل العملية الايمانية البحتة .
بو بتبلش القناعات , انا من ناحيتي كتير مبسوط بديني , بحسه عم يرفع انسانيتي محبتي وعيي قبولي لكل البشر الاخرين , الرب ما بيتدخل بمشاكلي الخاصة صارت اكتر من مرة و خصوصا هالسنة الاخيرة عانيت من اكتر من صدفة سيئة جدا جدا و مشاكل كتيرة , ليش ما تدخل ؟؟؟
ما عندي جواب !!!...
لكن ياللي بعرفه انو كتير مرات تدخل و بطريقة ايجابية , ممكن انتو تسموها حظ او شو ما كان , انا بسميها عمل الهي , و بحس حالي منسجم مع هالقناعة هاي ...
ياللي بشوفه بالنهاية المطلوب انو نحترم بعض و قناعات بعضنا البعض , لا اكتر و لا اقل ....
تحياتي للكل و لكاتب الموضوع ....

تايغر أفكارنا جداً متقاربة وحتى الخبرات
باستثناء أنو الأحداث الأخيرة اللي صارت معي خلتني شوي شكك بقضية رعاية الله ومحبتو الي
بس بضل ما بقدر اتخلى عن فكرة الإيمان والرجاء فيو
بس سؤال تايغر الك ولبقية الشباب بتحسوا الله عادل ؟
:D

تايغر أفكارنا جداً متقاربة وحتى الخبرات
باستثناء أنو الأحداث الأخيرة اللي صارت معي خلتني شوي شكك بقضية رعاية الله ومحبتو الي
بس بضل ما بقدر اتخلى عن فكرة الإيمان والرجاء فيو
بس سؤال تايغر الك ولبقية الشباب بتحسوا الله عادل ؟
:D
من جهتي بحسو عادل بس مو فورا بيظهر عدلو يعني ممكن بعد سنة تنتين عشرة بس المهم عادل طبعا

تايغر أفكارنا جداً متقاربة وحتى الخبرات
باستثناء أنو الأحداث الأخيرة اللي صارت معي خلتني شوي شكك بقضية رعاية الله ومحبتو الي
بس بضل ما بقدر اتخلى عن فكرة الإيمان والرجاء فيو
بس سؤال تايغر بتحس الله عادل ؟
:D

ساندرا كتير مرات بحس انو الله مو عادل ابدا و ما بيعرف العدل , انا ما بآمن بوجود صفات مسبقة لـ الله , بقدر بعطيكي صفات للتجسد ياليل ساواه الرب لانو هذا شي لمسناه كبشر , بس الله ( الآب ) بحد ذاته انا ما بشوف له صفات يعني ممكن يطلعه معه شو ما كان , بحسه ( كبشر ) كتير مرات عشوائي و ما عم يعرف شو عم يعمل , و مرات بحسه انو عرفان شو عم يعمل تماما ( في حال آمننا بوجوده طبعا و ما اعتبرناها صدفة بحتة ) ...
السبب بظن انو نابع من بشريتنا , حتى مقياس العدل عندنا كبشر بيتغير , ياللي كان عادل قبل 2000 سنة ممكن ما يكون عادل هاللا ...
فعليه انا بشوف انو الدنيا ماشية ضمن رتم احيانا بشوفه محدد ( ما بعرف ليش!!! ) و بحس فيه و احيانا اكيد بفقد البوصلة و ما عاد بشعر فيه , لكن بحسب قناعاتي , مو كل شي انا بفكر انو عادل و جيد و خير , ممكن بكون عم يشكل نفس القناعة بالنسبة لغيري او بالنسبة لهالقدرة الالهية ...
انا كتير بأمن بموضوع النسبية , مرات شي بيكون كتير سيء بالنسبة الي بالوقت الحالي ( خلينا نقول انو الله مسؤول عن حدوثه ) و بعد فترة من الوقت بشوف انو بلش يتحول لايجابي , و بتبلش قوتي بتنبع من هالتجربة السيئة ياللي صارت معي ....
سر الدنيا كتير كبير و كل مرة بفكر فيه بعمق بوجع راسي , بس انا بشوف انو عملية اكمال حياتي بهالطريقة هو افضل الموجود
من فترة انصدمت بقسوة بظروف مؤلمة جدا , لكن ياللي بقدر قوله انو انا رح ضل على علاقتي مع الله و متبع تعاليمه ما دام عم شوف انو هالتعاليم عم تحسنلي حياتي و عم تجعلني انسان افضل لائق للحياة في العالم , انسان عم يعمر هالكرة الارضية و ما عم يهدمها , انسان بساهم في تقدم جنسه البشري و عدم ارجاعه للخلف ...
كتير مرات بفكر انو من الممكن تكون هاي حياتنا كلها خيال ( عالم تجربة يعني ) و هي عبارة عن مرحلة قصيرة من حياة تانية اطول ممكن نكون عم نحياها في مكان تاني تماما ....
خلينا نكملها للنهاية لنكتشف الحقيقة في النهاية , في يوم الموت (او ممكن الحياة في مكان تاني) ...:D

تسجيل .. خروج

مع متابعة طفيفة

..

مو ازدراء لحدا ابدا ..

ومع احترامي لكل واحد كتب بهالموضوع ..

بس انو عقلي ما بيتحمل كل هالحكي انا ..

تايغر الإيمان والرجاء اللي بتملكو رائع :Dوبحسدك عليه ولو أنو كلمة حسد مو حلوة :lol:


من جهتي بحسو عادل بس مو فورا بيظهر عدلو يعني ممكن بعد سنة تنتين عشرة بس المهم عادل طبعا
اي ممكن هالكلام بوي فريند ميرسي لإجابتك :D

بس بنفس الوقت في لا عدالة بالقدرات وبالإمكانيات
يعني ناس بتلاقيها ذكية ومرتاحة مادياً ويعني المشكال اللي عندها طفيفة
وناس بتلاقي عايشين بفقر ومن مصيبة لمصيبة
هلا منقول نحن من باب التعزية أنو بالآخرة رح تتحقق العدالة الإلهية ويمكن صح ويمكن غلط
بس شو مشان هالحياة

كلمة انصاف بحق الذات الإلهية مع اني بختلف معك بخصوص العشوائية, حتى انت أحيانا تنصرف عن هذا التفكير .
كتير مرات بفكر انو من الممكن تكون هاي حياتنا كلها خيال ( عالم تجربة يعني ) و هي عبارة عن مرحلة قصيرة من حياة تانية اطول ممكن نكون عم نحياها في مكان تاني تماما ....
خلينا نكملها للنهاية لنكتشف الحقيقة في النهاية , في يوم الموت
هيك و بدقة يمكن لنا ان نصيب الهدف .. كل ما هنالك وجوب اليقين بوجوده و قدرته و التسليم له آملين بأن يجعل لنا مخرجاّ طيبا نرتضيه حتماً .
كلماتك عزيزي كانت بالظبط نوعاً ما تفسير لآية قرآنية يقول فيها الله: " و اعبُد ربّك حتى يأتيك اليقين " .. كلمة اليقين تُفسّر بالموت .. فقط هنالك يتسنّى للبعض ممن يشككون بوجوده او قدراته هنالك فقط يرونها جلية واضحه .
و الاستمرار يجب ان يكون وفق نهج و شرائع الله .

الله باختصار شديد
برأيي:
موجود و لكن هو شي كتير أكبر من طاقة ادراكنا ....
هو سر ... يمكن ما رح نقدر نفهمو حتى نروح عالجانب الاخر من الحياة

سلام

اي ممكن هالكلام بوي فريند ميرسي لإجابتك :D

بس بنفس الوقت في لا عدالة بالقدرات وبالإمكانيات
يعني ناس بتلاقيها ذكية ومرتاحة مادياً ويعني المشكال اللي عندها طفيفة
وناس بتلاقي عايشين بفقر ومن مصيبة لمصيبة
هلا منقول نحن من باب التعزية أنو بالآخرة رح تتحقق العدالة الإلهية ويمكن صح ويمكن غلط
بس شو مشان هالحياة


بالحقيقة الحيااة مو عادلة ...

و السبب ظلم البشر للبشر ...


يعني الفرص محدودة ..... و ما تكفي الكل و مع الاسف كثيرين يخسروا


يعني نجي نقول ... اذا حرب طاحنة صارت ... مو اللي تحاربوا هم بشر ...

و نتيجة الحرب ... هي نتيجة غياب العدل البشري ... .. مو نتيجة عدم عدل الله


بس نرجع و نقول الله ممكن يخلق فرص جديدة للكل ... يعطي رجائنا يكون فيه

تايغر الإيمان والرجاء اللي بتملكو رائع :Dوبحسدك عليه ولو أنو كلمة حسد مو حلوة :lol:



لا دخيلك بلا حسد انا ماني ناقص , هيك و ماني مخلص ...:p
اذا بدك بعطيكي شوي منهم .... :o:lol:

تحياتي .... :D:D

كلمة انصاف بحق الذات الإلهية مع اني بختلف معك بخصوص العشوائية, حتى انت أحيانا تنصرف عن هذا التفكير .

هيك و بدقة يمكن لنا ان نصيب الهدف .. كل ما هنالك وجوب اليقين بوجوده و قدرته و التسليم له آملين بأن يجعل لنا مخرجاّ طيبا نرتضيه حتماً .
كلماتك عزيزي كانت بالظبط نوعاً ما تفسير لآية قرآنية يقول فيها الله: " و اعبُد ربّك حتى يأتيك اليقين " .. كلمة اليقين تُفسّر بالموت .. فقط هنالك يتسنّى للبعض ممن يشككون بوجوده او قدراته هنالك فقط يرونها جلية واضحه .
و الاستمرار يجب ان يكون وفق نهج و شرائع الله .

اخي انا من غير المؤمنين بوجود شيء اسمه القدر , في متغيرات في العالم و هالمتغيرات بتدخل بحياتنا بطريقة او غيرها , و كوننا خلقنا قرارنا حر و ارادتنا حرة فما بظن من المنطقي وجود شي بيتحكم بحياتنا بتدخل الهي او غير الهي ...
و مع اعتبار انو الله بيتدخل ( ولا يتحكم بشكل كامل لانو هو ياللي عطاك الحرية ) بحياتنا بطريقة او اخرى انا بشوف انو العشوائية نابعة من هون , لانو النتائج عم تكون كتير مرات عشوائية و غير قابلة للتفسير بطريقة انسانية منطقية ....
طبعا عم احكيك هالحكي من وجهة نظر انسانية بحتة ....

....
هو سر ... يمكن ما رح نقدر نفهمو حتى نروح عالجانب الاخر من الحياة


استوقفتني هي المشاركة... شو الفكرة من كونو سر؟؟ يعني السر بيمفهومنا نحنا البشر لازم يكنلو أسباب.. بمعنى لحتى تخبي شي و ماتكشفو لازم يكون في غلط معين أو لازم يكون عدم كشفو أفضل..

يمكن متل ماالله خلقنا (عند جميع المعتقدات) احنا خلقنا كمان

نحن لم نستطع بعد كل هذا التاريخ الطويل ان نكون مثل الله , فهل يستطيع الله ان يكون مثلنا فيتخلص من هذا الصراخ الدائم نحوه ..بلا شك ان وظيفة الالوهية وظيفة فاشلة وعاطلة فعدد المؤمنين عن صدق قلة وثلة لاوزن لها قياسا بعذابات العالم والاكثرية .. هل الله طفل اضاع طريق المدرسة ؟!.. هل الله طفل ذكي سرق المدرّس كتاباته ومخطوطاته في مادة الموسيقى والتعبير والرسم .. مسكين .. مسكين .. نحن نشكو حالنا الى الله لكن هو يشكو لمن ؟!... الله هو الكاتب رقم واحد حيث خط كتاب الكون ... لكن ما هذا الفشل ؟! .. فالكتابة هزيمة مستمرة .. فما عساها ان تجدي الكتابة .. بعد كل حرف يبكيه قلمي , اسمع عمر الخيام ينحب في مستقر منفاه الاخير يجهش حروفا على حروفه الماضيه :

هب الدنيا كما تهواه كانت _ وكنتَ قرأتَ أسفار الحياة وهبك بلغتها مئتين حولا _ فماذا بعد ذلك سوى الممات

طيب انا بقترح احسن ما نبقى انا براي وانا براي وانا بشوف وانا بتوقع خلينا نبدا نحكي شوي بتاريخ الفكرة .

ما بدنا نحكي بكلمة " لاه " امتى استخدمت مع انها كانت موجودة الكلمة " الله " للدلالة على القمر بحرفيتها خلال الزمن الجاهلي فخلينا شوي نطلع من الكلمات ونتوجه للمعنى من امتى بدات فكرة وجود روح حية دائمة تدعى الله !؟!

كابي ... احنا نحكي على زمن كثير ابعد من الجاهلية !!

اقدم من ابراهيم الخليل

كابي ... احنا نحكي على زمن كثير ابعد من الجاهلية !!

اقدم من ابراهيم الخليل
طيب خلينا نشوف اقدم من ابراهيم الخليل فين كانت الروح ظاهرة ، تاريخيا بحسب المراجع الدينية ابراهيم الخليل هو اول من بحث عن الله وهو اول من وجده وما كان معرفو سابقا شيء اسمه رب او إله .
ففين ظهرت بدايات فكرة الله !؟!

ما تقدر تجزم بهذا ...

يعني نوح اكيد حكى مع الله .... بس ابراهيم عاش في اور بزمن انتشار ديانات كثيرة ... و خصوصا ف عبادة الاله سين اله القمر


بس ابراهيم الخليل حكى عن الله كونه روح ازلي ..

ما تقدر تجزم بهذا ...

يعني نوح اكيد حكى مع الله .... بس ابراهيم عاش في اور بزمن انتشار ديانات كثيرة ... و خصوصا ف عبادة الاله سين اله القمر


بس ابراهيم الخليل حكى عن الله كونه روح ازلي ..
هلق الحضارات القديمة كان فيها مفهوم الحياة بعد الموت وبافضل احوالها كان الحياة بشكل العودة إلى الكون عن طريق جسد آخر لكن الروح لم يتم ذكرها .

اما عن فكرة نوح والله بعتقد مجرد اسطورة وغلط نسحب من الاساطير الحقائق ما بتتفق معي انت بهي النقطة ؟! اوكي نسجب منها العبر والمعاني هاد شي منيح لكن اننا نعتبرها مرجعية وصاحبة مصداقية تاريحية بعتقد منكون غلطانا بهي النقطة .

بالاصل الفكرة الفكرة الاصلية فين خلقت ؟!
مين اول من ادرك وجود روح " مع انه لهلق مافي شي بيدعم وجود الروح " لكن كفكرة من اول من اوجد مفهوم الجسد والروح لأن بمجرد ما نعرف مين خلق مفهوم الروح منكون حطينا ايدنا على اول الخيط اللي رح يوصلنا على نشأة فكرة الله وممكن وقتها نعرف شو هوي الله بشكل افضل ونفهمه بشكل اصّح .

هلق الحضارات القديمة كان فيها مفهوم الحياة بعد الموت وبافضل احوالها كان الحياة بشكل العودة إلى الكون عن طريق جسد آخر لكن الروح لم يتم ذكرها .

اما عن فكرة نوح والله بعتقد مجرد اسطورة وغلط نسحب من الاساطير الحقائق ما بتتفق معي انت بهي النقطة ؟! اوكي نسجب منها العبر والمعاني هاد شي منيح لكن اننا نعتبرها مرجعية وصاحبة مصداقية تاريحية بعتقد منكون غلطانا بهي النقطة .

بالاصل الفكرة الفكرة الاصلية فين خلقت ؟!
مين اول من ادرك وجود روح " مع انه لهلق مافي شي بيدعم وجود الروح " لكن كفكرة من اول من اوجد مفهوم الجسد والروح لأن بمجرد ما نعرف مين خلق مفهوم الروح منكون حطينا ايدنا على اول الخيط اللي رح يوصلنا على نشأة فكرة الله وممكن وقتها نعرف شو هوي الله بشكل افضل ونفهمه بشكل اصّح .
من نحكي على حضارات قديمة ... نحكي على مجال واسع و كبير

و كل حضارة تفاعلت بطريقتها الخاصة ...



بشكل عام .. الانسان على اختلاف المكان ... فكر بالوجود و بالخلود ... و اول ملحمة بالتاريخ تحاول تعالج هذا الموضوع



نجي على مبدأ الحياة مرة ثانية

مبدأ الحياة بجسد ثاني بعد موت الجسد الاول يركز على ازلية الروح ...

و اللي سموه الهندوس تناسخ الارواح او الكارما

و هذا المبدا يركز ان على ان الارواح تأخذ اجساد جديدة مباشرة بعد الموت ... و ان الانسان لحظة الولادة نجيه الروح ...



الحياة ما بعد الموت بشكلها الفرعوني كانت انو يعيش حياة ثانية بنفس الجسد و لذلك حنطوا الاجساد ..



طبعا الفكر السومري و الاكادي كان مختلف ... بس يجي وقتو و نشوف شلون كاناو يفكرون بالموضوع


نجي من ناحية كون نوح شخصية حقيقة او لا ... هذا مو وقتو حاليا ... خلينا نركز على تفاعل الخضارات مع مسألة الوجود و الخلود و العالم الثاني او الروحاني ...


و ع راسي جابي