|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
13/07/2009
|
#1 | ||||||
|
عضو
-- زعيـــــــم --
|
الدش والقنوات الفضائية
صارت القضايا الأخلاقية و المشاكل للي بتتعلئ بالجنس وتعدد العلاقات وخاصة بين المتزوجين والمتزوجات هي حديث المجالس والمنتديات وعم ُتنذكر بأعداد مهولة ، ولا يكاد يمر يوم إلا وعم بسمع عن هالقضية..... تسرب الشك للنفوس ... وتبددت الثقة بين الناس .. بسبب هالحوادث الحوادث والقضايا . ولو رجعنا بذاكرتنا لورى شوي .... وتمعّنا اكتر ... لقينا انو من احد اهم اسبابها : القنوات الفضائية انا لح اطرح كم سؤال وازا حدى منكم لئي اجوبة عليون ياريت يبين شو وجهة نظرو - هل انت مقتنع بوجود الدش واقتناؤه ؟؟؟ - هل بتعترف بمساوئو .. وأنو بيتصنف بالمركز الأول لإفساد الشباب ؟؟ - هل تعرضت شخصياً .. أو سمعت بموقف مشين حدث من تأثير( الدش )؟؟؟ - شو الخطوات اللي قمت فيها لتحافظ على أهل بيتك من أطفال ومراهقين او ازا كنت شاب او صبية لتحافظ على نفسك واقل شي تبتعد عن سيئاتو ؟؟؟ - هل بتتمنى أنو تتخلص من هالطبق الجاثم على بيتك ؟؟؟؟ - ازا فرضنا انو في اسباب اتانية عم بتشيع الفساد بالمجتمع على وجه العموم شو ممكن تكون متلا وليش؟؟؟ ---------- اخر شي بتمنى انو يكون في حوار جاد بعيد عن التفئيس والضحك وتنظرو للموضوع برشة نقاش نصطفي منو المفيد
انـــــا آســــف لأنــــــي ما كنـــش غصـــب عنـــي.... بيـــن الســـحاب ادوب وارحـــــل بين الدروب
...... وعــــن حبــــك اتـــوب.. وانســـى انـــــ كنتـــــي منـــــي .... ماكنـــش غصــب عنـــي مــا كنش غصـــب عني انـــــــــا آســــــف آخر تعديل Reemi يوم 13/07/2009 في 12:49. |
||||||
|
|
13/07/2009
|
#2 | ||||||
|
مشرف متقاعد
|
ياستي رأيي بالمختصر انو بهاد الوقت ماعد فيكي تضبطي شي... وبشكل عام اختلفت مقاييس التربية والرقابة بالمجتمع
يعني يلي كان مبارح محرمات اليوم صار اقل من طبيعي ومع اختلاف وتعدد وانتشار وسائل الاتصال واختلاف عادات الجيل صار مستحيل موضوع الرقابة.. وبالاضافة لانو مستحيل صار غير مجدي فمن وجهة نظري بشوف الدش وسيلة من عدة وسائل اتصال الها سلبياتها والها ايجابياتها بس بالحالتين مجبورين نقبل فيها شو هالعمر اللي مش باقي شي لولا الوقت الولا خلى شي خلالي طريقي و رح أمشيه
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||
|
|
|
13/07/2009
|
#4 | ||||||
|
عضو
-- زعيـــــــم --
|
خلي هالعالم تنبسط
|
||||||
|
|
|
13/07/2009
|
#5 | |||||||
|
عضو
-- زعيـــــــم --
|
اقتباس:
على فكرة الموضوع بيضل مو اصلاحي انما نقاشي واستبياني ممكن كمان؟! بس هاد من نظرتي انا مو اكتر ...  |
|||||||
|
|
|
04/08/2009
|
#7 | ||||
|
عضو
-- مستشــــــــــار --
|
شوفي لقلك شغلة
اي شي بها الزمن إلو سلبياتو وايجابياتو يعني الموبايل ولله ايام بتحسي وجودوا اكبر نعمة بحياتك بس لوفكرتي مثلا بسلبياتو بتلاقيها كبيرة وعديدة ومتنوعة كمان الدش والستلايت والاقنية المبتذلة هون منرجع لتربية الشخص من الاساس منرجع للجو والبيئة يلي عاش فيها أنا مع الرقابة على هالاشيا لحد سن معين بعدين بالعقل بيقدر الانسان يشوف الصح من الخطا كتير ايام بشوف ادامي حديث وفعل ومنطق خطا بخطا بس مابدخل ابدا لانو في منطق وفي عقل وفي اخلاق كل المعايير بالدني بتتغير الا الاخلاق بتبقى هية هية واي شي كان بالماضي غير مباح وصار مباح هلىء هي اشيا سببها تغيير مبادىء العيش ومابظن الاخلاق بتدخل بها المحور ولما بتربي صح رح تحصدي صح وهي طبشنالك رد ان شالله يكون على زوقك |
||||
|
|
|
04/08/2009
|
#9 | ||||||
|
عضو
-- أخ لهلوب --
|
الامر لا يتعلق بوجود الدش او عدمه فكل شيء له سلبيات واجابيات وانا اوافق على ان القنوات الفضائية لها دور كبير في التاثير على الشباب ان الامر يتعلق بان نختار ما نشاهده وعلى الرقابة ان كانت فعلا موجودة
 ان تقوم بواجبها ايضا كما يجب الاشراف على من هم اصغر منا اثناء مشاهدتهم للتلفاز ولا يكفي ان تكون القناة عربية حتى تكون امنة.
اؤمن بسيدنا عيسى كما اؤمن بسيدنا محمد
اؤمن بالانجيل كما اؤمن بالقران هكذا يوصيني ديني.....دين الله.........الاسلام |
||||||
|
|
|
04/08/2009
|
#10 | |||||||||||||||
|
عضو
-- مستشــــــــــار --
|
اقتباس:
اقتباس:
شي طبيعي اني كون مقتنعة بوجود الدش لانو من الكماليات الحياتية يلي قربت البعيد وخلت العالم كلو بمتناول اليد يعني انا مابتخيل حياتي بدون الدش وبرامجو المتنوعة اقتباس:
اقتباس:
ليش بالمركز الاول؟؟ انا بشوف انو الفساد شي شخصي  يعني يلي عندو استعداد للفساد بينفسد وهو بحضن امو ويلي ما عندو هيك استعداد لو حطوه وين بدي قلك مثلا لو حطوه بشي كازينو بين القمار مارح ينفسد فانا ما بشوف فيه المركز الاول للفساد ابدا- اقتباس:
اي سمعت انو النسوان عم يتطلقو من ورا المسلسلات التركية وقلة العقل عنجد الحق مو عالتلفزيون الحق على العقل السسليم يلي بالجسم العليل اقتباس:
اقتباس:
تعي قلك سر انا من الناس يلي برمو الديجتال محطة محطة وبما فيا المحطات يلي بيقولو عنا لا اخلاقية وما حسيت انو هي المحطات اثرت على اخلاقي انا باكدلك انو يلي بيعرف يفرق بين المفيد وغير المفيد مش بحاجة لاي اجراء اخر لحمايتو هاد الحكي عن شخص بيعرف اما طفل او مراهق فالمراقبة من بعيد لبعيد مهمة وهاد ما بيعني اني امنعو يتفرج بس على الاقل ازرع فيه فكرة المفيد وغير المفيد اقتباس:
 اقتباس:
السبب الرئيسي التفكك العائلي لانو بياثر على نفسية الطفل او المراهق او الشاب وبيفقدو ثقتو بحالو وبمجتمعو فالحل عندو هو الهروب من واقعو والهروب دايما بيودي لما يسمى الفساد الاخلاقي ----------
ياوطني يسعد صباحك
متى الحزن يطلق سراحك الابتسامة النبيلة هي التي تخرج من قلب يبكي هكذا انا قررت ((((*(*(*(*(*(*(*عصابة الملوك *)*)*)*)*)*)*) )))) |
|||||||||||||||
|
|
|
05/08/2009
|
#12 | ||||||
|
عضو
-- زعيـــــــم --
|
برأيي كل واحد بينام على الجنب اللي بيريحو..
رغم انو انا من عائلة كتير متحررة ومنفتحة بس نحنا بالبيت ما عنا غير شي 15 قناة بالدش.. والباقي محذووووووف ليش لأنو ما بيهمنا.. وما بيعنينا.. وما الو لزوم ببيتنا.. مو الدش هوي اللي بيفسد العلاقات وبيخرب العقول.. التربية الفاسدة هيي الاصل.. مجتمعاتنا منغلقة ومتعصبة وممنوع صبية تحكي مع شب .. وكل الوقت الناس عم تتفرج على الخلاعات وقلة الحياء على التلفزيون .. تناقض فظيع..
طائر واحد يكفي لكي لا تسقط السماء
فرج بيرقدار |
||||||
|
|
|
05/08/2009
|
#13 | |||||||
|
عضو
-- أخ لهلوب --
|
اقتباس:
للأسف |
|||||||
|
|
|
05/08/2009
|
#14 | ||||||
|
عضو
-- مستشــــــــــار --
|
لو ما الدش والتلفزيون كان عدد سكان سوريا 40 مليون
دمي ولا دمعة أمي
|
||||||
|
|
|
05/08/2009
|
#15 | ||||||
|
عضو
-- زعيـــــــم --
|
واله مرة حولت قنوات التلفزيون وولفتا عالنايل سات يا جماعة شفت شي ما بينشاف
اني شي كتير عيب قنوات كلها للاتصال والججنس ومدري شو وعم بيشجعو ..ويالله اتصلو هي اكيد للفساد وحدة بوحدة ... رجعت ولفتو عالعرب سات وكفانا الله |
||||||
|
|
|
05/08/2009
|
#16 | ||||||
|
عضو
-- مستشــــــــــار --
   |
مساء الخير
الاخلاق ابنة البيئة والوعيي يتشكل وفق للواقع صديقتي قد أتفق وانت على النتيجة الجئية للدش ألا وهي افساد الاخلاق وامراض الوعي ولكن قد اختلف وانت حتى على مصادر هذا الافساد انا ارى في بعض القناوت السياسية والدينية والحزبية خطر أعظم من خطر قنوات الاغاني في النايل سات وقنوات التجارة الجسدية على الهوت بيرد لدرجت ان قائمة القنوات في التلفزيون لدي تبدأ بباقة mbc ثم قنوات الترفيه المنزلي وختاما بعييييييييييد بعض القنوات السياسية الواحد صار يشتااااااق للررررررررررررررررررررررو اء
جرائم حماس على صفيح ساخن
http://hamasgaza.wordpress.com/ |
||||||
|
|
|
05/08/2009
|
#17 | ||||||
|
عضو
-- زعيـــــــم --
|
العيب مو بالمسلسلات العيب باللي اخدتلو عقلو و صاير يعبدها
 كل واحد فينا عندو عقل و بيعرف شو يشوف و شو ما يشوف  و عا قولة ابو العبد خلي هالعالم تنبس طالما هيك
نحن ننتظر الضياء و لكننا نرى الظلام
--------------------------------------------------------------- ذو العينين البراقتين ......... الذي يقرر المصائر ............. DaRkNeSs LoRd Lord Of DarkneSs Lord Of The Sweet Sadness |
||||||
|
|
|
05/08/2009
|
#18 | |||||||
|
عضو
-- مستشــــــــــار --
|
اقتباس:
انا بتفرج عالنايل سات وين محطات الجنس عالنايل سات؟ بنتي لتكوني رايحة عالهوت  |
|||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 17:40 (بحسب عمك غرينتش الكبير +3)