|
الدش والقنوات الفضائية
صارت القضايا الأخلاقية و المشاكل للي بتتعلئ بالجنس وتعدد العلاقات وخاصة بين المتزوجين والمتزوجات هي حديث المجالس والمنتديات وعم ُتنذكر بأعداد مهولة ، ولا يكاد يمر يوم إلا وعم بسمع عن هالقضية..... تسرب الشك للنفوس ... وتبددت الثقة بين الناس .. بسبب هالحوادث الحوادث والقضايا . ولو رجعنا بذاكرتنا لورى شوي .... وتمعّنا اكتر ... لقينا انو من احد اهم اسبابها : القنوات الفضائية انا لح اطرح كم سؤال وازا حدى منكم لئي اجوبة عليون ياريت يبين شو وجهة نظرو - هل انت مقتنع بوجود الدش واقتناؤه ؟؟؟ - هل بتعترف بمساوئو .. وأنو بيتصنف بالمركز الأول لإفساد الشباب ؟؟ - هل تعرضت شخصياً .. أو سمعت بموقف مشين حدث من تأثير( الدش )؟؟؟ - شو الخطوات اللي قمت فيها لتحافظ على أهل بيتك من أطفال ومراهقين او ازا كنت شاب او صبية لتحافظ على نفسك واقل شي تبتعد عن سيئاتو ؟؟؟ - هل بتتمنى أنو تتخلص من هالطبق الجاثم على بيتك ؟؟؟؟ - ازا فرضنا انو في اسباب اتانية عم بتشيع الفساد بالمجتمع على وجه العموم شو ممكن تكون متلا وليش؟؟؟ ---------- اخر شي بتمنى انو يكون في حوار جاد بعيد عن التفئيس والضحك وتنظرو للموضوع برشة نقاش نصطفي منو المفيد |
ياستي رأيي بالمختصر انو بهاد الوقت ماعد فيكي تضبطي شي... وبشكل عام اختلفت مقاييس التربية والرقابة بالمجتمع
يعني يلي كان مبارح محرمات اليوم صار اقل من طبيعي ومع اختلاف وتعدد وانتشار وسائل الاتصال واختلاف عادات الجيل صار مستحيل موضوع الرقابة.. وبالاضافة لانو مستحيل صار غير مجدي فمن وجهة نظري بشوف الدش وسيلة من عدة وسائل اتصال الها سلبياتها والها ايجابياتها بس بالحالتين مجبورين نقبل فيها |
كلامك صحيح الله يستر من اللي جاي ويعيننا عاللي احنا فيه .... بالفعل كل يوم بسمع قصة بتخوف اكتر من التانية وكل قصة ياساتر تبعدنا عن بلواه
|
خلي هالعالم تنبسط
|
اقتباس:
على فكرة الموضوع بيضل مو اصلاحي انما نقاشي واستبياني ممكن كمان؟! بس هاد من نظرتي انا مو اكتر ...:D |
شو القصة :pos: ليش نمتو عالموضوع :x
|
شوفي لقلك شغلة
اي شي بها الزمن إلو سلبياتو وايجابياتو يعني الموبايل ولله ايام بتحسي وجودوا اكبر نعمة بحياتك بس لوفكرتي مثلا بسلبياتو بتلاقيها كبيرة وعديدة ومتنوعة كمان الدش والستلايت والاقنية المبتذلة هون منرجع لتربية الشخص من الاساس منرجع للجو والبيئة يلي عاش فيها أنا مع الرقابة على هالاشيا لحد سن معين بعدين بالعقل بيقدر الانسان يشوف الصح من الخطا كتير ايام بشوف ادامي حديث وفعل ومنطق خطا بخطا بس مابدخل ابدا لانو في منطق وفي عقل وفي اخلاق كل المعايير بالدني بتتغير الا الاخلاق بتبقى هية هية واي شي كان بالماضي غير مباح وصار مباح هلىء هي اشيا سببها تغيير مبادىء العيش ومابظن الاخلاق بتدخل بها المحور ولما بتربي صح رح تحصدي صح وهي طبشنالك رد ان شالله يكون على زوقك:D |
اقتباس:
|
الامر لا يتعلق بوجود الدش او عدمه فكل شيء له سلبيات واجابيات وانا اوافق على ان القنوات الفضائية لها دور كبير في التاثير على الشباب ان الامر يتعلق بان نختار ما نشاهده وعلى الرقابة ان كانت فعلا موجودة :pos: ان تقوم بواجبها ايضا كما يجب الاشراف على من هم اصغر منا اثناء مشاهدتهم للتلفاز ولا يكفي ان تكون القناة عربية حتى تكون امنة.
|
اقتباس:
اقتباس:
شي طبيعي اني كون مقتنعة بوجود الدش لانو من الكماليات الحياتية يلي قربت البعيد وخلت العالم كلو بمتناول اليد يعني انا مابتخيل حياتي بدون الدش وبرامجو المتنوعة اقتباس:
اقتباس:
ليش بالمركز الاول؟؟ انا بشوف انو الفساد شي شخصي:lol: يعني يلي عندو استعداد للفساد بينفسد وهو بحضن امو ويلي ما عندو هيك استعداد لو حطوه وين بدي قلك مثلا لو حطوه بشي كازينو بين القمار مارح ينفسد فانا ما بشوف فيه المركز الاول للفساد ابدا - اقتباس:
اي سمعت انو النسوان عم يتطلقو من ورا المسلسلات التركية وقلة العقل عنجد الحق مو عالتلفزيون الحق على العقل السسليم يلي بالجسم العليل اقتباس:
اقتباس:
تعي قلك سر انا من الناس يلي برمو الديجتال محطة محطة وبما فيا المحطات يلي بيقولو عنا لا اخلاقية وما حسيت انو هي المحطات اثرت على اخلاقي انا باكدلك انو يلي بيعرف يفرق بين المفيد وغير المفيد مش بحاجة لاي اجراء اخر لحمايتو هاد الحكي عن شخص بيعرف اما طفل او مراهق فالمراقبة من بعيد لبعيد مهمة وهاد ما بيعني اني امنعو يتفرج بس على الاقل ازرع فيه فكرة المفيد وغير المفيد اقتباس:
اقتباس:
السبب الرئيسي التفكك العائلي لانو بياثر على نفسية الطفل او المراهق او الشاب وبيفقدو ثقتو بحالو وبمجتمعو فالحل عندو هو الهروب من واقعو والهروب دايما بيودي لما يسمى الفساد الاخلاقي ---------- :D:D:D:D:D:D:D |
اقتباس:
|
برأيي كل واحد بينام على الجنب اللي بيريحو..
رغم انو انا من عائلة كتير متحررة ومنفتحة بس نحنا بالبيت ما عنا غير شي 15 قناة بالدش.. والباقي محذووووووف ليش لأنو ما بيهمنا.. وما بيعنينا.. وما الو لزوم ببيتنا.. مو الدش هوي اللي بيفسد العلاقات وبيخرب العقول.. التربية الفاسدة هيي الاصل.. مجتمعاتنا منغلقة ومتعصبة وممنوع صبية تحكي مع شب .. وكل الوقت الناس عم تتفرج على الخلاعات وقلة الحياء على التلفزيون .. تناقض فظيع.. |
اقتباس:
للأسف |
لو ما الدش والتلفزيون كان عدد سكان سوريا 40 مليون
|
واله مرة حولت قنوات التلفزيون وولفتا عالنايل سات يا جماعة شفت شي ما بينشاف
اني شي كتير عيب قنوات كلها للاتصال والججنس ومدري شو وعم بيشجعو ..ويالله اتصلو هي اكيد للفساد وحدة بوحدة ... رجعت ولفتو عالعرب سات وكفانا الله :lol: |
مساء الخير
الاخلاق ابنة البيئة والوعيي يتشكل وفق للواقع صديقتي قد أتفق وانت على النتيجة الجئية للدش ألا وهي افساد الاخلاق وامراض الوعي ولكن قد اختلف وانت حتى على مصادر هذا الافساد انا ارى في بعض القناوت السياسية والدينية والحزبية خطر أعظم من خطر قنوات الاغاني في النايل سات وقنوات التجارة الجسدية على الهوت بيرد لدرجت ان قائمة القنوات في التلفزيون لدي تبدأ بباقة mbc ثم قنوات الترفيه المنزلي وختاما بعييييييييييد بعض القنوات السياسية الواحد صار يشتااااااق للررررررررررررررررررررررو اء |
العيب مو بالمسلسلات العيب باللي اخدتلو عقلو و صاير يعبدها:shock:
كل واحد فينا عندو عقل و بيعرف شو يشوف و شو ما يشوف:frown: و عا قولة ابو العبد خلي هالعالم تنبس طالما هيك :D |
اقتباس:
انا بتفرج عالنايل سات وين محطات الجنس عالنايل سات؟ بنتي لتكوني رايحة عالهوت :o:o |
| الساعة بإيدك هلق يا سيدي 18:14 (بحسب عمك غرينتش الكبير +3) |
Powered by vBulletin® Copyright ©2000 - 2015, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون