هاد ياسادة وياسيدات هون بدي احكي شوي عن مذكرات استاز من اساتذة المدارس عنا اسمو سامع المطنش :yahoo:
المهم الاستاز سامع هاد استاز نموذجي من اساتذتنا...... يعني فهم عميق للمناهج..... اسلوب راقي بالتعامل مع الطلاب...... واسلوب سلس وواضح بشرح وتوضيح المنهاج للطلبة الاعزاء

وهلأ رح نبلش بالحكاية الاولى من يوميات استازنا الكبير


دخل الاستاز سامع المطنش إلى قاعة الصف وعلى محياه ابتسامة صفراء وحيّا الطلاب صارخا بهم:
وقف ولك انت وياه

وقف الطلاب احتراما للاستاز ثم قال لهم جلوس فجلسو
امسك الاستاز بالطباشير الابيض وكتب على زاوية اللوح
الحصة: علوم
الدرس: تشريح السمكة
ثم جلس على كرسيه بعد ان نفض عنها الغبار الطباشيري....... وفتح حقيبته السوداء واخرج منها كتاب العلوم وقال للطلاب افتحو على الصفحة كذا
ثم بدأ يقرأ لطلابه الاعزاء محتوى درس تشريح السمكة قراءة واضحة وسلسة
ثم سأله احد الطلاب: يااستاز يااستاز هلق ليش السمكة الها غلاصم وانا ماالي؟؟؟!!!!
فأجابه الاستاز بكل رحابة صدر جواب علمي دقيق: ولك وله لانو الله خلقك هيك وخلقها هيك

:shock: :cry:

المزيد المزيد

المزيد المزيد

يللا يللا :D

دخل الاستاز سامع المطنش الى الصف كالعادة بابتسامته الصفراء وتحيته اللطيفة للطلاب: وقف ولك
ووقف الطلاب احتراما ثم جلسو بعد ان سمعو طلبه اللطيف: جلوس ولك

ثم تناول الطبشورة البيضاء بانامله الرقيقة :sosweet: وكتب على اللوح
الحصة: حساب
الدرس: جدول الضرب

وجلس على كرسيه بحنية وقال للطلاب: ياولاد..... اليوم بدنا ناخد درس رح تستفيدو منو بكل مراحل الدراسة يعني حتى بالجامعة مافيكون تعيشو بلاه وكمان بالحياة اليومية رح تتضطرو تستخدموه...... لهي بدي اياكون تحفظوه متل اساميكون واحسن...... سامعين ولاه

فهز الطلاب رؤوسهم الصغيرة بالايجاب

وبعدها فتح الاستاز حقيبته السوداء واخرج الآلة الحاسبة ليتمكن من شرح الدرس من دون اخطاء

:shock: :cry:

هاااه
عجبتني شغلة الكلكوليتر هي
طيب انا حيبب توصلي لحصة البارا سيكولجي
حيبب اعرف شو عمل فيها

هاااه
عجبتني شغلة الكلكوليتر هي
طيب انا حيبب توصلي لحصة البارا سيكولجي
حيبب اعرف شو عمل فيها

اكيد رح نزلها بس انطر عليي ليجي عمو الوحي ;-)

ميرسي كتير:D

ميرسي كتير:D

ميرسي الك
كلك ذوق:D

دخل الاستاز سامع عالصف بس هالمرة مع عبسة ومع شوي تلبك وخجل وبعد التحية المعهودة ووقوف وجلوس الطلاب

امسك الطبشورة البيضاء بيد مرتجفة وكتب على اللوح
المادة:علوم
الدرس: التكاثر عند الإنسان :oops:

ثم امسك الطبشورة الحمراء ورسم فوق التكاثر عند الإنسان اشارة اكس كبيرة حمراء

وجلس على كرسيه بتلبك ثم اخرج من حقيبته السوداء كتاب العلوم وقال للطلاب: والله ماعم افهم ليش عم يحطولكن هيك دروس بتخرب عقولكن البريئة..... يعني معقول انو ولاد بعمر الزهور يعلموهون هيك وساخات..... شوفو ياولاد من رجعتكون عالبيت بتمسكو مقص وبتقصون هالكم ورقة الوسخة من الكتاب وبتكبون بالتواليت..... سامعين وله منك الو

وهنا اتجهت انظار كل الطلاب إلى ماتحت اشارة الاكس الحمراء وكانت عيونوهم تقدح شررا

:shock: :cry:

اليوم دخل الاستاز سامع المطنش إلى قاعة الصف وهوي مصطهج عم ينط ومايحط..... ليش؟؟؟؟ يللا لنشوف ليش

دخل الاستاز مع ابتسامة حقيقية وفرحة عارمة وقال للطلاب اليوم غناء وفرح ومرح :clap:
فوقف الطلاب وجلسو حتى بدون ان يتلقو الطلب اللطيف المعتاد من الاستاز

امسك الاستاز الطبشورة باصابع ترقص فرحا وكتب على اللوح
المادة: موسيقى وغناء
الدرس: أغنية "عليي صوتك بالغنا" :yahoo:

جلس الاستاز على كرسيه بخفة وقال: ياولاد اليوم بدنا نتعلم غنية كلكن بتعرفوها اكيد بس هي غنية تحمل معاني وطنية وقومية عميقة :? وهي غنية "عليي صوتك بالغنا"
بس شوف ولاه منك الو مابدي اسمع ولا همسة ولا صوت..... ماحدا منكن بيتنفس سامعين وله..... بدي اسمع دبيب النملة الماشية عالارض

:shock: :cry:

رائعين
بس نزليلنا ياهون مسلسل ... كل يوم وحدة تنتبن :yahoo: :yahoo: :sosweet: :sosweet:
كتير حبيتون يا الله :mimo:

رائعين
بس نزليلنا ياهون مسلسل ... كل يوم وحدة تنتبن :yahoo: :yahoo: :sosweet: :sosweet:
كتير حبيتون يا الله :mimo:

اوكي عيوني :yahoo: :yahoo:

انا سعيدة كتير انون عجبوكي :yahoo: :yahoo:

شكرا :D

حلويين هل اليوميات يسلموو:D
بذكروني بشوية اساتذة كانو عنا:lol:

حلويين هل اليوميات يسلموو:D
بذكروني بشوية اساتذة كانو عنا:lol:

شكرا كتير لولو :D
وصدقيني كل هالقصص اما صايرة معي ايام المدرسة والجامعة او سامعتها من حدا صايرة معو..... يعني كلها واقعية..... يمكن فيها شوية مبالغة بس كلها فيها شي من الواقع :yahoo:

شكرا كتير لولو :D
وصدقيني كل هالقصص اما صايرة معي ايام المدرسة والجامعة او سامعتها من حدا صايرة معو..... يعني كلها واقعية..... يمكن فيها شوية مبالغة بس كلها فيها شي من الواقع :yahoo:



والله عنجد انا عم احكي انو كتير معقولة تصير ليش نحنا شو اللي عقدنا من المدارس غير المدرسين اللي متل الاستاذ سامع:oops:

على فكرة الاستاذ سامع الو اثر كبير بنفوسنا كلنا

و تارك لمساتو العظيمة بافكارنا

و هو بالحقيقة عايش معنا بكل لحظة

:cry:


يا ريت ما تقطعينا من أخبارو


و روحي ....شايفلك :yahoo:

على فكرة الاستاذ سامع الو اثر كبير بنفوسنا كلنا

و تارك لمساتو العظيمة بافكارنا

و هو بالحقيقة عايش معنا بكل لحظة

:cry:


اي هاد استاز كبير كتير ومهم ببلدنا :cry:


يا ريت ما تقطعينا من أخبارو


و روحي ....شايفلك :yahoo:


اي اكيد رح توصلكن اخبارو اول باول 8)

بدك تكفي الموضوع او لاء ؟

بدك تكفي الموضوع او لاء ؟

هيك النية انو كفي:?

لماذا؟؟؟

تم تثبيت الموضوع على امل انو تكفي :D

تم تثبيت الموضوع على امل انو تكفي :D

هيييييييييييييي والله وكبرت ياامرأة من ورق وصار الك موضوع مثبت :yahoo:

شكرا كتير ومتابعة فيه اكيد :D

في كتير ناس بيتسائلو انو ليش الفريق السوري بالرياضة بيضل ياخد كأس العالم :? شوفو ليش...


دخل الاستاز سامع المطنش إلى قاعة الصف بخطوات رشيقة تكاد تكون نطات :adal:
ولكنه اليوم قد غير ستايل اللباس الذي يرتديه بالعادة..... مااجمله اليوم وهوي يرتدي بيجاما رياضة عليها اشارة صح (يعني ماركة NIKE مو حياله) وينتعل حذاء رياضي (ميد ان تشاينا) ويحمل في يده وسائل الايضاح والتدريب....... نعم في يده كرة قدم :yahoo:

دخل الصف وحيّا الطلاب التحية المعهودة بصوته الرياضي ثم توجه مباشرة إلى اللوح وكتب
المادة: تربية رياضية
الحصة: كرة قدم

ثم قفز قفزة عالية وحط بعدها على كرسيه..... وضع الكرة على الطاولة وكان عيون الطلاب وخصوصا الذكور منهم تكاد تلتهم الكرة
ثم قال: شوفو اليوم بدنا نعمل مباراة كرة قدم..... رح تنقسمو فريقين التلات مقاعد الاولى ضد التلات المقاعد الاخيرة...... بس هلق وقبل المباراة رح تركضو حوالين الملعب مرتين لأنو التحمية ضرورية قبل لعب الرياضة

وهلأ وله منك الو اللي فيه يتخيل التحمية والمباراة بعيون مفتوحة بيكون منيح واللي مافيه يتخيل بعيون مفتوحة فيه يغمض عيونو


:shock: :cry:

مبروك التثبيت :yahoo: :yahoo:

وتسجيل متابعة :D

اي والله كمان مبروك التثبيت مني
ويسلمو

شكرا كتير ري مي وميمو :D

:D :clap: :D :clap: :D :clap:

انا شاميم ريحة تطنيش

:lol: :lol: :lol: حلوة القصة اليوم والله هل الاستاذ مو قليل بنوب شكرا امرأة من ورق:D

شكرا كتير كوستا ولولو وطنش تعش

ومية وردة لعيونكن:D

صحي طنش تعش لتكون بتقربو للاستاذ سامع المطنش؟؟:? :p

الساعة الآن السابعة صباحا..... تقترب مدام مطنش من السرير لتوقظ زوجها المصون الاستاز سامع وهي تحمل بيدها صينية القهوة..... فتهز سامع هزة لطيفة وتقول له: سموعتي صارت الساعة سبعة مابدك تفيق ياعيوني وهي جهزت القهوة السادة المرة متل مابتحبها

فاستيقظ الاستاز وهو متفاجأ من اللطف الغير معهود وعلى شفتيه ابتسامة رضى وسعادة ونظر إلى حرمته نظرة حب :sosweet:
وقبل أن يتناول فنجان القهوة بيده..... بادرته المدام بالقول: حبيبي بكرة عرس أخي لاتنسى اليوم تمر عالصايغ وتجبلنا النقوط..... يعني بالقليلة شي خاتم هيك يكون حلو على ذوقك

وماأن سمع الاستاز سامع هذا الكلام حتى اسودت الدنيا في عينيه واحس بدوار..... وذكر أن اليوم هوي العاشر من الشهر ولكن........ يالله ماضل من الراتب شي :cry: لأ وكمان بدو يجيب نقوط دهب:cry:
نهض من السرير مسرعا وارتدى ملابسه بسرعة وخرج من المنزل ليتمشى إلى المدرسة ويفكر ماذا يجب أن يفعل بهالمصيبة..... حتى أنه نسي أن يغسل وجهه أو ينظف أسنانه أو يشرب القهوة ومازال عبق الصباح يفوح منه :mrgreen:

يتبع......

وصل الاستاز سامع إلى المدرسة ودخل إلى الصف وأغلق الباب بلطف حتى أن كل جدران المدرسة ارتجت وكادت أن تقع

وحين رآه الطلاب غاضب إلى هذه الدرجة وقفو وجلسو حتى قبل أن يسمعو التحية وشعروا بأن مصيبة ستقع اليوم فكان الصمت الرهيب في القاعة :shurup:

اقترب الاستاز مباشرة من اللوح وكتب
المادة: علم نفس
الدرس: أساليب التربية الحديثة

وماأن أنهى الكتابة حتى سمع صوت صادر من بين الطلاب فأدار وجهه نحوهم وعرف مصدر الصوت..... إنه ماجد..... سحقا لماجد

فصرخ الاستاز: ولاه ماجد تعى لهون..... قرب قرب لعندي لقلك..... والله لربي المدرسة كلها فيك ياقليل التهذيب..... ياقليل الأدب..... والله لخليك عبرة للي مابيعتبر...... والله لتصير مسخرة كل المدرسة ياابن ال******
ارفع راسك ياكر مشان استحكم بالكفوف منيح يابغل

بتعطس بالصف والاستاز موجود....... ولك مو ناقص غير تسعل كمان ياحيوان

:shock: :cry:

أنهى الاستاز سامع المطنش الحصص المقررة لهذا اليوم..... وخرج من المدرسة متجها إلى منزله
وبينما كان يتمشى كان يفكر بوضعه ويحدث نفسه واحيانا يعلو صوته مخاطبا نفسه حتى أن المارة بدوؤا بالالتفات إليه وبالقول: ياحرام مجنون تاني :cry:

كان يفكر بأنه يقضي كل نهاره بالمدرسة والأطفال الاغبياء يسألون اسئلة بحاجة لعالم للإجابة عليها وليش لمدرس مثله..... كيف له أن يجيب عن سؤال مثل لماذا للسمكة غلاصم ولكنها غير موجودة عند الانسان.... اي والله سؤال صعب :pos:
والاسوء ان بعض التلاميذ وقحين حتى أنهم لايتورعو عن السعال والعطاس بينما الاستاذ في الصف......
إنها حياة المدرس الصعبة

ولكن وبعد كل هذا التعب يتقاضى راتبا بالكاد يكفيه نصف الشهر لقضاء الحاجات الضرورية فقط.... ثم تأتي الواجبات الاجتماعية التي لاتنتهي

سموعتي بكرة عرس اخي بدي النقوط

بابا بابا اليوم عيد ميلادي رفيقتي بدي جبلها لعبة هدية

ياااااااااااي اليوم عيد الام لازم نجيب هدية للماما وهدية لمرت عمي

و.....

و....

وبعد تفكير طويل وعميق صرخ استازنا بصوت عالي غطى على كل اصوات السيارات والسرافيس وكلام المارة....... نعم لقد صرخ: ياهووووووووو وجدتها :yahoo:



يتبع

والله كنت محضر قصة بس ما رح اقطع هاي القصة لنشوف شو رح يصير مع ابو السمع :D

والله كنت محضر قصة بس ما رح اقطع هاي القصة لنشوف شو رح يصير مع ابو السمع :D

:yahoo: :yahoo:
حدا بدو يساعدني على سموعة الشعب :yahoo:

شكرا كتير هاني وهي رح خلص القصة :D

وصل الاستاز سامع إلى المنزل بخطى راقصة وابتسامته تكاد تصل إلى أذنيه :o

فاستقبلته المدام بالسؤال: شو سموعتي شايفتك مبسوط اكيد جبتلي النقوط لعرس أخي

فجاوبها بكل ثقة: يامرة ولايهمك اليوم نشاله اليوم بتدبر المصاري وبكرة انتي بتنزلي عالصايغ وبتشتري الهدية على ذوقك

ماان انهى كلامه حتى امسك بالهاتف يريد ان يتحدث بخصوص حل مشكلته ولكن ماان رفع سماعة الهاتف حتى صرخت احداهن بوجهه: ولك يامواطن ياادامي اذا بدك تحكي بالهاتف روح ادفع الفاتورة..... شو مفكرين الهاتف ببلاش..... يلعمى هالشعب البجم :pos:

فشعر الاستاز بقليل من الاسى ولكن مشكلة صغيرة كهذه لن تحطم من معنوياته المرتفعة وقال للمدام: يللا هوي انا بدي احكي مع جارنا اللي ساكن مقابيلنا رح روح اعملو زيارة ونحكي بموضوعنا وبلا الهاتف

فجاوبته المدام بصوتها الحنون: حبيبي صحي ايمتى رح تجبلي موبايل..... ولك اذا هالفصعونة خطيبة اخي صار معها موبايل..... وللا لتكون مفكرها احسن مني وهيي بتستاهل وانا لأ ؟؟

فقال الاستاز: ولك عيوني انت مافي منك بالكون كلو..... والموبايل جاييكي قريبا ولا يهمك بس طولي بالك عليي كم يوم

وماان انهى كلامه مع المدام حتى توجه إلى الباب خارجا من المنزل وقاصدا بيت الجيران



يتبع.....

رن الاستاز سامع جرس بيت الجيران بحنية ووقف منتظرا حتى فتحت طفلة صغيرة الباب وقالت له: ثو بدك عمو؟؟

فقال لها: عمو قولي للبابا الاستاز سامع بدو يحكي معك بموضوع ضروري

فدخلت الطفلة إلى المنزل وسمعها الاستاز تقول: بابا بابا في واحد اثمو الاثتاذ ثامع بدو يحكي معك..... ثم سمع رد الجار وهوي يقول: يلعمى شو بدو هاد جايينا بوقت الغدا

وماهي إلا لحظات حتى أطل الجار من الباب وقال للاستاز سامع: ولك يامية هلا ياجار.... كيفك؟ وكيف الصحة؟؟ تفضل تفضل نورت.... يامية هلا والله

فدخل الاستاز سامع إلى البيت الذي يدخله لأول مرة في حياته وقال للجار: انا آسف ابو حمادة اذا كنت اجيت من غير موعد بس في موضوع ضروري ومستعجل شوي حابب احكي معك فيه

ثم وصلو إلى غرفة الاستقبال وجلسو وبدأ الاستاز سامع بالكلام عن موضوعه المهم: هاد ياجار بتذكر من فترة قلتلي أنو قرايبك عندو ولد (الله يخليلو اياه) وبدو يعطيه دروس خصوصية وانا وقتها كنت مشغول ومافيي عملتها...... بقى الله يخليك جار اذا فيك تشوف شو وضعو واذا لسه مادبر استاز منشان انا بخدمو فيها من عيوني..... والله والله هي بس خدمة لعيونك..... يعني مو معقول انت طلبت وانا ارفضلك هالطلب لكن ليش اسمنا جيران ولللوووووو:?

فقال له ابو حمادة: والله مابعرف شو صار بوضعون بس هلأ رح احكيلك معو وشوف شو الوضع

فخرج ابو حمادة من الغرفة ليتحدث بالهاتف وعاد بعد قليل ليقول للاستاز: مشي الحال ياجار وانشاله اليوم بعد الضهر بنروح انا وانت لعندون عالبيت وبتعملو درس تجريبي بينك وبين الولد لنشوف اذا بيصير مجال للتفاهم بيناتكن ونشاله خير ياجار:shock:

فنهض الاستاز من كرسيه وهو بقمة السعادة وقال للجار: الف شكر ياجار..... لكن بانتظار الضهر لحتى نروح لعندون وهلأ بدي استأذن بتكون المرة ناطرتني عالغدا...... يللا بخاطرك جار


كمان يتبع......

شو مشان عم تتبعي اسلوب الحرقصة ؟ :jakoush: :jakoush: :jakoush:

شو مشان عم تتبعي اسلوب الحرقصة ؟ :jakoush: :jakoush: :jakoush:

:lala: :lala: :lala: :lala:

:devil: :devil: :devil:

لك ايييييييييييييييه
الله يرحم ايامك يا استاذ سامع المطنش
رغم كلشي
بضل الو وحشة :pos:

بس يا خيتو منيح انو استاذك هاد خيارو كان الدروس الخصوصية
يعني لساتو بمجال التعليم
بس في كتير غيرو شغلهون صار باشياء تانية


الف شكر الك امرأة من ورق
موضوع اكتر من رائع
انا هلق لشفتو
بس ما قدرت ما كمل يومياتو كلها
ناطر الباقي :D
والله تاري بيطلع من امرك شي :p

لك ايييييييييييييييه
الله يرحم ايامك يا استاذ سامع المطنش
رغم كلشي
بضل الو وحشة :pos:

ايييييييييييييه يرحم اياموووو مع انها مستمرة مع جيل الاطافيل اللي بعدنا :cry:


الف شكر الك امرأة من ورق
موضوع اكتر من رائع
انا هلق لشفتو
بس ما قدرت ما كمل يومياتو كلها
ناطر الباقي :سوريا:



شكرا كتير كبير الك عالتشجيع :D
رح صدق حالي اني اديبة كبيرة :o


والله تاري بيطلع من امرك شي :razz:

8)

ايييييييييييييه يرحم اياموووو مع انها مستمرة مع جيل الاطافيل اللي بعدنا
مدري نيالهون مدري الله يعينهون


رح صدق حالي اني اديبة كبيرة
هلق كل ما واحد ضحك عليكي بكلمتين بتصدقيه؟؟
صحيح انو قلبك طيب :p

لا تطلعو برات الموضوع احسن ما اضطر ادخل ها :gem: :adal:

ويا ست امرأة من ورق كفي القصة احسن ما انتعك تنبيه ها يللا كفي لشوف :p

لا تطلعو برات الموضوع احسن ما اضطر ادخل ها :gem: :adal:

ويا ست امرأة من ورق كفي القصة احسن ما انتعك تنبيه ها يللا كفي لشوف :p

كنت ناوية حرقصكن لبكرة او بعدو او بعدو :yahoo:

بس طالما صار الشغلة فيها تهديد مضطرة كمل اليوم :cry:

صار الوقت المهم...... وذهب استازنا الكبير مع ابو حمادة إلى منزل اهل الطالب

هاقد وصلو..... قرع ابو حمادة الجرس الموجود على البوابة الحديدة للمنزل..... ففتح شباك صغير في البوابة واطل عليهم البواب الهندي وقال لهم: مين هدرتكم (حضرتكم)؟؟ وماذا انت تريد؟؟

فقال ابو حمادة: بدنا نشوف الاستاز الكبير منشان الدروس الخصوصية للاستاز الصغير

ففتح البواب البوابة ودخلو منها....... يالله انها فيلا متواضعة من اربع طوابق تقول للقمر انزل لاقعد محلك :o والحديقة تسبح الخالق باتساعها وجمالها وجمال الزرع الموجود فيها وجمال المسبح ذو المياه الصافية..... وهناك على اليمين كراج السيارات وفيها 4 سيارات بنت سنتها لم يسبق لاستازنا ان يرى مثلها..... فقال الاستاز سامع بينه وبين نفسه: يلعن حظي لكن هاد بيت وبيتي بيت:cry:

والآن وصلو إلى داخل المنزل..... هل هو منزل ام قصر من قصور الامراء!!!! لم ترى عيون الاستاز من قبل اي شئ كهذا إلا في الافلام والبرامج التوثيقية عن الملوك والامراء..... أشار لهم البواب أن يجلسو قليلا بينما جاء السيد

جلسو وبعد قليل دخل الغرفة رجل كهل في الستين او السبعين من العمر..... بس يقطع عمرو شو مرتب والو هيبة...... دخل السيد وجلس في صدر الغرفة ثم قال: انت الاستاز؟؟؟ ولك شو كان اسمك نسيت...... بتعرف انو عندي مسؤوليات كبيرة ومابذكر اسماء الناس العاديين
فجاوبه الاستاز: سامع ياسيدي سامع
ايوووووووووووووووووووووه سامع .... شوف ياسامع انا عندي ابني غيث هاد اخر العنقود من مرتي الأخيرة والصغيرة :sosweet: وهوي وامو كتير غاليين عليي بقى عندي فيه اهتمام غير شكل لانو بدي اياه يطلع ابن ابوه...... هوي هلق صف اول ابتدائي وعلاماتو لهلق كلها عشرة من عشرة وانستو بتضل تقلي انو ولد فتح وغير شكل بس مع ذلك قلت بحطلو استاز خصوصي..... يعني تركيز معلومات مو اكتر...... والله صرنا جايبيلو شي عشر اساتزة لهلأ بس ولا واحد ماعجبو وبتعرف بدي ربي الولد تربية ديمقراطية وخليه هوي يقرر اشياؤو الخاصة..... يعني اذا ابني ماعرف ياخد قرارات مين بهالبلد رح ياخد القرارات :gem:

ثم صاح السيد بصوت عالي: ياغيث ياحبيبي تعى شوف الاستاز الجديد اللي جبتلك اياه

وعندها دخل غيث متمخترا :adal: وجلس بصدر الغرفة بالقرب من أبيه وتفحص الاستاز بنظرة يعني هيك من راسو لرجليه

وبعدها قال له الوالد: خود الاستاز على غرفة المكتب وشوف اذا بيعجبك او لأ

ثم خرج الولد وتبعه الاستاز سامع



كمان يتبع.......

دخل غيث إلى غرفة المكتب والاستاز يتبعه..... ثم جلس غيث على كرسي من الكراسي المحيطة بالطاولة المستديرة وجلس الاستاز على الكرسي المجاور

وقال الاستاز: ياحبيبي ياغيث شو.....
فقاطعه غيث بلهجة آمرة: انا ماني حبيبك!!!! انا الاستاز غيث :shock:
وهكذا انقلبت المعادلة وصار الطالب استاز والاستاز..... مابعرف شو صار:?

ضحك الاستاز سامع ضحكة فيها الكثير من الألم وقال: حقك عليي يااستاز غيث..... حقك عليي..... المهم يااستاز شو تعلمت بالمدرسة لهلأ؟؟؟
فقال غيث: تعلمت عد للمية واكتب الاحرف من الألف للياء..... وبعرف اكتب بابا وماما واسمي الاستاز غيث :king:

فقال الاستاز: برافوووووووووو ماشاء الله عليك استاز فعلا...... هلأ فيك تفرجيني كيف بتكتب بابا اذا مافيها ازعاج الك حبيبي الاستاز

فامسك غيث القلم وكتب على الورقة شئ ما..... يشبه إلى حد ما كلمة ماما :shock:

فأثنى عليه الاستاز سامع واطرب اذنيه بكلمات المدح التي اسعدت غيث

وقبل أن يكمل الاستاز الدرس دخلت الغرفة فتاة سرلنكية وتحمل في يدها صينية عليها صحنين فيهم عدة انواع من الفاكهة ووضعت صحن امام غيث والصحن الاخر امام الاستاز.....ثم خرجت بهدوء كمان دخلت

من بين الفاكهة الموجودة في الصحون عرف الاستاز سامع التفاح والاجاص ولم يتعرف على باقي انواع الفاكهة...... فسأل غيث: يااستاز شو هدول

فضحك غيث حتى كان ان يسقط على الارض من كثرة الضحك..... وبدأ الاستاز سامع يجاريه بالضحك...... ثم اجاب غيث: هي كيوي وهي اسمها مانغا

ثم صعد غيث على الطاولة وبدأ يغني: دلوؤتي بحب المانغا..... آههههههه يامانغا ...... يااااااااااامانغا ..... ومع الغناء كان يتراقص...... وظل يغني ويرقص حتى تعب فنزل عن الطاولة وقال للاستاز سامع: شوف يازلمة انا تعبت اليوم وحاج درس اليوم...... خلينا نطلع نشوف البابا

حاول الاستاز سامع ان يثنيه عن القرار لانهم لم يدرسو كفاية اليوم ولكن غيث اصر على قراره وهكذا انتهى الدرس لليوم ولكن بقي أن يقابل السيد الكبير وليعرف إن كان سينجح بالاختبار وسيتم اختياره للدروس الخصوصية



يتبع ............

ايه
استاذ
عالم ما بتسوى فرنغين

يلا عادي
الله يعينيك يا سامع المطنش
اتبعي لنشوف شو اخرتها اتبعي

لعمى عملتيه مسلسل مكسيكي

و انا كمان بدي احضر دروس الاستاز "سامع"، قصدي بدي سجل متابعة

اتبعي لنشوف شو اخرتها اتبعي

لعمى عملتيه مسلسل مكسيكي

هي اخر حلقة من حلقات الدروس الخصوصية رح نزلها اليوم...... وبتمنى بعدها انو تساعدوني على سموعتنا..... لانو هاد سموعة الكل مو بس سموعتي :sosweet:

و انا كمان بدي احضر دروس الاستاز "سامع"، قصدي بدي سجل متابعة

اهلين كريم :D

بس بتقعد بالصف آدمي.... ترى الاستاز سامع المطنش مابيتحمل اي صوت من اي طالب :o

هي اخر حلقة من حلقات الدروس الخصوصية رح نزلها اليوم...... وبتمنى بعدها انو تساعدوني على سموعتنا..... لانو هاد سموعة الكل مو بس سموعتي

اي انشالله
منشوف شو بيطلع معنا