خرج غيث من غرفة المكتب وتبعه الاستاز سامع..... وصلو إلى الغرفة حيث جلس السيد يتحدث وابو حمادة ينصت إليه ويتابع حديثه بتشوق مصطنع

دخل غيث مباشرة إلى صدر الغرفة وجلس بقرب والده..... ووقف الاستاز في مكانه عند الباب حتى سمع أمر السيد بالجلوس فجلس على اقرب كرسي عليه وهو متوتر وخائف من نتيجة الامتحان..... هل سيقبله الاستاز غيث كمدرس خصوصي ام سيسحبو عليه سيفون :pos: ؟؟؟

سأل السيد غيث: غيوثتي حبيبي كيف كان الدرس؟؟
فبدأ غيث بالضحك والقهقهة حتى كاد أن يغمى عليه ثم قال: ظريف كتير
فسأله السيد: يعني عجبك الاستاز وبخليه يعطيك دروس دائما ياحبيبي؟؟
فأجاب: اي بابا كتير هالزلمة اهبل وبيضحك وبدي اياه يجي كل يوم كل يوم لعندي

وعندها تنهد السيد الصعداء...... اخيرا اعجب ابنه باحد المدرسين وسيتحقق حلمه بأن ينال الطفل الدروس الخصوصية اللي يستحقها..... ثم خاطب الاستاز سامع: سمعت.... سمعت حبك غيث:o وبدو اياك تجي كل يوم لعندو...... خلص لكن اتفقنا انو تجي كل يوم..... ومشان المصاري مارح نختلف نحنا كريمين وانت الظاهر عليك بتستاهل كل خير ورح اعطيك اليوم دفعة عالحساب شي عشر تالاف ليرة

وعندها كاد الاستاز سامع ان يفقد الوعي من كثرة الفرح..... يالله عشر تالاف ليرة دفعة وحدة...... ولك هالمبلغ لسه مامسكو بايدو دفعة وحدة ولا مرة....... وياسلام ياسلام رح يعطي المرة مصاري تشتري الهدية :yahoo:

وماأن تمالك الاستاز نفسه حتى قال: ولو سيدنا والله انا ماهمني المصاري ابدا..... بس حابب قدم شي خدمة للوطن مو اكتر....... بكل الاحوال مشكور كتير والله يديمك ذخرا للوطن ويخليك فوق رؤوس المواطنين ياسيدنا

والآن سأله السيد: ماقلتلي شو رأيك بغيث؟؟
فأجاب سامع: والله انو استاز واستاز كبير كمان..... يعني ماشالله عليه كامل مكمل.....ذكاء وجد واجتهاد وفوق كل هاد خفة دم...... يعني انا مر من تحت ايديي طلاب كتير ومخرّج اجيال كتير بس متل الاستاز غيث والله مامر عليي ابدا.... الله يخليه اكيد رح يطلع ابن ابوه ورح يكون شخص كبير ومهم...... يعني بيكفي ياسيدي تشوف مسكتو للقلم اللي بتدل على شخصية فذة وبعدين خطو اكتر من رائع يعني هيك.... هيك.... هيك..... كأنو خط شي دكتور ما بتتوقع انو شخص بعمرو يكون عليه خط...... ماشالله ماشالله

ماأن أنهى الاستاز سامع كلامه حتى قال السيد: لكن اتفقنا انو كل يوم من الاحد للخميس يعني خمس ايام بالاسبوع بتجي لعند غيث بمتل هالوقت وبتعطيه درس..... بس عطينا رقم هاتفك بركي شي مرة حب غياثو يشوفك بغير الموعد لازم يكون في وسيلة اتصال

وعندها أصابت الاستاز سامع حالة من التلبك القاتل وقال: والله ياسيدي مابعرف شو بدي قلك بس الهاتف حاليا مفصول..... بس بكرة من الصبح بكير رح ادفع الفاتورة وبينوصل اكيد
وعندها صرخ فيه السيد: ولك يخرب بيتك ولاه.... انو هيي فاتورة هاتف ليش مابتدفعها بوقتها..... عن جد انو انتو شعب بجم...... بكل الاحوال كرمال عيون غياثو عطيني الرقم وباسم مين مسجل وانا بحل المشكلة هلأ فورا..... يعني قبل ماتوصل على بيتك بيكون الهاتف موصول وبتبقى بتدفع الفاتورة على راحتك واذا مادفعتها كمان مو مشكلة.... المهم غيث يحكي معك وقت اللي بدو ..... وهلأ تعى استلم مصاريك وانصرف..... خلص لقاء اليوم..... يللا يللا الله معكن

:shock: :cry:

هلأ هيك خلص الدرس الخصوصي :shock:

ليش كنت مفكر انو بدها تنتهي غير هيك او لازم يكون الها كفاية

هلأ هيك خلص الدرس الخصوصي :shock:

ليش كنت مفكر انو بدها تنتهي غير هيك او لازم يكون الها كفاية

اذا عندك لسه كمل من عندك:D
الموضوع مفتوح الكن تشاركو فيه

انا من ناحيتي رح ارجع للمدرسة..... حرام اشتاقولو الطلاب

اذا عندك لسه كمل من عندك:D
الموضوع مفتوح الكن تشاركو فيه

انا من ناحيتي رح ارجع للمدرسة..... حرام اشتاقولو الطلاب

ميرسي كتيييييييييير عن جد ضحكتيني من كل قلبي :D

ميرسي كتيييييييييير عن جد ضحكتيني من كل قلبي :D

شكرا كتير هيفا :D

طلع الاستاز سامع من بيت الاستاز غيث وهوي مقفعة معو وواصلة لعند الله انو كيف ولد صغير متل غيث بيعمل في هيك بس من جهة تانية كان ما بيعطي فرحتو لحدا صار بجيبتو 10000 وكمان فاتورة الهاتف اندفعت وما كان مصدق يوصل على البيت مشان يعطي المصاري لمرتو والله لولا العيب كان بلش ركيض بالشارع
وصل الاستاز سامع وابو حمدي على الحارة
الاستاز سامع: حول جارنا ابو حمدي تفضل لنسقيك كاسة شاي
ابو حمدي : مشكور يا جار انشالله بالافراح يللا تصبح على خير
فات الاستاز سامع على البيت وبوجهو ركيض على التلفون بيرفع السماعة وبسمع التووووووووووووون بيعرف انو رجع الخط وهيك ابتسامتو بتوصل لعند داناتو وبيصيح هداك الصوت
-"يا مرا "
بتجي مرتو ركيض وهيي عم تنشف ايديها من المي والصابون لانو كانت عم تجلي
-خير يا رجال شو في
- تعي شوفي شو جايبلك
وبيمد ايدو على جيبتو وبيطالع العشر تالاف ليرة وبيقلها : تفضلي بكرا بتنزلي على السوق وبتجيبي هدية لاخوكي
وكان عم يطلع عليها هيك نظرة رجال رجال رجال يعني يقبر مرتو
المرا بتطلع هيك وهيي مو مصدقة عيونا بتسالو من وين هالمصاري
-بلا هالاسئلة البلا طعمة هلأ المهم صارت معك وانتي تصرفي وانا هلأ فايت على الغرفة غير تيابي وحط اسئلة المذاكرة للطلاب وما بدي ازعاج من حدي لا منك ولا من الولاد لانو بدي ركز ويا ويلو اللي بيفوت لعندي على الغرفة وبس خلص بدي اطلع لاقي العشا جاهز
وبيترك مرتو مكيفة بالمصاري وبيفوت على غرفتو وهوي نافش ريشو وبيطبش الباب ورا طبشة بتهز البيت وبتفيق العالم اللي باخر الحارة


يتبع ...................................

:yahoo: :yahoo: :yahoo: :yahoo:

شكرا كتير ياقوي ياهاني :gem:

وروووووووح شايفلك :D

فات الاستاز سامع على غرفتو وطرق الباب هديك الطرقة القوية وراح لورا مكتبو وقعد على الكرسي وسحب كتاب الرياضيات وقعد ينكش اسئلة لهالطلاب ويدور بهالكتاب ويقلب بصفحاتو
يعني مو معقولة استاز متل الاستاز سامع يجيب اسئلة سهلة متل واحد + واحد يعني
الاستاز سامع لازم تكون اسئلة مميزة بتعمللها حساب كل الطلاب وتحكي فيها كل العالم
وهوي قاعد وحايص وعم يعصر مخو ويفكر
بينفتح باب الغرفة وبيفوت ابنو بيقلو بابا بدي ياك تساعدني بهالسؤال ماما بعتتني لعندك
هون الاستاز سامع بيقلب وجهو احمر طبعا مو هادا الاحمر :sosweet: هادا الاحمر :aah: وبيمسك هالشحاط اللي كان لابسو ودوب باتجاه ابنو يعني لولا ستر الله كان روحو للولد وبيصيح في
طلاع لبرا ولااااااااااااااااااااااا اااااااااك طول بالك جاييك لافصل جلدك عن عضمك الولد يا حرام من خوفو بيطلع وبيطبش الباب ورا
الاستاز سامع بيرجع على طاولتو وهوي عم يسب يلعن ابوك يا ابن الحرام انا ما قلتلك ما تقاطعني وبيرجع بيفتح هالكتاب وبيرجع يدور على اسئلة بس خلص الافكار طارت من راصو بيحاول يهدي حالو شوي وفجاة بيبتسم ابتسامة صفراوية خبيثة وبيضب كتاب الرياضيات وبيطلع مشان يتعشى


يتبع .............................................

:lol: فات الاستاز سامع على غرفتو وطرق الباب هديك الطرقة القوية وراح لورا مكتبو وقعد على الكرسي وسحب كتاب الرياضيات وقعد ينكش اسئلة لهالطلاب ويدور بهالكتاب ويقلب بصفحاتو
يعني مو معقولة استاز متل الاستاز سامع يجيب اسئلة سهلة متل واحد + واحد يعني
الاستاز سامع لازم تكون اسئلة مميزة بتعمللها حساب كل الطلاب وتحكي فيها كل العالم
وهوي قاعد وحايص وعم يعصر مخو ويفكر
بينفتح باب الغرفة وبيفوت ابنو بيقلو بابا بدي ياك تساعدني بهالسؤال ماما بعتتني لعندك
هون الاستاز سامع بيقلب وجهو احمر طبعا مو هادا الاحمر :sosweet: هادا الاحمر :aah: وبيمسك هالشحاط اللي كان لابسو ودوب باتجاه ابنو يعني لولا ستر الله كان روحو للولد وبيصيح في
طلاع لبرا ولااااااااااااااااااااااا اااااااااك طول بالك جاييك لافصل جلدك عن عضمك الولد يا حرام من خوفو بيطلع وبيطبش الباب ورا
الاستاز سامع بيرجع على طاولتو وهوي عم يسب يلعن ابوك يا ابن الحرام انا ما قلتلك ما تقاطعني وبيرجع بيفتح هالكتاب وبيرجع يدور على اسئلة بس خلص الافكار طارت من راصو بيحاول يهدي حالو شوي وفجاة بيبتسم ابتسامة صفراوية خبيثة وبيضب كتاب الرياضيات وبيطلع مشان يتعشى


يتبع .............................................
:lol: :lol: :lol: :lol:



:D :D

فاق الاستاز سامع يوم المذاكرة وهوي متنشط وغير شكل لبس تياب المدرسة اللي بحياتو ما غيرا ومسك شنتة الكتب وما نسي يتفقد ورقة اسئلة المذاكرة قبل ما يطلع ومشي على المدرسة وصل الاستاز سامع على المدرسة وهوي مقنزع هيك ونافش ريشو وعم يطلع بهالطلاب هيك وكانو عم يقلن "اجاكن الموت يا ولاد جايبلكن اسئلة من كعب الدست " وهالولاد يا حرام عيونن على شنتة الاستاز وهني عم يرجفو اي شو مو قليلة اليوم عندن فحص للاستاز سامع والله بيعلم شو محضرلن اسئلة وخطط وتكتيكات

بالصف قبل ما يفوت الاستاز سامع

والله هالشباب قاعدين بهالصف وهادا اللي فاتح الكتاب عم يقرا بس ما عم يفهم شو عم يقرا من كتر الخوف وهدول اللي قاعدين عم يتناقشو بالمادة او بشي مسالة وهادا اللي قاعد عم يكتب على المقعد وهداك اللي عم يحاول يسرح بخيالو بلكي بيتوقع ابو السمع شو جايبلو اسئلة


فجأة بيفوت الاستاز سامع على الصف وبيدق الباب بقوي هادا اللي سارح بخيالو بينقز واللي عم يكتب على المقعد وبقية الشباب كلها بتكون انتصبت متل الالف اللي عم ترجف من الخوف
وبنطة وحدة بيكون صار الاستاز سامع فوق الطاولة وبتقعد الطلاب على انغام الجملة المعهودة قعود ولاك منك الو
وبيوقف هيك فوق هالطاولة وبيطلع على الطلاب متل كانو شي اسد عم يطلع على فريستو وهالطلاب عم تتطلع علي وكلها شوق تعرف شو هالاسئلة
بيصيح الاستاز عامر وباسل وجميل تعو لعندي بتنزلو على غرفة المدرسين وبتجيبو ست كراسي
والله بينزلو هالطلاب وبيجيبو الكراسي وبيرجعو
الاستاز سامع :" وزعون هون قدام المقاعد "
وبيلش الاستاز سامع يشقلب هالطلاب بالصف ما بيخلي طالب بمقعدو وهالعالم اللي كانت متفقة مع بعضا لتنقل تفشكلت مخططاتا بس اكتر شي انفقس هوي اللي كتب على المقعد يا حرام عينكن ما تشوف وجهو
وبعد هالتفشكلة هاي بيبلش الاستاز سامع يوزع ورق الاسئلة


يتبع ............................

يتبع ............................

شو مشان الحرقصة :pos:

شو مشان الحرقصة :pos:

طولي بالك بس لتختمر الفكرة :lol:

بدأ الاستاز سامع بتوزيع وراق الاجوبة اولا وهوي عم يحكي بقوانين المذاكرة :
ممنوع فتح الكتب والدفاتر او الالتفات او الحكي مع رفيقك او العطس او السعل او التنفس داخل المذاكرة
الاسئلة واضحة اللي بدو يفتح تمو ويتبوجق ويسالني سؤال بدي امصع رقبتو كل واحد بيضب لسانو بحقلو وما بيحكي ولا كلمة :shock:
طبعا الطلاب عم يسمعو ومو عم يسمعو لانو عقلن سرح بالاسئلة
بيخلص الاستاز سامع توزيع وراق الاجوبة وبيبلش بوراق الاسئلة بس كيف بوزعها بوزعها مقلوبة بحيث ما تبين الاسئلة على الطلاب بيقلن ما حدا بيقلب الورقة وبيشوف الاسئلة لحتى خلص توزيع والشغلة الحلوة انو في نموزجين للاسئلة
خلص توزيع الاسئلة واعطى الامر بالمباشرة : قلوب الورق انتي ويا ولاك وبلش جاوب

والله هالشباب قلبت الورق وتطلعت على هالاسئلة هيك وبلشت تفكر تفكر ها مو تجاوب
مرقت اول خمس دقايق العالم صافنة بالسؤال الاول وعم تحاول تلقط الفكرة لتجاوب عبث والله خمس دقايق تانية ها بلشت القلام تتلحلح وبلشو الشباب يشتغلو طبعا مو كل الشباب الشباب الدريسة بينما المو دريسة هادا اللي بلش يدمع وهادي اللي صفرنت ونزل ضغطا

هوي قرب نص الوقت ما بتسمع الطلاب الا الاستاز سامع بيصيح ولاك تعى لهون ولاك هات ورقتك وتعى لهون انا ما قلتلكن ممنوع الالتفات والله بيسحب طالب قاعد بالمقعد الاخير بالزاوية بيطالعو لبرا وبياخد منو الورقة وهالطلاب وقفت كتابة وصارت تتفرج على الاستاز سامع كيف عم يطالع الطالب بخبط وضرب

المهم والله ما في عشر دقايق تانية قلن حطو القلام من ايديكن خلص الوقت وبيبلش يجمع الوراق واسا الطلاب ما خلصت وبتلاقي هادا اللي عم يحاول يكتبلو كلمتين بسرعة قبل ما يجي الاستاز وياخد منو الورقة وهادا اللي طب راسو على المقعد و بلش البكي
بياخد الاستاز سامع الوراق وبيطلع برات الصف وبيترك الطلاب عم تتخابط بين بعضها على حل الاسئلة

يتبع مع تصليح وراق المذاكرة وتوزيعها ....................................

تأخرت لحتى قريت اليوميات بس قريتا كللا مع بعضا....شي ظريف...
يلللا ناطرين الكمالة ...من امرأة من ورق أو هاني......:D :D :D

انا خلصت الحشيشة اللي عندي ولبين ما يبعتلي الحكيم السيكارة اللي وعدني فيا اتاتشمنت على الايميل ما رح اكتب شي
ما عم يطلع براسي ولا فكرة

انا خلصت الحشيشة اللي عندي ولبين ما يبعتلي الحكيم السيكارة اللي وعدني فيا اتاتشمنت على الايميل ما رح اكتب شي
ما عم يطلع براسي ولا فكرة
يللا خير انشالله....انشالله مايطول الحكيم معناتا..بما انو امرأة من ورق مانا هون كمان......:D :D

اخ لك تصليح الاسئلة هاد الي مغامرات معو كتير
وبكل مادة
خيو اذا مافي ولا فكرة براسك بجرب انا احكي عن تصليح الاسئلة طبعا (اذا ما عندك فكرة)
ما بعرف شو بيطلع معي
بس بدك تقلي وراق انو مادة الشب عم يصلح

كتوب تصليح الوراق وانا بكتب توزيعن يللا وروح شايفلك

الاستاز سامع عم يصلح مادة رياضيات

يعدمني ياك نقيت المادة المفضلة عندي واللي كنت دايما جيب فيها العلامة الكاملة
هيك ما رح يكون في حقد بقلبي انا وعم اكتب :pos:

يلا مو مشكلة

هاد بقا حبيب قلبنا سامع المطنش بروح على البيت, هو وعم يفكر انو شو هالطلاب قليلة الادب والكسلانة, بدال ما يدرسو بصيرو يبكو ويغشو.
المهم بروح عالبيت هو ومهزوز بدنو, بحط هالوراق على الطاولة وبيجي ليصلح الاسئلة, اول ورقة بيمسكها بكون فيها السؤال الاول كلو شخابير ومافي اجابة عالسؤال, هاد صاحبنا شو بفكر؟؟ انو لعمى من اولتها هيك
بيترك من ايدو وبروح عالتلفزيون وبقضي نهارو عليه. تاني نهار بالصف, واحد من الطلب بقلو: " استاذ شو صار بوراق الفحص؟؟ " بقوم الاستاذ بيحمر وجهو وبعصب وبقلو: " ولاك يقطع عمرك لو جاهزين الوراق كنت قلتلكون العلامات, قعود وخراس تضرب شو قليل ادب." الطالب بموت رعبة وبيسكت وبيقعد.
كمان هالنهار الاستاذ سامع ما اجا على بالو يصلح الاسئلة وبروح هو والعيلة ليعمل زيارة لعالم رفقاتهون (ترفيه عن النفس يعني (حقو)).
كمان بيسألوه الطلاب شو صار بالاسئلة؟ بقوم بجواب بعصبية وبقلهون انو كان مشغول وما قدر يصلحهون.
وبروح الموضوع شهر وكل اليوم الاستاذ عندو حجة شكل.
وبعد هالشهر سامع بقرر انو يصلح وراق الفحص.
بيجيب هالوراق وبيقعد بغرفتو وهو عم يصلح, واذ بيسمع صوت عياط بالبيت. بيطلع لبرات الغرفة, بلاقي ولادو علقانين مع بعض. طبعا بيفقع كل واحد منهون بهدلة, وبيرجع على غرفتو ليصلح الوراق.
شوي ومرتو بتبلش تنق على راسو انو بدها مصاري مشان تنزل تجيب غراض للبيت, بقلها في 500 ليرة بجيبتي ما معي غيرهون روحي خديها.
المرا بتاخدها وبتروح. بيرجع سامع لتصليح الوراق وبقلبو حسرة انو هاي ال500 ليرة اللي بقيانة معي من معاشي راحت, شلون بدنا نكمل الشهر وانا ما معي ولا فرنغ, والشهر لسى بنصو,وبتاخدو هموم الحياة هو وعم يصلح الوراق.
وبعد ما خلص نص الوراق الزلمة عصب من علامات الطلاب: هاد اللي اخد صفر, وهاد اللي اخد 1, وهاد اللي اخد 3. بقوم سامع وبروح بجيب علبة حبوب مهدئة وبجيب قنينة مي.
وبعد كل ورقة بيشربو حبة, الا عدة مرات قليلة بتشلف معو وبيقدر يضاين ورقة تانية بدون ما يشرب الحبة.
وبعد جهد جهيد بخلص تصليح وراق الفحص, وبحط راسو وبنام.

التتمة مع هاني

بعد اربع وعشرين ساعة بتكون كمالة القصة جاهزة :D

يللا..الله و ايدك هاني:D

اسف شباب وصبايا
لاسباب نفسية خارجة عن الارادة ما رح اقدر كمل الموضوع
اللي في يكملو يكملو

تاني نهار الصبح فاق سامع المطنش هو ومو طايق حالو, وعم يتأفف لانو بدو يروح عالمدرسة ويشوف الوجوه المعتة كمان اليوم (خصوصا انو اليوم في علامات).
بيوصل سامع على المدرسة وبيدخل على صفو
بيوقفولو الطلاب, بعدين بقلهون "قعود ولاك انت وياه وياها." و بكمل " مبارح كنت عم صلح الاسئلة, الله لا يوفقكون على هالعلامات, الله يكسر ايديكون, ليش مو دارسين؟؟؟ علامات بهدلة باستثناء كام طالب."
وبقلهون ماني رح وزع وراق الفحص بس رح قول العلامات

العلامة من 60
وببلش

امرأة من ورق 42 "ليش هيك يا امرأة بيطلع معك احسن انت"
هاني داغر 3 "دورتلك على هالعلامات دوارة مشان حطلك ياهون"
سرسورة 12 "خلي اساتذة الخصوصي تنفعك"
ويلي 59 8) " يا استاذ 6+8= 14 مو 12" <صارت معي فعلا> :lol:
كريمبو 0 "لك كاتب تلت صفحات, قعدت دور بهالتلت صفحات انو لاقي كلمة مشان اعطيك عليها علامة ما كنت لاقي"
ري مي "كانت علامتك 56 بس نزلت لل 0, مرة تاني بس بدك تنقلي من الكتاب انتبهي شو عم تكتبي, وما تنقلي كلمة (انظر الشكل...)"
بترفلاي 30 "برافو عليكي جبتي النص"
لولو <منحط افتراض انو ابوها مسؤول> بيتطلع فيها ببسمة وبقلها "60 من 60 برافو يا شاطرة وسلميلي عالبابا"
ياني, كوستا, طنش تعش, هيفا " انتو الاربعة نقلتو من بعض وما قدرتو تجيبو علامة احسن من 1؟؟؟" "1 من 60"
وبكمل علامات باقي الصف.......

بعد ما بخلصو والكل بكون مصدوم بعلامتو
وبصرو الطلاب على سامع بانو يوزع الوراق والاستاذ ما بيرضى
بقوم هاشتناشت بوقف وهو واثق من حالو وبقلو للاستاذ " انا هلق بدي شوف ورقتي"
الاستاذ بقلو "ليش؟؟" (باشمئزاز حاكم سامع ما بحبو لحاشتناشت)
بقلو "لاني متأكد اني باخد اكتر من 28"
- لاء هاد اللي بتستحقو
حاشت ناشت "لاء مو هاد اللي بستحقو واذا بدك انا نقلت من الكتاب لانو داقت خلاقي من تصحيحاتك وبعرف اني بجيب اكتر من هيك"
بقلو سامع "لاء ماني رح فرجيك الورقة"
بقوم حاشت ناشت وبقلو "اي بالناقص" وبيقعد.

وبدق الجرس لانو خلصت الحصة, وبيطلع سامع المطنش من الصف. وبيترك الطلاب بالصف منهون اللي عم يبكي, ومنهون اللي مو هاممتو علامتو, ركض على اللوح وجاب طباشير وقعد مقابيل الشباك وبلش يزتها على العالم.

بس انا الاستاذ صلحلي الاسئلة و قلي انو ما بينقصني غير علامتين...انا كمان بدي شوف الورقة:pos:
شكرا ويلي..كتييير حلو:D :D

بس انا الاستاذ صلحلي الاسئلة و قلي انو ما بينقصني غير علامتين...انا كمان بدي شوف الورقة:pos:
شكرا ويلي..كتييير حلو:D :D
أنا جبت النص بس ؟؟:? :? :?
أي ما بدي ...
بعدين أنا بعرف أنو 8 +6 = 14

شكلو في سؤال ما شفتو :cry: :cry:
أنا هيك كان يصير معي أيام المدرسة
من الهداوة طبعا :yahoo:

حلوه :yahoo: :lol: :lol:

هاد بس تجربة ..

والله اتوفقت بهاالاول مشاركة.. بدي هللا علامة من الاستاز سامع المطنش .. مو هيك!!..

يدخل الأستاذ سامع على الصف .. و قد تعبٌ من الوقفة طوال اليوم و شرب فناجين القهوة واحد تلو الأخر .. فهذه هي الحصة السادسة ... وما أدار ما هي الحصة السادسة .. بعد 5 حصص من الضرب و العياط و السب و الشتم بكافة أنواعه .. يدخل الأستاذ سامع ألى الصف ..
أنها حصة درس القومية العربية ..
((بينو وبين حالو )) : يلا بنلقحون لهل طلاب كم كلمة وطنية و بندفشون عل بيت ..

صلاااااح : شو ما شايف الأستاذ دخل على الصف .. ولك شو هل قعدة يا حيوان أنت قاعد بصف ولا بـ كراخان .. شو يا روح أمك .. جبلك أركيلة و شااي كمان .. أنقبر قعد جلسة صحية تضرب بهل شكل ..
اليوم درسنا عن الأستعمار الصهيوني الحديث على الوطن العربي ..

تتعرض أمتنا العربية .. الطلاب : بية بية بية

لـ هجمة أمبريالية ... ية ية ية ..

متمثلة بالعدوان الأسرائيلي على القطر الفلسطيني الشقيق .. قيق قيق قيق :lol:

ونحن كأمة عربية .. بية بية بية ..

نرفض و بشدة ... دة دة دة ..

هذه الأعتداءات على أمتنا .. من لاخليج ألى المحيط .. طيط طيط طيط

حلص درسنا .. بكرة بيجي الكل حافظ ..

حكمت .. روح شوف المدير أذا فيكون تروحو على البيت ..

بيركص حكمت متل الغزال .. أستاز أستاز .. المدير قال أذا خلصتو الدرس روحو على البيت..

يلا ..

من المقعد الأول .. واحد واحد .. لك جنب الحيط يا حيوان .. أذا بسمع صوت حدا منكون بترجعو و بحبسكون بالمدرسة للساعة 3 الضهر ...

الحمد الله اجا مين يحرك القصة.....
مشكور.........و تابع اذا بتقدر:D

لك خليتوني اقرا كل المكتوب وحلوين ولله مشكوري :D

شكرا كتير لكل اللي مروا بالموضوع وخصوصا اللي كملو بالقصة يعني هاني وجاد وعاشق ومية تحية لعيونكن :D


امرأة من ورق 42 "ليش هيك يا امرأة بيطلع معك احسن انت"



بس انو ولك مفصوع مين قلك عن علامتي بالرياضيات بالبكالوريا؟؟؟؟؟ ومين قلك انو هيك الاستاز قلي لما صلحلي الاسئلة؟؟؟:o

مو معقول هالصدفة:?
انا خفت من هالشي...... لتكون انت شي نبي او هيك شي!!!!!!!!!!!!

:shock: :shock:
لك من طول عمري بقول انو انا نبي

بس ما حدا كان يصدقني

صدقتو هلق؟؟؟؟

بعدين مينو هاد المفصوع؟؟؟

بخلي الله يحطك بالنار هاه

:shock: :shock:
لك من طول عمري بقول انو انا نبي

بس ما حدا كان يصدقني

صدقتو هلق؟؟؟؟

انا صدقت..... رضاك سيدنا رضاك :bow:

:p

بعدين مينو هاد المفصوع؟؟؟

بخلي الله يحطك بالنار هاه

لأ سيدي دخيلك ...... خلص سحبتها...... بس هوي اللي مابيعرفك بيجهلك :lol:

اي شو عم نلعب نحن حتى ساعة تقوليها وساعة تسحبيها؟
بعدين من ايمت في مزح بيناتنا

على سيرة المزح
وعلى سيرة سامع المطنش

بزماناتو كانت سامعة المطنشة عم تعطينا علامات فحص الفيزيا
فهية بتقول العلامات اول الشي
بعدين بترجع بتسألنا عن علاماتنا ونحن منقلا ياهون مشان تسجلون بالدفتر تبعا
فبيجي دوري

بتقلي اديش اخدت بقلا 100 (طبعا العلامة من 20 )
بتقوم بتتطلع فيني هيك وبتقلي (وهية لهجتا حومصية اوح)
شو يا حبوب (الواو حومصية يعني متل ال o بالانكليزي) انا رفيقتك حتى تومزح معي؟؟
قلتلا لا مو رفيقتي
قال اي منيح بتعرف
اديش اخدت؟؟
قلتلا 100 (هالمرة طلعت بالغلط :lol: )
بعدين ما بتذكر شلون انتهى الموضوع

دخل الاستاز سامع عالصف بثقة غير اعتيادية...... طبعا فالآن حصة اللغة الانكليزية وهي فرصته الاكبر لاظهار مواهبه بالحديث بلغة اجنبية وليظهر للطلاب وللعالم كله كيف انه يتحدث بلغتين وبما أن كل لسان انسان فهكذا فإن سامع المطنش هوي عبارة عن إنسانين تنين بواحد :o

توجه الاستاز كالعادة مباشرة للوح ليكتب تاريخ اليوم وعنوان الدرس فكتب التاريخ ثم كتب blural

ثم نظر إلى الطلاب وقال لهم اليوم بدنا نتعلم كيف بنجمع الكلمات باللغة الانغلش8)

وحينها وقف أحد الطلاب (توم) وقال للأستاز: بس يااستاز مو هيك بنكتب كلمة جمع بالانغلش لازم نكتبها بحرف p مو b

وحينها صرخ الاستاز سامع بصوت مرعب وقال لتوم: you is stupid

فقال له توم: يااستاز بس بنقول you are ومابنقول you is

فأجاب الاستاز وقد احمر وجهه غضبا وخجلا: ولاه انت مين مفكر حالك لحتى عم تتفزلك عليي هيك؟؟؟ وليش مفكر حالك بتعرف تحكي انغلش وانت كلك شقفة ولد لسه مافقست عنو البيضة

فقال توم: يااستاز انا مامتي بريتش يعني من بريطانيا ولهي علمتني احكي انغلش حتى قبل الارابيك

فقال له سموعة بهدوء: اقعد ياابني وكون واثق انو يجوز الوجهان

:shock: :cry:

اي هاه يسعد الله
والله انت مافي منك

اشتقنا لسامع المطنش

والله يا خيتو سامع المطنش تبعنا تبع الانكليزي, كانت تكرهني كتير
اول فحص اخد فيه 24 من 25 قام كانت تحبني
بعدين تاني واحد اخدت 19 من 25 ضلت ماشي حالها
بعدين بلشو ينزلو العلامات لحتى وصلو لل 11 من 25
قام صارت تكرهني بشكل فظيع
كانت دايما تقلعني من الصف :cry: مو عرفانة اني نبي

صباحو
كيفكن؟
بس بدي اعتذر من "امرأة من ورق" بشكل اساسي ... وبعدين هاني ابن الداغر,جادو الحمصي (يعدمني اياه), عاشق من سوريا ....
لاني هلق لشفت الموضوع...انه يطعمني الحج والناس راجعة....:cry:
بس هلق قرتو كله كله من اول صفحة لاخر صفحة....:yahoo:

اقتراح" بدنا حلقة عن درس الفتوة...:yahoo: .(قبل ما يلغوه.:lol: ..)

اي على مهلك عشر سنين انت التانية

بعدين اكتبي انت الحلقة تبع الفتوة بدال ما تقترحي :jakoush:

اي على مهلك عشر سنين انت التانية

بعدين اكتبي انت الحلقة تبع الفتوة بدال ما تقترحي :jakoush:
ليش معصب عليي ع ساعة هالصبح...تركتك مروق امبارح المسا... :pos:
صباح الخير جادوو.... :D
ما بدي اكتب .... مو خاطرلي شي :cry: (( انا بعطي افكار وانتو بتحاولوا تعملوها وين الغلط ..)

ليش معصب عليي ع ساعة هالصبح...تركتك مروق امبارح المسا...

لا مروق مروق
:aah: :aah: :aah: :aah: :aah:
صباح النور

بعدين ليش ايمت انت خطرلك شي:p

لا مروق مروق
:aah: :aah: :aah: :aah: :aah:
صباح النور

بعدين ليش ايمت انت خطرلك شي:p
يسعدلي الرواق... :jakoush:
لك انا بكفي انه تخطرلي الافكار... يعني كيف بدكن تعملوا حلقة بلى فكرة :pos:

:?
افحمتيني

:?
افحمتيني
8) 8) 8)

عودة للموضوع....:pos:

صباحو
كيفكن؟
بس بدي اعتذر من "امرأة من ورق" بشكل اساسي ... وبعدين هاني ابن الداغر,جادو الحمصي (يعدمني اياه), عاشق من سوريا ....
لاني هلق لشفت الموضوع...انه يطعمني الحج والناس راجعة....:cry:
بس هلق قرتو كله كله من اول صفحة لاخر صفحة....:yahoo:

اقتراح" بدنا حلقة عن درس الفتوة...:yahoo: .(قبل ما يلغوه.:lol: ..)

ولك اهلين بريمي نور الموضوع :D
لعيونك رح نلحقك بحلقة عن درس الفتوة

ولك اهلين بريمي نور الموضوع :D
لعيونك رح نلحقك بحلقة عن درس الفتوة
هيك العالم :D مو متل جاد الحمصي .:x .. كان رح يبكيني :cry:

لك هه,,,الله حيو النشاط....هي امرأة من ورق حركتو للموضوع بلكي بكمل جاد كمان المشاركة بالسيناريو و بيكون في شي متل الخلق ينقرا...............
كتيييير كانت حلوة اخر حلقة.....بانتظار التتمة:D :D