-
دخول

عرض كامل الموضوع : يوميات الاستاز سامع المطنش

صفحات : 1 2 [3] 4 5 6
امرأة من ورق
31/08/2006, 05:20
هيك العالم :D مو متل جاد الحمصي .:x .. كان رح يبكيني :cry:

ولك له له له شو يبكيكي
الحماصنة بس بيضحكونا :yahoo: :lol: :clap:

كيفك جادو حبيب القلب:D :p
امرأة من ورق
31/08/2006, 05:21
لك هه,,,الله حيو النشاط....هي امرأة من ورق حركتو للموضوع بلكي بكمل جاد كمان المشاركة بالسيناريو و بيكون في شي متل الخلق ينقرا...............
كتيييير كانت حلوة اخر حلقة.....بانتظار التتمة:D :D

اهلين سرسورة :D
Barleb
05/09/2006, 00:29
أول شي بعتذر عن كل واحد كان جهز حالو لـ يكتب عن حصة الفتوة .. بس أنا رح أكتبا ..

تنويه : الأستاز سامع لم يكون هو مدرس الفتوة .. بل كان الأستاز حسين .. لأنو سامع لم يكن حزبي ..

أستاز حسين .. ومين ما كان يخاف من أستاز حسين .. هوي و شواربو يلي بيقف عليهون تريناصور ( أو هيك شي أسمو !!) لأنو ما كان خرج يوقف عليون نسر لأنو بيضيع فيون هاد أولاً .. وتانياً لأنو كان متخلف كتير ..

بيفوت عـ الصف وكأنو فايت عـ غرفة العمليات ,, بتكب الأبرة يعني بلا مبالغة بتسمع صوتا ..

كا يفوت نافخ صدرو ورافع راسو ..ما كان يطلع بالطلاب .. حتى يبلشو هل طلاب الملاعين يحكو بصوت ناخي كتير .. أو حتى كانو يهمسوا لـ بعض ..

ااااااااااننننننننننتتتتتتتتتتتبببببببببببههه ههه .. يا أبتاه أغفر لي .. شو هل صوت يا مولانا .. يعني الأستاز حسين كان عليه صوت ولا بافلات البايونير ..
يلا .. من المقعد الأول واحد واحد أصطفو أربع صفوف بـ الباحة
.. بيطلع الأستاز حسين وراهون .. وبيبلش التفقد عـ البواط و بدلات الفتوة ..

الكل نظامي يا عيني عليكون ..

يمييييييييييييييييييييييييين درّ .. اح تنين ..

مكاناااااااااااااااااااااااااااك راوح ... أح تنين اح تنين اح تنين ..

برافو عليك يا علي .. مافي منك أنت ياريت كل هل قنادر متلك ..

سلم عـ البابا حبيب قلو أستاز حسين بيسلم عليك ..

وقوووووووووووووووووووووووووووف قف .. اح تنين ..

استاااااااااااااااارح
استااااااااااااااااااعد
ولك يا جحاش أنتو بحياتكون ما رح تفهمو ( بهل لحظة الكل كان عم يستفسر شو عمللو غلط .. بس يعدين الكل عرف أو هاي كانت بداية لـ يبدا الأستاز حسين بوصف حالو )
ولك هاد صوت 40 جحش .. ولك لازم عـ صوت خبطة أجركون تحفرو تحكون بير ..
ولك بدكون عاملكون بالصرماية ؟

لك انتو لسا ما بتعرفوني .. لك أنا بزمناتي كنت عـ الموتور رايح عـ الصيد .. خلص معي البنزين .. و أذ في طيارة مارقة .. طالعت هل مسدس .. خرتطها فشكة بمحل البنزين .. وركضت وراها بالموتور .. هيك لحتا عبيت بنزين (( ودائماً كان بينسا أنو الطيارة فيها كيروسين مو بنزين .. ))

.. وهيك كملت حتى وصلت عـ الصيد ورجعت معي 3 غزلان صدتون بالمسدس .. يلا خروات ..

روحو عـ صفوفكن جيبو شنتكن .. وبقو بالباحة لبينما يدق الجرس أنقلعو عل بيت
Reemi
05/09/2006, 00:39
:yahoo: :yahoo: :yahoo: :yahoo: :yahoo: :yahoo:
الله عليك......
ريمي تفكر8)...وآدم ينفذ الله الله الله......:gem: :gem: :gem: :lol:
امرأة من ورق
05/09/2006, 07:43
:yahoo: :yahoo: :yahoo:
حلوة كتير
يسلمو عاشق :D
Barleb
05/09/2006, 12:50
ولو ولو .. نحنا بالخدمة ..
سرسورة
05/09/2006, 20:06
شكرا عاشق:D ......عن شوالحصة الجاي؟؟؟؟؟؟؟؟
BLaCK SCoRpiON
06/09/2006, 05:33
حلوة بدنا حصص تاني
امرأة من ورق
07/09/2006, 07:04
دخل الاستاز سامع الى الصف وعلى وجهه علامات التعب والاعياء..... فالبارحة لم ينم وهو يفكر بقلق على مستقبل احبابه عصافير الجنة وملائكة الارض طلابه

وماان دخل الصف حتى استدار نحو اللوح ليكتب التاريخ وعنوان الدرس واللي منو..... وحين ادار ظهره للطلاب سمع ضحكة رنانة ارتجفت لها ركبتاه وشعر بأن ظهره قد تكسر من وقعها عليه وبأن قلبه يرقص طربا على نغماتها الجميلة....... فاستدار واذا بها صادرة عن الطالبة فاطمة الملقبة بين زملائها بفيفي الظريفي وقد اسدلت شعرها ذو كل الوان الطيف (وسبحان من سوى وصبغ هذا الشعر :o ) على كتفيها..... وهذه الضحكة قد كشفت عن اسنان ناصعة البياض وقد اصطفت اصطفافا رائعا (يخرب بيتها كأنها طالعة من دعاية معجون سنان:clap: ) اما القميص فهذا بذاته حكاية من حكايات الف ليلة وليلة وقد فتح عن طرف نهدين كالرمانة:sosweet: :oops:
وقد شعر كل الطلاب بتلبك الاستاز وانفتانه بفيفي الظريفي ممااحرجه اكثر وقرر ان يتخذ اجراء سريعا ليخفي مايشعر فيه...... فصرخ باحد الطلاب ان يهرع إلى غرفة الادارة ويحضر العصاية لانه ينوي ان يعاقب كل الطلاب لما بدر منهم من قلة احترام لشخصه ولاصدار الضحكات خلال وجوده داخل الصف وليضمن ان لا تعاد الكرة
خرج الطالب مهرولا وعاد بسرعة وهو يحمل العصاية بيده وكله امل ان يستبعده الاستاز من العقاب لانه هو من احضر العصاية ولكن آماله ذهبت مهب الريح فقد بدأ الاستاز العقاب به وناوله عصايتين من كعب الدست على كل من يديه...... ثم تنقل الاستاز بين المقاعد وناول كل من الطلاب حصته من الضرب والعصي حتى وصل إلى اخر الطلاب وهي فيفي الظريفي ونظر الاستاز في عينيها الزرقاويين الجميلتين وقد امتلأتا بالدمع ثم حول نظره إلى هاتين اليدين البيضاوين ذات الاظافر الطويلة والتي تلقت الكثير من العناية حتى وصلت إلى ماهي عليه من النعومة والظرافة ولفت انتباهه المنكير الملون بالوان راية بلده..... وحينها لمعت بعينيه فكرة رائعة لاخراج الظريفي من العقاب

فوجه نظره الى بقية الطلاب وقال: هلأ مارح فيي اضرب ايدين عليهم راية بلدي بس يروح المنكير تبقي ذكريني عاقبك

:? :cry:
Willi
07/09/2006, 07:34
الله حيو
ذكرني باستاذي الرياضيات
كان يزور الشباب بالصف وعلى شوي بقوم بدقهون قتلة

والبنات بيتطلع عليهون مع ابتسامة


شغلة:lol:

مشكورة خيتو
امرأة من ورق
07/09/2006, 07:49
الله حيو
ذكرني باستاذي الرياضيات
كان يزور الشباب بالصف وعلى شوي بقوم بدقهون قتلة

والبنات بيتطلع عليهون مع ابتسامة


شغلة:lol:

مشكورة خيتو

اهلين خيو نورت :D
Barleb
07/09/2006, 08:30
حلوة حلوةة
امرأة من ورق
07/09/2006, 08:34
حلوة حلوةة

شكرا كتير عاشق:D
Reemi
07/09/2006, 09:19
ذكية هالفيفي الظريفي:p

:shock: :clap: :lol: :lol: :clap: :yahoo:
handsome
07/09/2006, 11:47
شي ظريف كتير
كترو منهدول الشغلات الي بترفه عن النفس الله يرضى عليكون :yahoo:
امرأة من ورق
07/09/2006, 14:35
ذكية هالفيفي الظريفي:p

:shock: :clap: :lol: :lol: :clap: :yahoo:

اي ذكيي الله يخليها لهلها

اهلين ريمي:D
امرأة من ورق
07/09/2006, 14:37
شي ظريف كتير
كترو منهدول الشغلات الي بترفه عن النفس الله يرضى عليكون :yahoo:

لعيونك هاندسوم :D
سرسورة
07/09/2006, 18:41
حلوة كتيييير هالحلقة:o :o
امرأة من ورق
08/09/2006, 03:22
حلوة كتيييير هالحلقة:o :o

مرسي كتير سرسورة :D
BLaCK SCoRpiON
08/09/2006, 04:47
هههههههههههه

:yahoo: :yahoo: :yahoo: :yahoo:

حلوة كتير هل الحلقة

انو بدها مسلل

مشكورا:D
امرأة من ورق
08/09/2006, 07:20
هههههههههههه

:yahoo: :yahoo: :yahoo: :yahoo:

حلوة كتير هل الحلقة

انو بدها مسلل

مشكورا:D

اهلين وشكرا الك
:D
Reemi
08/09/2006, 15:07
ريمي تأتي مع افكار جديدة....:yahoo:
فلتتفضل ريموووو مشكورة بادلاء فكرتها....:king:
احم احم ....8)

يا جماعه ما زهقتوا من المدرسة..والحصص والطلاب.:pos: ...
شو رأيكون بشي حلقة... بالرحلة المدرسية ;-)
سرسورة
08/09/2006, 22:08
ريمي تأتي مع افكار جديدة....:yahoo:
فلتتفضل ريموووو مشكورة بادلاء فكرتها....:king:
احم احم ....8)

يا جماعه ما زهقتوا من المدرسة..والحصص والطلاب.:pos: ...
شو رأيكون بشي حلقة... بالرحلة المدرسية ;-)
و أنا أؤيد ريمي الذكية في اقتراحاتها المجدية8) 8)
ابومزيد
09/09/2006, 12:58
انا بطالب بحلقة تانية لفيفي:lol: واذا كان ولا بد من الرحلة المدرسية يا ريت تكون فيفي طالعة
Reemi
09/09/2006, 13:04
و أنا أؤيد ريمي الذكية في اقتراحاتها المجدية8) 8)

8) 8) ريمي ذكية 8) 8) ذات الاقتراحات المجدية 8) 8)

انا بطالب بحلقة تانية لفيفي:lol: واذا كان ولا بد من الرحلة المدرسية يا ريت تكون فيفي طالعة
:o :lol: :o ما طبيعي....شو رأيك بـ فيفي تلعب التنس(بالرحلة) :p
امرأة من ورق
09/09/2006, 13:20
اهلين ريمي وسرسورة وابو مزيد :D

جايي الرحلة بس ليزبط الطقس شوي حاكم هالكم يوم كتير عندي هوا قوي ومابتطلع الرحلة حلوة مع هوا قوي....... ورح ناخد فيفي الظريفي معنا...... اصلا الرحلة مو ظريفي بلا فيفي الظريفي:p
Reemi
09/09/2006, 13:23
اهلين ريمي وسرسورة وابو مزيد :D

جايي الرحلة بس ليزبط الطقس شوي حاكم هالكم يوم كتير عندي هوا قوي ومابتطلع الرحلة حلوة مع هوا قوي....... ورح ناخد فيفي الظريفي معنا...... اصلا الرحلة مو ظريفي بلا فيفي الظريفي:p
اذا هيك ما مشكلة...معناها لازم نشوف الطقس... :p
بس الله يرضى عليكي...كرمال ابو مزيد...ركزيلنا ع فيفي الظريفي تلعب التنس.:clap: ...
او ليكي... بما انه الشتوية ع البواب...خليهن يطلعوا ع التلج...وتسفقوا للاستاذ كرة ثلجية ع قفاه...
كه كه:oops:
شو رأيك ;-)
امرأة من ورق
09/09/2006, 13:27
اذا هيك ما مشكلة...معناها لازم نشوف الطقس... :p
بس الله يرضى عليكي...كرمال ابو مزيد...ركزيلنا ع فيفي الظريفي تلعب التنس.:clap: ...
او ليكي... بما انه الشتوية ع البواب...خليهن يطلعوا ع التلج...وتسفقوا للاستاذ كرة ثلجية ع قفاه...
كه كه:oops:
شو رأيك ;-)


:oops: :oops: :oops: :oops: :oops:

ياعيبو ياعيبو عليكي


بس عجبتني الفكرة :o
Reemi
09/09/2006, 13:30
و أنا أؤيد ريمي الذكية في اقتراحاتها المجدية8) 8)

:oops: :oops: :oops: :oops: :oops:

ياعيبو ياعيبو عليكي


بس عجبتني الفكرة :o
لك ما سمعتي ام السوس شو قالت افكاري مجدية...سمعني حتلاقي استحسان عند الشباب :p :p
ابومزيد
09/09/2006, 13:31
اذا هيك ما مشكلة...معناها لازم نشوف الطقس... :p
بس الله يرضى عليكي...كرمال ابو مزيد...ركزيلنا ع فيفي الظريفي تلعب التنس.:clap: ...
او ليكي... بما انه الشتوية ع البواب...خليهن يطلعوا ع التلج...وتسفقوا للاستاذ كرة ثلجية ع قفاه...
كه كه:oops:
شو رأيك ;-)
يا ريت تكون الرحلة صيفية كرمال ما تبرد فيفي
امرأة من ورق
09/09/2006, 13:41
لك ما سمعتي ام السوس شو قالت افكاري مجدية...سمعني حتلاقي استحسان عند الشباب :razz: :razz:


اي افكارك كتير حلوة :king: وقوية :gem:

شكرا كتير :D



يا ريت تكون الرحلة صيفية كرمال ما تبرد فيفي


ولايهمك مارح نخلي فيفي تبرد

معقول يعني نبرد الظريفي:p
امرأة من ورق
09/09/2006, 14:02
اليوم وبعد ان انهى الاستاز سامع شرح الدرس نظر إلى الطلاب وقال لهم أن لديه خبر مهم وجميل يريد أن يزفه لهم (يخبرون يعني مو انو زفة عروس وهيك:p )

نعم يوم الجمعة القادم سيصحبهم في رحلة مدرسية ترفيهية وتثقيفية في بعض مناطق سوريا الجميلة (ياحبيبتي ياسوريا:hart: )
سيتوجهوا في البداية إلى قلعة صلاح الدين الأثرية ثم إلى منطقة صلنفة السياحية حيث سيتناولوا طعام الغداء:eat: ومن ثم إلى محطة البث بالقرب من الصلنفة والمطلة على سهل الغاب الجميل (ورشرش حبك ياجميل)

ولكن كان للاستاز سامع بعض النقاط ليوضحها فقال: شوفو وله منك الو ترى طلع بنشرة الطقس انو الجو رح يكون صافي وحلو ودافي يعني مو ضروري تسمكو لبس كتير بس مع ذلك جيبو شي جاكيت خفيفة لانو بتضل الصلنفة جبلية ويمكن تكون باردة شوي....... وكمان باعتبار انا استازكن وشغلتي مو بس علمكن المناهج الدراسة لازم كمان علمكن فن الحياة والتعامل الاجتماعي ولهي لازم يعني ومن واجبي علمكن تتحملو المسؤولية لهي كل واحد منكن بيجيبلي معو شي شغلة..... وهلأ رح وزع عليكن اوراق مكتوب على كل ورقة شو لازم تجيبولي معكن

ومر الاستاز بين المقاعد ووزع لكل طالب ورقة من كومة اوراق مكتوب عليها اشياء مثل "5 سندويش مرتديلا", "5 سندويش جبنة ابو الولد", "5 سندويش جبنة بيضا", "2 كيلو خيار" , "2 كيلو بندورة", "قنينة كولا حجم عائلي" ,...... الخ الخ وفي النهاية وصل لمقعد فيفي الظريفي وسلمها ورقة مكتوب عليها "شوكولا على ذوقك الحلو":oops: :sosweet:

وبعد ان انهى توزيع الاوراق خرج مودعا الطلاب بقوله: بشوفكن الجمعة قدام باب المدرسة الساعة 7 الصبح واللي بيتأخر بيروح عليه الباص يعني مارح ننطر حدا ..... سامعين ولة...... واللي بيقرر مايجي يصطفل على راحتو مابجبر حدا عالروحة معنا بس يبقى يبعتلي الغرض المكتوب على ورقتو مع حدا تاني...... مو مشان شي ..... بس مشان تعرفو معنى تحمل المسؤولية



:shock: :cry:
يتبع.........
Reemi
09/09/2006, 14:07
:yahoo: :yahoo: :yahoo: :clap:
بس يبقى يبعتلي الغرض المكتوب على ورقتو مع حدا تاني...... مو مشان شي ..... بس مشان تعرفو معنى تحمل المسؤولية


:shock: :? :p نهفة

بانتظار البقية.....:clap: :clap:
امرأة من ورق
09/09/2006, 14:13
:yahoo: :yahoo: :yahoo: :clap:


:shock: :? :p نهفة

بانتظار البقية.....:clap: :clap:

اهلين باحلى ريمي..... وماكانت صارت الحلقة لولا افكارك الحلوين :D
Reemi
09/09/2006, 14:24
اهلين باحلى ريمي..... وماكانت صارت الحلقة لولا افكارك الحلوين [/URL] :D

:oops: :oops: :oops: :oops: :sosweet:


بس تيجي البقية..بنبقى بنفكر بالي بعدها..:yahoo: .ياذن واحد احد :p


[URL="////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////"]////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
ابومزيد
09/09/2006, 14:26
حلوة كتير بانتظار الرحلة
leoprad
09/09/2006, 14:27
كتير حلويين
بتعرفي فكرة حلوة
ممكن تخلي الشباب يقروا كتاب بالهطريقة
يسلمو
فيروزة
09/09/2006, 14:32
الجميلة (ياحبيبتي ياسوريا:hart: )
سيتوجهوا في البداية إلى قلعة صلاح الدين الأثرية ثم إلى منطقة صلنفة السياحية حيث سيتناولوا طعام الغداء:eat: ومن ثم إلى محطة البث بالقرب من الصلنفة والمطلة على سهل الغاب الجميل (ورشرش حبك ياجميل)
....
كيف رايحين على الرحلة بالباص
احلى شي لما الواحد يكون رايح على الرحاة ومبسوط وفجاة بنص الطريق بمنطقة مقطوعة يتعطل هل الباص:cry:
امرأة من ورق
09/09/2006, 14:33
شكرا كتير ابو مزيد وليوبارد:D

وبانتظار افكارك الجديدة..... ريمي :D
امرأة من ورق
09/09/2006, 14:35
كيف رايحين على الرحلة بالباص
احلى شي لما الواحد يكون رايح على الرحاة ومبسوط وفجاة بنص الطريق بمنطقة مقطوعة يتعطل هل الباص:cry:

حرام عليكي فيروزة ..... الله لايقدر يخرب الباص ..... بكل الاحوال مومشكلة اذا خرب الباص بيحلها سموعة ;-) :lol:

شكرا كتير عالمرور :D
Barleb
09/09/2006, 14:36
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
امرأة من ورق
09/09/2006, 14:45
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


شي حلو كتير :yahoo:

بس الرحلة مع سموعة لايعلى عليها :p
Nadoun
10/09/2006, 00:47
عن جد قصة كتير مشوقة و فيا حلقات بتعقد ..:yahoo:
يمكن قريتا متأخرة بس قريت كل الحلقات مع بعض و حسيت حالي
عم بحضر شي مسلسل .. يعطيكن العافية و الله ..
و بانتظار الرحلة السعيدة .. و اهم شي فيفي الظريفي :p
سرسورة
10/09/2006, 01:15
تمام....شي ظريف كتييير....بس ما حدا من الأساتذة أو الانسات رح يروح مع سموعة ع الرحلة؟؟ولا بس رح يروح هو و الطلاب و فيفي الظريفي:lol:
امرأة من ورق
10/09/2006, 04:41
عن جد قصة كتير مشوقة و فيا حلقات بتعقد ..:yahoo:
يمكن قريتا متأخرة بس قريت كل الحلقات مع بعض و حسيت حالي
عم بحضر شي مسلسل .. يعطيكن العافية و الله ..
و بانتظار الرحلة السعيدة .. و اهم شي فيفي الظريفي :p

شكرا كتير عالتشجيع ندون ونورتي:D
امرأة من ورق
10/09/2006, 04:42
تمام....شي ظريف كتييير....بس ما حدا من الأساتذة أو الانسات رح يروح مع سموعة ع الرحلة؟؟ولا بس رح يروح هو و الطلاب و فيفي الظريفي:lol:

الاستاز وفيفي والباقي خس :sosweet:
Nadoun
14/09/2006, 14:41
شكرا كتير عالتشجيع ندون ونورتي:D

تسلمي .. و الله انتو يللي منورين القصة :D
سرسورة
14/09/2006, 23:09
وينك يا امرأة الورق؟؟؟؟شو صار بالرحلة.....لغوها؟؟؟؟؟
امرأة من ورق
17/09/2006, 07:18
وينك يا امرأة الورق؟؟؟؟شو صار بالرحلة.....لغوها؟؟؟؟؟


اسفة عالتأخير بس كان مزاجي كتير تعبان..... ومازال :(
بكل الاحوال هي الرحلة اليوم :D
امرأة من ورق
17/09/2006, 07:43
اليوم الجمعة وهو اليوم الموعود المنتظر...... يوم الرحلة الثقافية الترفيهية 8)

تجمع الطلاب كلهم بدون استثناء امام باب المدرسة منذ الساعة السابعة إلا ربع والآن الساعة الثامنة إلا ربع ولكن أين الاستاز سامع؟؟؟ وأين باص الرحلة؟؟:?
في تمام الساعة الثامنة أطل من بعيد باص من عهد العصملية يتمختر بقيادة الاستاز سامع
ووقف امام باب المدرسة حيث تجمع الطلاب فنزل منه الاستاز سامع وحيا الطلاب بكلمة: صباح الخير ياولاد........ يللا رح افتحلكن باب الباص منشان تطلعو ونباشر الرحلة

فتح الاستاز باب الباص فصعد الطلاب وجلسو ولكن بقي خمس طلاب بدون مقاعد فقالو للاستاز: يااستاز مافي محلات تكفيلنا شو نساوي؟؟

فصرخ بهم الاستاز قائلا: ولة منك الو دبرو حالكن هلأ صرتو اكابر ومابتنحشرو تنين بمقعد واحد ولا بتسافرو عالواقف....... ليكو هالشغلة الكبيرة:pos: :jakoush:

فصعد الطلاب وحينها انتبه الاستاز سامع ان فيقي الظريفة محشورة بين طالبين من الذكور وهي تتغندر بينهم وتتدلل لعيونهم وحينها قال: ولك مابتستحو محشورين الصبيان والبنات بمقعد واحد .....تعي حبيبتي فيفي:hart: ....امممممممم قصدي يابنتي فاطمة :oops: تعي قعدي جنبي من قدام لاني مابحب يصير برحلتي وبين طلابي اختلاط ذكوري انثوي :sosweet:

فغيرت فيفي مكانها وجلست من الامام وضحكت ضحكتها المعهودة اللي تقصفت ركب الاستاز لسماعها

وبعد ان جلس الطلاب صعد الاستاز سامع الى الباص وتمشى بين المقاعد ليجمع من الطلاب الاشياء المطلوبة منهم لتعلمهم المسؤولية....... فاذا احد الطلاب (وهو يتيم الاب ومسكين :cry: ) لم يحضر المطلوب منه فنهره الاستاز وصرخ به ورماه خارج الباص قائلا: ولك انا ماعندي طلاب يروحو على رحلتي بدون مايكون بيعرفو شو يعني مسؤولية...... يللا ولا تفكر مرة تانية تروح معي بأي رحلة او نشاط اذا ماكنت قد المسؤولية...... يللا برا ولك حيوان

والآن وبعد ان اطمئن الاستاز ان كل الامور كما يجب...... صعد إلى مقعد السائق ليقود الباص ويبدأ الرحلة (هاد الباص باص ابن عمو واستعارو منو ليوم.......يعني ليش الخورفة ودفع المصاري لاجار باص مع شوفيرو:king: معلوم هيك احسن )

ها قد انطلقت الرحلة اخيرا...... ولكن ماهذا الذي يراه الاستاز :shock: ...... هناك سيارة مرسيدس تسير جنبا لجنب مع الباص من جهة فيفي الظريفي التي لاتتوقف عن النظر إلى سائقها الحسن المنظر والهندام والتغميز له......نعم لقد كان يجن الاستاز حين شاهد ذلك فقال لفيفي: ولك شو هاد ومين هالخ** هاد ........وليش ماشي معنا

فأجابت فيفي: معلش استاز ولا يهمك هاد جارنا وحب يطلع معنا بالرحلة بس انا قلتلو انو الاستاز مابيحب الغرباء بعدين قرر يجي لحالو بسيارتو

وحين شاهدت فيفي ان الدم بدأ يغلي بعروق الاستاز سامع وانه على وشك ان يبدأ بمشكلة مع الشاب الوسيم قالت للاستاز: يااستاز ولا يهمك الشب كتير ادمي وابوه بيكون العقيد **** ****

وحينها بلع الاستاز ريقو وقال : اي اذا ادمي ليش لأ


يتبع ..........