تحت رغبة الأخ الغالي كريم أود طرح موضوع أتمنى أن يكون موضوع حوار ... وحوار فقط ..
دون تهجهم أو تهكم أو سخرية أو كلمات نابية ..

ما أود التكلم عنه هو وجود عدد لا بأس به من المعارضين داخل الأخوية ...سواء معارضين للحكومة أو للسيد الرئيس أو لحزب البعث ..

فما رأيكم أن نتحدث عن الحلول المنطقية..... والإحتمالات الواردة ..

وبالبداية ...أتمنى من كل معارض وضع الشخص الذي يراه مناسباً ليكون بديلاً
عن( الدكتور بشار الأسد )
ووضع أسم الحزب الدي يراه هو الأنسب بقيادة سوريا ... وطبعاً مع تقديم الأسباب ..
ومن لا يملك أجوبة فأتمنى ألا يكون معارضاً فقط ...من باب المشاكسة ... ومن باب ..أنا معارض ..وفقط...
لأننا جميعاً نهدف لبناء سوريا الحديثة الرائعة العظيمة بكل شيء ...وهمنا واحد ومصيرنا واحد ..
ولا نريد من يضع العصي بالدواليب ..
نريد النقد البناء ...وليس الهدام ..
نريد ان نطرح المشكلة وان نوجد لها الحل ...وليس فقط ..الإعتراض ..

مع التحية والشكر للجميع ... وخاصة للحوار الهادف :D

ع راسي صياد ع دوعتك الكريمة .. و شكرا لتلبيتك طلبي و لو انو بتمنى انو يسود هالجو بكل الاخوية

بوكرا اكيد رح يكون الي مداخلة مطولة ... بس هلأ بدي استأذن منك لأنو تأخر الوقت و انعست كتير

اعتبر هالرد متل تسجيل متابعة

و دمتم :7asheesh:

يا أخي والله انت عظيم يا صياد....:gem:وهاد اللي حكيت فيه أنا قبل...:ok:
يعني اللي مو عاجبو الوضع يجيب البديل ...وإلا يسكت...
ولكن بتمنى أنو ما تكون الردود هزيلة من قبيل ، أي حزب غير حزب البعث ،وأي رئيس غير بشار الأسد...
وأتمنى على كل من يبدي رأيه أن يجيب على الأسئلة التالية من خلال حديثه بعد إذن الصياد طبعاً :wink1: :

*أين المشكلة.؟
*هل (الرئيس ، حزب البعث . "أحدهما أو كليهما" ) هو المسؤول.؟
1-(لا)...من إذاً ، مع ذكر الأسباب والحلول .

2-(نعم) ..هل هناك حلول لهذه المشاكل مع وجود المسبِّب(برأيك).؟
ا- إن وجدت، ما هي.؟
ب- إن لم توجد، من البديل .؟ ولماذا هو دون غيره .؟ وكيف سيصبح بديلاً.؟وما الذي
يضمن مستقبل عمله .؟

مع الشكر الكبير لصياد الطيور ..
وطبعاً رأيي سيكون حاضراً..
وأتمنى أن يضيف كل شخص ما يراه مناسباً على هذه الأسئلة...:arrowl:

مراحب

الموضوع مهم
انا متل ما سبق وقلت ماني معارض بس ماني موالي

المهم بلا طول سيرة

وبالبداية ...أتمنى من كل معارض وضع الشخص الذي يراه مناسباً ليكون بديلاً
عن( الدكتور بشار الأسد )

اي مواطن سوري بيتم انتخابو بارادة الشعب السوري
ما يوصل للحكم بواسطة الوراثة
لان بلدنا اسمها الجمهورية العربية السورية ومو المملكة العربية السورية


ووضع أسم الحزب الدي يراه هو الأنسب بقيادة سوريا ... وطبعاً مع تقديم الأسباب ..

ما عندي اعتراض على (لعمى نسيت الكلمة) مبادئ وقيم الحزب
بس مافيها شي عم يتنفز
بالعكس بدال ما يكون حزب عم يعمل شي لصالح الدولة
عم يدمر الدولة
بعدين لازم يكون في على القليلة حرية الواحد يختار اذا هوي مع او ضد الحزب

*أين المشكلة.؟
*هل (الرئيس ، حزب البعث . "أحدهما أو كليهما" ) هو المسؤول.؟
1-(لا)...من إذاً ، مع ذكر الأسباب والحلول

هلق الرئيس عم يعمل ما رح قول ما عم يعمل
بس بجوز دولتنا هيي الوحيدة بالعالم اللي بتسمح لواحد عمرو 34 (او هيك شي) سنة يحكم الدولة
يعني برأيي الاكبر منو مو قادر يحكم دولة حتى هوي يقدر يحكمها

رح قلك انا اعتراضي الكبير هوي حرية الرأي يعني اذا الواحد ما بيحقلو ينتخب رئيسيو !
شو بيقدر يعمل؟
والتاني والاهم كل هالحرامية اللي حوالين الرئيس
والواسطات اللي بتعين الشخص الغير مناسب بالمكان الغير مناسب

وبالنسبة لحزب البعث كمان اعتراضي على حرية الرأي انو هوي ومافي غيرو
وبس هوي اللي مفروض المواطن السوري يتبعو

انا شايف أنو بعض الشباب شاطرين بس بالانتقاد والمسخرة وغير هيك....:razz::razz:
وهاد الموضوع هوي أكبر دليل على إفلاسن ... وهنن لا بيهمن لا حلول ولا غيرو ... عندن كلمتين حافظينن ويالله...:bow::bow:

وحرام نضيع وقتنا معن....:bye::bye::bye:

يا سيد يا غاندي عمرك أطول من عمري ..
كنت ناوي أكتب عن نفس الفكرة من شوي ..
بس شو بدك تحكي ..

شباب المعارضة ما عندهم أي حجة تقوي كلامهم ...شاطرين بالتهجم والسب والشتم بس ..
وبما أنو اتفقنا من أول الموضوع أنو ما نغلط بالكلام ..
فبرجع بعيد دعوتي لنقاش سياسي خالص ...ومناقشة الأفكار الي عندكم ..

مع أنو بشك بوجود أفكار غير أفكار الــ ؟؟؟؟

يبدو فعلاً أقطاب المارضة بمنتدانا لا يملكون أي أجوبة لما طرحناه ..
ويبدو أنهم يجيدون النقض بلا فائدة

حلوة الفكرة كتير يا صياد انك تتكلم بهالشي

وبدك تعرف

الاستاذ بشار الأسد على راسنا وعيننا جميعا ولا يحق لأي احد ان يقول غير ذلك:ok:

بعني هلأ نحنا يلي حافظين كم كلمة و يالله...
بدكون نقاش .. بس النقاش معكن عقيم.. و الموضوع متل العادة رح يفقد اهميته و المقصد منو ... ليكك انت بلشت بالتهكم غاندي افندي..
هاد شخص واحد بس يلي حاوركن.. و الشب قلكن اننو مو معارض بس مو موالي ...
كيف ازا دخل الباقي . و الحوار اشتد ...

يا مجود ..غاندي ما حكى شي ..
ويلي قال رأيو وراح ..
بس العتب على البقية ...يعني وين أجوبة البقية ؟؟؟

اذا انا زاعجكن ما عاد فوت خلص التوبة

انا اسف لأني ... فت غصب عني ... شوفتو نقاش بيدوب ... قمت فت بين الدروب:waa3:

بدكون نقاش .. معناها اسلوب التهكم مرفوض ...

ومين عم يتهكم ؟؟
ما حكينا ببداية الموضوع انو مافي تهكم ولا اعتراض على رأي التاني
بدنا نقاش ...وكل واحد حر برأيه

كلامك مزبوط يا صياد ولا نقاش فيه حبيب قلبي بس بدكن اياني شارككن ولا ارحل بين الدروب

انا شايف أنو بعض الشباب شاطرين بس بالانتقاد والمسخرة وغير هيك....
وهاد الموضوع هوي أكبر دليل على إفلاسن ... وهنن لا بيهمن لا حلول ولا غيرو ... عندن كلمتين حافظينن ويالله...

وحرام نضيع وقتنا معن....هاد الكلام شو بتعتبرو .. ما في اسفزازية و تهكم..
انت كلامك على عيني ..

طيب فينا نبلش الموضوع من جديد وتجاهل الردود الي ما بتعجبك ..
وخليه نقاش ...نقاش مجدي

انا شايف أنو بعض الشباب شاطرين بس بالانتقاد والمسخرة وغير هيك....
وهاد الموضوع هوي أكبر دليل على إفلاسن ... وهنن لا بيهمن لا حلول ولا غيرو ... عندن كلمتين حافظينن ويالله...

وحرام نضيع وقتنا معن....هاد الكلام شو بتعتبرو .. ما في اسفزازية و تهكم..
انت كلامك على عيني ..
ياعمي ليش معصب هيك شربلك فنجان قوة وبل ريئك ونفس اركيلة المهم روقها شو
كبرها بتكبر صغرها بتصغر... بعرفا مطاطة هاهاها...:ok: :ok: :ok:

سيد ( سهرت الليل ) ارجوك الموضوع جدي ولا يحتمل المزاح .

كما أن مجود بنت وليست شاب ..

سيد ( سهرت الليل ) ارجوك الموضوع جدي ولا يحتمل المزاح .

كما أن مجود بنت وليست شاب ..
معليش اعذرني يا صياد انا بقول كلمات مذكرة للاناث والشباب وانا بس حبيت روقلكن دمكن بس يللا باي ما رح ازعجكن خليكن انتو بهمكن:ok:

معلش صياد هاد اخونا دخل سهوا لهون :p ..
و انا بأقرب وقت رح ادخل بالحوار لأنو متل ما قلتلك من قبل انو هلأ ما عندي وقت :D

أولا أحب أن أشكر الأخت مجود على طولة بالها وجديتها في أيصال الفكر المعارض الحر بعيدا عن العبثية والعب والأستفزاز

ثانيا أرجو من السيد صياد الطيور أن يكون موضوعيا في الحوار بعيدا عن أي شكل من أشكال التعصب الفكري أو الطائفي أو البعثي ، وأنا ومنذو فترة طويلة حابب أنتناقش بهي الطريقة البنائة بعيدا عن التشدد

بنسبة لسيد غاندي أن أرحب بكل شخص مهما كانت أتجاهاته الفكرية أو العقائدية بس بشرط
الحوار العاقل
وأوكد على كلمة العاقل

ولي عودة قريبا


ودمتم لنضال

أهلا وسهلا فيك أخي أبو النسيم
كل ما يجمعنا هو حبنا لسوريا ومستقبل سوريا
ومهما أختلفنا نجتمع بحبنا للوطن ... وأنا أرحب بك وبنقاشك المفيد الخالي من التعصب والإنحياز
على كل حال نرحب بالحوار الهادف وأهلا وسهلا بك

:D موضوع حلو مشكورين بطرحو

هلأ

النقاط يلي انا شخصيا بحكي فيها و بعتقد انيها بتتقاطع مع افكار كزا شخص هون:

القيادة مو موضوع انو انا مابدي بشار معناها لازم سمي شخص آخر لأ ما بدي بشار لسبب واحد انو ابن لبيه و من بيت الأسد و ما وصل بإنتخابات قانونية و انت بتعرف الفلم يلي صار وقت عينو نططو من رتبة لرتبة بين يوم و ليلة و مطو القانون بحيث ينلبس معا !!

و موضوع قيلدة حزب هاد كمان بيجي تحصيل حاصل بعد ما تصير انتخابات ديمقراطية
يلي في نقطة هامة انا بتمنى انو تكون باشراف امم متحدة (لأنو بتعرفو شو رح يصير )


و بعد كل شي الغاء ما يسمى سجناء الرأي دون ادلة جنائية و طبعا المحاسبة عبر قانون يحدد غير قانون الطوارئ المفروض حاليا

و شكرا
هي النقاط يلي عندي :D

تسجيل متابعة للمرة الاولى .....

سأعود لاحقاً

مجود خانم ... أرجو ألا تعتبري كلامي أنت والسادة البقية تهكماً ، وإنما كان كلام بعد انتظار 3 أيام للموضوع الذي طرحه صياد ، دون أن يلقى أي اهتمام من قبلكم وهذا ما دفعني لأن أكتب ذلك..
أما بالنسبة لذكر كلمَتي معارضة وما يقابلها ( موالاة مثلاً ) ، فأنا ضد هذا... والسبب أننا إذا انقسمنا بهذه الطريقة فإن طريقة حكمنا على الأمور سوف تأخذ طابعاً استباقياً بعض الشيء ، أي أننا إذا امتلكنا فكرة عن شخص ما بأنه (موالي) مثلاً ، فتبعاً لذلك فإن كل ما يكتبه سوف يظهر لدى (المعارضة) بأنه الشيء النقيض لما يفكرون به..( وهكذا فإن الخلافات سوف تتعمق ولن نصل إلى حلول )... فلذلك فإن رجاءي أن نعتبر نفسنا فريقاً واحداً ، هدفه واحد ، هو سورية .
وأمنى أن يعي الجميع ما أقوله ، وأن ينعكس ذلك على ما يكتبوه .
وكلامي هذا ينعكس عليّ أنا في الدرجة الأولى ، لأنني من الذين يعلمون أن هناك أخطاء وهي كبيرة ، وأنا ضدها وضد كل من يمارسها ، ولكن علينا أن نعي أولاً وأن نميز جيداً بين من يحاول ويعمل على التخلص من هذه الأخطاء ، وبين من يضع العصي في الدواليب ، ثم أن نعلم أن هناك أولويات في الممارسة ، يعلوها ، ولا يعلو عليها شيء ، اسم واحد هو ( الوطن) .

مع التحية .. ولي متابعة

من يقدس الصنم ومن يفني عمره كي يحطمه كلاهما عبد له .
لنتحرر من الحب و منالأحقاد .. من كل المشاعر كي نجلو أبصارنا



تلبية للدعوة من الاخت مجود

بداية اود ان اعبر ان أسفي الشديد بخصوص الردود السائدة في الايام السابقة ....و هذا الاسلوب الهمجي في طرح الردود بدافع الشخصنة فقط
و كلكم تعرفون انني غير قاصر عن الرد ...و لي سوابق سابقة بردات فعل عنيفة ....لكنني اود فعلاً الانتقال من هذه الطريقة التي سادت هذا المنتدى لفترات طويلة ( طبعاً هناك ردود و نقاشات مرت في الماضي بغاية الروعة و لطالما قمت بأخراجها و دفعها للصفحة الاولى )
و اعبر عن آسفي اخيراً ....عن ذلك الاسلوب الذي مر معي في الصفحة الاولى حول الادعاء بأننا مفلسون و أننا نحفظ بعض الكلمات و نرددها فقط

لو كان يهمكم امر هذا الموضوع و النقاش به كان من الاجدر بكم إرسال دعوة ألينا عبر الرسائل الخاصة و لطالما فعلت ذلك مع الكثير منكم سابقاً ....أما أن تعتقد أنني اقوم بقراءة كل شي في هذا المنتدى ...فأظن انه شي غير معقول ....عندما تريد فتح نقاش مع احدهم او مع مجموعة ما ..عليك إرسال دعوة لهم ...و ليس كتابة موضوع في منتدى يكتب به كل يوم عشرات المواضيع

الانترنت غالي و وقتي ليس ملكي دائماً ....لذلك اعذروني إن لم أدخل إلا لمواضيع محددة أرى أشخاصاً كتبوها او شاركوا فيها ممن يلفتني حضورهم هنا ...او قام احد ما بدعوتي( ولست ملزماً هنا بتلبية الدعوة )


و قبل الدخول بالموضوع الاساسي ايضاً اود توجيه أكثر من ملاحظة :


تحت رغبة الأخ الغالي كريم أود طرح موضوع أتمنى أن يكون موضوع حوار ... وحوار فقط ..
دون تهجهم أو تهكم أو سخرية أو كلمات نابية ..


هذا ما نود العمل عليه ليس فقط في مواضيع مخصصة للنقاش بل في كل المواضيع ....مع مراعاة ان لكل شخص اسلوبه و طريقته في ذلك ....إن كان عبر الحوار او بوضع مواضيع ذات صلة .....او ....او .....


موضوع الحوار هذا موضوع طويل في منتدى الاخوية ....:

فأنا لا أرى متحاورين عادة بل أرى مصارعين يدخلون في عصبية لمهاجمة الخصم و الفوز هو غايته الاولى ...فيبدأ بالسباب( الشخصي أو الجمعي ) و شن حملة مطولة من أقذر ما يملكه في هذا العالم من طرق ...كل ما يريده هذا الشخص هو مسح الارض بخصمه ..ثم إن أستطاع مسح أفكاره ...و طبعاً بغض النظر إن كان يؤمن فعلياً بما يقوم بالدفاع عنه ...الوضع مشابه للحمام و مقطوعة ميتو ......لا أحد يسمع الآخر و يرفض ما يقدمه له خصمه و يهاجمه حتى قبل أن يقرأ ما قدمه له ... حتى لوكان مما يقبله

الحوار يا أصدقائي هو لبلورة الفكر .... و ليس حروب داحسية !!!
كثير منا أفكاره يعتمدها كمسلمات و الحوار وحده يجعلها حقيقة !

اخيراً
قديماً قالوا : الحوار " مع يلي بيفهموا " لا يفسد للود قضية !



ما أود التكلم عنه هو وجود عدد لا بأس به من المعارضين داخل الأخوية ...سواءمعارضين للحكومة أو للسيد الرئيس أو لحزب البعث ..

ملاحظة صغيرة ...الاخوية عبارة عن مجتمع سوري صغير ....
ولكي نكون اقرب إلى الواقع ....فهي حي ( باب توما مثلاً ) مسيحي مع تمازج طائفي متنوع ....- أردت تسجيل هذه الفكرة لاننا حتى الآن لم نستطع الخروج من الفكر الطائفي و المذهبي للأسف –( سآخذ هذه النقطة ( الطائفية ) في مجما كلامي القادم

المهم يا صديقي أن الاخوية عبارة عن خلطة من الشباب السوري ...و هي عملياً تمثل المجتمع إلى حد ما

هذا يؤدي أن وجود المعارضة ليس حكراً في هذا المنتدى بل هو موجود في الشارع السوري بنفس الكثافة و يمثله

طبعاً أغلب المنتديات السورية لا تمتلك هذه الخلطة لانها تقوم بتصفية الاعضاء ( المعارضين ) ....خوفاً من الاغلاق او لانها أساساً بنيت لتفوم بمشروع معين مع هذا النظام الفاشي
ربما هناك اسباب اخرى !! لكني اسجل شكري للمنتدى على مساحة الحرية التي يوفرها لنا




كانت تلك مقدمة فقط و لي عودة قريباً

مجود خانم ... أرجو ألا تعتبري كلامي أنت والسادة البقية تهكماً ، وإنما كان كلام بعد انتظار 3 أيام للموضوع الذي طرحه صياد ، دون أن يلقى أي اهتمام من قبلكم وهذا ما دفعني لأن أكتب ذلك..
أما بالنسبة لذكر كلمَتي معارضة وما يقابلها ( موالاة مثلاً ) ، فأنا ضد هذا... والسبب أننا إذا انقسمنا بهذه الطريقة فإن طريقة حكمنا على الأمور سوف تأخذ طابعاً استباقياً بعض الشيء ، أي أننا إذا امتلكنا فكرة عن شخص ما بأنه (موالي) مثلاً ، فتبعاً لذلك فإن كل ما يكتبه سوف يظهر لدى (المعارضة) بأنه الشيء النقيض لما يفكرون به..( وهكذا فإن الخلافات سوف تتعمق ولن نصل إلى حلول )... فلذلك فإن رجاءي أن نعتبر نفسنا فريقاً واحداً ، هدفه واحد ، هو سورية .
وأمنى أن يعي الجميع ما أقوله ، وأن ينعكس ذلك على ما يكتبوه .
وكلامي هذا ينعكس عليّ أنا في الدرجة الأولى ، لأنني من الذين يعلمون أن هناك أخطاء وهي كبيرة ، وأنا ضدها وضد كل من يمارسها ، ولكن علينا أن نعي أولاً وأن نميز جيداً بين من يحاول ويعمل على التخلص من هذه الأخطاء ، وبين من يضع العصي في الدواليب ، ثم أن نعلم أن هناك أولويات في الممارسة ، يعلوها ، ولا يعلو عليها شيء ، اسم واحد هو ( الوطن) .

مع التحية .. ولي متابعة


عذراً لم اكن قد شاهدت هذا الرد سابقاً

عموماً فأنا جاوبت عن المقطع الاول منه

و اي عودة مع الاخ غاندي

بانتظار العودة سيد طارق... وأعتقد أن (بعض) ما قلته هو ما يقال بالفعل... وأرجو ألا نعتبر المنتدى حلبة صراع... أرجو أن نطبق هذا..

التحية الكبيرة للأخ طارق على كلام الواقعي ..

ومعك الحق بعدم توجيهي دعوة للمشاركين بالمنتدى السياسي والمنبر الحر ...لإعتقادي بأنكم تتابعون ما ينشر بالمنبر على الأقل
لكن كما قلت فعلت ذلك مع الكثير منكم سابقاً ....أما أن تعتقد أنني اقوم بقراءة كل شي في هذا المنتدى ...فأظن انه شي غير معقول ....عندما تريد فتح نقاش مع احدهم او مع مجموعة ما ..عليك إرسال دعوة لهم ...و ليس كتابة موضوع في منتدى يكتب به كل يوم عشرات المواضيع

وأكرر أسفي لعدم توجيه الدعوة من قبل ...


ما نأمله هو بناء سوريا الحديثة ...بغض النظر عن الماضي ...فالعودة للوراء لا تفيد ...وأحب هنا توجيه الحديث للأخ سيزار ..
فكلنا لم نقتنع بالأسلوب الذي تولى به الدكتور بشار الحكم ...وكلنا انحرق لتعديل الدستور لما يناسبه وتعديلات اخرى ...
لكن ما الفائدة من العودة للوراء ؟؟؟ ما الذي سنجنيه سوا سجالاً لافائدة منه ..
بعيداً عما يدور من أحاديث طائفيه بحتة ... إلا انني أحب أن أسألك عن القوى التي ساعدت الدكتور بشار على تولي الحكم ... ومن قام بتغير الدستور ومن قام بسن المراسيم الجمهورية ...وما الهدف منها ؟ وما الذي كان يجبرهم على فعل ذلك ..

ما أريد قوله لسيزار أن الدكتور وصل للحكم ..وانتهى الأمر ..
كيف تراه كشخص يحاول بناء سوريا .. ويحاول الأصلاح ...وما رأيك بأفكاره ؟
وكان السؤال ...من هو الشخص البديل الذي تراه مناسباً ليحل مكانه ....

أما قانون الطوارئ ...فأنا لا أرى مبرراً لإبقاءه سوى التحكم بالشعب ...لأمور تقيهم التمرد والحجز بدون مبرر .... وأنا منأشد المعارضين لهذا القانون ...لكن ..ألا تلاحظ إنحدار أستخدامه كثيراً ..
إلا تلاحظ إختلاف اساليب الإعتقال وعددها وكثرتها ... وحتى أساليب التحقيق والحرية التي تتناسب مع شعبنا وحالته وضروراته الأمنية ..وكذلك استيعاب الشعب للإنتقال من مرحلة
إلى أخرى

كذلك أحب التوجه للسيد ابو النسيم لمعاودة الحوار الهادف

مع التحية للجميع :D

وهي مشاركة لحتا نتابع الموضوع
مشكور أخي صياد على الفكرة الحلوة
و كمان شكر لطارق لأعتراف بردودو السائدة في الأيام الماضية
و طبعا ألي رجعة لحتا نشارك بهالحوار

شكرا لكل الزملاء وأسف على التخير في الرد

بنسبه للموضوع ككل أحب أن أوصل فكرة لجميع الناس موالاة ومعارضة
إن أي إنسان شريف خائف على مصلحة بلاده وعلى وطنه الغالي سوريا يجب أن يشارك في عملية التغير الديمقراطي دون اللجوء إلى الخارج أو الاستقواء بالخارج لفرض الحل على الداخل.

الوطن السوري منذ 8/3 /1963 ( استلام البعث لسلطة) وهو يعيش في حالة ثبات السلطة البعثية للأسف صادرت كل شيء وفرضت القوانين البالية وعملت على تكريس الاستبداد وتقوية السلطة الديكتاتورية

تصور السلطة البعثية بعد أقل من أسبوع على استلامها الحكم في 13/3/1963 أصدرت القيادة مرسوم تشريعي رقم 4 لعام 1963 الذي ينص على حضر كل الصحف والمطبوعات وختم وإغلاق أماكن طباعتها كما نص القانون على وضع اليد على الأموال المنقولة والغير المنقولة لأصحاب الجرائد والمطبوعات


المهم من كل هذا الحديث أن الوطن مغتصب من 42 سنة وقد تمت ممارسة شتى أنو القمع والتسلط والعنف ضد المجتمع السوري الذي لم يعد له هم في هذه الحياة سوى المعيشة أو لقمة العيش والحوادث والشواهد والقمع والظلم لا يمكن حصره بمقال أو بيان أو جريدة أن صفحات الدنيا لا تكفي لكتابة الظلم والقمع الذي تعرض له الشعب على يد السلطة الأسدية البعثية


بقى من وين بدك نبدأ يا صياد

من الظلم والقمع يلي تعرضنا لو ومازال قائم

ولا من ملف الاعتقال السياسي يلي لسى ما تسكر وقائم

ولا من الفساد و ممارسات السلطة والمسؤلين و عائلة الأسد الكريمة

عن شو بدك تحي وتشكي النظام السوري من أشد الأنظمة قمعية و استبداد هو ونظام صدام حسين البائد


صحيح بنسبة لقانون الطوارئ هدى القانون يا شباب كرس اغتصاب السلطة البعثية الأسدية للمجتمع السوري

قانون الطوارئ ضروري حتى بأمريكا في قانون طوارئ بس القانون ما يتبق إلى في لحظة مساس الأمن القومي الإستراتيجي لدولة (مثل ما صار بإعصار كاترين فعلوا قانون الطوارئ ) وبيتبق بكل حضارة و موضوعية مو مثل عنى مشان يكرسوا الاستبداد و الديكتاتورية


بعدين شوفو الحقارة النظام ما لتجئ لشعب غير وقت حس حالوا بخطر وأياموا معدودة لتجئوا لشعب وصار الشعب هو الحصن و قلعة المواجهة


طيب وقت كان المواطن ملعون الرب تبعوا ليش ما شافوا


ودمتم لنضال


لي عودة قريبة

أنتظر ردكم يا شباب


وكل عام وأنتم بخير


مع أنو أنا ما بعيد


بس فلكلور

أبو النسيم الغالي
هناك الكثير مما قلته يصيب الصواب به ..
لكن هذه الأمور لا جدوى من نقاشها .... فما نرغب به انهاء الوضع الراهن وإلغاء حالة التزمر الدائمة لدى العديد ممن ليسوا راضين عن أداء الحكومة الحالية
إيا ترى من هو المؤهل لمناصب تحددها انت ...
من ترى الشخص الناسب ليكون مكان الدكتور بشار
وما هو الحزب الذي تفضله حاكماً ...
وما هي نقاطك على الدكتور بشار ...
هناك امور أهم من العودة لــ 30 و 40 و 50 عاماً
ما نريده هو بناء سوريا الحديثة ..
ما نريده هو التطور واللحاق بالعالم .. وكما أرى فإن الدكتور بشار يعمل على هذا المجال من فترة
وهناك الكثير الكثير من الأصلاحات التي طرأت على البلد ..
ومسيرة التطوير والتحديث تحتاج لزمن ..

أيا ترى هل كلن من الممكن ان يفعل غيره أكثر مما فعله الدكتور لو ان غيره استلم هذا المنصب ..


وكل عام وانتم بخير .... ( مو بمناسبة العيد ...بس بحب هالجملة ..لأنو بحس الناس ما بتتمنى لبعضها الخير غير بالعيد .. )

عندي مشاركة يعني بعد اذنكون

مو ضروري يكون في شخص محدد مقترح حتى يكون مكان الدكتور بشار
والا شو منكون استفدنا؟

المزبوط انو اللي شايف حالو قد المسؤولية يرشح حالو
والشعب هوي اللي بيختار عن طريق انتخابات حرة ونزيهة

ونفس الشي بالنسبة للحزب الحاكم
(طبعا هادا كلام نظري ومو ممكن حاليا..)


ما نريده هو بناء سوريا الحديثة ..
ونحنا كمان
بس التطور تحقيقو شبه مستحيل بوجود الدكتاتورية
ووجود حزب واحد حاكم
يفرض مبادئه (العقيمة حسب رأيي)عالشعب بالقوة
وعن طريق زرعا بعقول الطلاب ابتداءا من المرحلة الأبتدائية حتى

هادا مناقض لأبسط حقوق الأنسان وهوي حرية التفكير
شو بدنا نحكي لنحكي عن حزب البعث
بدو شي 10000 صفحة وما بتعطيه حقو

ومسيرة التطوير والتحديث تحتاج لزمن ..
مزبوط بس على هالحالة بدا تحتاج لقرون ..
يعني اتطمنو مارح اتشوفو لا تطور ولا تحديث عدوركون
بيجوز بكرا صياد الطيور السادس عشر وابو النسيم العشرين يشوفو:pos:

هادا رأيي وانا حر فيه
مع الأحترام لصياد الطيور
:D

أبو النسيم الغالي
هناك الكثير مما قلته يصيب الصواب به ..
لكن هذه الأمور لا جدوى من نقاشها .... فما نرغب به انهاء الوضع الراهن وإلغاء حالة التزمر الدائمة لدى العديد ممن ليسوا راضين عن أداء الحكومة الحالية
إيا ترى من هو المؤهل لمناصب تحددها انت ...
من ترى الشخص الناسب ليكون مكان الدكتور بشار
وما هو الحزب الذي تفضله حاكماً ...
وما هي نقاطك على الدكتور بشار ...
هناك امور أهم من العودة لــ 30 و 40 و 50 عاماً
ما نريده هو بناء سوريا الحديثة ..
ما نريده هو التطور واللحاق بالعالم .. وكما أرى فإن الدكتور بشار يعمل على هذا المجال من فترة
وهناك الكثير الكثير من الأصلاحات التي طرأت على البلد ..
ومسيرة التطوير والتحديث تحتاج لزمن ..

أيا ترى هل كلن من الممكن ان يفعل غيره أكثر مما فعله الدكتور لو ان غيره استلم هذا المنصب ..


وكل عام وانتم بخير .... ( مو بمناسبة العيد ...بس بحب هالجملة ..لأنو بحس الناس ما بتتمنى لبعضها الخير غير بالعيد .. )
هلأ المشكلة مافينا غير نرجع لأنو الحاضر يلي نحنا عايشينو هو من مخلّفات ذلك الماضي

و الولد لو طلع و لو نزل رح يضل ابن ابيه

يعني يا أخي عم يشتغل ماشي
بس شو مشان العصابة يلي حولي لك والله لو هلأ ياخد موقف من الأعوان السابقين المخاليف و المقاصيف و المواهير و و و و

بس يقلع كل هدول من الواجهة و يصير عن جد عم يشتغل

ساعتها بس رح يصير في أمل لسوريا بالحياة

و سلامات و كل عام و انتو بخير :D

اسف عالمقاطعة
بس تعليق صغير على كلام ابو النسيم

إن أي إنسان شريف خائف على مصلحة بلاده وعلى وطنه الغالي سوريا يجب أن يشارك في عملية التغير الديمقراطي دون اللجوء إلى الخارج أو الاستقواء بالخارج لفرض الحل على الداخل.

طبعا ضد وضد وضد اللجوء للخارج
وضد اللي صار بالعراق

بس برأيك الشعب السوري قادر يتخلص من النظام الحالي؟؟
كان ممكن ببدايت النظام بس هلق ما بتوقع
لان الواحد ما بلحق يرفع راسو بيقطعولو ياه
شلون اذا قال بدو يغير النظام؟

طيب أنا ما لح أرجع وأفتح الدفاتر القديمة بس لازم تعرف يا صياد أنو الدفاتر القديمة والقمع والذل يلي عانا الشعب منوا هو سبب الضعف يلي نحنا فيه هلق

تاني شغلة الأزمة والضعف يلي عم نعاني منو هلق هو بسب العقلية المتحجرة للنظام السوري الحالي ولا زم تعرف أنو النظام السوري ليس بشار وبس النظام السوري هو كل المسئولين الكبار متل ماهر وأصف وغازي كنعان قبل ما يموت وفاروق الشرع ووووووو الخ من مسئولين

النظام ما زال يعيش بعقلية متحجرة سياسيا ولا يملك إي نظرة براغماتية لتغيرات التي أصابت العالم النظام يعيش بعقلية السبعينيات و الثمانينيات وهذا الشيء يدل على عدم نضوج سياسي لرئيس هذا النظام بشار

كيف

الرئيس حافظ كان محنك سياسية وكان يعرف كيف تأكل الكتف كان مزبط أموره بره ولعن رب الشعب جوى ومشي النظام على هوى عقليتيه القمعية والشمولية المهم ما بدنا نفتح دفاتر الماضي متل ما قلت بأول الحديث


شو يلي عم يعرقل مسيره التطوير والتحديث مثل ما عم يتناقلوا العالم ومثل ما عم تروج المخابرات و الأجهزة الأمنية يلي عم يعرقل هو بقايا الحرس القديم و والحرس الجديد مثل ما بسمع يعني يا رئيس لو عندك نيه مزبوطة للإصلاح تخلص من هل الناس هلق بهل الدعكة تخلص من أصف شوكت تخلص من ماهر تخلص من رستم غزالة تخلص من كل المفسدين و الفاسدين بحجة أمريكا يا أخي حط أيدك بأيد أمريكا وخلوص من كل هل الزبالة و بعدين شارك المعارضة بسلطة و أنفتح على الشعب وقوي الجبهة الداخلية وبعدين واجه أمريكا

يا شباب أي نظام إذا ما كان الشعب هو الحصن تبعوه و إذا الشعب ما احتضن النظام لح يسقط سدقوني التاريخ وتجارب السابقة للأنظمة الشمولية بتثبت هل الشي


بقى الشغلة أكبر من أنو نحط رئيس ونشيل رئيس الشغلة أنو البلد هلق ماشية للخراب والدمار وهل النظام بل غباء وبل الخيانة للوطن مشينا على الهاوية

يا جماعة الأمريكان ورطونا بشغلة الحريري شئنا أم أبينا نحنى مدانين أمم العالم كلها والنظام الحالي غبي وعام يقدر حجم الخطر مزبوط يا أخي لازم هل النظام أذا كان وطني و أذا كان حريص على مصلحة الوطن لازم يسلم كل الناس يلي تطلبون اللجنة الدولية للتحقيق بدون إي مراوغة يعني الدول العظمى مثل روسيا وصين ما عاد يتحملونا أكتر حطوا كل تقلون بمجلس الأمن لحتى يخففوا صيغة القرار يلي كان بدو يصدر



المهم على النظام السوري الحالي أمى الاستقالة وتسليم البلاد بشكل كلي وتسليم البلاد إلى مجلس الشعب ومجلس الشعب وفق الدستور بعين موعد انتخابات حرة وديمقراطية بتشكل عنها قيادة منتخبة من الشعب والشعب حاضنها والشعب مسئول عنها

أو مثل ما قلت سابقا على الرئيس بشار التخلص من كل الناس الفاسدين والمفسدين بتعاون مع أمريكا

والتعاون مع أمريكا لا يعني انتقاص من السيادة الوطنية لأنو أمريكا أذا قلنا نعم او لا هي يلي حاكمة العالم ومسير توا وتجنيب البلاد الدمار يلي لح يلحق بها جراء السياسية الخرقاء وحماية هدول الناس المفسدين أمثال ماهر وأصف

وللحديث بقية

ودمتم للنضال :7asheesh:

أنا ما سمعت ولا مرة بتدخل ماهر الأسد بالقضايا الوطنية والسياسية للبلد
ماهر مكتفي بأقوى فرقة بالجيش العربي السوري
يعني ماعندو نقاط سلبية متل ( آصف ) على فكرة أنا بكرهوا كتير لآصف
بس ماهر ...؟؟؟؟

أما فاروق الشرع ...فرغم حبي ألو وسياستو القوية على أيام حافظ الأسد ... صرت بتمنى يتنحى عن وزارةالخاجية بسبب القضايا الي صارت لسوريا بالفترات الأخيرة الي أجتنا من السياسة الخارجية ..

في عدة رموز بتمنى تتغير ومارح نستفاد ونتطور إلا بتغيرها ..

هلأ الكلام أنو في عدة وزارت رح تتغير بتغر حكومي قادم ... وانشالله الشعب والحكومة وسوريا كلها رح تستفاد وتتطور

أميركا متحكمة بالعالم كلو ...وشو ماعملنا لنوضح سياستهاو انحيازها مارح نستفاد ...لأنو كل دول العالم بتعرف هالموضوع ...بس كل دولة راكضة ورا مصالحها ...ومعظم الدول ما من مصلحتها معارضة السياسة الأمريكية ... لأنو رح يصير فيهم متل ما رح يصير فينا

وأنو نستغني عن بعض الرموز الفاسدة بالحكم تحت اوامر الأمريكان هادا موحل ...لأنو هادا رضوخ وذل ...لا أنا ولا أنت ولا أي سوري بيرضاها على سوريا وعلى حكومتنا ...

الإصلاح والتعديل لازم يكون داخلي بقناعة داخلية مو فرض اوامر خارجية
وعجبني كمال اللبواني ( المعارض السوري ) بكلامو مبارح

صعب انك تقارن بين السياسة بــالتمانينات وهلأ ...كل الأمور والموازين والمصالح اختلفت ..
بس بالنهاية مصلحة البلد هي همنا وهدفنا كلنا

اسف عالمقاطعة
بس تعليق صغير على كلام ابو النسيم



طبعا ضد وضد وضد اللجوء للخارج
وضد اللي صار بالعراق

بس برأيك الشعب السوري قادر يتخلص من النظام الحالي؟؟
كان ممكن ببدايت النظام بس هلق ما بتوقع
لان الواحد ما بلحق يرفع راسو بيقطعولو ياه
شلون اذا قال بدو يغير النظام؟
الشعب يا ويلي قادر
بس مافي تنظيم والشعب ما بيعرف شو بدوا
المعارضة مشتتة
وكل الحزب الواحد بقلب المعارضة مليون واحد
بيطلع منو واحد بيصرح تصريح
بيطلع واحد تاني من نفس الحزب بيقول لاء نحنا غير مسؤلين عن هذا التصريح وين تنظيم المعارضة
شي بيضحك
بعدين الحكومة الحالية ما اخدجت وقتها حتى تلاقوا النتيجة
يعني كلكون عم تتناقشوا
يعني لرواسب 40سنة من حكومة فاسدة
بدكون ياها تتصلح ب 5سنين وتكون جاهزة
وفوق كل هالشي ضغط على حكومة سوريا بشكل غير مسبوق
ولسا كلو واحد بيطلع بيقول من خمس سنين ما شفنا شي
حبيبي مع انو صار شي وتغير شغلات كتير
بس بسيطة وعم تتحسن
بس بالنسبة لوضع الحكومة كتير منيحة يعني قصدى التحسن بالنسبة لوضع الحكومة
الرئيس اشتغل كتير وهو انسان رائع وبظن انو انسان منفتح ل ابعد حد
بس القرارت الي عم تطلبها انو تصير واقعة بدها وقت بدها تحضير
يعني برجع وبقول الفقير بسوريا سو راح يعمل بالحرية والديمقراطية اذا ما عم يلاقي خبر
لازم نتخطى مراحل كتير حتى ننهض بحكومة وبشعب ديمقراطي بيعرف معني الحرية والديمقراطية
يعني لازم نعيش كلنا سوا تحت راية واحدة حتى يقد كل واحد منا مسؤال عن حالوا سياسيا
سوريا ما بيحمها شخص وما بيحكمها حكومة
سوريا محكومة برواسب لحكومة سابقة فاسدة
وبدها وقت لتخلص من هالرواسب وعم نخلص شوي شوي
وعن قريب انشالله منشوف خطوت كتير منيحة وقوية
وديمقراطية
والله يخلي سوريا للكل
:D :D :D :D :D

اسف عالمقاطعة
بس تعليق صغير على كلام ابو النسيم



طبعا ضد وضد وضد اللجوء للخارج
وضد اللي صار بالعراق

بس برأيك الشعب السوري قادر يتخلص من النظام الحالي؟؟
كان ممكن ببدايت النظام بس هلق ما بتوقع
لان الواحد ما بلحق يرفع راسو بيقطعولو ياه
شلون اذا قال بدو يغير النظام؟


ويلي حبيبي أنت

الشعب مهمش الشعب مدعوس على كرامتوا من زمان الشعب همو الوحيد أنو يأمن أكلو اوعيشتو ا ما نوا قادر بهل الظروف أنو يقوم بأي تغير بشكل فردي بعدين لازم يكون في عملية توعية لدور المواطن بلحياة السياسية ودور المواطن بعملية التغير هل التوعية لازم تكون على يدنا نحن الشاب الواعي المدرك للمصلحة الوطن نحنا الشباب أصحاب القضية ونحنا أذا ما وعينا الناس يلي حويلنا على القلية ما رح نوصل لشي


يا شباب النظام اليوم ضعيف سدقوني ما بيقدر يعمل شي مع إي تحرك شعبي ما لح يعتقلو ويقمعوا متل الول سدقوني إي نقطة دم بهل الأيام كفيلة بأسقاط النظام لذالك هدى الوقت الذهبي لتحرك ضدد النظام بس بطريقة سلمية وطريقة واعية


أنا أوكد على الطريقة السلمية العلنية الواعية دون تعصب لأي فكر أو طائفة أو عشيرة نحنا هدفنا سوريا الوطن أرضا وشعبا



ودمتم للنضال

أنا ما سمعت ولا مرة بتدخل ماهر الأسد بالقضايا الوطنية والسياسية للبلد
ماهر مكتفي بأقوى فرقة بالجيش العربي السوري



مستحيل يا صياد هدول أركان النظام السوري وماهر الأسد متورط بشكل غير مباشر بأغتيال الحريري وهدى الشيئ يلي عم تلعب عليه أمريكا اليوم بدهون هدول الناس و أذا النظام تعامل مع الأمر بشكل غبي و ما سلم هدول الناس لح يجر علينا الويلات


أما فاروق الشرع ...فرغم حبي ألو وسياستو القوية على أيام حافظ الأسد ... صرت بتمنى يتنحى عن وزارةالخاجية بسبب القضايا الي صارت لسوريا بالفترات الأخيرة الي أجتنا من السياسة الخارجية ..


بنسبة لفاروق الشرع هو سبب أنهيار السياسية الخارجية لنظام السوري بسوء التقدير والرؤية السياسية الضيقة ورط النظام بكتير شغلات
الشرع لا يتمتع ببعد نظر وهذا الشيئ الدي حصر النظام في هذه الزاوية الضيقة


وأنو نستغني عن بعض الرموز الفاسدة بالحكم تحت اوامر الأمريكان هادا موحل ...لأنو هادا رضوخ وذل ...لا أنا ولا أنت ولا أي سوري بيرضاها على سوريا وعلى حكومتنا


حبيبي مو ذل هدى أسمو وعي نحنا مانا قد أمريكا لازم نرضخ لتغيرات أذا كانت ما بتمس مصالح الشعب العليا يعني لما أمريكا بدهى تشيل أصف شوكت من النظام هل تستطيع أن تقول أنو هدى ذل لا

بس لأنو النظام وسخ بدو يفهم الشعب أنو هل المسؤلين أذا نشالو بننذل وهدى غلط


ولي عودة

بس عندي كلمة

ماهر الأسد مو متدخل باسياسة بس داخل بأوسخ تجارات بالعالم (انتو بتعرفوها)

و لشو ليتدخل بالسياسة ازا كان همو المصاري و بس لا سلطة و لا بطيخ

سيزار أنا قريب كتير عن الجو ...
ومتابع كتير لآل الأسد ..ولي أصحاب منهم
ولا مرة سمعت بالكلام الي عم تقولوا ..

بجد مو دفاع عن ماهر ..بس ولا مرة سمعت عن اي افعال عنو ..

:dunno:

ازا هيك ما بعرف

انا ما بعرف حدا شخصي :detec:

8)

يبدو ان لامجيب لدعواتي ..

تفضل :

خليني افتح نقاش معك

أسأل


بس بدك تعطيني وقت !! لاني مشغول شوي

رح حاول رد عليك أذا سمحلي الوقت :


رح اطلع ع الموضوع لاني ما قريت منو كلمة

ما خلصت قراية الموضوع طارق ؟ صرلك أسبوع ..
والأسئلة والموضوع واضحين بأول كم رد بالموضوع

مرحبا يا شباب!
اليوم بس شفت الموضوع.. فعلا موضوع مهم ، و الحوار في بعقلانية و بهدوء أفضل من تبادل الاتهامات و الشتائم، المهم:

أول شي حلو سؤالك يا صياد الطيور : أنو مين البديل عن بشار ، و مين البديل عن البعث..
قبل ما جاوبك اسمحلي ناقش شوية افكار:
- الحياة السياسية في سوريا ليس بخير بسبب سيطرة الحزب الواحد و إلغاء الآخر
- حزب البعث أصبح رمز لمجموعة مسيطرة على السلطة و ليس ناظم لمجموعة سياسية
يعني أنا بدي أسئل أسئلة معاكسة :
- لماذا د. بشار الأسد؟ و لماذا حزب البعث؟
د. بشار هو طبيب بالأساس و لم يدخل خضم الحياة السياسية (كممارس) حتى بداية التسعينات
و لايمكن القول أنه حوالي تسع سنوات من الخوض في الحياة السياسية هي التي صنعت منه رئيسا.. و لذلك لا يمكن القول بأنه الفرد الفذ الذي لا بديل عنه
حتى الحياة السياسية في سوريا هي حياة مشوهة هي أقرب إلى سياسة إمارة أو جزيرة نائية تدار بإرادة فردية بحتة و ليس بأسلوب مؤسساتي و لا تتناسب مع حجم و وضع سوريا اقتصاديا و جغرافيا و إقليميا..
يعني لما منحكي عن تحديث و تطوير بشكل جدي يعني لا شيء من ذاك يحدث في سوريا إلى عبارة عن المناورات و المتاجرة بآمال الناس و آلامها
عندما تريد الحديث عن معارضة و حكم فهذا الشي غير موجود في سوريا أصلا ليس هناك معارضة
الحياة السياسية تعني وجود أحزاب حقيقة يسمح لها بممارسة دورها و التواصل مع القاعدة الشعبية و الترويج لمبادئها و أهدافها و برامجها السياسية الاجتماعية والاقتصادية أما في سوريا فالبعث ليس أداة لتنفيذ سياسة و قيادة الدولة و المجتمع و إنما لقب يطلقه الأشخاص على نفسهم دون الالتزام بأي أهداف أو برامج معينة و لكن بترديد شعارات و خطابات ممجوجة و فيها الكثير من التملق و المزاودة و ذلك بهدف الوصول إلى مناصب و مكاسب أو المحافظة عليها..
مفهوم المعارضة هو مفهوم الأقلية السياسية التي لم تنجح في تحقيق أغلبية في الانتخابات (برلمانية، إدارة محلية..) لذلك فهي لا تغيب و لا تمحى و لا تسجن و لكن تبقى معارضة للبرنامج الآخر و يكون دورها رقابي و نقدي و في الواقع هي تشجع على تحقيق برامج الأغلبية السياسية بكفاءة أعلى لأن الأغلبية ستكون تحت مجهر المعارضة و انتقاداتها طوال الوقت .. يعني هذا ما يسمى بتداول السلطة ، أما احتكار السلطة فهو عبارة عن إلغاء الآخر و هو سرطان يلتهم جسد الوطن، الوطن ليس بعثي و ليس إسلامي و لا يقزم بإيدلوجيا معينة الوطن أكبر من الأشخاص و الأحزاب و العقائدة و المقدسات
و من هنا فالبديل عن حزب البعث هو الحرية ، أي نعم الحرية ،
الحرية
يعني هذا التشويه الحاصل على مدى عقود لنفسية المواطنين هو أكبر جريمة بحق الوطن و تم باسم الوطنية، لقد اصبح المواطن دكتاتور على نفسه و على عائلته و على الآخرين و فقدنا القدرة على الحوار و قبول الآخر جزئيا أو كليا،
قد يبدو من كلامي أني حاقد لكني لست كذلك و لكن المشكلة هي أنه لا يمكن وصف الأشياء إلى بمسمياتها و إذا كنت تريد أن تحابي أو تبرر لمن تحب أو ترتبط به مصالحك الشخصية أو تخاف منه فهذا لا يعني أنك على حق أو أنه يحق لك الدفاع عنه
عندما ترى كيف يجري العالم و كيف يعمل البشر لبناء أوطانهم و تقدمها بشكل جوهري تدرك أن ما يجري في سوريا ليس إلا مساومة على الوقت و مراوغة و تكريس لسجن الوطن في قفص ، بكلام آخر التلاعب بمصير وطن و شعب بطريقة صبيانية و أنانية غير مسؤولة

يمكنني أن أكتب مجلدات (و أعنى ما أقول) في نقد ما يجري في الوطن سياسيا و اجتماعيا و ثقافيا و اقتصاديا.. (يعني نقد مع تحدث عن البديل)
أما البديل عن بشار الأسد فعندما يسمح بتداول السلطة و الحرية السياسية ستنظهر أحزاب و تيارات تستطيع ممارسة العمل السياسي و التقدم في إدارة الدولة عن طريق مؤسسات الإدارة الحكومية على اختلافها و سياسهم الجميع ليس فقط الأحزاب و لكن النقابات و المنظمات الأهلية و الأفراد و المؤسسات و التجمعات المهنية .....

و هنا أريد أن أتحدث تحديدا عن الإدارة المحلية إن مجالس الإدارة المحلية هي من أهم عوامل إدارة المجتمع حيث يتم انتخابهم من سكان المنطقة و للعمل على تطوير منطقتهم و صرف المخصصات الحكومية بما ينمي المنطقة و يعود بالفائدة على سكانها... يعني مو بناء مدخل لبلدية (القحطانية في الحسكة مثلاً) بأكلاف مضاعفة و تصرف ثلاث أرباعها على تماثيل و صور تكرس عبادة الفرد بدل و على بعض مئات الأمتار تجد عائلة من 11 فرد غير مسموح لها ببناء غرفتين إلا بتصريح مكلف ( ربما 10.000 ل.س ) لا يمكنهم جمعه بسنوات حيث أن مرسوم تنظيم البناء صصمم و وضع لمعالجة الوضع السكني في دمشق و ريفها ربما حلب أيضا لكنه صدر ليشمل الجميع و فقراء الحسكة ليس لهم صوت ..
عندما يتم إنتاج 70 إلى 90 % من صادراتنا (نفط ، قطن، قمح) في ثلاث محافظات تسمى بالنائية في العام 2005 أعرف أن البعث ليس حزب ثوري و ليس اشتراكي و ليس قائد و ليس حتى حزب إنه شعارات جوفاء لا أكثر (جعجعة بلا طحن)
عندما تدافع عن الحزب و انت لست قادر على قراءة الواقع أعلم أنك تدافع عن قضية رابحة بقوة الكلاشينكوف و إرهاب الأجهزة الأمنية لا بقوة الشعب و لا المنطق و لا زخم الدفاع عن الجولان أو فلسطين
يعني الحديث يطول ، و أنا هون عم حاول أحكي بالنظرية بس إذا بدك أحكي بالعملي يعني الواقع هو مآسي و بيبكي الحجر
ملاحظة: أنا لست من الحسكة و لا دير الزور و لا الرقة
ملاحظة 2: المشاركة غير منظمة و فيها الكثير من الأفكار، لكن اعتقد قدمت إجابة على سؤال البديل، المشكلة أن الموضوع عريض و واسع و يمكن الكتابة عنه من جوانب كثيرة ، و انا أردت المشاركة على السريع فجاء هذا الرد الطويل (ربما الممل)

يا جماعة لو انو المشكلة بالنظام كنا مشينا معكن حسب رأيكن ومعتقداتكن

بس الموضوع الي عم تناقشوه في كتير من التدجيل والوساخة بالعمق

لأنو الي عم يطالب بالحرية ( فعلياً وضمنياً عم يطالب بالطائفية )
وكل الحقد على النظام ما نو جايي من اسباب اجتماعية وإدارية وإنما من غريزة حكم الأمم عند بعض الطوائف

يعني عندي شوية تساؤلات للرأي الآخر:

1- معقول إني حاول غيير النظام الحالي الي عايش فيه بكل أمان وراحة بال لنظام مجهول مو معروف راسو من أساسو ومدري شو ممكن يجيب معو خراب للبلد !!!
2- معقول انو كمواطن (((((((((((((( عربي سوري ))))))))))))) اتحالف مع طرف بيرفض انو يكون عربي سوري وهدفه تهميش قوميتنا العربية وانتمائنا السوري ؟؟؟؟؟ أكيد عرفتو عن مين عم احكي ( الأكراد يعني بالمشمرحي ) وللتوضيح أكتر مطالبهن بسوريا بتغيير اسم الجمهورية العربية السورية لـ الجمهورية السورية (((((( يعني تقول انو القومية العربية شوكة بحلقهن !!!! ))))) واعتماد اللغة الكردية كلغة رسمية بسوريا لجانب اللغة العربية !!!!!!!!!!!!!!!!!!!!!!!!!!

يعني بشرف امكن إزا كنتو فعلاً سوريين وطنيين بتوقفوا بجنب هيك طرف لاسقاط النظام الي إذا مالقيتو شي تشكروه عليه ( حسب نظرتكم ) بيبقى شي واحد على الأقل ما ممكن تنكروه .... انو القومية العربية والإنتماء السوري خط أحمر ....... انتو اللي لازم تدافعوا عنه بدل ما تصيرو تحكو كردي ويصير واحد كردي مثلاً رئيس لشعب من تاريخ وجوده عربي سوري


والخلود لرسالتنا