نــقــاش .. [الأرشيـــــف] - صفحة 3

yass

27/03/2006, 22:01

ليش ما انتبهتوا إنو الأميركان والإنكليز هني ملوك اللعبة الإعلامية؟
بوش وبلير صاروا يطلعوا عالتلفزيون أكتر من المذيعين!! و خود على خطابات شي بطعمة و شي بلا طعمة...

انتبهنا بفضلك...الله يخليلنا اياك عشان تنبهنا عالحقيقة!!!
الفرق يا زميل أنو لما بوش يطلع يحكي بقناة الفوكس مثلا...في واحد عم يحكي عكس بوش عالسي أن أن و هيك...يعني في مجال المعارضة ينسمع كلامها...عننا مافي من هالشي... عننا اعلام تحت تصرف النظام فقط, الرأي الآخر غائب تماما (والاسوء من ذلك ...مخون)

fady juventus

28/03/2006, 20:37

انتبهنا بفضلك...الله يخليلنا اياك عشان تنبهنا عالحقيقة!!!
الفرق يا زميل أنو لما بوش يطلع يحكي بقناة الفوكس مثلا...في واحد عم يحكي عكس بوش عالسي أن أن و هيك...يعني في مجال المعارضة ينسمع كلامها...عننا مافي من هالشي... عننا اعلام تحت تصرف النظام فقط, الرأي الآخر غائب تماما (والاسوء من ذلك ...مخون)
يا ريت تحتفظ بأدبك و إنت عم تكتب يا مزوق ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
باينتك مو فهمان راسك من رجليك
لأنك لو قريت كل اللي أنا كاتبو كنت اكتشفت إنو التفسير اللي حضرتك تفلستو هوي عبارة عن الجزء التاني من ردي.

fady juventus

28/03/2006, 20:41

هلأ ليش حاسس إنو في ناس مو فهمانة لعبة الإعلام السياسي ؟؟؟
(النظام عم يستغل وضع العراق المزري إعلامياً لتخويف الناس من مستقبل يتم فيه إسقاطه)
إي عادي...
ليش ما انتبهتوا إنو الأميركان والإنكليز هني ملوك اللعبة الإعلامية؟
بوش وبلير صاروا يطلعوا عالتلفزيون أكتر من المذيعين!! و خود على خطابات شي بطعمة و شي بلا طعمة...
أما بالنسبة لصدق نوايا المستخدم فهاد مفهوم مطاط
أنا بشوف إنو من حق نظامنا يستغل الموضوع لدعم ركائزه مؤقتاً...
بس...
يفترض يكون في طرف معارض مقابل عم يعطي أفكار أخرى تخلي المواطن يختار المقنع أكتر
يعني:
الحل برأيي قنوات إعلامية خاصة 100% وحرة مستقلة 100%
بس للأسف اللي عم يصير هوي إنو عم يتم التضييق على المؤسسات الموجودة حالياً ومحاصرتها بكل الوسائل !!! و آخرها مضايقة الدومري.
كبرت الخط مشان يشوفوه بعض العالم ياللي الحقد عامي قلبها وعيونها ;-)

yass

28/03/2006, 22:07

يا ريت تحتفظ بأدبك و إنت عم تكتب يا مزوق ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

أنا كنت قاصد بالقسم الأول من ردي مجرد مزحة و كان وراها سمايل وسقط سهوا, و بالسطر اللي بعدو خاطبتك بـ"يا زميل" و بالعادة هالمصطلح فقط أستخدمو للأصحاب اللي كنت معتبرك منهون لأنو سبق بمواضيع تانية تناقشنا بطريقة ودية.

على كل , اذ ناطر مني شي رد على

كبرت الخط مشان يشوفوه بعض العالم ياللي الحقد عامي قلبها وعيونها

أو

باينتك مو فهمان راسك من رجليك

فما راح تشوفو , لأنو الألم اللي حاسس فيه من أنو شخص كنت معتبرو صديق وزميل تطلع منو هيك نعوت بحقي يشل بشكل كامل مقدرتي على الرد.
تقبل , للمرة الأخيرة تحياتي, و اعتذر للجميع عن عدم استمراري بالمشاركة بهالموضوع

zen

28/03/2006, 22:31

ياس بظن انو في سوء فهم بيناتكون
وما بتنحل الامور هيك
طولوا بالكون
ولازم نحنا الكل نحترم اراء بعض شو ما كانت

krimbow

29/03/2006, 00:54

د. وفاء سلطان
معها دوكتوراه بعلم النفس
اميركية من اصل سوري
كاتبة و ناقدة (ع اساسا انها ليبرالية)
بتهاجم الاسلام و النظام السوري على حد سواء، و بتمدح الادارة الاميركية كتير (متلها متل كتير متلبرلييين، يعني عاملين حالون ليبراليين)
و بتدافع كتير عن قضايا المرأة

krimbow

29/03/2006, 00:55

بصراحة انا معجب بكتير افكار الها
و برفض كتير افكار تانية

بكل الاحوال جرأة قلمها بتخلي كتير ناس مستعدين يستشهدوا في سبيل اسكاتها

صياد الطيور

29/03/2006, 03:19

شعلولو الضو لكريم ...

krimbow

29/03/2006, 03:25

شعلولو الضو لكريم ...

يا رجل صرلي ساعة عم دور ع هالرد و ما كنت لاقيه

بس ما رح احذفو

رح خليه متل هيك متل الاطرش بالزفة

fady juventus

29/03/2006, 09:59

أنا كنت قاصد بالقسم الأول من ردي مجرد مزحة و كان وراها سمايل وسقط سهوا, و بالسطر اللي بعدو خاطبتك بـ"يا زميل" و بالعادة هالمصطلح فقط أستخدمو للأصحاب اللي كنت معتبرك منهون لأنو سبق بمواضيع تانية تناقشنا بطريقة ودية.
آسف كتير كتير على تهوري :oops:

على كل , اذ ناطر مني شي رد

إي ناطر منك تقبل إعتذاري
خليك أحسن مني :king:

فما راح تشوفو , لأنو الألم اللي حاسس فيه من أنو شخص كنت معتبرو صديق وزميل تطلع منو هيك نعوت بحقي يشل بشكل كامل مقدرتي على الرد.
تقبل , للمرة الأخيرة تحياتي, و اعتذر للجميع عن عدم استمراري بالمشاركة بهالموضوع

هاد نفس الألم اللي أنا حسيت فيه لما شفت بردك مقلسة عليي و ما كانت واضحة أبداً إنها مزحة
صدقني ياس إني حسيت بصدمة من طريقة ردك عليي وحسيت بإهانة
مع إني بعرف إني ما زعلتك ولا مرة
حتى بهاد الموضوع إذا بترجع كام صفحة بتلاقيني عم أيد كلامك 100%
مشان هيك تفاجأت بردك اللي باين فيه سخرية ويا سيدي أي شخص بالمنتدى رح يفهم غير اللي أنا فهمتو
بكرر أسفي من جديد ويا ريت تكون أحسن مني :سوريا: و تتراحع عن قرارك
لأنو رأيك و تفكيرك فيه إفادة أكتر من كتير آراء وأولهن أنا .

أنا ناطر ردك ياس...

صياد الطيور

01/05/2006, 02:49

بوش يطلع يحكي بقناة الفوكس مثلا...في واحد عم يحكي عكس بوش عالسي أن أن و هيك...يعني في مجال المعارضة ينسمع كلامها...عننا مافي من هالشي... عننا اعلام تحت تصرف النظام فقط, الرأي الآخر غائب تماما (والاسوء من ذلك ...مخون)
برأيك هالتنوع الأعلامي .. مو لعبة أمريكية .. أو تكملة للمسرحية الأمريكية الي عنوانها ( الديمقراطية )

حسون

01/05/2006, 03:07

وبالبداية ...أتمنى من كل معارض وضع الشخص الذي يراه مناسباً ليكون بديلاً
عن( الدكتور بشار الأسد )
ووضع أسم الحزب الدي يراه هو الأنسب بقيادة سوريا ... وطبعاً مع تقديم الأسباب
الرئيس يلي بدنا اياه هو شخص منتخب من الشعب بغض النظر عن اسمو
و الحزبالحاكم أا برفضقيادة حزب للدولي و المجمع بغض النظر عن سم الحزب

حسون

01/05/2006, 03:16

*أين المشكلة.؟
*هل (الرئيس ، حزب البعث . "أحدهما أو كليهما" ) هو المسؤول.؟
1-(لا)...من إذاً ، مع ذكر الأسباب والحلول
أنا ماني بعثي
بس بعرف أنو لو نفس الحزب كان حاكم بجو ديموقراطي فرح يطلع شي حلو كتير
و أناما بمني اسم الرئيس

الديموقراطية هي الحل

MR.SAMO

01/05/2006, 10:47

لما الشعي بيختار قناعاته بيصير هو مسؤولعن النتيجة شو ماكانت
مافينا نجي نحاسب شعب على خيارات مجبر عليها

كهربجي

01/05/2006, 13:46

يا سيدي انا بقلك شو الحل...
على فرض أنو حزب البعث بدّو إصلاح و بدّو تطوير فالمفروض:
1-يتنازل عن اقتصاد السوق الاجتماعي اللي بشهادة كتير من خبراء الاقتصاد السوريين و الأجانب من المستحيل أن ينجح في سوريا
2-يلغي مادة الدستور رقم 8 ويوقف العمل بقانون الطوارئ, بالإضافة للتعديلات الأخرى اللي نحنا كتيير لازمتنا بقانون الأحوال الشخصية
3-بعدها يسمح ثالثاًَ بتشكيل احزاب و تنظيمات سياسية (لا أن يمنع أن تؤسس ثم يسأل عن البديل)
4- وإذا بدكن رئيس جمهورية وحكومة أنا جاهز عدد أسماءهن برأيي... و الحكومة حكومة تكنوقراط... مع عودة الشرع إلى الخارجية

MR.SAMO

01/05/2006, 13:56

يا سيدي انا بقلك شو الحل...
على فرض أنو حزب البعث بدّو إصلاح و بدّو تطوير فالمفروض:
1-يتنازل عن اقتصاد السوق الاجتماعي اللي بشهادة كتير من خبراء الاقتصاد السوريين و الأجانب من المستحيل أن ينجح في سوريا
2-يلغي مادة الدستور رقم 8 ويوقف العمل بقانون الطوارئ, بالإضافة للتعديلات الأخرى اللي نحنا كتيير لازمتنا بقانون الأحوال الشخصية
3-بعدها يسمح ثالثاًَ بتشكيل احزاب و تنظيمات سياسية (لا أن يمنع أن تؤسس ثم يسأل عن البديل)
4- وإذا بدكن رئيس جمهورية وحكومة أنا جاهز عدد أسماءهن برأيي... و الحكومة حكومة تكنوقراط... مع عودة الشرع إلى الخارجية
والغاء صفة الحزب الحاكم الاوحد

كهربجي

01/05/2006, 14:28

والغاء صفة الحزب الحاكم الاوحد

ممتاز.... هي موجودة بالمادة 8 المذكورة أهلاه... اللي بتقول: حزب البعث هو القائد للدولة و المجتمع

حسون

01/05/2006, 15:37

الحكومة حكومة تكنوقراط
ليش طيب:confo: :confo: :confo: :confo:

yass

01/05/2006, 19:26

برأيك هالتنوع الأعلامي .. مو لعبة أمريكية .. أو تكملة للمسرحية الأمريكية الي عنوانها ( الديمقراطية )

ما بظن, لازم نفرق بين أميركا كمؤسسة حكم و أمريكا كشعب و دولة. ما عندي شك بحرية الصحافة بأمريكا, ذاتا قصص أبو غريب مين نشرها؟
و كتأكيد على احترامي للكثير من الأمريكان الشرفاء حابب أذكر أنو شخص واحد اسمو جيسي جاكسون عمل ضد الحرب أكثر من كل الدول العربية مجتمعة

كهربجي

02/05/2006, 03:08

ليش طيب:confo: :confo: :confo: :confo:

لأنها أكتر قدرة على الإنتاج خاصة بما أنو مافي بديل واضح للبعث... بالتالي حكومة تكنوقراط بعيدة عن الخلافات السياسية هي الأنجح...

يعني بحسبة صغير ببين معك أنو نسبة البعثيين هائلة.... لهيك مو ممكن تكون الحكومة فعالة إلّا هيك;-)

صياد الطيور

02/05/2006, 03:34

ما بظن, لازم نفرق بين أميركا كمؤسسة حكم و أمريكا كشعب و دولة. ما عندي شك بحرية الصحافة بأمريكا, ذاتا قصص أبو غريب مين نشرها؟
و كتأكيد على احترامي للكثير من الأمريكان الشرفاء حابب أذكر أنو شخص واحد اسمو جيسي جاكسون عمل ضد الحرب أكثر من كل الدول العربية مجتمعة
على عيني
بس حتى الحرية الصحفية الي عم تحكي عنها
لو ما في مصالح ألهم من وراها ما كانوا نشروها
متل فيلم ( فهرنهايت )

yass

02/05/2006, 11:08

على عيني
بس حتى الحرية الصحفية الي عم تحكي عنها
لو ما في مصالح ألهم من وراها ما كانوا نشروها
متل فيلم ( فهرنهايت )

هون بندخل بموضوع تاني ... قضية أنو وسائل الاعلام الكبرى الها مصالح متبادلة مع الحكومة شغلة تانية , بس مثلا لو واحد متل مايكل مور حكى شو ما بدو ما حدا ممكن يمنعو

MR.SAMO

02/05/2006, 11:24

هون بندخل بموضوع تاني ... قضية أنو وسائل الاعلام الكبرى الها مصالح متبادلة مع الحكومة شغلة تانية , بس مثلا لو واحد متل مايكل مور حكى شو ما بدو ما حدا ممكن يمنعو
حتى يوم افتتاح الفيلم لمايكل مور قال عار عليك ياجورج بوش اي عنا الواحد مابيسترجي يحلم يقولها حلم

صياد الطيور

02/05/2006, 11:46

حتى يوم افتتاح الفيلم لمايكل مور قال عار عليك ياجورج بوش اي عنا الواحد مابيسترجي يحلم يقولها حلم
م فينا نعتبرها ديمقراطية ..
يعني بلبنان بيطلع الواحد وبينزل كلام على رئيس الجمهورية و الحكومة وغيرو وما حدا بيقلو وينك
بس يا ترا هي اسمها ديمقراطية ؟ بلبنان في ديمقراطية

أنا معك ياس أنو ما حدا بيمنعو لمايكل مور ..
بس ياترا الي واقفين بصف مايكل مور ويدافعوا عنو ... أو بالأحرى الي عم يحموه و يسندوه ويدعموه ليحكي هالحكي ... رح يضلوا على نفس الموقف لو كانت مصالحهم بتتعارض مع كلام مور ؟

حتى عنا ... متل ما بقرا بالصحف السورية ... نازلة بالحريري وجنبلاط و حمادي كلام على أبو جنب
وعن هدون أحكي الي بدك ياه وما حدا بيمنعك ... بس يا ترا لو حكيت عن شخص محسوب علينا شو رح يكون رد الحكومة ؟

MR.SAMO

02/05/2006, 11:49

م فينا نعتبرها ديمقراطية ..
يعني بلبنان بيطلع الواحد وبينزل كلام على رئيس الجمهورية و الحكومة وغيرو وما حدا بيقلو وينك
بس يا ترا هي اسمها ديمقراطية ؟ بلبنان في ديمقراطية

أنا معك ياس أنو ما حدا بيمنعو لمايكل مور ..
بس ياترا الي واقفين بصف مايكل مور ويدافعوا عنو ... أو بالأحرى الي عم يحموه و يسندوه ويدعموه ليحكي هالحكي ... رح يضلوا على نفس الموقف لو كانت مصالحهم بتتعارض مع كلام مور ؟

حتى عنا ... متل ما بقرا بالصحف السورية ... نازلة بالحريري وجنبلاط و حمادي كلام على أبو جنب
وعن هدون أحكي الي بدك ياه وما حدا بيمنعك ... بس يا ترا لو حكيت عن شخص محسوب علينا شو رح يكون رد الحكومة ؟
الديموقراطية كالفضيلة لاتتجزأ
الصحف اللي عنا نازل باللبنانيين خليهن يحكوا شي عن الشباب اللي عنا وتفرج شو راح يصير
تاني شي الواحد يحكي الحق لبنان أول بلد عربي بالديموقراطية وهي شغلة لا انا ولاانت فينا ننكرها واسا بدهن كتير كيف نحنا

صياد الطيور

02/05/2006, 11:58

ما بعرف ... أنا ما فيي أعتبر الي عم يصير بلبنان ديمقراطية ...

صياد الطيور

02/05/2006, 11:59

4- وإذا بدكن رئيس جمهورية وحكومة أنا جاهز عدد أسماءهن
ممكن ناخد فكرة عن الأسماء البديلة برأيك ؟

MR.SAMO

02/05/2006, 12:09

ممكن ناخد فكرة عن الأسماء البديلة برأيك ؟
انا مابعتقد في بديل عن الرئيس بشار الاسد بقلك ليش
لأنه نظامنا السياسي من 40 سنة اجهض فكرة تكوين شخصيات سياسية تكون قادرة على قيادة البلد ولاتنسى قانون اللي اعتمد الحزب الحاكم حجم كتير من السياسيين من احزاب تانية
وبعتقد الرئيس الحالي هو الاصح والافضل بالوقت الراهن

yass

02/05/2006, 14:20

حرية الرأي جزء من الديمقراطية فقط. الديمقراطية أكبر من حرية الرأي كمفهوم.
بخصوص لبنان ... لبنان دولة يمتلك المواطن فيها حرية الرأي , لا يمكننا نفي ذلك. لكن هل لبنان دولة ديمقراطية حقيقية؟ لا أعتقد ذلك ...
دولة تفرض أن يكون لك دين أو طائفة ليست دولة ديمقراطية ...
دولة تطالبك بموافقة مرجعيتك الدينية لتستطيع اجراء عملية زرع أعضاء ليست دولة ديمقراطية
دولة تحدد قانونا دين كل المسؤولين ليست دولة ديمقراطية
دولة ينتخب بها أغنى رجل في البلد رئيس حكومة ليست دولة ديمقراطية (الأمر سار على ايطاليا كذلك)

يمكنني أن أعدد الكثير من النقاط...لبنان ليس مثال الدولة الديمقراطية التي أرغب الوصول اليها.

MR.SAMO

02/05/2006, 14:40

حرية الرأي جزء من الديمقراطية فقط. الديمقراطية أكبر من حرية الرأي كمفهوم.
بخصوص لبنان ... لبنان دولة يمتلك المواطن فيها حرية الرأي , لا يمكننا نفي ذلك. لكن هل لبنان دولة ديمقراطية حقيقية؟ لا أعتقد ذلك ...
دولة تفرض أن يكون لك دين أو طائفة ليست دولة ديمقراطية ...
دولة تطالبك بموافقة مرجعيتك الدينية لتستطيع اجراء عملية زرع أعضاء ليست دولة ديمقراطية
دولة تحدد قانونا دين كل المسؤولين ليست دولة ديمقراطية
دولة ينتخب بها أغنى رجل في البلد رئيس حكومة ليست دولة ديمقراطية (الأمر سار على ايطاليا كذلك)

يمكنني أن أعدد الكثير من النقاط...لبنان ليس مثال الدولة الديمقراطية التي أرغب الوصول اليها.
متل ماتفضلت وحكيت يوجد بلبنان حرية الرأي اللي نحنا فاقدينها وانا قلت انو لبنان اسا بده كتير على طريق الديموقراطية الصحيحة بس بيضل الاول بالدول العربية من ناحية الديموقراطية

yass

02/05/2006, 14:45

متل ماتفضلت وحكيت يوجد بلبنان حرية الرأي اللي نحنا فاقدينها وانا قلت انو لبنان اسا بده كتير على طريق الديموقراطية الصحيحة بس بيضل الاول بالدول العربية من ناحية الديموقراطية

كلام سليم و لا غبار عليه, و أعتقد أنه لو تيسرت لنا الظروف لنمشي في طريق الديمقراطية لوصلنا الى الصدارة على المستوى العربي بسهولة, لأننا في سوريا نمتلك ارادة عيش مشترك غير موجودة في باقي الدول العربية.

MR.SAMO

02/05/2006, 14:48

كلام سليم و لا غبار عليه, و أعتقد أنه لو تيسرت لنا الظروف لنمشي في طريق الديمقراطية لوصلنا الى الصدارة على المستوى العربي بسهولة, لأننا في سوريا نمتلك ارادة عيش مشترك غير موجودة في باقي الدول العربية.
ياسيدي هيدا الشي اللي بنفتخر فيه على جميع الدول العربية المحيطة فينا انه شعبنا عنده ارادة كبيرة كتير بالعيش المشترك
وهيدا اللي مصبر الشعب عنا

حسون

02/05/2006, 19:23

لأنها أكتر قدرة على الإنتاج خاصة بما أنو مافي بديل واضح للبعث... بالتالي حكومة تكنوقراط بعيدة عن الخلافات السياسية هي الأنجح...

يعني بحسبة صغير ببين معك أنو نسبة البعثيين هائلة.... لهيك مو ممكن تكون الحكومة فعالة إلّا هيك
الحكومة ما لازم كون تكنو قراط
الحكومة لازم تكون سياسيي بس منتخبي انتخاب ديموقراطي
أنا ما ضد أنو البعثيين يحكموا أنا ضد أنون يستبدوا

صياد الطيور

03/05/2006, 01:00

أنا ما ضد أنو البعثيين يحكموا أنا ضد أنون يستبدوا
هادا الكلام المنطقي ... :سوريا:

كهربجي

03/05/2006, 12:51

الحكومة ما لازم كون تكنو قراط
الحكومة لازم تكون سياسيي بس منتخبي انتخاب ديموقراطي
أنا ما ضد أنو البعثيين يحكموا أنا ضد أنون يستبدوا

إي بس يا عيوني في حال وجود دستور سليم وعلماني, ما ممكن انو الدولة تعترف بأعضاء البعث هدول كلن, خاصّة أنو أغلبهن داخل بالغصب.... بعدين برأيك بعد كل سنين القمع, الشعب قادر ينقي الحكومة اللي ممكن تودّيه على برّ الأمان؟؟؟ إلّا إذا كانت حكومة تكنوقراط...
السبب التاني بأنو لازم الحكومة تكون حكومة تكنوقراط هو أنو النزاعات السياسية ممكن وقتها تأخر الإصلاح لما بتكون الحكومة سياسية...

قرصان

03/05/2006, 13:30

اولا مرحبا وبعدين ليش التهكم يا شباب يعني ما في غير التنكيت بكل المواضيع اللي بدو يشارك اهلا وسهلا وغير هيك إ روح ع محل تاني وشرفتونا:gem: :aah:

حسون

03/05/2006, 15:20

إي بس يا عيوني في حال وجود دستور سليم وعلماني, ما ممكن انو الدولة تعترف بأعضاء البعث هدول كلن, خاصّة أنو أغلبهن داخل بالغصب....
معك بس شو دخل التكنو قراط
بعدين برأيك بعد كل سنين القمع, الشعب قادر ينقي الحكومة اللي ممكن تودّيه على برّ الأمان؟؟؟ إلّا إذا كانت حكومة تكنوقراط...

حكومة سياسية بس منتخبة
السبب التاني بأنو لازم الحكومة تكون حكومة تكنوقراط هو أنو النزاعات السياسية ممكن وقتها تأخر الإصلاح لما بتكون الحكومة سياسية...
بالعكس النزاعات السياسيي بالجو الديموقراطي بتخلي المسؤل يخاف يغلط

Reemi

03/05/2006, 15:56

أنا ما ضد أنو البعثيين يحكموا أنا ضد أنون يستبدوا

أحييك..وللمرة الاولى.:سوريا: ..!

كهربجي

04/05/2006, 03:10

حكومة سياسية بس منتخبة

ممكن؟؟؟ مابعرف... أنا بعدني مقتنع أنو التكنو قراط أحسن... يمكن لسبب مو ديمقراطي أبداً وهو أنو الانتخابات على حالتنا بدها تكون منتخبة طائفيّاً... و بالتالي بدها تكون من شي حزب أو جماعة إسلامية

يمكن معك حق لأنو هيك إذا فشلوا الإسلاميين بيكون في مجال لليسار ليطلع و ينجح بالانتخاب... بس يطلع أول من واقعو الخ**

بالعكس النزاعات السياسيي بالجو الديموقراطي بتخلي المسؤل يخاف يغلط

كهربجي

04/05/2006, 03:10

حكومة سياسية بس منتخبة

ممكن؟؟؟ مابعرف... أنا بعدني مقتنع أنو التكنو قراط أحسن... يمكن لسبب مو ديمقراطي أبداً وهو أنو الانتخابات على حالتنا بدها تكون منتخبة طائفيّاً... و بالتالي بدها تكون من شي حزب أو جماعة إسلامية

يمكن معك حق لأنو هيك إذا فشلوا الإسلاميين بيكون في مجال لليسار ليطلع و ينجح بالانتخاب... بس يطلع أول من واقعو الخ**

بالعكس النزاعات السياسيي بالجو الديموقراطي بتخلي المسؤل يخاف يغلط

معك تمام

yass

04/05/2006, 20:52

أنا بتفق تماما مع الأخ الكهربجي أنو لازم تكون حكومة التحويل الديمقراطي حكومة تكنوقراطية ريثما يستقر الطيف السياسي

sultan81

06/05/2006, 05:50

لان بلدنا اسمها الجمهورية العربية السورية ومو المملكة العربية السورية

كلامك على عيني وراسي وللأسف أكبر من هيك بكتير
ووالوضع مش بس بسورية هيك . وأحياناً بقول لحالي انو الوطن العربي بيحكمو مش حكام ملوك او رؤساء لأ عصابات الظروف سمحتهم .....

وقبل فترة كنت بقرأ مقاله لأحد المعارضين جداً لتلك الانظمة بيحكي فيها انو في الوضع الحالي الي بنعيشو , الاولوية مش لحقوق الانسان او الديمقراطية .

صياد الطيور

09/05/2006, 01:27

, الاولوية مش لحقوق الانسان او الديمقراطية .
لكن لمين ؟

كهربجي

09/05/2006, 05:35

لكن لمين ؟
يمكن للتوعية؟؟؟ الله بيعرف؟؟

Danito

09/05/2006, 13:16

يعني يا شباب ليش لنضحك على بعضنا؟!
إذا كان الهدف التبرير للنظام فينا نبرر ليخلص التاريخ
الحكومة (الطبقة الحاكمة) مشتتة بين الحفاظ على مكتسباتها و أهمها احتكارها للسلطة و بين إجراء اصلاحات ترضي الشعب.. أي ما بتزبط و لا بعمرها رح تزبط
لأنو الخوف هو حاكمها و لن تجرأ على التمادي في الإصلاح

ليس الهدف هو أحزاب متعددة ولا أنو العالم بدها تشتغل بالسياسة

هادا بلد متخلف بعد ما كان متقدم

السبب هو النزاع على السلطة و تعطيل أجهزة الدولة التنفيذية

الوضع على قد ما هو معقد على قد ما هو بسيط، مثلا:
* حقوق المواطن بتشمل العيش الكريم و حق المسكن و التعليم و حرية الاعتقاد و التعبير و و
يعني هي فصل الأحزاب و السياسة عن التنمية و الإصلاح اختراع سوري لا معنى له
الإصلاح المجتزا مانوا اصلاح

* ممنوع احزاب على اساس عرقي و قومي و الحزب البعث محدد بالعربي مع أنو العرب في سوريا ما ببتجازو نسبتهم الـ 35% إذا شقت حالها و مخلوطين مع البقية و أقل نقاءً من الأ‘عراق الأخرى هادا تنافض أول و أساسي

* من جهة ثانية الانتماء إلى أخوان المسلمين ممنوع و الحزب يحكم باسم العلمانية مع أنه آخر عملاته التي لا تنتهي السماح للقيبسيات بالدعوة ..الخ ما حدا ضد حرية الرأي و الاعتقاد بس شو منشان بناء جماعات منظمة محيدة سياسيا و بولاآتها حاليا و ضمن هرمية قابلة للتجيير بأي لحظة ضد النظام و الشعب؟؟

يعني الأمثلة تطول و مازلنا نسوقها .. و مازال النظام ماسك بتلابيب الحكم و يعدنا بالإصلاح و كلما علا صوت أخمده و كلما على رأس قصوه و التخريب و الفوضى شغالة على أبو جنب .. من المسؤول : اميركا اسرائيل الخونة الشعب المتخلف .. أنو الكل مسؤول إلى هالنظام الملائكي

ملاحظة كثير مهمة: النظام يعني طغمة من بعض الأشخاص المستفيدين و ليسوا من طائفة محددة و لا من عرق محدد حتى أن الامتيازات تتوزع بشكل يعكس الفسيفساء السوري..

كهربجي

09/05/2006, 19:17

يعني يا شباب ليش لنضحك على بعضنا؟!
إذا كان الهدف التبرير للنظام فينا نبرر ليخلص التاريخ
الحكومة (الطبقة الحاكمة) مشتتة بين الحفاظ على مكتسباتها و أهمها احتكارها للسلطة و بين إجراء اصلاحات ترضي الشعب.. أي ما بتزبط و لا بعمرها رح تزبط
لأنو الخوف هو حاكمها و لن تجرأ على التمادي في الإصلاح

ليس الهدف هو أحزاب متعددة ولا أنو العالم بدها تشتغل بالسياسة

هادا بلد متخلف بعد ما كان متقدم

السبب هو النزاع على السلطة و تعطيل أجهزة الدولة التنفيذية

الوضع على قد ما هو معقد على قد ما هو بسيط، مثلا:
* حقوق المواطن بتشمل العيش الكريم و حق المسكن و التعليم و حرية الاعتقاد و التعبير و و
يعني هي فصل الأحزاب و السياسة عن التنمية و الإصلاح اختراع سوري لا معنى له
الإصلاح المجتزا مانوا اصلاح

* ممنوع احزاب على اساس عرقي و قومي و الحزب البعث محدد بالعربي مع أنو العرب في سوريا ما ببتجازو نسبتهم الـ 35% إذا شقت حالها و مخلوطين مع البقية و أقل نقاءً من الأ‘عراق الأخرى هادا تنافض أول و أساسي

* من جهة ثانية الانتماء إلى أخوان المسلمين ممنوع و الحزب يحكم باسم العلمانية مع أنه آخر عملاته التي لا تنتهي السماح للقيبسيات بالدعوة ..الخ ما حدا ضد حرية الرأي و الاعتقاد بس شو منشان بناء جماعات منظمة محيدة سياسيا و بولاآتها حاليا و ضمن هرمية قابلة للتجيير بأي لحظة ضد النظام و الشعب؟؟

يعني الأمثلة تطول و مازلنا نسوقها .. و مازال النظام ماسك بتلابيب الحكم و يعدنا بالإصلاح و كلما علا صوت أخمده و كلما على رأس قصوه و التخريب و الفوضى شغالة على أبو جنب .. من المسؤول : اميركا اسرائيل الخونة الشعب المتخلف .. أنو الكل مسؤول إلى هالنظام الملائكي

ملاحظة كثير مهمة: النظام يعني طغمة من بعض الأشخاص المستفيدين و ليسوا من طائفة محددة و لا من عرق محدد حتى أن الامتيازات تتوزع بشكل يعكس الفسيفساء السوري..

معك تماماً..

صياد الطيور

09/05/2006, 23:44

معك تماماً..
لأ مو تمام ..
وفي كلام كتير مو صحيح بكلامو

Danito

10/05/2006, 00:11

لأ مو تمام ..
وفي كلام كتير مو صحيح بكلامو..
مثل شو؟

صياد الطيور

10/05/2006, 00:22

متل كل الكلام

Danito

10/05/2006, 01:16

متل كل الكلام
كل الكلام؟؟ :shock:

:lol: الله يسامحك ما تركتلنا شي..

طيب يعني أنا سألت مثل شو؟ يعني على سبيل المثال نافش شي شغلة من هالكلام..