يا جماعة لو انو المشكلة بالنظام كنا مشينا معكن حسب رأيكن ومعتقداتكن

بس الموضوع الي عم تناقشوه في كتير من التدجيل والوساخة بالعمق

لأنو الي عم يطالب بالحرية ( فعلياً وضمنياً عم يطالب بالطائفية )

أنو شلون ظبطت معك ما بعرف و فعليا و ضمنيا.... الحرية شي و الطائفية شي تاني



- معقول إني حاول غيير النظام الحالي الي عايش فيه بكل أمان وراحة بال لنظام مجهول مو معروف راسو من أساسو ومدري شو ممكن يجيب معو خراب للبلد !!!
أنو يعني أنت عايش بأمان و راحة يعني حضرتك مو الوحيد بهالوطن و شو منشان عشرات الآلاف بل الملايين المهمشين؟ يعني هالـ 500 إلى 900 ألف عاطل عن العمل مثلا هدول مو من حقهن يطالبو بإصلاح و ليس بعمل قلاقل في الدولة و الحكم...

2- معقول انو كمواطن (((((((((((((( عربي سوري ))))))))))))) اتحالف مع طرف بيرفض انو يكون عربي سوري وهدفه تهميش قوميتنا العربية وانتمائنا السوري ؟؟؟؟؟ أكيد عرفتو عن مين عم احكي ( الأكراد يعني بالمشمرحي ) وللتوضيح أكتر مطالبهن بسوريا بتغيير اسم الجمهورية العربية السورية لـ الجمهورية السورية (((((( يعني تقول انو القومية العربية شوكة بحلقهن !!!! ))))) واعتماد اللغة الكردية كلغة رسمية بسوريا لجانب اللغة العربية !!!!!!!!!!!!!!!!!!!!!!!!!!
يعني على مهلك هون شوي أنت مواطن عربي سوري .. ماشي الحال أحكي عن حالك أنا مواطن سوري و سوري بس (أيوا يعني ناطق بالعربية ) بس ما ني عربي (وملاحظة ماني كردي على سلامتون الأكراد) يعني في عرب بسوريا بس مو الكل عربي هيك غصبا عنهم..


يعني بشرف امكن إزا كنتو فعلاً سوريين وطنيين بتوقفوا بجنب هيك طرف لاسقاط النظام الي إذا مالقيتو شي تشكروه عليه ( حسب نظرتكم ) بيبقى شي واحد على الأقل ما ممكن تنكروه .... انو القومية العربية والإنتماء السوري خط أحمر ....... انتو اللي لازم تدافعوا عنه بدل ما تصيرو تحكو كردي ويصير واحد كردي مثلاً رئيس لشعب من تاريخ وجوده عربي سوري

بما أنك عم تحلف بشرف الأمهات ، يعني بالله بلاها هادا توزيع شهادات حسن السلوك على الناس و هادا وطني و هداك عميل

الصياد لما فتح الحوار فتحو من شان النقاش و تبادل الآراء مو منشان المزاودات و التطاول على الآخرين يعني الكردي السوري سوري و ما فيك تحكي عنو كما لو أنه مواطن درجة ثانية لأنه هذا بيكون عنصرية و تخلف يعني و إذا انت شايف غير هيك ما حدا يبمنعك بس هي عنصرية و ما آلها تسمية ثانية..
أنت لما بدافع عن النظام لأنه بيمثلك أو بتمثلو لازم يكون دفاعك منطقي شوي يعني و توضح و تجاوب على النقاط المطروحة مو ترسم خطوط حمر و تبت في النقاش بشكل نهائي، يعني خود و عطي يا أما هذا ما اسمه حوار
وهون اسمحلي حاورك بنقطة محددة: مين قال أنو البديل عن الوضع الحالي هو الفوضى ؟ بالحقيقة هذا ما يروج له النظام
أما الأميركان فليسوا مهتمين لا بحرية و لا بديمقراطية لأنه يعرفون أن الصفقات في هذا الجزء من العالم (الشرق الأوسط) يتم حسمها مع الحكام المستبدين (الطغمة الحاكمة) و ليس مع الشعوب أما بالنسبة للشعوب المغلوب على أمرها و المغيب رأيها (مثلي أنا و أنت..) فأميركا و النظام تقريبا بخانة واحدة يعني و هي المزاودات اللي بيطلعولنا فيها ما هي إلا ضحك على اللحى و خود على سبيل المثال ، مكاتب المقاومة الفلسطينية تسكرت الحدود مع العراق مسكرة يعني ما في دعم للمقاومة إلا بالخطابات الرنانة
بكلمات آخرى الواقع مختلف عما يروج له

يا جماعة لو انو المشكلة بالنظام كنا مشينا معكن حسب رأيكن ومعتقداتكن

بس الموضوع الي عم تناقشوه في كتير من التدجيل والوساخة بالعمق

لأنو الي عم يطالب بالحرية ( فعلياً وضمنياً عم يطالب بالطائفية )
وكل الحقد على النظام ما نو جايي من اسباب اجتماعية وإدارية وإنما من غريزة حكم الأمم عند بعض الطوائف

يعني عندي شوية تساؤلات للرأي الآخر:

1- معقول إني حاول غيير النظام الحالي الي عايش فيه بكل أمان وراحة بال لنظام مجهول مو معروف راسو من أساسو ومدري شو ممكن يجيب معو خراب للبلد !!!
2- معقول انو كمواطن (((((((((((((( عربي سوري ))))))))))))) اتحالف مع طرف بيرفض انو يكون عربي سوري وهدفه تهميش قوميتنا العربية وانتمائنا السوري ؟؟؟؟؟ أكيد عرفتو عن مين عم احكي ( الأكراد يعني بالمشمرحي ) وللتوضيح أكتر مطالبهن بسوريا بتغيير اسم الجمهورية العربية السورية لـ الجمهورية السورية (((((( يعني تقول انو القومية العربية شوكة بحلقهن !!!! ))))) واعتماد اللغة الكردية كلغة رسمية بسوريا لجانب اللغة العربية !!!!!!!!!!!!!!!!!!!!!!!!!!

يعني بشرف امكن إزا كنتو فعلاً سوريين وطنيين بتوقفوا بجنب هيك طرف لاسقاط النظام الي إذا مالقيتو شي تشكروه عليه ( حسب نظرتكم ) بيبقى شي واحد على الأقل ما ممكن تنكروه .... انو القومية العربية والإنتماء السوري خط أحمر ....... انتو اللي لازم تدافعوا عنه بدل ما تصيرو تحكو كردي ويصير واحد كردي مثلاً رئيس لشعب من تاريخ وجوده عربي سوري


انا معك بها نقط رغم انك غير مضطر لاستخدام كلمة تدجيل ووساخة



بس كمان في نقطة عند ذكرك لـ ويصير واحد كردي مثلاً رئيس لشعب من تاريخ وجوده عربي سوري هاد الحكي اسمو شوفينية و هو نوع من انواع الأفكار العنصرية بس حبيت خبرك

هاد الحكي اسمو شوفينية و هو نوع من انواع الأفكار العنصرية بس حبيت خبرك

يعني طلب الأكراد إلغاء القومية العربية للشعب "العربي" السوري مو عنصرية ؟؟؟

ليش تحديد المقاييس عم يكون مبني على كلامنا وتصريحاتنا وما عم يصير تناول لمواقف البعض الي كلها عنصرية واسائة ؟

يعني ازا هنن متعصبين نحنا كمان لازم نكون هيك
انا ما عم دافع عنون مطالبهن مبالغة فيها

بس هذا لا يعني ردنا عليهن بنفس أسلوبن

صح؟

معقول انو كمواطن (((((((((((((( عربي سوري ))))))))))))) اتحالف مع طرف بيرفض انو يكون عربي سوري وهدفه تهميش قوميتنا العربية وانتمائنا السوري ؟؟؟؟؟ أكيد عرفتو عن مين عم احكي ( الأكراد يعني بالمشمرحي ) وللتوضيح أكتر مطالبهن بسوريا بتغيير اسم الجمهورية العربية السورية لـ الجمهورية السورية (((((( يعني تقول انو القومية العربية شوكة بحلقهن !!!! ))))) واعتماد اللغة الكردية كلغة رسمية بسوريا لجانب اللغة العربية !!!!!!!!!!!!!!!!!!!!!!!!!!
اذا طالب الأكراد بتغيير اسم الجمهورية العربية السورية الى الجمهورية السورية
فهادا حق اساسي الون
لأنو هالتسمية (الجمهورية العربية)
تعني تهميشون وبتعني انو سوريا للعرب فقط وبتلغي وجود كل الأقليات الأخرى


بيبقى شي واحد على الأقل ما ممكن تنكروه .... انو القومية العربية والإنتماء السوري خط أحمر ....... انتو اللي لازم تدافعوا عنه بدل ما تصيرو تحكو كردي ويصير واحد كردي مثلاً رئيس لشعب من تاريخ وجوده عربي سوري
مو غلط انو يصير واحد كردي رئيس
الأكراد جزء من الشعب السوري وكانو موجودين بسوريا قبل قدوم العرب
(للعلم انا مو كردي)

لشعب من تاريخ وجوده عربي سوري
:humm:

أنو شلون ظبطت معك ما بعرف و فعليا و ضمنيا.... الحرية شي و الطائفية شي تاني

حبيب ألبي داني :D
معليش رح احكي بالمشمرحي هالمرة

يمكن أنا غلطت بتوصيل الفكرة أنا ما عم اخلط بين الحرية والطائفية
بس أحد الفئات الي عم تطالب بالحرية والديمقراطية على سبيل المثال لا الحصر ( الاخوان المسلمين )
يمكن البعض يقول انو الهن الحق ( كل الحق بإنهن يستلمو السلطة )
لكن مثلاً هيك فئة مطالبة للحرية والديمقراطية انعرفت على بسنوات كتير مضت انو حركة متشددة ( متشددة تعني مستقبلاً أثناء الحكم "ديكتاتورية" هذا إذا تكلمنا دون التطرق للجرائم الي ارتكبوها )
فهل من المعقول انو الي داسوا على الحرية ومسحوا فيها الأرض وبهدلوها وبهدلونا معها انو يطالبو فيها بهالوقت ؟؟؟ معقول يقنعوني ويقنعوا الشعب انو إزا استلموا الحكم مثلاً رح يسمحوا بوجود مسيحي كافر في الحكومة ؟؟؟ ومعقول ومعقول !!!!
يعني منكون وصلنا لمرحلة إذا وصل فيها فئة من المطالبين بالحرية للسلطة رح يدوسوا عالحرية وعلينا ورح يقلبوا الحكم لحكم طائفي بجدارة, وهون كان قصدي وقت حكيت عن الحرية والطائفية !!!

أنو يعني أنت عايش بأمان و راحة يعني حضرتك مو الوحيد بهالوطن و شو منشان عشرات الآلاف بل الملايين المهمشين؟ يعني هالـ 500 إلى 900 ألف عاطل عن العمل مثلا هدول مو من حقهن يطالبو بإصلاح و ليس بعمل قلاقل في الدولة و الحكم...

موضوع الأمان اسمحلي قول هون إنو إذا الإنسان ماكان عندوا أمان لحياته الي ممكن عصابات الليل وقطاع الطرق يسلبوه اياها بأي لحظة فشو حاجته للديمقراطية والتعددية السياسية بعد ما يكون صار بأبرو ؟
ومنشان الـ 900.000 عالطل عن العمل بحب قول انو الي بدو يشتغل بيشتغل وفي شغل بس انتا نسيت تذكر انو ظاهرة "قلّة المروة" سارية المفعول عند 9000.000 مواطن سوري يعني 50% من الشعب ما بيرضى يشتغل إلا ورا مكتب وهاد مالو خلق للشغلات الي فيها طولة وهاد ما بيحب كل يوم يجي تيابه موسخين من الباطون والشمينتو والبلوك ... ابن أكريبوز لأنو
ولك بدك تعيش روح اشتغل بويجي يا أما زبال الشغل مو عيب وإزا ما حدا لم الزبالة من البلد منموت من التلوث... يعني لا حدا يفكر الزبال شغلة الشوايا وهيك لأنو أهم من أي موظف دولة تاني عم يتعامل ويفيد المجتمع بشكل أكتر ما انو ينوصف يومي, بس هدول الـ 900.000 عاطل عن العمل ..."ما بدي اشمل" لكن 90% منهن عبارة عن عاهات عالمجتمع لأن بالأصل هني ما بدهن يشتغلوا ولا بدهن يعملو شي بهالوطن... بس بدهن طاولة بشي مكتب وعامل بوفيه يوديلهن طلباتهن ويخدم حضراتهن.


يعني على مهلك هون شوي أنت مواطن عربي سوري .. ماشي الحال أحكي عن حالك أنا مواطن سوري و سوري بس (أيوا يعني ناطق بالعربية ) بس ما ني عربي (وملاحظة ماني كردي على سلامتون الأكراد) يعني في عرب بسوريا بس مو الكل عربي هيك غصبا عنهم..
طيب يا سيدي الكريم أنا ماني عربي ... يمكن كون فينيقي ... ما بعرف ! ماني مؤرخ وما رح احكي من هلق ورايح بالجذور العرقية تبعنا, بس وقت الي تكلمنا انو وجود كلمة ( العربية ) باسم الجمهورية العربية السورية هو تهميش للأكراد أو غيرهن ( من الي ممكن يكون دخلاء عالوطن ) طيب وبوجود 80% من الشعب المقتنعين بعروبتهن وبقوميتهن العربية ما حدا فكّر انو إلغاء هالكلمة ممكن يكون تهميش الهن كمان ؟ باعتبال انهن الغالبية الكبرى بالوطن ؟ ما بعرف يمكن كل واحد الو رأيو بس بيبقى في المنطق بالآخر الي بيثبت وجوده بهيك أمور


طيب
منجي لحبيب الألب سيزار...
انا معك بها نقط رغم انك غير مضطر لاستخدام كلمة تدجيل ووساخة

معليش كنت مضطر استخدم هالكلمتين للتعبير عن واقع الي عم يهتفوا بالشعارات الرنانة للحرية والديمقراطية وفعلياً هني من الأطراف الي شرشحت معنى كلمة الحرية ولونته بالأسود على لون الدم الي ماشي بعروقهن ( عرفتوا عن مين عم احكي أكيد )

هاد الحكي اسمو شوفينية و هو نوع من انواع الأفكار العنصرية بس حبيت خبرك

يمكن كرهي لإسرائيل يكون عنصرية كمان !


بس هذا لا يعني ردنا عليهن بنفس أسلوبن

ليكنا بكتير حالات كنا عم نبادل العاطل بالمنيح بس 100% كانت النتيجة سلبية منشان هيك مش بس بهالموضوع ... بكتير مواضيع صرنا مضطرين انو نلعب نفس اللعبة الي بيلعبها الطرف التاني لأنو بهالحالة بس ممكن تكون اللعبة متعادلة ويكون في رابح أو خسران


اذا طالب الأكراد بتغيير اسم الجمهورية العربية السورية الى الجمهورية السورية
فهادا حق اساسي الون
لأنو هالتسمية (الجمهورية العربية)
تعني تهميشون وبتعني انو سوريا للعرب فقط وبتلغي وجود كل الأقليات الأخرى

يمكن حسب مشاريع بعض الاطراف المتعاملة تطور الامور لتقسيم فدرالي ويصير اسمها سوريا الإتحادية أو المحافظات السورية المتحدة ( محافظة الدروز.. محافظة العلوية... محافظة المسيحية... محافظة السنة.... محافظة الأكراد ... محافظة الأرمن... محافظة ما بعرف مين كمان !!!! )

يا ويلي عليكي يا سوريا وقت الي يطلع منك مين يجي بدو يقطعك متل حز البطيخ !!! يا ويلي شو رح نعمل فيه !!!!


تحياتي للعرب والفينيقيين والسريان والأرمن والآشوريين والأكراد ... يمكن يكونو كلهن سوريين !

يا حبيب يا مدق، يعني التحليل ما هيك بيصير مو العربة قبل الحصان مو النتائج أول شي و بعدين التفسير
يعني كيف عم تقول أنو 50% من الشعب قليل مروة؟ يعني هي أغرب تحليل من نوعة و تفسير لظاهرة البطالة، المشكلة أعمق بكثير ، يعني حتى العمال اللي بيشتغلو بالبناء و الفعالة بتلاقيهم صافين رتل طويل لآخر النهار و ما بيحصلو شغل أو يوم أي و عشرة لاء المشكلة هي بوجود أنشطة اقتصادية توفر فرص العمل و المشكل هو بوضع قيود على الاقتصاد قيود احتكارية بجوهرها إيدلوجية بظاهرها و ليست في خدم أحد إلى "إسرائيل" لأنه سوريا مرشحة لدور أقليمي أثقل بكثير من دورها الحالي يعني و كله مرتبط ببعضه السياسة بالاقتصاد و ناس ماسكة بالحكم بحجة محاربة اسرائيل مع أنه نحن منفتحين على خيار السلام (حيرتو الله تبعنا) و بعدين لا عم نحارب و لا عم نصالح ، و اسرائيل متسفيدة لأنو سوريا إذا بتنفتح على نفسها (مو على العالم) يعني حل المشكلة الاجتماعية بيكون بطريقة أكثر تحضرا مو بإطلاق عبارات شوفينية أي نعم شوفينية يعني و حتى لو عم تشبه الأكراد لإسرائيل يعني ألعن و أدق رقبة و الأكراد هن فئة وحدة من القوميات المتعددة بسوريا يعني بس هن مشكلتهم فايشة عالسطح بسبب وضعهم بتركيا و العراق و يعني شو منشان الآشوريين و الأرمن و الشركس و و و :cry: أما العروبة فهو شعور و نقاشناه كثير في مواضيع ثانية (و لعلمك و علم غيرك أنا ماني سوري قومي و ماني متحزب) الشغلة يعني بس بدها الواحد يفتح مخه و يكون عنده الشجاة الكافية للوقوف مع الذات و نقاش التابوهات المحرمة
يعني الجمهورية سورية و الجماهير بتكون شو ما بدها (عربية سورية كردية سورية سورية سورية ..) المشكلة أنك يعني مفترض ملائكية النظام و برائته و كمال سوريا يعني أنا بتمنى منك تقرا الواقع انزول على الشارع روح على شوف الناس المنسيين طلاع برات الشام 3 كم بتفكر حالك صرت بقارة ثانية و بعالم ثاني ليش ؟ لا تبعد بالشام قطع الشارع من مزة 86 بتصير بالمزة فيلات يعني و شوف الفرق بالخدمات و المعيشة و و و
يعني نحنا من أغنى دول المنطقة بلا منازع إذا ما كنا الأغنى بس شعبنا من أفقر الشعوب تم ، اقرا التاريخ شوف سوريا وين كانت و وين صارت بتكتشف أنو كلمالنا لورا مثل **** الجمال
ليش ؟
شو عمتحكيلي عن الأمان ؟ و شو عصابات و ما عصابات؟ لك المخابرات رعب مقيم على قلوب الشعب و بشي يعني بس بالإرهاب و القمع و الصلاحيات المفتوحة من غير مساءلة يعني شغلة بتوجع القلب و الراس و الله شي بيبكي
يعني لما منحكي ان كان أنا و لا سيزار و لا أبو النسيم و لا مين ما كان يعني شو طمعانين برآسو لا بوزارة؟ يا سيدي أصلا تلات ارباع اللي بالمنتدى وضعون أريح من 90% من ابناء الشعب (يعني خذها من مؤشر واحد بس هو القدرة على الاتصال بالانترنت) بس نحنا ما بدنا حالنا بدنا البلد بدنا أخواتنا المواطنين بغض النظر عن انتماءاتهم الدينية و العرقية و المذهبية ، و يعني نحنا ما ألنا فضل على حدا لأنو لما بقول سوريا يعني السوريين لك حتى بشار الأسد و كل الأرطة يعني أنا بتمنى رئيسي يكون الأحسن بالعالم لأنو رمز دولتي يعني و لما حدا بيوجهلو انتقاد لازم يسمع هو غيره الانتقادات
سوريا هي الهدف و سوريا فيها السوريين اعتبرني عم احكي من زاوية تكنوقراطية أما الإيدلوجيا لك يلعن أبوها بستين صرماية على مختلف أنواعها لأنها شعارات فارغة لما بدنا نتحارب منشانها
آه يا بلد وين كنت و ين صرت

تسجيل متابعه من جديد شكرا لكل الزملاء موالا ومعارضة على الحوار البناء و أرجو ومن كل قلبي وسوف أبدء من نفسي
أنو نكمل الحوار على هل المنوال
بعيدا عن التعصب الفكر
وبنطلع بلنهاية مبوسين شوارب بعض مو متخانقين


لأنو هدفنا الأول والأخير سوريا وبس

شكرا داني
شكرا سيزار
شكرا مدق
وشكرا صياد

انا كمان دايما متابعة
صحي ما بعلق كتير بس دايمن معكن:king:

يمكن كرهي لإسرائيل يكون عنصرية كمان
لا عيني كرهك لدولة معينة مو عنصرية بس كرهك لليهود مثلا مع تعميم الكره هاد العنصيرة (كمثال فقط)

بالنهاية كلنا نسعى وراء سوريا و لكن كل واحد حسب قناعاتو ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

سلام

لا عيني كرهك لدولة معينة مو عنصرية بس كرهك لليهود مثلا مع تعميم الكره هاد العنصيرة (كمثال فقط)
اي أوكي
بس لا تنسى انو كرهنا لهالدولة * عم يترجموه تقريباً بكل دول العالم انو عنصرية بدون يحطو الإعتبارات الي عم تتكلم عنها بالواجهة !
يعني صفة العنصرية عم تنلزق فينا بكل موضع من مواضع حوارنا مع العالم خارجياً مع حالنا داخلياً حسب مشاركات هاد الموضوع ...


يتبع...

تحياتي

بس معليش تعليق بسيط مشان ما نشتت الموضوع

أنا عندي كم سوال حابب أطرحون على الشباب و الصبايا يلي عم يتابعوا الموضوع وبحب أني أقرء ردودهم

بيجوز البعض يحس الأسئلة سخيفة بس معليش الجواب عليها ضروري

ما هو الوطن
ما هو الأنتماء الوطني
ما هي المواطنة
ما هو الحس الوطني
ماذا يمثل رئيس الدولة لكم كأشخاص و مواطنين في هذا الوطن
ما هي واجبات الدولة

ما هي الحرية
ما هي الديمقراطية



أرجو من كل قلبي أن يجيب على هذا الأسئلة الجميع وخاصة الأخوة صياد ومدق

على راسي وعيني أبو النسيم
سنعود ...

انا بصراحة الأسئلة مو سخيفة بالنسبة الي وبدها أعدة منيحة مع بورية وكاس لحتا تطلع الدرر معي

كمان رجعان بعد تزبط الأمور براسي شوي

بس معليش تعليق بسيط مشان ما نشتت الموضوع

أنا عندي كم سوال حابب أطرحون على الشباب و الصبايا يلي عم يتابعوا الموضوع وبحب أني أقرء ردودهم

بيجوز البعض يحس الأسئلة سخيفة بس معليش الجواب عليها ضروري

ما هو الوطن
ما هو الأنتماء الوطني
ما هي المواطنة
ما هو الحس الوطني
ماذا يمثل رئيس الدولة لكم كأشخاص و مواطنين في هذا الوطن
ما هي واجبات الدولة

ما هي الحرية
ما هي الديمقراطية



أرجو من كل قلبي أن يجيب على هذا الأسئلة الجميع وخاصة الأخوة صياد ومدق

ياسيدي سؤالك حلو كتير و هلق يمكن كل واحد تكون ألو وجهة نظر مختلفة للموضوع
أنا بالنسبة لألي لح جاوبك شو بتعني هالشغلات طبعا بالنسبة لألي

الوطن : هو ليس مجرد بقعة من الأرض لها حدود بل هو حالة من الإرتباط العفوي بكل ماهو موجود فوق هذه البقعة من الأرض فالوطن هو أرض ،هواء ، ماء ، روح ، أم ، صديق ، حبيب و شرف

الإنتماء للوطن : أنا برأيي لايمكن وضع تعريف للإنتماء للوطن لأنه لايمكن وضع حدود لهذا الإنتماء ،
ولكن يمكن القول بأن الإنتماء بحد ذاته هو أن تكون جزء من هذا الوطن و الوطن جزأ منك .

المواطنة : هي حقوق الفرد الطبيعية في هذا الوطن و التي يكفلها الدستور و القانون .

الحس الوطني : هو الخوف و الغيرة على الوطن و حتى أنها علاقة تتعدى أي علاقة أخرى حتى أنها تتعدى العلاقة مع الله

رئيس الدولة أو رئيس الجمهورية هو مواطن سوري كأي مواطن آخر يعمل بظل القوانين التي شرعها له الدستور السوري
و هو يقع على عاتقه واجبات و يمتمع بحقوق تتناسب مع حجم السلطة والمسؤولية التي يتحملها
كما أنه كأي مواطن سوري آخر يحاسب على أي تقصير أو إهمال في واجباته المنوطة به
ولا يجب أن نعتبره ممثلا للسلطة الألهية على الأرض كما يآمن البعض ، وهو أيمان أعمى بطبيعة الأحوال و لا يمس بالواقع بشئ فالأنظمة تأتي و تزول و ليس لها سلطة دائمة و هي ليست معصومة عن الخطأ .
كما أن لهذا المنصب قدسية معينة يكفلها الدستور أيضا ، فالمحاسبة لا تتم عن طريق أي فرد من الأفراد العاديين و خصوصا في ظل التركيبة الديمغرافية والتاريخية للمنطقة .


الحرية : وهي حاجة طبيعية من حاجات الإنسان الطبيعي بل هي من أهم الحاجات للعنصر البشري ، فالشخص يجب أن يتمتع بحرية كاملة في كل ما يقوم به من أعمال
و لكن في كل حال من الأحوال الحرية هي مسألة نسبية و ليست مسألة مطلقة .......


الديمقراطية : و أنا برأيي هي عبارة عن فقاعة كبيرة لا وجود لها في الطبيعة .....



و برجع بقول أن كل شي حكيتو هو رأي مختصر و الرأي قابل للنقاش بكل حال من الأحوال .

و بالنسبة للموضوع الرئيسي فأنا متابعو و انشالله تستمر هالطريقة بالحوار
و ألنا عودة.:D

أغا ردك رائع و أنا معك بكل شي

بس هون في شوية خلاف

الديمقراطية : و أنا برأيي هي عبارة عن فقاعة كبيرة لا وجود لها في الطبيعة .....



لنا عودة قريبة

نا عودة قريبة

BA3DEAK MA RG3T ?????

يا سيد يا غاندي عمرك أطول من عمري ..
كنت ناوي أكتب عن نفس الفكرة من شوي ..
بس شو بدك تحكي ..

شباب المعارضة ما عندهم أي حجة تقوي كلامهم ...شاطرين بالتهجم والسب والشتم بس ..
وبما أنو اتفقنا من أول الموضوع أنو ما نغلط بالكلام ..
فبرجع بعيد دعوتي لنقاش سياسي خالص ...ومناقشة الأفكار الي عندكم ..

مع أنو بشك بوجود أفكار غير أفكار الــ ؟؟؟؟
بدي قول انو اكتر من تلتين الشعب مابيكره بشار بالعكس بيحبو (وانا منن)
واللي بيكرهو مامعن شي ضدو شخصيا يعني اذا ابن خالو وكم واحد حواليه مو بني آدمين شو بيعمل ؟؟؟
هلق هوعم يحاول يظبط امورو مع رامي وغيرو ورح يطلعن برا بس صبرو عليه شوي والله هو بيحب بلدو بس اجى بوقت حواليه مافيا ما بتخاف الله
بعدين اللي ضدوا فاكتريتهم ضدوا طائفيا مع العلم اني مو من طائفتو....
وبالاخير يحكمني علوي محترم متل بشار احسن ما يحكمونا الاخوان اللي برأين اسامة بن لادن هو اللي بيفهم ..........اي مو ريتا صرمايتي بدقنو
بعدين نحنا المسلمين عم نحكي عالصور .... كيف بدنا نعصب ونفجر ولما ابن حرام ... عفوا ابن لادن فجر التماثيل البوذية ما حدا منا ما فرق معو....
حدا يجاوبني..........

كان بودي علق
بس ما بحب اتدخل بشؤون بلد تاني
بس بدي حييكم عالموضوع الجدي الحواري البناء

مع اعتذاري لجميع الردود السابقة سأعود للموضوع الاساسي, أي الأسئلة التي طرحها صياد الطيور .

...أتمنى من كل معارض وضع الشخص الذي يراه مناسباً ليكون بديلاً
عن( الدكتور بشار الأسد )


أعتقد أن الشخصية (أي الاسم) ليس له أهمية , أقصد أن الأهمية كلها للنظام ... لكنني مع ذلك أعتقد أن ميشيل كيلو يصلح رئيسا للجمهورية .

ووضع أسم الحزب الدي يراه هو الأنسب بقيادة سوريا ... وطبعاً مع تقديم الأسباب ..


لا أوافق أبدا على نظام الحزب الواحد , أيا كان هذا الحزب .
أعتقد أن النظام الأنسب هو الديمقراطية البرلمانية المتعددة الأحزاب , و أن يكون الشرط الأوحد لهذه الأحزاب هو الولاء أولا و أخيرا لسوريا (سوريا كمفهوم مجرد للوطن , ليس للعروبة أو الدين أو للاشتراكية ..الخ)
لو حدثت انتخابات ديمقراطية في سوريا فصوتي سيكون لحزب اشتراكي ديمقراطي (اشتراكي على الطراز الأوربي , ليس اشتراكيتنا الجنبلاطية).

أعتقد أن الشخصية (أي الاسم) ليس له أهمية , أقصد أن الأهمية كلها للنظام ... لكنني مع ذلك أعتقد أن ميشيل كيلو يصلح رئيسا للجمهورية
برافو عليك:سوريا:
بحييك على نظرتك المنطقية يا ملك

برافو عليك:سوريا:
بحييك على نظرتك المنطقية يا ملك
بما انو عجبك ردو فيكن تشرحولي معنى الاشتراكية اللي قصدكن عليها؟؟؟؟؟
يعني روسيا اللي اخترعت الاشتراكية سقطت تجربتا الاشتراكية فحددوا معنى الاشتراكية.......
انا ما بقترح غير بشار لانو زلمة محترم بس حواليه .........ولك اخخخخخخخخخخ
منهن بس

بما انو عجبك ردو فيكن تشرحولي معنى الاشتراكية اللي قصدكن عليها؟؟؟؟؟
يعني روسيا اللي اخترعت الاشتراكية سقطت تجربتا الاشتراكية فحددوا معنى الاشتراكية.......
انا ما بقترح غير بشار لانو زلمة محترم بس حواليه .........ولك اخخخخخخخخخخ
منهن بس

كلام سليم 100 %

كلام سليم 100 %عراسي الصياد بس عنجد حدا يجاوبني
شو المعنى.........

بما انو عجبك ردو فيكن تشرحولي معنى الاشتراكية اللي قصدكن عليها؟؟؟؟؟

أيى و ليش آخد ع خاطرك؟؟ طول بالك !
يعني روسيا اللي اخترعت الاشتراكية سقطت تجربتا الاشتراكية فحددوا معنى الاشتراكية.......

روسيا اخترعت الاشتراكية ؟؟ يعني يخليلي ياك اقرا شوية تاريخ قبل ما تجي تناقشنا من روس مناخيرك...
الاشتراكية المعتمدة بالاتحاد السوفيتي السابق كانت نظام دولة , يعني دولة اشتراكية بالتعريف "على الأقل نظريا"
أنا عم أحكي عن نظام ديمقراطي حر و متعدد الاحزاب , يعني نظام الدولة و دستورها و سلطتيها التشريعية و القضائية لا تتأثران بالحزب أو مجموعة الاحزاب التي تستلم السلطة التنفيذية وفق انتخابات حرة و عادلة .
أعتقد أن هذا كاف لتبيين الفرق بين دولة اشتراكية و دولة ديمقراطية يحكمها بشكل مؤقت حزب اشتراكي

انا ما بقترح غير بشار لانو زلمة محترم بس حواليه .........ولك اخخخخخخخخخخ
منهن بس
طيب هاد رأيك و انت حر فيه ...اللي ما بنفكر هيك ما النا رأي يعني؟!

هلق نحنا الكل تناقشنا بالوضع الحالي وكتير قلال الي قدمو حلول
بتمنى انو نقدم حلول وماتكون خيالية وتكون منطلقة من الواقع الي عم نعيشوا لانو القصة مو غمضة عين
وانا راح قول رائي او كيف بشوف انو هالحل ممكن
اول شي
لازم يصدر قانون احزب عادل مو ظالم وديمقراطي
ما يكون حزب واحد هو الحاكم يكون عبارة عن مجموعة احزاب بتمثل نسيج وطني
تلاتة واهم شي برأي منع اي حزب ديني
(بسبب انو الحزب الديني مو كل ابناء المجتمع بتقد تنتسب الو واكيد راح يكون في تميز على اسس دينية وعرقية )
الشلة الي حوالين الرئيس تتغير على بكرة ابها
لانو كلون حرمية
وهني بيعيقوا تحرك جيد للحكومة
(مثال انو بيطلع مرسوم جمهوري مفيد للشعب وهالمرسوم بيضير احد الوزراء ف المرسوم ما بيتنفذ)
طبعا وما قلت انو نغير الرئيس لانو رئي معرف مسبقا انو هو الشخص الوحيد الي عم يشتغل للبلد
وكل الي حواليه سلامتك مصاري وبس وسلطة وبس

تعديل بالقوانين القضائية (هاد مهم كتير)

الغاء حالة الطوارئ او تحديدها بحالات معينة
انو نخلص من قصة سجناء الرأي
ونلغي شي اسمو معارضة وندخل كلا بنسيج وطني واحد واحد
وشكرا
:سوريا: :سوريا: :سوريا:

مرحبا يا جماعة.....

اول شي بحب اشكركن عالهدوء الي عم تناقشوا فيه...

تاني شي انا بطلت فوت بهيك فوتات وهيك مواضيع من زمان لانو الكل بضل يقلي هدي وروقي وطولي بالك وهيك....

بس لما شفت الموضوع انو لاخي صياد الطيور فتت و حبيت شارك...

ولما شفت ردودكن الهادية تشجعت اكتر....
هلق انا بدكن تعذروني لسبب ضيق الوقت ما قريت كل الردود(بس رح ارجع اقراها)...

نحنا عم نحكي انو الدكتور هوه الي بيعمل و هو الي بيشتغل و فعلا الدكتور من وقت ما استلم عمل كتير كتير من الاشياء الي كانت بالنسبة للشعب مستحيل تصير..

بس باللله سؤال انتو عم تقولو بدنا وبدنا وبدنا ويلعن ابو هالعيشه وهيك...قولكن الدكتور عندو مسحة رسول او عصا هاري بوتر ليقدر ينفذ كل هالاشياء مرة وحدة... يا جماعة الفساد صارلو اكتر من 30 سنة و الدكتور ما في بيوم و ليلة يعمل كل هالمطالب بس ليكو عم يطلع درجة درجة..ان كان بالنسبة للمراسيم او الضباط...

وبنرجع وبنقول الله يرحم اهالي الامتال ما تركو شي الا وحكو... "لا يصلح العطار ما افسده الدهر"..بس نحنا عنا دكتور مو عطار لهيك دكتورنا عم يصلح شوي شوي....

تحياتي......:سوريا: ...!

مرحبا يا جماعة.....

اول شي بحب اشكركن عالهدوء الي عم تناقشوا فيه...

تاني شي انا بطلت فوت بهيك فوتات وهيك مواضيع من زمان لانو الكل بضل يقلي هدي وروقي وطولي بالك وهيك....

بس لما شفت الموضوع انو لاخي صياد الطيور فتت و حبيت شارك...

ولما شفت ردودكن الهادية تشجعت اكتر....
هلق انا بدكن تعذروني لسبب ضيق الوقت ما قريت كل الردود(بس رح ارجع اقراها)...

نحنا عم نحكي انو الدكتور هوه الي بيعمل و هو الي بيشتغل و فعلا الدكتور من وقت ما استلم عمل كتير كتير من الاشياء الي كانت بالنسبة للشعب مستحيل تصير..

بس باللله سؤال انتو عم تقولو بدنا وبدنا وبدنا ويلعن ابو هالعيشه وهيك...قولكن الدكتور عندو مسحة رسول او عصا هاري بوتر ليقدر ينفذ كل هالاشياء مرة وحدة... يا جماعة الفساد صارلو اكتر من 30 سنة و الدكتور ما في بيوم و ليلة يعمل كل هالمطالب بس ليكو عم يطلع درجة درجة..ان كان بالنسبة للمراسيم او الضباط...

وبنرجع وبنقول الله يرحم اهالي الامتال ما تركو شي الا وحكو... "لا يصلح العطار ما افسده الدهر"..بس نحنا عنا دكتور مو عطار لهيك دكتورنا عم يصلح شوي شوي....

تحياتي......:سوريا: ...!



حلو الحكي :ok: مو شرط نضل انعيط و نصرخ عل فاضي خلي الرئيس نفسو بس يشتغل بشكل جيد لصالح البلد

ما هيك كان قصدي....


انو نحنا بنحكي و بنطالب وكل شي تمام بس ما نطلب منه كن فيكن.....!

مرحباا

اول شي بحب قول انو انا مع الدكتور للعضم

بس لايمتا هيك بدنا نضل لايمتا الشعب السوري بدو يضل خايف
وخايف كتيير كمان
ولايمتا بدون يضلو يقلولنا اصلاح شو الاصلاح بدو معجزه ليصير
يا اخي في فاسدين بالبلد شيلوهون شو عم تستنو ليش يعني تاركينهون شو بدها كيميا القصه
وهلكتونا بالحرس القديم وشوعرفني طيب كمان شيلو
تاركينون حجه الكون بس
ونازلين ضخ بدماغ هالشعب انو العالم يلي حوالين الرئيس ما عم يخلو يساوو اصلاح
طيب معقول ما في حدا فيهون منييح وما في حدا نبهه
ومين لازم يساوي اصلاح في اعلا من الرئيس يعني

وانا برايي انو لو كان بدو يصير شي منييح كان صار من زماان
بس الوضع كل مالو للاسوأ ومو للاحسن ابدا

معلش ابو اليوس ....
وانت مين قلك انو ما صار تغييرات جذرية بمناصب الضباط و ضباط القصر (الحرس) حصريا............!

هلا صار .. ما اختلفنا وفي شي عم يتحسن شوي
بس مو هالتحسن الخارق يلي انحكا عنو
ويلاا انشالله الخير لقدام
والله يوفق الدكتور لكل خيير

اي مشوار الالف ميل يبدأ بخطوة....

و ع فكرة الخطوات الي عملها كانت جريئة ......كتير...!

اي مشوار الالف ميل يبدأ بخطوة....

و ع فكرة الخطوات الي عملها كانت جريئة ......كتير...!
وعفكرة اكتر
بس الدكتور الله يعينو عهيك شعب وعهيك عالم حواليه لانو شعبنا(اكيد مو كلو) بس يعني لا بيعجبو العجب ولا شي
يعني انو بدن التطور والديمقاطية والحرية بيومين يعني الو خمس سنين زادت الرواتب (مع الغلا)وعالقليلة صار عنا انترنت بعدين جامعات خاصة وهيك .........
انا ما عم نظر بس انو في تحسن بس شوي شوي
وانا رأيي نطول بالنا وبعدين منشوف ..............

هاد احكي............

هاد احكي............
على شو الكل بيعرفو بدون شرح انو حكي صح بيجوز في آراء غير رأيي بس هادا حق الشباب

بس الدكتور الله يعينو عهيك شعب وعهيك عالم حواليه لانو شعبنا(اكيد مو كلو) بس يعني لا بيعجبو العجب ولا شي


"الدكتور" متل ما بتسميه ما حدا جابرو ع هالشعب عرفت كيف؟ الشعب السوري متلومتل غيرو بدو التطور و التقدم , يعني لا ترميلي الحق عالشعب !

يعني انو بدن التطور والديمقاطية والحرية بيومين يعني الو خمس سنين زادت الرواتب (مع الغلا)وعالقليلة صار عنا انترنت بعدين جامعات خاصة وهيك .........

هلأ الانترنت والجامعات الخاصة صارو تطور ؟؟!!
طبعا حصل تطور بخمس سنين , اجباري بدو يصير تطور , بس مو على أيد النظام .
لما عندك أربع سيارات (عالأساس متل بعض)
ثلاث منهون سرعتهون الوسطية فوق المية
و عندك سيارة وحدة سرعتها ما توصل الأربعين... المنطقي انك تشوف ليش هالسيارة ما عم تمشي متل التانيين , مو تقعد تشكر الله على أنو السيارةعالقليلة بتمشي, مو منطق هاد!!!



انا ما عم نظر بس انو في تحسن بس شوي شوي
وانا رأيي نطول بالنا وبعدين منشوف ..............


انت شايف تطور بطئ و أنا شايف تخلف يحدمن سرعة التطور , الشغلة مانها بطول البال , نحن الدولة الوحيدة بالعالم اللي طاقتها الانتاجية للبترول أكثر من نصف مليون برميل يومي و ميزانيتها خاسرة , اسمو تطور هاد؟؟

يعني من ضل في حيز الرأي و الرأي الآخر.. مع الاحترام و التقدير لرأي الشباب (المختلف)
و على رأي ياس ..
أنا بصراحة ما بشوف الموضوع موضوع أنو شغلة بدها وقتها و نحنا مستعجلين
أكيد ما في شي بصير بعصا ساحر بين ليلة و ضحاها
و أكيد ممكن ملاحظة الفجوات في المفاهيم في صفوفنا كشعب و ضعف الوعي لأمور كثيرة إن كان سياسيا أو اجتماعيا او اقتصاديا أو ثقافيا ، يعني ما حدا ولد معلم و نحنا بالأيام و الخبرة و التجربة كلياتنا منتعلم، هاد من جهة
من جهة ثانية يعني بصراحة اللي شايفينو هو مراوغة من الحكومة و مطمطة ما الها طعمة و حجج فارغة و خلط عباس بدباس و يعني خطوة لقدام و ثلاثة لورا..
هلق المؤسساتية و العمل الممنهج بيقول وين البرنامج، يعني خلي يكون في برنامج طويل أو متوسط الأمد بس يعني يورجونا شي ملموس ..
أما وعود فارغة و حجج و مطالبة بوقت و تروي و و عفوا يعني هادا اسمو علاك و ضحك على اللحى
يعني لما بدك وقت حدد شو بدك تعمل بهالوقت.. و بشكل قابل للقياس مثلا: بدنا 5 سنوات لننهي العمل بقانون الطوارئ و رح يكون الموضوع على كذا مرحلة و بتشمل كذا و كذا
يعني مع أنو الموضوع من أساسوا مرفوض و ما الو داعي بس يعني معلش اللي ما بيجي معك تعا معو .. بس ما في فايدة دق المي و هي مي
و أبشع شي عندي هو التحجج بالوضع في المنطقة و الوجود الأميركي طيب خلينا نكون واقعيين و لو استفزينا الشباب "الموالين" (ملاحظة أنا ضد التصنيف المولاة و المعارضة، لأنو كل واحد منا موالي و معارض بنفس الوقت بنسب مختلفة و بمعايير و أساليب مختلفة) يعني مين اللي متحاما بأميركا؟ الشعب؟ و لا النظام ؟؟

ارجو ان تسمحوا لي باضافة شيء بسيط... جميعا لدينا اراء... وجميعا نعترض... نفرح.. نفكر... وجميعنا نختلف ثم نتفق ثم نعاود الكرة... ولكن... الدينا الشجاعة لنقر بان المشكلة فينا نحن؟؟... اذا تغير النظام... وتغيرت الاحزاب... وقلبنا الطاولة على رؤوسنا... بين ليلة وضحاها... هل سيصلح هذا كل شيء؟؟.. اعذروني... مجرد تساؤل أحببت أن أشارك به...

ارجو ان تسمحوا لي باضافة شيء بسيط... جميعا لدينا اراء... وجميعا نعترض... نفرح.. نفكر... وجميعنا نختلف ثم نتفق ثم نعاود الكرة... ولكن... الدينا الشجاعة لنقر بان المشكلة فينا نحن؟؟... اذا تغير النظام... وتغيرت الاحزاب... وقلبنا الطاولة على رؤوسنا... بين ليلة وضحاها... هل سيصلح هذا كل شيء؟؟.. اعذروني... مجرد تساؤل أحببت أن أشارك به...

بمناسبة الحديث عن الشجاعة المشكلة اللي فينا عارفينا
بس المشكلة في النظام الذي يصور على أن هناك خياران إما الوضع الحالي أو الفوضى العارمة
إذا كان احتمال فوضى فهو الفوضى التي بنا لها النظام كصمام أمان في وجه أي مطالبة بالتغيير
و الحديث يطول
تقول تغيرت الأحزاب ؟ و البلد فيها حزب واحد و هو حزب نظري و ليس عملي فمفهوم الحزب مغيب عن السياسة السورية ، الحزب افترض و بكلماتي الشخصية هو تجمع مجموعة من الأفراد التي تمتهن السياسة أو تدعم من يمتهنها و ذلك ضمن أجندة معينة و بأهداف معينة و يقوم بالتنافس على الحكم من خلال الانتخابات المختلفة : النقابات و الإدارة المحلية و المجلس التشريعي عن طريق إعلان خطة عمل و أهداف معينة تجلب له أصوات الناخبين و يقوم بتمثيل رأي محدد أو مجموعة محددة و الأحزاب الفائزة بالأغلبية تبدأ بتنفيذ برنامجها و الأقلية السياسية في الانتخابات تشكل المعارضة التي تدعم عمل الأحزاب الفائزة لأنها (تلحقه على الدعسة) و تفند أي خطأ صغير و تسلط الأضواء عليه..
و الملاحظ أن تنفيذ برنامج الحزب يكون عن طريق إطلاق برامج تتفق عليها الحكومة و يصادق عليها البرلمان على شكل قوانين .. الخ
أما أن يصل حزب بوسائل غريبة عجيبة إلى السلطة (دبابات اغتيالات انقلابات) و يقوم بعدها بإصدار قانون يحتكر بمقتضاه السلطة ثم يسيطر على أجهزة الدولة و النقابات و و و يعطل عملها للتحول إلى دوائر استخبارات و شرطة سرية مصغرة تقوم بتوزيع المنافع على الموالين بدلا من قيامها بأعمالها بكلام آخر تعطيل الحراك السياسي و الاقتصادي و الاجتماعي في البلد و من ثم الإدعاء بأن أي مطالب بالمشاركة في السلطة أو الرقابة على الموظفين غير الكفوئين هو فوضوي أو ناقم أو عميل ليصور أن الحياة السياسية في البلاد لها شكلان لا ثالث لهما إما حكم شمولي قمعي غير خاضع للمساءلة بحجة أنه يؤمن الاستقرار (و أي استقرار نتحدث عنه هنا) أو هيجان و فوضى و حرب أهلية فليكن لدينا الشجاعة لنقول أن هذا "الحزب" فاقد الأهلية و فاقد الشرعية
بل أنه يفترض أن الطريقة الوحيدة لإزاحته من السلطة هي العنف الدموي؟؟!! ليكن إذا لدينا الشجاعة مرة أخرى و لنسمي الأشياء بمسمياتها إنه مجموعة متشبثة بالسلطة و تعلنها صراحة أنه لا طريقة لإزاحة من الحكم إلى بقتالها أي أن أي معارضة سلمية مصيرها القمع و حتى القتل و بكلمة أخرى إنه نظام حكم يشجع الإرهاب و الفوضى ضمنا و لا يتيح الفرصة إلا لنظام أكثر قمعا و دموية ليحل محله .. يعني لا يتحمل هذا النظام فقط مسؤولية ما وصلنا إليه بل يتجاوز ذلك ليتحمل مسؤولية ما سنؤول إليه إيضا
تحية

سيدي... رائع أن نعرف المشكلة التي فينا... وهذا شيء يسرني إلى أبعد الحدود... أحببت فقط أن انوه إلى أنني لم أقل أن الأحزاب تغيرت... قلت( في بداية الجملة) ( إذا تغير النظام.. وتغيرت الأحزاب)... كنت فقط أفترض...في تعريف الحزب... معك كل الحق... ولست ملمة إلى هذا القدر بالتاريخ... لكنني ضد التحزب وهيكلة أفكارنا ضمن تسلسل يغيظ( دوائر ونقابات ومجلس و.........الخ)... وكذلك ضد ما يحدث من عرقلة دائمة لعقولنا... وضد الخيار الوحيد الذي وضعونا أمامه فإما ما نحن عليه.. وإما عنف قاتل...؟؟... على حد تعبيرك.... ومعك أنا في أن أي حزب ( أو غيره) وصل على جسر من الدماء.. لا يمكن أن ينفذ ( وعلى المدى الطويل) إلا ايديولوجية القسر ... وأضيف... ربما بات الجميع يعرف هذه الحقائق... ومعظمهم.. إن لم يكن خائفا من التعبير أمام كل ما يحدث.. فلا يجد أمامه إلا الفوضى المزعومة... وعلى حد علمي( الذي ربما يكون خطأ)... أن شعبنا لم يؤسس بشكل واضح.. أي أنه ليست لدينا الآن خلفية تفكير سياسية واضحة حتى تكون مرجعية نتخذ على أساسها قرارات مصيرية... بشكل آخر... لم يعودونا التفكير بهذا الاتجاه( أو لم يسمح لنا بذلك)... وهذا ما قصدت بأن المشكلة فينا نحن.... ولست ضد من يقول بأن الفساد يعم المكان.... ولكني لا اعلم تحديدا ما يجب ان يصحح وما يجب ان يقتلع من جذوره لتحل محله الدماء الجديدة.... لذلك... لي ولمن مثلي... علينا ان نبدأ بأنفسنا... وما نحن في مناقشات تحمل روح الشباب وعنفوانه إلا لهذا ( على ما أعتقد)....

وتحية ( سورية ) خالصة...!!!!!!!!!!

وجهت نظرك مهمة فعلا، و هذا أكيد شجاعة بأن نفكر بأن التغيير يبدأ من أنفسنا ، بمعنى أن لا نعتبر أننا كاملين و منزهين عن الخطأ و لكن نتعود على المشاركة و الحوار و تبادل الأفكار و التروي في محاكمة الآخرين
بصراحة أنا ماني متحزب و لا يمكنني الإنضمام إلى أي حزب ، لأن أفكاري من رأسي و لا أستطيع الالتزام بقرارات جماعية ..الخ
و شكرا لك على التوضيح
على راسي سوريا و السوريين كلون

بس المشكلة في النظام الذي يصور على أن هناك خياران إما الوضع الحالي أو الفوضى العارمة

فعلا تم تلخيص الأزمة السورية في جملة واحدة ...
النظام البعثي يستغل لأقصى حد الوضع المزري في العراق اذ أنه يعمل على زرع الاعتقاد بأنه اذا تم تغيير النظام فان الوضع في سوريا سينقلب الى الفوضى التي نراها في العراق الجريح ...
لا ندعو الى الثورة ولا الى الانقلاب كما يدعي البعض, دائما أقول أنني ضد خيار الدبابة مهما كانت جنسية هذه الدبابة, أمريكية كانت أم سورية .
الكرة الآن في ملعب النظام, الحل الوحيد هو الاعتراف بالأخطاء و العمل على حلها بهدوء ولكن باستمرارية . مكافحة الفساد لا تتم بالقبض بين الحين و الآخر على مسؤول ما ... علينا أن نتعامل مع الفساد بوصفه قد أصبح أسلوب حياة للأسف و ليس كظاهرة معزولة كما يحاولون ترويجه .

لا أحد يرغب برؤية سوريا ذليلة , لا تحت أقدام الأمريكان ولا تحت أقدام من يفترض أنهم أبناؤها.

علينا أن نتعامل مع الفساد بوصفه قد أصبح أسلوب حياة للأسف و ليس كظاهرة معزولة كما يحاولون
عنجد ياس
انت عم تحكي الواقع بشكل متجرد
كلنا بسوريا تعلمنا الفساد وكيف نكون فاسدين
من خلال تعامل الدولة معنا
والكبير بياكل الصغير
وومافي شي بيمشي بلا واسطة وبلا رشوة
لك حتى بالدين عطوا للرشوة مفهوم تاني
وهو تيسر الامور يعني غطوا على الرشوا بهالغطاء
بس كمان ما فينا الا نقول الحق معون لانو مجبورين

بتعرفوا...

يمكن ما لازم فوت بهالنقاش....(او بالاحرى..اكيد)...

لانو لا انا رح اقتنع معكن ولا انتو رح تقتنعوا معي....

تحياتي..

بتعرفوا...

يمكن ما لازم فوت بهالنقاش....(او بالاحرى..اكيد)...

لانو لا انا رح اقتنع معكن ولا انتو رح تقتنعوا معي....

تحياتي..
بتعرفي ايف كيف انا مريح راسي
بشغلة واحدة
انو انا لا مع هدول ولا مع هدول
انا بقول للصح صح صح
والغلط غلط
ان كان لهدول او لهدول

بتعرف كيف...

وكمان انا رح ريح راسي....

بما اني اذا فتت بهيك اشياء رح كون متل الي بغني بالطاحون...

فخلي كل واحد يفكر متل ما بدو....
انا ما دخلني...

انو يعني انا بحب هاد وانت بتكرهه ميني انا لاجي قلك لا غصب عنك بدك تحبه....

تحياتي...

بتعرف كيف...

وكمان انا رح ريح راسي....

بما اني اذا فتت بهيك اشياء رح كون متل الي بغني بالطاحون...

فخلي كل واحد يفكر متل ما بدو....
انا ما دخلني...

انو يعني انا بحب هاد وانت بتكرهه ميني انا لاجي قلك لا غصب عنك بدك تحبه....

تحياتي...
:shock: :shock: :shock: :shock: :shock:
لك القصة مو قصة حب
قصة تبادل افكار
وشرح وطرح
وكل واحد عندوا حرية بالي بيختارو وبالضرورا نغير رائينا اذا ما لقينا انو حدا معنا
بس شي اكيد ولازم
نحترم اراء بعض
وانتي كتير كنتي رائعة بالحوار
:سوريا:

:shock: :shock: :shock: :shock: :shock:
لك القصة مو قصة حب
قصة تبادل افكار
وشرح وطرح


شو شايفني مجنونه..:aah: .اكيد بعرف انو مو قصة حب:x ..بس انا جبتو مثال للتقريب لا اكثر..:jakoush:


وكل واحد عندوا حرية بالي بيختارو وبالضرورا نغير رائينا اذا ما لقينا انو حدا معنا
بس شي اكيد ولازم
نحترم اراء بعض

طبعا هاد الشي معروف..مانا حاطين عدادات ع اراء وافكار الاشخاص..كل واحد عندو الحرية يفكر متل ما بدو..وبلا فرض اراء...;-)

وانتي كتير كنتي رائعة بالحوار
:سوريا:

شكرا كتير...:سوريا:

انا ما حكيت شي..:hart:

هلأ ليش حاسس إنو في ناس مو فهمانة لعبة الإعلام السياسي ؟؟؟
(النظام عم يستغل وضع العراق المزري إعلامياً لتخويف الناس من مستقبل يتم فيه إسقاطه)
إي عادي...
ليش ما انتبهتوا إنو الأميركان والإنكليز هني ملوك اللعبة الإعلامية؟
بوش وبلير صاروا يطلعوا عالتلفزيون أكتر من المذيعين!! و خود على خطابات شي بطعمة و شي بلا طعمة...
أما بالنسبة لصدق نوايا المستخدم فهاد مفهوم مطاط
أنا بشوف إنو من حق نظامنا يستغل الموضوع لدعم ركائزه مؤقتاً...
بس...
يفترض يكون في طرف معارض مقابل عم يعطي أفكار أخرى تخلي المواطن يختار المقنع أكتر
يعني:
الحل برأيي قنوات إعلامية خاصة 100% وحرة مستقلة 100%
بس للأسف اللي عم يصير هوي إنو عم يتم التضييق على المؤسسات الموجودة حالياً ومحاصرتها بكل الوسائل !!! و آخرها مضايقة الدومري.