المساكنة..... [الأرشيـــــف]

رايح عاليسار شوي

07/09/2009, 13:04

مرحبا يا رفاقي ويا رفيقاتي .........
بتمنى أوقاتكم تكون روااااق وع الآخر لما تكونو عم تشوفو ه المشاركة..أو الاستفتاء....أو اللي بدكم ياه....
المهم انو بتمنى تعطوني رأيكم بهالموضوع اللي كتير من الشباب والشابات بهالمجتمع الخائف من أي خطوة أخرى تجاه الانفتاح بين الجنسين,,,,,
وللتوضيح....المساكنة هي سكن شب ورفيقتو ببيت واحد....ممكن يكونو بحبو بعض ....ممكن يكونو مرتاحين لبعض ......وممكن تكون علاقتهم محددة بطريقة هني بيختاروها....
موضوع المساكنة .....هو موضوع كتير بسيط وكتير محبذ من الطرفين بس في عوائق عم توقف بوش هالموضوع وتمنعنا من انو نتناقش فيه بجدية وهيي انو نحنا لحد الآن رغم كل اللي عم نعيشه من تطور وحضارة عم نخاف من أنو ننفتح على بعضنا ولساتنا عم نعتبر أنو موضوع اختلاط الشباب والشابات ببعضهم البعض هو موضوع محرم ويجب الحد منه بأي طريقة .....ولساتنا كل ما شفنا بنت ماشية مع شب منتطلع عليهن ومنقول الله يعلم شو صاير بيناتن والله العليم وين كانو ووين رايحين...طيب شو دخلك ومين اللي سمحلك تتدخل بعلاقتهم مع بعض وشو بدك فيها وين كانت ووين رايحة؟؟؟؟طلاع من حياتن وطلاع من راسن وطلعهن من راسك يا أخي....
و شكرا ...جدا.......جزيلا.......:deal:

Nay

07/09/2009, 13:16

انا من حيث المبدأ مع المساكنة.. بس اذا كان الطرفين رح يعيشو بالمتخبي .. ورح يضلو خايفين من الأخرين ومن حكم الناس.. ومن الفوتة على البيت والطلعة بالسرقة وبالسر فأنا مو مع المساكنة لانو رح تسبب عدم استقرار بالعلاقة وخوف دائم..
بس اذا الطرفين عندون جرأة يعلنو القصة ما عندي مشكلة..

Nasserm

07/09/2009, 13:22

مع

لإنو "الخلاص فردي"..

يمان Rooooonaldo

07/09/2009, 13:31

بالنسبة الي .. ما بحبذا ..

لاني ما بحس حالي بكون مرتاح ..:gem: يعني انا هلا .. عايش برا البلد .. وساكنين سكن شبابي .. بيضلو وقت يكونو شباب عبعض بحسا .. أريح .. الي والها .. يعني .. انو بتكون اخد راحتك اكتر ..

هلا لو بدي ناقش الموضوع .. من ناحية الفكرة نفسا .. انو ما برفضها قطع قاطع وانو ما بقبل ابدا وهيك ما بيعرف الواحد كيف ظروفو ممكن انو تحكمو .. بس انو .. يعني بالنسبة .. الي انا ما لح كون مرتاح ..

:D

bacteria

07/09/2009, 13:42

شو هالفكرة المعوقة

:shock:

THE_unforgiven

07/09/2009, 14:20

في حبيب القلب فيه .. في كتير أسباب .. بعطيك شوي منن ..
1- الهرمونات الجنسية
2- قوانين المجتمع
3- قوانين الدولة
4- الأهل ..
5- كونن رفقة ... ومش أكتر .. ومافي شي رسمي ..
.
.

عياش

07/09/2009, 14:26

في مجتمع يعتبر أن المراة بكل ما فيها من صوتها لاسمها لكوعها عورة لا يمكن رفع الصوت بالتحدث عن المسكانة أساسا هي هنالك من يستوعب ما هي المساكنة بشكل واضح.
أنا مع المساكنة سواء من حيث أنها قد تكون بديل عن الارتباط الذي لا يمكن أن يتم سواء لأسباب مادية أو شخصية أو موضوعية كما أن مجرد الاقامة مع شخص من الجنس الآخر طالما أن الامر مريح للطرفين هو امر انساني وأخلاقي ويؤكد على تميز الانسان عن باقي المخاليق.

MadMax

07/09/2009, 14:31

بالمطلق ... مع ..
بس بمجتمعنا ... بعد صعبة

يعني مجتمع بعدو مو متقبل حتى فكرة الزواج المدني .......بظن كتير بكير يحكي بالمساكنة

يعني أقرب للخيار التاني بالتصويت

Dndoshy

07/09/2009, 14:50

مع المساكنة..بس أنو الزواج بضل غير..أنا بحب الرسميات :o

جاد81

07/09/2009, 16:24

انا مع الفكرة 100% و أنا عشت الفكرة اثناء عملي في دبي لفترة قصيرة .... و السبب اننا كنا من عدة جنسيات مختلفة و اغلبها اوربية ....لكن في مجتمعنا السوري المحافظ و المـُنقاد للعادات البالية بدها وقت و فترة من الزمن للنضوج الفكري عند الشباب لكنها آتية لا محال.....التغيير آت ٍ يعني آت ٍ.....المسألة مسألة وقت....

Lost Pain

07/09/2009, 16:57

طيب أنا معها .. بكل ايجابياتها وسلبياتها ..
مع انو بمجتمعنا هالشي مرفوض ..
حتى القانون بيتدخل ببعض حالات من هالنوع ..

شوفو هديك الورقة شو بتعمل عجايب ومعجزات ..:frown:

Sun Shine Art

07/09/2009, 16:59

.....التغيير آت ٍ يعني آت ٍ.....المسألة مسألة وقت....

موجوده وبكتره وبسوريا ..وانا مع هل الشي وماني ضدها ان كانت ع مختلف الاصعده والاسباب ..بالاخير هي بعتبرها شغله شخصيه وعايده للشخص بحد ذاته ..ومافينا نحكم ع الاشخاص بالاخير كل واحد هو وظروفه ...

وانا بايدها

عياش

07/09/2009, 17:11

طيب أنا معها .. بكل ايجابياتها وسلبياتها ..
مع انو بمجتمعنا هالشي مرفوض ..
حتى القانون بيتدخل ببعض حالات من هالنوع ..

شوفو هديك الورقة شو بتعمل عجايب ومعجزات ..:frown:

ممكن أستوعب أن تقوم الدولة بقمع الدعارة على اعتبار أنها وسيلة غير مشروعة للكسب رغم ان بلدنا تحول لمنتج لا يستهان به للسياحة الجنسية خصوصا لأخواتنا من عربان البترول ولكن ان تقوم الدولة كمؤسسات بمحاسبة الذين يقومون بفعل الزنى فهذا غير مفهوم بالنسبة لقانون يعتبر أساسا علمانيا طالما ان الأمر لا يتم على الملأ (أي بمكان عام) أي أنهم لا يؤذون أحد ولا يعتدون على حرية الآخرين.

Nay

07/09/2009, 17:31

موجوده وبكتره وبسوريا ..وانا مع هل الشي وماني ضدها ان كانت ع مختلف الاصعده والاسباب ..بالاخير هي بعتبرها شغله شخصيه وعايده للشخص بحد ذاته ..ومافينا نحكم ع الاشخاص بالاخير كل واحد هو وظروفه ...

وانا بايدها
يمكن موجودة بس مو بالعلن.. كتير قليلة الحالات الي معلنة المساكنة فيها... يمكن بكل اعالم العربي ماسمعنا بمساكنة معلنة غير عند زياد رحباني وقت سكن مع كارمن لبس مدة 13 سنة.. وغير هدول ما سمعت..
في كتير جنس خارج الزواج ومو لازم نخلط بينو وبين المساكنة:D

Nasserm

07/09/2009, 17:36

طبش الميزان لصالحنا :)

Sun Shine Art

07/09/2009, 17:42

يمكن موجودة بس مو بالعلن.. كتير قليلة الحالات الي معلنة المساكنة فيها... يمكن بكل اعالم العربي ماسمعنا بمساكنة معلنة غير عند زياد رحباني وقت سكن مع كارمن لبس مدة 13 سنة.. وغير هدول ما سمعت..
في كتير جنس خارج الزواج ومو لازم نخلط بينو وبين المساكنة:D

وانا مع هل الحكي ..المساكنه مو ضروره تكون علاقه حب ...او حتى لو كانت علاقه حب..ماني ضدها ...

واكيد هون عم نحكي ع المساكنه بمختلف ظروفها وانواعها :D

يمان Rooooonaldo

07/09/2009, 18:26

يمكن موجودة بس مو بالعلن.. كتير قليلة الحالات الي معلنة المساكنة فيها... يمكن بكل اعالم العربي ماسمعنا بمساكنة معلنة غير عند زياد رحباني وقت سكن مع كارمن لبس مدة 13 سنة.. وغير هدول ما سمعت..
في كتير جنس خارج الزواج ومو لازم نخلط بينو وبين المساكنة:D

ناي ..:D

عـ فكرة .. وبدمشق تحديدا هي الشغلة صارت موجودة .. وعالعلن بكتير اماكن وخصوصي بالسكنات الجامعية " ما قصدي السكن الحكومي ولكن القصد انو طلاب جامعيين " .. +

بتطلعي عجرمانا بتلاقي كتير مغتربين وهيك وناس ساكنة .. شباب وبنات .. ما عادت متل اول مخباية هالشغلة ..

:D

zen

07/09/2009, 18:33

انا معها وكتير فكرة حلوة
بس متل ما قالوا عنا صعبة
هلق المساكنة موجودة بالشام بصور مختلفة وهي تجربة كتير حلوة
بس هلق لما بتجب تقول مساكنة قدام حدا
ع السريع بيقلك جنس
انو المساكنة مفهومها عنا محدد انو كل شب وبنت سكنووو سوا لازم يصير بينون شي

Nasserm

07/09/2009, 18:46

عـ فكرة .. وبدمشق تحديدا هي الشغلة صارت موجودة .. وعالعلن بكتير اماكن وخصوصي بالسكنات الجامعية " ما قصدي السكن الحكومي ولكن القصد انو طلاب جامعيين " .. +

بتطلعي عجرمانا بتلاقي كتير مغتربين وهيك وناس ساكنة .. شباب وبنات .. ما عادت متل اول مخباية هالشغلة ..

طلع اسمي :)

blackiris2009

07/09/2009, 21:11

ليه بتحبو تطرحو افكار
دخيلة عالمجتمع
كل شاب وافق عالمساكنة

خبرني
شو رايك بأختك كمان
تكون من ضمن المؤيدين؟؟؟؟؟

DARKNESS

07/09/2009, 21:18

المساكنة بمجتمعنا تحتاج لعدة عوامل قبلها يجب ان تكون ناضجة و افكار تكون متبلورة قبل ما ننتقل لحيز التطبيق العملي

Nasserm

07/09/2009, 21:25

ليه بتحبو تطرحو افكار
دخيلة عالمجتمع
كل شاب وافق عالمساكنة

خبرني
شو رايك بأختك كمان
تكون من ضمن المؤيدين؟؟؟؟؟

شو رأيي؟

رأيي قلتو..

أما رأي إختي أو أي حدا تاني من قرايبيني.. فـ هو رأيو.. شو ما كان يكون

دخيلة ع المجتمع؟

إي دخيلك ع هالمجتمع اللي رح تتطحبش أحوالو إذا في تنين بدهن يعيشوا حياتهن الخاصة ع زوقهن!

شنو لأنو

07/09/2009, 21:31

خبرني
شو رايك بأختك كمان
تكون من ضمن المؤيدين؟؟؟؟؟هون يا روح الماما ما بيمشي الحال ...

قبولي بالمساكنة مع هالبنت هي ...

بفرض صار اللي خايفة منو حضرتك وصار علاقة جنسية ..

أظن انو هي بتبقى مشكلتي انا ... مو مشكلتك انتي ولا مشكلة اختي

وبالتالي اذا اختي كانت بمحلي ...
بظن نفس الظن انو كمان هي مشكلتها ...
لا مشكلتي انا .. ولا مشكلتك انتي كمان

وانو المجتمع
المجتمع كلو بقلب بعضو ..
بقيمو وبعاداتو هي اللي بتضل عكل لسان وسيرة... كمان هوي ... بالإضافة الك والي ولاختي ...
مالو علاقة بهي القصة ...
برجع بقول .. هي مشكلتي الشخصية ... او مشكلة هالشخص اللي عميعمل مساكنة

اي بس مشان يكون الرد عسؤالك واضح ...
طالما انا بعرف حدودي .. وواثق بحالي
عندي الثقة التامة باختي .. انو رح تعرف حدودها ... ورح تكون واثقة بحالها ... ورح كون انا كمان واثق فيها

فـ تروح .. وتعمل مساكنة ... وإذا بدها .. إذا بدها .. تعمل سيكس مع هالشب هاد .. انا ماعندي اي مشكلة ... لامعها .. ولا مع الشريك

وآخر همي .. شو بدو يقول عني المجتمع ... لانو بالنهاية ... بدو يتقبلني ... شاء أم أبى
بصفتي مواطن ، وبصفتي سوري ، وبصفتي انسان ... وكل واحد هوي وقناعاتو بالنهاية

وهيك نقطة أخيرة يعني ... انا عمري حالياً 30 سنة ... مواطن سوري .. من نص اللاذقية ، ضليت 7 سنين بروسيا... ويُقال عن روسيا ( وهالحكي من أهلها يعني ) بما معناه بعد الترجمة :

"العاهرات تملأ روسيا أكثر ما تملأها الثلوج"

وترى هال 7 سنين هدول الي بروسيا .. وعلى الرغم انو مبينة وجهة نظري تجاه هالشي
لازلت بتول .. :lol:
على الرغم من انو تنقلت بين 18 مسكن ... وكلهن كانو ضمن فئتي العمرية بهداك الوقت ... وكلهن صبايا

يعني الي بدي وصلو .. مو كل مين عمل مساكنة ... بدو يعمل سكس

وهي :D كرمال ما ينهز بدنك

ritka

08/09/2009, 01:37

انا كنت رح صوت مع .. حتى بمجتمعاتنا ولكن خربطت و نطيت ع الخيار التاني :)

هلا بالواقع كنت محتارة بين الخيارين اللي بالاول,, بس بعدين اكتشفت انو
ازا ما انتشر هاد الموضوع كتير .. رح ياخد وقت اطول بالمجتمع ليتقبلو

حاصلو.. انا مع .. و بقوة كمان

كل شاب وافق عالمساكنة
انا صبية.. و مع ذلك وافقت !

:D

zen

08/09/2009, 01:50

ليه بتحبو تطرحو افكار
دخيلة عالمجتمع
كل شاب وافق عالمساكنة

خبرني
شو رايك بأختك كمان
تكون من ضمن المؤيدين؟؟؟؟؟
مع اني ما بطيق نقاش بيكون من نوع انت بتقل ام
او اختك او بنت عمك
بخبرك انو بقبل مع انو ما خصني
وغير هيك انا اختي عاشت مساكنة تلات سنين وهلاء تجوزت
عجبك ؟؟;)

غيداء ذاك اسمي

08/09/2009, 01:57

انا ضد الفكرة اساسا :frown: وبرايي المساكنة شئ مو ثابت يعني هالطرف التاني ممكن باي لحظة يتركك وهاد الشئ رح يكون صعب عليك مهما كانت معزتو بالنسبة الك لانو التعود عالشخص بيفرق مع الانسان كتير

Nay

08/09/2009, 02:04

ليه بتحبو تطرحو افكار
دخيلة عالمجتمع
كل شاب وافق عالمساكنة

خبرني
شو رايك بأختك كمان
تكون من ضمن المؤيدين؟؟؟؟؟
وأنا كمان بنت و بقبل.. وبقبل بنتي كمان.. الزواج هوي ورقة بين الزوجين.. وروحي اللي بعطيها للشخص لما برتبط فيه مو محكومة بورقة او بمهر او بشهادة شهود..
:D

ِAbu Alzooz

08/09/2009, 06:27

ِAbu Alzooz

08/09/2009, 06:30

هلق فكريا انا مع و عمليا انا مع

بس الواحد بيخاف مع هالشعب العنيد

من شي رصاصة طايشة

من شي محل يعني بتضل الروح حلوة

اذا مشان قعدة نشرب فنجان قهوة برات الكلية بدنا نعمل استدعا شلون مساكنة

..Jimy

08/09/2009, 08:15

انا خطرت عبالي المساكنة كبديل مؤقت عن الزواج المدني..بعد ما كان الكابوس المسمى "قانو الحوال الشخصية الجديد" عم يحوم..

انو تنين بدهن بتزوجوا زواج مدني.. بيروحوا بيجبو نص الزواج المدني من عند محامي وبيوقعوه تنيناتهن وبيوثقوه عن كاتب عدل.. متل اي عقد بين شخصين..

وبيشتروا بيت وبيئعدوا سوا مساكنة.. واستشرت ناي بالموضوع وقتها من الناحية القانونية.. وطلع انو المساكنة مو ممنوعة بسوريا..لكن ممكن تسبب شوية وجع راس.. وهيك نص حل يعني..

اما عن المساكنة بالأحوال العادية..فانا حاليا بانتقالي عالشام عالأغلب رح استأجر غرفة بشقة وآعدين فيها صبيتين.. يعني مو حبا بالمساكنة..لو بصرلي ااعد لحال ما بئول لأ..بس انو هيك الظروف فرضت..
عادي يعني..

رايح عاليسار شوي

08/09/2009, 12:10

وآعدين فيها صبيتين.. يعني مو حبا بالمساكنة..لو بصرلي ااعد لحال ما بئول لأ..بس انو هيك الظروف فرضت..
عادي يعني..
:shock::shock:
أنا بستأجرلك شقة لحالك وبتقعدني مع هالصبيتين اذا كتير متدايق من هالموضوع:pos:

mary belle

08/09/2009, 15:52

وين مكان في سكن مخلوط..وكتير شي طبيعي..
بس ما بعرف كيف وطن العربي بشوفو هالشي..
يعني دخلك مين المجتمع...الناس هني المجتمع و هني بحطو القوانين عكيفن و هيك بسير في شي اسمو تعودو عليه و شي اسمو ممنوع..يعني المجتمع قوانينو ما نزل فيهن دستور او شي لازم و مفروض عالناس..نوو الناس هني بحد زاتن حطو حواجز لاشيا كتير ما بعرف!!

بس بعرف شغله انو هيدا الموضوع ما حدا لازم يناقش فيه كتير قبل ما يسير ,هي الشغله بئيد يللي بدو ياها...في سكن مخلوط و في لأ ,,بس انو ازا الواحد ما لقى عزوقو سكن انو بيرجع عبلدو و بلاله الدرس يعني!!:shock:

هلأ انا بسكن بنات بس انو بالوج تبع الشباب ويلي بدو في يروح و يجي و زيارات و بلكونات..
بس ازا الواحد اضطر القعده بزات الغرفه حيكون في حدود اكيد ..

ميرسي عالموضوع:D

شامي للنخاع

08/09/2009, 15:59

ما بعرف أديش في ئول انا مع ولا ضدد هل الشي
لانو بمجتعتنا في أشي كتير بدا تغير........لحتى نوصل لفكر صح.........وخاصة إذا كان مجتمع دمشقي محافظ......
في اشيا كتير بتنكسر بجدار الواقع...وتروح مع مهب الريح عند اول أزمة

رايح عاليسار شوي

08/09/2009, 17:18

.وخاصة إذا كان مجتمع دمشقي محافظ......

:shock:
:shock:
أها ...... وأنا عم قول ما شفتك بالتعزية ...... تاريك مو سمعان انو توفى..... البقية بحياتك.... والبقية ع الطريق كمان
.............دمشقي محافظ......هه هه شكلك يا أما ساكن بالشام وما عم تنزل ع الشارع يا أما مهاجر.....

Nasserm

08/09/2009, 17:26

البقية بحياتك....

تعيش

النتيجة لساتها طابشة لصالحنا..

أبشـِـر :)

Nay

08/09/2009, 17:47

تعيش

النتيجة لساتها طابشة لصالحنا..

أبشـِـر :)
هي النتيجة ما بتعبر عن حقيقة رأي الشارع السوري.. لانو نحنا بالأصل بمنتدى ألو طابع يساري.. ومتحرر.. يعني نحنا أكتر من غيرنا بالمنتدى..
وبالواقع قليل نصادف بسوريا ناس متل جيمي ومتلك ومتل زين او ابو الزوز مثلاً.. وانا ما عم اقصد بكلامي انو نحنا الصح وهنن خطأ بقدر ما عم أقصد أنو نتيجة التصويت ما بتعني شي اطلاقاً..

رايح عاليسار شوي

08/09/2009, 17:55

بقدر ما عم أقصد أنو نتيجة التصويت ما بتعني شي اطلاقاً..

هيك بدنا نزعل من بعض........
ولو يا رفااااااااااااق.....
مشوار الألف ميل يبدأ بخطوة..... ونحنا جيل الشباب ....وهالشي اللي عم نناقشوا لاهو سياسي ولا بدو ثورة .... الموضوع وما فيه انو نحنا منقدر نساعد ببناء الأساس للمجتمع الآتي اللي بتتحقق فيه طموحات أولادنا ورغباتن بدون ما يكون في هالعقبات.... وأنا كنت بتمنى اللي مو مقتنع بالفكرة ينورنا برأيو ويقول ليش مو مقتنع.... حتى نشوف يا منقتنع منو يا بيقتنع مننا وهيك منوصل لمجتمع مصغر متفاهم على أقل تقدير......لهيك نتيجة التصويت مهمة جدا بالقليلة بالنسبة لهالمجتمع تبعنا ((أخوية))..... ونحو مجتمع أخوي ورفاقي أفضل...:larg:
وشكرا ............ جدا ............جزيلا

Nasserm

08/09/2009, 18:02

هي النتيجة ما بتعبر عن حقيقة رأي الشارع السوري.. لانو نحنا بالأصل بمنتدى ألو طابع يساري.. ومتحرر.. يعني نحنا أكتر من غيرنا بالمنتدى..

أدري.. أدري

بس إنو.. أوقات بيتفائل الواحد يشوف حدا متلو.. حدا بيشبهو..

مشان ما يتم كل الوقت شايف حالو عم يغرّد خارج السرب.. لإنو بالآخر ممكن يسكت ويكن.. وممكن يطق

ع القليلة يكون في شي سرب يلمّو (ولنّو كام جلبوط عم يبلعطوا متلو يعني! :) صوري)

شامي للنخاع

08/09/2009, 18:28

:shock:
:shock:
أها ...... وأنا عم قول ما شفتك بالتعزية ...... تاريك مو سمعان انو توفى..... البقية بحياتك.... والبقية ع الطريق كمان
.............دمشقي محافظ......هه هه شكلك يا أما ساكن بالشام وما عم تنزل ع الشارع يا أما مهاجر.....

أهين:pos:....... لا يهمك مناظر الخارجية....تعى عا جواني وشوف........رح تلقي الي عم بحكي عنو.......ولك عم بنحكي بل حرية......وتحرر......لسه بدنا شغل كتير يا عزيزي.......وفت خبز......بس توصلو خبروني........لانو انا شكلو القطار فاتني وصرت ختيار........سلام خال:D

شامي للنخاع

08/09/2009, 18:30

تعيش

النتيجة لساتها طابشة لصالحنا..

أبشـِـر :)

حلو التفائل الي عم بتحكو في.........بس بلدنا ما بتعني شباب الاخوية وبس.........

zen

08/09/2009, 19:37

متل ما قالت ناي
هون بالاخوية ما منعبر عن المزاج العام
بس احيانا بتشوف ناس كتير متعصبين ظاهرين ض فكرة معينة وبس تصير عندهون بيصيرو يقبلوها شوي شوي

محمد ابراهيم

08/09/2009, 23:06

حسب الظروف والاحوال
يعني بصفة عامة انا مو معها لان الاضرار الناتجة عنها اكتر من منافعها .
اولا المجتمع بصفة عامة مابيتقبل هالفكر والافكار المشتملة عليه من الجنس خارج اطار الزواج والعلاقات واسلوب الغرب بالحياة . الشرق بيرفضه وبيتحفظ عليه . بعتقد رح تسبب مشاكل كتير للمتعايشين رجل وامرأة
تاني مشكلة ، اذا فرضنا حدوث حالات حمل(وهذا يحدث كثيرا بالمجتمعات الغربية) ، مشكلة جديدة بمجتمع له نظرة سلبية جدا تجاه الطفل الجديد ، وتضاف معاناة كان وليد ليس له دخل ولا اختيار لما حدث .
مشكلة تالته ، الاهل والاسرة وموقفهم من الابناء والاخوة بهذه الحالة .
المشكلة الرابعة ، هل الطرفين بمجتمع مثل مجتمعنا قادرين على التأقلم مع المعايشة بنفس السكن ؟ يعني مثلا هيعيشو حياة غربية بحته ؟! يقتسمو الواجبات والحقوق بكل شيئ ؟ مصاريف البيت والفواتير والاكل وكل شيئ مشترك رح يقتسموه ؟ ولا هيبتكرو رؤية جديدة معايشة على الفكر الكلاسيكي الشرقي ( الرجال قوامون على النساء بما انفقوا ) كلها نقاط تحتاج لحسم قبل اتخاذ القرار .
هناك مشاكل اخرى فرعية اقل اهمية ولكني ارة هذه المشاكل الاهم من وجهة نظري .

انا وضحت اني بصفة عامة ضد المساكنة .
لكن اذا لم اجد سكن وكنت سأنام بالشارع سأختار المساكنة و طز للمجتمع ، ما حدا رح ينفعني لما انام بالشارع :lol: (هاد موضوع تاني ) بس اقصد اقول لو المساكنة رح تحل مشكلة اساسية عندي ومارح تسبب لي مشاكل اساسية اكبر منها ، رح اختار المساكنة . كل واحد بيدور على اللي يحقق مصلحته وان انكر ذلك .

شنو لأنو

08/09/2009, 23:18

هلق معلش افهم انو ليش معظم الردود ... مصرة انو مساكنة = سكس :shock:

لك خيو تنين رفقات ... عمقول رفقات .. لا مصاحبين .. ولا حابين بعض .. ولا اي شي

حابين هيك يقعدو مع بعض ويدرسو مع بعض وياكلو مع بعض .. و وو الخ مع بعض

يعني معلش ... بس مو كل مين بدو يعمل سكس بحاجة للمساكنة

ومو كل المساكنات مبنية عالجنس :?

:D

Nirvana

09/09/2009, 00:17

أنا مع حرية الاختيار... انو يكون عندي هالخيار إذا بدي أعملو.. والموضوع شخصي بتختلف الآراء فيو حسب كل شخص...
أي شخص بدو يناقش هيك موضوع وخصوصاً في مجتمعنا لازم يناقشو من منطلق انساني بحت. لا ديني ولا اجتماعي لأنو التنين بيرفضو هالشي.
لأنو ما بينفع شخص بيعتبر الحكي والاختلاط والحب والصداقة ... إلخ بين الذكر والأنثى حرام يفتي بهالقصة...
وما فينا نفترض انو مجتمعاتنا الشرقية الطابع رح تتبنى هالفكرة بشكل مطلق... بس فينا نتأمل أنو توصل مرحلة من القبول لهالشي... يعني ما ترفض انو في ناس بتتقبل هالشي وممكن انها تعملو.

مملكة الورود

09/09/2009, 00:33

ييييييييييييييييييييييييي
شو مساكنة وما مساكنة يا لطيف
اذا كانت الوحدة عذرا وبدا تسكن مع شب
بعد كم شهر بتلاقيا حامل
لأن الخلوة بين الجنسين لوحد بيحضر الشيطان بيناتن وبتتحرك غرائزن
واي وحدة او واحد ما بيرضو يتجوزو وحدة او واحد ساكن مع شب او بنت قبل الزواج...

LiOnHeArT.3LA2

09/09/2009, 00:49

انا معها ..
وللعضم ..
لك حبيبي .. شو بدكن برب العالم
يعني انا انسان هلأ ..
سنة زمان .. بدي دبر هي الشغلة ..
ما تقلي مجتمع ما مجتمع .. شو بدك بالمجتمع ..
بعدين ازا كل واحد قال مجتمع .. كلياتنا هيك بيصير فينا
واي وحدة او واحد ما بيرضو يتجوزو وحدة او واحد ساكن مع شب او بنت قبل الزواج.
معليش تحكي على حالك ؟
اذا كانت الوحدة عذرا وبدا تسكن مع شب
بعد كم شهر بتلاقيا حامل
اللي بدا تصير حامل ..
ما بتستنا تسكن مع شب .. للمعلوماتية فقط

محمد ابراهيم

09/09/2009, 01:02

اللي بدا تصير حامل ..
ما بتستنا تسكن مع شب .. للمعلوماتية فقط

بلحظة رغبة و ذهاب المقاومة بتصير العملية ، انا مارح قلك الشيطان شاطر ومدري شو ، بس خلينا واضحين وصريحيين وجريئين ، شباب وصبايا وصلو لسن متقدم نسبيا وما مارسو الجنس ولا مرة ، يا اخي مو هادول بشر والون احتياجات ورغبات بالجنس ( انا مارح احكي حكي نظري او حكي دين او حكي طوباوي ) الون احتياجات وعالاغلب 99.99% من البشر بهالظروف وبهالحالة رح يمارسو جنس واذا رجال دين صالحين وانبيا !! ولاقو بعض عايشين ببيت واحد ، بالله عليك وعلى الشعب الاخوي العتيد ، بدكون مايصير شيئ بينهم :lol: ، اذا كان عندك مجتمع غربي من البداية ، البنت والولد من سن 14 بيمارسو جنس وقت مابدون ومع مين مابدون ، هون اقلك اي تقدر تعمل مساكنة بلا جنس وبلا اي شيئ ، لان اصلا التنين ممكن يكون الو بوي وغيرل فريند والمساكنه قائمة على اعتبارات متل ان التنين بيسكنو بمدينة واحدة بعيد عن الاهل لان شغلون او دراستون هنيك او لان هننى رفئات من زمان وبيرتاحو مع بعض او خمسمية سبب . بس بمجتمع غربي (نظام حياة قائم كامل مترابط ومترتب فيه الشغلة على الشغلة الاخرى ) يختلف عن مجتمع شرقي مختلف تماما عن المجتمع الغربي باسلوب ونظام الحياة .
يعني اذا مع الوقت اتغير المجتمع الشرقي وغير نمط ونظام حياتو ، وصار اقرب للغرب هون بيكون اللي قلتو تمام .

LiOnHeArT.3LA2

09/09/2009, 01:15

اقو بعض عايشين ببيت واحد ، بالله عليك وعلى الشعب الاخوي العتيد ، بدكون مايصير شيئ بينهم ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
يا اخي وحياة المحبّة والمعزة .. والفروسية

انو ما رح يصير شي .. ازا مانن حابين تنيناتن ..
وفي كتير احيان ما حدا بيكون حابب ..
انو انا ساكن يا اخي .. متلا متل اي شب ..

اذا كان عندك مجتمع غربي من البداية ، البنت والولد من سن 14 بيمارسو جنس وقت مابدون ومع مين مابدون ، هون اقلك اي تقدر تعمل مساكنة بلا جنس وبلا اي شيئ
لك مولانا ..
انو تعا قلك شغلة .. وخليني امشي على نفس المنوال .. اللي ماشين فيه الشباب ..
انو طيب انا من وانا عمري 14 سنة .. بمارس الجنس .. برأيك انا رح اشبع ؟
بما انو انا ما عندي تفكير بغير هالشغلة ..

بس مولانا ..
في نقطة
انا ما فهمت ليش اقتبست هادا الحكي بالضبط ..
عندك شك .. انو البنت اللي بدا تصير نو فيرجن ..رح تصير ايمت ما بدا
و ما رح تستنى المساكنة .. ؟

محمد ابراهيم

09/09/2009, 01:35

يا اخي وحياة المحبّة والمعزة .. والفروسية

انو ما رح يصير شي .. ازا مانن حابين تنيناتن ..
وفي كتير احيان ما حدا بيكون حابب ..
انو انا ساكن يا اخي .. متلا متل اي شب ..

بصراحة ما مصدقك :lol:
بس مافي مشكلة عادي ، هي وجهات نظر وقناعات ، ربما انت من 0.01% شوف يا معلم على الظروف الشرقية اللي عنا وخصائص مجتماعتنا انا متيقن برئيي ، لو المجتمع اتغير بتفق معك برئيك ،
وسواء اختلفنا او اتفقنا ، مافي اي مشكلة ابدا ، مجرد اختلاف بوجهات النظر ولن يفسد للود قضية كما قالو .

لك مولانا ..
انو تعا قلك شغلة .. وخليني امشي على نفس المنوال .. اللي ماشين فيه الشباب ..
انو طيب انا من وانا عمري 14 سنة .. بمارس الجنس .. برأيك انا رح اشبع ؟
بما انو انا ما عندي تفكير بغير هالشغلة ..

انا مالي دخل بالشباب ، انا الي وجهة نظر بالمجتمعات الشرقية المنغلقة ، ما بتتكتسب افكار وعادات من مجتمعات اخرى ، انت مشان تحصل على وضع مقارب ومشابه الى حد ما الوضع الموجود بالمجتمعات الغربية فلازم تحصل نفس مقدمات الشعوب الاخرى اللي تم بناء النظام الحياتي عليها . بس يا معلم ولا اكثر .
انا بدي قول ان اختلاف المجتمعات وعاداتها وتقاليدها وافكارها وثقافتها بيمنع حدوث تقارب وتطابق بنفس الاوضاع والحالات وان حدث نفس الفعل والامر .

بس مولانا ..
في نقطة
انا ما فهمت ليش اقتبست هادا الحكي بالضبط ..
عندك شك .. انو البنت اللي بدا تصير نو فيرجن ..رح تصير ايمت ما بدا
و ما رح تستنى المساكنة .. ؟
معك تماما
اللي بدو يعمل شيئ رح يعملو ومارح يستنى المساكنة ابدا . هذا موضوع منتهي بالنسبة لي واعتقد انه بديهي . فلا نقاش بالبديهيات .

Nay

09/09/2009, 02:41

هلأ انا شباب بتمنى انو نوضح معنى المساكنة..
المساكنة بتعني اتفاق شخصين عل العيش مع بعض مع وجود علاقة خاصة بين هدول الشخصين..
يعني سكن بنت مع بنت مو اسمو مساكنة وسكن شب مع بنت بدون ما يكون فيه علاقة بيناتون مو اسمو مساكنة وكمان انو يستأجر حدا بيت مشان يلتقو فيه هوي وحبيبتو كمان مو اسمو مساكنة..
المساكنة يعني علاقة بتشبه الزواج كتير بس بدون ما يكون الها طابع شرعي أو رسمي.. هي معلوماتي عن الموضوع..
وباقي الحالات ما بتندرج تحت هي التسمية.. حسيت انو صار لغط.. انا غلطانة شي:pos: