ناصر مانو يساري و بالعكس حسب نقاشاتي معو اتفقنا انا و ياه بجانب انو ما منتفق مع اليساريين بأي شكل كان بسبب نظرية الأرهاصات الأشكالية تبعتن:p

بأي شكل؟

مممممممممممممم

مش فايق!!


بس ت نكفّي نقاش.. بوشّك.. روح وإقرا "أسعد أبو خليل"

سؤال اذا تكرمت
هو انت يساري ؟
وشو الفرق إذا إي.. أو لأ؟


يعني إذا قلتلك إي.. بيصير الحكي أوضح؟



بس حتى يكون عندي امانه ، مافهمت شيئ ، ممكن تعمل ترجمة ؟

ممممممممممم بجرّب

خصوصاً إنو "الترجمة الحرفية" لبعض المصطلحات (اللي عملها أبو العتم العزيز) ما عجبتني!!


صوري دارك.. بس يعني.. صراحة؟




الله لا يوفّق حريم ربّك على هالشرح!! :lol:

هلا اذا هو هيك قصدو فهاد حكي مدوزن وهالحكي كمان بيتطبق على الناس الي عمتقلد الغرب عالعمياني ياجماعة نحنا غيرن نحنا مامنقدر نصير هنه والتطور بعمرو مارح يكون بالتقليد هي الصين واليابان دول متطورة ومع هيك لهالا محافظين على عاداتن وتقاليدن فليش هالاصرار على التقليد الاعمى ماكنت افهم

طبعا انا رديت هالرد بناءا على زمة marochka ها انامابحط شي على زمتي لانو زمتي حاليا full


يا عيني عليك والله:D
انت الفهمان
بصراحة ما لقيت شخص متزن بآراءو وأفكارو
دائما آراءك بتعجبني
وروح مرحة بالمنتدى أدك أبو العبد
مع اني لسا جديدة
يسلمو
انا معك:deal:

ضد 100/100
اول شي انا ستغربت للعديد من الشباب والصبايا انه هنن مع المساكنة
حبيباتي ادا انتم مع هالشي واليوم منلاقي بفرنسا او بغيرها من الدول الغربية بدهم يحدو من المساكنة
نلاقي انه العرب والمسلمين بيقولو انه مجتمعهم معقد وما الى دالك
جد عم بستغرب انه الناس صارت ضايعة وومريضة جد هدا مرض نفسي
معقول حدا براسو عقل يرضا انه يساوي هيك

جد انا بسأل الكل

هدا هو الاسلام هدي هي الرسالة الي الرسول صلى الله عليه وسلم بدو يانا نكملها ونوصلها

انه نقلد الغرب ونقلد الافعال السيئة الي هنن بيعملوها
جد نحن العرب صرنا ولا شي
مع انه لازم نكووووون كل اشي
جد حرااااااااااااااااااااااا ااااااااااااااااااااااااا ااااااام انه نحن نكون موافقين على هالشي
قولو عني معقدة قولو اني من العصر الحجري كل من بدو يقول شي يقولو
بس انا ما برضا لإسلام والمسلمين والعرب هالشي

هلاء انتم الي بتأيدو المساكنة
حدا فيكم يقلي شو اجابياتها ......... خاصة الي بقولو انهم مع الايجابيات والسلبيات بها العلاقة

جد نحن وين رايحين
وشو دور الدعات والشيوخ الي بدهم اصلاح الشباب لما منلاقي هالكم من الناس موافقة على هالعلاقة السيئة
وخاصة بدول مسلم عربية
انتم خبروووووووووووووني



بتمنى ما حدا يزعل بس هدا رأيي
تقبل مروري فااااااااااااااااااتي


يا سلام عليكي حبيبتي
على هدا الطرح المميز:D
انا معك مية المية
بس حابة ضيف شغلة للشباب
هلأ هالفكرة من وين وصلتنا
مو من الغرب
وقال شو:shock:
هنن ما عمبقلدو الغرب:jakoush::jakoush:

وشو دور الدعات والشيوخ الي بدهم اصلاح الشباب

دورهن يقولولنا إنــــــــــــو (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////):

"الاحتياط في الفروج لا يلزم منه المنع، لكنه يلزم اتخاذ إجراءات تضمن سلامة إجراء العقود"

يا سلام عليكي حبيبتي
على هدا الطرح المميز:D
انا معك مية المية
بس حابة ضيف شغلة للشباب
هلأ هالفكرة من وين وصلتنا
مو من الغرب
وقال شو:shock:
هنن ما عمبقلدو الغرب:jakoush::jakoush:

طيب وحتى إذا عم يقلدو الغرب، أنو مو أحرار مثلاً يقلدو اللي بدّون ياه، في ناس بتقلد بدون تفكير وفي ناس بتقلد عن قناعة، المهم يقدرو ياخدو قرارون بنفسون.

مرحبا صوتت الخيار الرابع
بس هاد بالنسبة الي وللي بيطلب رايي ومشورتي هيك حيكون جوابي
بس اللي مقتنع فيها هو حر
بس سؤال لانو شوي دوختوني
شو الهدف من هالمساكنة ازمة سكن يعني او ازمة زواج
او بس تجربة؟

لم تعطينا خيارات كاملة فانا ضد المساكنة ولكن لا يعني ان لا نتحدث في الموضوع.

أنا مع مئة بالمئة , الحرمان دليل البحث عن الإنحطاط , لما تخرب معوا والواحد يلاقي حد يسمعلوا هاع

معقول كتير أنو حدا في براسو عقل أنو يقرر شو ما بدو بحياتو.
ومو شرط نكون عم نقلد الغرب إذا قررنا نؤيد هالشي، وما حدا فينا عم يقول أنو يصير هالشي قانون مفروض على كل العالم، بس المهم أنو إذا اتنين قررو أنو هالشي بيناسبون ما حدا يتدخل فيهون، وسواء كان إلها إيجابيات أو سلبيات فهاد شي نسبي كتير بيتعلق بكل حالة بشكل مستقل، وإذا كان هالشي غلط فهني أحرار يتحملو نتيجة غلطون طالما أنو هالشي ما بيأثر على غيرون.


شلون غلطهم ما بأثر على غيرهم
ادا هنن عايشين حولي ناس
ما بأثر ادا كانو عيشين بكوكب تاني ما فيه ناس وما فيه اطفال بتشوف هالشي وبتقلد
قليلي الشب والبنت ادا كانو عايشين مع بعض اكيد رح يصير بيناتهم علاقات جنسية
وما تقليلي ما رح تصير ادا هلاء صار هالشي بيحصل بالشارع شلون ببيت ولحالهم
وشو رح يصير بهالمجتمع ادا في عندنا اطفال لا معروف بيهم ولا امهم وبكترة
اي في ناس بتغلط
بس ادا صارت المساكنة مسموح فيها رح تكتر نسبت الاطفال الغير شرعيين
وشوفي وقتها شو بصير بالمجتمع العربي

بظن انو نروح ع القهوة ونقعد نشرب أركيلة وشاي خمير................:shock:
.........
على كل حال .... مو كل ما فكرنا بشي تقعدوا تقولوا انو عم نقلد الغرب وما بعرف مين.... نحنا عم نفكر بشي أنا وكم واحد من ه المجتمع اللي بدكم ترجعوه 1400 سنة لورا .... حابينو..... هلا ع زمن الرسول... كانت الوحدة تدرس بالجامعة؟؟
ع زمنوا الله يديمو كان في نت؟؟؟ طيب كان فيها الوحدة تفكر بحريتها؟؟؟؟ اي حاج ولووووووووووووو طلعو للزلمة من راسكن وحاج كل شوي الرسول والرسول... بظن انو مل من حكيكم عنو.... لما بدنا نفكر خلونا نفكر بطريقة عقلانية... وبالشي اللي حابينو مو الشي اللي مفروض علينا......
ولو ... هيك بيكون الانسان.,... بفكر براحتو مو بيتصرف ببغائيا.......
اتقنا؟؟؟:deal:



اول شي ادا رح تحكي عن الرسول صلى الله عليه وسلم عراف كيف تحكي لانه اكيد المتقف والي عندو شويت اخلاق ما بيحكي هيك :x

وهالشي الي بتقول عليه انك حابو لازم تعرف انك عايش وسط ناس مو متقبلينو
وانا بعرف شو عم احكي وعم احكي بعقلانية
وما بظن انه انا او غيري بنفرض عليكم شي لانه بالنهايا هدا رأيي الشخصي ومو بالضرورة تتقبلو
وانا بفكر براحتي وهالشي الي علموني عليه اهلي ومش مفروض علي لانه انا متلي متل غيري عندي حرية اعمل شو ما بدي
وكمان الي بيتبع رسول الله صلى الله عليه وسلم ما بيتصرف بببغائيا
وبضن انه الي بيتبع الغرب وتقاليدهم هو الي بيتصرف هيك


ما تواخزني طولت عليك

أنا مافييني ئول أني معها مو لأني رافض الفكره..بس لنبطئ هيك شي بدك تشوف مجتمعك بالأول..حيضل في نظره معينه تنشاف فيها البنت طول عمرها..وكل ذنبها تصرفت بحريه بشي مقتنعه فيه..هلأ ممكن البعض يئلي مجتمعك جاهل متخلف ومن *يزي منصير بشر..لكن بالنهايه هني موجودين وأغلبيه ساحقه ببساطه..
مني وعلي...أنا بأيد الفكره:larg:

[/color]

طيب يللي ما بدو لا اسلام ولا رسالة ولا شي ..
و حابب وحدة ... و مو قادر يتزوجها ضمن ظروف معينة

شو المشكلة بالمساكنة ..؟



غير أنو مو هي هيي الرسالة ..




لكان علمني شو هي الرسالة خيي
بلكي انا غلطاني فيها

وادا واحد حابب يعيش مع وحدة بحبها مدام انهم رح يعيشو سوا فيهم يتزوجو وهي ما تفرض عليه شي
متل المهر والشغلات الي بتنشرا للعروس من قبل العريس
او هي تقوم بالدور بما انها تنازلت:lol:


سلام

شلون غلطهم ما بأثر على غيرهم
ادا هنن عايشين حولي ناس
ما بأثر ادا كانو عيشين بكوكب تاني ما فيه ناس وما فيه اطفال بتشوف هالشي وبتقلد
قليلي الشب والبنت ادا كانو عايشين مع بعض اكيد رح يصير بيناتهم علاقات جنسية
وما تقليلي ما رح تصير ادا هلاء صار هالشي بيحصل بالشارع شلون ببيت ولحالهم

دقيقة دقيقة .. دخلت الأسلاك على بعضا و ما فهمت مظبوط يمكن .. "إذا صار هالشي بيحصل بالشارع" شو هو اللي عم يحصل بالشارع ؟؟ قصدك تقولي علاقات جنسية بالشارع !!!؟ عنّا بسورية ؟!!! :shock:
و بعدين رجعتي تقولي بالبيت و لحالهم .. طيب إذا بالبيت و لحالهم كيف رح يشوفوهن الأطفال و يقلدوهن ؟!!


وشو رح يصير بهالمجتمع ادا في عندنا اطفال لا معروف بيهم ولا امهم وبكترة
اي في ناس بتغلط
بس ادا صارت المساكنة مسموح فيها رح تكتر نسبت الاطفال الغير شرعيين
وشوفي وقتها شو بصير بالمجتمع العربي

منطقياً أي 2 حابين ينجبوا بيتزوجوا .. أما إذا كان في مانع للزواج و تم اللجوء لخيار المساكنة فمعناها هالشخصين ما رح يفكروا بالإنجاب أصلاً .. و اليوم كل الناس صارت بتعرف بشي اسمو وسائل منع الحمل اللي حتى المتزوجين بيلجؤولها مرات ...

اول شي ادا رح تحكي عن الرسول صلى الله عليه وسلم عراف كيف تحكي لانه اكيد المتقف والي عندو شويت اخلاق ما بيحكي هيك :x

وهالشي الي بتقول عليه انك حابو لازم تعرف انك عايش وسط ناس مو متقبلينو
وانا بعرف شو عم احكي وعم احكي بعقلانية
وما بظن انه انا او غيري بنفرض عليكم شي لانه بالنهايا هدا رأيي الشخصي ومو بالضرورة تتقبلو
وانا بفكر براحتي وهالشي الي علموني عليه اهلي ومش مفروض علي لانه انا متلي متل غيري عندي حرية اعمل شو ما بدي
وكمان الي بيتبع رسول الله صلى الله عليه وسلم ما بيتصرف بببغائيا
وبضن انه الي بيتبع الغرب وتقاليدهم هو الي بيتصرف هيك


ما تواخزني طولت عليك
أختي.... أنا لما عم احكي عن أي شخص فحديثي عنو هو حديث عادي وحتى لو حكيت بطريقة ما عجبتك... أنا ما عندي قدسية معينة لشخص.... بس أنا بالنهاي ما قللت من احترامو عليه منكم السلام.....
تاني شي أنا لما بدي اتصرف شي ما رح فكر اذا الناس حاببتو لأن عنا ناس بسوريا حابة تعيش ع ضو الشمعة والسراج وتكتب ع ورق البردي.... ويتحمموا بالنهر مو تحت الدوش .... وبدل ما يتفرجوا ع التلفزيون بحبو يعملو سوق عكاظ....
اذا بدك تلتزمي بتعاليم الرسول والأنبياء ما بتقعدي ببيتكم بتتفرجي ع الام بي سي 2 أو ع السوبر ستار وهالحكي ولا حتى ع الأخبار .... حسب تعاليمو انتي عليكي فرض عين .... وما عم تقومي فيه وهو الجهاد..... ليش قاعدة بالبيت أه؟ يلا بوشك ع فلسطين..........
لا تواخذيني انتي......... بس انتي بدك تجادليني بهالموضوع ...... لازم تعرفي انو تلات رباع اللي عم تعمليه مو لازم تكوني عم تعمليه لا انتي ولا كل اللي بقولو نحنا ملتزمين بتعاليم الرسول......
لك وللأنبياء جميعا مني كل الاحترام والتقدير........

يا سلام عليكي حبيبتي
على هدا الطرح المميز:D
انا معك مية المية
بس حابة ضيف شغلة للشباب
هلأ هالفكرة من وين وصلتنا
مو من الغرب
وقال شو:shock:
هنن ما عمبقلدو الغرب:jakoush::jakoush:

الحمد لله في حدا أيدني بالموضوع

وتسلميلي على هالافكار الزوووووووووووووء يا زووووووووووووء:oops:

جد نحن وصلنا لطريق ما كنا متوقعين انه الناس توصل الها
انا صرت حس انه ما عم احكي مع عرب ومسلمين
جد اليوم ادا حكيتي مع حدا غربي رح يقتنع ووافق هالرأي
بس خسارة العرب وصلو لإنحطاط والاوعي عندهم صار عند الاغلبية
الله يعين
وانشاء الله يشيلو هالافكار البايخا من عقولهم

تحياتي الك

[FONT=Georgia][SIZE=4][COLOR=purple]و اليوم كل الناس صارت بتعرف بشي اسمو وسائل منع الحمل اللي حتى المتزوجين بيلجؤولها مرات ...

طيب كيف بدنا نستخدم هالوسائل يا رفيقة؟؟؟؟ هالوسائل حرام لأن ما كانت موجودة من 1400 سنة..... :pos:
ما بيصير اللي عم تحكيه ......... نحنا والعلماء اللي اخترعوا هالوسائل عم نسعى لتدمير البشرية ونحنا ع جهنم .... ونحنا عم نفسد أخلاق الولاد......... :cry:
........................
................
بشرفي يا رفيقة ....... انك زعيمة ....... شو بدك بالحكي ...... زعيمة يا عمي وبيلبقلك:larg:

دقيقة دقيقة .. دخلت الأسلاك على بعضا و ما فهمت مظبوط يمكن .. "إذا صار هالشي بيحصل بالشارع" شو هو اللي عم يحصل بالشارع ؟؟ قصدك تقولي علاقات جنسية بالشارع !!!؟ عنّا بسورية ؟!!! :shock:
و بعدين رجعتي تقولي بالبيت و لحالهم .. طيب إذا بالبيت و لحالهم كيف رح يشوفوهن الأطفال و يقلدوهن ؟!!
حبيبتي ما قلت عندكم بسوريا ما تقوليني شي ما قلتو
انا بحكي بالعامية
ويمكن الكل بيعرف بغلاوت هالبلد عندي
المهم
شلون الاطفال بتقلد حبيبتي بكفي انهم يشفو هيك علاقة بين تنين
واكيد الناس رح تحكي وهالاطفال الي رح يكبرو بهالمجتمع رح يكبرو
وبالنهاية اكيد بدهم يقلدو
فهمتي قصدي لما لسا


منطقياً أي 2 حابين ينجبوا بيتزوجوا .. أما إذا كان في مانع للزواج و تم اللجوء لخيار المساكنة فمعناها هالشخصين ما رح يفكروا بالإنجاب أصلاً .. و اليوم كل الناس صارت بتعرف بشي اسمو وسائل منع الحمل اللي حتى المتزوجين بيلجؤولها مرات ...

حبيبتي ادا تنين متزوجين وبيغلطو بالعد بهالوسائل الي سميتيها وسائل منع حمل
كيف التنين الي مو متزوجين
حبيبتي كل بني ادم خطاء والانسان بيغلط بكل شيء
شلون بهيك شي
وادا تقدر انه البنت تحبل لاوسائل منع حمل ولا غيرهم رح يمنعو هالشي
قدر وما شاء فعل
جد فكرو بالموضوع إجابيا
لانه هالشي بالنهايا بنكون نحن المسؤولين عليه

جد نحن وصلنا لطريق ما كنا متوقعين انه الناس توصل الها
انا صرت حس انه ما عم احكي مع عرب ومسلمين
جد اليوم ادا حكيتي مع حدا غربي رح يقتنع ووافق هالرأي
بس خسارة العرب وصلو لإنحطاط والاوعي عندهم صار عند الاغلبية
الله يعين
وانشاء الله يشيلو هالافكار البايخا من عقولهم

شو مقياس الإنحطاط و اللاوعي ؟؟!
طيب هلأ مو انحكى انو المساكنة فيها تقليد للغرب ؟ ماشي .. تقليد للغرب .. بس الغرب اليوم على علمي بيوزع شطارة و وعي عالعالم العربي كلو ..! ما عم قول انو لازم نساكن لحتى نصير شاطرين متلون .. أبداً و ليكني عم بنفي عن حالي هالتهمة قبل ما ينطلي شي حدا و يلزقا فيني .. بس الفكرة اللي بدي أوصلا : ما فينا نضل رابطين الأخلاق و التقدم بالدين .. الدين قناعات شخصية .. معتقدات ايمانية اللي بتناسبو بيمشي فيها و اللي ما بتناسبو أحسنلو يبقى بلا دين من أنو يتبنّى دين و يمارسو غلط و يسيئلو ...
الإنسان اللي ما عندو دين مانو بالضرورة شخص فاسد أو منحل .. أكيد مو سهل علينا نحن الشرقيين نقبل هالنظرة كون الدين حاضر بقوة بتربية مجتمعاتنا ، و ما بنكر انو حياتي بأوروبا ساعدتني كتير لأتقبل الآخر بالرغم من اختلافو عني .. و أتقبلو مو يعني بالضرورة ساوي متلو ، بس بالقليلة ما أشطب عليه و أحكم عليه بالإنحطاط لمجرد أنو ما بيآمن باللي أنا بآمن فيه ...
:D

أختي.... أنا لما عم احكي عن أي شخص فحديثي عنو هو حديث عادي وحتى لو حكيت بطريقة ما عجبتك... أنا ما عندي قدسية معينة لشخص.... بس أنا بالنهاي ما قللت من احترامو عليه منكم السلام.....
تاني شي أنا لما بدي اتصرف شي ما رح فكر اذا الناس حاببتو لأن عنا ناس بسوريا حابة تعيش ع ضو الشمعة والسراج وتكتب ع ورق البردي.... ويتحمموا بالنهر مو تحت الدوش .... وبدل ما يتفرجوا ع التلفزيون بحبو يعملو سوق عكاظ....
اذا بدك تلتزمي بتعاليم الرسول والأنبياء ما بتقعدي ببيتكم بتتفرجي ع الام بي سي 2 أو ع السوبر ستار وهالحكي ولا حتى ع الأخبار .... حسب تعاليمو انتي عليكي فرض عين .... وما عم تقومي فيه وهو الجهاد..... ليش قاعدة بالبيت أه؟ يلا بوشك ع فلسطين..........
لا تواخذيني انتي......... بس انتي بدك تجادليني بهالموضوع ...... لازم تعرفي انو تلات رباع اللي عم تعمليه مو لازم تكوني عم تعمليه لا انتي ولا كل اللي بقولو نحنا ملتزمين بتعاليم الرسول......
لك وللأنبياء جميعا مني كل الاحترام والتقدير........


انا لاقلتلك اني ملتزما ولا شي
واكييييييييييد اني كون ملتزمة هالشي بشرفني وبحطو تاج على راسي
ومين قلك انه انا بتفرج على الام بي سي 2 او سبر ستار او غيرو
بالنهاية انا بشر متلي متلكم
بدي اتفرج واحضر كل اشي عم ينعمل بس ما عرفت انت شو انا بحضر لانه القنوات الي دكرتهم ما بمر عليهم حتى
وادا صح الي روح على فلسطين بروح وراسي مرفوع لاني بتمنى هالشي وما رح ازعل ادا متت لانه ما في احلا من الشهادة
وانا ما عم جادلك بالنهاية عندي رأي وقلته

شو مقياس الإنحطاط و اللاوعي ؟؟!
طيب هلأ مو انحكى انو المساكنة فيها تقليد للغرب ؟ ماشي .. تقليد للغرب .. بس الغرب اليوم على علمي بيوزع شطارة و وعي عالعالم العربي كلو ..! ما عم قول انو لازم نساكن لحتى نصير شاطرين متلون .. أبداً و ليكني عم بنفي عن حالي هالتهمة قبل ما ينطلي شي حدا و يلزقا فيني .. بس الفكرة اللي بدي أوصلا : ما فينا نضل رابطين الأخلاق و التقدم بالدين .. الدين قناعات شخصية .. معتقدات ايمانية اللي بتناسبو بيمشي فيها و اللي ما بتناسبو أحسنلو يبقى بلا دين من أنو يتبنّى دين و يمارسو غلط و يسيئلو ...
الإنسان اللي ما عندو دين مانو بالضرورة شخص فاسد أو منحل .. أكيد مو سهل علينا نحن الشرقيين نقبل هالنظرة كون الدين حاضر بقوة بتربية مجتمعاتنا ، و ما بنكر انو حياتي بأوروبا ساعدتني كتير لأتقبل الآخر بالرغم من اختلافو عني .. و أتقبلو مو يعني بالضرورة ساوي متلو ، بس بالقليلة ما أشطب عليه و أحكم عليه بالإنحطاط لمجرد أنو ما بيآمن باللي أنا بآمن فيه ...
:D

انا ما طلبت انك تامني بالي انا بامن فيه

وشو هو هالوعي والشطارة الي بتوزعها الغرب علينا

والدين مو قناعة شخصية الدين مفروض علينا بدكم ولا ما بدكم
والي بدو يلتزم فيه يلتزم والي ما بدو يصطفل

حبيبتي ما قلت عندكم بسوريا ما تقوليني شي ما قلتو
انا بحكي بالعامية
ويمكن الكل بيعرف بغلاوت هالبلد عندي
المهم
شلون الاطفال بتقلد حبيبتي بكفي انهم يشفو هيك علاقة بين تنين
واكيد الناس رح تحكي وهالاطفال الي رح يكبرو بهالمجتمع رح يكبرو
وبالنهاية اكيد بدهم يقلدو
فهمتي قصدي لما لسا

لا والله لسا :oops:
كيف بدهن الأطفال يشوفوا علاقة هالشخصين و يقلدوها ما زال العلاقة عم تتم بالبيت ؟!! يعني بدهن يصوروا حالن بكاميرا و يبعتوا الشريط لقناة سبيس تون لحتى تبثو بفترة بعد الضهر ؟!! :lol:
هون صرتي عم تحكي عن الجنس بشكل عام و المساكنة ما عاد إلها دخل بالموضوع ... إذا قصدك انو الأطفال رح يقلدوا بأنن هنن كمان رح يساكنوا فهالشي أكيد مو ممكن لأنو ما في طفل بيقدر يستأجر بيت و يسكن فيه مع بنت الجيران أو رفيقتو بالحضانة :o .. و إذا قصدك بس كبروا فهنن وقتا بيكونوا صاروا بالغين راشدين و مسؤولين عن حالن و أفعالن ...


حبيبتي ادا تنين متزوجين وبيغلطو بالعد بهالوسائل الي سميتيها وسائل منع حمل
كيف التنين الي مو متزوجين
حبيبتي كل بني ادم خطاء والانسان بيغلط بكل شيء
شلون بهيك شي
وادا تقدر انه البنت تحبل لاوسائل منع حمل ولا غيرهم رح يمنعو هالشي
قدر وما شاء فعل
جد فكرو بالموضوع إجابيا
لانه هالشي بالنهايا بنكون نحن المسؤولين عليه

شو خص الزواج أو عدمو بالشطارة بالعد ؟! :shock: أصلاً مين قال انو منع الحمل بيصير بس بالعد ؟!!
المساكنة أنا بشوفا (من حيث التطبيق) متل الزواج .. الفرق هو بس انو بالمساكنة ما في عقد بينظم هالشي متل بالزواج .. لما بقول إني مع المساكنة مو معناتا انو كل كام يوم روح أسكن مع شب .. حتى هون بفرنسا لما شب و بنت بيقرروا يعيشوا سوا بيكونوا وصلوا بعلاقتن لمرحلة كتير متقدمة و فهموا بعضن منيح و تعتبر المساكنة بمثابة -الخطبة- عنا و في حال انسجموا مع بعض بيتزوجوا و بينجبوا .. أكيد اليوم بمجتمعنا هالشي صعب كتير انو يتحقق .. بس أنا بالنهاية ما بشوفو شي غلط (إذا بدنا ننظرلو بتجرد عن الدين) خاصةً انو بيخفض بدرجة كبيرة نسبة الطلاقات اللي عم توقع نتيجة عدم التوافق و الإنسجام ...

شكلكم ما بدكم تقتنعو
وما رح تقتنعو لانه مدامك بفرنسا وعم تشوفي الي عم يصير فيها وانتي مقتنعا فيه
نشاء الله تنولي الي بدك ياه الله يوفقك
بس انا رأيي ما بتنازل عنو لاني بشوف انه صح



وبالنسبة للأطفال فأنا ما قلت وهنن اطفال رح يقلدو ويمكن كتبت انه لما يكبرو ويتعودو انه في هيك شي بمجتمعهم
رح يقلدووووه


سلااااااااااااااااااااااا اااااااااااااااام

انا ما طلبت انك تامني بالي انا بامن فيه


انتي ما طلبتي مني آمن ؟؟ اي صح ... بس عم تعتبريني منحطة و غير واعية لأني ما بآمن باللي انتي بتآمني فيه ...


وشو هو هالوعي والشطارة الي بتوزعها الغرب علينا


شو هالوعي و الشطارة اللي بيوزعوها علينا الغرب ؟؟ والله ما بعرف .. ليش نحنا لساتنا ورا البقر و هنن طلعوا عالقمر ؟!!!


والدين مو قناعة شخصية الدين مفروض علينا بدكم ولا ما بدكم
والي بدو يلتزم فيه يلتزم والي ما بدو يصطفل


الدين مفروض علينا ؟؟ مين فرضو ؟!! إذا أنا خلقت لأب و أم من دين معيّن و أنا مو مقتنعة بهاد الدين و بدي أمشي عليه بس لأنو مفروض علي .. مو أحسنلو لهالدين انو يخسرني من اني أتبناه عن غير قناعة و مارسو غلط و شوه صورتو ؟!!

رأي شخصي...

مع...انو كل انسان يعيش حريته ضمن حدودها بدون ما يتعدى ع الاخرين (وحريتي عاشر وساكن من اردت وهالشي ما بيعني حدا غيري انا والبنت يللي مساكنها)

مع...انو اصحاب الدين يلتزموا بتعاليم دينهم فقط (ولا يطبقوا اعلامهم الديني لا علي ولا غيري) ....


مع...انو كل بالغ/بالغة عمرو/عمرها فوق ال 18 سنة يختار طريقه بملء ارادته...وستين جهنم كل من شاء او أبى...

مع المساكنة قلبا وقالبا...(ولا مكان لا للوصايا العشر ولا للشريعة ولا للتلمود في قاموسي)....

شلون غلطهم ما بأثر على غيرهم
ادا هنن عايشين حولي ناس
ما بأثر ادا كانو عيشين بكوكب تاني ما فيه ناس وما فيه اطفال بتشوف هالشي وبتقلد
قليلي الشب والبنت ادا كانو عايشين مع بعض اكيد رح يصير بيناتهم علاقات جنسية
وما تقليلي ما رح تصير ادا هلاء صار هالشي بيحصل بالشارع شلون ببيت ولحالهم
وشو رح يصير بهالمجتمع ادا في عندنا اطفال لا معروف بيهم ولا امهم وبكترة
اي في ناس بتغلط
بس ادا صارت المساكنة مسموح فيها رح تكتر نسبت الاطفال الغير شرعيين
وشوفي وقتها شو بصير بالمجتمع العربي

العلاقات الجنسية عم تصير حتى بأشد المجتمعات تزمتاً، مو المساكنة اللي رح تخليها تصير، على القليلة المساكنة بتحدد مين مرتبط مع مين، وردّ أم الجود كفى ووفى ما رح ارجع عيد نفس الفكرة.
الأطفال غير الشرعيين موجودين بالمجتمع العربي بس المشكلة بطريقة التعامل معون، يعني بدل ما نلاقي حل لوضعون يحفظ حقوقون كبشر مونتجاهل المشكلة كأنها مو موجودة ومندفن راسنا بالرمل، بالعكس يمكن المساكنة تخفف النسبة مو تزيدا لأنو أسهل إثبات نسب الولد وقت معروف أمو مرتبطة بمين أو عايشة مع مين، مشكلة الأطفال غير الشرعيين أنو حتى لو انعرف الأب القانون ما بيثبت نسبون إلا إذا فيه عقد زواج وهاد اللي لازم يتغير.

وإذا كل واحد بدنا نتحكم بحياتو لأنو غيرو خايف على ولادو أنون يقلدوه فهي مشكلة، يعني برأيك الغرب معون حق يمنعو الحجاب لأنو ما بدون بناتون يقلدوه؟
متل ما الولاد عم يشوفو مسلسلات وأفلام فيها كتير أشيا ما بدنا ياهون يعملوها، نفس الشي إذا شافو حدا بالواقع عم يعمل شي ما بدنا ياهون يعملوه، فهاد دور الأهل بترباية ولادون، في كتير عالم بالغرب ما بتطبّق المساكنة عن قناعة ومافي شي بيأثر عليهون، ليش نحنا لازم دايماً يكون في مين يفكر ويقرر عنّا.

وهي وردة :D
وهيدول لسامر وأم الجود :mimo: :mimo: :akh:

عم حس من النقاش أنو البني آدم ,,, حيوان بلا مخ .. يعني معليش بس فينا نعطي الانسان حقو .. كل انسان عندو عقل وفيو يختار هالشي من عدمو ... وفيو اذا ساكن حدا يدير بالو وما ينتج عن العلاقة طفل ويتجنب كتير مشاكل ... وفيو ينظم أمورو بالطريقة اللي بتناسبو .. أما نتجاهل العقل ونعتبر الانسان كائن غريزي بحت.. هاد غلط تماماً.

بعدين نحنا عم ناقش المساكنة ولا تحريمها ... بظن كلنا بنعرف أنو المساكنة حرام دينياً .. ممكن نتجاوز هالنقطة؟

بصراحة ماكنت حابب شارك بالموضوع ...وعمبكتفي بمتابعة المشاركة و الافكار ...
بس لما شطح الموضوع كتير و وصلت الامور للأهانات ...وعمتنبعت التقارير و ماعمبيشي الحال ....قالمشاركة أصبحت واجبة ...
واعزرونا....

أختي.... أنا لما عم احكي عن أي شخص فحديثي عنو هو حديث عادي وحتى لو حكيت بطريقة ما عجبتك... أنا ما عندي قدسية معينة لشخص.... بس أنا بالنهاي ما قللت من احترامو عليه منكم السلام.....

هلاء انو تحكي على شخص معين ...وباسلوب معين ....وبتقول عادي ....فاسمحلي يعني ...
هون بتكون عمتحاول ...وبطريقة غبيّة كتير ..انو توصل رسالة....
الرسالة اللي هي تحت ....واللي بتنفهم انو كل واحد مسلم أو مؤمن هو متخلف و بدّو يرجع الوضع لورا....وانو انتو ...اليسار يعني ...اهل الحضارة و التقدم .....والمظلومين على مرّ العصور .....:cry:

مارح أدخل معك بمواضيع النبي و وشو حكى و وشو عمل ...هو أكبر و أعلى انو نحطّو موضوع نقاش مع أمثالك

بس بدّك أقللك شغلة ....هون أخوية منتدى تغلب عليه صفات العلمانية .....فلا تفكّر حالك ازا شفتلك كم واحد على شاكلتك انو أموركن انحلّت و انو الوضع تغير .....
متل الواحد ازا كان شاذ جنسياً و دخل على نادي الشواذ ...بيقول لحالو ...ياااي أديشنا كتار :yahoo:
بس بالحقيقة هنن كتار بس بالنادي ...بيطلعو لبرّة على الواقع بيشوفو حالن انن " ولاشي"......

تاني شي أنا لما بدي اتصرف شي ما رح فكر اذا الناس حاببتو لأن عنا ناس بسوريا حابة تعيش ع ضو الشمعة والسراج وتكتب ع ورق البردي.... ويتحمموا بالنهر مو تحت الدوش .... وبدل ما يتفرجوا ع التلفزيون بحبو يعملو سوق عكاظ....

اي و في عنّا عالم بسوريا حابّة تموّت النخوة و تنشر الدعارة تحت ستار الحريات و تصير ترتطن بالانكليزي و الفرنسي لانها كتير متحضّرة ....وبدها الواحد شوف مرتو عمتتمازح مع "الفريندز" و هاد اللي بيقرص و هاد اللي بلحمس ...يه وشو عليه ..ماهدول هنن "الفريندز" تبع الجامعة .....وتحب انو الولد مايبنعرف مين أبوه و ماحدا يعرف اللي عمبيربيه هو ابنو و لا ابن جارو ......و أحب على قلبها انو تقلد زبالة الغرب ...منشان يصير اسمها "مابعد حداثية":lol:

بصراحة ماكنت حابب شارك بالموضوع ...وعمبكتفي بمتابعة المشاركة و الافكار ...
بس لما شطح الموضوع كتير و وصلت الامور للأهانات ...وعمتنبعت التقارير و ماعمبيشي الحال ....قالمشاركة أصبحت واجبة ...
واعزرونا....


هلاء انو تحكي على شخص معين ...وباسلوب معين ....وبتقول عادي ....فاسمحلي يعني ...
هون بتكون عمتحاول ...وبطريقة غبيّة كتير ..انو توصل رسالة....
الرسالة اللي هي تحت ....واللي بتنفهم انو كل واحد مسلم أو مؤمن هو متخلف و بدّو يرجع الوضع لورا....وانو انتو ...اليسار يعني ...اهل الحضارة و التقدم .....والمظلومين على مرّ العصور .....:cry:

مارح أدخل معك بمواضيع النبي و وشو حكى و وشو عمل ...هو أكبر و أعلى انو نحطّو موضوع نقاش مع أمثالك

بس بدّك أقللك شغلة ....هون أخوية منتدى تغلب عليه صفات العلمانية .....فلا تفكّر حالك ازا شفتلك كم واحد على شاكلتك انو أموركن انحلّت و انو الوضع تغير .....
متل الواحد ازا كان شاذ جنسياً و دخل على نادي الشواذ ...بيقول لحالو ...ياااي أديشنا كتار :yahoo:
بس بالحقيقة هنن كتار بس بالنادي ...بيطلعو لبرّة على الواقع بيشوفو حالن انن " ولاشي"......

اي و في عنّا عالم بسوريا حابّة تموّت النخوة و تنشر الدعارة تحت ستار الحريات و تصير ترتطن بالانكليزي و الفرنسي لانها كتير متحضّرة ....وبدها الواحد شوف مرتو عمتتمازح مع "الفريندز" و هاد اللي بيقرص و هاد اللي بلحمس ...يه وشو عليه ..ماهدول هنن "الفريندز" تبع الجامعة .....وتحب انو الولد مايبنعرف مين أبوه و ماحدا يعرف اللي عمبيربيه هو ابنو و لا ابن جارو ......و أحب على قلبها انو تقلد زبالة الغرب ...منشان يصير اسمها "مابعد حداثية":lol:

كلامك درر
شكرا عالرد الرائع
انا معك اكيد
يمكن ما قرأت كل ردودي لانه 3 ارباعها انحذف

المهم جد فشيت خلقي

الحمد لله في حدا أيدني بالموضوع

وتسلميلي على هالافكار الزوووووووووووووء يا زووووووووووووء:oops:

جد نحن وصلنا لطريق ما كنا متوقعين انه الناس توصل الها
انا صرت حس انه ما عم احكي مع عرب ومسلمين
جد اليوم ادا حكيتي مع حدا غربي رح يقتنع ووافق هالرأي
بس خسارة العرب وصلو لإنحطاط والاوعي عندهم صار عند الاغلبية
الله يعين
وانشاء الله يشيلو هالافكار البايخا من عقولهم

تحياتي الك


ايه والله فكرة باااااايخة جدا وعبتخانئو مشانا
يسلمو حبيبتي

أنا بقول اللي انتي واياها واياه
اللي بتأيدو موضوع المساكنة يعني البوي والقيرل فرند بالمشرمحي
روحو لاقيلكن شي حدا لتسكنو معو
وفخار يطبش بعضو:sly:

بس لا تنسو شغلة مهمة كتير
انو مدام مافي شي بيربطكن
كل واحد فيه يترك التاني ويزتو ويهجروبأي وقت متل ما بصير بالغرب لما الرجال بيعرف انو رفيقتو حامل منو بقوم بزتا وما عاد يسأل عنا لأن مافي شي يربطو فيا غير المساكنة:jakoush:

وغيرا كتير متل العنف ضد المرأة وغيرا
يعني كرامة الحلقة الأضعف راح تصير زبرو على زيرو
اذا بيرضيكن هالشي
روحو اعملو هيك:o

أنا بقول اللي انتي واياها واياه
اللي بتأيدو موضوع المساكنة يعني البوي والقيرل فرند بالمشرمحي
روحو لاقيلكن شي حدا لتسكنو معو
وفخار يطبش بعضو:sly:

يا عيني .. أنا و غيري سبق و حكينا انو لما نكون مع مو بالضرورة نقوم و نعمل هاد الشي .. يعني على فرض مثلاً إني مع المثلية الجنسية .. لازم صار مثلية حتى طبّق قناعاتي ؟!! أكيد لأ ... بس إذا بدرى انو في بين رفقاتي البنات وحدة مثلية ما ضروري قاطعا و أحكم عليها بالسوء و غير معاملتي الها .. لأنو أنا ما دخلني فيها طالما هي شخص منيح و ما أساءلي بشي و طالما بتعرف انو ميولي غير ميولها و بالتالي ما رح تجي تحاول معي شي معين ... من نفس المنطلق بقول انو أنا ما عندي مشكلة مع اللي بيساكنوا طالما هنن ما عم يؤذوا حدا .. الموضوع شخصي و متعلق فيهن هنن وحدن .. و أنا ما حدا نصبني محامية عن الأخلاق و الشرف لحتى قول عنن منحطين و منحلين .. بيجوز هالـ2 يكونوا عم يعيشوا سوا شي أرقى و أنبل من كتير أشخاص متجوزين و ورقتون بإيدون -يعني دايسين بحلق المجتمع- بس كل واحد منن عم يعمل السبعة و ذمتها بالخفا ...
بتمنى تكون وضحت الفكرة ...



بس لا تنسو شغلة مهمة كتير
انو مدام مافي شي بيربطكن
كل واحد فيه يترك التاني ويزتو ويهجروبأي وقت متل ما بصير بالغرب لما الرجال بيعرف انو رفيقتو حامل منو بقوم بزتا وما عاد يسأل عنا لأن مافي شي يربطو فيا غير المساكنة:jakoush:

وغيرا كتير متل العنف ضد المرأة وغيرا
يعني كرامة الحلقة الأضعف راح تصير زبرو على زيرو
اذا بيرضيكن هالشي
روحو اعملو هيك:o


يعني هلأ اللي ما بتساكن بس بتروح بتنام مع رفيقها بالسر .. هي إذا حملت رح يحطا على راسو و يقلا تاني يوم قومي نتجوز و سجل الولد بإسمي ؟!! أنا بعرف انو من أحد أركان الزواج هو الإشهار .. و بالمساكنة هاد الركن موجود .. يعني لما هالرجل رح يسكن مع هالمرا فطبيعي لما يصير حمل -في حال صار- انو يكون معروف للناس هاد الجنين مين أبوه ... بعدين الالتزام بالشخص ما بيتحدد بورقة .. يعني لما الرجال المتجوز ما عاد بدو مرتو .. ما بيقدر بكلمة وحدة يلحشا عالباب هي و ولادا و يعطيها نفقة كل شهر من الجمل أدنو و يروح يتجوز أو يصاحب أو يعمل ما بدالو ؟!!
أما بالنسبة للعنف ضد المرأة فما بعرف كيف ربطتيه بالمساكنة ..! اديش منسمع حوالينا عن نسوان بياكلوا كل يوم قتلة حشك و لبك من جوازون ؟!! لا يا ستي إذا صار عنف بالمساكنة أرحم و أهون .. عالقليلة فيها المرا تحمل حالا و تمشي .. بس المتجوزة بتنضرب على قلبا و بتسكت لأنو جوزا و الو كلمة عليها ...

هلق معلش افهم انو ليش معظم الردود ... مصرة انو مساكنة = سكس :shock:

لك خيو تنين رفقات ... عمقول رفقات .. لا مصاحبين .. ولا حابين بعض .. ولا اي شي

حابين هيك يقعدو مع بعض ويدرسو مع بعض وياكلو مع بعض .. و وو الخ مع بعض

يعني معلش ... بس مو كل مين بدو يعمل سكس بحاجة للمساكنة

ومو كل المساكنات مبنية عالجنس :?

:D

لأنو المجتمعات العربية لازالت لم تبلغ درجة كافية من النضج الفكري الذي يجعلها تؤمن بضرورة الاقبال على الآخر مهما كان جنسه أو دينه أو لغته, لمحاولة فهمه و تبادل الآراء معه و مقاسمته همومه و أفكاره.
و ها المجتمعات شبابها يعاني من كبت جنسي خطير, بسبب الفهم الخاطىء للدين و انعدام الحوار بين الآباء و الأبناء في مواضيع الجنس, لازال الجنس taboo و الأنثى لا تعني شيئا غير الجنس بما أن العربي لم يعرف يوما أن لها دماغا مثل الذكر تماما و لها رأيا قد يكون أكثر صوابا من رأيه
حسب رأيي لا يزال الوقت مبكرا على المساكنة في المجتمعات العربية

المساكنة حرام
وتعتبر من زنا المحارم
والله تعالي حرمها في القراءن

رجعنا نضفنا الموضوع ...

بس مشان موضوع الخيار والفقوش مافي شي منو حبيب .. بس مانّا قاعدينلكن 24/7 يعني بظن عنا امور حياتيي وبينشغل الواح ....تأخرنا يوم يومين مافيا شي :D

و اولا واخيرا ...رجاء ثم رجاء الالتزام ب اداب الحديث ع مبدأ ( اخي انا ماسبيت عليك لتجي تعصب وتسبني:? ) ف هديلي اعصابك وروق .....انت بتعرف شو حالك وزاتك ونفسك ... وبالاخير حرية شخصية ورأي تاني .احترمتو اوكي... ما احترمتو مشكلتك مابتجي بتسب وبتبهدل وبتتريق.. ..

:D


******************

اما ك رأي /

هلق معلش افهم انو ليش معظم الردود ... مصرة انو مساكنة = سكس :shock:

لك خيو تنين رفقات ... عمقول رفقات .. لا مصاحبين .. ولا حابين بعض .. ولا اي شي

حابين هيك يقعدو مع بعض ويدرسو مع بعض وياكلو مع بعض .. و وو الخ مع بعض

يعني معلش ... بس مو كل مين بدو يعمل سكس بحاجة للمساكنة

ومو كل المساكنات مبنية عالجنس :?

:D

يعني هاي هيي ...:lol:

الموضوع كلو ع بعضو مساكنة .. مو زواج :?..

بس يلا سيدي نحنا لساتنا بمرحلة انو بنت وشب ماشيين سوا ..؟؟ ياااخ الله اعلم شو في بيناتن .. اي كيف ما يسكنوا سوا .. اي ما بشرشحوا سلسفيلن :sick:



ضمنيا ماني ضدا ..بس بمجتمعنا اكيد لاء

كالعادة يصل النقاش الى نفس النتيجة ...

اود اقثول للمتدينين ... حاج صرعتونا حرام و حرام ... و تقليد أعمى للغرب ... و الكليشة حفظناها 100%

بس بلا فلسلفة ... روحوا شوفو المجتمع المليان رشاوي و كذب و حقد ... و مشاكل طائفية ... و صراحة ملينا منكم جدا جزيلا ... و ملينا من طريقة معالجتكم للامور

شوفو الطائفية الدينية وين وصلت العراق و فلسطين و لبنان ...


خيو ما بدك تساكن لا تساكن ... ما حدا جبرك تساكن او تنام مع بنت ... و لا حدا اجا ببابك باس صديقتو ...



بالنسبة لليساريين ... كمان لازم نعرف انو الحرية الشخصية .. تظل ضمن حدود الحرية الشخصية المسؤولة ...
يعني اللمساكنة الافضل منها الزواج المدني بالمحكمة ... لانه عقد مسجل ...


و اللي يحب يتزوج من غير دينو (و القانون يمنع هذا الشي) ... يهاجرو ويتزوجوا ببلاد الانسانية ... احسن بكثير من المساكنة
لان حياتهم ما رح تكون الا بخطر ... و دمهم اذا راح ... هو انتصار جديد للمتطرفين



و رسالة خاصة الى ابو نجبو ...
اليوم لو نعمل استفتاء 80% رح يقولون الزرقاوي مجاهد و شهيد ... و القاعدة مجد العرب

لذلك لا تعول على المجتمع و رأي المجتمع لانو مسير بالريموت كنترول



بالنهاية عن نفسي انا شخصيا ضدها لكثير اسباب .....

بس بالنهاية هي حرية

انو الي عم تابع بالموضوع .. بعد ما رديت عليه باول صفحة يمكن .. وشفت كتير فوتات وطلعات واتشعغب الموضوع كتير .. في فكرة .. حكتها نيرفانا .. ويبدو لهلا البشرية ما عم تدرلها ..
وانا عكلن لح حاول لخص الموضوع بما شفتو .. فيه فائدة بعد كل هالحكي .. واهما ..

معليم .. الشغلة حرام دينيا .. ما في لا 2 ولا 3 ولا 4 .. بيختلفو عليا ... خلصنا نقطة انتهى ..
صدقوني .. الشبيبة المقروقة .. واللي عم تحكي عن الموضوع من وجهة نظر ديينية .. الموضوع دييني ما بدو نقاش بنوب يعني .. لانو مبينة حرام اشكرة يعني ..

2 .. شغلة انك تكون مع او ضد .. هي حرية كل واحد فيهم .. لك اخي مو كل العالم دينها .. او معتقداتا بتخلي الواحد يقول لا .. او اي .. اوك انا من العالم اللي ما بقبلا .. لانو ديني بقلي انو حرام .. " على الرغم من اني اصلا مو مع الفكرة متل ما حكيت بردي سابقا .. يعني انا لنمط حياتي ما بفضلا " .. فـ انك تفرض وتقلو هيك وهيك .. ما تحاول تعملا .. عطي رايك .. انو انت هيك .. وما في داعي للتهجم على غيرنا ..

3.. الشبيبة .. اللي عم تحكي عن المساكنة .. انها حل البشرية والتطور ..وانو بس لنطبق هالشغلة .. وبس لنشوف هالحرية " اللي حطيت حدودها بنظرك فقط " .. هية حل لمشاكلنا .. فـ بحب قلك انو غلطان .. وغلطان كتير .. لانو ما دايما الحرية بتعمل .. التطور والحضارة ..

ما لح فوت بنقاش هالنقطة كتير كرمال ما يطلع الموضوع بررا ويشذ .. بس رجاء يعني .. ما بقا تفوتو لا قصص دين .. ولا بقا تتقاتلو يا جماعة الخير وحياة الله القصة ما بدا كل هالقد .. وهيكه ..

اتزكرو دايما .. انو لو وصل الموضوع ل 10000 صفحة .. والكل قايل .. اي مع المساكنة .. ما لح يلتغى الزواج ابدا عفكرة .. ولا لح ادايق انا او انت .. ولا لح يتطبق بجوز هالشي .. وكمان .. وقت يكون عندك 100 صوت عم يقولو لا .. اللي بدو يساكن .. لح يساكن .. يعني .. ما كتير .. تعملو القصة .. قصة .. كبيرة ..

كل مين براسو عقل وبيعرف كيف يشتغل فيه .. ويفكر فيه ..

:D

و رسالة خاصة الى ابو نجبو ...
اليوم لو نعمل استفتاء 80% رح يقولون الزرقاوي مجاهد و شهيد ... و القاعدة مجد العرب

لذلك لا تعول على المجتمع و رأي المجتمع لانو مسير بالريموت كنترول

يه ابو سارة .....
الرسائل الخاصة مو من هون ....:p
معلمي و تاج راسي انت .....
بين عمتحكي عن جماعات و شخصيات مثيرة للجدل ..وبين أشخاص الهن قدسيّة عندك
دخلك وشو بيفرق الزرقاوي عن "تشي"....
ما هاد كان الو مناصرين و اعداء و التاني الو مناصرين واعداء..
من عندي عمبقلك ...
مافي مقارنة مثلاً بين الملا عمر و بين ابو بكر الصديق ...
أو بين المسيح و البابا....
وازا مارح عوّل عالمجتمع و رأي المجتمع ..فالاحسن انو أقعد بخيمة بالبرية أعيش فيها لحالي و ما أتخالط مع البشر ...

و من جهة تانية ..انا بأيد جداً فكرة تغيير المجتمع نحو الافضل ...لكن بدون تطرّف ...و بما يتناسب مع ميولنا ....

بالنهاية عن نفسي انا شخصيا ضدها لكثير اسباب .....

بس بالنهاية هي حرية
وانا معك جداً .....
بالاخير بتبقى حريّة ....
:D

بصراحة ماكنت حابب شارك بالموضوع ...وعمبكتفي بمتابعة المشاركة و الافكار ...
بس لما شطح الموضوع كتير و وصلت الامور للأهانات ...وعمتنبعت التقارير و ماعمبيشي الحال ....قالمشاركة أصبحت واجبة ...
واعزرونا....


هلاء انو تحكي على شخص معين ...وباسلوب معين ....وبتقول عادي ....فاسمحلي يعني ...
هون بتكون عمتحاول ...وبطريقة غبيّة كتير ..انو توصل رسالة....
الرسالة اللي هي تحت ....واللي بتنفهم انو كل واحد مسلم أو مؤمن هو متخلف و بدّو يرجع الوضع لورا....وانو انتو ...اليسار يعني ...اهل الحضارة و التقدم .....والمظلومين على مرّ العصور .....:cry:

مارح أدخل معك بمواضيع النبي و وشو حكى و وشو عمل ...هو أكبر و أعلى انو نحطّو موضوع نقاش مع أمثالك

بس بدّك أقللك شغلة ....هون أخوية منتدى تغلب عليه صفات العلمانية .....فلا تفكّر حالك ازا شفتلك كم واحد على شاكلتك انو أموركن انحلّت و انو الوضع تغير .....
متل الواحد ازا كان شاذ جنسياً و دخل على نادي الشواذ ...بيقول لحالو ...ياااي أديشنا كتار :yahoo:
بس بالحقيقة هنن كتار بس بالنادي ...بيطلعو لبرّة على الواقع بيشوفو حالن انن " ولاشي"......

اي و في عنّا عالم بسوريا حابّة تموّت النخوة و تنشر الدعارة تحت ستار الحريات و تصير ترتطن بالانكليزي و الفرنسي لانها كتير متحضّرة ....وبدها الواحد شوف مرتو عمتتمازح مع "الفريندز" و هاد اللي بيقرص و هاد اللي بلحمس ...يه وشو عليه ..ماهدول هنن "الفريندز" تبع الجامعة .....وتحب انو الولد مايبنعرف مين أبوه و ماحدا يعرف اللي عمبيربيه هو ابنو و لا ابن جارو ......و أحب على قلبها انو تقلد زبالة الغرب ...منشان يصير اسمها "مابعد حداثية":lol:
انتا مشرف مدري زعيم مدري شو..... بس رجاء لا تحكي عني هيك .... أنا ما أسأتلك بشخصك....لا تسئلي ....
وأنا بطلب من ادارة المنتدى تسجلك مخالفة على هالحكي.... أنا مو غبي أولا ... تانيا انا ما عم انشر الدعارة أنا طرحت موضوع للنقاش واذا مو قادر ع النقاش لا تناقش أخي.....
تالتا أنا عندي نخوة وشرف أكتر بكتير من غيري بس الشرف والنخوة مو متل مانك مفكر انو بحرمان البنات من التفكير والتعصب لأراءك .....لأنو مجرد انك ذكر.... النخوة بتكون باني افهم مشاعر أي أنثى وما عاملها كأنو هيي آلة غسل وطبخ وكوي.... وهالحكي هاد....
وأنا مرتي اذا بدها تعمل اي شي ضمن الأخلاق.... وبدون تحجيم لرأيها أنا ما فيي قلها لأ لأنها انسانة ... بعدين انتا حبيبي معلش تلحمس وما بعرف شو وهيي لأ ؟؟؟ ليش انتا بشو أحسن من أي وحدة بأخوية؟؟؟؟ أنا بظن انو في كتير بنات هون أحسن مني ومنك ومن كتير مخلوقات بتدعي الرجولة لمجرد وجود الشوارب بوشها.....
وأنا ما بقلد الزبالة.........
أخيرا برجع بقلك انتا متعصب هاد الشي بيخصك بس لاتتطاول عليي رجاء لأني ما أسأتلك شخصيا ولا بسئلك ... لأن انتا أخي بالانسانية.....رغم أنفي
شكرا جدا جزيلا

المساكنة شي حلو وأنا معها 100% وحتى بمجتمعنا
ممكن ساكن...بس لو اني بمجتمع غير اللي أنا فيه
الموضوع ما بيهمني ...وبعتبر انو ما الو داعي
المساكنة حرام....وغلط...ومو لازم يتناقش هالموضوع أبدا






هلأ أنا بين الخيارات الأربعة المطروحة، ما لقيت خيار بيعبر عن رأيي، مشان هيك ما رح صوت، بس مع ذلك، بدي أحكي رأيي.


"المساكنة حرام" هذا حكم ديني بحت، متل لما منحكي "الخنزير حرام"، أكيد مبني على اعتبارات وأسباب بيحددها الدين. بس بيضال حكم ملزم للمؤمن وما بيلزم غير المؤمن. هلأ الدين بيحاول يفسر ليش وقع التحريم بسلسلة من الأسباب اللي بغض النظر عن كونها مقنعة أو ما مقنعة، بتضالها مقصورة على تبرير الحرمة لأصحاب هذا الدين. مثلا، لما منحكي "الخنزير حرام" لأنو حيوان مش نظيف، وبياكل الوسخ ولحمو ثبت علميا أنو ضار، إلخ.. من المبررات، وبيجي شخص تاني ما مقتنع بالفكرة ولا بالأسباب المذكورة لأنو حسب قناعتو الحيوانات كلها مش نظيفة وبتاكل وسخ، والخروف مثلا لحمو ما كتير صحي لأنو نسبة الكوليسترول عالية فيه، فبشو أحسن من الخنزير؟ إلخ..


الفكرة انو الشي الحرام دينيا ما بالضرورة يكون سيئ بالنسبة للكل، وحتى الشخص المؤمن ممكن يلتزم بالحكم لأنو مقتنع تماما بالأسباب المذكورة أو فقط من باب الالتزام بالدين من غير ما يكون مقتنع كتير بالسبب.


وهاي النقطة اللي بدي أوصلا، المساكنة حرام، أوكي، حكم شرعي بلتزم فيه إذا أنا شخص مؤمن، وممكن أقتنع فيه تماما كمان إذا الدين حكالي مثلا المساكنة ممكن تنتج عنها شغلات سلبية في المجتمع وضرر لعدم ضمان حقوق أي من الطرفين. طيب إذا المساكنة تمت على أساس ما بتترتب عنو ها الأضرار، وإذا الأولاد اللي رح ييجو من ها العلاقة رح يكون عندهم نفس الحقوق بالضبط اللي عند الأولاد اللي بييجو من علاقة زواج؟ وإذا ها الصيغة هي صيغة قريبة جدا من الزواج بحيث أنو ممكن حتى توثيقها بعقد رسمي بيضمن للطرفين جميع الحقوق؟ متل ما هو حاليا في الدول الأوروبية؟


اي، بطبيعة الحال إذا انت شخص مؤمن، رأيك ما رح يتغير وما رح تساكن، لأنو مع اختفاء الأسباب، الدين لساتو بيحكي انو المساكنة حرام! بس مع ذلك النتيجة اللي ممكن أوصلا، هي انو المساكنة مانا لا أخلاقية ولا سيئة ولا مضرة بالمجتمع، المساكنة بس بتتنافى مع قناعتي الدينية، مشان هيك ما ممكن أعملا، متل ما الخنزير مانو سيء ولا يؤدي أكلو إلى الوفاة، بس هو "حرام" مشان هيك ما رح أكلو.

للأسف هيك شغلات من زمان ما كنا نسمع فيها بسورية، بس تغير الزمن بالنسبة لي أنا عشت بالخليج وبأوروبا والحمدلله ما قربت على هيك مواضيع، لكن شفت عرب كتير جربوا هالمواضيع والنتيجة: إما إنو بس يتزوج واحدة تانية فالزواج فاشل بسبب إنه بيكون مشبع عاطفياً أو بيترك البنت وبها لحالة بسورية بالنسبة للبنت كارثة يعني الله ما حرّم شيء من فراغ، والبنت هي الخسرانة عالحالتين وهالشيء ليس عادات أو تقاليد بل هو دين سواء إسلامي أو مسيحي

بدي ضيف فكرتين ..

أول فكرة لأبو نجبو ... ما حدا رح يشوف نقيضو صح ... لا الملحد رح يشوف المتدين صح، ولا العكس .. ولا اليمين بقبل اليسار ولا العكس ... الخ ... بيبقى شي واحد ... ننظر للموضوع بشكل انساني ... وبعيد وبزيد وبقول انساني يا جماعة ... يعني مو لأنو فلان يساري هو عاطل وبشجع الانفلات ولا المتدين هو متعصب بالمطلق ويشجع على التزمت ... الانسان معاملة .. مو لأنو فلان متحرر يعني بشجع الفكرة البشعة اللي حكيت عنها وانو مرتو فلتانة إلخ.. صحيح في ناس تسيء استخدام حريتها بس مو الكل.. متل ما بعض الناس تسيء استخدام دينها بس مو الكل ... ليش بناخد الامور بشكل متطرف دائماً. وليش لنحرم الناس من حريتها لوجود أشخاص يسيئون استخدامها.. كتير ناس تسيء باسم الدين، بس ما حدا عم يمنع الدين.
يفترض انو نحنا هون جماعة على قدر معين من الفهم .. مو يعني اذا بدو حدا يعيش مع حبيبتو أنو فلتان.. بل على العكس ...
وهاد اللي رح يوصلني للفكرة التانية ... واللي هي انسانيتنا .. يعني ممكن يكون في 600 ظرف يمنع حبيب يتجوز حبيبتو ... وهالتنين جماعة "متحررة" خلينا نقول وتتقبل الفكرة وممكن تطبيقها بالنسبة لهم .. ليش لأ ... اذا ما كان عم يضرو حدا .. تنين بحالهم يمكن إزا شفتهم تفكرهم متزوجين ..

وبعدين أي شي حتى لو جاي من الغرب .. ما رح يطبق بشكله الغربي بل بيطبع بشكل شرقي إلى حد ما وبتصيرلو خصوصيتو ... هاد بالمطلق ومو بهالموضوع بس.

انو الي عم تابع بالموضوع .. بعد ما رديت عليه باول صفحة يمكن .. وشفت كتير فوتات وطلعات واتشعغب الموضوع كتير .. في فكرة .. حكتها نيرفانا .. ويبدو لهلا البشرية ما عم تدرلها ..
وانا عكلن لح حاول لخص الموضوع بما شفتو .. فيه فائدة بعد كل هالحكي .. واهما ..

معليم .. الشغلة حرام دينيا .. ما في لا 2 ولا 3 ولا 4 .. بيختلفو عليا ... خلصنا نقطة انتهى ..
صدقوني .. الشبيبة المقروقة .. واللي عم تحكي عن الموضوع من وجهة نظر ديينية .. الموضوع دييني ما بدو نقاش بنوب يعني .. لانو مبينة حرام اشكرة يعني ..

2 .. شغلة انك تكون مع او ضد .. هي حرية كل واحد فيهم .. لك اخي مو كل العالم دينها .. او معتقداتا بتخلي الواحد يقول لا .. او اي .. اوك انا من العالم اللي ما بقبلا .. لانو ديني بقلي انو حرام .. " على الرغم من اني اصلا مو مع الفكرة متل ما حكيت بردي سابقا .. يعني انا لنمط حياتي ما بفضلا " .. فـ انك تفرض وتقلو هيك وهيك .. ما تحاول تعملا .. عطي رايك .. انو انت هيك .. وما في داعي للتهجم على غيرنا ..

3.. الشبيبة .. اللي عم تحكي عن المساكنة .. انها حل البشرية والتطور ..وانو بس لنطبق هالشغلة .. وبس لنشوف هالحرية " اللي حطيت حدودها بنظرك فقط " .. هية حل لمشاكلنا .. فـ بحب قلك انو غلطان .. وغلطان كتير .. لانو ما دايما الحرية بتعمل .. التطور والحضارة ..

ما لح فوت بنقاش هالنقطة كتير كرمال ما يطلع الموضوع بررا ويشذ .. بس رجاء يعني .. ما بقا تفوتو لا قصص دين .. ولا بقا تتقاتلو يا جماعة الخير وحياة الله القصة ما بدا كل هالقد .. وهيكه ..

اتزكرو دايما .. انو لو وصل الموضوع ل 10000 صفحة .. والكل قايل .. اي مع المساكنة .. ما لح يلتغى الزواج ابدا عفكرة .. ولا لح ادايق انا او انت .. ولا لح يتطبق بجوز هالشي .. وكمان .. وقت يكون عندك 100 صوت عم يقولو لا .. اللي بدو يساكن .. لح يساكن .. يعني .. ما كتير .. تعملو القصة .. قصة .. كبيرة ..

كل مين براسو عقل وبيعرف كيف يشتغل فيه .. ويفكر فيه ..

:D


هاد هو الحكي المزبوط

انا مع يمان مية المية:D

يسلمو يمان:lol:

لكل الاعضاء
يا ريت تقرو هالرد منيح:D

بدي ضيف فكرتين ..

أول فكرة لأبو نجبو ... ما حدا رح يشوف نقيضو صح ... لا الملحد رح يشوف المتدين صح، ولا العكس .. ولا اليمين بقبل اليسار ولا العكس ... الخ ... بيبقى شي واحد ... ننظر للموضوع بشكل انساني ... وبعيد وبزيد وبقول انساني يا جماعة ... يعني مو لأنو فلان يساري هو عاطل وبشجع الانفلات ولا المتدين هو متعصب بالمطلق ويشجع على التزمت ... الانسان معاملة .. مو لأنو فلان متحرر يعني بشجع الفكرة البشعة اللي حكيت عنها وانو مرتو فلتانة إلخ.. صحيح في ناس تسيء استخدام حريتها بس مو الكل.. متل ما بعض الناس تسيء استخدام دينها بس مو الكل ... ليش بناخد الامور بشكل متطرف دائماً. وليش لنحرم الناس من حريتها لوجود أشخاص يسيئون استخدامها.. كتير ناس تسيء باسم الدين، بس ما حدا عم يمنع الدين.
يفترض انو نحنا هون جماعة على قدر معين من الفهم .. مو يعني اذا بدو حدا يعيش مع حبيبتو أنو فلتان.. بل على العكس ...
وهاد اللي رح يوصلني للفكرة التانية ... واللي هي انسانيتنا .. يعني ممكن يكون في 600 ظرف يمنع حبيب يتجوز حبيبتو ... وهالتنين جماعة "متحررة" خلينا نقول وتتقبل الفكرة وممكن تطبيقها بالنسبة لهم .. ليش لأ ... اذا ما كان عم يضرو حدا .. تنين بحالهم يمكن إزا شفتهم تفكرهم متزوجين ..

وبعدين أي شي حتى لو جاي من الغرب .. ما رح يطبق بشكله الغربي بل بيطبع بشكل شرقي إلى حد ما وبتصيرلو خصوصيتو ... هاد بالمطلق ومو بهالموضوع بس.
لو الواحد بينظر للأمور من وجه نظر انسانية وبينظر للآخر على أنو انسان كانت البشرية بألف خير..بس عيش يا كديش اذا بتعيش

يه ابو سارة .....
الرسائل الخاصة مو من هون ....:p
معلمي و تاج راسي انت .....
بين عمتحكي عن جماعات و شخصيات مثيرة للجدل ..وبين أشخاص الهن قدسيّة عندك


سيدي و تاج راسي. ..

من تقول المساكنة حرام (معناها على اساس ديني ) ... و بهيك فيه الواحد يحكي بحكم كل شي بالدين

اما من تقول المسكانة لا اخلاقية ... بهيك تصير الاخلاق اساس النقاش .. و هكذا


دخلك وشو بيفرق الزرقاوي عن "تشي"....
ما هاد كان الو مناصرين و اعداء و التاني الو مناصرين واعداء..

من نشوف الغرب يعمل تمييز ضدنا ما لازم نزعل ...

من المعتدلين عنا ... ما بيفرقو بين النضال و الارهاب و القتل على اساس الهوية !!
بقا لازم نبوس ايدنا انو ما ساءت المعاملة اكتر !





وازا مارح عوّل عالمجتمع و رأي المجتمع ..فالاحسن انو أقعد بخيمة بالبرية أعيش فيها لحالي و ما أتخالط مع البشر ...

و من جهة تانية ..انا بأيد جداً فكرة تغيير المجتمع نحو الافضل ...لكن بدون تطرّف ...و بما يتناسب مع ميولنا ....


لا هي مو صحيحة ...

يعني انت هلا بالصين عم تشتغل و يمكن ولادك بالمدرسة ... بس قبل 100 سنة كان ما حدا يرد السلام عليك ... و بكل سهولة يقللولك غادر ارضنا .. لانك اجنبي ..

المجتمع متقلب ... هذا اللي اريد قولو


مو بسهولة تقول لواحد بمنطقة قبلية .. قوانين القبيلة اهم من قوانين الدولة ... و اذا ما يعجبك روح هاجر من منطقتك !

مو عملي هذا الحكي ...


وانا معك جداً .....
بالاخير بتبقى حريّة ....
:D

بالنهاية على قولتك هي حرية ... :D

بدي ضيف فكرتين ..

أول فكرة لأبو نجبو ... ما حدا رح يشوف نقيضو صح ... لا الملحد رح يشوف المتدين صح، ولا العكس .. ولا اليمين بقبل اليسار ولا العكس ... الخ ... بيبقى شي واحد ... ننظر للموضوع بشكل انساني ... وبعيد وبزيد وبقول انساني يا جماعة ... يعني مو لأنو فلان يساري هو عاطل وبشجع الانفلات ولا المتدين هو متعصب بالمطلق ويشجع على التزمت ... الانسان معاملة .. مو لأنو فلان متحرر يعني بشجع الفكرة البشعة اللي حكيت عنها وانو مرتو فلتانة إلخ.. صحيح في ناس تسيء استخدام حريتها بس مو الكل.. متل ما بعض الناس تسيء استخدام دينها بس مو الكل ... ليش بناخد الامور بشكل متطرف دائماً. وليش لنحرم الناس من حريتها لوجود أشخاص يسيئون استخدامها.. كتير ناس تسيء باسم الدين، بس ما حدا عم يمنع الدين.
يفترض انو نحنا هون جماعة على قدر معين من الفهم .. مو يعني اذا بدو حدا يعيش مع حبيبتو أنو فلتان.. بل على العكس ...
وهاد اللي رح يوصلني للفكرة التانية ... واللي هي انسانيتنا .. يعني ممكن يكون في 600 ظرف يمنع حبيب يتجوز حبيبتو ... وهالتنين جماعة "متحررة" خلينا نقول وتتقبل الفكرة وممكن تطبيقها بالنسبة لهم .. ليش لأ ... اذا ما كان عم يضرو حدا .. تنين بحالهم يمكن إزا شفتهم تفكرهم متزوجين ..

وبعدين أي شي حتى لو جاي من الغرب .. ما رح يطبق بشكله الغربي بل بيطبع بشكل شرقي إلى حد ما وبتصيرلو خصوصيتو ... هاد بالمطلق ومو بهالموضوع بس.
الموضوع ماكن هيك مفهوم ...
الي بيلاحظ انو انا ما شاركت بالموضوع الا لبين ماصار شطط و تخبيص من البعض ....
ونحن حكينا مراراً و تكراراً.... لاتقلبو مواضيع انسانية اجتماعي لحوار طرشان بين جهتين متباعدتين متباغضتين
كتير من الاعضاء الجداد ما بيعرفو أخوية منيح ....بيحولو الموضوع لنقاش ديني - علماني ...او يمين - يساري
ونحن طلبنا من الجداد ...عبر البرايفت انو رجائاً لا حدا يقحم موضوع الدين و الايات القرأنية وا الانجيلية بهيك شغلات ....
أخونا "بالأنسانية" اتهم المتدينين بأنهم متخلفين و انو تعاليم الانبياء بترجّع الانسان لعصور الظلمة و الظلام...
وواحد تاني قال طز بالشرائع السماويّة ....فيكي تقوليلي شو بدها تكون ردّة الفعل ....!!
معلش انا انسان وسط كتير ...معتدل يعني ....ومنفتح كتير على الاراء و الافكار الجديدة ...وحتى الغريبة منها ...
حتى لو كانت بتمسّ بمعتقدي ...بتبقى وجهات نظر و مجبر عليي أحترامها ...لما بتنطرح باحترام
بس لمّا بتنطرح بتهور و تطرف و تصوير الوضع على انو في ملايين " البلهاء و كدش" متديننين و عايشين متل الانعام ...
فـ رح أتطرف بموقفي و الوسطية الالي عندي رح تنتفي ..ويحل محلها تشدد و و توصل للكراهيّة ...و بهالحالة مارح نصل لنتيجة و تزيد الهوة و الفرقة بين الناس .....
وعلى ما يبدو انو انا أسأت وصف اليسار بردّي الاول ...لانو بعرف انو مو كل اليساريين متل أخونا اللي فوق .....
وانو هو مابيمثل الا حالو .....و اليسار منّو براء ....

انتا مشرف مدري زعيم مدري شو..... بس رجاء لا تحكي عني هيك .... أنا ما أسأتلك بشخصك....لا تسئلي ....

انا ماقلت عنّك غبي ....قلت انو طريقتك كانت غبية ....كتير من الاحيان الشخص الطبيعي بيتصرف بغباء ...
بتفرق...

وأنا بطلب من ادارة المنتدى تسجلك مخالفة على هالحكي.... انا ما عم انشر الدعارة أنا طرحت موضوع للنقاش واذا مو قادر ع النقاش لا تناقش أخي.....

شو مشان انك اتهمت شريحة كبيرة جداً ..أكبر من انو تستوعبها حتّى ....بالتخلف و تصورها بأنها لمجرد اتباع تعاليم نبي ..رح يعيشو على ضو السراج و سوق عكاظ و مدري شو .....
اذا مالك معتقد أو محترم انو في شخصية الها قدسية عند شريحة كتير كبيرة من البشر...كيف بدّك العالم تحترم و تسمع الك ....؟
برجع بقول انو كنت متابع الموضوع من أولو ....وكتير الوضع عادي و مريح...وكتير من الافكار اللي انطرحت كانت مقنعة ...لبين ماصار تخبيص وشطط....من حضرتك

وجب التنويه....

سيدي و تاج راسي. ..

من تقول المساكنة حرام (معناها على اساس ديني ) ... و بهيك فيه الواحد يحكي بحكم كل شي بالدين

اما من تقول المسكانة لا اخلاقية ... بهيك تصير الاخلاق اساس النقاش .. و هكذا

معك انا بهاد الكلام ...
صاحب الموضوع حط بأحد الخيارات انو المساكنة حرام ...فهو قطعاً افترض انو الموضوع رح يقلب لنقاش ديني ...كونو حطّو ضمن الخيارات ...لو انو استبدل هالخيار ب " لا أقبل المسكانة ....مابتتناسب معي " ممكن هداك الوقت أخد الموضوع بحسن النية و نتناقش ....على المبدأ الانساني

يعني من وجهة نظر دينية فهو حرام ...لالبس فيه ...
أما من وجهة نظر الانسانيّة ...فينا نتناقش وناخد و نعطي بكلام فيه ....


من نشوف الغرب يعمل تمييز ضدنا ما لازم نزعل ...

من المعتدلين عنا ... ما بيفرقو بين النضال و الارهاب و القتل على اساس الهوية !!
بقا لازم نبوس ايدنا انو ما ساءت المعاملة اكتر !

لحظة ...
انا قلت انو شخصيات مثيرة للجدل....
مافي كتير ناس بتحبّ هتلر و بتؤمن فيه لابعد الحدود....
لك لاتروح لبعيد ....
حافظ الاسد ...كتير من البشر بيعتبروه مناضل و مكافح .....وكتير من الناس كمان بيعتبروه مجرم سفّاح خرب الدنيا
مالي أبداً من مناصري الزرقاوي أو بن لادن ولا هل الشلّة ....بس بيبقو انو الن حضور عند شريحة واسعة مابتقدر تلغيها أو تنفيها الا بالحوار ....البنّاء كمان



لا هي مو صحيحة ...

يعني انت هلا بالصين عم تشتغل و يمكن ولادك بالمدرسة ... بس قبل 100 سنة كان ما حدا يرد السلام عليك ... و بكل سهولة يقللولك غادر ارضنا .. لانك اجنبي ..

المجتمع متقلب ... هذا اللي اريد قولو


ياسيدي مارح قلك 100 سنة...صرلن 30 سنة بانفتاح عالغرب....
لكن هل تعلم انو هالانفتاح ما أدى انو يفقدو عاداتن ...وانو كتير كتير بيعانو من الافكار و العادات الغريبة المستوردة ....
هل تعلم انو الصين ما غيرت أي عيد ديني من 2000 سنة لحد هاللحظة ..مع انو الحزب الشيوعي مستلم السلطة من 70 سنة ....لكن لحد اليوم بيحتفلو بيوم التنين و عيد الربيع و رأس السنة الصينية و نفس العادات اللي كانو يمارسوها من مئات السنين محافظين عليها .....
صار في انفتاح نعم ....تغيرت طريقة اللبس و الاكل و التفكير...نوعاً ما ..ممكن ...
لكن لحد اليوم تقديس حميمية العائلة و احترام الجد و الجدة شي مقدس ما حدا ممكن يقرّب عليه .....وماحد ممكن يغيرو ....
ما بخفيك ....من وجهة نظري..... انو النظريات الجاهزة أثبتت فشلها بالتطبيق بدون احترام الخصوصية و البيئة و الموروث .....
انا مؤمن ايمان تام انو المجتمع يجب أن يتغير ....لكن بيلزمو الوقت الكافي ....و بدون تطرّف .......
بيكفي....العراق امامنا شاهد ....لما صار التحول الديموقراطي السريع كلف ملايين البشر .....فما بالك بالتحول الديموقراطي الاجتماعي .....



وأحلى دكتور أبو سارة
:D

بالنسبة للاستفتاء ما حشارك لان ما بيشمل كل الخيارات

يعني معلش شيل الدين وشيل المجتمع وشيل كل شي

الشهوة الانسانية ما بيحكمها لا مخ ولا علم ولا دين

لهيك اذا البنت رح تبقى محتاطة طول الوقت لحتى ما تعمل اغراء

والشب رح يحاول يتصرف كاخ ما بيشتهي البنت الي معه

فهي صارت مسخرة

فما بتظبط

:D

مرحبا يا رفاقي ويا رفيقاتي ......... اهلين رفيق..

بتمنى أوقاتكم تكون روااااق وع الآخر لما تكونو عم تشوفو ه المشاركة..أو الاستفتاء....أو اللي بدكم ياه....
المهم انو بتمنى تعطوني رأيكم بهالموضوع اللي كتير من الشباب والشابات بهالمجتمع الخائف من أي خطوة أخرى تجاه الانفتاح بين الجنسين,,,,, كتير مزبوط هالحكي

وللتوضيح....المساكنة هي سكن شب ورفيقتو ببيت واحد....ممكن يكونو بحبو بعض ....ممكن يكونو مرتاحين لبعض ......وممكن تكون علاقتهم محددة بطريقة هني بيختاروها....
موضوع المساكنة .....هو موضوع كتير بسيط وكتير محبذ من الطرفين بس في عوائق عم توقف بوش هالموضوع وتمنعنا من انو نتناقش فيه بجدية وهيي انو نحنا لحد الآن رغم كل اللي عم نعيشه من تطور وحضارة عم نخاف من أنو ننفتح على بعضنا ولساتنا عم نعتبر أنو موضوع اختلاط الشباب والشابات ببعضهم البعض هو موضوع محرم ويجب الحد منه بأي طريقة .....ولساتنا كل ما شفنا بنت ماشية مع شب منتطلع عليهن ومنقول الله يعلم شو صاير بيناتن والله العليم وين كانو ووين رايحين...طيب شو دخلك ومين اللي سمحلك تتدخل بعلاقتهم مع بعض وشو بدك فيها وين كانت ووين رايحة؟؟؟؟طلاع من حياتن وطلاع من راسن وطلعهن من راسك يا أخي....
و شكرا ...جدا.......جزيلا....... برايي .. موضوع المساكنة لسا بكير عليه كتير لحتى ينطرح بمجتمعنا..
مجتمعنا عميتطور.. بس بدو وقت طويل لعدة اسباب منها السياسية ومنها العقائدية وثقافية ..
اما بالنسبة لسكن الشب مع الفتاة.. فانا ( شخصيا ) مابشوف فيها شي طالما هن محترمين خصوصية المجتمع وما عميعملو شي غلط بنص الطريق .. يااخي هن ببيتن شو الك انت شو عميعملو ..

انا بدي عقب على نقطة لاحظتها.. الا وهي خوف البعض من الانفتاح .. انو ممكن يتسبب بفلتان اخلاقي وفساد ومن هالحكي..
هلا هي وجهة نظر فيها شيء من الصحة.. يعني مجتمعنا الشرقي الو عادات وتقاليد صعب انك تغيرا بيوم وليلة ولا بسنة وسنتين .. ولو صار اي انفتاح بشكل سريع .. السيطرة على ردة الفعل مارح تكون سهلة ابدا..
عجبني رد عميقول.. انو نحنا مافينا نكون اوروبا وفينا نتطور بدون مانقلد... حلو كتير بس كمان نحنا مافينا نتطور ونحنا بهالعقول المتحجرة .. لما نصير نشوف الانثى على انها ((((إنسان)))) متلك متلا وقتا فيك تقول انو نحنا فينا نتطور ..

:D