تعا اقلي تعا اقلي تع ( مقلاية 8 ) [الأرشيـــــف] - صفحة 6

Sun Shine Art

13/07/2009, 21:12

لك علي ما علي......أحلى أبو طوني بل المجرة:Dا

ايه ايه ما في منو ...ابو طوني :pos:
أنو صوفي ما غيرها بل المئلاية:o.........وئعت عا خناء رئبتك:jakoush:

ايه صوفي ما غيرها ..بلاقيك فرفشت :frown:

تكلنا عا بو غيمة

شو اشتغل الشفط بلاقي ;)

شو رائيك بل شب الشرقي.........أدي ئدر يطلع من تقليد وعادات الاجتماعية الي نزرعت من ميات السنين؟؟؟؟
انت قلت شاب شرقي ...مهما وصل من تحرر من العادات والتقاليد بس بضل مرتبط فيون ان كان سلبيا لا اجابيا ...وبدو وقت منيح وطويل ليتغير ....
أدي إدعائو أنو تحرر صحي.......برائيك؟؟؟؟؟!!!!!!!!!!
مافيني اعطي نسبه هون ...ومافيني اظلمو ...بس برأي الشاب الي بحاول يدعي مختلف عن الي بمارس بقناعه ..واذا عم يدعي اكيد مالح يكون صحيح ولح يوصل لمرحله ويفرض شخصيته الحقيقه

سوريا شو بتعنيلك؟؟؟

ذكرياتي الحلوه والمؤلمه ...اهلي وأصدقائي ....وبلدي الي ما أحتضني...وبتعنلي صوفي الي انا هلىء بشخصيتها ...بس بحبها كتير لسوريا ...

البحرين شو بنسبة الك؟؟؟؟؟؟؟

بلدي التاني الي عطاني امكانيات ...عملي الي كبيرت فيه ...وبلد فتحلي عيوني ع العالم كلها ..اله مكانه خاصه بقلبي ...
أيمتى ناوية ترجعي من الغربة؟؟

جاوبت ع السؤال فوق ...مو بذهني الرجعه بالوقت الحالي

عمل المرأة......أدي بيأثر بي حياتها سلب وأيجاب؟؟؟؟؟؟
سؤال كبير وعميق ..ومؤلم ...لان عمل المرأه اله تأثير كبير بحياتها سلبيا ممكن توصل لمرحله تلاقي حالها بمفترق طرق بين عملها وحياتها التانيه ..واتنين اصعب ..اجابيا ....عطاها القوه الاعتماد ع النفس الامان ...عدم الخوف ..القدره ع قول لأ ...ولاي شي ..بس اكيد كل شي اله مقابل ...بس مع كل هل الشي بنادي انه كل امرأه تشتغل
الحب شو مكانو بي حياتك؟؟؟؟؟؟

الحب ..شي روعه بكل المه وجنانه .بس مكانتو بحياتي ...هل الفتره عم دور عليه

الله شلونك انت ويا؟؟؟؟؟؟:?

بيسلم عليه والله قال مشتقلك ..;)

شو موقع الصداقة بي حياتك؟؟؟؟؟؟؟؟

كل شي ..اهم من كل شي بل الدنيا ....

حالين هاد الي طلع براسي........بظن الي طلة تانية

قلتلي بتظن لكن اي منور هلىء ومره تانيه :p..ودخيل هل الراس انا

الله يحمل معك يا صوفي:p

ايه ايه كتر من هلالدعوات بركي ابو غيمه بيستجاب ;)

تئطع ئلبي عليكي من هلئ:cry:

ايه دخيل هل القلب انا دير بالك عليه ها :p

لك لأ شو من منطلق إشرافي لا خيتو لأ

من منطلق انو اسمك كتير مشرق وتوقيعك اكتئاب نظامي :p

بختلف معك بهل النقطه لان انا قاصده فيه شي تاني ..ومعبر عني بطريقه مختلفه عن الي فهمتيها ...يعني ما بشوفو انه الو علاقه بالاكتئاب ابدا ...بالاخير هدا تعبيري الشخصي ...

:D

يمان Rooooonaldo

13/07/2009, 21:38

شو صار .. معك بدك تسلميني شركاتك كلا .. ولا خليكي تفلسي ؟؟

:p

* هاموش .. ما نصيحة حطك براسي .. :gem:

black_iris

13/07/2009, 21:59

suryoyo

13/07/2009, 22:13

Abu Guzef

13/07/2009, 22:21

سمايلي مستعجل

اي عالسريع سرقت حالي شوي من الدراسة عندي امتحان بكرة قلت بزتلك الأسئلة وبرجع بعدين

فيلا ::

هات لنشوف عطيني رأيك بالتالي :
-----------------
الحيوان

الجراثيم

الإنسان

الله

-------------------
الدين

الطائفية

الإلحاد

العلمانية
---------------------------
السياسة

الحروب الإقتصادية

امريكا

روسيا

سوريا

العراق

الجولان

كوبا
--------------

مين اقرب واحد الك هون

مين ابعد واحد

شو سيارتك

وكم حادث سويت (بعيد الشر )

شو اول سيارة كانت عندك

-------------------

كلمتين منك لاخوية

شو عطتك اخوية

شو اخدت منك ( غير الوقت )

-------------
تكنولوجيا:
_________
شو نوع موبايلك

شو اخر رقم بموبايلك

كمبيوترك مواصفاتو عالماشي

شو سرعة النت عندك

--------------
عالماشي
__________
شو نظريتك بالحياة

شو بتعنيلك الحياة

قديش معك بالبنك

شو أحلا اغنية للتالي :: لفيروز , ام كلثوم , عبد الحليم , وديع الصافي , جورج وسوف , ابوجوزيف
مممم

بس بيكفوك هدول راجعلك

رجعت :lol:
========
مقارنات.
=======
‏
شاي ولا قهوة

عرق ولافودكا

نبيد مز ولا حلو

فوكس ولا هنكن

ريد لابل ولابلاك لابل

ويسكي ولا كونياك

ريان ولا بطة

وينستون احمر ولا لوكي

وينستون ابيض ولا جتان

مرسيدس ولا بي ام

لوس انجلس ولا لاس فيغاس

ماي سبيس ولا هاي فايف

دودج ولا فورد

انا ولا هوي

لاب توب ولا كمبيوتر مكتب

نوكيا ولا سوني اركسون

كيا ولا هيونداي

تويوتا ولا جمس

سبور ولا رسمي

باريس ولا روما

سوفييت ولا أمريكا

:pos:ولا :frown:

انا مساويلك شي؟
انت بتكرهني شي؟
ليش آخر مرة تخانقنا؟

شو بتقرأ أكتر شي بأخوية
‏
طيب شو بتحب اكتر شي بالصبية تكون يعني وبالشب كمان كزلك

وإزا طلع في جنةونار
وقالولك لازم تاخد معك7 من أخوية
مين بتاخد
إزا عالنار مين وإزا عالجنة مين

هل صحيح هالحكي التالي :

إبن العز بيضل إبن عز لو جار عليه الزمان وصار بحالو تعبان بس يلي ما ببيت أهلو شبعان و من مبارح صار أمير الزمان بيضل شلون بدو يعيش حيران .
‏====
وهل يمكن بمعدل مئوي الأخذ بـ : وراء كل رجل عظيم رجل أعظم

شو تعريف الروح؟
‏
إزا صرلك شي وماعاد تفوت ع أخوية بعيد الشر يعني شو بتوصينا
‏
شوتعريف الحشيش
وكيف يتم تمييز النظامي عن المروكب

شو بيزكرك هاد السمايل

إزا شي يوم ندق باب بيتك وقلت مين ونقال انا علاء شو بتكون ردة فعلك

سبيشال بس يتبع ..:

هلا انا ليش هيكي سبحان ربك حبيتك مابعرف ليش .. وانا قليل لحب حدا عالحارك

ليش انا كسلان بمادة العربي :sick:

إيمتى بدنا نعمل السكرة :larg:

يلا باي باي هلا

سوا ربينا

13/07/2009, 22:23

الخالة صوفي هون يا مرحدا يا مرحدا ...

انو مش جاي ع بالي اسئلة هلأ بس منجرب اكمن سؤال خفاف ظراف..

اي ستو .. انو ليش هيك انتي دايما مش رايقة يعني نادرا نادرا ما شوفك رايقة ودايما بتكفري ؟ :?

تاني شي .. شو بتشتغلي ومن اي ساعة لاي ساعة ؟
الشغل بيسببلك مشاكل شي ؟ يعني نفسية مثلا..؟
شو بتحبي وشو بتكرهي وليش ؟؟

بيكفي ...شايفة ما احسني ..:oops:

jankasanova

14/07/2009, 05:40

حاليا سؤال واحد فقط:larg:

ليش Sun Shine Art ؟ يعني شو سبب اختيارك لهالاسم؟
:D

saman

14/07/2009, 06:44

كم سؤال خفيف نضيف ..:gem:
ازا جتك بنت شو رح تسميها ؟.:oops:
وازا طلبت بنتك لابني المستقبلي بتقبلي او لأ ؟:pos:
ايمتى بدك تجي ع سوريا ؟:cry:
ايمتى بك تجيبيلي هدية بمناسبة نجاحي ؟ وشو هيي الهدية ؟:clap:

اسئلة جدّية :
شو رأيك بالمثلية الجنسية ؟
شو رأيك بالتدخين ؟
شو رأيك بـ مشاهدة الافلام الاباحية ؟
شو رأيك بالمقاومة ؟

يتبع .... :larg:

يمان Rooooonaldo

14/07/2009, 15:12

وازا طلبت بنتك لابني المستقبلي بتقبلي او لأ ؟////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

يعني انت يا محشش يا محشش .. ازا انت هلا عمرك 18 .. ولسا بدك للتجوز قول 10 سنين .. ولتجيب ابنك .. بدك كمان ليتجوز ويصير شي 25 سنة ازا كنا متفائلين فيك اولا :p وبابنك تانيا ..

فـ اا .. انو .. اينا بنت .. بدك تخطبول ياها .. :?

Sun Shine Art

14/07/2009, 16:39

:Dمرحبا أنسة صوفي...

اهلااااااااان احلى ريمي بالدنيا :D

تضربي اذا بيجي منك شي منيح .. عدلتك فوق وحطيتلك الاقتباسات :pos:...

ايه متواخذينا شو بتعملي كل شي حاولت ما ظبط وماعم اعرف كيف ...خويته انا بهك قصص :p

حالياً ما عندي سؤال الك ... بس خدي هاي القائمة اللي عدلا حسون - تاركا عندي امانة:p- .. لانو خايفه يتأخر بالفوته..

عطينا رأيك بهالاعضاء بصراحة :sly:

ايه شو قليل هل السؤال ..لحالو بخرب الدنيا :p

ٌReemi انسانه رائعه ومشرقه بمعنى الكلمه حكيها وتصرفاتها اكبر من عمرها ..وبيسعدني كتير تكون صديقه الي :D

marioma alghzayala مريومه مافي حكي بيناتنا ..بس من حكياتها مبين انه طيبه وظريفه :D

hanny dagher رفيق الفيس بوك :p..بضل يفقعني ..بس بجنن هل الزلمه بحكيتو :D

AHMAD انسان رائع ومتحرم ..امكانياته كبيره كتير ..بتمنى تجي فرصه وتعكي حقه ..قوي الشخصيه ومحب:D

Genifer ما بعرفها :D

أإأبو العبد, يا ابا العبد هل الزلمه نهفه من النهفات ...وعليه كل رد بياخد العقل :D

ام الجود...:D

شوط ياقمر, ...بكفي انه حومصي :D

sweetbaby مجنونه واحلى شي فيه جنانها ..:D

Abu ToNi بامكانيته وثقافته وفكره بتوقعلو يوصل للعالي ..شخص كتير بيعجنبي وبحترمه كتير :D

maged-syrian ..مافي معرفه :D

butterfly .بتصوري في امور لازم اتغيرها بطريقه التعامل والتعاطي مع الاخرين :D

وشم الجمال .شفافه كتير طيوبه وبتاخد العقل ..وبتكتب بطريقه رائعه :D

سوا ربينا انه مثنى ..بحسو قلبو ع الكل وبس بدو الكل مبسوطين ومرتاحين دخيل عينو انا :D

Huzun ....:D

Hashtnasht :D

yass ...ما صار في تعاطي بس بتابع كتاباته ...وبكتب بقوه ...:D

HUS ....:D

Barleb.....ظريف ...:D

باشق مجروح ...قال ما تاخد صديق الا بعد خناقه وانا وباشق صرنا صحاب بعد خناقه ..شخص كلو امل وتفائل .صديق بحترمه كتير :D

محمد ابراهيم.......بحسو متلي بعصب فورا ..بيعجبني بطريقته ردود .:D

Government....عليه كل كلمه بتموتني من الضحك .بس يعصب يا ويلاه :D

صياد الطيور....:D

رجل من ورق....طارق بضل يهتني اني مابعرف اطبخ :pos:

maher4*4.........بغير جو بنكت تبعو ...بضحكني كتير :D

the morrning...هون ما بعرف شو بدي احكي صار في سوء تفاهم بيسط انا وياها بس لازم احكي بصراحه ...مافي كتير احتكاك ..بس بتعجبني كتير شخصيتها ...رايقه كتير ..ومزوقه ..ونشاطها باخويه كتير فعال ....بس كمان مالازم تحكم ع الناس قبل ما تعرفها ..والها مني :D....

abosleman.....:D...

LiOnHeArT3ala2 ...علوئه من الاحباب ....حومصي ومحشش ...بكفي لاعجب فيه :D...

BL@CK....اسلوبه (BL@CK....اسلوبه) مع الاخرين بالحكي والتعاطي فيه كتير اغلاط وفجوات ..براي لازم يرجع يشوف كيف لازم يتصرف مع الاخرين ....:D

MadMax ماصار احتكاك ..بس كمان اسلوبه فيه نوع السخريه من الاخر وعدم الأكتراث للطرف الاخر ..:D

sona78 ....من اروع واغلى البنات الي تعرفت عليون باخويه بحبها كتير :D

هدوء البحر....رواق :D

ابو نجبو.... من الاشخاص الي بحترمون كتير وبجيبو الامل والتفائل ..اله مني ميه ورده صديقي ابو نجبو:D

Abu Guzef ..يعني ابو جوزيف وابو طوني وابو وليم بحسون تلاته توم :p....متل بعض ..ابو جوزيف كتير رايق ومحترم ..وفكره بيعجبني كتير ...وبيشتغل كتير باخويه وبتمنى دائما يطل عليها :D...

بنفسجة....لموش ..بتجنن ..كلها حياه وعفويه ...

sandra .مافي احتكاك بس من كتابتها وشغلها مبينه بنت كتير اكابر ..وفهمانه ورايقه ...:D...

boy freind بضل معصب ليش ما بعرف :D...

whiterose ....:D

leonardo_dicabreo ....رفيق التحشيش والصبحيات ..بجنن هل الصبي ...مع المكرر تبعو :p...

i am sam ....:D....

zen ... ابن العم ..بعنيلي كتير زين ..بخليني ع تواصل مع بلدي ..بحبو كتير واحسن مني بضل يسال علي :p..

VivaSyria ..فادي اول شخص اتعرفت عليه باخويه ..وبحترم هل المعرفه ..شخص كتير متفهم ورائع عندو مبدأ بيمشي عليه وبحترم هل الشي فيه ...بس ما بخلني دافع عن حالي ..:D..من الاشخاص الي الي تفكيرون كتير كبير ..ومتفتح ..وحضاري ...
..:D
black-iris....بيعجبني اسمها كتير ..وهي كتير رايقه ..وظريفه :D

sun shine art ....مين الاخت :?...ما بتعجبني ابدا ..بضل فايته بالحيطان :frown:...

عياش...:D

ِAbu Alzooz ...يعني متل ما قلت من شوي ابو وليم وابو جوزيف وابو طوني بحسون من اساسيات اخويه بالفكر والثقافه والنقاش المحترم الي عندون ...بس لازم ما يغيبو ...ابو وليم نهفه وغير شكل ..:D...

saman ...ميروووووووو:clap:...حبيبي قلبي هدا ...يعني شو بدي احكي صمصوم قلبي بحبو لميرو ...ولا اطيب واروع من هيك ..بس هو ينجح بالبكالوريا ومابدي شي :D حبو انا

يمان Rooooonaldo ...... كرهني برب الشاورما ...:p......يمانوو بحترم فيه طريقته تعاملو مع امور الحياه بامور جديه وخاصه بموضوع الدراسه ...من الاشخاص الي غالين ع قلبي وبيفرحني انه بعرفون ...:D ...ناطره عزيمتو ع الشاورما ...:pos:

انا حابه ضيف كم شخص بعد اذنك ريم .....

ابو ريتا ....من الناس الي بعزون كتير ..شخص كتير محترم بس ما يتمنالو ..يرجع ع سوريا ...:D..

اممي ..حبيبي قلبي ..اطيب من هيك قلب ما شفت ..بيعجبني فيه اهتمامه بالاخرين ..مع انه مطنشني الو فتره ...:D.....

شامي للنخاع ..صديقي بكل معنى الكلمه ..وشامي شو بدو يكون نخوه ..مجنن ربي ..بحترمه وبعزه كتير ...

مجنون يحكي وعاقل يسمع ...الي الفخر اني بعرفه ..شخص صاحب فكر كبير ثقافه واسعه ..من الاشخاص النادرين بهل الدنيا ...مع كل التحششيات الي بتصيي بضل بعقد ...:D..

قرصان .. واللامنتمي ... حرام اخويه تخسر هيك ناس ذات قلم وفكر ..لهم مني كل الود ..ولا اروع من هيك:D..

التعن سماي ...وسامحونا ع الاخطاء الاملائيه انا بالعربي زفت :p

Sun Shine Art

14/07/2009, 16:48

شو صار .. معك بدك تسلميني شركاتك كلا .. ولا خليكي تفلسي ؟؟

:p

* هاموش .. ما نصيحة حطك براسي .. :gem:

ولك شو راسك وشو راسي ..كلنا روس نفس الشي هون ..ومنودي ع الشاورما ...:p

لا لسى لسى ما كملو الشركات ع العدد ناطره شوي وبسلمك ياهون .... احلى يمانو :D

Sun Shine Art

14/07/2009, 16:54

كيفك صوفي
بس سؤال واحد .. ليش ما بشوفك إلا بحالتين .. يا آخر رواء .. يا آخر عصبيه
يا تحشيش يا عم تكفري بالعبري :lol:

ليش ما عندك حالة وسط ؟ هاد مو السؤال :pos:
السؤال .. انتي من الناس اللي سهل تفقدي اعصابك ويمكن استفزازك بسهولة ؟

وبس هيك .. وهي الك :D

بتعرفي صارت سمعه علينا . :p...شو بعرفني والله غير الله مو فهمان ع ربي وع رب الحاله الي انا فيها ...بس بضل مو عاجبني شي ......مشان هيك بضل محششه وعم اكفر بالعبري ..بس شو بدك بالحكي ...احسن ما فكر جديا ...وتجني الجلطه :lol:....

ردا ع سؤالك انا من الاشخاص الي بتحمل بتحمل ..وما بفقد اعصابي فورا ..بس لما بوصل ع الاخير ماعاد بضل لا اعصاب ولا شي ...اما استفزازي ..بيعتمد ع الشخص الي مقابلي بصراحه اذا بهمني امره ايه سهل كتير يستفزني اما اذا مافي كتير بيعنيلي ..ما بأثر ولا بشحطه .....

وميه الك :D....منوره بقلياتك :D

Sun Shine Art

14/07/2009, 16:58

صوفي .. بس سؤال ع الماشي ....

اخوية ... بالنسبة الك

موقع يساري
موقع ليبرالي
موقع نرفيهي
موقع شامل للكل

اسمك بأخوية هو تعبير عن حالة عشتيها ... او صدفة من الصدف ؟

كلمة صوفي .. هل هي مشتقة من صوفيا في بلغاريا ؟ :larg:

او اعجاب ب صوفيا لورين :lol:

يُتبع

وميه اهلا ....ومو بس سؤال وعشره محدا احسن من حدا خيو ...:D

اخويه بالسنبه الي هي موقع شامل لكل شي ...وزياده انه بحسها رابط بيني وبين مجتمعي السوري الي انا بعيده عنه ....:D...

اما اسمي ..فا متل ما قلت هو عباره عن حاله عشتها ..شكلك من فرع 555 ..:p..... وكنت حابه يكون sun shin ...

بس للاسف موجود ...ااما بالنسبه لصوفي ..فهو مجرد اسم بحبو كتير ..وبحب الكل يناديني فيه ..بس مو غلط انه نقول اعجاب بصوفيا لورين :lol:....

وميه ورده :D

Sun Shine Art

14/07/2009, 16:59

المسا برجع بكفي لان أسئلت ..ابو جوزيف بدها سهره وفكره ومخمخه .....:larg:

يتبع

ِAbu Alzooz

14/07/2009, 19:12

صوفي :
قناعاتك .... بقد ما بدك سطور
دراستك ... بتلت أسطر
شغلك .... بسطرين
صوفي ... بسطر
أخوية ... بكلمة

Sun Shine Art

14/07/2009, 21:53

سمايلي مستعجل

ايه هي انا كل يوم بضل مستعجله وملبكه بحالي ..

اي عالسريع سرقت حالي شوي من الدراسة عندي امتحان بكرة قلت بزتلك الأسئلة وبرجع بعدين

فيلا ::

اذا ع السريع وهيك ...وامتحان وهيك يعني ابو غيمه حمانا :p

هات لنشوف عطيني رأيك بالتالي :
-----------------
الحيوان : والله من زمان كنت حسو مختلف ..بس هل الفتره بحسو متلو متل البني ادم

الجراثيم : بكره سماها مسوسه منها انا

الإنسان : مخلوق عجيب غريب بتركبته

الله : شغله كبيره هل الزلمه

-------------------
الدين : وسيله

الطائفية : سرطان بمجتمعنا ..ما الو علاج

الإلحاد : مافي شي اسمو الحاد ...

العلمانية : تحرر من كل شي اسمو تعصب
---------------------------
السياسة : مفقوده هل الايام محلها القمع

الحروب الإقتصادية : دمار لللناس وربح للكبار

امريكا : ما بتعنلي شي ..

روسيا : عجوز ضعيفه ..بعد قوه وعز

سوريا : ذكرياتي وبلدي

العراق: ضحيه

الجولان: جرح كبير وشكلو انتسى

كوبا : اشرف من كتير دول عربيه
--------------

مين اقرب واحد الك هون : في اكتر من شخص ..معرفه شخصيه ومن معرفه اخويه ...منهم ريمي ...جنون يحكي وعاقل يسمع ..وشامي .

مين ابعد واحد : لسى ما حصلي الشرف :p

شو سيارتك : نيسان تيدا ...

وكم حادث سويت (بعيد الشر ): هو حادث ..والله ماكنت انا الي غلطانه مع انه بالشرطه طلع الحق علي :frown:

شو اول سيارة كانت عندك : نيسان سوني ..بعدين ..تويوتا كورلا ...

-------------------

كلمتين منك لاخوية : بتمنى تحافظ ع خصوصيتها

شو عطتك اخوية : حافظت ع صلتي بمجتمعي وناس من بلدي

شو اخدت منك ( غير الوقت ) : لحد هلىء ولا شي غير الوقت ..بس الله يستر بعدين :p

-------------
تكنولوجيا:
_________
شو نوع موبايلك نوكيا ..N95

شو اخر رقم بموبايلك 8

كمبيوترك مواصفاتو عالماشي : ماكتير بفهم بالموصفات بس بعرف انه لاب توب hp :lol:

شو سرعة النت عندك : ع اساس 2 MB

--------------
عالماشي
__________
شو نظريتك بالحياة : مهما كانت قاسيه ...بصحى الصبح وكلني امل ع انه يوم جديد ومشرق

شو بتعنيلك الحياة : فتره زمنيه لازم عيشيها متل ما بقتنع ومتل مابحب

قديش معك بالبنك : والله حاليا عندي خمس حسابات وكلون مصفرين اذا جاي ع بالك يعني تحولي ..شوي ;)

شو أحلا اغنية للتالي :: لفيروز : في قهوه ع المفرق

, ام كلثوم: انت عمري ,

عبد الحليم ,: ما بحبو ..بحسو بجبلي المقت :frown:

وديع الصافي : شهئت بالبكي ,

جورج وسوف : الهوى سلطان ,

ابوجوزيف : واه شرحلاها :p

مممم

بس بيكفوك هدول راجعلك: ايه من عيوني ليش لا قليلي انت :lol:

رجعت :lol: : اي ميه ورده:pos:
========
مقارنات.
=======
‏
شاي ولا قهوة

قهوه الصبح ..وشاي العصر

عرق ولافودكا

لا هدا ولاهدا انا بحب شي تاني بس نسيت اسمو:p

نبيد مز ولا حلو

حلو اذا سمحت وابيض يكون :p

فوكس ولا هنكن

هنكن

ريد لابل ولابلاك لابل
بلاك

ويسكي ولا كونياك

الله لا يورجيك الي صار ....ويسكي عمي

ريان ولا بطة

مافي وز ..ريان خلينا ع الاصل

وينستون احمر ولا لوكي

لوكي

وينستون ابيض ولا جتان

جتان

مرسيدس ولا بي ام

لكزيس

لوس انجلس ولا لاس فيغاس

فيغاس وما ادراك ما فيغاس

ماي سبيس ولا هاي فايف

ما حصلي الشرف

دودج ولا فورد

فورد ..وميه فودر

انا ولا هوي

طبعا انت ..يعدمني هوي انا :p

لاب توب ولا كمبيوتر مكتب

لاب توب اكيد

نوكيا ولا سوني اركسون

نوكيا

كيا ولا هيونداي

كيا .

تويوتا ولا جمس

تويوتا

سبور ولا رسمي

كرهاني رب الرسمي ..سبور عيني رب السبور

باريس ولا روما

باريس

سوفييت ولا أمريكا

ما بتفرق اتنين نفس الشي
:pos:ولا :frown:

انا مساويلك شي؟ ..مابعرف شو رايك انت .;)
انت بتكرهني شي؟...... ما بطيق الارض اليبتمشي عليها :sosweet:

ليش آخر مرة تخانقنا؟..مشان رب العزيمه تبعك ;)

شو بتقرأ أكتر شي بأخوية.. مواضيع الصالون ...كتابات الخواطر والشعر ..وموضع نسمات صباحيه
‏
طيب شو بتحب اكتر شي بالصبية تكون يعني وبالشب كمان كزلك

الصبيه تكون قويه الشخصيه ..والشاب يفتحلي مخو شوي ويكون منفتح

وإزا طلع في جنةونار عادي هنون موجودين ونحن عايشن فيون :p

وقالولك لازم تاخد معك7 من أخوية بس 7 :shock:
مين بتاخد..
إزا عالنار مين وإزا عالجنة مين

ع النار باخدك انت وباقي الشبيبه ...والجنه ..مخلايتها لجماعه الطج وغيرو ;)

هل صحيح هالحكي التالي :

إبن العز بيضل إبن عز لو جار عليه الزمان وصار بحالو تعبان بس يلي ما ببيت أهلو شبعان و من مبارح صار أمير الزمان بيضل شلون بدو يعيش حيران .
‏====

مو صح هل الاحكي الانسان قادر ع تغير كتير امور بحياته والحياه بتعلمنا كيف نتعايش مع كتير امور ...

وهل يمكن بمعدل مئوي الأخذ بـ : وراء كل رجل عظيم رجل أعظم : طلاع من راسي :pos: ع هل الحكي

شو تعريف الروح؟ .. شفافيه مطلقه
‏
إزا صرلك شي وماعاد تفوت ع أخوية بعيد الشر يعني شو بتوصينا:

حافظو ع التحشيش وفوتت الحيطان تعبي :p
‏
شوتعريف الحشيش :: مصطلح تحشيشي ناجم عن تحشيش ومخمخه المخ الي بالدماغ ..يحششك ع هل السؤال :larg:
وكيف يتم تمييز النظامي عن المروكب : كمان طلاع من راسي

شو بيزكرك هاد السمايل
فيك ;)

إزا شي يوم ندق باب بيتك وقلت مين ونقال انا علاء شو بتكون ردة فعلك : مين علاء الحومصي ..:?:clap:

سبيشال بس يتبع ..:

هلا انا ليش هيكي سبحان ربك حبيتك مابعرف ليش .. وانا قليل لحب حدا عالحارك

شو بتمعول يقطع عمري محبوبه :p

ليش انا كسلان بمادة العربي :sick: : لان انا اكسل منك :pos:

إيمتى بدنا نعمل السكرة :larg: : بس تجي الفكره مع دق تريكس :larg:

يلا باي باي هلا : لا لوين ولو هلىء انا صحصحت معك ;)

منور ابو جوزيف :D

Reemi

14/07/2009, 22:20

انا حابه ضيف كم شخص بعد اذنك ريم .....

لك اخ منك بس ياحسون :x وقال شو هي القائمة الكاملة يلي اشتغل عليها :frown:

Sun Shine Art

14/07/2009, 22:36

الخالة صوفي هون يا مرحدا يا مرحدا ...
أل خالتو أل :pos:...لا وكملها بستو كمان:frown:

انو مش جاي ع بالي اسئلة هلأ بس منجرب اكمن سؤال خفاف ظراف..

اي ستو .. انو ليش هيك انتي دايما مش رايقة يعني نادرا نادرا ما شوفك رايقة ودايما بتكفري ؟ :?
انه بكون رايقه وما احلاني ...بجي هيك حيط من هل الحيطان بنزل رب الرواق ....
ليش بكفر انا ما بسمي كفر ..بقول عنو فشه خلق ..نغنغه كلاميه ربانيه بس ما بقصد السب والكفر فيها ..فهماني علي مو ;)

تاني شي .. شو بتشتغلي ومن اي ساعة لاي ساعة ؟
بشتغل ... بشركه اتصالات ..و من 8 ل 5 ...
الشغل بيسببلك مشاكل شي ؟ يعني نفسية مثلا..؟
لا بالعكس الشغل حياتي وبحسسني بالحياه والنجاح رغم كل مشاكلو وهدا شي طبيعي
شو بتحبي وشو بتكرهي وليش ؟؟

بحب الفرح والبسط والتهيص ..وبكره النكد والنق ..والمقت والناس الي بمقت ..:pos:..وبحب انه سافر كتير ودور العالم

بيكفي ...شايفة ما احسني ..:oops:.... ولك دخيل عينو انا مثنى ..ما احلى :D لو في واحد تاني متلك كانت ....:p

Sun Shine Art

14/07/2009, 22:40

حاليا سؤال واحد فقط:larg:

ليش Sun Shine Art ؟ يعني شو سبب اختيارك لهالاسم؟
:D

شخص عزيز وغالي ع قلبي . كان ينادلي ..sun shine ...وكنت حابه اسمي هيك يكون بس للاسف ..موجود

,وبحس بالاسم كلو اشراق وامل وتفائل ..

وهي الك :D

Sun Shine Art

14/07/2009, 22:49

]كم سؤال خفيف نضيف ..:gem:
يا خفيف انت ..
ازا جتك بنت شو رح تسميها ؟.:oops:

تجيها موجه بس لتجي منشوف ...بس بحب اسم صوفي ..او سيرين

وازا طلبت بنتك لابني المستقبلي بتقبلي او لأ ؟:pos:....

انت نجاح بالبكوريا وتجوز :p..بعدين فكر جيب الصبي ..ولك الي السعاده انا تكون حماها لبنتي .:D.انت مو بتطلب بتامر امر :p

ايمتى بدك تجي ع سوريا ؟:cry:...

شكلي مالح اجي ..والله مابعرف ..رب الشغل ع الاجازات :cry:

ايمتى بك تجيبيلي هدية بمناسبة نجاحي ؟ وشو هيي الهدية ؟:clap:

انت سمي وانا بجبلك وببعتلك ياها ..يوم الهيصه نجاحك شو بس عنا بهديا ..الي بدك يا ...:p

اسئلة جدّية :
شو رأيك بالمثلية الجنسية ؟: ناس متلي متلون ..وبحترمون كتير :D وبحترم موقفون

شو رأيك بالتدخين ؟..شغله خاصه بالبني ادم ..شو بدك بالحكي طيب بعدا الغدا ....مع انه مضر :larg:

شو رأيك بـ مشاهدة الافلام الاباحية ؟ ..اناما بأديها .بس ما فيني افرض رأي ع حدا ..ومافيني احكم ع شخص لان بشوف هيك افلام بالاخير بعتبرالموضوع شغله شخصيه

شو رأيك بالمقاومة ؟ ... بالنسبه الي كان شي في اسمو مقاومه هلىء صار كلو مصلحه بمصلحه

يتبع .... :larg:.....ايه واهلين اغلى ميرو انا :D

Sun Shine Art

14/07/2009, 22:56

صوفي :
قناعاتك .... بقد ما بدك سطور
دراستك ... بتلت أسطر
شغلك .... بسطرين
صوفي ... بسطر
أخوية ... بكلمة

بمخخ ع اسئلتك بكره ابو الزوز :D....

المحارب العتيق

15/07/2009, 02:52

أول شي مرحبا :larg:

كم سؤال خفاف نضاف :pos:

أنا مين ؟ :larg:

ومين أنا ؟

وشو مواصفات فارس احلامك :larg:

وشو ببتمني تكوني بعد عشر سنين ؟

وبعرف انو بيصير حوارات ظريفة بينك وبين والدك واختلاف بوجهات النظر . حكيلنا اخر شي اختلفتو فيه

وشو اكتر شي أثر على توجه الفكري فخلاكي ما أنتي عليه الان ؟

ومين من الشخصيات التاريخية العالمية بتحبي وليش :larg:

leonardo_dicabreo

15/07/2009, 10:19

أيه صوفي حبيبة الي ما بدي طوّل عليكي :

تكنولوجيا :

شو رأيك بالأنترنت الويرليس , وانتي شو عندك ويرليس ولا عادي ؟ ؟

شو رأيك بويندوز الفيستا ؟ ؟

شو كان شعورك لما بيل جيتس اتقاعد من شركة مايكروسوفت ؟ ؟

عندك لابتوب ولا ديسكتوب ؟ ؟

رياضه :

مين اجمل لاعب بالعالم ؟ ؟

منتخبك المفضّل (عالمي) ؟ ؟

ناديكي المفضل (برضو عالمي) ؟ ؟

سياسه :

بتحبي السّياسه , وليه ؟ ؟

شو سبب هبوط الأقتصاد العالمي , وايمتى رح يرجع متل ما كان , هاد ازا رح يرجع ؟ ؟

أخويّه

أستويتي ولّا لسّه ؟

سلامات :D

رجل من ورق

15/07/2009, 13:21

رجل من ورق....طارق بضل يهتني اني مابعرف اطبخ
ورح يضل هيك
صفصف يا صفصف بدي اطرح عليكي سؤال ميتافيزيقي
ماهي نظرتك للبطاطا؟
السؤال الثاني :
كم معلقة ملح بتحطي باللازانيا؟
السؤال الثالث:
اذا كان عنا طبخة شاكرية ورز شو احسن نوع لحمة بنحطه فيها؟
السؤال الرابع : شو كمية البرغل اللي بنحطا بالكبة وعلى اي درجة حرارة بنحطا بالفرن
السؤال الخامس كيفك؟
السؤال السادس: بشو بيتميز الطبخ البحريني؟
السؤال السابع : شو نوع الشامبو المفضل عندك ؟
السؤال الثامن شو شعورك اليوم وانتي مارح تحضري حفلة زياد؟
السؤال التاسع : ام شو بدنا نناديلك؟
السؤال العاشر: فيني اطللب ايد بنت من بناتك لزياد او مارسيل( ولادي )

Abu ToNi

15/07/2009, 14:55

آهااااااااااااااااااااا اجاك السبيرتيو يا صاحب الاصبع المجروح

بدي ألعب انا وانتِ لعبة من نوع ما
بدي صورلك صورتين بكل فقرة ممكن يكونوا متشابهتين .. متعاكستين تماما .. بيتقاطعوا ببعض النقاط وبيختلفوا بنقاط أخرى
انتِ بدك تعمليلنا مقارنة بيناتن وهيك قصص وتعطينا رأيك بكل وحدة منن وبالموضوع تبعن بشكل عام .. وصلنا لنفس الطرنيب ؟

1 - من العصور الوسطى صورة لسلطة الكنسية على أوروبا بالغرب مقارنة مع صورة من العصر الحالي للسلطة الاسلامية على الشرق

2 - صورة أم عم تعمل كورتاج ( اجهاض ) وصورة شخص عم يقتل شخص مريض بسريره ( الموت الرحيم )

3 - صورة طفل حامل سيكارة ، مع صورة شاب حامل سيكارة ، مع صورة فتاة حاملة سيكارة

4 - منتدى الأخوية مع منتدى تاني ناطق بالعربية

5 - انسان حامل شهادة جامعية يبحث عن عمل مع انسان بنفس العمر وصاحب عمل جيد جدا وما بيحمل شهادة من أي نوع كان .

اجبري بخاطر هلكام سؤال على الماشي : برأيك :
1 - حدديلي هوية المؤثر والمتأثر بعلاقة الشعب مع السلطة والقانون
يعني الشعب هوي اللي بيرفع من مستوى القوانين وبخليها تصير انسانية
ولا القانون هوي اللي بكافح مظاهر التخلف عند الشعب ؟

2 - بتقدري تسمعي حكي منافي للمنطق وتهزي براسك ؟

3 - شو هية مقاييس الأناقة بنظرك بالنسبة للبنت وبالنسبة للشب
يعني امتى بتقولي عن هاد الشخص شرشوح وامتى بتقولي عنه أنيق

4 - بالبلاد اللي يطلق عليها اسم " البلاد العربية " في عامل مشترك غريب من نوعه
الكل بيبحث عن السلطة والكرسي وبالكل غائبة المرأة بشكل واضح ومقصود ، الكل فيه حدود ظالمة للحريات
الكل بيستعمل سياسة الحجب
صدفة بحتة خلت كل هلبلاد تمشي على الخط نفسه مع انها دائما بتعلق مع بعضها على بقية الخطوط ؟

راجعلك أكيد
بس هلق حبيت لوحك بالنار شوي مشان ما تنتزعي :o

Sun Shine Art

15/07/2009, 18:47

صوفي :

منور ابو الزوز ..:D

قناعاتك .... بقد ما بدك سطور
الحياه حلوه كتير لو نعرف نعيشها ...مقتعنه انه لازم استمتع بكل لحظه فيها ان كانت الم ولا فرح ....
الماضي ما لازم فكر فيه ..ولا لازم ضل عايشته بضل طلع لقدام بس ما بنسى الماضي ...
اهم قناعه عندي البسمه ع الوجه بتسوى الدنيا كلها ...
الالم والفراق بخلوني اقوى ..
الحريه لكل انسان بالفكر بالتفكير والتصرف ..بس بطريقه صحيحه ..
مافي شي مستحيل ..حتى لو ما وصلت بس بكفي اني حاول ..
البني ادم هو الي بصنع الظروف مو الظروف الي بتتحكم فينا ..يمكن تأثر بس ما بتوقفنا ..بس فينا نتحكم فيها ..
مقتنعه اني لازم حاسب حالي قبل ما حاسب الاخرين ....
الصراحه والوضوح اهم شي مهما كانت قاسيه او جارحه ....
الرفض لعادات وتقاليد كتيره باليه وموجوده عنا ومقتنعه انه بيجي يوم منغيرها ...
احترام الحريه الشخصيه ان كانت لطفل وشاب وعجوز ....
انه اتقدم بالعمر مو معناتو وقف عن التعلم او الشغل و اخد الدوري القليدي ..العمر ما الو علاقه باللحظات الي منعيشها ..

هدا الي طلع معي وانشاء الله يكون جاوبت بالطريقه الي بدك ياها :D

دراستك ... بتلت أسطر

حصره بقلبي ...
بعد البكلوريا الادبي ...معهد السياحه والسفر تخصص تكيت وحجوزات ...بس بعتبر دراستي اطورت بعد ما سافرت

كونو اتعلمت ودخلت معاهد انكليزي ومعهد الالعلاقات العامه ...كنت بتنمى بلدي ادرس غيرهيك ..بس لاسباب خاصه ما قدرت ....

شغلك .... بسطرين
هو حياتي ..عمري ..عطاني كتير وغيرني كتير ...وعلمني كتير ...خلاني شوف العالم والبشر بمختلف الاجناس والطبيعه ..فتحلي مخي اكتر ...ومستحيل اتنزل عنو ولا لأي ثمن ...هوي قوتي وسندي

صوفي ... بسطر
محششه ع طول :p صوفي.. ..بسيطه كتير ..حساسه زياده عن اللزوم ..واقعيه لابعد الحدود .عصبيه ..بس البسمه ما بتفارقها ..بضل ع أمل ..

أخوية ... بكلمة

وطني بغربتي :D.......

والك ميه :D

Sun Shine Art

15/07/2009, 19:05

أول شي مرحبا :larg:
مرحبتين :D

كم سؤال خفاف نضاف :pos:
ايه مو غلط

أنا مين ؟ :larg:
والله صعبه شوي يا دوب اعرف حالي انا :p

ومين أنا ؟
بدك تسالو لابو غيمه

وشو مواصفات فارس احلامك :larg:
بدي يا يكون متل براد بت:lol:...يكون حنون ..صريح ..وجنتلمان بكل الكلمه

وشو ببتمني تكوني بعد عشر سنين ؟
بتمنى كون أم ..اعرف هل الشعور لان مابعرف شوي يعني امومه ..وبتمنى اكبر بشغلي اكتر

وبعرف انو بيصير حوارات ظريفة بينك وبين والدك واختلاف بوجهات النظر . حكيلنا اخر شي اختلفتو فيه ..
الله يحميه لبابا ولا مره اتفقنا وع طول مختلفين:lol:..بس اخر مره اختلفنا فيها كانت ع الرشحه الي اكلتها وانا بسوريا انا بقول من الجو وهو بقول من اللبس الي كنت لابستو :p

وشو اكتر شي أثر على توجه الفكري فخلاكي ما أنتي عليه الان ؟
تربيتي ..ما بين اخواتي الي في فرق كبيربالعمر بيني وبينهون والجو الي كانو عيشيون ..وقناعاتون والطريق الي كانو ماشيين فيه

ومين من الشخصيات التاريخية العالمية بتحبي وليش :larg:

زنوبيا .. رمز للانوثه والقوه والرفض والتغير رمز فخر لكل امراه شرقيه ...غيرت نظرت البشريه فينا حسب قناعتي ..

وميه اهلا بالمحارب :D

Sun Shine Art

15/07/2009, 19:17

أيه صوفي حبيبة الي ما بدي طوّل عليكي :

صمصوم قلبي عدي طولي ولو ..لسى الزيتات حاميين :p

تكنولوجيا :

شو رأيك بالأنترنت الويرليس , وانتي شو عندك ويرليس ولا عادي ؟ ؟

من اروع ما اخترعو هو الويريس ..شغله كبيره ... انا عندي ويرليس

شو رأيك بويندوز الفيستا ؟ ؟

هلىء هو صحي جبلي الجلطه ..بس مطور بطريقه عمليه وملبكه خاصه بعد الناس ما اتعودت ع القديم ..بس معنا معنا بتاخد ايدينا عليه

شو كان شعورك لما بيل جيتس اتقاعد من شركة مايكروسوفت ؟ ؟
ولا أثر فيني ما فرقت معي بشي

عندك لابتوب ولا ديسكتوب ؟ ؟

عندي لاب توب

رياضه :

مين اجمل لاعب بالعالم ؟ ؟

cristiano ronaldo:sosweet:

منتخبك المفضّل (عالمي) ؟ ؟

ايطاليا ...:yahoo:

ناديكي المفضل (برضو عالمي) ؟ ؟

ريال مدريد :clap:

سياسه :

بتحبي السّياسه , وليه ؟ ؟

كنت حبها ..بعدين وقفت اهتم لان بقناعتي وصلت لمرحله المسخره والمهزله بين ناس قتلوها

شو سبب هبوط الأقتصاد العالمي , وايمتى رح يرجع متل ما كان , هاد ازا رح يرجع ؟ ؟

اكيد مو انا السبب :larg:..ما كتير دخلت بالتفاصيل ..بس اكيد اسبابها الها علاقه بالسياسه والمصلحه الشخصيه ان كانت كا دوله او مجموعه من الكبار ..لان بالاخير اكيد في حدا استفاد من الهبوك ...

اكيد لح يرجع يطلع ..ما هي سياسه اقتصاديه ..بس بتاخد وقت شوي ..

أخويّه

متل ما جاوبت قبل صلتي بوطني وناس بلدي

أستويتي ولّا لسّه ؟

قال استويت و بس ..التعن ربو للزيت ;)

سلامات :D
ميه السلامه بأحلى عدي :D

Sun Shine Art

15/07/2009, 19:27

رجل من ورق....طارق بضل يهتني اني مابعرف اطبخ
ورح يضل هيك .... يعدمني الطبيخ انا ع اساس ...:pos:
صفصف يا صفصف بدي اطرح عليكي سؤال ميتافيزيقي ... بيت مين هدا :?
ماهي نظرتك للبطاطا؟.. شو بدك بالحكي صحن بطاطا مقلي مع صحن ليمون وتوم ..وصحن تيوله ..بيسوى ابوغيمه .....بس البطاطا عم تعمول عمايلها هل الايام كيفها معك صحي ...بطاطا :p
السؤال الثاني :
كم معلقة ملح بتحطي باللازانيا؟.... شو يا اختبار مطبخي شايفه ..نص العلبه ;)
السؤال الثالث:
اذا كان عنا طبخة شاكرية ورز شو احسن نوع لحمة بنحطه فيها؟......عن جد ما بعرف ..بس يمكن الموزات احسن شي ..:pos: يعدمني انا لح موت لاكل هي طبخات :cry:
السؤال الرابع : شو كمية البرغل اللي بنحطا بالكبة وعلى اي درجة حرارة بنحطا بالفرن .. طلاع من راسي احسن الك .. بس بتصور ع حسب كميه اللحمه الميتافزيقيه تبعك بتحط البرغل ..وحراره الضغط والسكر عندك :p
السؤال الخامس كيفك؟
السؤال السادس: بشو بيتميز الطبخ البحريني؟ يعدمني هل المطبخ ..رز دجاج ..دجاج ورز...لحم رز ..رز ولحم :frown:

السؤال السابع : شو نوع الشامبو المفضل عندك ؟ .. هي امور خاصه بناتيه :p

السؤال الثامن شو شعورك اليوم وانتي مارح تحضري حفلة زياد؟:pos:..ع قولت الانكليزي ..so what ... لح انجلط شو لح يكون شعوري يعني ..انشاء الله بتشي عليكون :o
السؤال التاسع : ام شو بدنا نناديلك؟ لا لا عمي لا ام فلان ولا شي ..بس صوفي ;)
السؤال العاشر: فيني اطللب ايد بنت من بناتك لزياد او مارسيل( ولادي ) ..... بفكر بالموضوع :larg:....

ومنور طارق بيك:D

Sun Shine Art

16/07/2009, 23:12

[آهااااااااااااااااااااا اجاك السبيرتيو يا صاحب الاصبع المجروح

بس اصبع مجروح ..اتركها لابو غيمه ...ابو طوني ....:pos:

بدي ألعب انا وانتِ لعبة من نوع ما
بدي صورلك صورتين بكل فقرة ممكن يكونوا متشابهتين .. متعاكستين تماما .. بيتقاطعوا ببعض النقاط وبيختلفوا بنقاط أخرى
انتِ بدك تعمليلنا مقارنة بيناتن وهيك قصص وتعطينا رأيك بكل وحدة منن وبالموضوع تبعن بشكل عام .. وصلنا لنفس الطرنيب ؟

يعني ع التقيل ها ..ع كل انا طولت لرديت عليك لان بدها مخمخه الشغله ..بس منور انت

1 - من العصور الوسطى صورة لسلطة الكنسية على أوروبا بالغرب مقارنة مع صورة من العصر الحالي للسلطة الاسلامية على الشرق

يعني الي بشوفو انه لا الكنيسه ولا السلطه الاسلاميه بختلفو بطريقتهون بممارسه الدين والي هي عباره عن تحكم بالبشر والعقول .بغض النظر ان كانت صحيحيه من نواحي او غلط من نواحي ...الكنيسه ..بالنسبه الي ان كانت الكنيسه بالعصور او السلطه الاسلاميه الان هما وجهان بختلفان بالاسم بس متفقتان بالمضمون ..السلطه والتحكم ....ما تغير شي من العصور الوسطى..بس الاسم التغير وانتقل من كنيسه للدين الاسلامي ...

2 - صورة أم عم تعمل كورتاج ( اجهاض ) وصورة شخص عم يقتل شخص مريض بسريره ( الموت الرحيم )

هون انا وقفت كتير وفكرت كتير ..انا ماني مع تقرير مصير بنهاء حياه شخص ان كان جنين او شخص بالحياه ..الي عم شوفو ام عم تقتل بس عم تنقتل اكيد من داخلها ...وشخص عم يرحم شخص بس بقهر وحزن ..قرار كتير صعب ومانو بالسهل الواحد يقدر يعملو ..وجه الشبه ...الظرف الي عيشتو والام والشخص ..بس اكيد لحتى وصول لهون كان بالم ...

3 - صورة طفل حامل سيكارة ، مع صورة شاب حامل سيكارة ، مع صورة فتاة حاملة سيكارة

بطفل عم يحاول يكبر قبل عمرو ...وشاب عم يحاول يثبت لنفسه انه سيد نفسه وفتاه تحاول الخروج عن المألوف وتطالب بحريه شخصيه ....يعني كل واحد عم يثبت لنفسه شيء ما

4 - منتدى الأخوية مع منتدى تاني ناطق بالعربية

اخويه ما بناديلها منتدى لانها مختلفه تمام عن اي منتدى عربي اخر ..وماني شايفه اي شبه بينها وبين اي منتدى تاني ..اخويه وصلت للي ما وصلو اي منتدى

5 - انسان حامل شهادة جامعية يبحث عن عمل مع انسان بنفس العمر وصاحب عمل جيد جدا وما بيحمل شهادة من أي نوع كان .

صوره مؤلمه بس هي الواقع.... للاسف موصلين لمرحله لقتل الامكانيات والعقول الموجوده ..بشوف بهل الصوره الدمار العلمي للتنين ..ان كان للمتخرج او صاحب العمل ...مجرد تفكر انه لو كل واحد فيون بمتلك الشي الموجود عندي التاني ..كيف كان الموضوع اختلف كتير ...

اجبري بخاطر هلكام سؤال على الماشي : برأيك :
1 - حدديلي هوية المؤثر والمتأثر بعلاقة الشعب مع السلطة والقانون
يعني الشعب هوي اللي بيرفع من مستوى القوانين وبخليها تصير انسانية
ولا القانون هوي اللي بكافح مظاهر التخلف عند الشعب ؟

الي وضع القانون هون الشعب او لنقول اشخاص من هل الشعب فا مافي سلطه وقانون بدونه ...وبقناعتي انه الشعب هو المؤثر الاساسي لقيام اي دوله و لكل القوانين ...واكيد لو بمارس حقوقه لخلها مو بس انسانيه ومتقدمه ..وهي تجربه موجوده بالدول المتقدمه ..ولما بوصل لهيك مرحله اكيد ما بضل مظاهر للتخلف ...

2 - بتقدري تسمعي حكي منافي للمنطق وتهزي براسك ؟
بيعتمد الموضوع ع اي منطق عم نحكي ...ما تنسى انه كل انسان عندو منطق مختلف عن الاخر بس اكيد ما بهز راسي وبسكت بحاول ناقش واذاما اقتنعت اكيد ما بهز راسي وبسكت

3 - شو هية مقاييس الأناقة بنظرك بالنسبة للبنت وبالنسبة للشب
يعني امتى بتقولي عن هاد الشخص شرشوح وامتى بتقولي عنه أنيق

بالنسبه الي اساس الاناقه ان كان للشب او البنت هي النضافه الشخصيه من قبل اللبس والتزين ..ولما بيكون الشخص نضيف اكيد لح يكون او تكون انيقه .....وبقول عن الشخص شرشوح لما بتكون طالعه ريحتو:frown:

4 - بالبلاد اللي يطلق عليها اسم " البلاد العربية " في عامل مشترك غريب من نوعه
الكل بيبحث عن السلطة والكرسي وبالكل غائبة المرأة بشكل واضح ومقصود ، الكل فيه حدود ظالمة للحريات
الكل بيستعمل سياسة الحجب
صدفة بحتة خلت كل هلبلاد تمشي على الخط نفسه مع انها دائما بتعلق مع بعضها على بقية الخطوط ؟

يعني هون انت عم تحكي عن موضوع المرأه العربيه بالتحديد والي مستحيل بحسب قناعتي البلاد العربيه تسمح للمرأه انه تكون بالمقدمه مهما صار ..وانا اكيد مو مع هل الشي بس هدا واقع عم احكي من وجهه نظرون لان بيعتبرو المرأه هي بالدرجه التانيه ..وهون بتكمن مشكلتنا بالقمع بالتحديد لامكانيات المرأه ان كانت عن طريق الدين او السلطه ولح يضلو يمشو ع الخط نفسه ...لان ما بيسمحو ان يمس رجل السلطه من خلال أمراه تعتبر قاصر بنظرهم ..بكفي تشوف تعليقات شعبنا ع اي أمرأه ناجحه وتحاول الصعود ....!!! للاسف واقع مزري ..

راجعلك أكيد ... راجع ع التقيل كمان ولا شو :p
بس هلق حبيت لوحك بالنار شوي مشان ما تنتزعي :o

ايه ايه لوح لوح ...فحمت يازلمه ...بس ولا يهمك قلياتك غير شكل وبتمنى كون وصلتلك الفكره المطلوبه

منور ابو طوني :D

suryoyo

17/07/2009, 00:45

اما اسمي ..فا متل ما قلت هو عباره عن حاله عشتها ..شكلك من فرع 555 ..:p.....

انا من قسم 333 خدمة الزبائن :larg: ... بس 555 بالضبط وين يشتغلو :p

بس مو غلط انه نقول اعجاب بصوفيا لورين :lol:....اي معناها في شي جديد مشترك :larg:

كما وعدناكم ... جينا ع اليتبع ...

دايئ خلقك ...
يعجبك التأمل بموسيقى خاصة ؟ الا تفضلي الهدوء التام و التفكير

تحبي في يوم من الايام تتعلمي عزف آلة .. و اي موسيقى بالضبط تحبي
مع ذكر اسماء 3 او 4 فنانين تحبيهم

اذا عشتي بالسبعينات و كنتي بمدينة فيها حفلة لعبدالحليم و حفلة للبيتلز ... وين بتروحي و ليش

تحبي ادب؟؟

و لأي اديب تحبي القراءة من ما تكوني رايقة جدا ... !

آخر سؤال ...

ادونيس الا نزار قباني

ملاحظة الاجابة على 3 اسئلة فقط .. و اذا بدك بس سؤالين ..

مع تمنياتي لكم بالنجاح !!

Sun Shine Art

17/07/2009, 09:37

suryoyo

كما وعدناكم ... جينا ع اليتبع ...

ايه ميه ورده

دايئ خلقك ...
يعجبك التأمل بموسيقى خاصة ؟ الا تفضلي الهدوء التام و التفكير
بكل حاله بعيشها ان كانت دايئه خلائي او حزينه او حتى معصبه بحب دائما اسمع موسيقا بحس الموسيقا رفيقتي الروحيه والي بتعيش معي كل حالاتي ..الهدوء التام بعض الاحيان بخوفني

تحبي في يوم من الايام تتعلمي عزف آلة .. و اي موسيقى بالضبط تحبي
مع ذكر اسماء 3 او 4 فنانين تحبيهم
من انا وصغيره بحب اتعلم العزف ع الغيتار الكلاسيكي ..بس للاسف ما صارت فرصه اني تعلمت ..يمكن هلى فكر بالموضوع اني اتعلم لمجرد الهوايه ....
مافيني قول انه في نوع واحد بحب من الموسيقى .بس بفضل الموسيقى الكلاسيكيه ..بس بسمع لكل انواع الموسيقى لكل نوع نكهه خاصه ...

كتار الفنانين الي بحبون ان كان عرب او اجانب ...متل مارسيل ..وديع ..بريان ادمز خوليو اغلاسيس

اذا عشتي بالسبعينات و كنتي بمدينة فيها حفلة لعبدالحليم و حفلة للبيتلز ... وين بتروحي و ليش

بدك الصراحه انا كنت حب عبد الحليم بس مدري ليش كرهتو بحس بجبلي المقت والحزن ..فا اذا كان لام روح لح روح ع حفله للبيتلز ..مو مشان شي ..تغير وبعيد عن عبد الحليم :lol:

تحبي ادب؟؟

اكيد بحب الادب بكل انواعه

و لأي اديب تحبي القراءة من ما تكوني رايقة جدا ... !

بدك الصراحه ...صرلي فتره منيحه ما قريت بس بحب اقرا لنزار كتير ..لما كون رايقه بلامس قلبي بطريقه كتير شفافه ..

آخر سؤال ...

ادونيس الا نزار قباني

الاتنين

ملاحظة الاجابة على 3 اسئلة فقط .. و اذا بدك بس سؤالين ..

مع تمنياتي لكم بالنجاح !!

لا ولو انت عنا بسؤالين ........ويسعدلي صباحك :D

Sun Shine Art

17/07/2009, 10:55

من هل المنبر ...ع قولت ابو طوني ....

من هل الزيتات الي خلصو ..والي لعنو سما لابو غيمه تبعي ...ومن الفحم اعلن انني انشويت واتفحمت حتى العضم ...اعلن انتهاء مهمتي ...وحطتيت زيتات جدد حاميين وجددا وجاهزين للقلي .....

وهون انا بختار .............فتاه ..........لنترك الوصف لكم .....

The morning
:D

The morning

17/07/2009, 11:09

رحلو :gem: ..

suryoyo

17/07/2009, 12:28

انا عادة استعمل زيت الذرة ...

بس مادام شوش بالمقلاية .. رح خلي زيت الزيتون النقي :p

يسعدني كون اول واحد ارحب بشوش ... :gem:

Government

17/07/2009, 12:43

هاااااااااااع ام الشوش .. يمو ع النبي

Government

17/07/2009, 12:47

عطينا رأيك بهالاعضاء بصراحة ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ٌReemi
marioma alghzayala
hanny dagher
AHMAD
Genifer
أإأبو العبد,
ام الجود
شوط ياقمر,
sweetbaby
Abu ToNi
maged-syrian
butterfly
وشم الجمال
سوا ربينا
Huzun
Hashtnasht
yass
HUS
Barleb
باشق مجروح
محمد ابراهيم
Government
صياد الطيور
رجل من ورق
maher4*4
the morrning
abosleman
LiOnHeArT3ala2
BL@CK
MadMax
sona78
هدوء البحر
ابو نجبو
Abu Guzef
بنفسجة
sandra
boy freind
whiterose
leonardo_dicabreo
i am sam
zen
VivaSyria
black-iris
sun shine art
عياش
ِAbu Alzooz
saman
يمان Rooooonaldo
satoman
المحارب العتيق

Government

17/07/2009, 12:56

حومص ولا حلب ؟
طرطوس ولا الادقية ؟
الاتحاد ولا الكرامة؟
الرقة ولا دير الزور ؟
مرسيل الا مرام (واحد بس
سامر الا هشت نشت
ريتا الا ريم
اب سليمان الا شوط ياقمر
يمان الا جاد (بدي الوصلو هه
انا ولا حسن
حسن ولا انا
ابوك ولا امك ؟
بتحب الوحدة والهدوء ولا الضجة ؟
مين اذكى الحماصنة ولا الكراد ؟
مين عقلو حيط اكتر الكراد ولا الحلبية ؟

مين بتشجع من المنتخبات ؟ عدا سوريا (ازا كنت بتشجعا اصلا )
عالمية ؟
عربية ؟

من الاندية ؟
الاجنبية ؟
السورية ؟
العربية ؟

مين اكتر لاعب سوري بتحب ؟ (قدم وسلة)
اكتر ممثل سوري ؟
اكتر مغني سوري ؟
اكت لاعب بتحبو بالاتحاد ؟
اكتر لاعب بتحبو بالكرامة ؟
اكتر لاعب بالجلاء

وحدة في الاخوية انت معجب فيا من زمان وماعبتقد تقول ؟

واحد بالاخوية معجب في من زمان ومستحي تقول (غيري طبعا ) ؟

مين بتحب اكتر واحد من المشرفين والمشرفات او بتحسي اقرب للاعضاء ومتواضع وعاد وكلووووو؟
عطيني اسم شب واسم بنت من المشرفين؟

نفس السؤال بنطبق ع المنسقين عطيني اسم شب وصبية من المنسقين بتحسي انو ادمي واكابر وعادل ونفسيتو حلوة ؟

عضو او عضوة كنت ماتطيق بس بعدين تبينلك انو كتير حباب وعكس اللي كان ؟
عضو كنت مفكرو حباب ومنيح واكابر وطلع عكس المتوقع ؟

عضو تقاتلت معو ؟
عضوة تقاتلت معا ؟

عضو ماهضمتو ؟
عضوة ماهضمتا ؟

بتحب المحشي مخبوص ولا مفلفل؟
بتحب البيبسي ولا الكوكاكولا ؟
مين من الاعضاء جاي عبالك تشوفن ؟

بتحب البطاطا لحالا ولا مع كاتشب ؟
اكتر كلمة بتحب تسمعا ؟
بتحك كلام قليل ادب لما بتعصب ولا بضل ماسك حالك ؟

شو الشغلات اللي بتمبيز فيا الشب السوري عن الشب الخليجي ؟
والشب الحلبي عن عن باقي الشباب بسوريا؟

MadMax

17/07/2009, 13:20

شوش يا شوش

كيفك ..؟؟

شو أكتر مكان ( أو يمكن زاوية صغيرة ) اشتقتيلو بالشام ..؟

بما انك عايشة بالغربة

شو هني أكتر 3 اشيا موجودة بالوطن ( مادية أو معنوية أو حسية .... ) .... عم تفتقديها حالياً

سؤال فني
شو رأيك بالفن السريالي ..؟؟

و صفيلي هاللوحة .. بما لا يقل عن ثلاثة أسطر ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

sona78

17/07/2009, 14:55

يسعد صباحك شوش ( هيك الكل بينادوكي فقلدناهون:o )
كم سؤال خفاف نضاف
شوش مين هيي باتوسة اسطر؟
خبرينا شو بيعنيك التصوير؟؟؟ وهوي هواية وبس ولا بتحبي تخليها مهنة ؟
كونك بالغربة .. شو قدمت هالتجربة الك ؟؟ سواء شخصية بحتة او بنطاق عام
اكتر شغلة ايجابية بغربتك شو هيي
واكتر سلبية كمان ؟
عندك احساس فعلا انو ممكن تكبري بالغربة ؟؟ ( اقتباس من موضوع الك على ما اظن:p )

واخيرا
شو درجة حرارة الزيت يلي عم تنقلي فيه ؟
وبتفضليه زيتون ولا مزولا؟ :p

وسلامات :D

The morning

17/07/2009, 19:05

انا عادة استعمل زيت الذرة ...

بس مادام شوش بالمقلاية .. رح خلي زيت الزيتون النقي :p

يسعدني كون اول واحد ارحب بشوش ... :gem:

ابو سارة انا بحب زيت الزيتون النقي أكتر فانت بالذات فيك تاخد راحتك :gem:..

هاااااااااااع ام الشوش .. يمو ع النبي
و مرسي لألله اللي جمعنا :ss: ..

عطينا رأيك بهالاعضاء بصراحة ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

هالسؤال برجعله لاحقا ً لجاوب عليه بصراحه حقيقيه :sly: ..

The morning

17/07/2009, 20:11

Government

حومص ولا حلب ؟
حمــــــــــص :gem:

طرطوس ولا الادقية ؟
الرمال الذهبيه (( طرطوس ))

الاتحاد ولا الكرامة؟
الكرامــة

الرقة ولا دير الزور ؟
الرقة :lol:

_____

ملغوم هالسؤال (( التالي )) .. انو كيف بدي نقي هيك بالمطلق ؟ متل اللي عم يقلك باليورو ولا بالدولر .. يعني انت اذا رايح على اميركا بدك دولر و اذا اوربا يورو فما في شي هيك مطلق :p .. لذلك مش رح جاوب عليه الا اذا حددتلي ..

مرسيل الا مرام

سامر الا هشت نشت

ريتا الا ريم

اب سليمان الا شوط ياقمر

يمان الا جاد

ابوك ولا امك ؟

انا ولا حسن
أنا

حسن ولا انا
أنا

بتحب الوحدة والهدوء ولا الضجة ؟
بتتعب أعصابي بالضجه لذلك الهـدوء طبعا ً

مين اذكى الحماصنة ولا الكراد ؟
حومـص و بئس المصير :devil:

مين عقلو حيط اكتر الكراد ولا الحلبية ؟
انـت ( ماكتير مخالطه حيطان حلبيه او اكراد :lol: )

مين بتشجع من المنتخبات ؟ عدا سوريا (ازا كنت بتشجعا اصلا )
عالمية ؟ ايطاليا
عربية ؟ سـوريا

من الاندية ؟
الاجنبية ؟
السورية ؟
العربية ؟

ما بتابع انديه غير نهائيات ما بنتابع :gem:

مين اكتر لاعب سوري بتحب ؟ (قدم وسلة)
انت :lol:

اكتر ممثل سوري ؟
مافي اكتر ممثل بحبه في ممثل ناجح و ممثل مش ناجح باختيار ادواره .. لذلك تختلف حسب الدور

اكتر مغني سوري ؟
أيضا ً مافي ( انا ما كتير بعرف اتعامل مع الامور المطلقه ) في انـّو في غنيه بتتألف من صوت و لحن و كلمات .. اجتمعت هي العناصر صارت غنيه منيحه و بسمعها .. غير هيك ما بيمشي لانو المغني لحاله ما بيعمل غنيه ..

اكت لاعب بتحبو بالاتحاد ؟
مابعرفهم

اكتر لاعب بتحبو بالكرامة ؟
في واحد اخوها لكوافيرة اللي كنت روح لعندها بحمص .. بيلعب بالكرامة اي هاد اكتر واحد بحبه فيهم .. ( الوحيد اللي بعرفه أيضا ً )

اكتر لاعب بالجلاء
مابعرفهم

وحدة في الاخوية انت معجب فيا من زمان وماعبتقد تقول ؟

لا حياء في العلم :o

واحد بالاخوية معجب في من زمان ومستحي تقول (غيري طبعا ) ؟

بتخيّل تنياتهم بيعرفو بس للي مابيعرف :

Jimy فنان و حمصي و تسالي و شغلة كبيرة :larg:

stormsmaker بيعجبني اسلوبه بيعجبني كيف بدّو يغير الدني و ياخد حقه من تم الاسد لو اطره الأمر .. :gem:

مين بتحب اكتر واحد من المشرفين والمشرفات او بتحسي اقرب للاعضاء ومتواضع وعاد وكلووووو؟

هاد السؤال بنيته غلط .. يعني مين بحب اكتر شي ؟ او مين بحسه قريب للاعضاء أكتر ؟ لأنو بتفرق .. و شو مفهوم المشرف (( الأخضر - الأخضر الغامق - الأخضر الفاتح ؟؟ )) جاوبني على هالتفاصيل لاقدر جاوبك بالنسبه للمشرفين ..

عطيني اسم شب واسم بنت من المشرفين؟

كمان مرّه شو مفهوم المشرف ؟ يعني ايّ لون اخضر او كل الألوان ؟ القائم يعتبر مشرف ؟ المشرف المتقاعد مشرف ؟؟ ناطره تجاوبني لجاوبك ؟

نفس السؤال بنطبق ع المنسقين عطيني اسم شب وصبية من المنسقين بتحسي انو ادمي واكابر وعادل ونفسيتو حلوة ؟

كمان مرّه السؤال بنيته غلط .. يعني مين بحب اكتر شي او مين بحسه قريب للاعضاء أكتر ؟
لكن رح جاوب عالتنين :larg: ..

أكتر منسق بحبه .. هممم .. في سامر .. بحب اسلوبه الاشرافـي كمنسق يعني بحب التنـسيق اللي بيشتغل عليه بكل من السقيفه و الموسيقى

أكتر منسق بحسه ادمي و اكابر و عادل و نفسيته حلوه .. suryoyo

عضو او عضوة كنت ماتطيق بس بعدين تبينلك انو كتير حباب وعكس اللي كان ؟

مايا* و صارت من أعز الأشخاص بأخويه أيضا :gem:

عضو كنت مفكرو حباب ومنيح واكابر وطلع عكس المتوقع ؟

رح خبرك حقيقه مرّه انو في اجابه ( و في اكتر من اجابه ) على هالسؤال لكن مش حابه جاوب عليها حاليا ً :D

عضو تقاتلت معو ؟ اعتقد قرصان الأدرياتك مرّه بالبريد

عضوة تقاتلت معا ؟ ما بتذكر اني تقاتلت مع حدا غير القرصان ..

عضو ماهضمتو ؟
Vivasyria

عضوة ماهضمتا ؟

صـراحة مش عم يجي عبالي حدن بهي اللحظه .. أنا ما عاده كتير بشكل انبطاعات عن الناس و بحاسبهم عليها اذا ما شفت دلائل يعني لذلك قد يكون مافي ..

بتحب المحشي مخبوص ولا مفلفل؟

مابحب المحشي :x

بتحب البيبسي ولا الكوكاكولا ؟

ما بشوف فرق بالطعمه

مين من الاعضاء جاي عبالك تشوفن ؟

في كتير أعضاء بعد ما التقيتهم و بحب التقيهم (( يعني مش رح بذكر الي التقيت فيهم مع اني بحب ارجع التقي فيهم )) عد لقلك :
willi
yass
MadMax
Hus
hashnasht
مايا*
حسن غوفرمنت يعني .. يعني بمعنى آخر انت AHMAD ..
يمان رونالدو

بس هدول اللي خطرو عبالي حاليا ً و اعتقد بس مبدئيا ً ..

بتحب البطاطا لحالا ولا مع كاتشب ؟
حـسب .. بمكدانلدز بحبها مع كتشب بالبيت بحبها بلا كتشب :eat:

اكتر كلمة بتحب تسمعا ؟

بتعتمد من مين :oops: ..
بس بشكل عام "صباح الخير " بحس هي الكلمه لتقابل فيها الناس ببداية النهار شغلة كبيره .. انك تفوت على مكان ما بتعرف فيه حدا و تقول للكل صباح الخير تعطيهم هالدفع المعنوي هي يعني هيك مدري شو بتعمل فيني بحبها كتير بحب قولها و بحب اسمعها ( حتى لو مو موجهه الي بحب اسمع الناس عم تصبح على بعضها ) ..

بتحك كلام قليل ادب لما بتعصب ولا بضل ماسك حالك ؟

ما كلام قليل أدب بالمعنى الحرفي انما بحكي اشيا ما بكون رايده احكيها احيانا ً - اشيا بتزعج اللي قدامي .. أحيانا ً بتصرّف غلط ( هديك المرّه سكرت الباب بوجه شخص كنا عم نتجادل انا و ياه :o ) ..

شو الشغلات اللي بتمبيز فيا الشب السوري عن الشب الخليجي ؟
كل شي :gem:

والشب الحلبي عن عن باقي الشباب بسوريا؟
انو حلبي :p

The morning

17/07/2009, 20:51

MadMax

شوش يا شوش

سمرا يا سمرا :yahoo:

كيفك ..؟؟

تماس انت كيفك ؟؟

شو أكتر مكان ( أو يمكن زاوية صغيرة ) اشتقتيلو بالشام ..؟

قـاسيون

مـلحق :
في كمان بيت جدي ..
ومعرض و مقهى عالبال بباب توما ..

بما انك عايشة بالغربة

شو هني أكتر 3 اشيا موجودة بالوطن ( مادية أو معنوية أو حسية .... ) .... عم تفتقديها حالياً

أمـي

في روح معينه من الروابط الاجتماعيه او حتى الروابط البديهيه بين الناس عم افقدها كتير
وجوه الناس بالشارع ..

الحركه الثقافيه بسوريا .. مع بساطتها الا انو كتير و من زمان كنت حاول شارك و بحب اني احضر و ساهم بالاشيا الثقافيه بسوريا .. مسارح معارض كتب . حفلات , مسابقات , اي نوع من النشاطات كتير بيحب اني اقدر شارك فيه و بيزعجني انو هون السفاره السوريه ما بتقوم بايّ نشاطات تذكر و كل ما نحاول الاتصال فيها بتحس انك بتنزعج اكتر من هالقصه لذلك يعني

سؤال فني
شو رأيك بالفن السريالي ..؟؟

صراحه انا شخصيا ً ما كتير بيلفتلي انتباهي .. بحس فيه فوضى لكن في لوحات سرياليه ممكن تعجبني الا اني مابتخيل تشوفني عم ارسم سريالي بيوم من الايام :p

و صفيلي هاللوحة .. بما لا يقل عن ثلاثة أسطر ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ما فهمت كيف بدك ياني اوصفلك ياها .. بس خليني ابدي اعجابي فيها بدايه ً كونه الغموض اللي فيها اضافه للاضاءه شغله لا يـعلى عليها ..
غير هيك شو بدي اوصف فيها ؟ عجبني التناغم بين الظل و الضوء و عجبني وجه البنوته و ايضا الأرض الشطرنجيـّة و اللوحه عالحيط حسيت وجودهم عاطي للوحه هويه ..
هي صارو اربع اسطر :lol:

The morning

17/07/2009, 21:56

sona78

يسعد صباحك شوش ( هيك الكل بينادوكي فقلدناهون:o )

اي فيكي تناديلي شوش :lol:

كم سؤال خفاف نضاف
عليهم :gem:

شوش مين هيي باتوسة اسطر؟

شوش .. بنوته سوريـّة للعـظم :larg: 20 سنـه مع كمشـه مبادئ و قصص .. عم ادرس هندسه عماره حاليا ً .. بحب الفن بكل اشكاله ( رسم تصوير مسرح ميوزك آداب .. الخ )) و بهالمناسبه فخليني قول انو عم نجهـّز لمعرض بأيلول حاليا ً و الجميع معزومين .. بكره الكذب و الخيانه و ما بسامح عليهم بنوب بنوب بنوب بنوب كل شي تاني ممكن ينبلع معي الا هالشغلتين .. مزاجيه نوعا ً ما ..
هيك فيكي تعتبري انو صار عندك خلفية عن اهم الأشيا بشوش ..

خبرينا شو بيعنيك التصوير؟؟؟ وهوي هواية وبس ولا بتحبي تخليها مهنة ؟

التصوير شـــغلة كبيرة .. التصوير العادي اليومي يعني بدون ما يكون فني هو ايضا شغله كبيره ..هو تثبيت للزمن .. للذكرى .. للوقت .. هو الآله اللي بترجعنا بالزمن لورا ..
لولا الصور ما كنا عرفنا كتير اشيا تاريخيه او سياسيه او كتير غيرها يعني بعتقد اله التصوير من أهم الاختراعات اللي حصلت بتاريخ البشريه .. قبل التصوير كانت الناس تدفع للرسامين مشان يرسموهم و يقدرو يحتفظو بصورهم و يمرقوها لاولادهم و احفادهم و هالشي كان ياخد اوقات كتيره كماكانو يستأجرو رسامين ليرسمو الأحداث المهمه ( انتخاب ملك مثلا ً أو انقلاب شعبي ) هيك أحداث هلأ بنوثقها بصوره و نرمزلها برسوم لكن بوقتها كانت الرسمه هيّ كل شي .. بعد اختراع اول اله تصوير بدأت كتير مقايس فنيه تختلف .. يمكن التصوير الفني من أجمل الفنون .. انك تقدري تلتقطي احساس تلقطي .. تلقطي جوع فقر .. فرح ابتسامه .. زاويه ..

بالنسبه للشق التاني من السؤال فأنا كنت آخده هوايه و عالخفيف كمان و لكن حاليا ً بجامعتي صار في نوع من العصلجه ببعض الامور بالنسبه لبعض الموا د و توزيعها و بذلك قد يتأخر تخرجي فتره و اقدر ادرس شي تاني بنفس الوقت .. كنت سابقا ً بلشت اعمل مسرح و لكن قد ما يمشي الحال كتير بالمسرح كمـّل نظرا ً لجدول اوقاتي و المسرح يستهلك وقت كبير جدّا ً لذلك الخيار التالي هو رسم و تصوير كتخصص يعني :larg:

كونك بالغربة .. شو قدمت هالتجربة الك ؟؟ سواء شخصية بحتة او بنطاق عام

الغربة .. قدمتلي كتير .. يمكن صعب اقدر عد شو قدمتلي بواحد تنين تلاته هيك لكن يعني عالم مختلف عادات تقاليد مختلفه .. يعني جزء من تقبل الآخر و التعايش معه و اذا بدك الانصـهار فيه كمان مع المحافظه على الهويه الأصليه و المبادئ الاساسيه .. أنا طلعت من سوريا بمرحله عمريه حرجه ( متل ما بقولو ) يعني فتره مراهقه و تكوين شخصيه و تسالي .. فالغربه او خليني حدد أميركا تحديدا ً لعبت دور بتوجيه شخصيتي .. المبادئ و الجزور الفكريه ذاتها تقريبا ً لكن اكتملت بالغربه ..
كتير اشيا .. متل ما قلت صعب عددهم و اذكرهم كلهم لانو ما بقدر افصلهم كتير عن شخصيتي قبل و بعد و هيك

اكتر شغلة ايجابية بغربتك شو هيي

فيكي تقولي انو متل ما ذكرت سابقا ً نمتلي و وجهتلي شخصيتي و مبادئي و علمتني اعتمد على حالي و حالي فقط فقط .. و انو الحقوق هو شي بتاخد ما بينعطى ..

واكتر سلبية كمان ؟

سلبيات الغربه تقريبا ً معروفه لكن انا ما كتير بحب اطلع عالسلبيات بالأمور لانها ما رح تعمل شي غير انها تضارب عالايجابيات لذلك بلاها :gem:

عندك احساس فعلا انو ممكن تكبري بالغربة ؟؟ ( اقتباس من موضوع الك على ما اظن:p )

همممم .. حطيتي ايدك عالمنطقه الحساسه هلأ :p .. اي كنت من فتره عملت موضوع بهالخصوص ..
أنا اليوم عمري 20 سنـه رايحه باتجاه الـ 21 .. طلعت من سوريا كان عمري حوالي 15 سنه او شي هيك .. برجع زياره شهر بالسنه او السنتين .. فمابعرف اذا فعلا ً فيّ ارجع بسهوله .. بدي لخلص جامعتي هون كمان شي سنتين تلاته يعني بوقتها بكون صرلي بين 8-10 سنين برا البلد .. أنا رغبتي الشخصيه اني ارجع لكن هالأمر بتعلق بأكتر من عامل :
أولهم هو قدرتي على اعاده التأقلم ..

2. يعني هوّ عاده الناس بترتبط ببعضها و هيك :oops: و بيعملو عيله فقرار اني ارجع عسوريا او لاء او يعني اني اكبر بالغربه و عمـّر فيها او لاء هو قرار مافيّ قرره لحالي اذا كان في مشروع ارتباط رسمي من هون لوقت خلص درس ( حاليا ً مافي مشان الاشاعات يعني :p ) .. لكن وقتها بتكون صارت القرارات مشتركه و البقاء للخيار الافضل للمجموعه و ليس الفرد ..

3. بنتركها للظروف و ما تحمله من مفاجآت ..

واخيرا
شو درجة حرارة الزيت يلي عم تنقلي فيه ؟

هممم .. حاليا ً لسـّا عم يشعل .. فلساته عالخفيف ..

وبتفضليه زيتون ولا مزولا؟ :p

زيـــتوووون :gem:

وسلامات :D

سلامه

jankasanova

17/07/2009, 22:35

1-شو بتعنيلك شيكاغو؟
2-شو موقفك من سياسة امريكا الخارجية؟
3-قسم الرسم و التصوير شو بيعنيلك؟
4-شو سبب اختيارك لاسم "The morning" ؟
5-اول رئيس امريكي من اصل افريقي تم انتخابه هالسنة بامريكا, بالمشرمحي, هالشي يعني شغلة كبيرة؟

بونوس كويسشن*:

امريكا شو عطتك وشو اخدت منك؟

*البونوس كويسشن: اذا في سؤال من الاسئلة الخمسة ما بدك تجاوب عليه فيكي تستبدليه بالبونوس كويسشن(شلوني معك////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////). بس اذا بدك تجاوبي عالبونوس كويسشن بدون استبدال اي سؤال بيمشي الحال كمان.////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

leonardo_dicabreo

17/07/2009, 22:48

مورننج , أو شوش . . ! !

كيف الحال . . ! !

ما بدي طوّل عليكي . .

شخصيّه :

أسمك شوش بس أختصار لأيش ؟

بحسّك كتير هاديه وما الك بحدا , وهاي شغله كتير منيحه , هل هالحكي مزبوط ؟

أيش أكتر شي بعصبك ؟

شو أسم جامعتك ؟

تكنولوجيا :

ايش رأيك بشركة كريكت باكتساحها لباقي الشركات ؟

ايش رأيك بمنتجات أبل , وهل عندك شي منها ؟

سياسيّه ؟

رأيك بأوباما ؟

السبب الرئيسي لهبوط الاقتصاد الامريكي ؟

صحّه :

كم مرّه بتفرشي سنانك باليوم , أو بالسّنه :p ؟

بتلعبي رياضه ؟

عالماشي :

نوع موبايلك ؟

نوع سيارتك ؟

نوع اللابتوب؟

الطّبخه المفضّله (عربيه) , وأكله من هون ؟

عمرك جربتي تاكلي رجلين ضفادع :clap: ؟

شو اسم السيرز تاور حاليّاً بعد ما أنباع ؟

ماركة الاواعي المفضّله ؟

مكان الشوبينج المفضّل ؟

أنقليتي ولا لسّه ؟

بكفّو , نراكم بالحلقه القادمه ؟

الله معك :larg:

The morning

18/07/2009, 06:05

-شو بتعنيلك شيكاغو؟

شيكاغو هي دمشقي الغريبه :)

2-شو موقفك من سياسة امريكا الخارجية؟

هممم .. أميركا خارجيا ً مخجله .. يعني بتخيل أكتر واحد اساء لصوره أميركا خارجيا ً هو جورج بوش ( جمهوري :jakoush: ) .. و لكن صوره اميركا قبله ما كانت كتير ظريفه عاليما ً .. اميركا من الحرب العالميه التانيه و لليوم خارجيا ً سياستها مخجله و عنيفة .. و اعتقد خلال حكم بوش الأشخاص اللي كانو خلف السلطه هنن اللي شوهو الصوره العامه لأسوأ ما يمكن .. هلأ على أمل انو اوباما ( ديمقراطي :sosweet: ) يحسن بعض مما كونه سياسي ناجح و يعرف من أين تأكل الكتف ..

قسم الرسم و التصوير شو بيعنيلك؟

اووووووووه شغله كبيرة .. بيتي .. بحس المساحه اللي بقدر وصل من خلالها رساله فنيه بتمنى تكون حلوه .. خصا ً في ظل انو نحنا عنـّا ما زالت الفنون البصريه ( الرسم و التصوير ) عم يعانو من تهميشهم او خليني قول ما آخدين أصداء كبيره بسوريا و بالمجتمعات العربيه عامه ً فبحس انو مسؤوليتي هون بتصير احلى و اكبر .. أنا ما بدي اعمل الناس كلها فنانه بس بدي ورجيهم قديش الفن حلو ..

4-شو سبب اختيارك لاسم "The morning" ؟

صراحه ما بتذكر اخترت غير اسم و كان مستخدم و بعدين اخترت مورنينغ .. أنا اجمالا ً بحب الصبح كتير .. بحسه نقي و نضيف و حنون و حتى البرد اللي فيه دافي :oops: ..

5-اول رئيس امريكي من اصل افريقي تم انتخابه هالسنة بامريكا, بالمشرمحي, هالشي يعني شغلة كبيرة؟

هو اوباما شغله كبيره بغض النظر عن كونه اسود و حسب ..

لكون صريحه أكتر فأنا من الناس اللي جدّا ً بيشدها تاريخ السود بأميركا .. الطريقه اللي اجو فيها عاميركا و الطريقه اللي تعذبو فيها و وقت تحررو و ما بعد هي اكتر مرحله بتشدني .. بدايه تحررهم و الاضطهاد الاجتماعي اللي صابهم و عدم السماح لهم بالسكن بمناطق معينه و الجلوس بآخر الباصات و المسارح و ما اليه و احيانا ً ممنوعين من دخول بعض الاماكن اذا فيها بيض :shock: .. هاد التاريخ كلـّه بشدني بشكل كبير .. بحس انو ما هي عمليه سهله اللي صارت .. بتعبيلي راسي بحسها بطوله نوعا ً ما ( مش انتخاب اوباما انما تخطي فتره ما بعد تحرير العبيد بكم ميه سنه )) ..

عوده ً لأوباما فأنا هو كشخص كفكر يعني بشدني .. اسلوبه طريقه طرحه للأمور الطريقه السياسي و المحامي الناجح اللي بيعرف يقلّك شو بدك تسمع و يخليك تقول شو بده يسمع .. يقنعك انو كل شي عم يعمله لمصلحتك ..

و ايضا ً هوّ فخر للأميركان المتحررين ( مش المتعصبين الرجعين :frown: ) .. انو شخص أسود من أصول مسلمه اسمه باراك حسين اوباما .. يوصل لرئاسه أميركا اللي تعتبر من أقوى دول العالم .. فقديش معناها الشعب الأميركي قطع شوط كبير باهمال بعض من العنصريه و التشدد اللي اشتهر فيها على مدى سنين ( بلد الرجل الأبيض ) ..

أضف الى ذلك أنو اوباما كان بيدعم الشباب و عامه الشعب بالوقت اللي كان ماكين بيدعم الشركات و رجال الأعمال على حساب باقي الشعب :frown: ..

انا بنبسط انـّي قدرت احضر لحظه انتخاب اوباما كرئيس للولايات المتحده الأميركيه ..
يوم انتخابه كان عنـّا ( حد جامعتي :gem: ) و المسا وقت اعلان النتائج ما كان في حدا ببيته كل الناس بالشوارع و رايحه تحضره لايف و بكي و دموع و فخر و بسط و قصص.. كان يوم تاريخي بكل معنى الكلمه ..

بونوس كويسشن*:

امريكا شو عطتك وشو اخدت منك؟

جاوبت على سؤال بيشبهه سألته سونيا :larg:

The morning

18/07/2009, 07:06

مورننج , أو شوش . . ! !

كيف الحال . . ! !

ما بدي طوّل عليكي . .

أنا تماما انت كيفك :gem:

شخصيّه :

أسمك شوش بس أختصار لأيش ؟

بحبه أكتر لأنو .. بحسه بيشبهني اكتر من اسمي .. اسمي شيرين بس هون بأميركا بنادولي شيري و مامايتي بتناديلي شيري .. لكن أنا بحب شوش أكتر شي :clap: ..

بحسّك كتير هاديه وما الك بحدا , وهاي شغله كتير منيحه , هل هالحكي مزبوط ؟

ههههههههه :lol: ..

نوعا ً ما مظبوط .. انا هاديه عاده ً و بالي طويل .. بس وقت بحشش ببطل هاديه كتير و وقت بعصـّب بصير في قظائف عنقوديه و بارود هربو :x لذلك بفضل وقت كون معصبه اني بعد عن الناس ..

هلأ شغله اني ما الي بحدا فهي اكتر شي مظبوطه (( عم تحللي نفسيتي؟ )) فعلا ً انا ما كتير بحب اختلط بالناس بصوره عامـّه .. من لما كنت صغيره - بالروضه تقريبا ً - كنت اهرب بالفرصه من العجقه و الولاد و اقعد تفرّج على ورق الشجر من شباك الصف و هو عم يهز :? ..
هلأ ليش هيك مابعرف و لكن الناس ما هالشي الكتير بشجـّع يعني و ما بتحس عم يروح عليك كتير اذا ما كتير خالطتهم على العكس تماما ً .. اضف لأنو هيك بتصير العلاقات محدده الهويه أكتر ..
أحلى هيك عندك أصدقاء نخبه مقربين جدّا ً :hart: و علاقه جيده مع باقي الناس ..

أيش أكتر شي بعصبك ؟

فيك تضحك و فيك تضحك بصوت عالي لكن انا كتير بعصبني انو حدا يدللني :o !
بتتعب أعصابي رسمي .. أنا كتير بحب اعتمد على حالي كتير و ما بحب توصلني الأمور جاهزه .. بحب اتعب بالحصول على ابسط الامور (( ابتداء من كاسه المي )) حتـّى لاقدر استمتع بنتائجها ..

أيضا ً بعصب اذا صار في ضجـّه كتير و اكتر من شخص عم يحكو بنفس الوقت ..

و بعصب لم بحس الناس ما عم تفهم عليّ و ما عم اقدر فهمها اللي بدي فهمها ياه ..

شو أسم جامعتك ؟

ليش بدك تجي تعملي زياره مثلا ً :larg: ؟؟

تكنولوجيا :

ايش رأيك بشركة كريكت باكتساحها لباقي الشركات ؟
والله سمعت عنها كتير بالراديو لكن ما جربتها لذلك ما بقدر أعطي رأي فيها بس بعتقد احلى شي فيها انو مافي كونتراكتس بهالوقت خصـّا ً اللي الناس فيه ما عندها فكره عن مستقبلها الاقتصادي لذلك ما بدها ترتبط بكونتراكتس

ايش رأيك بمنتجات أبل , وهل عندك شي منها ؟

آبل منيحه جيده يعني لكن بحس نظامها كتير معقد .. اضافه لانو شايفين حالهم كتير ..
كنت بدي جيب الاي فون بس غيرت رأي و بذلك ما عندي اي منتج لآبل لكن حاليا ً بجوز اشتري لاب توب جديد و قد يكون آبل ..

سياسيّه ؟

رأيك بأوباما ؟

ذكرته بالرد السابق

السبب الرئيسي لهبوط الاقتصاد الامريكي ؟

همممم .. ما رح اتوسع كتير لكن في حدن مرّة قال شغله عالراديو او ببرنامج عالتلفزيون ..
بما معناه انـّو اذا العالم كلـّه داخل بأزمه فوين راحت المصاري ؟ اكيد بجيبه شي حدا :angel: ..

واقتنعت بهي الفكره بشكل مبدئي

صحّه :

كم مرّه بتفرشي سنانك باليوم , أو بالسّنه :p ؟

2 - 3

بتلعبي رياضه ؟

بروح عالجيم و بلعب تنس :sly:

عالماشي :

نوع موبايلك ؟

نوكيـا اكسبريس ميوزك :sosweet:

نوع سيارتك ؟

فوكس فورد سودا بدنا نفيمها 8)

نوع اللابتوب؟

اتش بي بدنا نكبـّه حاليا ً و نشتري واحد جديد امـّا آبل أو Dell

الطّبخه المفضّله (عربيه) , وأكله من هون ؟

طبخه همممم .. مافي شي كتير مفضل عم يجي عبالي لكن بحب الفتات الصباحيه ..
و بحب الشاورمااااا ..

من هون بحب التشاينيز و الايطالي :eat:

عمرك جربتي تاكلي رجلين ضفادع :clap: ؟

لاء لكن ما عندي مشكله جرّب

شو اسم السيرز تاور حاليّاً بعد ما أنباع ؟

ويليس تاور :p

ماركة الاواعي المفضّله ؟

هممم .. في كتير و مافي شي مفضل أكتر من غيره متل كل شيي عني في شغلات بتعجبني و شغلات ما بتعجبني من كل ماركه .. بس هدول بتلاقيهم بخزانتي كتير ..
8) Juicy
Holister
Abercrombie n Fitch

مكان الشوبينج المفضّل ؟

Woodfield mall
أو بال City :gem:

** هامش ليش حاسه بدك تخطفني انت مافيك غير بتسألني وين بروح و وين بجي :frown::p

أنقليتي ولا لسّه ؟

لسـّا :clap:

بكفّو , نراكم بالحلقه القادمه ؟

بانتظار الحلقات القادمه