ابو سارة انا انطفيت اليوم
بكرا منكمل معك :D

وقت بحس حالي مخنوق ومتدايق وما عم اقدر فهّم العالم شو صاير فيني
بطلع على البلكون وبحط جنبي قنينة بيرة وبسها بالسما :cry:

:cry::cry::cry::cry:


ابو سارة انا انطفيت اليوم
بكرا منكمل معك :D

لكان لبين ماتشعل بكرا مرة تانية عندي هالسؤال,

لو صحلك تختار شخصية (أدبية موسيقية سياسية إجتماعية أي شخصية بتحب)إنك تعيشها يوم واحد مين بتختار؟
يعني مثلا عندك فضول تعرف هالشخصية كيف بتقضي يومها
كيف بتفكر
كيف بتتصرف
أو لما طلعت بهالفكرة أو بهالمقطوعة أو بهالقرار شو كان عبالها ,,
هيك يعني من هالفضول :D

مادام رايح تنام رح قوص مدري اقتنص الفرصة مو هيك بيقولو:?
ماعلينا

شو المشروب الكحولي المفضل عندك؟وشو بتحب تاكل وقت تشرب هالمشروب؟
وشو بتحب تسمع و قت تشرب هالمشروب و تاكل هالاكلة؟
عم شم ريحة شلوطة, منك طالعة؟

وكالعادة بونوس كويسشن:larg::

برايك هل كان خيار امريكا باسقاط قنبلة ذرية على هيروشيما وقنبلة ذرية على ناغاساكي لانهاء الحرب صحيح؟

ابو طوني ...

اخيرا رقت و مخمخت مشان احط لك كم سؤال من ابو سارة ... بقا اعذرنا ع التأخير :lol:



انه ضروري واحد يمخمخ وقت بده يقليني :jakoush:
يا اخي قليني هيك بالعبطة شي ما اتوجع كتير ضروري تسلقني سلق من كل اطرافي :sick:


اخوية اللي يجذبك فيها :

1. موقع يساري
2. موقع لاديني
3. موقع شامل للجميع
4. موقع حر
5. موقع لمثقفين معينين بالعالم العربي
3. موقع شامل للجميع
اجت فترة ترك قسم كبير من الأعضاء اللي ما بيتفقوا معي بنفس الرأي بأي شي
حسيت انه الاخوية نامتلها شوي وما عاد فيها نقاش لوقت ما رجع اجا دفعة جديدة فيها من كل الألوان لمشي حالنا من أول لجديد :clap:

ما أثر ----- على فكر ابو طوني
1. العائلة
2. الاصدقاء
3 الوسط الاجتماعي
4. المدرسة
5. الجامعة
6. سواق السرافيس :lol:
كلشي بأثر يا زلمة ما معقول اختار وحدة على حساب البقية
بس بتخيل المدرسة الها التأثير الأكبر .. هيك بتخيل


اذا في يوم من الايام غيرت قناعاتك 180 درجة .. هل رح تحاول تغير قناعات اولادك اللي فرضا تكونت على اثر قناعاتك الحالية
كأساس قناعات ومبادئ ما بعتقد رح اترك لولادي لحالن بلا ما كون أنا الموجه لأفكارن
فطبيعي بالبداية يطلعوا مشابهين الي من ناحية التفكير وما بعتقد في عندي مشكلة اذا طلعوا عكسي مع الايام
بس كبدايات أكيد ما رح اتركن ليضرب الهوا فين يمين يسار ويضيعوا اكيد رح كون جنبن ووجهن واعطين الشي اللي بقدر اعطين ياه .


تفضل العمل الاكاديمي او العمل الصناعي ؟
العمل الأكاديمي بالنسبة الي هوي الانسب
وقت كنت طالب بالمدرسة كنت بكل فصل صيف باشر بالعمل وانزل على الشغل
العمل الصناعي مرهق بشكل كبير ومافيه مجال للإبداع ولحتى اتطور حالك بشكل كبير
وانا من الناس اللي بس ما انحدوا بشي بموتوا :cry:

سؤال مشابه بالمعنى بس شوي مختلف ..
تعتقد منو اكثر اهمية عمليا و بالشرق الأوسط.. الاساتذة أصحاب الشهادات العليا او العاملين بالمجال الصناعي ؟

في ظل الاساتذة الجهابذة اللي عنا وبطريقة تعاملن مع الحياة والعلوم ... بحترم أصحاب المجال الصناعي اكتر
مع أن الاساتذة والمثقفين هنن اللي قادرين على تطوير البلد .. بس لا حياة لمن تنادي .

ابو طوني نقدر نقول انت مشيت على دورة حياة اي شاب طموح .. حلم بتغيير العالم بعدين حلم يغير الاهل بعدين حلم انو ما يتغير شخصيا ...
ما كان تغيير العالم حلم خاص فيني وبولا يوم من الأيام .. ما وصلت بحاتي لهال مستوى من السذاجة :lol:
بس غيير المحيط والمجتمع بالنسبة الي حلمي الحالي ولسع ما تخليت عنه
وفي شوية عوامل بالحياة عم تساعدني على تحقيق هلشي أهمها المنظمة التطوعية اللي منتسب الها .. بتفتحلي أبواب كتير كبيرة ... مع الأيام متوقع اني رح اقدر باشر بتغيير شي ملموس .. او هيك بحلم على القليلة .


تتمنى يرجع الزمن 10 سنين ... و متندم على شي ما عملتو ؟
ماني ندمان على اي قرار اتخذته بحياتي وأي تصرف عملته مع أي انسان كان
بنام طول عمري على المخدة وانا ضميري مرتاح :o

اقلب الصفحة
حتى هون في صفحات :jakoush:



Part II
الرسم القديم او الحديث ؟
القديم بيستهوييني بطرقة غريبة وبيجذبني دائما اله فأكيد القديم هوي اللي بيعجبني

الخيال العلمي او افلام اجتماعية
الخيال العلمي لا تقربها علي .. حطلي x كبيرة عليها

اكثر موسيقى غربية تحبها
كتير بحب صوت الالتريك ( الغيتار الكهربائي يعني ) وقت بيدخل بكونشيرتوا او بيدخل بشي غنية كلاسيك مع صوت الفيولون وصوت البيانو
بس قلال كتير الاغاني اللي بيعتمدوا هاد النمط لأن أغلبية العالم ما بتسمع هيك شي وبتعتبره تخبيص :lol:

اكثر موسيقى شرقية و احلى مطرب الك

صوت العود والقانون بخليني سلطن نظامي ( صير سلطان زماني )
اكتر "مطرب" بحبه من ناحية الطرب وهلقصص هوي ملحم بركات وصباح فخري

تحب الطرب الا الغناء ؟

خلينا على الطرب .، الغناء في ألوان خاصة جدا بتعجبني ومو شرط أبدا تكون اغاني نمطية

العزف ... او Vocal
العزف :cry: فتحتلي جروحاتي :jakoush:
بزمناتي دخلت بمعهد موسيقى للعزف على الكمان
بقيت فيه شي 3 سنين او اربع سنين ماني متذكر بالضبط
بس كملت لأن ما عاد حس انه في شي بيستهويني وبشدني بهلمجال



ملاحظة .. الاجابة على كل الاسئلة على ان يكون السؤال العاشر من ضمنها

مع تمنياتي لكم بالنجاح :larg:
آخر جملة بتذكرني بورقة الامتحان
بكون الدكتور حاطتلك اسئلة جايب اجلك فيها
وبالأخير بيكتبلك مع تمنياتي بالنجاح
بمرة من المرات كنت معصب من الاسئلة وماني منتبه انه الدكتور واقف وراي
قلتلن لرفقاتي " بفرض مرة يكتبلننا بالاخير من طي** رح تنجحوا :o "

:cry::cry::cry::cry:



اي والله هيك الأوضاع :cry:


لكان لبين ماتشعل بكرا مرة تانية عندي هالسؤال,

:frown:

لو صحلك تختار شخصية (أدبية موسيقية سياسية إجتماعية أي شخصية بتحب)إنك تعيشها يوم واحد مين بتختار؟
يعني مثلا عندك فضول تعرف هالشخصية كيف بتقضي يومها
كيف بتفكر
كيف بتتصرف
أو لما طلعت بهالفكرة أو بهالمقطوعة أو بهالقرار شو كان عبالها ,,
هيك يعني من هالفضول :D
حلو سؤالك بس ضيعني شوي
لو الحكي انه مين هية الشخصية اللي بتعجبني ففي ملايين الاسماء معجب فيها وببصمتها في الحياة بس مو شرط أبدا اني حابب اتعرف على شخصيتها واقعد معها
كمثال بسيط وسريع ، انا من العالم اللي يوميا بيسمعوا كل أغاني عازار حبيب ، مع اني ما بعرف صورته للزلمة وماني متعب حالي ولا مرة بحياتي ومبحبش على صورة اله بالغوغل :lol:
يعني محبتي لأعمال الشخصية ما بتعكس أبدا رغبتي بالتواصل مع هاد الشخص بطريقة مباشرة .
في شخصية وحيدة بحب اني اجتمع معها ... الأم تيريزيا .. بس لحتى أعرف شو مصدر انسانيتها اللي بخليها تترك أهلها وتسافر للهند وتعيش مع المرضى وتساعدن
لو رجع فيها الأيام كانت رجعت عملت نفس الخطوة ؟ ما كانت تحس أنها عم تنهي حياتها بطريقة أو بأخرى ؟

مادام رايح تنام رح قوص مدري اقتنص الفرصة مو هيك بيقولو:?
ماعلينا

لغاب القط لعاب يا فار :p


شو المشروب الكحولي المفضل عندك؟وشو بتحب تاكل وقت تشرب هالمشروب؟
اذا بدك الدغري انا بحب كتيـــــــر البيرة
يوميا أو كل يومين في الي بيراية ( خصوصا هلق بالصيف )
بس بنفس الوقت ما بعتبره مشروب كحولي :? بحسه هيك متله متل اي مشروب عادي بس فيه نسبة كحول صغيرة
بالعادة بكون في عنا بسكويت مالح او فستق حلبي معها .. حوّل ابوجريج :yahoo:


وشو بتحب تسمع و قت تشرب هالمشروب و تاكل هالاكلة؟
بالعادة بحب اقعد على البلكون بلا ما اسمع شي .. بس هيك بصفن بالطرقات
بس وقت بكون برد وبنضب بغرفتي بحب شغل معها أغاني لينا شماميان أو في عندي البوم موسيقى شرقية كتير بنبسط وقت بكون عم اسمعها وعم اشربلي شي شغله معها

عم شم ريحة شلوطة, منك طالعة؟
لا احترق زيق بنطولي ، لا تاكل هم كمل شغلك :lol:

وكالعادة بونوس كويسشن:larg::

برايك هل كان خيار امريكا باسقاط قنبلة ذرية على هيروشيما وقنبلة ذرية على ناغاساكي لانهاء الحرب صحيح؟
عم تحكي معي بمجال البديهيات :lol: ما بعتقد في انسان بالعالم رح يقبل هيك جريمة من هاد النوع
العملة هي ما بتفرق كتير عن محارق النازية لا بل هي جريمة عشوائية راح فيها كلشي عايش على سطح الأرض ، مع أنه المحارق النازية اللي كل العالم بتستنكرها وبتسب النازية عليها ( وانا طبعا واحد من هدول العالم ) كنت عملية تصيفة وموجهة لفئات معينة من الشاذين والسحرة والمشعوذين واليهود وشوية اقليات عرقية .
في بالانكارتا تسجيل صوتي لأمر اطلاق القنبلة وصورة حية ( مو رسم يعني ) لحال المنطقة بعد اطلاق القنبلة عليها بيومين تقريبا.. شي بسم البدن

شؤال أبو انطون


هلق الأخوية كمجتمع رقمي افتراضي هلق يوجد له انعكاس في مجتمع حقيقي ؟؟

بأفكارو و معتقداتو و نقاشاتو و الأشخاص يلي فيه

ما ضل سؤال ما نسال.. :pos:
ما عطوني مجال اسال شي.. كل ما اجي اسال شي.. بلاقي في حدا سابقني :jakoush:

بس في هيك سؤال محدا وصلو.. قدي نمرة رجلك؟ :shock:
و كمان.. لما تشوف صبية شو اول شي بيلفت نظرك الها؟
شو اكتر شي بتحبو بحالك.. و اكتر شي بتكرهو بحالك كمان..

و مازا ايضا يا ريتا..؟ خلص هدول طلعو ع بالي هلا
بيجوز ارجعلك.. مع انو مالي قلب ارجعك حاجتك حرام :lol:


:D

هاي أبو طوني:Dبس هالسؤالين:
أشو برأيك أفضل اختراع توصّل ألو البشر(غير الهمبرغر:lol:)

أشو أكتر صفة بتحبها بسعدو غير أنو ديموقراطي:gem:




ازا طلع معي شي سؤال خرندعي برجعلك :larg:






:aah::willi: :sly: :sly:

:aah::willi: :sly: :sly:
:cry::cry: ما شفت المشاركة هي بشرفي ما شفتا :sick::sick::sick:

هاي أبو طوني////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////بس هالسؤالين:
اهلين بدونكي شوت :o

أشو برأيك أفضل اختراع توصّل ألو البشر(غير الهمبرغر:lol:)

البرغي :o


أشو أكتر صفة بتحبها بسعدو غير أنو ديموقراطي:gem:
انه قريب على العالم وما بدا القصص تعقيدات كتير لتفهم عليه :gem:



ازا طلع معي شي سؤال خرندعي برجعلك ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
تعودنا عليك .. خليك .. خليك .. تيرارا
تعودنا عليك .. كملها لحالك :lol:

شؤال أبو انطون


اهلين ابو ويلم


هلق الأخوية كمجتمع رقمي افتراضي هلق يوجد له انعكاس في مجتمع حقيقي ؟؟

بأفكارو و معتقداتو و نقاشاتو و الأشخاص يلي فيه

من قبل ما كنت حس انه في اله انعكاس واضح
بس وقت سافرت على الشام حسيت انه فعلا في أجواء أخوية بالموضوع :gem:

بمرة من المرات ناي اذا ماني غلطان بعتت رد بأحد المواضيع قالت فيها للمشاركين " انو انتوا وين ؟ ليش ما بشوف بالحياة عالم متلكن "
القصة انه أجواء الاخوية ما بيقدر ايا حدا يتأقلم معها
بس ما قدر الواحد يكمل الشهرين الأولين بشكل أو بآخر بده يتغير أو بده يترك المحل هاد
فانه الأخوية صايرة جامعة للأقليات اللي بتفكر بنفس الاسلوب لهيك بالمجتمع الحقيقي ما كتير بتلاحظ تأثيرها

بس اذا وصلنا لنقطة أنه اننا حسينا انعكاسها معدوم على المجتمع الحقيقي .. معناها خلي الحكيم يسكرنا هلمحل أشرفنا من تضييع الوقت

ما ضل سؤال ما نسال.. :pos:
ما عطوني مجال اسال شي.. كل ما اجي اسال شي.. بلاقي في حدا سابقني :jakoush:

حرام كابي :cry:

بس في هيك سؤال محدا وصلو.. قدي نمرة رجلك؟ :shock:
وما حدا رح يصله :lol:
بالعادة 44 ، بس اذا بدك اتجيبيلي شي من ألمانيا فجيبيه 43 لأن القياس الألماني عم يطلع كبير على رجلي :p

و كمان.. لما تشوف صبية شو اول شي بيلفت نظرك الها؟
عيونها

شو اكتر شي بتحبو بحالك.. و اكتر شي بتكرهو بحالك كمان..
بحب فيني شغلة وبتمنى شوفها عند بقية العالم اني قادر عيش حياتي بكل مجالاتها
بالتسالي اللي فيها والضحك والمسخرة ، بالجد والعلم والأفكار والنقاشات
من اللي حولي ما عم اقدر شوف شخص بقدر عيش معه حياتي بكل خصائصا وصفاتها
يا اما بكون شخص جدي وقت بقعد معه دائما بتكون قاعداتنا حوار ونقاشات وهلقصص
يا جماعة ضحك ومسخرة وكل قعدتنا تفقيس على بعض
اني شوف عالم عيش معن كل هلقصص ما عم اقدر شوي

الشغلة اللي بكرها بحالي اني مذاجي لحد ما وعصبي إلى حد ما
بالحياة العادية غير على الانترنت
على الانترنت بسرعة بنحمئ وبعصب بعكس الواقع .. بالي طويل وما بعصب بسرعة بس وقت بعصب يا غضب الله الحالل على الأرض :lol:

و مازا ايضا يا ريتا..؟ خلص هدول طلعو ع بالي هلا
بيجوز ارجعلك.. مع انو مالي قلب ارجعك حاجتك حرام :lol:

لبين ما ترجعي بكون خرجوني بالسلامة من المقلاية :p

:D
ويا هلا :D

اهلين ابو ويلم

من قبل ما كنت حس انه في اله انعكاس واضح
بس وقت سافرت على الشام حسيت انه فعلا في أجواء أخوية بالموضوع :gem:

بمرة من المرات ناي اذا ماني غلطان بعتت رد بأحد المواضيع قالت فيها للمشاركين " انو انتوا وين ؟ ليش ما بشوف بالحياة عالم متلكن "
القصة انه أجواء الاخوية ما بيقدر ايا حدا يتأقلم معها
بس ما قدر الواحد يكمل الشهرين الأولين بشكل أو بآخر بده يتغير أو بده يترك المحل هاد
فانه الأخوية صايرة جامعة للأقليات اللي بتفكر بنفس الاسلوب لهيك بالمجتمع الحقيقي ما كتير بتلاحظ تأثيرها


ها المقولة الشهيرة، إذا ماني غلطانة، بتكون الي :lol:، حكيتا للشباب في موضوع "ثقافة المرأة"، لأني حسيت انو الآراء اللي عبرو عنها الشباب تنمّ عن وعي وحضارة مجتمعاتنا بتفتقرلو، مشان هيك حكيت انو وينكو ما عم شوف هالوعي على أرض الواقع! وجب التنويه! :p

هامش: أبو طوني صاير "أبو فحمي"، من كتر ما انقلى! :lol:

مرحبا ابو طوني
كيفك ؟
اكم سؤال بس
انو عن مواضيعك القدام
اول شي موضوع تاملات من وحي اخويتنا ... ناوي تكمل في شي يوم ؟
وكمان موضوح الحيوانات الاسطورية؟
واخر سؤال ما دخلو كثير بس انو ... شو رأيك بمايكل جاكسون ؟
خلصنا وسعدو والله يعينوك :D

ها المقولة الشهيرة، إذا ماني غلطانة، بتكون الي :lol:، حكيتا للشباب في موضوع "ثقافة المرأة"، لأني حسيت انو الآراء اللي عبرو عنها الشباب تنمّ عن وعي وحضارة مجتمعاتنا بتفتقرلو، مشان هيك حكيت انو وينكو ما عم شوف هالوعي على أرض الواقع! وجب التنويه! :p

احتمال كبير يكون الكلام منسوب الك وانا غلطان
سبق وقلت اني ما بنتبه على الاسماء وما بتذكر الشخصيات بس بتذكر الردود بشكل منيح :pos:


هامش: أبو طوني صاير "أبو فحمي"، من كتر ما انقلى! :lol:
كان لازم احسب حسابي واستعمل برغي مضاد للاحتراق :lol:

مرحبا ابو طوني
كيفك ؟
اكم سؤال بس
انو عن مواضيعك القدام
اول شي موضوع تاملات من وحي اخويتنا ... ناوي تكمل في شي يوم ؟

هاد الموضوع بذات كتير بحنله ولهلق كتير برجع بفوت عليه وبتفرج على الفيديويات اللي فيه :cry:
كنت عامل ليستا بالأغاني اللي بحبا وبدي نزلها بالموضوع هاد بس مشكلة الصور هية الاساس
اضافة انه في ابن حلال اسمه علاء قلي انه كل الفيديويات مستعمل نفس التقنية فين واللي هية التكبير والتصغير فصايرين كتير نمطيات .. ومعه حق ما عم حس انه في تقنية عالية فوقفت عن تكملته :cry:


وكمان موضوح الحيوانات الاسطورية؟
هاد الموضوع حسبة تانية ، كل مشاركة فيه بتاخد تقريبا بين الـ 4 -5 ساعات بين توثيق المعلومات اللي بعرفها والتأكد منها + البحبشة على الصور اللي بتلزمني + تنسيق المشاركة وارسالها
بس أكيد رح يجي يوم وارجعله لأنه بمثل احد أكتر المجالات اهتماما الي في الحياة .


واخر سؤال ما دخلو كثير بس انو ... شو رأيك بمايكل جاكسون ؟
ما كتير متعلق فيه وما بيعنيلي شي بصفة شخصية
بس اغانيه ما بها شي .. بينرقص عليها :lol:

خلصنا وسعدو والله يعينوك :D
سعدو تاركني هون لحالي آكل القتلة
قال على باله نفس أركيلة :jakoush:

:D ..

وراها .. نظرة كتير جديدة ..

لك اش مشان رايك بالاعضاء ليش سبحتو ..

:D ..

وراها .. نظرة كتير جديدة ..
ما بعرف شو بدي علّق
هي وردة :D
أبـ طوني .. هلأ انتي هيك .. ولا آكل ضربة كريك ؟؟ :?
بسألك المخرج
لك اش مشان رايك بالاعضاء ليش سبحتو ..
هلق كنت بدي حط تعليق ليش على هاد السؤال
شخصيا ما بدي اكتب على رأي للأعضاء لأنه سؤال تقليدي وما شايف منه نتيجة
اللي حابب يعرف رأي فيه ( مع اني ما بعرف بشو ممكن يفيده رأي بالحياة :lol: ) فينه يسألني بشكل مباشر وما رح اتردد بالاجابة
ليكا بيرسونيتا والمحارب العتيق حطوا اسئلة عن معرفتي فين واحتكاكي معن ما ترددت أبدا بالاجابة
بس يتحول الوضع لقائمة اسماء لازم متل الموظف الحباب جاوب عليها ولا بينقطع راتبي .. ما عم اقدر افهمها

هاموش : حسون ما معي يونيت مشان هيك ما دقيتلك هداك اليوم :jakoush::jakoush::jakoush::jakoush:

طيب انا بدي اسئلك
انا مين وشو
:p

بس تجاوب
برجعلك
:oops:
زينو يا زينو حقك علي وزرعا بدقني
ما كنت شايف السؤال هاد بسب الطوشة اللي صارت هون
بعد ما "دندوشي" رجع نكش السؤال وعبر عن غضبه أني ما رديت عليه
رجعت للصفحات لشوف اذا في هيك حادثة وطلع اني ماني رادد على سؤال
فقحك علي :cry:


منجي للسؤال :
انا مين وشو
زلمة عم يدور على حاله ودائما بحاول يطور من حاله ويشتغل على ثقافته
كتير احترمتك وقت خبرتني انك بدك ترجع للجامعة من بعد انقطاع سنوات طويلة عن الدراسة :gem:

:D

حلو سؤالك بس ضيعني شوي
لو الحكي انه مين هية الشخصية اللي بتعجبني ففي ملايين الاسماء معجب فيها وببصمتها في الحياة بس مو شرط أبدا اني حابب اتعرف على شخصيتها واقعد معها
كمثال بسيط وسريع ، انا من العالم اللي يوميا بيسمعوا كل أغاني عازار حبيب ، مع اني ما بعرف صورته للزلمة وماني متعب حالي ولا مرة بحياتي ومبحبش على صورة اله بالغوغل :lol:
يعني محبتي لأعمال الشخصية ما بتعكس أبدا رغبتي بالتواصل مع هاد الشخص بطريقة مباشرة .
في شخصية وحيدة بحب اني اجتمع معها ... الأم تيريزيا .. بس لحتى أعرف شو مصدر انسانيتها اللي بخليها تترك أهلها وتسافر للهند وتعيش مع المرضى وتساعدن
لو رجع فيها الأيام كانت رجعت عملت نفس الخطوة ؟ ما كانت تحس أنها عم تنهي حياتها بطريقة أو بأخرى ؟


هلق إنت فهمت سؤالي غلط بس يمكن هون هالجملة قربت للي عم إسأل عنو


أنا كان قصدي تعيش هالشخصية مو تكون معها .. إنت تكون هالإنسان لو يوم واحد لتعرف كيف بيعيش حياتو أو كيف بيتصرف
أو وقت قال هالكلام أو ألف هالمقطوعة شو كان عبالو (كيف وقت بنقول : العما بشو كان عم يفكر هالزلمي وقت قال هالحكي :lol:)
سؤالي يمكن غريب بس أحيانا بتمنى إني عيش مكان هالشخص بهاللحظة لأعرف وقت عمل هالشي بشو كان عم يفكر أو شو كانت حالتو وقتا .. هالعبقرية كيف طلعت يعني .. فضول لاأكثر :smile:

والله يعينك علينا شو حشورين :D

هلق إنت فهمت سؤالي غلط بس يمكن هون هالجملة قربت للي عم إسأل عنو


أنا كان قصدي تعيش هالشخصية مو تكون معها .. إنت تكون هالإنسان لو يوم واحد لتعرف كيف بيعيش حياتو أو كيف بيتصرف
أو وقت قال هالكلام أو ألف هالمقطوعة شو كان عبالو (كيف وقت بنقول : العما بشو كان عم يفكر هالزلمي وقت قال هالحكي :lol:)
سؤالي يمكن غريب بس أحيانا بتمنى إني عيش مكان هالشخص بهاللحظة لأعرف وقت عمل هالشي بشو كان عم يفكر أو شو كانت حالتو وقتا .. هالعبقرية كيف طلعت يعني .. فضول لاأكثر :smile:

والله يعينك علينا شو حشورين :D
انا حاولت جاوب على السؤال بحسب ما فهمته
قلتلك انه الشخص الوحيد اللي بتعجب من طريقة حياته واللي فعلا عندي فضول لأعرف بشو كان عم يفكر وقت اختار هلطريق هوي الأم تيريزيا

أني اعرف كيف كان جبران يقعد وقت يكتب رواياته ، او كيف أرخميدس نط وهوي عاري .. وجدتها وجدتها :lol: ما بعتبرا قصة بتثير اهتمامي وبتشدني بالمرة


والله يعينك علينا شو حشورين ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
قصدك الله يعين اللي بده يجي من بعدي
بشرفي رح مسح فيه الأراضي وخليه يبقى سنتين عم يكتب أجوبة
طوليلي بالك .. رح تشوفوا اصدار من أبو طوني أحقر من هيك سعدو لسع ما خلق :lol:

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

مين بتحب اكتر ؟ (بتجاوب وبتختار واحد بس وممنوع عدم الاجابة )

حومص ولا حلب ؟
طرطوس ولا الادقية ؟
الاتحاد ولا الكرامة؟
الرقة ولا دير الزور ؟
اب جوزيف ولا اب وليم ؟
ابوك ولا امك ؟
بتحب الوحدة والهدوء ولا الضجة ؟
مين اذكى الحماصنة ولا الكراد ؟
مين عقلو حيط اكتر الكراد ولا الحلبية ؟



مين بتشجع من المنتخبات ؟ عدا سوريا (ازا كنت بتشجعا اصلا :p)
عالمية ؟
عربية ؟


من الاندية ؟
الاجنبية ؟
السورية ؟
العربية ؟





مين اكتر لاعب سوري بتحب ؟ (قدم وسلة)
اكتر ممثل سوري ؟
اكتر مغني سوري ؟
اكت لاعب بتحبو بالاتحاد ؟
اكتر لاعب بتحبو بالكرامة ؟
اكتر لاعب بالجلاء





وحدة في الاخوية انت معجب فيا من زمان وماعبتقد تقول ؟



واحد بالاخوية معجب في من زمان ومستحي تقول (غيري طبعا ) ؟





مين بتحب اكتر واحد من المشرفين والمشرفات او بتحسي اقرب للاعضاء ومتواضع وعاد وكلووووو؟
عطيني اسم شب واسم بنت من المشرفين؟



نفس السؤال بنطبق ع المنسقين عطيني اسم شب وصبية من المنسقين بتحسي انو ادمي واكابر وعادل ونفسيتو حلوة ؟



عضو او عضوة كنت ماتطيق بس بعدين تبينلك انو كتير حباب وعكس اللي كان ؟

عضو كنت مفكرو حباب ومنيح واكابر وطلع عكس المتوقع ؟



عضو تقاتلت معو ؟
عضوة تقاتلت معا ؟


عضو ماهضمتو ؟
عضوة ماهضمتا ؟




بتحب المحشي مخبوص ولا مفلفل؟
بتحب البيبسي ولا الكوكاكولا ؟
مين من الاعضاء جاي عبالك تشوفن ؟



بتحب البطاطا لحالا ولا مع كاتشب ؟
اكتر كلمة بتحب تسمعا ؟
بتحك كلام قليل ادب لما بتعصب ولا بضل ماسك حالك ؟





شو الشغلات اللي بتمبيز فيا الشب السوري عن الشب الخليجي ؟
والشب الحلبي عن عن باقي الشباب بسوريا؟ :larg:



تسلى بهدول شوي
حاجتك

ابو طوني سؤال تحشيشي
لو ما كنت حلبي شو رح تكون؟

بالعادة بحب اقعد على البلكون بلا ما اسمع شي .. بس هيك بصفن بالطرقات.


مرحبا أبو طوني :D

1- بما أنك تحب قعدة البلكونات اختر أكثر من مكان (لك حرية اختيار العدد ) في سوريا تحب

أن تكون بلكونتك مطلة عليه.

2- ما الذي يحدد الصفنة عندك ، البلكونة نفسها؟ أو الموقع الذي تطل عليه؟ أو

حالتك النفسية؟

تنويـــــه ..


هلأ بخصوص قائمة اسماء (تبعت السؤال عن رأيك بالاعضاء)
فانو شطبت ع القائمة القديمة كلا وعملت فيا تعديلات جديدة وجزرية
ولغينا الاعضاء اللي تركو الاخوية وبطلو يدخلو .. وحطينا الاعضاء اللي برزوا ع الساحة الاخوية بالفترة الاخير بدالن ..(هي حال الدني :cry:) وطلع عنا قائمة جديدة رح نزلا للشخص اللي رح يجي بعد غابي ..

وياريت اي حدا بدو ينزل هالسؤال بنسخ القائمة اللي علمتا هلأ من اليوم ورايح .. ويحطا
واي قائمة غير هي بتمنى من العضو اللي بالمقلايه مايرد عليها لتنزل اخر وحدة ..

بعد ماشفت كم الاسئلة اللي سئلوها الك الشباب ، جد اشفقت عليك لذلك مارح كتر ابدا

من وحي محادثة امس على تشات غروب الاخوية

ما حكم تبول النصراني في فم المسلم ؟

ممكن تنزل اجزاء من المحادثة هون ؟(اذا كان عندك الشجاعة )

ليش لسا في شات غروب الأخوية ؟؟

كابي خيي الأصلي .. شق المشط

الله يحمل معك

مين انا؟
بشو عم فكر هلئ؟
انا بطيئك ولا لأ؟
اليوم كنت بحمص وشفت صبية حلوي بالمطعم ماسكة بايدها الاولى فنجان نسكافي وبالتانيي سكارة..رقم موبايلها لو سمحت..
(هالاسئلي طرحتها فقط لايماني بانك نبي:lol:)

ابو طوني دخل اخوية عن عمر صغير نسبيا..ترى لو دخل هلئ شو كان تغيير برأيك؟

بدي منك مقارني سريعةو عميقة بين سعدو والله.

هل زرت حمص..من حيث الذكاء ومن حيث التحرر شو رأيك بالحماصني؟

كتير من زوار حلب بينصدموا بالوضع الطائفي؟ ليش حلب؟


هات رأيك بالعبارات التالية:

الصبر مفتاح الفرج.
امة عربية واحدة ذارت رسالة خالدة.
عدو عدوي عدوي.
طنش تعش تنتعش.
طز.

اهلين بدونكي شوت :o

عجبتني هاي:lol:..(دندوشي AKA دونكي شوت :p)



مين برأيك أحلى:larg:..
ماريا شربوفا :sosweet: أو آنا ايفانوفيتش :sosweet:
انجيلينا جولي :o أو كاثرين زيتا جونز :o
أسماء الأسد :gem: أو كارلا بروني :yahoo:
نانسي :sick: أو إليسا :sick:



تقلت عليك واخذني اذا بدّك ما في مشكلة :D

عم تحكي معي بمجال البديهيات :lol: ما بعتقد في انسان بالعالم رح يقبل هيك جريمة من هاد النوع
العملة هي ما بتفرق كتير عن محارق النازية لا بل هي جريمة عشوائية راح فيها كلشي عايش على سطح الأرض ، مع أنه المحارق النازية اللي كل العالم بتستنكرها وبتسب النازية عليها ( وانا طبعا واحد من هدول العالم ) كنت عملية تصيفة وموجهة لفئات معينة من الشاذين والسحرة والمشعوذين واليهود وشوية اقليات عرقية .
في بالانكارتا تسجيل صوتي لأمر اطلاق القنبلة وصورة حية ( مو رسم يعني ) لحال المنطقة بعد اطلاق القنبلة عليها بيومين تقريبا.. شي بسم البدن

اي بعرف بمجال البديهيات هالسؤال
بس اللي صار انو من فترة تعرفت على اشخاص و صار حديث عن هالموضوع بالذات و الجماعة كتير كانو مقتنعين ان لو ما تم ضرب المدينتين بالقنابل الذرية الحرب ماكانت رح تخلص و كان رح يموت اشخاص اكتر من اللي ماتو بسبب هالقنبلتين. فبشان هيك خطر ببالي هالسؤال.
رح دور عالتسجيل الصوتي والصورة.

مين بتحب اكتر ؟ (بتجاوب وبتختار واحد بس وممنوع عدم الاجابة )

حومص ولا حلب ؟
حلب :gem:

طرطوس ولا الادقية ؟
طروطوس --- طقس اللادقية دبق ورطوبة ما بحبه :cry:

الاتحاد ولا الكرامة؟
الاتحاد الحلبي :ss:

الرقة ولا دير الزور ؟
الرgة :o
اب جوزيف ولا اب وليم ؟
أبو الزوز :p
ابوك ولا امك ؟
ليش عبتسبني :jakoush:
بابا

بتحب الوحدة والهدوء ولا الضجة ؟
انا بحب الهدوء .. بس بالمحل اللي بكون فيه دائما بعمل ضجة :lol:

مين اذكى الحماصنة ولا الكراد ؟
ما عندي احصائيات بهلخصوص :p

مين عقلو حيط اكتر الكراد ولا الحلبية ؟
لا بهي الأكراد متصدرين القائمة :deal:


مين بتشجع من المنتخبات ؟ عدا سوريا (ازا كنت بتشجعا اصلا :p)
عالمية ؟
هولندا :gem:
عربية ؟
عر شو ؟ بتقدر تتهجالي هلكلمة لو سمحت :lol:

من الاندية ؟
الاجنبية ؟
مانشستر يونايتد
السورية ؟
الشبيبة = الجلاء :adal:

العربية ؟
عنجد ما عم اقدر اتهجاها :lol:




مين اكتر لاعب سوري بتحب ؟ (قدم وسلة)
اياد مندو
رامي مرجانة
اكتر ممثل سوري ؟
بسام كوسا :D

اكتر مغني سوري ؟
فرقة كلنا سوا كتير عم حبن هلفترة :larg:

اكت لاعب بتحبو بالاتحاد ؟
محمد أبو سعدى:gem:

اكتر لاعب بتحبو بالكرامة ؟
اياد مندو
اكتر لاعب بالجلاء
رامي مرجانة :yahoo:





وحدة في الاخوية انت معجب فيا من زمان وماعبتقد تقول ؟


لحالي رح اعتبر نيتك عاطلة وقصدك الناحية العاطفية
لهيك .. هئ مافي حدا

واحد بالاخوية معجب في من زمان ومستحي تقول (غيري طبعا ) ؟

اللي بيعجبوني ( ذكورا واناثا) واضح من خلال تعاملي معن اني بستظرف افكارن ومعجب فيها فمافي حدا بدي احكيله شي ما بيعرف .. اللي معجب بأفكارن بيعرفوا هلشي واللي دائما بتناقر معن كمان بيعرفوا هلشي :lol:




مين بتحب اكتر واحد من المشرفين والمشرفات او بتحسي اقرب للاعضاء ومتواضع وعاد وكلووووو؟
ليش عم حس انه السؤال مانه موجه الي :shock:
من المشرفين والمشرفات بحس انه ياسين عادل بكتير مواقف
سويت بايبي كمان بنت شغيلة وبتحاول تنشط قسمها بشكل دوري


عطيني اسم شب واسم بنت من المشرفين؟

ساندرا اسمها سعاد
وهاني داغر اسمه توفيق
وياسين اسمه خالد
يلعن ديبك على هلسؤال في كتير مشرفين حاطين اسمائن بشكل واضح :lol:


نفس السؤال بنطبق ع المنسقين عطيني اسم شب وصبية من المنسقين بتحسي انو ادمي واكابر وعادل ونفسيتو حلوة ؟
احمدوش ابو نقطتين المعروف باسم الـ .. بصير نستعمل كلمات +18 :lol:
هلزلمة بطاطا مو طبيعية ... صناعية :o
ومن النسوان :p في ساندرا ومورنينغ شغلن حول بالاقسام اللي فيها

وفي حال سألتني مني اسؤا منسق طبيعي رح قلك حضرتك :p
بس بيشفعلك انك زلمة سكسي :o

عضو او عضوة كنت ماتطيق بس بعدين تبينلك انو كتير حباب وعكس اللي كان ؟
انت :o

عضو كنت مفكرو حباب ومنيح واكابر وطلع عكس المتوقع ؟
يمكن مع الايام تكون انت :o

عضو تقاتلت معو ؟
عضوة تقاتلت معا ؟

كل تاريخي بالاخوية قتالات وشد شعر
بقدر استعين بقائمة الاعضاء اللي محطوطة فوق :lol:

عضو ماهضمتو ؟
عضوة ماهضمتا ؟
مافي براسي اسماء معينة
في بزمناته عضو بغروب الاخوية كان يكتب باسم فرفور :lol: تسالي هلزلمة .. بس محسب حاله مضهوم

بتحب المحشي مخبوص ولا مفلفل؟
بحب المحشي اللي بتعمله ماما .. بس ما بعرف ايا واحد منن :o
بتحب البيبسي ولا الكوكاكولا ؟
بيبسي
مين من الاعضاء جاي عبالك تشوفن ؟
واحد ممحوق على لعبة ورق :p
وجيمي ابو نقطتينن



بتحب البطاطا لحالا ولا مع كاتشب ؟
مع

اكتر كلمة بتحب تسمعا ؟
برافو :gem:

بتحك كلام قليل ادب لما بتعصب ولا بضل ماسك حالك ؟

:o:o:o:o:o:o:o:o
بحشك بكافة اللغات والاساليب والكلمات
بس اذا في بنات جنبي بنتبه على حالي شي ابقى فوق الزنار :lol:


شو الشغلات اللي بتمبيز فيا الشب السوري عن الشب الخليجي ؟
انه عقله مانه بين رجليه

والشب الحلبي عن عن باقي الشباب بسوريا؟ :larg:


فهمان بالفطرة :larg:

تسلى بهدول شوي
حاجتك

آخر ايامي تعا ودعني :larg:

ابو طوني سؤال تحشيشي
لو ما كنت حلبي شو رح تكون؟
من محافظة على الساحل مقضي حياتي كلها على البحر وبأكل السمك :lol:

مرحبا أبو طوني :D

1- بما أنك تحب قعدة البلكونات اختر أكثر من مكان (لك حرية اختيار العدد ) في سوريا تحب


أن تكون بلكونتك مطلة عليه.

في على الحدود السورية التركية بعد كسب بشوي ضيعة اسمها تشالما
بهي المنطقة اذا بتطلعي مع المغيب
باكوني قاعدة بين الغيم وعم تشوفي الشمس كيف عم تغرب داخل البحر وعم يطلع القمر من تاني طرف
هلحالة هي بتمنى اني عيشها أكتر وقت ممكن

المحل التاني هوي قهاوي قلعة حلب ، وقت بروح مع رفقاتي ببقى ساكت أغلبية الوقت
قاعد والقلعة قدامي بعظمتها وجماليتا كلها قدامي :cry:





2- ما الذي يحدد الصفنة عندك ، البلكونة نفسها؟ أو الموقع الذي تطل عليه؟ أو

حالتك النفسية؟
الحالة النفسية بالمرتبة الأولى

:D

بعد ماشفت كم الاسئلة اللي سئلوها الك الشباب ، جد اشفقت عليك لذلك مارح كتر ابدا

من وحي محادثة امس على تشات غروب الاخوية

ما حكم تبول النصراني في فم المسلم ؟

ممكن تنزل اجزاء من المحادثة هون ؟(اذا كان عندك الشجاعة )
الله أكبر :o
يا زلمة كلمتك هي بصير عليها حروب طاحنة وبروح فيها ضحايا بالمجمل :lol:
بالنسبة الي ما عندي المحادثة لأن المسنجر تبعي ما بيحفظ المحادثات بشكل تلقائي وما خطرلي احفظ هلمحادثة العظيمة اللي حضرتك مع ابو جوزيف قعدتوا تستلموا ربي فيها وما كان عندي شي رد فيه غير اني سبك وسبه :lol:

لو بتبعتلي المحادثة كرسالة على الخاص مستعد نزلها كاملة
ما عندي شي خاف منه :larg:

ليش لسا في شات غروب الأخوية ؟؟

كابي خيي الأصلي .. شق المشط

الله يحمل معك
هانت ابو فؤاد ما بقيلي شي :cry:

مين انا؟
بشو عم فكر هلئ؟
انا بطيئك ولا لأ؟
اليوم كنت بحمص وشفت صبية حلوي بالمطعم ماسكة بايدها الاولى فنجان نسكافي وبالتانيي سكارة..رقم موبايلها لو سمحت..
(هالاسئلي طرحتها فقط لايماني بانك نبي:lol:)

عم تخبرني :jakoush:بدي نزل لعنتي عليك اليوم
بس تبقى الليل كله عم يقرصك البق لا تستغرب ها عم قلك من هلق :p

ابو طوني دخل اخوية عن عمر صغير نسبيا..ترى لو دخل هلئ شو كان تغيير برأيك؟

ما صغير ولو .. كنت اكبر من عمرك هلق وقت دخلت علاخوية بشكل نظامي :lol:
بس بتخيل نفس الشي وعلى نفس الخط رح امشي لان العمر ما اثر كتير على هلقصة

بدي منك مقارني سريعةو عميقة بين سعدو والله.

واحد عم يتقاتلوا العالم مع بعض على انه انا فهمان عليه احسن المنك وانا الصح وانت والغلط والجنة الي وجهنم الك
والتاني تارك العالم لتفهم عليه على راحتها وبحسب فهمها :clap:

هل زرت حمص..من حيث الذكاء ومن حيث التحرر شو رأيك بالحماصني؟

اي زرت حمص اكتر من مرة وبكل مرة كنت ابقى فيها شي اسبوع زمان
من ناحية التحرر .. اي نقطة بسوريا اذا قارنتها مع حلب بشكل عام رح تظهر متحررة :lol:
انا نزلت بمنطقة معينة (بستان الديوان ولواحقها ) فحكمي رح يكون مقتصر على اهل المنطقة لا اكتر
الجماعة تركوا انطباع حلو عندي .. بس النقطة الوحيدة السلبية اللي شفتا بحمص انه الولاد بالشارع والاهالي مانن سائلين لهيك طبيعي كتير تشوف طالب اعدادي عم يدخن
عم قلك الشي اللي شفته ومو بالضرورة ابدا يكون انعكاس للشارع الحومصي :p

كتير من زوار حلب بينصدموا بالوضع الطائفي؟ ليش حلب؟

قصة حلب كتير طويلة ما بتتلخص بسطرين على الماشي :pos:

هات رأيك بالعبارات التالية:
الصبر مفتاح الفرج.
ما باخد انا بهلمقولة هي
الفرج ما رح يجي لعندك رح تقوم انت اتدور عليه


امة عربية واحدة ذارت رسالة خالدة.
سلسال من الحديد مربوط برجلنا كسوريين عم يجبرنا نتم واقفين بمحلنا


عدو عدوي عدوي.
مقولة سياسية صرفة = مقولة وسخة بكل معنى الكلمة

طنش تعش تنتعش.
احد المذاهب السعدوية اللي بحترم عقائد المنتمين الها :lol:
طز.
قلال العالم اللي بيقدروا يعملوا بهي المقولة ويمشوا فيها
بتعجبني فكرة اني آخد موقف خاص فيني وقول للي مانه عاجبه ومانه قادر على فهم الشي اللي عم اعمله .. طز

بمرة من المرات كنا انا ورفيق الي قاعدين
اكتشفنا انه كلمة طز هية اللي عملت تغيرات الخريطة البشرية وهية العامود الاساسي للفكر الثورجي

اهلين جيمي :D

عجبتني هاي:lol:..(دندوشي AKA دونكي شوت :p)



مين برأيك أحلى:larg:..



ماريا شربوفا :sosweet: أو آنا ايفانوفيتش :sosweet:
الله وصربيا .. وعيون صربيا .. :oops:
انجيلينا جولي :o أو كاثرين زيتا جونز :o
ما بطيقا لانجلينا شفافها بتذكرني بعيون الضفدع :oأسماء الأسد :gem: أو كارلا بروني :yahoo:
كيف ما جاوبت على هلسؤال ما رح اخلص :sick:
نانسي :sick: أو إليسا :sick:
نانسي :oops:


تقلت عليك واخذني اذا بدّك ما في مشكلة :D
لا تاكل هم .. منتواجه وقت بتصير بالمقلاية :p

اي بعرف بمجال البديهيات هالسؤال
بس اللي صار انو من فترة تعرفت على اشخاص و صار حديث عن هالموضوع بالذات و الجماعة كتير كانو مقتنعين ان لو ما تم ضرب المدينتين بالقنابل الذرية الحرب ماكانت رح تخلص و كان رح يموت اشخاص اكتر من اللي ماتو بسبب هالقنبلتين. فبشان هيك خطر ببالي هالسؤال.
رح دور عالتسجيل الصوتي والصورة.
انا منزل الانسيكلوبيديا عندي على الكومبيوتر وما عرفت كيف بقدر اسحبلك ملف الصوت منها
بس الصورة بتنسحب وهلق ببعتلك ياها :D

من داخل المقلاية اعلن انني انقليت قولا وفعلا وتم انسلاخ آخر وئية لحم من على عضمي داخل هاذه المgلاية

لزوليكا وبالسرعة العاجلة حضرتنا نهرب من هذا الموقع تاريكين حديدان بالميدان لحاله

حديدان هوي :

sun shine art

توصولنا بالمخلوقة :larg:

ونعم الاختيار والله

اي رح نبلش صوفي ..

بداية شو علاقتك مع الكاس:lol: ( هي اقتباس من عندك هع هع هع )

رايك بالدين ... مو كتقسيم بين الطوائف وانما الدين كجالة وجدانية .. بتلاقيها ضرورية ؟؟ اذا لا شو برايك ممكن يملي الفراغ الديني؟؟؟
نظرتك للمراة عنا بسوريية كيف؟؟ بتلاقيها فعلا انسان فعال بحياتها ولا بطبيعتها ميالة للاتكالية ؟
كونك مسافرة برا سورية .. كيف بتنظري لتجربة الغربة ؟
حسيت انو اتغيرت فيك اشيا اساسية بتخليك تاخدي قرار بعدم العودة تماما او بيخطر ببالك هالشي بس مو قريبا وانمت مثلا.. لنقول مثلا بعد عشر سنين ؟؟
شو تقييمك لمؤسسة الزواج؟ نوع من تقييد المراة عنا ولا نوع من اعطاء حرية اكبر لتصرف ؟؟
الك حماسة رائعة خلال النقاش بالمنتدى يا ترى بالواقع العملي صوفي بتعبر عن حالها بهالقوة ؟ شو العوائق في حال لا؟

اخيرا .......شو نمط الموسيقا يلي بتفضليه ؟

هيدا اول شي خطر ع بالي لما شفتك بالمقلاية .. بدي لسا شوف شو ممكن يطلع بمخي اسئلة بعدين:o

صوفي يا صوفي......:D

سؤال واحد لاشريك له......



ليش دايماً فايتة بالحيط.....؟

و روحي الله يشدّ معك.....:larg:

من داخل المقلاية اعلن انني انقليت قولا وفعلا وتم انسلاخ آخر وئية لحم من على عضمي داخل هاذه المgلاية

لزوليكا وبالسرعة العاجلة حضرتنا نهرب من هذا الموقع تاريكين حديدان بالميدان لحاله

حديدان هوي :

sun shine art

توصولنا بالمخلوقة :larg:

يعني اذا انسخلت ...بترميني انا يامعلم :p..سيدي الهريبه تلتين المراجل حلال عليك ويعطيك العافيه عن جد لعنو انفاسك ..:D...

هو صحي انا انصدمت :shock:...واتشبرقت ومدري شو صار لما سمعت انك حاطتيني بالمقلايه بس بيسعدني كتير انك كمان اخترتني ...هدا ابو طوني مو مين مكان ;)...وما توصي حريص يا معلم :pos:

يعني اذا انسخلت ...بترميني انا يامعلم :p..سيدي الهريبه تلتين المراجل حلال عليك ويعطيك العافيه عن جد لعنو انفاسك ..:D...

هو صحي انا انصدمت :shock:...واتشبرقت ومدري شو صار لما سمعت انك حاطتيني بالمقلايه بس بيسعدني كتير انك كمان اخترتني ...هدا ابو طوني مو مين مكان ;)...وما توصي حريص يا معلم :pos:
طيب بقدر اسألك سؤال أول

ليش بحبك مع انو ما بعرفك ؟ :p ع شو يعني ؟
تاني سؤال ؟ إذا طلبت منك تغيري توقيعك
أشو بتقولي ؟:ss:

ونعم الاختيار والله

مبسوطه ما :p

اي رح نبلش صوفي ..

ايه بلشي خيتو ..احلى بدايه من اغلى سونا :D

بداية شو علاقتك مع الكاس:lol: ( هي اقتباس من عندك هع هع هع )

اما شو بدايه الكاس هي غير شكل ...الصراحه هي تعبير مجازي مو اكتر ...بس ببحكيها لان بعرف انه اغلب شبابنا
كتير مرتبطين بعلاقه معينه مع الكاس ..ان كان هروب من شي معين ...او حبا بالكاس ...او نسيان .للكاس اله نكهه وقصه خاصه مع كل شخص ...مشان هيك معلق ع لساني ;)..اما انا علاقتي مع الكاس ..عادي كتير يعني ما بيعنلي كتير :p

رايك بالدين ... مو كتقسيم بين الطوائف وانما الدين كجالة وجدانية .. بتلاقيها ضرورية ؟؟ اذا لا شو برايك ممكن يملي الفراغ الديني؟؟؟

هون حطنا الجمال ...

الدين ...كلمه كبيره ومفعول كتير قوي ع مجتمعنا ....والمشكله انه نحنا منستخدم الدين بطريقه خاطئه وللتحكم بالبشر ...وفي فرق كتير بين العادات والتقاليد والدين بس للاسف صار ربط بينهما

اما الدين بالنسبه الي انا شخصيا ..انا ما بتقيد فيه ابدا ...لان بأمن بشغله وحده انه علاقتي مع الرب او الاله ...او القويه الالهيه الي بدك تسميها هي علاقه بيني وبينو ...وما بسمح لأ حد يجي يعطيني قواعد واسس مشان ابني عليها علاقتي فيه ....او يحكم علي من هل المنطلق

العلاقه بين الانسان والدين او الشي السماوي مع احترامي لكل الاديان خليني قول اكيد ضروريه ...ما تصدقي في بني ادم ما بأمن بس بطريق مختلفه واسماء مختلفه ..ضروريه لان الانسان بطبيعته متربط بشي معين مع القويه السمائيه ومستحيل يكون في فراغ ..بس كل واحد فينا بعبر بطريقه وبتعامل بطريقه مختلفه ...واختلاف الطريقه هو الشي الي بملي الفراغ الديني ....


نظرتك للمراة عنا بسوريية كيف؟؟ بتلاقيها فعلا انسان فعال بحياتها ولا بطبيعتها ميالة للاتكالية ؟

يا ستي المرأه السوريه بعبدها عباده انا ..يمكن بعد ما شفت كتير نساء ومع احترامي لكل نساء العالم

بس المرأه السوريه بعتبرها جباره بكل معنى الكلمه رغم حزني عليها بنفس الوقت لانها بتستحق الافضل والاحسن ....ومع احترامي للنصف الاخر بالمجتمع بس بعتبرها عم تعطي بالحياه 75 % ..يمكن طبيعتنا ومجتمعنا السوري مختلف بعده امور ..بس المرأه السوريه مختلفه كليا عن النساء بقوتها وحنانها وخوفها .وثقافتها وفنها وامومتها ...بكل شي ..واتكاليتها ...الي اجيت من الظروف والحياه الصعبه ...وع كلمتك مياله للاتكاليه لانها انحطتت بموقع لا يمكن الا ان تكون قويه واتكاليه ع نفسها والا ما كانت مميزه

وبحب قول شغلي اني كتير بفتخر بأنني أمراه سوريه وبكفيني انه عبر عن بلدي بهل الطريقه :D


كونك مسافرة برا سورية .. كيف بتنظري لتجربة الغربة ؟
حسيت انو اتغيرت فيك اشيا اساسية بتخليك تاخدي قرار بعدم العودة تماما او بيخطر ببالك هالشي بس مو قريبا وانمت مثلا.. لنقول مثلا بعد عشر سنين ؟؟

الغربه ...أخخخخخخ كبيره مع تنهيده كمان

الغربه مو بس انك تكوني بعيده عن الوطن احيانا الغربه بتكون جوا الوطن وهي اصعب

تجربتي مع الغربه مختلفه تمام عن الاخرين ...ويمكن كتير ناس تكون ضدي بهل الموضوع ..
تجربتي مع الغربه ..فتحتلي بواب كتير ..فرجتني عالم تاني ومختلف كليا عن المجتمع الي عايشتو ..صقلتني بطرق كتير مختلفه ...علمتني كيف واجه الحياه بكل قوه بس ما غيرت اساسيات الحياه الي اتربيت عليها ..

للاسف الغربه عطتني الي ما عطاني بلدي ..تطوير امكانياتي... عرفتني ع حالي اكتر ولوين ممكن وصل وهون انا عم احكي عن العمل ..فتحتلي مجال لللنجاح وللثقه بالنفس انه انا قادره اوصل اعلى مراتب وهيدا الشي ماعطاني بلدي ابدا ...عرفتني ع مختلف الجنسيات ..والاهم علمتني كيف حاول اتقبل اختلاف الاخر ....بس مو معناته ما بشتاق للبلد ..يمكن بشتاق للايام الماضيه مو اكتر ....

بالنسبه لقرار العوده ..مو موجود عندي بل الوقت الحالي وللاسباب كتير ..والصراحه انا ما بفكر ارجع لان كل سنه بنزل بقول انشاء الله الوضع احسن تحت بس انزل وضل فتره بلاقي ع اسوء ..بس ما بتعرفي شو بصير بالايام ..بالاخير لح نرجع بكفن او غيرو :p


شو تقييمك لمؤسسة الزواج؟ نوع من تقييد المراة عنا ولا نوع من اعطاء حرية اكبر لتصرف ؟؟

الزواج ..كنت نادي فيه بس بالحب والعشق ...بس هدا شي غلط هو مؤسسه مبينه ع اساسات وقواعد واهمها الثقه والاحترام والمشاركه المتبادل بين الطرفين قبل الحب وقبل اي شي ...

وللاسف بمجتمعنا هدا الشي مو موجد واذا موجود بسنبه قليله كتير وضيئله حتى ....لان نحن منضل شرقيين مهما صار ... انا مابعتبرو عم يعطي الحريه للمراه ..لان المرأه عم تجي تعيش ع قواعد واساسات عم يحطها الرجل ان كان بالتصرفات او امور الحياه ....بس منتأمل هل الشي يتغير ......

الك حماسة رائعة خلال النقاش بالمنتدى يا ترى بالواقع العملي صوفي بتعبر عن حالها بهالقوة ؟ شو العوائق في حال لا؟

يمكن انا هون حماستي قليله لان بكتير احيانا ما بحب انبحت :p مو مشان شي مشان ما تصير مظاهرات يعني :p..بس الصراحه الي بيعرفني ع الطبيعه بشوف هل الحماس وهل القوه وبشوف الرفض للعادات والتقيد بامور كتيره ..وهدا الشي الي كتير بخلني انصدم بامور بالحياه ...وبخلني واجه كتير مصاعب ..عمليا واجتماعيا ...بس ما باثر فيني وبضل مثابره لضل هيك ....

اخيرا .......شو نمط الموسيقا يلي بتفضليه ؟

بعتبرها غذاء الروح الي انا ما عم لاقي وقت الو
الموسيقا بتعنلي كتير ...الوحيده الي بتعيشني بحاله الفرح وعالم تاني ..مع الاسف ماعم اسمع كتير بس بضل حن الها ...اما النوع فا حسب المزاج .والوضع يعني :p...اذا حفله اكيد ع الدبكه ...:lol: مزح ....

بحب الموسيقا الهاديه والرومانسيه ..ان كان عربي او انكليزي ...وبحب نمط الموسيقا الي بتحكي شي معين

بس الاصل ..مرسيل ..فيروز ..جوليا ...وديع الصافي ..زياد ..هدول بيدبحوني دبح ...

وبكره رب الطقاطيق الجديده :frown:

هيدا اول شي خطر ع بالي لما شفتك بالمقلاية .. بدي لسا شوف شو ممكن يطلع بمخي اسئلة بعدين:o
كل هدا لما شفتني بالمقلايه كيف ما ضل يومين :p..بس انت الك وضع خاص فا سألي كل شي بمخك ....عاطيتك الضو الاخضر :D

صوفي ... يا لطيف شو رح نروء :larg:

صوفي يا صوفي......:D

اهلاااااااااااااااااااااا ااان احلى ابو نجبو والله :D

سؤال واحد لاشريك له......

من هدا :shock: :p



ليش دايماً فايتة بالحيط.....؟

والله ياعمي انا الحيطان هي بتجي لعندي مو انا الي بروح لعندها شو بعمول ;)

و روحي الله يشدّ معك.....:larg:

شو بدك بالحكي شكلي بدي هي الدعوه :D





طيب بقدر اسألك سؤال أول

اكيد بتقدري تسالي الي بدك يا ....

ليش بحبك مع انو ما بعرفك ؟ :p ع شو يعني ؟

هلىء ليش بتحبني ...مابعرف بس يمكن الي اسبابي خلي العالم تحبني او الك اسبابك انت الي تحبني .....اما ع شو يعني ولا شي بس لاني صوفي ....


تاني سؤال ؟ إذا طلبت منك تغيري توقيعك
أشو بتقولي ؟

اذا عم تحكي من منطلق مشرفه فا لازم تعطيني الاسباب ....واذا اقتنعت بغيرو ما في مشكله

اما اذا عم تحكي من منطلق تاني ...لا ما بغيرو :p لان معبر عن الحاله حاليا ....بس تغير الحاله ممكن يصير اسوء ها :lol:

واهلين فيكي :D

:ss:

لك علي ما علي......أحلى أبو طوني بل المجرة:D
أنو صوفي ما غيرها بل المئلاية:o.........وئعت عا خناء رئبتك:jakoush:
تكلنا عا بو غيمة
شو رائيك بل شب الشرقي.........أدي ئدر يطلع من تقليد وعادات الاجتماعية الي نزرعت من ميات السنين؟؟؟؟
أدي إدعائو أنو تحرر صحي.......برائيك؟؟؟؟؟!!!!!!!!!!
سوريا شو بتعنيلك؟؟؟
البحرين شو بنسبة الك؟؟؟؟؟؟؟
أيمتى ناوية ترجعي من الغربة؟؟
عمل المرأة......أدي بيأثر بي حياتها سلب وأيجاب؟؟؟؟؟؟
الحب شو مكانو بي حياتك؟؟؟؟؟؟
الله شلونك انت ويا؟؟؟؟؟؟:?
شو موقع الصداقة بي حياتك؟؟؟؟؟؟؟؟
حالين هاد الي طلع براسي........بظن الي طلة تانية
الله يحمل معك يا صوفي:p
تئطع ئلبي عليكي من هلئ:cry:

صوفي ... يا لطيف شو رح نروء :larg:

ايه ايه صوفي ...هو اهم شي تروق وتورجينا حالك دايما :p...



الله يستر ;)

لك لأ شو من منطلق إشرافي لا خيتو لأ

من منطلق انو اسمك كتير مشرق وتوقيعك اكتئاب نظامي :p