هل الشخص الأخلاقي هو الشخص المتدين حكماً [الأرشيـــــف] - صفحة 2

suryoyo

15/05/2009, 11:34

وعلى سيرة الظلم مو ظلم إنه الواحد بالمسيحية ليصير كاهن لازم ما يتزوج؟؟
ومو ظلم إنه الواحد بيشتري المغفرة من ربه بالمصاري؟؟(يعني إذا الواحد ما معه مصاري رح يروح على جهنم!!!!)(هي عدا عن أنه حتى الجنة والنار بتنشرى وبتناع!!!!)
ومو ظلم إنه الواحد ما بصي يتعلم أصل المسيحية إلا إذا كان قس كبير؟؟(وباقي الشعب وراهن على العمياني)!
ومو ظلم إنه تقول المسيح بدمه طهر بني آدم؟؟(لأنه-على حد قولكن - البشر مدنسين بسبب ذنب آدم)!
ومو ظلم إنه مسيحيين العالم واقفين مع إسرائيل ضدنا ؟؟
ومو .. ومو ...إلخ
يعني شوفو وين الغلط عندنا ولاعندكن بعدين تعو حكو (بالإسلام المشكلة ببعض الناس أما بالمسيحية المشكلة بأصل الدين).

مو حرام نشوف ناس بالقرن الواحد و عشرين عايشين بعصور قديمة !

ومو ظلم إنه الواحد ما بصي يتعلم أصل المسيحية إلا إذا كان قس كبير؟؟(وباقي الشعب وراهن على العمياني)!بس لو اعرف حضرة جنابك شلون توصلت الى هذا الاكتشاف ... ارتاح !

ومو ظلم إنه مسيحيين العالم واقفين مع إسرائيل ضدنا ؟؟مين مسيحيين العالم ... و مين انتو ؟؟ :?

يعني اذا قصدك انو المسيحيين مع اليهود ضد المسلمين .... معناها انت اللي راكض على العمياني و ما فاهم الاسلام حتى وصلت الى هذا الاستنتاج

اخي نصيحة لوجه الله ... اقعد مع نفسك و شوف انت وين و العالم وين

الله يخليك يا مارادونا ... انت الوحيد اللي وحدت العالم :larg:

يعني شوفو وين الغلط عندنا ولاعندكن بعدين تعو حكو (بالإسلام المشكلة ببعض الناس أما بالمسيحية المشكلة بأصل الدين

انا عرفت وين المشكلة ...

المشكلة باليمين المتطرف .... اللي دمر العالم .... اللي حرق كتب ابن رشد و راد يحرقه و ما قدر .. اللي عدم غاليلو ... اللي قتل المفكرين ...

يا صديقي ... كل شي اعمل و لا تمشي بهذا الدرب !

عياش

15/05/2009, 12:12

مو حرام نشوف ناس بالقرن الواحد و عشرين عايشين بعصور قديمة !
كيف لو نزلنا على الشارع واكتشفنا حالنا أقلية مفكرة قدام أغلبية فلاترون ببعدين تهضم كل ما تسمع.

بس لو اعرف حضرة جنابك شلون توصلت الى هذا الاكتشاف ... ارتاح !
المشايخ المتلفزين على فضائياتنا مشاعل النور والايمان.

مين مسيحيين العالم ... و مين انتو ؟؟
صراع موجود في عقول الكثيريين من يبحثون عن مؤامرة يعلقون عليها تخلفهم

شبيبة عم نحكي على فكرة الدين ودوره بتهذيب أخلاق الانسان ورفع مستواه الفكري
وهل فعلا في ارتقاء خلقي وفكري وانساني عند التعمق بالدين ولا مافي ايا رابط
وان كان الدين يرقّي الانسان ، يا ترى بيقدر الانسان يترقى بعيدا عن مظلة الدين ؟

خلونا بفكرة الموضوع ومحورها ، وهدّو اللعب احسن ويتسكر الموضوع متل ما بصير بالعادة ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

أتمنى أن نبقى بفكرة الموضوع وأتمنى من الادارة اغلاقه إذا استمرت الحوارات الجانبية بالاتجاه إلى مقارنة عقيمة بين الأديان ما كان هدفهي من الموضوع أبدا أوصل لأي مقارنات.
:D أبو طوني مشكور على محاولتك وكنت أتمنى نتابع مناقشتنا للموضوع متل ما ابديناها بس للأسف.

suryoyo

15/05/2009, 12:41

عادة ما يولف سائقي باصات النقل الداخلي في الفترة الصباحية خصوصا الراديو على إذاعة القدس ومن فترة استمعت مكرهاً لخطبة لأحد الشيوخ تتكلم عن الأخلاق والتدين وأن الإنسان الصادق هو الإنسان المؤمن الصادق وليس المارق لأن هنالك رادعا دينيا قويا يعزز صدقه ويلزمه به (نار جهنم بالمختصر).

دئما تصير معي ... و اهم شي مكرها ... تقبل ما تقبل ... لازم تتحمل التقدم الفكري !

فهل الأخلاق هي التي تنبع من الدين أم أن الدين هو من ينبع من الأخلاق كونه ربط تنفيذها بالثواب وعصيانها بالعقاب بينما الأخلاق بحد ذاتها التزام طوعي إنساني ومشتركة بين أديان عديدة سابقة (مع الأخذ بعين الاعتبار التغيرات الاجتماعية والبيئية والزمنية).

الاخلاق و القيم هي اساسا الامور المفضلة في المجتمع ...

يعني كثير شغلات موروثة في مجتمعنا من الاف السنين ... لانها مكتسبة جيل بعد جيل

و التراث الديني ... مبني على المجتمع الذي ينشأ فيه .. و لذلك عبر البلدان تختلف بعض الامور الدينية و القصص عند اتباع نفس الدين!

لان التراث الديني التقليدي (غير الكتب الدينية الرسمية) متأثر بفكر اشخاص معينين.... و كان هؤلاء الافراد جزء من عائلة و جزء من المجتمع ...

هل الشخص الأخلاقي هو الشخص المتدين حكماً والأخلاق الحميدة هي المذكورة حصرا في الإطار التشريعي للدين أم أن من حق الإنسان الملحد مثلا أو غير المتدين أن يكون أخلاقياً بشكل يفوق المتدين حتى، خصوصاً أن دافعه للتخلق(التمسك بالأخلاق) دافع إنساني أولاً وأخيرا لن ينبه منه لا ثواب ولا عقاب.

الشخص المتدين ... يحاول الالتزام بتعاليم الدين الذي ينتمي اليه ... و الدين يحث على الاخلاق ...

الشخص المتدين .. يحاول يقدم صورة جيدة و يتعامل مع الناس بشكل جيد

في حين الشخص المتطرف يحقد على الاخرين ... و يحاول اظهار فوقية على الاخرين مع كراهية

احب اوضح نقطة مهمة ..
و لكن الاخلاق ما تجي مع الدين فقط ..... الاخلاق تجي من التربية و العائلة ... و من المجتمع

يعني تخيل شخص تعرض لمضايقة بالشارع ...
رح يحاول السيطرة على سلوكه اثناء الغضب .. ممكن بتذكر كلام ابوه اللي رباه .. بممكن تذكر تعاليم قد سمعها .. و ممكن بالتفكير النتائج السلبية للشجار .... الخ

فالاخلاق هي سلوك مفضل بالمجتمع ...

و لذلك نجد فرق كبير بين تفكير المسلم الاوربي الجنس و المسلم العربي تجاه كثير قضايا مثل ترك الدين
مع انه الاثنين قد يتعاملون مع نفس النصوص ... و لكن الاستجابة مختلفة

و نفس الشي بالمسيحي الشرقي المتدين و المسيحي الغربي المتدين ... لان كل واحد يتعامل مع موروث فكري قابل للتغير .... و لكن تحت مثير مؤثرات قد يكون احدها ديني

بالنتيجة.. برايي .. الشخص المتدين قد يكون اخلاقي و الشخص غير المتدين قد يكون غير اخلاقي....

i m sam

15/05/2009, 12:43

شو مشان الاخلاق وين صرنا فيها؟؟؟؟؟؟؟؟؟؟؟؟؟

عياش

15/05/2009, 15:31

الاخلاق و القيم هي اساسا الامور المفضلة في المجتمع ...

و التراث الديني ... مبني على المجتمع الذي ينشأ فيه .. و لذلك عبر البلدان تختلف بعض الامور الدينية و القصص عند اتباع نفس الدين!

الشخص المتدين ... يحاول الالتزام بتعاليم الدين الذي ينتمي اليه ... و الدين يحث على الاخلاق ...

و لكن الاخلاق ما تجي مع الدين فقط ..... الاخلاق تجي من التربية و العائلة ... و من المجتمع

فالاخلاق هي سلوك مفضل بالمجتمع ...

بالنتيجة.. برايي .. الشخص المتدين قد يكون اخلاقي و الشخص غير المتدين قد يكون غير اخلاقي....

طيب معناها بإمكاني استنتج من مشاركتك إنك ما بتعتبر الدين سقف الأخلاق وإنما هنالك أخلاق انسانية بيجوز اغفلها الدين أو الموروث الديني وبالتالي الانسان الأخلاقي مطالب بالتحلي فيها وبيتساوى فيها مع الملحد كون الدافع إلها أخلاقي مو ديني.

وإذا اعتبرنا الدين نبع من الاخلاق بيصير فضيلة إنو الإنسان يبحث عن الأخلاق أينما وجدت وما يقتصر على الأخلاقيات الدينية كونه يبحث عن الأصل وليس الفرع.

بصراحة أنا أشعر أن مجتمعنا السوري ينظر للمتدين كشخص أخلاقي وللملحد كمنحل أخلاقيا وبيعتبر إنو الأخلاق هية ما ذكرت في الدين.

أم الجود

15/05/2009, 16:03

بصراحة أنا أشعر أن مجتمعنا السوري ينظر للمتدين كشخص أخلاقي وللملحد كمنحل أخلاقيا وبيعتبر إنو الأخلاق هية ما ذكرت في الدين.

أخي عيّاش
هي النظرة سببها فكرة الثواب و العقاب المتبناة في الأديان .. يعني مثلاً لما الأهل بيعلموا ولادن ما يسرقوا بيقولولن : السرقة حرام و إذا سرقت الله بدو يحطك بالنار .. ما بيشرحولن انو السرقة فعل سيء لأنو فيها اعتداء على حقوق الغير و جهدن و تعبن .. و قيس على هالمثال شغلات كتيرة .. و مع الوقت بيصير الرادع عن ارتكاب الشر هو الخوف من الله .. مو الاقتناع بالخير كقيمة إنسانية ضرورية لمجتمع سليم ... لهيك اتكرست عند الناس فكرة انو اللي مو متديّن و اللي ما عندو الله ما في شي بيردعو عن فعل الشر ..

Abu ToNi

15/05/2009, 16:18

بصراحة أنا أشعر أن مجتمعنا السوري ينظر للمتدين كشخص أخلاقي وللملحد كمنحل أخلاقيا وبيعتبر إنو الأخلاق هية ما ذكرت في الدين.
مزبوط هلكلام
وهاد أهم اسباب عدم تصريح الملحد بإلحاده ضمن مجتمعه وبين أهله خوفا من المضايقات الكبيرة الممكن يتعرضلها وتشويه السمعة الممكن يلحق فيه ( طبعا اذا استثنينا دائرة الخطر من القتل في حال وجود متشدد وحب يجاهد في سبيل الله )

باشق مجروح

15/05/2009, 16:20

wile

15/05/2009, 16:25

أخي عيّاش
هي النظرة سببها فكرة الثواب و العقاب المتبناة في الأديان .. يعني مثلاً لما الأهل بيعلموا ولادن ما يسرقوا بيقولولن : السرقة حرام و إذا سرقت الله بدو يحطك بالنار .. ما بيشرحولن انو السرقة فعل سيء لأنو فيها اعتداء على حقوق الغير و جهدن و تعبن .. و قيس على هالمثال شغلات كتيرة .. و مع الوقت بيصير الرادع عن ارتكاب الشر هو الخوف من الله .. مو الاقتناع بالخير كقيمة إنسانية ضرورية لمجتمع سليم ... لهيك اتكرست عند الناس فكرة انو اللي مو متديّن و اللي ما عندو الله ما في شي بيردعو عن فعل الشر ..

والله يا ستي العالم بلا دين بصير خرابة

يعني شلون كان االعرب والمسلمين قبل الإسلام؟؟؟
وشلون كان اليهود قبل المسيحية؟؟؟
وشلون كان الوثنيين قبل اليهودية؟؟؟

يعني شغلة الأخلاق بلا دين صعبة الوجود ولكنها حتى لو وجدت لن تستمر

وحابب قلك إنه طاعة الله في الإسلام هي لشكر الله على نعمه في المرتبة الأولى ثم لدخول الجنة في المرتبة الثانية ثم للهروب من النارفي المرتبة الثالثة بس العالم بعلمو أولادهم الخوف من النار متناسين المرتبتين السابقتين

عياش

15/05/2009, 16:26

أخي عيّاش
هي النظرة سببها فكرة الثواب و العقاب المتبناة في الأديان .. يعني مثلاً لما الأهل بيعلموا ولادن ما يسرقوا بيقولولن : السرقة حرام و إذا سرقت الله بدو يحطك بالنار .. ما بيشرحولن انو السرقة فعل سيء لأنو فيها اعتداء على حقوق الغير و جهدن و تعبن .. و قيس على هالمثال شغلات كتيرة .. و مع الوقت بيصير الرادع عن ارتكاب الشر هو الخوف من الله .. مو الاقتناع بالخير كقيمة إنسانية ضرورية لمجتمع سليم ... لهيك اتكرست عند الناس فكرة انو اللي مو متديّن و اللي ما عندو الله ما في شي بيردعو عن فعل الشر ..

معك 100% وهذا الأمر ثبّت قاعدة أن الدين هو سقف الأخلاق وأن كل القواعد التي لم يأتي على ذكرها الدين ساقطة اجتماعياً ولا تدخل بتقييم الإنسان الأخلاقي ولا الاجتماعي.

وبرأي مرد هذا الأمر (التربية الأخلاقية على أساس الرادع الديني) يعود لتخلف المجتمع وحاجته لايجاد رادع قوي للمخالفات الاجتماعية يتمثل بنار جهنم يعني مازلنا بالمرحلة يلي نحنا فيها بحاجة للدين لينظم حياتنا متل قبل 6000سنة لما شرع الله لموسى الوصايا وبالتالي مجتمعاتنا أخلاقيا إذا ضلت مرتكزة على الدين فقط ما رح تلاقي الحاجة لتشريع حقوق الإنسان مثلا لأنها أكبر من القاعدة الأخلاقية الدينية ورح تضل على شاكلة المجتمعات الدينية السابقة وكل أملها العودة للسلف الصالح واسقاط كل ما عدى ذلك من تطور أخلاقي.

عدم تصريح الملحد بإلحاده
يا ريت وقفت هون بس، لكن على الملحد في بعض الأوساط وخصوصا التجارية إنو يظهر التقى والتدين لحماية الإرث العائلي والمصالح التجارية.

أم الجود

15/05/2009, 16:47

والله يا ستي العالم بلا دين بصير خرابة

يعني شلون كان االعرب والمسلمين قبل الإسلام؟؟؟
وشلون كان اليهود قبل المسيحية؟؟؟
وشلون كان الوثنيين قبل اليهودية؟؟؟

يعني شغلة الأخلاق بلا دين صعبة الوجود ولكنها حتى لو وجدت لن تستمر

وحابب قلك إنه طاعة الله في الإسلام هي لشكر الله على نعمه في المرتبة الأولى ثم لدخول الجنة في المرتبة الثانية ثم للهروب من النارفي المرتبة الثالثة بس العالم بعلمو أولادهم الخوف من النار متناسين المرتبتين السابقتين

رغم اني من أول الموضوع مو موافقتك على أفكار كتيرة حكيتا بس ما بدي أدخل معك بنقاش فقهي و ديني لأنو
أول شي - مو هاد الهدف من الموضوع
و تاني شي - معلوماتك بالأديان التانية إما مغلوطة و إما ناقصة
و تالت شي - عم تهاجم بطريقة تكفيرية كل مين بيخالفك بالفكر أو بالدين و بعد 5 صفحات من النقاش بهي الطريقة بيصير الموضوع متعب شوي .. ما ؟

بس تعقيبي الأخير على الأسئلة اللي بالأحمر .. انو برأيك هدول الناس اللي عاشوا قبل ما تنزل الأديان كانوا دايرين على حل شعرن مثلاً و راحوا كلن عالنار ؟؟ المصريين القدماء و الفراعنة اللي بنوا حضارة من أعظم حضارات التاريخ و العالم .. ذكرني شو كان دينن ؟؟؟...

wile

15/05/2009, 17:03

[بس تعقيبي الأخير على الأسئلة اللي بالأحمر .. انو برأيك هدول الناس اللي عاشوا قبل ما تنزل الأديان كانوا دايرين على حل شعرن مثلاً و راحوا كلن عالنار ؟؟ المصريين القدماء و الفراعنة اللي بنوا حضارة من أعظم حضارات التاريخ و العالم .. ذكرني شو كان دينن ؟؟؟...

أنامعك أنهن بنو حضارة كبيرة جدا ولكن أخلاقهم كانت سيئة
وبعدين الفراعنة كان بيتزوجو إخواتهم وكانو ظلام وطغاة يعني مثل ما قلت شغلة وجود الأخلاق بلا دين صعبة الوجود وإن وجدت لن تدوم

أم الجود

15/05/2009, 17:26

ذكرتني بمتل شعبي بيقول : توب العيرة ما بيدفّي و إن دفّا ما بيدوم ... :lol:
شكراً خيي عياش عالموضوع .. و سامحونا
:D

i m sam

15/05/2009, 17:28

صديقي عياش
أمر ارتباط الدين بالأخلاق هو امر تخلص منه المجتمع لدرجة ما, بحيث ماعاد ارتبط هذا بهذا.
وأنت ستلاحظه بسؤال أي شخص من العامة او الخاصة , وذلك أن مثل هذا الفصل " بين الأخلاق والدين" أتى بعد تجارب الناس مع المتقنعين بالدين لتبرير نقصهم وانحطاطهم.
وبالنسبة لكلام الصديق أبو طوني:
أن تكون ملحدا فيعني أنك منحل أخلاقيا فهذا امر خاطئ ونظرة الناس للملحد ليست نظرة منحل اخلاقي انما هي نظرة استهجان لمن تربى دينيا ثم انقلب على ما تربى عليه ... وتكون هذه النظرة ممزوجة غالبا بخوف وحسد, ذلك انك استطعت تحرير عقلك واختيار الوجهة التي املاها عليك وليس الوجهة التي وجدت عليها الناس,
من ناحية أخرى تختلف معايير الاخلاق من شخص لآخر ومن ثقافة لأخرى وهذا أمر يجب أخذه بالحسبان .
الفرق الوحيد أن الدين حدد بعض الأخلاقيات التي قد يرفضها شخص غير متدين " على سبيل المثال مجامعة الحبيب يلي المتدين بسميها زنى والملحد بيسميها تتويج لحب طاهر" . لذلك بيصير سقف الأخلاق او تحديد الأخلاق الصحية من السيئة أمر شديد الصعوبة وفضفاض الى حدٍ ما.
بالنسبة الي أنا أجمل تعريف للأخلاق لقيتو التالي" الاخلاق تقسم لكلمتين أخ- لاق أي هي تعاملك وتصرفك عند لقاء أخيك -أخيك الانسان- فاذا هي طريقة تعاملنا مع الناس جيران او تجار او اصدقاء فكل ما يزيد من الود وقوة العلاقة بين اثنين هو اخلاق طيبة والعكس بالعكس" .
بالنسبة لمقولة الشيخ في الراديو أن المؤمن يمثل قمة الاخلاق فاسمحوا تفسيرها على الشكل التالي :
اذا أردت أن تكون مؤمنا حقا فعليك أن تكون خلوقا وقمة في الأخلاق مع الناس.
اعذروني للاطالة:D

inodessa

15/05/2009, 17:45

الاخلاقي ممكن يكون بلا دين... بس هل عقلاتو بكفو ليعرف يقيم أخلاقو؟ هلق انا بعرف الانسان غير كامل.. بركي في شي حدا بيعرف حالو كامل.. خليه يشرع أخلاق وقيم لهالناس بدال الله...

المتدين حتما أخلاقي.. إلا اذا كان منافق... لأن الاخلاق محتواة بالدين.
بس كل دين بيدعي لاخلاق شكل.. والدين الصحيح يحمل الأخلاق السامية.

باشق مجروح

15/05/2009, 17:50

يعني شلون كان االعرب والمسلمين قبل الإسلام؟؟؟

وشلون وضع العرب والمسلمين بعد الاسلام :lol: .
انا بشوف ( ومو مناقشة لحضرتك . لأنو استفذنا فرص النقاش معك ) انو الكلام الي حكتو ام الجود فوق بيلخص سبب ارتباط الدين بالاخلاق بالفكر الشعبي :

مع الوقت بيصير الرادع عن ارتكاب الشر هو الخوف من الله .. مو الاقتناع بالخير كقيمة إنسانية ضرورية لمجتمع سليم ... لهيك اتكرست عند الناس فكرة انو اللي مو متديّن و اللي ما عندو الله ما في شي بيردعو عن فعل الشر ..

تماماً . الانسان بتحدد قيمتو الانسانية بقدر سلوكه في المجتمع بقدر التزامو بالاعراف الانسانية الي بتحفظ استقرار المجتمع وهالشي ما بيحددو علاقته الروحانية وارتباطه الروحاني بمنهج ايماني / ديني . بل بيحددها انتمائو للمجتمع البشري و احترامو للقوانين وحبو لهالناس .
عـ فكرة جيفارا ما كان رجل متدين على الاطلاق ورغم هالشي مات ليحارب عن قيم اخلاقية عليا بوجه الظلم .
بالمقابل بن لادن رجل متدين و عم بنشر ثقافة القتل و التخريب و الدمار .
لنقدر نستوعب شي واحد . الدين ممكن يمنحك راحة نفسية بالشعور بالانتماء او لكبح جماح بعض الاسئلة التي يطرحها العقل و هذا لا يعني بأي حال من الاحوال صلاح الفرد اجتماعياً او فسادو .
الاخلاق شي تاني تماماً ممكن يدعمها الدين وممكن لأ . وممكن تدعمها الافكار البشرية وممكن لأ .
والانسان الخلوق ممكن ينشأ بأي مجتمع وتحت اي فكر .
شكراً مرة تانية لكل من ساهم باغناء النقاش ولكل من ساهم بتعطيل النقاش :pos: بالخط الكبير و الاتهامات الي بتعكس عدم القدرة على المحاججة . و اخراج الموضوع عن مسارو . دعوة لقراءة موضوعية لكل شي انكتب هون بهدوء .

:D

i m sam

15/05/2009, 17:50

والله يا ستي العالم بلا دين بصير خرابة

يعني شلون كان االعرب والمسلمين قبل الإسلام؟؟؟
وشلون كان اليهود قبل المسيحية؟؟؟
وشلون كان الوثنيين قبل اليهودية؟؟؟

بالنسبة للعرب قبل الاسلام فالرسول قال" انما جئت لأتمم مكارم الاخلاق" معناها كان في اخلاق ما كانت الشغلة سايبة لهدرجة هي.
بالنسبة للوثنيين قبل اليهودية فارجع واقرأ قوانين حمورابي وقوانين زنا المتزوجين في مصر وسوريا لتعرف الاخلاق كيف كانت.
على الهامش: صديقي بدك تروق وتناقش بهدوء مدري ليه حاسك لما بتكتب الرد الا شوي رح تدخل لقلب الشاشة وتطلع بوجهي , بجد بحسك عصبي , رأيك الكل بيحترموا لكن هدئ اعصابك وفكر بجوابك شوي بتلاقي انو النقاش صار هادئ اكتر ومقبول أكتر وهي وردة لعيونك مشان تروق :D

wile

15/05/2009, 20:50

wile

15/05/2009, 20:52

شكراً مرة تانية لكل من ساهم باغناء النقاش ولكل من ساهم بتعطيل النقاش :pos: بالخط الكبير و الاتهامات الي بتعكس عدم القدرة على المحاججة . و اخراج الموضوع عن مسارو . دعوة لقراءة موضوعية لكل شي انكتب هون بهدوء .

:D

شكرا على التلميح:p

Abu ToNi

15/05/2009, 20:59

والله يا ستي العالم بلا دين بصير خرابة

يعني شلون كان االعرب والمسلمين قبل الإسلام؟؟؟
وشلون كان اليهود قبل المسيحية؟؟؟
وشلون كان الوثنيين قبل اليهودية؟؟؟

يعني شغلة الأخلاق بلا دين صعبة الوجود ولكنها حتى لو وجدت لن تستمر

وحابب قلك إنه طاعة الله في الإسلام هي لشكر الله على نعمه في المرتبة الأولى ثم لدخول الجنة في المرتبة الثانية ثم للهروب من النارفي المرتبة الثالثة بس العالم بعلمو أولادهم الخوف من النار متناسين المرتبتين السابقتين
بما أن العالم بلا دين يعتبر خرابة
وبما انك بتعتبر ان لا يمكن يكون في اكتر من دين صح .. في دين وحيد صح وبقتبس رد الك :
يا حبيب بتزبط شي إنه شي دين يقول عن دين آخر إنه غلط بس مع ذلك هو مساوي لنا أو أحسن مننا

يعني إذا واحد عم يقول -مثلا- (إنه الكسران مو منيح بس الي ما بيسكر منيح ولكن السكران أحسن من الي ما بيسكر )ما بتقول عليه مجنون؟؟؟
والأديان نفس الشي مو ممكن يجي شي دين يساوي نفسه بدين آخر
وبالتالي انت مو بس عم تأسقط امكانية وجود اخلاق عند اللادينيين ( مع العلم بأنك اهانتني بشكل مباشر ) انما عم تاسقط امكانية تمتع باقي البشرية بالأخلاق لمجرد انن ما بيشتركوا معك بنفس الدين وبنفس المعتقد !!

سمعان بالفكر الشمولي والفكر الاقصائي وعدم احترام الآخر وقيمة التنوع الفكري ؟!

wile

15/05/2009, 21:00

بالنسبة للعرب قبل الاسلام فالرسول قال" انما جئت لأتمم مكارم الاخلاق" معناها كان في اخلاق ما كانت الشغلة سايبة لهدرجة هي.
بالنسبة للوثنيين قبل اليهودية فارجع واقرأ قوانين حمورابي وقوانين زنا المتزوجين في مصر وسوريا لتعرف الاخلاق كيف كانت.
على الهامش: صديقي بدك تروق وتناقش بهدوء مدري ليه حاسك لما بتكتب الرد الا شوي رح تدخل لقلب الشاشة وتطلع بوجهي , بجد بحسك عصبي , رأيك الكل بيحترموا لكن هدئ اعصابك وفكر بجوابك شوي بتلاقي انو النقاش صار هادئ اكتر ومقبول أكتر وهي وردة لعيونك مشان تروق :D

معلم لما كانت المرأة تطوف حول الكعبة بالجاهلية عارية ماكان هادا سوء أخلاق؟؟
ولما كانو يرثون زوجات آباءهم ما كان هادا سوء أخلاق؟؟؟
ولما إنتشر شغلة السبي بين أولاد العم ما كان هادا سوء أخلاق؟؟؟
على الهامش: ولا يهمك حبيب رح نهدي بس المشكلة إنه البعض عم يحاول يلمح إنه الإسلام دين ناقص أو يضع معايير خلقية منخفضة أو .. أو .... إلخ مشان هيك أنا أتضايق لأنه في إهانة
لك ويسلمو إيديك على الإهتمام وهي باقة ورد :D:D:D:D:D:D:D:D:D:D:D

suryoyo

15/05/2009, 21:04

طيب معناها بإمكاني استنتج من مشاركتك إنك ما بتعتبر الدين سقف الأخلاق وإنما هنالك أخلاق انسانية بيجوز اغفلها الدين أو الموروث الديني وبالتالي الانسان الأخلاقي مطالب بالتحلي فيها وبيتساوى فيها مع الملحد كون الدافع إلها أخلاقي مو ديني.

وإذا اعتبرنا الدين نبع من الاخلاق بيصير فضيلة إنو الإنسان يبحث عن الأخلاق أينما وجدت وما يقتصر على الأخلاقيات الدينية كونه يبحث عن الأصل وليس الفرع.

عزيزي ... الوضع الاخلاقي العام في تغير و الشغلات اللي كانت سيئة الامس .. اليوم صارت جيدة و مرغوبة

الدين يحث الناس على الخير العام للمجتمع .. و لكن في كل الاحوال تعتمد على الشخص المعتنق لهذا الدين

مجتمعاتنا الشرقية .. تحب المظاهر ... و لذلك كل جماعة تحب تتميز عن جماعة اخرى بالمظهر العام و بطريقة الاكل و اللبس ... و كثير شغلات ظاهرية

ارجع و اقول .. الاخلافيات متغيرة عير المكان و الزمان .. و لذلك هي ناتج حضاري متأثر بالايديولوجيات الى حد ما !

wile

15/05/2009, 21:08

بالنسبة للعرب قبل الاسلام فالرسول قال" انما جئت لأتمم مكارم الاخلاق" معناها كان في اخلاق ما كانت الشغلة سايبة لهدرجة هي.
بالنسبة للوثنيين قبل اليهودية فارجع واقرأ قوانين حمورابي وقوانين زنا المتزوجين في مصر وسوريا لتعرف الاخلاق كيف كانت.
على الهامش: صديقي بدك تروق وتناقش بهدوء مدري ليه حاسك لما بتكتب الرد الا شوي رح تدخل لقلب الشاشة وتطلع بوجهي , بجد بحسك عصبي , رأيك الكل بيحترموا لكن هدئ اعصابك وفكر بجوابك شوي بتلاقي انو النقاش صار هادئ اكتر ومقبول أكتر وهي وردة لعيونك مشان تروق :D

معلم لما كانت المرأة تطوف حول الكعبة بالجاهلية عارية ماكان هادا سوء أخلاق؟؟
ولما كان العرب يرثون زوجات آباءهم ما كان هادا سوء أخلاق؟؟؟
ولما إنتشر شغلة السبي بين أولاد العم ما كان هادا سوء أخلاق؟؟؟
على الهامش: ولا يهمك حبيب رح نهدي بس المشكلة إنه البعض عم يحاول يلمح إنه الإسلام دين ناقص أو يضع معايير خلقية منخفضة أو .. أو .... إلخ مشان هيك أنا أتضايق لأنه في إهانة

تغيير إداري 1

15/05/2009, 21:23

هل الشخص الأخلاقي هو الشخص المتدين حكماً
من هو المتدين يا ولدي؟؟

saman

15/05/2009, 21:38

معلم لما كانت المرأة تطوف حول الكعبة بالجاهلية عارية ماكان هادا سوء أخلاق؟؟
ولما كان العرب يرثون زوجات آباءهم ما كان هادا سوء أخلاق؟؟؟
ولما إنتشر شغلة السبي بين أولاد العم ما كان هادا سوء أخلاق؟؟؟
على الهامش: ولا يهمك حبيب رح نهدي بس المشكلة إنه البعض عم يحاول يلمح إنه الإسلام دين ناقص أو يضع معايير خلقية منخفضة أو .. أو .... إلخ مشان هيك أنا أتضايق لأنه في إهانة
مين قال هالحكي ...:?
يعني لو بتفهم بالتاريخ العربي شوي .. او بالاحرى بالتاريخ الجاهلي العربي ... المرأة الحرة ما كانت تطلع من بيتها ... وازا طلعت من بيتها ما كانت تطلع بدون خمار (او حجاب متل ما بيسميه البعض ) .. فا منين جبتلي هالمعلومة يلي فوق !

بعدين نحنا ما قلنا انو كانت الاخلاق كاملة بالجاهلية ... وما في جماعة او مجتمع بالتاريخ .. اخلاقي كامل ... المجتمعات الدينية و اللادينية ... !

انا برأيي الاخلاقي ممكن يكون ديّن ... والديّن ممكن يكون اخلاقي .. بس مو بالضرورة ...
الدين .. بشتى شرائعه (اليهودية والمسيحية والاسلامية ) وحتى الاديان (يلي تعتبر غير سماوية ) دعت للاخلاق وللاشيا الاخلاقية .. وما شفنا دين او شريعة على وجه الارض دعت لغير هيك ..
بس الاختلاف بيصير اما بالتفسيرات وعدم الفهم الصحيح او بالتحريفات ... مع الزمن ...

اما يجي شخص متل يلي عم رد عليه انا هلأ .. ويقعد يقلب الموضوع حوار اديان وطائفية ولسا معتبر حالو ديّن ولسا معتبر انو هوي اخلاقي .... فا اسمحلي ..
يعني يلي كان عم بيقول انو الدين دعا للاخلاق .. وشاف نموذج متل حضرتو .. فا مو بس رح ينفي هالشي .. بتوقع انو كان رح يلحد .. ويعتبر انو الالحاد هوي احد المثل العليا للاخلاق .. ويلي مو ملحد صار مو اخلاقي :lol: (طبعاً هي ردة الفعل المتوقعة :p )

و :D

wile

15/05/2009, 22:08

بما أن العالم بلا دين يعتبر خرابة
وبما انك بتعتبر ان لا يمكن يكون في اكتر من دين صح .. في دين وحيد صح وبقتبس رد الك :

وبالتالي انت مو بس عم تأسقط امكانية وجود اخلاق عند اللادينيين ( مع العلم بأنك اهانتني بشكل مباشر ) انما عم تاسقط امكانية تمتع باقي البشرية بالأخلاق لمجرد انن ما بيشتركوا معك بنفس الدين وبنفس المعتقد !!

سمعان بالفكر الشمولي والفكر الاقصائي وعدم احترام الآخر وقيمة التنوع الفكري ؟!

يا حبيب قلبي أهم الشي ماكون زعلتك وإذا زعلتك قلي بركي باتنحر وبريحك مني:waa3:

بعدين أنا قلت من الصعب وجود أخلاق بلا دين ولكن مو مستحيلة وبعدين إذا أبو طوني مافي أخلاق مين في أخلاق
يا حبيبي لا تعصب-مثل ما أنا بساوي بالعادة- بس أنا ما نفيت الأخلاق عن حدا.
وأنا ما إشترطت دين ما بكون كل أتباعو خلوقين أنا الي عم قولو إنه الدين-بشكل عام- يساعد على نشر الأخلاق وبس
يعني مو شرط لا يكون المتدين خلوق ولا الا ديني سيء الأخلاق
بس أهم الشي ما كنت زعلتك بس الي إنت حسيتو في تلميح عليك-وأنا والله مو قصدي شي- الشباب عم يحاولو يهينوني مضري بقصد مضري من غير قصد من بداية الموضوع
وبحب قلك كلك ذوق كلك شرف كلك نخوة كلك شجاعة كل كرم كلك شهامة كلك رجولة كلك .. كلك ... إلخ
:mimo::akh:

wile

15/05/2009, 22:37

من هو المتدين يا ولدي؟؟

والله يا حجي المتدين هو الملتزم بتعاليم دينه

wile

15/05/2009, 22:42

مين قال هالحكي ...:?
يعني لو بتفهم بالتاريخ العربي شوي .. او بالاحرى بالتاريخ الجاهلي العربي ... المرأة الحرة ما كانت تطلع من بيتها ... وازا طلعت من بيتها ما كانت تطلع بدون خمار (او حجاب متل ما بيسميه البعض ) .. فا منين جبتلي هالمعلومة يلي فوق !

بعدين نحنا ما قلنا انو كانت الاخلاق كاملة بالجاهلية ... وما في جماعة او مجتمع بالتاريخ .. اخلاقي كامل ... المجتمعات الدينية و اللادينية ... !

انا برأيي الاخلاقي ممكن يكون ديّن ... والديّن ممكن يكون اخلاقي .. بس مو بالضرورة ...
الدين .. بشتى شرائعه (اليهودية والمسيحية والاسلامية ) وحتى الاديان (يلي تعتبر غير سماوية ) دعت للاخلاق وللاشيا الاخلاقية .. وما شفنا دين او شريعة على وجه الارض دعت لغير هيك ..
بس الاختلاف بيصير اما بالتفسيرات وعدم الفهم الصحيح او بالتحريفات ... مع الزمن ...

اما يجي شخص متل يلي عم رد عليه انا هلأ .. ويقعد يقلب الموضوع حوار اديان وطائفية ولسا معتبر حالو ديّن ولسا معتبر انو هوي اخلاقي .... فا اسمحلي ..
يعني يلي كان عم بيقول انو الدين دعا للاخلاق .. وشاف نموذج متل حضرتو .. فا مو بس رح ينفي هالشي .. بتوقع انو كان رح يلحد .. ويعتبر انو الالحاد هوي احد المثل العليا للاخلاق .. ويلي مو ملحد صار مو اخلاقي :lol: (طبعاً هي ردة الفعل المتوقعة :p )

و :D

الله يسامحك بس بانصحك إنت تتأكد من مصادرك لأنه مصدري موثوق
وشكرا إلك بس هديلنا شوي هالنقد الاذع

wile

15/05/2009, 22:50

والله يا شباب طالعتوني إرهابي:o
وإذا القصة هيك فبإنصحكن لا بقا تفوتو عالموقع لأني عالأغلب رح فجروه:shahbi7:
ها ها ها:p

mhsen77

15/05/2009, 23:31

عياش

15/05/2009, 23:46

عزيزي ... الوضع الاخلاقي العام في تغير و الشغلات اللي كانت سيئة الامس .. اليوم صارت جيدة و مرغوبة
الدين يحث الناس على الخير العام للمجتمع .. و لكن في كل الاحوال تعتمد على الشخص المعتنق لهذا الدين

مجتمعاتنا الشرقية .. تحب المظاهر ... و لذلك كل جماعة تحب تتميز عن جماعة اخرى بالمظهر العام و بطريقة الاكل و اللبس ... و كثير شغلات ظاهرية

ارجع و اقول .. الاخلافيات متغيرة عير المكان و الزمان .. و لذلك هي ناتج حضاري متأثر بالايديولوجيات الى حد ما !

معناها يمكن وصلنا لنتيجة:طالما أن الأخلاق متغير عبر الزمان وبتغير المجتمع والفئات الاجتماعية وطالما أنا الدين بطيئ التطور كونه يفترض بذاته الثبات فهذا يعني أن الدين يلعب دورا تشريعيا في سن الأخلاق كونه نتاج اجتماعي وحاضنة اخلاقية أيضا ولكنه لا يمثل سقفا للاخلاق بالنسبة للانسان المتدين أو غير المتدين على حد سواء.

طيب يلي ما بيآمن بوجود الله منين اخد اخلاقو ؟ اكيد من المجتمع يلي حواليه بياخد منو الشي يلي بيتوافق مع فكرو وعقليتو و بينبذ يلي ما بيتوافق معها بس الاكيد انو هالشخص ما اخترع هالاخلاق اختراع بالنتيجة اخدها من مجتمع متدين

وهيك بيكون بكيفو او بغير كيفو المصدر الدين

الدين يلعب دورا تشريعيا أخلاقيا ولكن الأخلاق لا تتوقف عند الدين فقط.

وطالما الأخلاق موجودة قبل الدين ومستمرة بعده فالدين نتاج اخلاقي لحض الناس على الالتزام بالاخلاق تحول مع الزم والتدوين لحاوية أخلاقية وبالتالي مصدر الدين من الأخلاق ويصبح من واجب الفرد البحث عن الأخلاق أينما وجدت كونها الأصل والدين الفرع.

عياش

15/05/2009, 23:56

من هو المتدين يا ولدي؟؟

كونك جيت وحيت يا الله :

رجائي إلك تجاوبني على هالسؤال هل الدين هو سقف الأخلاق أم هنالك أخلاق خارج الدين علينا ان نبحث عنها؟

وإذا بتتكرم تشرحلنا لما ببتناقض حقوق الانسان مع الدين لوين نروح

ولك أجرك وثوابك.

mhsen77

16/05/2009, 00:06

الدين يلعب دورا تشريعيا أخلاقيا ولكن الأخلاق لا تتوقف عند الدين فقط.

وطالما الأخلاق موجودة قبل الدين ومستمرة بعده فالدين نتاج اخلاقي لحض الناس على الالتزام بالاخلاق تحول مع الزم والتدوين لحاوية أخلاقية وبالتالي مصدر الدين من الأخلاق ويصبح من واجب الفرد البحث عن الأخلاق أينما وجدت كونها الأصل والدين الفرع.

طيب خيو رح اجي معك حتى اوصل لفكرتي
فيك تقلي اي خلق ما بينص عليه الدين؟
و شو هوي يلي موجود بالاخلاق و مو موجود بالدين؟

بعدين مشان انو الاخلاق قبل الدين : طيب الانبياء يلي قبل موسى و قبل العهد القديم شو ممكن نسمى رسالاتون ؟ اكيد اسمها دين
الدين قديم قدم خلق الانسان بس يمكن ما كان وقتها وسائل تحفظ هالدين حتى يستمر و هيك ضاعت هالرسلات بس كونها ما وصلت لحد يومنا ما بيعني انها غير موجودة
:D

عياش

16/05/2009, 00:59

طيب خيو رح اجي معك حتى اوصل لفكرتي
فيك تقلي اي خلق ما بينص عليه الدين؟
و شو هوي يلي موجود بالاخلاق و مو موجود بالدين؟

بعدين مشان انو الاخلاق قبل الدين : طيب الانبياء يلي قبل موسى و قبل العهد القديم شو ممكن نسمى رسالاتون ؟ اكيد اسمها دين
الدين قديم قدم خلق الانسان بس يمكن ما كان وقتها وسائل تحفظ هالدين حتى يستمر و هيك ضاعت هالرسلات بس كونها ما وصلت لحد يومنا ما بيعني انها غير موجودة
:D

بإمكانك تعتبرها أديان مصدرها الله وكلها حضت على الأخلاق مراعية المستوى الفكري لكل شعب أنزلت عليه وبإمكاني اعتبرها حاجة إنسانية لفرض الأخلاق على الناس وذلك بترهيبهم من العقاب وترغيبهم بالثواب وأعزي سبب تنوعها إلى التباينات بين المجتمعات من ناحية الثقافة والتنظيم وطرق الانتاج والتغيرات الزمانية.

أما بالنسبة للأمثلة فقد ذكرت بعضها سابقا ولكن لا أود أبدا الخوض بالوقائع لأن البعض ممن نصبوا أنفسهم شرطة لله قد يعتبرها انتقاص من قيمة الدين ولا أقصدك أنت بالطبع يا صديقي:D فهنالك فرق ما بين المحاور:D والمصارخ.

أإأبو العبد

16/05/2009, 02:01

يعني شلون كان االعرب والمسلمين قبل الإسلام؟؟؟
وشلون كان اليهود قبل المسيحية؟؟؟
وشلون كان الوثنيين قبل اليهودية؟؟؟
يعني قولك بما انو نحنا هلا متخلفين رح ينزل شي دين بعد الاسلام:humm:

mhsen77

16/05/2009, 02:17

بإمكانك تعتبرها أديان مصدرها الله وكلها حضت على الأخلاق مراعية المستوى الفكري لكل شعب أنزلت عليه وبإمكاني اعتبرها حاجة إنسانية لفرض الأخلاق على الناس وذلك بترهيبهم من العقاب وترغيبهم بالثواب وأعزي سبب تنوعها إلى التباينات بين المجتمعات من ناحية الثقافة والتنظيم وطرق الانتاج والتغيرات الزمانية.
أما بالنسبة للأمثلة فقد ذكرت بعضها سابقا ولكن لا أود أبدا الخوض بالوقائع لأن البعض ممن نصبوا أنفسهم شرطة لله قد يعتبرها انتقاص من قيمة الدين ولا أقصدك أنت بالطبع يا صديقي:D فهنالك فرق ما بين المحاور:D والمصارخ.

بالاول اكيد نحنا اصدقاء و عم نتحاور و انا واحد ما بحب الصراخ بهرب عالسريع;)

خيو انا بقول بئس الايمان الناتج عن الخوف ان كان من العقاب ولا من الله بذاتو العليّة باي شي غير الدين كمان \غير المخابرات طبعا \

و بتفق معك بسبب التنوع انو ناتج عن تنوع الثقافة و الزمن و غيرو
و الله يسترنا من يلي بيعملو حالون ناطقين باسم الله و الرسول و الدين يلي بعتبرهن هني السبب يلي وصل بالناس لهالمرحلة من الكره و الحقد و حتى الاخلاق
اي خيو منرجع لحديثنا
ما جاوبتني اذا ما كان مصدر الاخلاق الدين شو ممكن يكون ؟ ومين هوي المؤهل ليحط هالاخلاق ؟ و بتمنى اذا ما بتحب تحكي بالاخلاق يلي بتعتبرها من خارج الدين تبعتلي ياها عالخاص و بكون الك من الشاكرين حتى اعرف كيف ممكن كمل نقاشي معك اذا ما فيها ثقلة
:D

عبر المحيط

16/05/2009, 02:45

تسمحلي بالرقصة دي.........عفوا بالمشاركة

وراح اجاوبك حسب اعتقادي........وفي الاخير انا بشر اخطي واصيب..

فهل الأخلاق هي التي تنبع من الدين أم أن الدين هو من ينبع من الأخلاق

الدين جاء لكي يتمم مكارم الاخلاق ويحث عليها طبعا انا اقصد جميع الاديان السماوية,, وشرع الثواب والعقاب فيها...يعني هل يسرق الحرامي بدون عقاب هل ياكل قاطع الطرق اموال الناس بدون عقاب هل يغتصب المجرم النساء بدون عقاب.... الدين شرع علاقة الفرد بالمجتمع

هل الشخص الأخلاقي هو الشخص المتدين حكماً والأخلاق الحميدة هي المذكورة حصرا في الإطار التشريعي للدين أم أن من حق الإنسان الملحد مثلا أو غير المتدين أن يكون أخلاقياً بشكل يفوق المتدين حتى، خصوصاً أن دافعه للتخلق(التمسك بالأخلاق) دافع إنساني أولاً وأخيرا لن ينبه منه لا ثواب ولا عقاب

ليس شرط ان يكون الشخص المتدين صاحب الاخلاق الحميدة ليست قاعدة قد يكون شخص بوذي او ملحد لدية اخلاق ورحمة في قلبة تفوق المتدين ولكن هناك امور وقرائن تكون مع الشخص.. يعني شخص سكير نكير وش القرائن اللي راح تكون معو.. وشخص متدين عابد او راهب حاله في شانه وش القرائن اللي راح تكون معه طبعا ليست قاعدة انما شواهد

أليس اعتبار الدين قمة الرقي الخلقي وضع الأخلاق الاجتماعية تحت سقف واطئ فالدين لم يشمل أخلاقيات التصرف في جميع المجالات (لم يشرع مثلا الصعود للحافلة بالرتل ولم ينهى عن التدفيش ولم يذكر حكم الباصق من شباك نافذة سيارته ولم يحدد الضوابط الأخلاقية لقيادة السيارة....الخ) خصوصا في مجتمع يلتزم يلتزم بالدين كمعيار لتقيم الفرد يتدخل حتى في طريقة تحيته للآخرين

الدين جاء لكي يتمم مكارم الاخلاق..

ألم يتعارض الدين في عدد من تشريعاته مع الأخلاقيات الإنسانية (تحريم الدين للتبني مثلا وهو عمل إنساني أخلاقي محمود، القتل بداعي الردة والتكفير وهو بتعارض مع شرعة حقوق الإنسان...الخ)[/

بالعكس الاديان تشجع العمل الانساني ولكن بضوابط وحدود يعني فيك تكفل الف يتيم او تتبناهم لكن بشروط والشروط ما وضعت عبث.....اما امو ر الردة فهي تحتاج الى تفصيل لا استطيع شرحها واذا حابب ابحثلك واجيب لك المعلومة ما عندي مانع

والقصد

................ ان الاديان تكرس وتدعم مكارم الاخلاق ليس شرط ان يعلمك الدين كيف تركب باص او تركب خيل او تبصق في الشارع او تبوس ابنك من الخد الايمن او الايسر ......الاديان تكرس وتدعم ما يريح المجتمع من امور يرضونها بشرط ان لا تكون تضر المجتمع و الفرد في حياته او بعد موته وخصوصا ما يتعلق بالاملاك والارث والنسل والولد

والله اعلم

suryoyo

16/05/2009, 03:08

الدين جاء لكي يتمم مكارم الاخلاق ويحث عليها طبعا انا اقصد جميع الاديان السماوية,, وشرع الثواب والعقاب فيها...يعني هل يسرق الحرامي بدون عقاب هل ياكل قاطع الطرق اموال الناس بدون عقاب هل يغتصب المجرم النساء بدون عقاب.... الدين شرع علاقة الفرد بالمجتمع

اخي اسئلك سؤال ...

هل الدين اعطى تشريع بعدم رمي الازبال بالشارع ؟؟؟

هل الدين اعطى راي .. من ناحية ترشيد استهلاك الطاقة الكهربائية ؟!

هل الدين قال اعطي السيجارة لرفيقك بدون ما يطلب منك ؟!

يا عزيزي ... هناك فرق بين الحضارة و بين الدين

mhsen77

16/05/2009, 03:17

في نقطة بحب ضيفها
انو لازم الدين يحط حكم لكل شي بالكون هي القصة ما بتظبط ابدا لا بالدين ولا بالقانون ولا باي شي
يعني نفس التصرف بتختلف ظروفو من مرة لمرة على سبيل المثال ما في سرقتين بيكونو بنفس الطريقة ولا بنفس الدافع و لا نفس النتيجة..... يعني اذا هيك لازم كل وحدة يكون الها حكم بالدين و القانون كمان ولا العلمانية ولا الدينية
واذا هيدا المطلوب من الدين وقتها بيفقد الروح يلي فيه بيصير شي جامد متل الحجر ومتل الامثلة هي :
فالدين لم يشمل أخلاقيات التصرف في جميع المجالات (لم يشرع مثلا الصعود للحافلة بالرتل ولم ينهى عن التدفيش ولم يذكر حكم الباصق من شباك نافذة سيارته ولم يحدد الضوابط الأخلاقية لقيادة السيارة....الخ)
(تحريم الدين للتبني مثلا وهو عمل إنساني أخلاقي محمود، القتل بداعي الردة والتكفير وهو بتعارض مع شرعة حقوق الإنسان...الخ)
يتدخل حتى في طريقة تحيته للآخرين
بالنسبة طبعا لقتل المرتد الي رأي غير مختلف ما بحب احكيه هون خوفا من الشرطة ;)

mhsen77

16/05/2009, 03:20

يا عزيزي ... هناك فرق بين الحضارة و بين الدين

:D:D:D:D:D

هيدا الحكي يلي بينحط ع الراس و العين
ع راسي معلم:D

أإأبو العبد

16/05/2009, 03:34

اخي اسئلك سؤال ...

هل الدين اعطى تشريع بعدم رمي الازبال بالشارع ؟؟؟ (اماطة الاذى عن الطريق صدقة)

هل الدين اعطى راي .. من ناحية ترشيد استهلاك الطاقة الكهربائية ؟! (ولاتسرفو ان الله لايحب المسرفين)

هل الدين قال اعطي السيجارة لرفيقك بدون ما يطلب منك ؟!تحريم السيجارة( واحل لكم الطيبات وحرم عليكم الخبائث) والسيجارة من الخبائث
وبالنسبة لاعطاء السيجارة لفيقك (لاتزر وازرة وزرة اخرى)
«وِزر» بمعنى الثقل، وقد اُخذ من «وَزر» (على زنة كرب) بمعنى الملجأ في الجبل، وأحياناً يأتي بمعنى المسؤولية ويعبّر بذلك عن الإثم كما يعبّر عنه بالثقل،والوزير المتحمّل ثقل المسؤولية من أميره، والموازرة: المعاونة(1)، لأنّ الشخص عند المعاونة يتحمّل قسطاً من الثقل عن رفيقه.

كل ماسبق ادلة شرعية
يا عزيزي ... هناك فرق بين الحضارة و بين الدينبالعكس الدين حضارة ولكن الحضارة تتطور وتتغير

:D

suryoyo

16/05/2009, 03:40

(اماطة الاذى عن الطريق صدقة
(ولاتسرفو ان الله لايحب المسرفين)

تحريم السيجارة( واحل لكم الطيبات وحرم عليكم الخبائث) والسيجارة من الخبائث
وبالنسبة لاعطاء السيجارة لفيقك (لاتزر وازرة وزرة اخرى) بالعكس الدين حضارة ولكن الحضارة تتطور وتتغير

:D

عزيزي مو قصة نصوص دينية ...

يعني حضرتك اذا رميت علبة الكولا بالشارع يجوز ابوك ما رح يحاسبك مثل محاسبة اب صيني لابنه ...
و نفس الشي اذا كسرت جامة بيت الجيران يجوز ابوك يعاقبك عقاب اشد من عقاب اب صيني لابنه على لنفس العملة

و هي نابعة من شخصية الشخص الفردية ... بس اكيد متأثرة ثقافة المجتمع

هذه متعلقة بالحضارة اكثر من نصوص دينية قابلة للتفسير المستمر

بالنسبة لشغة السيجارة .. حضرتك اعتبرتها خبائث .. غيرك مسلمين متدينين و ما يعتبروها خبائث ..

و هذا ايضا نابع من تنوع ثقافة المجتمع ... داخل نفس البلد ..

أإأبو العبد

16/05/2009, 03:45

عزيزي مو قصة نصوص دينية ...

يعني حضرتك اذا رميت علبة الكولا بالشارع يجوز ابوك ما رح يحاسبك مثل محاسبة اب صيني لابنه ...
و نفس الشي اذا كسرت جامة بيت الجيران يجوز ابوك يعاقبك عقاب اشد من عقاب اب صيني لابنه على لنفس العملة

و هي نابعة من شخصية الشخص الفردية ... بس اكيد متأثرة ثقافة المجتمع

هذه متعلقة بالحضارة اكثر من نصوص دينية قابلة للتفسير المستمر

بالنسبة لشغة السيجارة .. حضرتك اعتبرتها خبائث .. غيرك مسلمين متدينين و ما يعتبروها خبائث ..

و هذا ايضا نابع من تنوع ثقافة المجتمع ... داخل نفس البلد ..
اول شي بعتذر اني فهمتك غلط
اذا هيك معك حق مليون بالمية
اما بالنسبة للسيجارة مابظن انو في حدا بالدنيا بعدو بيعتبر السيجارة من الطيبات او حتى شي عادي كلنا منعرف ضررها بس يمكن تفسير مصطلح (الخبائث) مختلف فيه
هامش:مع العلم انو انا مدخن

عبر المحيط

16/05/2009, 16:59

اخي اسئلك سؤال ...

هل الدين اعطى تشريع بعدم رمي الازبال بالشارع ؟؟؟

هل الدين اعطى راي .. من ناحية ترشيد استهلاك الطاقة الكهربائية ؟!

هل الدين قال اعطي السيجارة لرفيقك بدون ما يطلب منك ؟!

يا عزيزي ... هناك فرق بين الحضارة و بين الدين

والله يا صاحبي ما ادري وشلون اجاوبك.... ماحد قال ان الدين شرع رمي الزبالة بالشارع او ترشيد الكهرباء او كيفية استخدام المايكرويف والجاكوزي وكيف تلعب التكواندو وبلاستيشن وكيف تستخدم الامهات البابرز ..بطريقة هذي انت لا تحتاج الى دين بل تحتاج الى كتلوج

اخي وحبيبي الدين المعاملة........وتعزيز مكارم الاخلاق... شوف انت وش اللي يعزز المعاملة الحسنه ويعزز مكارم الاخلاق في حياتك وانت في ارقى الحضارات...

عياش

16/05/2009, 18:11

بالاول اكيد نحنا اصدقاء و عم نتحاور و انا واحد ما بحب الصراخ بهرب عالسريع;)

خيو انا بقول بئس الايمان الناتج عن الخوف ان كان من العقاب ولا من الله بذاتو العليّة باي شي غير الدين كمان \غير المخابرات طبعا \

و بتفق معك بسبب التنوع انو ناتج عن تنوع الثقافة و الزمن و غيرو
و الله يسترنا من يلي بيعملو حالون ناطقين باسم الله و الرسول و الدين يلي بعتبرهن هني السبب يلي وصل بالناس لهالمرحلة من الكره و الحقد و حتى الاخلاق
اي خيو منرجع لحديثنا
ما جاوبتني اذا ما كان مصدر الاخلاق الدين شو ممكن يكون ؟ ومين هوي المؤهل ليحط هالاخلاق ؟ و بتمنى اذا ما بتحب تحكي بالاخلاق يلي بتعتبرها من خارج الدين تبعتلي ياها عالخاص و بكون الك من الشاكرين حتى اعرف كيف ممكن كمل نقاشي معك اذا ما فيها ثقلة
:D

برأي الدين لابد أنه مشارك في وضع الخطوط العريضة للأخلاق فمثلا هنالك أخلاق ركز عليها الدين والمجتمع الاسلامي نرى أن مسيحيي المشرق يتحلون بها بينما لا يتمسك بها مسيحيي الغرب مما يعني أن الدين فاعل وله دور في وضع الأخلاق العامة للمجتمع بغض النظر عن الايمان به أو عدمه، ولكني أرى بأن هنالك مصادر أخرى لتعزيز وتطوير هذه الأخلاق وهذه المصادر هي نتاج الحضارة والتطور الاجتماعي منها الآداب العامة (ثقافة الرتل مثلا،الخصوصية الشخصية) ومنها الشرائع العالمية ومثالها شرعة حقوق الانسان وبالتالي أنا ضد اعتبار الدين المصدر الوحيد للأخلاق أو اعتباره سقف للأخلاق مما يدفع بالناس إلى التمسك بأهداب الدين ومظاهره والاقتصار على اخلاقيات الدين في تعاملاتهم، وطبعا أنا أعتز بصداقتك ويهمني وأحترم رأي الانسان المتدين الذي يحاور بعقلانية ودون تشنج:D

بالعكس الدين حضارة ولكن الحضارة تتطور وتتغير
ولكن يا صديقي الدين ثابت كما يفترض بنفسه وبالتالي ماذا نفعل بالأخلاقيات التي ظهرت حديثا نتيجة لعملية التطور الاجتماعية؟؟؟

ليس شرط ان يكون الشخص المتدين صاحب الاخلاق الحميدة ليست قاعدة قد يكون شخص بوذي او ملحد لدية اخلاق ورحمة في قلبة تفوق المتدين ولكن هناك امور وقرائن تكون مع الشخص.. يعني شخص سكير نكير وش القرائن اللي راح تكون معو.. وشخص متدين عابد او راهب حاله في شانه وش القرائن اللي راح تكون معه طبعا ليست قاعدة انما شواهد

لماذا نقرن الشخص الملحد بالموبقات الاجتماعية دوما أليس من حق الملحد ان يكون اخلاقيا هل يشترط ممن يشرب الخمر ألا يقوم عنها حتى يسكر ويأتي بأفعال بذيئة؟؟

ان الاديان تكرس وتدعم مكارم الاخلاق ليس شرط ان يعلمك الدين كيف تركب باص او تركب خيل او تبصق في الشارع او تبوس ابنك من الخد الايمن او الايسر ......الاديان تكرس وتدعم ما يريح المجتمع من امور يرضونها بشرط ان لا تكون تضر المجتمع و الفرد في حياته او بعد موته وخصوصا ما يتعلق بالاملاك والارث والنسل والولد

المشكلة أن هنالك من يعتبر (وبرأي هم الغالبية) أن من الأخلاق هي ما ورد بالدين وبشكل شبه حرفي أو بالأحرى بحسب تفسيرات حرفية تعود لقرون عديدة ماضية ولم يتجرأ أحد على تطويرها إلى يومنا هذا ومنها موضوع الإرث فاليوم هنالك من هو مقتنع بأن للأنثى الحق بأن ترث كالذكر لأن المجتمع وتطور ولأن نسبة العنوسة في ازدياد ولأن المرأة مطالبة اليوم بالمشاركة بأعباء المنزل وتحمل مصاريفه (بدليل عدد النساء العاملات في مجتمعنا) والشاهد مطالبة الطوائف المسيحية الكاثوليكية بقانون جديد خاص بها لتنظيم الإرث وحصولها عليه وبالتالي إما ان نوسع نظرتنا للأخلاق ونبحث عنها خارج اطار الدين أو نطور الدين بشكل دوري ليستوعب التحديثات الاجتماعية تباعاً.

wile

16/05/2009, 19:18

برأي الدين لابد أنه مشارك في وضع الخطوط العريضة للأخلاق فمثلا هنالك أخلاق ركز عليها الدين والمجتمع الاسلامي نرى أن مسيحيي المشرق يتحلون بها بينما لا يتمسك بها مسيحيي الغرب مما يعني أن الدين فاعل وله دور في وضع الأخلاق العامة للمجتمع بغض النظر عن الايمان به أو عدمه، ولكني أرى بأن هنالك مصادر أخرى لتعزيز وتطوير هذه الأخلاق وهذه المصادر هي نتاج الحضارة والتطور الاجتماعي منها الآداب العامة (ثقافة الرتل مثلا،الخصوصية الشخصية) ومنها الشرائع العالمية ومثالها شرعة حقوق الانسان وبالتالي أنا ضد اعتبار الدين المصدر الوحيد للأخلاق أو اعتباره سقف للأخلاق مما يدفع بالناس إلى التمسك بأهداب الدين ومظاهره والاقتصار على اخلاقيات الدين في تعاملاتهم، وطبعا أنا أعتز بصداقتك ويهمني وأحترم رأي الانسان المتدين الذي يحاور بعقلانية ودون تشنج:D

ولكن يا صديقي الدين ثابت كما يفترض بنفسه وبالتالي ماذا نفعل بالأخلاقيات التي ظهرت حديثا نتيجة لعملية التطور الاجتماعية؟؟؟

لماذا نقرن الشخص الملحد بالموبقات الاجتماعية دوما أليس من حق الملحد ان يكون اخلاقيا هل يشترط ممن يشرب الخمر ألا يقوم عنها حتى يسكر ويأتي بأفعال بذيئة؟؟

المشكلة أن هنالك من يعتبر (وبرأي هم الغالبية) أن من الأخلاق هي ما ورد بالدين وبشكل شبه حرفي أو بالأحرى بحسب تفسيرات حرفية تعود لقرون عديدة ماضية ولم يتجرأ أحد على تطويرها إلى يومنا هذا ومنها موضوع الإرث فاليوم هنالك من هو مقتنع بأن للأنثى الحق بأن ترث كالذكر لأن المجتمع وتطور ولأن نسبة العنوسة في ازدياد ولأن المرأة مطالبة اليوم بالمشاركة بأعباء المنزل وتحمل مصاريفه (بدليل عدد النساء العاملات في مجتمعنا) والشاهد مطالبة الطوائف المسيحية الكاثوليكية بقانون جديد خاص بها لتنظيم الإرث وحصولها عليه وبالتالي إما ان نوسع نظرتنا للأخلاق ونبحث عنها خارج اطار الدين أو نطور الدين بشكل دوري ليستوعب التحديثات الاجتماعية تباعاً.

طيب ياحبيب إذا برأيك الدين لازمو تطوير مين الي رح يطوره؟؟؟
أنا ولا إنت ولا الحكومات ولا مين؟؟؟؟؟؟؟؟؟؟؟؟
ما هون المشكلة بتجي إنت بتطورو وبعدك واحد تاني وبعدك واحد تالت وبالآخر ما بضل شي من الدين الأساسي هي عدا عن التحريفات الي ممكن تحصل بسبب الحرص على المصلحة الشخصية

suryoyo

16/05/2009, 20:23

والله يا صاحبي ما ادري وشلون اجاوبك.... ماحد قال ان الدين شرع رمي الزبالة بالشارع او ترشيد الكهرباء او كيفية استخدام المايكرويف والجاكوزي وكيف تلعب التكواندو وبلاستيشن وكيف تستخدم الامهات البابرز ..بطريقة هذي انت لا تحتاج الى دين بل تحتاج الى كتلوج

اخي وحبيبي الدين المعاملة........وتعزيز مكارم الاخلاق... شوف انت وش اللي يعزز المعاملة الحسنه ويعزز مكارم الاخلاق في حياتك وانت في ارقى الحضارات...

شوف عزيزي ...

نحكي بالمفتوح ... نص العادات الاسلامية هي عادات عربية ... و لذلك القاعدة و العائدون من افغانستان طالما تحدثوا عنم مشاكل بين العرب و الافغان بسبب ممارسات يومية اسلامية

حتى اللبس الديني ... مختلف من منطقة لاخرى .. و قد يتشابه اللبس الديني اعدة ديانات بنفس المنطقة .. يا لمحاسن الصدف ...

يا ريت تقرا الكلام و تعرف النقطة اللي اتحدث عنها !

برأي الدين لابد أنه مشارك في وضع الخطوط العريضة للأخلاق فمثلا هنالك أخلاق ركز عليها الدين والمجتمع الاسلامي نرى أن مسيحيي المشرق يتحلون بها بينما لا يتمسك بها مسيحيي الغرب مما يعني أن الدين فاعل وله دور في وضع الأخلاق العامة للمجتمع بغض النظر عن الايمان به أو عدمه، ولكني أرى بأن هنالك مصادر أخرى لتعزيز وتطوير هذه الأخلاق وهذه المصادر هي نتاج الحضارة والتطور الاجتماعي منها الآداب العامة (ثقافة الرتل مثلا،الخصوصية الشخصية) ومنها الشرائع العالمية ومثالها شرعة حقوق الانسان وبالتالي أنا ضد اعتبار الدين المصدر الوحيد للأخلاق أو اعتباره سقف للأخلاق مما يدفع بالناس إلى التمسك بأهداب الدين ومظاهره والاقتصار على اخلاقيات الدين في تعاملاتهم، وطبعا أنا أعتز بصداقتك ويهمني وأحترم رأي الانسان المتدين الذي يحاور بعقلانية ودون تشنج:D

يمكن هذه الاخلاق اللي تتحدث عنها اساسا هي اخلاق شرق اوسطية باعتبار مسيحيي الغرب لهم حضارة مختلفة عن حضارة الشرق الاوسط

و فعلا الدين قد يكون مركز على امور معينة ... لكن الناس المعتنقين لهذا الدين قد يتجاهلوها مفضلين الاعراف التي توارثوها من الاجداد

و بالحقيقة ... التيارين من اليمين المحافظ اللي ما يقبل التغيير و الانفتاح على الاخر و مجاراة الزمن

:D

عياش

16/05/2009, 23:09

يمكن هذه الاخلاق اللي تتحدث عنها اساسا هي اخلاق شرق اوسطية باعتبار مسيحيي الغرب لهم حضارة مختلفة عن حضارة الشرق الاوسط

و فعلا الدين قد يكون مركز على امور معينة ... لكن الناس المعتنقين لهذا الدين قد يتجاهلوها مفضلين الاعراف التي توارثوها من الاجداد

و بالحقيقة ... التيارين من اليمين المحافظ اللي ما يقبل التغيير و الانفتاح على الاخر و مجاراة الزمن

:D

هي الأخلاق بيجوز كانت من قبل الدين واستمرت لهلق نتيجة تبنيها من الدين يعني الدين شكلها حاضنة وقدمها من خلال تعاليمه بس المشكلة إنو الدين ما بيتغير وبالتالي هالأخلاق عم تضل ثابتة جامدة ما عم تتعاطى مع الواقع المتغير ولا عم تتوسع لتضم معطيات جديدة.

وطبعا الدين شأنه شأن أي عنصر آخر بيلعب دور مهم في رسم طبيعة المجتمع والحياة فيه وهاد الشي بيتناسب مع مقدار تمسك أو حتى تعصب المتدينيين لدينون.

mhsen77

17/05/2009, 00:19

طيب ياحبيب إذا برأيك الدين لازمو تطوير مين الي رح يطوره؟؟؟
أنا ولا إنت ولا الحكومات ولا مين؟؟؟؟؟؟؟؟؟؟؟؟
ما هون المشكلة بتجي إنت بتطورو وبعدك واحد تاني وبعدك واحد تالت وبالآخر ما بضل شي من الدين الأساسي هي عدا عن التحريفات الي ممكن تحصل بسبب الحرص على المصلحة الشخصية

هاها وانت قلتا الحرص على المصلحة الشخصية يعني الدين يوم ما نزل غير اليوم بسبب التناقل و مصلحة الناقلين
و هيك يا حبيب تغير الدين

ولكن يا صديقي الدين ثابت كما يفترض بنفسه

الدين روح وليس جماد
الدين قال لا تسرق لا تكذب لا تغش لا تزني هيك بفهم الاخلاق و انو ادخل عالبيت برجلك اليمين او البس كذا ولا تلبس كذا هي شي تاني ممكن ناس تأمن انها من اصل الدين و ممكن ناس تلاقيها زيادة عليه

Abu ToNi

17/05/2009, 02:41

كل شي بالدنيا اذا ما كان مأخوذ من مصدرو الصحيح ما بيعطي نتيجة كاملة و صحيحة بس بنسب متفاوتة
و الاخلاق بينطبق عليها هالشي
يعني يلي ما بياخد اخلاقو من الخالق بيكون المصدر غلط \ هلأ بيجوني جماعة سعدو ;) \

المهم
طيب يلي ما بيآمن بوجود الله منين اخد اخلاقو ؟ اكيد من المجتمع يلي حواليه بياخد منو الشي يلي بيتوافق مع فكرو وعقليتو و بينبذ يلي ما بيتوافق معها بس الاكيد انو هالشخص ما اخترع هالاخلاق اختراع بالنتيجة اخدها من مجتمع متدين

وهيك بيكون بكيفو او بغير كيفو المصدر الدين

و مشان الاديان و ايها اقل وايها اكبر شأن هالحكي غلط لان المصدر واحد بس من الحكمة ان يعطى الدين بحيث يتوافق مع مستوى فكر وفهم الشعب يلي رح يتلقاه يعني يلي بيصح بايام موسى ما بيصح على ايام عيسى و ما بيمشي حالو بوقت محمد لتفاوت الزمن و مستوى فكر الامم
و الفارق بين الاديان هو الاسلوب بس الجوهر واحد و هو لا اله الا الله و على الانسان ان يعمل بهداية رسوله
و المشكلة يلي بتصير بعدين هيي التمسك بحرفية النص و الابتعاد عن روح الرسالة

:D:D:D
جينا جينا جينا جبنا العريس وجينا :clap:

ما جاوبتني اذا ما كان مصدر الاخلاق الدين شو ممكن يكون ؟ ومين هوي المؤهل ليحط هالاخلاق ؟
[quote]

ما رح انفي ابدا دور المجتمع بتحديد القيم وتقويم الافكار
بالنهاية الدين بيملك افكار كتير راقية ومعاندة الدين فقط لهدف المعاندة شي خاطئ جدا .. انه يعني الدين بقول لازم تساعد المحتاج انا كلاديني ما بنط بدي عارض الدين وقول لا يا شباب غلط اننا نساعد المحتاج :lol:
في اشياء متفقين عليها انسانيا ومنطقيا وبشريا وتعتبر قيم سامية اخلاقيا وهاد شي مفروغ منه
بس تضمين الرسالات الدينية لهي القيم ما بيعني بالضرورة زوال القيم بزوال النصوص الدينية

اكبر مثال وثيقة حقوق الانسان وثيقة بتحمل كتير قيم بتوافق عليها الأديان كاحترام حق الحياة بس منشوفها شاملة لنقاط متقدمة في السلم التطوري .. ما بدي قول غير موجودة بالاديان لكن بدي قول بأن الاديان ما شملتها
متل حق الانتخاب- حق العمل - حق حرية الراي والتعبير - حق الحرية ( تبع العبيد وهلئصص ) - حق المراة بالمساواة .

عدم اشتمال الدين على كافة النقاط الاجتماعية الراقية اللي بتساهم بترقية الانسان وترفيع مستواه الاخلاقي ما بيعني ابدا انها رسائل ناقصة او انها نصوص غير كاملة وغير كافية للحياة
للدين خط واضح ودور أساسي بتعريف الانسان بالله ..وأيا شي اضافي يعتبر جهود اضافية مشكورين عليها أصحاب الرسالات السماوية .. لكن في ظل التطور البشري وادخال قيم جديدة وافكار جديدة ( كالتبرع بالاعضاء - التبني - ) يفترض اننا نأبدي شوية ليونة بالتعامل مع التطورات المحدثة

:D
[quote=عبر المحيط;1266366]

الدين جاء لكي يتمم مكارم الاخلاق ويحث عليها طبعا انا اقصد جميع الاديان السماوية,, وشرع الثواب والعقاب فيها...يعني هل يسرق الحرامي بدون عقاب هل ياكل قاطع الطرق اموال الناس بدون عقاب هل يغتصب المجرم النساء بدون عقاب.... الدين شرع علاقة الفرد بالمجتمع

ليس شرط ان يكون الشخص المتدين صاحب الاخلاق الحميدة ليست قاعدة قد يكون شخص بوذي او ملحد لدية اخلاق ورحمة في قلبة تفوق المتدين ولكن هناك امور وقرائن تكون مع الشخص.. يعني شخص سكير نكير وش القرائن اللي راح تكون معو.. وشخص متدين عابد او راهب حاله في شانه وش القرائن اللي راح تكون معه طبعا ليست قاعدة انما شواهد

من خلال خبرتي المتواضعة جدا بالعمل التطوعي مع الشبيبة المراهقة تأكدت ( فوق تأكدي المسبق ) بأن الترهيب والتهديد بالعقاب يعتبر أسوأ الطرق المستخدمة لبناء العلاقات وللتقرب من الاشخاص ولتوعيتن وتهذيب تصرفاتن .
واجتماعيا فيني احكيلك على طريقة سوريا مثلا والتوعية بالترهيب وقت بتقلك بأن الإكثار من الاستهلاك يؤدي إلى انقطاع التيار الكهربائي بشكل مستمر .. ما حدا كان عم يسأل وما حدا اهتم
بينما وقت تم استخدام النموذج الألماني بعرض صور لأحياء مرمي فيها القمامة عن طريق الاعلام العام في المدينة بشكل صامت دون وضع أي تعقيب .. لمست شخصيا الفرق من ناحية اهتمام الناس وتجاوبن ( إلى حد ما ) مع الحملة الاعلانية .

خلاصة القول.. التوعية بالترهيب بالعقاب وسيلة بيتبعها فاقد الحيلة أو الانسان الضعيف لفرض سيطرته بطريقة قسرية .

بالعكس الاديان تشجع العمل الانساني ولكن بضوابط وحدود يعني فيك تكفل الف يتيم او تتبناهم لكن بشروط والشروط ما وضعت عبث.....اما امو ر الردة فهي تحتاج الى تفصيل لا استطيع شرحها واذا حابب ابحثلك واجيب لك المعلومة ما عندي مانعفي حال ايجاد واقع أفضل وأكثر منطقية من الشروط الدينية .. فينك تتبع التعاليم ( غير الدينية والأفضل بنفس الوقت ) ولا بترفض أيا سقف خلقي جديد يعلوا فوق السقف الديني ؟

ان الاديان تكرس وتدعم مكارم الاخلاق ليس شرط ان يعلمك الدين كيف تركب باص او تركب خيل او تبصق في الشارع او تبوس ابنك من الخد الايمن او الايسر ......الاديان تكرس وتدعم ما يريح المجتمع من امور يرضونها بشرط ان لا تكون تضر المجتمع و الفرد في حياته او بعد موته وخصوصا ما يتعلق بالاملاك والارث والنسل والولدحكي جميل وبوافقك عليه
مو شرط يحكيلي الدين على ( الباص ) بحد ذاته لأعرف كيف بدي اتعامل مع الموقف
بس برجع بسألك
في حال وجود تشاريع أعدل من الدين ببعض النقاط ( وهلشي موجود على ارض الواقع بأكتر من ناحية ) هل سنكتفي بالحد المرسوم من قبل النصوص الدينية واجتهادات المفسرين ولا بدنا نتماشى مع الواقع وتطورات الفكر الانساني الحي ؟!

:D

عذرا على الإطالة