أبو نهلة مرة أخيرة... غلطان.. و كتير كمان... لأنك عم تحمّل ناس مسؤولية شي مانهون مسؤولين عنو.. أو على الأقل مانهون مسؤولين أكتر من ابن جلدتك...

ابو شريك ما انا اللي عم حمل !!! ...مسن انا لحمل !! و شو بعرفني اذا مسؤولين ولا لاء !!!..و انت شو عرفك انن ما نن مسؤولين ؟؟؟ و مين هني ابناء جلدتي !!!!!!

قطر فيها أكبر قاعدة عسكرية اميركية بالشرق الأوسط, منها طلع كل الضرب اللي اجا عالعراق, فيها مكتب تمثيل اسرائيلي عينك عينك و وزيرة الخارجية الاسرائيلية رايحة جاية لعندون.. برأيك حدا يشمت بالقطري لما يموت بحادث طيارة؟؟ طب شو عمل الاسباني و ما عملو القطري أو الكويتي أو السعودي؟؟ شو ذنبو ازا بنصنا عايشة الامبريالية و حاكمتنا و بنفس الوقت الامبريالية اللي حاكمتنا هي اللي بتسب عالامبريالية؟

قائمة الدول اللي ساهمت عسكريا بشكل مباشر او غير مباشر بتوصل ل 30 دولة ..منها دول عربية كتير مزبوط....هلأ حدا بيشمت بالقطري ؟؟ ممكن ..عادي جدا يعني ..اذ وصل الحقد عند هالبني ادم ضد القطري متل ما واصل ضد الغربي بيشمت ليش لحتى ما يشمت ..و هاي بتكون مسؤولية القطري اولا و اخيراً ..ما مسؤولية الشامت !!!

الامبريالية ما بتسب ع الامبريالية ...ما صارت ..و لا رح تصير ...و ماني فهمان شو قصدك فيها بصراحة ز

اما شو اللي عملو الاسباني و ما عملو الكويتي و السعودي فهوكتير اشيا ...كتير يعني بين جديد و قديم و القديم ممكن نسيانينو..بس الجديد قدام عيوننا ..و برجع بقلك..انو 3 دول بس ..ثلاثة ....هني اللي اتحدوا نجلس الامن ..و اتحدوا اشرعية الدولية..و اتحدوا البشرية و اعلنوا نيتهن الحرب بمعزل عن اي شي ..و وحدة من هال 3 دول هي اسبانيا !! صار ولا ما صار ؟؟؟

اي انو عادي يعني ؟؟؟ لازم يكونوا الناس مطلعين ع الشأن الداخلي الاسباني ؟؟ مطلعني شوي و بيعرفوا انو في ديموقراطية باسبانيا ..و انو الحكومة منتخبة ...و عندا اغلبية بالبرلمان ...و اخدت قرار ..شو لازم يعرفوا اكتر !!!
( صار لازم حط ملاحظات ..انا ماني عم احكي عن حالي ..انا ضد و بشدة و بعنف يعني هيك نوع من التعليقات ...و ضد مين ما كان يكون ...انا بس عم حاول اشرح بانو هيك تعليقات و حتى الاعنف من هيك بكتير هو شي طبيعي و الو اسبابو ..و غالبية اسبابو جاي من الخارج )

عم تحكي و كأنو كل الغرب جورج بوش و شلتو.. و كأنو الناخب يروح يصّوت برنامج انتخابي اسمو: نضرب العرب و للا ما نضربهون... لأ مو هيك.. و لا يقترب من هيك.. كل ممارسات الغرب هي بشراكة حكوماتنا, و حكوماتنا لو ما جايبة الدب لكرمها كان ما اجا لحالو.. بس حكوماتنا ما حدا يحكي كلمة عنها...

الغرب كلو جورج بوش و شلتو ..صحيح ..و الولايات المتحدة الامريكية هي بلاد تدار بنظام الحزب الواحد ذوالجناحين اليمينيين ( الكلام لنعوم تشومسكي ...يهودي اميركي ..ما كلامي هاد ) اما انو حكوماتنا هي اللي جايبة الدب لكرمها لاء اسمحلي !!! اصلا خريطة الشرق الاوسط هني اللي رسموها ..و هني اللي سمو سوريا سوريا و لبنان لبنان ...و هني اللي فايتين و قاتلين الناطور ...و اسرائيل مان من صنع العرب ...حتى لو كان في مليون واحد متل السادات بين العرب ما بيقدرو يعملوا اسرائيل !!! ...دول ضعيفة ...متفرقة مفرقة ...ما لانو نحنا هيك بدنا ..لانو هني هيك بدهن ....قلي كمان هني ضد الصهيونية ..بس ما قادرين يعملوا شي !!! ... يا زلمي ما ناقص تقلي غير انو هني عرفانين تالشعب العربي شو ناقصو بس الحوكمات العربية عم تمنعن !!!! لك ما كلو من تخطيطهن و تنفيذهن و اشرافهن !!!



فيك تقلي انو العرب ما طبلو و زمرو على جية أميركا ع أفغانستان وقت دعمت "الأفغان العرب" بنزاعهون مع الاجتياح السوفيتي؟

فيك تقلي انو مو العرب هنن اللي استنجدو بأميركا لتحرر الكويت بحرب حتى سوريا شاركت فيها, و بالتالي شرّعو الوجود الأميركي في أراضيها؟

ما لانو العرب بدهن ...لانو اميركا بدها ...هي الجورجيين استجدوا بالاميركان ..شايف اميركا ما ردت !!!! و هي العرب عم يستنجدوا بالفجلة مشان فلسطين ..كمان اميركا ما ردت !!!!

لانو هي اللي بتقرر ..ما العرب ...و هاد الشي بظن ما كان في داعي نحكي فيه اصلاً !!

فيك تقلي انو العرب ما طبلو و زمرو لأميركا و الناتو وقت فات ع كوسوفو و شلّح يوغوسلافيا مهد قوميتها؟؟
لاء ما فيني قلك !

أميركا فاتت على العراق و هي متحالفة مع العرب.. و اللي ما استرجى يعلن صراحة عن تحالفو خلاه شوي مستّر.. بس بالنهاية كلهون كانو موافقين.. و كلهون استفادو بدرجات متفاوتة.. و هنن شركاء بهالشي

هلأ انت بتشوف طبيعي انو ازا مات شي سوري يجي حدا لبناني يشمت فيه لأنو معبي علينا؟ تلاقيه أمر عادي؟

آسف يا شباب بس بهالموضوع بالذات ما فيني كون حيادي.. ما فيني الاقي مبرر (أو تفهّم) للشماتة بموت صديقتين, و لا فيني حتى ألاقي تفهّم لهجمات مدريد مثلا (لأنو ان جيت للواقع.. ع ايد الجيش الاسباني ما مات حدا.. لا بأفغانستان و لا بالعراق.. و خسائر الاسبان 195 قتيل بتفجيرات ارهابية -و ما عم احسب الجنود اللي ماتو بحادث طيارة و هنن راجعين من أفغانستان.. هدول ع طرف)

اميركا كانمت فايتة فايتة ...بالعرب و بدونهم ..بالاتراك و بدونن ...عندا مخطط بدها تنفذو ...و بهيك مواقف في ناس زئيقيين ممكن يحاولا يستفيدوا من الموضوع ...بس انت فيك تقلي انو الشعب العربي كان مع دخوال امريكا للعراق !!!!!
طيب الشعوب الاوروبية كانت ضد !!!! ...ماني شاشف هالشي بصراحة ...و ما تقلي مظاهرات مشان الله !!
الشعوب الاوروبية غنم شي ..يعني الشعب الاميركي حمااااااااااااااااار ع الاخر !!! جددولو لبوش ...انو هني كانو ضدوا و جددولوا ؟؟ طيب ما جددولو لازنار ...وينو ؟؟؟

يا اخي طالما الاوروبيين ناس محترمين ...ليش ما بيعترضوا عند اميركا هيك اعتراض شديد اللهجة ...انو هيك شي مرة ياخدوا موقف انو اذا ما بتسكروا غوانتانامو ..و توقفو قتل الابرياء بدنا نسحب سفرائنا !!!

ارانب هني يعني ؟؟

هني يا اما ارانب ...يا اما خواريف ..يا اما شركاء !!

نقي وحدة و عطيني ياها



بس تطالب بمحاكمة كل الزعماء العرب اللي ساندو أميركا بدعمها لطالبان, و ساهمو بجيبة أميركا عالعراق, و بس تطالب بمحاكمة القيادة السورية اللي بعتت الجيش يحارب جنب أميركا بحرب الخليج الأولى, و بس تطالب بمحاكمة المتحالفين مع روسيا بسبب مذابحها بالشيشان.. يبقى تعا سب عالشعب الاسباني.. و ازا ما عملت كل هدول يكون انت اللي عندك ازدواجية نظر مو أنا


ليش يقى !! ...انا بدي بلش من اسباينا ...ليش لتقلي انت منين بدي بلش !!! ( هاي على فرض انو انا اللي عم احكي..بس برجع بذكركن لانكن عم تنسوا انو ما انا ..يا جماعة ما انا اللي عم يحكي ...انا عم اعرض هيك شوية قصص ...)

بعدين مين قلك اني عم احكي ع حرب الخليج الاولى !! انا ضد الغزو العراقي للكويت..و مع استخدام القوة لانهاؤه ..متل ماني ضد الغزو الامريكي الاسباني البريطاني للعراق ومع استخدام القوة لانهاؤه !!!


راح تقلي انو ها.. حكي تبع ميتاليكا دليل على انو الكره متبادل.. راح قلك لأ... لأنو متل ما تبع ميتاليكا أميركي... الناس اللي استضافت ادوار سعيد و عطتو كل التسهيلات و الدعم كمان اميركان... المرأة الأميركية اللي ماتت تحت دبابة اسرائيلية بغزة كمان أميركية.. و انت عم تعمم و كتير... عم تصب جام المسؤولية على ناس و ترفعها عن ناس ولاد بلدنا عملو متل ما عملو الأميركان بالزبط.. طب ليش مسامحهون هدول؟

مين قلك اني مسامحهن :shock:

و بعدين شو يعني استضافت ادوار سعيد ...الهن الشرف اصلاً ...استضافة اداور سعيد بكون بمقابلها فلسطين يعني ؟؟

انو هي معادلة يا زلمي ؟؟ فلسطين مقابل استضافة ادوار سعيد ؟؟ و برجع بقلك....على عيني و راسي من فوق كل الاحرار و الشرفاء بالعالم ...حتى الهنود يعني

بس مرة اميركية ...و لا الف مرة ..و مليون رجال ما هني اميركا ..اميركا هي ما هي عليه ..و هو الشي اللي شافينو قداما ...و برجع بقلك عطيني احتمال و احد لشو هنيك الاميركيين لنتناقش فيه ( ارانب ...غنم ...او شركاء)

صحيح كمان شغلة أبو نهلة... انو عم تقول انو التفجيرات اللي تصير بأوربا هو رد فعل لفعل... طيب بدي هالشي يشمل التفجيرات ضد المواطنين العراقيين من قبل من يفترض انو هو مسحوق؟ أو الهجمات على كنائس الأقلية المسيحية العراقية و قتل رجال الدين المسيحي العراقيين؟؟ لأنو أنا على ثقة, مو بس على ثقة.. براهنك على عشا انو اللي شمتان بالقتلى الاسبان كمان شمتان بهدول... و للا شو رأيك انت؟

مزبوط كلامك ...100% و هادد الحكي مشمول ضمن ردات الفعل ..و كلو بسبب اميركا و من لف لفها ....بزمناتو محمود درويش قال :

وأمريكا على الأسوار
تهدي كل طفل لعبة للموت عنقودية
يا هيروشيما العاشق العربي
أمريكا هي الطاعون والطاعون أمريكا
نعـسنا .. أيقظتنا الطائرات وصوت أمريكا
لأمريكا سنحفر ظلنا ..ونشخ مزيكا على تمثال أمريكا

كمان محمود درويش كان عم يتعالج بامريكا ..و انا واثق للعضم انو ما غير نظرتو للموضوع .
و كل الحركات الارهابية ( الاسلامية ) هي صناعة امركية بحتة ...خلقتها لتواجه المد الشيوعي ايام الحرب الباردة ..و هني عملاء بعلم او بدون علم ...و بنفذوا المخططات الامريكية ....تحت اشراف امريكي

ابو شريك ما انا اللي عم حمل !!! ...مسن انا لحمل !! و شو بعرفني اذا مسؤولين ولا لاء !!!..و انت شو عرفك انن ما نن مسؤولين ؟؟؟ و مين هني ابناء جلدتي !!!!!!أنا بعرف انون مانون مسؤولين.. بعرف منيح هالشي..

و أبناء جلدتك.. و الله يا أبو نهلة كل عربي طبل و زمّر للأميركان بأي لحظة من لحظات تاريخهم ( و ازا جمّعتهون يطلع تقريبا كلهون... )


قائمة الدول اللي ساهمت عسكريا بشكل مباشر او غير مباشر بتوصل ل 30 دولة ..منها دول عربية كتير مزبوط....هلأ حدا بيشمت بالقطري ؟؟ ممكن ..عادي جدا يعني ..اذ وصل الحقد عند هالبني ادم ضد القطري متل ما واصل ضد الغربي بيشمت ليش لحتى ما يشمت ..و هاي بتكون مسؤولية القطري اولا و اخيراً ..ما مسؤولية الشامت !!!

الامبريالية ما بتسب ع الامبريالية ...ما صارت ..و لا رح تصير ...و ماني فهمان شو قصدك فيها بصراحة ز

اما شو اللي عملو الاسباني و ما عملو الكويتي و السعودي فهوكتير اشيا ...كتير يعني بين جديد و قديم و القديم ممكن نسيانينو..بس الجديد قدام عيوننا ..و برجع بقلك..انو 3 دول بس ..ثلاثة ....هني اللي اتحدوا نجلس الامن ..و اتحدوا اشرعية الدولية..و اتحدوا البشرية و اعلنوا نيتهن الحرب بمعزل عن اي شي ..و وحدة من هال 3 دول هي اسبانيا !! صار ولا ما صار ؟؟؟

اي انو عادي يعني ؟؟؟ لازم يكونوا الناس مطلعين ع الشأن الداخلي الاسباني ؟؟ مطلعني شوي و بيعرفوا انو في ديموقراطية باسبانيا ..و انو الحكومة منتخبة ...و عندا اغلبية بالبرلمان ...و اخدت قرار ..شو لازم يعرفوا اكتر !!!
( صار لازم حط ملاحظات ..انا ماني عم احكي عن حالي ..انا ضد و بشدة و بعنف يعني هيك نوع من التعليقات ...و ضد مين ما كان يكون ...انا بس عم حاول اشرح بانو هيك تعليقات و حتى الاعنف من هيك بكتير هو شي طبيعي و الو اسبابو ..و غالبية اسبابو جاي من الخارج )
رئيس وزراء اسبانيا كان موجود بمؤتمر الأوزوريس.. صح مزبوط.. لكن هاد مانو وصمة عار بتاريخ الشعب الاسباني لأنو الشعب الاسباني عمل رد فعل على هالشي و عمل اللي لازم يعملو .. و هو اسقاط هالحكومة (و ها شي ما عملو أي شعب ثاني, و بس شعب عربي يعملو ابقا خبرني).


الغرب كلو جورج بوش و شلتو ..صحيح ..و الولايات المتحدة الامريكية هي بلاد تدار بنظام الحزب الواحد ذوالجناحين اليمينيين ( الكلام لنعوم تشومسكي ...يهودي اميركي ..ما كلامي هاد ) اما انو حكوماتنا هي اللي جايبة الدب لكرمها لاء اسمحلي !!! اصلا خريطة الشرق الاوسط هني اللي رسموها ..و هني اللي سمو سوريا سوريا و لبنان لبنان ...و هني اللي فايتين و قاتلين الناطور ...و اسرائيل مان من صنع العرب ...حتى لو كان في مليون واحد متل السادات بين العرب ما بيقدرو يعملوا اسرائيل !!! ...دول ضعيفة ...متفرقة مفرقة ...ما لانو نحنا هيك بدنا ..لانو هني هيك بدهن ....قلي كمان هني ضد الصهيونية ..بس ما قادرين يعملوا شي !!! ... يا زلمي ما ناقص تقلي غير انو هني عرفانين تالشعب العربي شو ناقصو بس الحوكمات العربية عم تمنعن !!!! لك ما كلو من تخطيطهن و تنفيذهن و اشرافهن !!!لك يا زلمة هاد عذر أقبح من ذنب.. و حياة عيونك أقبح بكتير...

أول شي.. الحكومات العربية مانها ضعيفة.. و لانها عميلة.. هي حكومات شريكة بكل شي عم يصير و هي المستفيد الأكبر من كل شي عم يصير..

بعدين يا زلمة صرلنا مية سنة عم نعزف ع مقطوعة انو الغرب قسّمنا و الغرب عملنا و الغرب شالنا.. طيب هاد مو دليل ضعفنا و انو مش نافعين أكتر من ما هو دليل قوة الغرب؟ شو بلانا لحتى يلعبو فينا ع كيفهون؟ لأ و اللي حامل راية الجهاد ضد الغرب صدقني انو هو أكتر واحد مستفيد منو.. و عندك مشايخ الوهابية السعودية بأبلغ مثال

تعا هلأ نقعد أنا وياك نعمل اتفاقية حشت -ياس متل سايكس بيكو, و نقسّم أميركا.. ليش ما بيطلع بايدنا ننفذ؟؟ و ليش طلع بايدهون ينفذو؟



اميركا كانمت فايتة فايتة ...بالعرب و بدونهم ..بالاتراك و بدونن ...عندا مخطط بدها تنفذو ...و بهيك مواقف في ناس زئيقيين ممكن يحاولا يستفيدوا من الموضوع ...بس انت فيك تقلي انو الشعب العربي كان مع دخوال امريكا للعراق !!!!!
طيب الشعوب الاوروبية كانت ضد !!!! ...ماني شاشف هالشي بصراحة ...و ما تقلي مظاهرات مشان الله !!
الشعوب الاوروبية غنم شي ..يعني الشعب الاميركي حمااااااااااااااااار ع الاخر !!! جددولو لبوش ...انو هني كانو ضدوا و جددولوا ؟؟ طيب ما جددولو لازنار ...وينو ؟؟؟

يا اخي طالما الاوروبيين ناس محترمين ...ليش ما بيعترضوا عند اميركا هيك اعتراض شديد اللهجة ...انو هيك شي مرة ياخدوا موقف انو اذا ما بتسكروا غوانتانامو ..و توقفو قتل الابرياء بدنا نسحب سفرائنا !!!

ارانب هني يعني ؟؟

هني يا اما ارانب ...يا اما خواريف ..يا اما شركاء !!

نقي وحدة و عطيني ياها

أي نعم الشعب العربي كان مع دخول أميركا.. و ازا ما كان مع دخول أميركا ليش ما انتفض ع حكوماتو العميلة "نظريا" لحتى يمنع تعاونها بهالشي؟ ليش القطريين ما هاجمو القاعدة الأميركية؟ ليش و ليش و ليش؟

هني يا أرانب.. يا أما خواريف.. يا اما شركاء..

كمان انت نقي وحدة و عطيني ياها.. شو رأيك؟

و الشعوب الأوربية كانت ضد الحرب, و عملت ضد الحرب و مازالت تعمل ضد الحرب.. كبوة في تاريخ البشرية انو ابن الكلب أزنار راح عالأوزوريس.. و الشعب الاسباني كفّر عن خطئو و دفع ثمنو 192 قتيل.. شو بدك أكتر من هيك كمان؟؟؟؟ ينتحرو كلهون مشان ترضى عليهون؟؟ يطلعو لسطح بناية يدبو حالهون منها؟؟ أي واحد فيهون بمجرد تصويتو لخلع أزنار عمل أكتر منك كعربي.. و لذلك ما بيطلعلك تسبو لأنو كان أشجع منك


أميركا متل ما قال نعوم تشومسكي.. و هالأمر صحيح و مزبوط.. لكن انت لسبب ما بدك تلحق كل الحضارة الغربي بهالشي و تنسى انو جزء هام جدا من المخطط الامبريالي العالمي هو عربي.. هو أثرياء النفط و أمراء الخليج العربي, هو عدد كبير من الشركاء بهالمخطط .. و اتحداك تقلي انو الشعوب العربية ما تعرف هالشي و مع ذلك بيهتفولهون بالروح بالدم عالطالعة و عالنازلة... معناتو ليش لحتى أقبل ينسب الشعب الاسباني اللي عمل أضعاف ما عملوه العربان كلهون على بعضهون, و ما يكون فيني اشير لهالازدواجية؟


مين قلك اني مسامحهن ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

و بعدين شو يعني استضافت ادوار سعيد ...الهن الشرف اصلاً ...استضافة اداور سعيد بكون بمقابلها فلسطين يعني ؟؟

انو هي معادلة يا زلمي ؟؟ فلسطين مقابل استضافة ادوار سعيد ؟؟ و برجع بقلك....على عيني و راسي من فوق كل الاحرار و الشرفاء بالعالم ...حتى الهنود يعني

بس مرة اميركية ...و لا الف مرة ..و مليون رجال ما هني اميركا ..اميركا هي ما هي عليه ..و هو الشي اللي شافينو قداما ...و برجع بقلك عطيني احتمال و احد لشو هنيك الاميركيين لنتناقش فيه ( ارانب ...غنم ...او شركاء)



لك آآآآآآآآآآآآآآآخ

المشكلة انو... و للا قلك .. مافي مشكلة.. خلص.. الغرب كلو مجموعة ولاد **** من امي و هي طالعة.. و نحنا ملائكة الله على الأرض و ولا رجس الشيطان المسمى أوربا كان نحنا هلأ أحلى حياة... هيك منيح؟؟؟



و كل الحركات الارهابية ( الاسلامية ) هي صناعة امركية بحتة ...خلقتها لتواجه المد الشيوعي ايام الحرب الباردة ..و هني عملاء بعلم او بدون علم ...و بنفذوا المخططات الامريكية ....تحت اشراف امريكيطيب ليش عم تناقض نفسك و عم تعتبر انو التنفيذ للمخططات الأميركية.. هو رد فعل على المخططات الأميركية؟؟

اللي يحط متفجرات بقطار بمدريد هو المسحوق؟؟ ياسيدي لأ و ستين لأ... المسحوق ما بيعرف وينا مدريد أصلا...

انت عم تختصر رد فعل الشعوب العربي على المد الأصولي الارهابي.. و هاد جريمة فكرية.. هدول جزء من المخطط و هاد اللي صرلي سنين عم غنيه بالطاحون.. هي هيي الامبريالية اللي تسب عالامبريالية اللي حكيت عنها فوق, و بنفس الوقت هيي جزء منها.. و الواجب هو تبيان انو مو هاد رد الفعل.. بدل تبريرو.. كونك يا أبو نهلة انت اللي عم تبررو (أو تتفهمو)... و انت أول ضحاياه.. يعني اللي نازل سبسبة عالغرب تقاه ما بيدخن الا أميركي, و ما بيركب الا سيارة أميركية, و ما بيلبس الا أميركي.. و لتسقط الامبريالية.. أي دخيلو أنا للمسحوق

بن لادن صرلو عشرين سنة بيحكي باسم فلسطين.. و كلو بيحيي بن لادن اللي هو من منتجات السي آي أي بجدارة.. و طبلو لبن لادن و زمرو لبن لادن .. شو عمل بن لادن للقضية الفلسطينية بالزبط؟؟ فيك تشرحلي؟

محمود درويش.. اللي مستشهد فيه.. أكيد يبقى بتعرف انو مكفر من قبل مشايخ التكفير, و بخبر دفنو بالجزيرة كمان لقينا تعليقات عم تطالب انو ما ينقال "الله يرحمو" لأنو الكافر لا تجوز عليه الرحمة, و انو ما يندفن بمقابر المسلمين و انو و انو ... هدول.. نفسهون هدول.. يشمتو بالمسيحي اللي بموت لأنو مسيحي.. مو لأنو غربي.. اللي عم يترحم على قتلى المسلمين في حال في قتلى مسلمين هامو دينون.. يعني انت معليه تكون خاين و ابن ******* لكن المهم تكون عامل شيخ عند ألله تبعنا... و تكون مسلم.. مشان يجوز عليك الرحمة...


لما الغريب يستوطي حيطي و يهاجمني .. قبل ما اعتب على أهل هالغريب بعتب على أخوي اللي ماسكلي أيدي لحتى آكل كفوف بدون ما أقدر أقاوم.. و وقت أقعد أسب عالغريب و على أخوي اللي خانني.. ساعتها يكون الحكي منطقي..

لكن انو أسب أهل الغريب.. و أقعد أمجّد و أهتف لأخوي اللي خانني... فمعناتا انا يا أما متخلف عقلي.. يا صفيق و دجال

ليش يقى !! ...انا بدي بلش من اسباينا ...ليش لتقلي انت منين بدي بلش !!! ( هاي على فرض انو انا اللي عم احكي..بس برجع بذكركن لانكن عم تنسوا انو ما انا ..يا جماعة ما انا اللي عم يحكي ...انا عم اعرض هيك شوية قصص ...)

بعدين مين قلك اني عم احكي ع حرب الخليج الاولى !! انا ضد الغزو العراقي للكويت..و مع استخدام القوة لانهاؤه ..متل ماني ضد الغزو الامريكي الاسباني البريطاني للعراق ومع استخدام القوة لانهاؤه !!!لأ انا ما بقلك من وين تبلش... بصراحة ما بيهمني من وين تبلش.. لكن عم قلك انو مشان يكون الكلام -بمنظوري- منطقي .. لازم تبلش من بيتك.. انت بئا بلش من وين ما بدك, ما بعتقد كتير يهمك بئا انو يكون كلامك منطقي بالنسبة الي أو لأ..

و هلأ انت اللي عم تحكي.. عم حاكي حشت نشت ما عم حاكي بن لادن (بفرض اني أرضى أحاكي بن لادن)

و الشطر الثاني هلأ هاد مو ازدواجية معايير؟؟ يعني معليه تجي أميركا تهاجم العراق و يموتو اهلو بالقصف و يتشردو و يعانو حصار 15 سنة بس لأنو انت مع سبب الحرب (كونك ضد غزو الكويت و حتى مع انهائو بالقوة), و ما تعتبر هالأمر ممارسة امبريالية كون الامبريالية اجت ع زوقها هاجمت... و بتحكيلي عن المسحوقين؟؟؟ و بتسب الاسبان؟؟؟ شو هالمنطق؟


ما عرفتك و انت برغماتي ;)

كمان محمود درويش كان عم يتعالج بامريكا ..و انا واثق للعضم انو ما غير نظرتو للموضوع .

و الله بتمنى ما تكون نظرتو هيك للموضوع... لأنو ازا معتبر انو الأميركان كلون ع بعضون شقفة ولاد كلاب و كلهون مسؤولين بلا استثناء عن مشاكل شعبو.. و بنفس الوقت يروح لعندون و يتعالج عندون و يتعامل معهون.. معناتو هو منافق و كذاب

محمود درويش تعامل حتى مع اليسار الاسرائيلي, و كانت علاقتو قوية بالحرب الشيوعي الاسرائيلي, و بالتالي استخدامو كمثال لتأكيد كلامك على انو كلهون كلاب ما بعتقد كتير ينفعك (كمان هاد رأي يعني.. )

أنا بعرف انون مانون مسؤولين.. بعرف منيح هالشي..
انت بتعرف و انا بعرف و انت بتعرف انو انا بعرف...بس في غير انا وانت بالكون ...و معذورين ...لانو ما حدا عطاهن فرصة يعرفوا ..او في حدا عطاهن فرصة يعرفوا العكس ...و اللي عطاهن هالفرصة باكدلك انو اسباني ...و حياة المعكرونة !
و أبناء جلدتك.. و الله يا أبو نهلة كل عربي طبل و زمّر للأميركان بأي لحظة من لحظات تاريخهم ( و ازا جمّعتهون يطلع تقريبا كلهون... )
و الله اللي بطبلوا و بزمروا لامريكا مانن من ابنا جلدتي ..حتى لو بكونو ابنائي يعني ...يقى لا تصنفني اذا سمحت يعني :p

رئيس وزراء اسبانيا كان موجود بمؤتمر الأوزوريس.. صح مزبوط.. لكن هاد مانو وصمة عار بتاريخ الشعب الاسباني لأنو الشعب الاسباني عمل رد فعل على هالشي و عمل اللي لازم يعملو .. و هو اسقاط هالحكومة (و ها شي ما عملو أي شعب ثاني, و بس شعب عربي يعملو ابقا خبرني).

حبيبي الله يخليك ليش مانك عم تفهم عليي !!!! حكيت كتير عن هالنقطة ...كتير حكيت ...و قلتلك انو و بنظري هاد الحكي مانو مقبول..و راجع ردود السابقة لانو تعبت و انا عيد

لك يا زلمة هاد عذر أقبح من ذنب.. و حياة عيونك أقبح بكتير...

أول شي.. الحكومات العربية مانها ضعيفة.. و لانها عميلة.. هي حكومات شريكة بكل شي عم يصير و هي المستفيد الأكبر من كل شي عم يصير..

بعدين يا زلمة صرلنا مية سنة عم نعزف ع مقطوعة انو الغرب قسّمنا و الغرب عملنا و الغرب شالنا.. طيب هاد مو دليل ضعفنا و انو مش نافعين أكتر من ما هو دليل قوة الغرب؟ شو بلانا لحتى يلعبو فينا ع كيفهون؟ لأ و اللي حامل راية الجهاد ضد الغرب صدقني انو هو أكتر واحد مستفيد منو.. و عندك مشايخ الوهابية السعودية بأبلغ مثال

لاء يا سيدي هادا ما عذر ..و مافي ذنب اصلاً ...حكوماتنا ضعيفة و بلداننا ضعيفة و مستهدفة...انا كبني ادم ..كفرد مسنهدف من الغرب...ما بعرف ليش ما بحل عن طيزي و بريحيني ...و بصراحة ما تقلي شو بلانا !!! شو بعملن يعني ؟؟؟ قوايا يا اخي .زو عندن نزعة اجرامية انا ما عندي ياها يصراحة..يعني انا لو بايدي قنبلة نووية ترى ما بتخيل اني اضربها ..و لو حتى ع جحش ..هني مستعدين يعملو هالشي ...يا زلمي اللي بيقصف المدن الالمانية بالشكل الهمجي اللي صار بالحرب العالمية التانية مستعد يعمل اكتر من هيك بكتير كتير مع اللي هني عفوا يعني ..اقل من الالمان ( بنظرن )

و اللي عم تحكي عنو حامل راية الجهاد و هون اشراتك للحركات اللي متل القاعدة يعني..سبق و قلتلك انو هني صنيعة الغرب و بنفذوا مخططاتو ....و وقت بحكي عن مخططات ما بكون قصدي ع التفاصيل شريك..عم احكي عن خطط استرايجية ..و بالمناسبة هدول ما حاملين راية الجهاد ضد الغرب ...لاء ابداً ما بعرف اذا حاملين راية اصلاً !!!


أي نعم الشعب العربي كان مع دخول أميركا.. و ازا ما كان مع دخول أميركا ليش ما انتفض ع حكوماتو العميلة "نظريا" لحتى يمنع تعاونها بهالشي؟ ليش القطريين ما هاجمو القاعدة الأميركية؟ ليش و ليش و ليش؟

هني يا أرانب.. يا أما خواريف.. يا اما شركاء..
كمان انت نقي وحدة و عطيني ياها.. شو رأيك؟


في ارانب و في خواريف و في شركاء !!

و الشعوب الأوربية كانت ضد الحرب, و عملت ضد الحرب و مازالت تعمل ضد الحرب.. كبوة في تاريخ البشرية انو ابن الكلب أزنار راح عالأوزوريس.. و الشعب الاسباني كفّر عن خطئو و دفع ثمنو 192 قتيل.. شو بدك أكتر من هيك كمان؟؟؟؟ ينتحرو كلهون مشان ترضى عليهون؟؟ يطلعو لسطح بناية يدبو حالهون منها؟؟ أي واحد فيهون بمجرد تصويتو لخلع أزنار عمل أكتر منك كعربي.. و لذلك ما بيطلعلك تسبو لأنو كان أشجع منك

سبق و جاوبتك....و ما بدي عيد كتير ..بس بدي ارجع اكدلك انو اللي صارعين الدنيا بالمحاكم الدولية ليش ما بيستخدموها مع حالن...اذا كانو شرفاء يعني ؟؟؟


أميركا متل ما قال نعوم تشومسكي.. و هالأمر صحيح و مزبوط.. لكن انت لسبب ما بدك تلحق كل الحضارة الغربي بهالشي و تنسى انو جزء هام جدا من الاالمخطط مبريالي العالمي هو عربي.. هو أثرياء النفط و أمراء الخليج العربي, هو عدد كبير من الشركاء بهالمخطط .. و اتحداك تقلي انو الشعوب العربية ما تعرف هالشي و مع ذلك بيهتفولهون بالروح بالدم عالطالعة و عالنازلة... معناتو ليش لحتى أقبل ينسب الشعب الاسباني اللي عمل أضعاف ما عملوه العربان كلهون على بعضهون, و ما يكون فيني اشير لهالازدواجية؟


حبيبي سبق و قلتلك ما انا ....ما انا اللي بلحق !!!!

هني بلتحقوا ..بايديهن و رجليهن يعني ....و شو نفط نفط نفط ؟؟؟ يا زلمي عم تقارن دول عمرها اقل من اربعين سنة عايشة ع نظام الامارة و المشيخة و خاضعة للوصاية الامريكو بريطانية ..بالدول الاوروبية ؟؟ :shock:

يا زلمي اي لمبارح كانو ما بيعرفوا يقروا و يكتبوا .....لمبارح لشافو الكهربا هدول...هدول برأيك هني الامبريالية !!!

يا زلمي ما دفاعاً عنهن ..بس يمكن هني مفكرين انو النفط لبريطتنيا و مخزنتو هون لانو دفا ..مشا نا يجمد :lol:
اي انا امبريالي اكتر منهن ..و حياة الكريم توم :frown:


لك آآآآآآآآآآآآآآآخ

المشكلة انو... و للا قلك .. مافي مشكلة.. خلص.. الغرب كلو مجموعة ولاد قحبة من امي و هي طالعة.. و نحنا ملائكة الله على الأرض و ولا رجس الشيطان المسمى أوربا كان نحنا هلأ أحلى حياة... هيك منيح؟؟؟


له يا شريك ....انا ماني عم قول هيك !!
اوروبا علاريقة بالحضارة و الثقافة .و مشان هيك مطلوب منها اكتر ....مطلوب منها انو توقف وقفة جريئة قدام حالا و تقول بكفي سرقة ....لانو الاوروبي عم ياكل لقمتو ولقمة الافريقي ( طبعا الافريقي بموت من الجوع بس ما مشكلة ! ) ..و مطلوب من اوروبا اكتر من اي حدا تاني ..انو تبلش تعوض الدول و الشعوب اللي اتضررت كتير بسبب ممارستا الاستعمارية و تعتذر اعتذار حقيقي عن كل الالام اللي سببتها للبشرية .

مطلوب من اوروبا اكتر ما مطلوب من موزمبيق ..موزمبيق بجوز ما بيعرفوا ..بس اذا الاوروبيين ما بيعرفوا معناتا ما حدا بيعرف !!

اذا الاوروبيين ما بيعرفوا انو احتلال العراق و ذبح اهلوا هو فقط ..اولا و اخيرا لسرقة نفط العراق ..معناتا في بيج بروبلم ..
و اذا الاوروبين بالذات ما وقفوا وقفة واضحة لا لبس فيها ليقولو لاميركا انو نحنا ما منشارك معكن بسلب ثروات العراق و قتل اهلو متل قطاعين طرق همجيين ....... معناتا هني فعلأ شركاء

اوروبا مطالبة اكتر بكتير من غيرا ....لانو هي اوروبا ..مثلاُ يعني .


المشكلة المختلفين عليها انك انت عم تقلي انن فعلا هني وقفوا ضد الحرب ..و انا اللي عم قولوا هو انو لاء

و انا مستند ع اساس مقارنة ...عم قارن بين كيف بتتصرف الدول و الشعوب الاوروبية وقت بكون فعلا بدها تعمل شي ..و بين الواقع .

الدول الاوروبية كتير صديقة لامريكا...و اذا وجهت شي لاميركا هو شوية انتقادات .....لك اي ازمة هيك دبلوماسية ع الخفيف ما صار حتى !! ....فرنسا و المانيا عارضو الحرب بداية ..بس مباشرة بعد ما بلشت الحرب منعرف كيف عبروا عن دعمن للولايات المتحدة الامريكية ...انو طالما صارت بحالة حرب لازم ندعما ؟؟

اسبانيا كان فيها افضل ردة فعل من حيث اسقاط حكومة ازنار ..و سحب القوات الاسبانية ...هاد كان اكتر موقف اوروبي قوي ضد الخرب ..و هو للاسف غير كافي !!!

لتوقف ضد الحرب ما بكفي انك تسحب قواتك ...ما بكفي منوب منوب


طيب ليش عم تناقض نفسك و عم تعتبر انو التنفيذ للمخططات الأميركية.. هو رد فعل على المخططات الأميركية؟؟

اللي يحط متفجرات بقطار بمدريد هو المسحوق؟؟ ياسيدي لأ و ستين لأ... المسحوق ما بيعرف وينا مدريد أصلا...

يا مان هاد هو المخطط الاميركي !!! وين التناقض ؟؟ انو هو اللي حط المتفجرات بقطار مدريد..بيعرف انو هو عم ينفذ مخطط اميركي ؟؟ طبع لاء ..يا سيدي هاد مستعد يفجر حالو باميركا ..كيف بدو ينفذ مخططاتها .؟؟

و هو مسحوق ...ع الاخر ....و بعرف وين مدريد ؟ ماني فهمان وين الربط ؟؟



انت عم تختصر رد فعل الشعوب العربي على المد الأصولي الارهابي.. و هاد جريمة فكرية.. هدول جزء من المخطط و هاد اللي صرلي سنين عم غنيه بالطاحون.. هي هيي الامبريالية اللي تسب عالامبريالية اللي حكيت عنها فوق, و بنفس الوقت هيي جزء منها.. و الواجب هو تبيان انو مو هاد رد الفعل.. بدل تبريرو.. كونك يا أبو نهلة انت اللي عم تبررو (أو تتفهمو)... و انت أول ضحاياه.. يعني اللي نازل سبسبة عالغرب تقاه ما بيدخن الا أميركي, و ما بيركب الا سيارة أميركية, و ما بيلبس الا أميركي.. و لتسقط الامبريالية.. أي دخيلو أنا للمسحوق

حرام عليك يا زلمي

انا عم اختصر رد فعل الشعوب على المد الاصولي !!! انا ؟؟؟؟ و انا عم برر !!!

يا شباب ..شبكن ؟؟ لك انا ما عم برر ..في فرق كبير بين التبرير و بين التقييم !! انا عم قول انو ردود الفعل العنيفة و الهمجية ضد الغرب هو شي طبيعي ..ولازم يحدث ..نتيجة ممارسات الغرب ..و ما عم قول انو مبرر

بينما هجوم الغرب ع الشرق هو لا مبرر ولا طبيعي ...هاد اللي عم قولو ..و بس ..لا اكتر ولا اقل .



بن لادن صرلو عشرين سنة بيحكي باسم فلسطين.. و كلو بيحيي بن لادن اللي هو من منتجات السي آي أي بجدارة.. و طبلو لبن لادن و زمرو لبن لادن .. شو عمل بن لادن للقضية الفلسطينية بالزبط؟؟ فيك تشرحلي؟

ولا شي . يمكن اساء شوية للقضية ما اكتر !! بالمناسبة ليش عم تسألني ؟؟ شو دخلو بالموضوع الشب ؟؟

محمود درويش.. اللي مستشهد فيه.. أكيد يبقى بتعرف انو مكفر من قبل مشايخ التكفير, و بخبر دفنو بالجزيرة كمان لقينا تعليقات عم تطالب انو ما ينقال "الله يرحمو" لأنو الكافر لا تجوز عليه الرحمة, و انو ما يندفن بمقابر المسلمين و انو و انو ... هدول.. نفسهون هدول.. يشمتو بالمسيحي اللي بموت لأنو مسيحي.. مو لأنو غربي.. اللي عم يترحم على قتلى المسلمين في حال في قتلى مسلمين هامو دينون.. يعني انت معليه تكون خاين و ابن شرموطة لكن المهم تكون عامل شيخ عند ألله تبعنا... و تكون مسلم.. مشان يجوز عليك الرحمة...

مزبوط محمود درويش مكفر من قبل مفرزات الامبريالية و منتجاتها ...لانو فكر نضيف ..فكر انساني ..و لعلمك الامبريالية عدو الانسانية الاول ..و هني ما بحبو اعدائهن و هاد الفكر اللي عم تحكي عنو منتج امركي بحت ...و وجود اسرائيل هو احد اهم ركائزو بالمنطقة !! و حكيك باكد حكيي و ما بيتعارض معو !!



لما الغريب يستوطي حيطي و يهاجمني .. قبل ما اعتب على أهل هالغريب بعتب على أخوي اللي ماسكلي أيدي لحتى آكل كفوف بدون ما أقدر أقاوم.. و وقت أقعد أسب عالغريب و على أخوي اللي خانني.. ساعتها يكون الحكي منطقي..

لكن انو أسب أهل الغريب.. و أقعد أمجّد و أهتف لأخوي اللي خانني... فمعناتا انا يا أما متخلف عقلي.. يا صفيق و دجال


انا ما قلت اني مع السب ابداً !!! و شخصياً لا ادعو الى المسبات يعني ..بس من حيث المبدأ بشوف انو اللي جاي يعتدي عليك بيستاهل المسبة منك ...و شي عادي اذا سبيتو :lol:

هاي هيي ...سهلة يا جماعة و الله سهلة

لأ انا ما بقلك من وين تبلش... بصراحة ما بيهمني من وين تبلش.. لكن عم قلك انو مشان يكون الكلام -بمنظوري- منطقي .. لازم تبلش من بيتك.. انت بئا بلش من وين ما بدك, ما بعتقد كتير يهمك بئا انو يكون كلامك منطقي بالنسبة الي أو لأ..

و هلأ انت اللي عم تحكي.. عم حاكي حشت نشت ما عم حاكي بن لادن (بفرض اني أرضى أحاكي بن لادن)

و الشطر الثاني هلأ هاد مو ازدواجية معايير؟؟ يعني معليه تجي أميركا تهاجم العراق و يموتو اهلو بالقصف و يتشردو و يعانو حصار 15 سنة بس انت مع سبب الحرب (كونك ضد غزو الكويت و حتى مع انهائو بالقوة), و ما تعتبر هالأمر ممارسة امبريالية كون الامبريالية اجت ع زوقها هاجمت... و بتحكيلي عن المسحوقين؟؟؟ و بتسب الاسبان؟؟؟ شو هالمنطق؟


ما عرفتك و انت برغماتي ;)

مافي ازدواجية معايير الله يرضى عليك....ازدواجية المعايير وقت بتحكيعن نفس الشغلة برايين

نحنا عم نحكي عن شغلتيين برايين !!!

يعني العراق غزا الكويت ....لازم يطلع .بالقوة بالحبشيت ما بيفرق ...و طبعا بهالحالة بكون صدام حسين هو المسؤول اخلاقيا عن الضحايا

و العراق محتل من قبل امريكا ..لازم تطل بالقوة ..بالحبشيت ما بتفرق .و جورج بوش و حلفاؤه مسؤولين اخلاقياً عن الضحايا ...حتى لو سقطو بمدريد

يا شباب ..شبكن ؟؟ لك انا ما عم برر ..في فرق كبير بين التبرير و بين التقييم !! انا عم قول انو ردود الفعل العنيفة و الهمجية ضد الغرب هو شي طبيعي ..ولازم يحدث ..نتيجة ممارسات الغرب ..و ما عم قول انو مبررأبو نهلة هي النقطه الأساس... نحنا لهلأ مو عرفانين انت شو اسمو يلي عم تحكيه... منقلك عم تبرر بتقول لاء .. منقلك عم تدافع بتقول لاء ..منقلك عم تتبنى هالرأي بتقول لاء...

طيب فهمني شو يعني انك عم تقول انو هالحكي طبيعي؟؟ شو بتعني كلمة طبيعي؟؟ تبرير أما دفاع أما تبني؟؟

كلمة طبيعي وصف بمثابة الحكم مو تقييم... انت عم تحكم مو عم تقييم...

أبو نهلة هي النقطه الأساس... نحنا لهلأ مو عرفانين انت شو اسمو يلي عم تحكيه... منقلك عم تبرر بتقول لاء .. منقلك عم تدافع بتقول لاء ..منقلك عم تتبنى هالرأي بتقول لاء...

طيب فهمني شو يعني انك عم تقول انو هالحكي طبيعي؟؟ شو بتعني كلمة طبيعي؟؟ تبرير أما دفاع أما تبني؟؟

كلمة طبيعي وصف بمثابة الحكم مو تقييم... انت عم تحكم مو عم تقييم...


اهاااااااااااااااااااا شو يعني كلمة طبيعي !!

الطبيعي يا سيدي هو شغلة متل انو تجيب بلور و تضربو بمطرقة ...لوح بلور عادي ..زجاج يعني ..جيبو و هبدو بمطرقة هيك بعزم يعني ...شو بصير ؟؟

بينكسر ....طيب هاد ما شي طبيعي ؟؟

طيب انو وقت بقول انو شي طبيعي ينكسر البلور اذا ضربتو بمطرقة بكون عم بررلوا !!

بكون قلت عن انكسار البلور شي صح او غلط ؟؟

بكون اهنت المطرقة مثلاً ؟؟ او مدحت البلور ؟؟

بكون عم قول انو البلور انكسر لانك ضربتو بالمطرقة ..و هاد شي طبيعي !!

مافي ازدواجية معايير الله يرضى عليك....ازدواجية المعايير وقت بتحكيعن نفس الشغلة برايين

نحنا عم نحكي عن شغلتيين برايين !!!

يعني العراق غزا الكويت ....لازم يطلع .بالقوة بالحبشيت ما بيفرق ...و طبعا بهالحالة بكون صدام حسين هو المسؤول اخلاقيا عن الضحايا

و العراق محتل من قبل امريكا ..لازم تطل بالقوة ..بالحبشيت ما بتفرق .و جورج بوش و حلفاؤه مسؤولين اخلاقياً عن الضحايا ...حتى لو سقطو بمدريد

معناتو انت تقول انو ضرب أميركا للعراق بحرب الخليج الأولى هو أمر مبرر؟ اشرحلي ياها دخيل عينك

اهاااااااااااااااااااا شو يعني كلمة طبيعي !!

الطبيعي يا سيدي هو شغلة متل انو تجيب بلور و تضربو بمطرقة ...لوح بلور عادي ..زجاج يعني ..جيبو و هبدو بمطرقة هيك بعزم يعني ...شو بصير ؟؟

بينكسر ....طيب هاد ما شي طبيعي ؟؟

طيب انو وقت بقول انو شي طبيعي ينكسر البلور اذا ضربتو بمطرقة بكون عم بررلوا !!

بكون قلت عن انكسار البلور شي صح او غلط ؟؟

بكون اهنت المطرقة مثلاً ؟؟ او مدحت البلور ؟؟

بكون عم قول انو البلور انكسر لانك ضربتو بالمطرقة ..و هاد شي طبيعي !!


عن جد بدها اهااااااااااااااااااااااا اااااا هلأ:

على القليلة لما بدك توصف الأمور وصفها بأسمائها الصح وإلا بتبين متبني فكر طرف وعم تدافع عنو... لما تجي تسمي المطرقة والبلور لازم يكونو عن جد مطرقة وبلور...

بحالتنا هون انت واصف الشعب الأوروبي بالمطرقة.. ويلي ماعم تقتنع فيه انو هو مانو مطرقة... ياعيني وحياة الله مانو مطرقه..

برجع بقلك المشكلة انك ماعم تسمي صح وانو في شي معين مغطيلك على تقييم الأمور من منطلق منطقي...

انت ماعم تسمي الأشياء بمسياتها أبداً بالعكس انت عم تسمي البريء مطرقه والمتخلف منطقي وعم تبررلو تصرفاته " دخيلك لاترجع تقلي انك ماعم تبرر لأنو مجرد وصفك للأشياء بهالطريقة بعتبر تبرير وتبني لوجهة النظر اذا بدك"...

المطرقة والبلور توصيفات واضحة... بس العتب على التوصيف الفضفاض يلي منفصلو على قياس تخلفنا يا صاحبي.

نقطة أولى... أبو نهلة عم تحمّل أوربا أكثر من طاقتها و أكثر من مسؤوليتا بكتيييييير.. التصنيف تبع الغرب بكامل أشكالو شكل واحد مانو مزبوط... بشكل أو بآخر, الدول الأوربية مغلوبة على أمرها بدرجات متفاوتة, و محكومة بالاستابليشمنت الامبريالي بالفرض و بالقندرة... و هالشي فرض تاريخي متلو متل الاستعمار..


أوربا مدينة للولايات المتحدة بكميات هائلة من المال و العتاد و المساعدات.. لما انعمل مشروع مارشال لاعادة بناء أوربا بعد الحرب العالمية الثانية, ما انعمل لأنو الأميركان بيحبو الأوربيين (ذاتا الأميركان ما فاتو عالحرب الا لما شافو انو في تهديد حقيقي لمصالحهون.. بعد ما كانت فرنسا محتلة و لندن آكلة قصف بصواريخ الـ V2 لشبعانة.. ) انما انعمل لحتى تكون القارة العجوز محكومة فيهون و مربوطة فيهون لمية سنة لقدام أو أكثر...

مافي هلأ صناعة أوربية واحدة (عم نحكي عن صناعات ثقيلة و عليها العين) مانها محكومة من قبل الأميركان بدرجة أو بأخرى.. عندك الآيرباص مثلا.. أميركا ضامنة انو عندا أكتر من 10% من مكوناتها من انتاج أميركي, و بالتالي ما بيصير تنباع طيارة وحدة دون موافقة اميركا (و هلأ الطيارات اللي ساركوزي رح يبيعهون لسوريا, جاية موافقة اميركا عليهون.. و هاد جزء من الخبر اللي ما بعرف ليش وسائل الاعلام العربانية مخبيتو), و أوربا ما فيها و لا رح يكون فيها تنتج العشرة بالمية الباقية.. لأنو محكومة بفرض الاقتصاد..

عندك داخل الاتحاد الأوربي محورين... أنصار أوربا, اللي هنن غالبا أحزاب الاشتراكية الديمقراطية و كتل البلدان الأوربية الكلاسيكية ما عدا بريطانيا, و عندك اللي اسمهون (الشكوكين أو غير المقتنعين: Eurosceptics)و هنن بريطانيا, بولونيا, هولندا, و أغلب دول أوربا الشرقية (و عندك اللي بدو أوربا قوية لكن بشرط تكون ضمن الاستابليشمنت الامبريالي و هنن اليمين المحافظ أمثال ساركوزي و ميركل) ... هدول بيدافعو عن انو أي اتحاد أوربي و ضروب و طراح.. لكن لكل واحد تحالفاتو الخاصة و قصصو الخاصة, و الاتحاد الأوربي بدل ما يكون مشروع اتحاد قوي لازم يكون مجلس جمعة شباب كل فترة مشان نقضي ويك اند حلو بشي مدينة.. بينما انصار أوربا هنن اللي راهنو على توحيد الاقتصاد.. و يعني جعل أوربا كتلة قوية على عكس ما هيي هلأ .. الاتحاد الأوربي هلأ كتلة هشة جدا كقوة قرار.. لأنو كل يغني على ليلاه.. و خصوصا بما يخص السياسة الخارجية... عندك من التبعية اللامحدودة للولايات المتحدة من قبل بريطانيا و دول أوربا الشرقية -هدول عظام رقبة الامبريالية صارو:lol:- للموقف المعاكس تماما اللي بتلاقيه هلأ بهاللحظة ممثل باسبانيا (كون بوش زعلان و ما بدو يحكي معنا.. مقاطعنا:p).. و الشي اللي ما منقدر ننكرو بهاللحظة هو انو قدرة أوربا على المناورة محدودة جدا, و خصوصا بمواجهة الولايات المتحدة.. و راح اعطيك مثال..

أول ما صار في عملة موحدة.. كانت أرخص من الدولار, منيح؟ و كان التوازن التجاري بتحسّن و ماشي حالو ... صار انو بالـ 2002 صار في نزاع اقتصادي بين الاتحاد الأوربي و أميركا (بصراحة ما بتذكر بالضبط ع شو) و شو عملت أميركا؟ فرضت ضريبة صغيرة كتير كتير على الوارد الأوربي على أميركا من الحديد (أوربا مصدّر كبير للحديد الخام لأميركا), يعني ضريبة تافهة كتير! أثر هالضريبة خلا اليورو يطلع فوق الدولار بفترة قياسية.. مع ما يعني هالشي من اختلال التوازن التجاري بالاتجاه الأميركي و التضخم الاقتصادي اللي هلأ هالك نفس أوربا...

بقصد من هالكلام... انو بالضغط أو التأثير... ممكن أي دولة خليجية ان قطعت النفط عن أميركا تأذيها أكتر من كل أوربا مجتمعة بالفترة الحالية, لأنو من أيام مشروع مارشال ربطوهم بالسلاسل.. و ما بخفيك في جزء كبير عاجبتو هالسلاسل اللي مربوط فيها ع أميركا... لأنو حاسس فيها ربط مصير مع دولة عظمى و حاكمة العالم, و يظل هالربط أحسن من الرهان على المجهول (هاي نظريات أثنار و شلتو...)..

لكن في جزء تاني عم يحترق بداخلو عالوضع.. بدو أوروبا تكون منارة متل ما كانت, بدو غير شي.. و عم يشتغل لغير شي لكنو محكوم بالظروف متل ما انت محكوم بالظروف و متل ما أنا محكوم بالظروف.. يعني خليني جيبلك مثال ثاباتيرو مثلا... يا أخي عندو دولة.. شو بدو يساوي؟؟ اللي بايدو عملو و انصب عليه جام غضب الامبريالية بكل قوتها (امبارح عم اسمع صحفي من أصل كوبي عايش بميامي عم يقول انو سألوه انو مين بدك يموت قبل ثاباتيرو و للا فيديل كاسترو؟ اجا قال انو لأ خلي فيديل يموت بسرعة لأنو حرام هاد شيخ.. بس ثاباتيرو الارهابي خلي يجيه سرطان و يموت ببطء.. تسالي أكتر) .. فبعتقد انو موقف الشعب الاسباني هو أقصى ما يمكن فعله في هذه الظروف.. و ما بأيدو يعمل أكتر .. و بالتالي لو كل واحد يعمل أقصى ما يمكنه عمله كان يجوز مشي الحال.. يجوز انت ما فارقة معك بليرة انو يكون طالع الجيش من العراق كقرار أول الو.. و انو هالأمر كلفو عداوة أنصار أميركا داخل الاتحاد الأوربي, و انو حتى أخلاقيا كان ردة فعل تستحق الاحترام.. بس أنا بعتقد انو يستاهل رفع قبعة... لأنو ما بتذكر بالتاريخ انو شعب خجل من حاكمو لأنو أذى غير شعب..


عدا عن انو في اعتبارات سياسية لازم تؤخذ بعين الاعتبار.. يعني بالنهاية الحاكم هو حاكم لشعبو, و الخطاب السياسي يكون بالداخل و للداخل.. و مو كل شي سياسة خارجية... و هاد سبب كتير لوجود حكام يجوز انت بمنظورك أسوء من الكلاب الجربانة عالعرب.. لكن هنن حكام لشعبون. .ازا منيحين بمنظور معين مع شعبون.. ما فيك تطالب انو يكون منيح معك بنفس القوة... و لما شعب يطيّر حاكم كان منيح معو (بالمنظور الاقتصادي للطبقة الوسطى فما فوق.. أثنار كان كبير كتير و أعاد الاقتصاد الاسباني الى الواجهة) بس لأنو كان عاطل معك... فيجوز بدها وقفة و صفنة.. هل يا ترى انت رح تعمل نفس الشي لو كنت مطرحو؟؟

عن جد بدها اهااااااااااااااااااااااا اااااا هلأ:

على القليلة لما بدك توصف الأمور وصفها بأسمائها الصح وإلا بتبين متبني فكر طرف وعم تدافع عنو... لما تجي تسمي المطرقة والبلور لازم يكونو عن جد مطرقة وبلور...

بحالتنا هون انت واصف الشعب الأوروبي بالمطرقة.. ويلي ماعم تقتنع فيه انو هو مانو مطرقة... ياعيني وحياة الله مانو مطرقه..

برجع بقلك المشكلة انك ماعم تسمي صح وانو في شي معين مغطيلك على تقييم الأمور من منطلق منطقي...

انت ماعم تسمي الأشياء بمسياتها أبداً بالعكس انت عم تسمي البريء مطرقه والمتخلف منطقي وعم تبررلو تصرفاته " دخيلك لاترجع تقلي انك ماعم تبرر لأنو مجرد وصفك للأشياء بهالطريقة بعتبر تبرير وتبني لوجهة النظر اذا بدك"...

المطرقة والبلور توصيفات واضحة... بس العتب على التوصيف الفضفاض يلي منفصلو على قياس تخلفنا يا صاحبي.


على فكرة انت عندك مشكلة ...اقسملك بالكولا يعني !

اخي انا ما سميت شي !!

انت سالتني شو يعني طبيعي و عطيتك مثال لتوصلك فكرة شو يعني طبيعي ... و كان ممكن جبلك بدل المطرقة و البلور ..الحبشيت و الصبعو ...مثلاص يعني

انا ما شبهت حدىى بالمطرقة ولا شبهت حدا بالبلور...انت حبيت تفهم هيك ..و انا اسف يعني ..ما فيني اخدمك بشي اكتر من هيك

تحياتي الخسية :D

على فكرة انت عندك مشكلة ...اقسملك بالكولا يعني !

اخي انا ما سميت شي !!

انت سالتني شو يعني طبيعي و عطيتك مثال لتوصلك فكرة شو يعني طبيعي ... و كان ممكن جبلك بدل المطرقة و البلور ..الحبشيت و الصبعو ...مثلاص يعني

انا ما شبهت حدىى بالمطرقة ولا شبهت حدا بالبلور...انت حبيت تفهم هيك ..و انا اسف يعني ..ما فيني اخدمك بشي اكتر من هيك

تحياتي الخسية :D

بالفعل عندي مشكل كبير.. وجزء من هالمشكل انو ماعم افهم واحد صرلو 3 أيام عم يدافع عن ناس لانو مأيدون ولا بيحترمون ولا نو معترف فيون انون صح.. عن جد ماعم افهم..

وين المشكل الأحلى انو اذا بجبلك الاسقاط تبعك تبع البلور والمطرقه وبناقشو بطلع ماني فهمان شي... طيب خيو في مجال تتكرم علينا بشي اسقاط برأيك بيناسب هالحالة المرة الجاية مشان اذا ناقشتك فيه ما إطلع بدي علاج نفسي؟؟

انت ملاحظ معي انو بنقاشنا معك كلياتنا ماعم نقدر نناقشك بنقطة ويطلع هيك قصدك فيها؟؟ يعني هلئ اذا بقتبسلك كل ردودك مابتلاقي أكتر من كلمة " موهيك قصدي" و "ماقلت هيك" "ومافهمتو عليي" قولك معقول كلياتنا فينا شي؟؟


تحياتي من سوق الخضرا :lol:

نقطة أولى... أبو نهلة عم تحمّل أوربا أكثر من طاقتها و أكثر من مسؤوليتا بكتيييييير.. التصنيف تبع الغرب بكامل أشكالو شكل واحد مانو مزبوط... بشكل أو بآخر, الدول الأوربية مغلوبة على أمرها بدرجات متفاوتة, و محكومة بالاستابليشمنت الامبريالي بالفرض و بالقندرة... و هالشي فرض تاريخي متلو متل الاستعمار..


أوربا مدينة للولايات المتحدة بكميات هائلة من المال و العتاد و المساعدات.. لما انعمل مشروع مارشال لاعادة بناء أوربا بعد الحرب العالمية الثانية, ما انعمل لأنو الأميركان بيحبو الأوربيين (ذاتا الأميركان ما فاتو عالحرب الا لما شافو انو في تهديد حقيقي لمصالحهون.. بعد ما كانت فرنسا محتلة و لندن آكلة قصف بصواريخ الـ V2 لشبعانة.. ) انما انعمل لحتى تكون القارة العجوز محكومة فيهون و مربوطة فيهون لمية سنة لقدام أو أكثر...

مافي هلأ صناعة أوربية واحدة (عم نحكي عن صناعات ثقيلة و عليها العين) مانها محكومة من قبل الأميركان بدرجة أو بأخرى.. عندك الآيرباص مثلا.. أميركا ضامنة انو عندا أكتر من 10% من مكوناتها من انتاج أميركي, و بالتالي ما بيصير تنباع طيارة وحدة دون موافقة اميركا (و هلأ الطيارات اللي ساركوزي رح يبيعهون لسوريا, جاية موافقة اميركا عليهون.. و هاد جزء من الخبر اللي ما بعرف ليش وسائل الاعلام العربانية مخبيتو), و أوربا ما فيها و لا رح يكون فيها تنتج العشرة بالمية الباقية.. لأنو محكومة بفرض الاقتصاد..

عندك داخل الاتحاد الأوربي محورين... أنصار أوربا, اللي هنن غالبا أحزاب الاشتراكية الديمقراطية و كتل البلدان الأوربية الكلاسيكية ما عدا بريطانيا, و عندك اللي اسمهون (الشكوكين أو غير المقتنعين: Eurosceptics)و هنن بريطانيا, بولونيا, هولندا, و أغلب دول أوربا الشرقية (و عندك اللي بدو أوربا قوية لكن بشرط تكون ضمن الاستابليشمنت الامبريالي و هنن اليمين المحافظ أمثال ساركوزي و ميركل) ... هدول بيدافعو عن انو أي اتحاد أوربي و ضروب و طراح.. لكن لكل واحد تحالفاتو الخاصة و قصصو الخاصة, و الاتحاد الأوربي بدل ما يكون مشروع اتحاد قوي لازم يكون مجلس جمعة شباب كل فترة مشان نقضي ويك اند حلو بشي مدينة.. بينما انصار أوربا هنن اللي راهنو على توحيد الاقتصاد.. و يعني جعل أوربا كتلة قوية على عكس ما هيي هلأ .. الاتحاد الأوربي هلأ كتلة هشة جدا كقوة قرار.. لأنو كل يغني على ليلاه.. و خصوصا بما يخص السياسة الخارجية... عندك من التبعية اللامحدودة للولايات المتحدة من قبل بريطانيا و دول أوربا الشرقية -هدول عظام رقبة الامبريالية صارو:lol:- للموقف المعاكس تماما اللي بتلاقيه هلأ بهاللحظة ممثل باسبانيا (كون بوش زعلان و ما بدو يحكي معنا.. مقاطعنا:p).. و الشي اللي ما منقدر ننكرو بهاللحظة هو انو قدرة أوربا على المناورة محدودة جدا, و خصوصا بمواجهة الولايات المتحدة.. و راح اعطيك مثال..

أول ما صار في عملة موحدة.. كانت أرخص من الدولار, منيح؟ و كان التوازن التجاري بتحسّن و ماشي حالو ... صار انو بالـ 2002 صار في نزاع اقتصادي بين الاتحاد الأوربي و أميركا (بصراحة ما بتذكر بالضبط ع شو) و شو عملت أميركا؟ فرضت ضريبة صغيرة كتير كتير على الوارد الأوربي على أميركا من الحديد (أوربا مصدّر كبير للحديد الخام لأميركا), يعني ضريبة تافهة كتير! أثر هالضريبة خلا اليورو يطلع فوق الدولار بفترة قياسية.. مع ما يعني هالشي من اختلال التوازن التجاري بالاتجاه الأميركي و التضخم الاقتصادي اللي هلأ هالك نفس أوربا...

بقصد من هالكلام... انو بالضغط أو التأثير... ممكن أي دولة خليجية ان قطعت النفط عن أميركا تأذيها أكتر من كل أوربا مجتمعة بالفترة الحالية, لأنو من أيام مشروع مارشال ربطوهم بالسلاسل.. و ما بخفيك في جزء كبير عاجبتو هالسلاسل اللي مربوط فيها ع أميركا... لأنو حاسس فيها ربط مصير مع دولة عظمى و حاكمة العالم, و يظل هالربط أحسن من الرهان على المجهول (هاي نظريات أثنار و شلتو...)..

لكن في جزء تاني عم يحترق بداخلو عالوضع.. بدو أوروبا تكون منارة متل ما كانت, بدو غير شي.. و عم يشتغل لغير شي لكنو محكوم بالظروف متل ما انت محكوم بالظروف و متل ما أنا محكوم بالظروف.. يعني خليني جيبلك مثال ثاباتيرو مثلا... يا أخي عندو دولة.. شو بدو يساوي؟؟ اللي بايدو عملو و انصب عليه جام غضب الامبريالية بكل قوتها (امبارح عم اسمع صحفي من أصل كوبي عايش بميامي عم يقول انو سألوه انو مين بدك يموت قبل ثاباتيرو و للا فيديل كاسترو؟ اجا قال انو لأ خلي فيديل يموت بسرعة لأنو حرام هاد شيخ.. بس ثاباتيرو الارهابي خلي يجيه سرطان و يموت ببطء.. تسالي أكتر) .. فبعتقد انو موقف الشعب الاسباني هو أقصى ما يمكن فعله في هذه الظروف.. و ما بأيدو يعمل أكتر .. و بالتالي لو كل واحد يعمل أقصى ما يمكنه عمله كان يجوز مشي الحال.. يجوز انت ما فارقة معك بليرة انو يكون طالع الجيش من العراق كقرار أول الو.. و انو هالأمر كلفو عداوة أنصار أميركا داخل الاتحاد الأوربي, و انو حتى أخلاقيا كان ردة فعل تستحق الاحترام.. بس أنا بعتقد انو يستاهل رفع قبعة... لأنو ما بتذكر بالتاريخ انو شعب خجل من حاكمو لأنو أذى غير شعب..


عدا عن انو في اعتبارات سياسية لازم تؤخذ بعين الاعتبار.. يعني بالنهاية الحاكم هو حاكم لشعبو, و الخطاب السياسي يكون بالداخل و للداخل.. و مو كل شي سياسة خارجية... و هاد سبب كتير لوجود حكام يجوز انت بمنظورك أسوء من الكلاب الجربانة عالعرب.. لكن هنن حكام لشعبون. .ازا منيحين بمنظور معين مع شعبون.. ما فيك تطالب انو يكون منيح معك بنفس القوة... و لما شعب يطيّر حاكم كان منيح معو (بالمنظور الاقتصادي للطبقة الوسطى فما فوق.. أثنار كان كبير كتير و أعاد الاقتصاد الاسباني الى الواجهة) بس لأنو كان عاطل معك... فيجوز بدها وقفة و صفنة.. هل يا ترى انت رح تعمل نفس الشي لو كنت مطرحو؟؟

على عيني عمي ياس

جميل هاد الحكي ..منطقي ..معقول .. و هو بالتلخيص بيقسم اوروبا بين ارانب و خواريف و شركاء!!! بعيد التشابيه يعني .

انا ترى ما عندي رغبة حمل اي حدا فوق طاقتو ..و كمان ما عندي اي قدرة انو حدى يحملني فوق طاقتي !
( وماني عم احكي عن حالي ..مشان ما حدا يرجع يقلي انو انا ...يا اخي ما انا ..انا شخصيا طالما الدخان متوفر و المعكرونة موجودة ترى ما بدي شي من الدنيا ...ما فارقة معي منوب يعني , في حال صار اي عمل امبريالي معادي للدخان او المعكرونة..او حنى نانسي عجرم وقتها باخد موقف شخصي )

و تحياتي الامبريالية :D

على عيني عمي ياس

جميل هاد الحكي ..منطقي ..معقول .. و هو بالتلخيص بيقسم اوروبا بين ارانب و خواريف و شركاء!!! بعيد التشابيه يعني .

انا ترى ما عندي رغبة حمل اي حدا فوق طاقتو ..و كمان ما عندي اي قدرة انو حدى يحملني فوق طاقتي !
( وماني عم احكي عن حالي ..مشان ما حدا يرجع يقلي انو انا ...يا اخي ما انا ..انا شخصيا طالما الدخان متوفر و المعكرونة موجودة ترى ما بدي شي من الدنيا ...ما فارقة معي منوب يعني , في حال صار اي عمل امبريالي معادي للدخان او المعكرونة..او حنى نانسي عجرم وقتها باخد موقف شخصي )

و تحياتي الامبريالية :D

شلون زبطت معك التقسيم على أرانب و خواريف و شركاء؟ :?

شلون زبطت معك التقسيم على أرانب و خواريف و شركاء؟ :?....

من الشرح تبعك ...في اللي الشباب المبسوطين بالوضع ..و في الي مانن مبسوطين وما قادرين يعملو شي ..و في الخيخة اللي يا بيلحقوا هاد يا بيلحقوا هاد

يعني يا ارانب ..يا خواريف ..يا شركاء !!

....

من الشرح تبعك ...في اللي الشباب المبسوطين بالوضع ..و في الي مانن مبسوطين وما قادرين يعملو شي ..و في الخيخة اللي يا بيلحقوا هاد يا بيلحقوا هاد

يعني يا ارانب ..يا خواريف ..يا شركاء !!

هلأ اللي مانو مبسوط, و عمل اللي بأيدو و مافينو يعمل أكتر... صار خروف؟؟ :?

معناتو كيف تقسيم الشعب العربي عندك؟ مشان أعرف مو مشان شي

هلأ اللي مانو مبسوط, و عمل اللي بأيدو و مافينو يعمل أكتر... صار خروف؟؟ :?

معناتو كيف تقسيم الشعب العربي عندك؟ مشان أعرف مو مشان شي

اي شريك هاد Brave sheep :oops:

بالنسبة لتقسيم الشعب العربي هاد اختصاص غربي بحت ..يعني هني شاطرين بهيك قصص ...نازلين تقسيم فيه من زمااااااااااااااان ..بقى شوف اذا بشي مركز ثقافي اميركي باسباينا ..الا ما يلتقى عندن هيك شي كاتالوج :lol:

اي شريك هاد Brave sheep :oops:

بالنسبة لتقسيم الشعب العربي هاد اختصاص غربي بحت ..يعني هني شاطرين بهيك قصص ...نازلين تقسيم فيه من زمااااااااااااااان ..بقى شوف اذا بشي مركز ثقافي اميركي باسباينا ..الا ما يلتقى عندن هيك شي كاتالوج :lol:

لأ بس أنا بدي تقسيمك انت.. طالما قسّمت شعوب أوربا.. فبدي شو نفس المعيار حول تقسيم الشعوب العربية..

شغلة تانية بدي ياها ما تفوت

يعني العراق غزا الكويت ....لازم يطلع .بالقوة بالحبشيت ما بيفرق ...و طبعا بهالحالة بكون صدام حسين هو المسؤول اخلاقيا عن الضحايا


انت هون كنت مع ضرب العراق بعد غزو الكويت, و بالتالي كنت مع انو تجي أميركا من بعد 20 ألف كيلومتر و تعمل شرطي العالم عند ربنا... طيب هلأ ليش مو هاد ازدواجية معايير؟ يعني كنت تقول انو ليش الغرب لازم فينا خليه يحل عن ربنا... لكن انت عم تقول انو اجراء غربي صار بأراضي عربية هو اجراء منطقي

صدام احتل الكويت, اجت أميركا ضربتو.. ماتو ناس كتير, و بالتالي صدام مسؤول أخلاقي عن الضحايا...

انت صاحب مبدأ... و البراغماتية عندك مسبة أو تكاد... طيب كيف هلأ فيك تقنعني انو مانك برغماتي لما تدعم ضرب دولة عربي من قبل أميركا لأنو سبب الضرب عاجبك؟ و كيف ترضى انو أميركا تضرب بلد احتل بلد تاني لما هيي عملت نفس الشي بهايتي و ببنما؟ ليش عم تستخدم المبدأ غير المزعزع لما عم تحمّل كل شعوب كل حكومات الغرب مسؤوليات اللي عم يصير و تبعياتها, و تقسمهون خواريف و أرانب و شركاء.. و بنفس الوقت عم تدعم تدخّل غربي بالمنطقة لأنو سبب التدخل عجبك؟؟ شو أتفقنا؟ مبدأ و للا براغماتية؟ و للا كلاهما حسب الموقف؟؟

و سؤال أخير... بعز دين الاجتياح السوفيتي لأفغانستا, سوريا كانت حبيبة قلب السوفييت, و اشتغلت كتير المخابرات السورية لكبح الأفغان العرب و حركة دعم طالبان و كل هالحكي... شو رأيك ازا شي أفغاني من ضحايا الغزو السوفيتي سمع انو -لاسمح الله- صرلك شي, و كـ سوري صار يشمت فيك.. بهالحالة انت شو بتقول؟


نفس الحكي على الشيشاني اللي انضرب من قبل روسيا.. أو الجورجاوي اللي مات تحت القصف الروسي (كون الرئيس السوري أعلن دعمو الكامل للموقف الروسي)...

بالفعل عندي مشكل كبير.. وجزء من هالمشكل انو ماعم افهم واحد صرلو 3 أيام عم يدافع عن ناس لانو مأيدون ولا بيحترمون ولا نو معترف فيون انون صح.. عن جد ماعم افهم..

وين المشكل الأحلى انو اذا بجبلك الاسقاط تبعك تبع البلور والمطرقه وبناقشو بطلع ماني فهمان شي... طيب خيو في مجال تتكرم علينا بشي اسقاط برأيك بيناسب هالحالة المرة الجاية مشان اذا ناقشتك فيه ما إطلع بدي علاج نفسي؟؟

انت ملاحظ معي انو بنقاشنا معك كلياتنا ماعم نقدر نناقشك بنقطة ويطلع هيك قصدك فيها؟؟ يعني هلئ اذا بقتبسلك كل ردودك مابتلاقي أكتر من كلمة " موهيك قصدي" و "ماقلت هيك" "ومافهمتو عليي" قولك معقول كلياتنا فينا شي؟؟


تحياتي من سوق الخضرا :lol:

يا حبيبي لانك مانك عم تفهم ...و ما بقدر ساعدك اذا ما بدك تفهم يعني !!

انا ماني عم دافع عنن اصلاً ...وين شفتني عم دافع عنن يا زلمي ؟؟ بشرفك حطلي اقتباس ...و حاج تألف ع لساني مشان البيتنجان

تاني شي ..مين اسقاط حبيبي ؟؟ ضروري كل شغلة حطلك الرد مرتين ؟؟ ما عندي اسقاطات ..مانو متحمل اسقاطات الموضوع اصلاً..و اصلاً انا ما سقطت شي !!

و بالفعل في مشكلة ..انو مانكن عم تفهموا عليي ..و المشكلة اكيد ما عندي !!!

ولا عمي صرت ملخصلك الموضوع شي سبع مرات ..زرجاع قرا الموضوع و سألني تحديداً شو اللي ما فهمتو و شو اللي زاعجك !! ما تجيني برد هيك هموميات شغل الله حيك ..و شغل انو و الله افحمتني !!

تحياتي المسلوقة :D

يا حبيبي لانك مانك عم تفهم ...و ما بقدر ساعدك اذا ما بدك تفهم يعني !!هو اذا هيك صار الحكي معناها لازم تعرف انو انا كمان شايفك ماعم تفهم ولا عم تحاول تفهم....

و بالفعل في مشكلة ..انو مانكن عم تفهموا عليي ..و المشكلة اكيد ما عندي !!! شلون تأكدت بلا صغرة؟؟
حلوة هي واحد عم يحكي فكرة.. وكذا واحد عم يناقشو فيها بيطلعو هنن ما عم يفهمو وهو الفهيم يلي بيناتون..

بقية المشاركة والأفكار يلي فيها تركتلك ياها.. لأنو بعاد عن بعض كتير اذا هيك طريقة الحوار...


على فكرة في كم رد بموضوع غزة بعدون ناطرينك...

وياهلا.

أنا شايف كلام أبو نهلا وكلام ياسين فيهم كتير من المنطقية والصواب

وتيناتون بيحملو الصواب . بس كل وحدة قريانة الصورة من زاوية مختلفة .

حوار ياس - هشت نشت كتير عجبني (على الرغم من انو واخد اتجاهين متضادين تماما) بس من فترة ما شفنا حوار بهالسخونة بين طرفين من المؤسسين لهالصرح ،

بدي اشترك عند هالنقطة (بس شو رئيك ياس ابلش من الاخر ولا ارجع اجيب من الاول ؟)

اول شي بالنسبة للخبر اكيد ما فيني قول غير الله يرحمهن والموقف موجع

بالنسبة لنقاش ياسين وابو نهلة فبدي بس عقب بشي بسيط....هلق المشكلة انو كتار مو مستوعبين انو مو الكل مثقف وانو مو الكل فيو يكون منطقي ....يعني شخص تربى بشكل معين وعاش بمجتمع معين ولنقول انو هالمجتمع فيو تعصب لدرجة معينة فهوي رح يربى على هالتعصب ...فهون بدي قول اذا شخص ما اتيحت الو الفرصة ليغير اسلوب حياتو ونمطو وكان كل احتكاكو بفئة معينة غالبا رح يكون تفكيرو بيشبه تفكير هالفئة....فيعني انا بكل يللي قريتو ما شفت انو ابو نهلة بيبرر بالعكس يللي شفتو انو هوي عم يحاول يوصل فكرة كتير بسيطة وهيي انو الشعب العربي اول شي شعب بيفكر بعواطفو تجاه ابناء جلدتو كدرجة اولى فاذا صار حدث أوّلي فيو تدمير للعرب وحدث بعديه شي بيمس الغرب اكيد رح يكون في تحامل عالغرب لانو الطبيعة هون رح بتميل للشي الاقرب ولو انو الانسانية هيي الاعم....

يعني يا خيي لقلك هلق نحنا عنا بالبيت بشكل عام احداث 11 سبتمبر كانت ردة الفعل عليها كتير قوية والكل فرح وانبسط وقال انو اخيرا امريكا لقت اللي يحطا براسو و و و وهلق رح يدوقوا الامريكان شوي من يللي داقوه الفلسطينية فهون حتى ما حكو اي دولة تانية لانو نحنا فلسطينية فكان اول شي اتزكروه مع التدمير يللي صار بالبرجين الدمار يللي صار بفلسطين ...لانو العقل الباطن عندن استدعى الحدث القريب لقلبن ويللي بخصن...صح انسانيا ما الن دخل وناس ابرياء وممكن ما كانوا بيسمعوا بشي اسمو فلسطين وفي كتار وكتار كتير كمان منن بفكر انو اسرائيل الضحية وفلسطين المجرم فيعني الشعب الامريكي نوعا ما ما بينلام انا بالبداية كان تفكيري ذاتو تفكير اهلي بس بعد ما شوي وعيت وبعد ما صرت اقرا وصار عندي اطلعا اكتر انحسر موجة التفكير الطائفي وصارت نظرتي انسانية اكتر ...فيعني اذا ما صار نصيب وتوعيت شو كنت رح قول غير انو ربنا ينتقم منهم وشو كنت رح قول غير قلبي برد لما صار فيهن هيك!!!!
بس لو فينا نحاول نوصل لفكرتو ل ابو نهلة بنلاقي انو بدو يقول انو الشعب اول شي هاي ردة فعل تجاه مواقف مختزنة بعقل العرب هاد اول شي
وانو خلاصة التربية واسلوب الحياة والامور والقواعد والمبادئ يللي اتشربها الانسان بتكون ردة فعلو هاد تاني شي

وانو الفعل مو اخلاقي ولكن لما نفكر فيه رح نقدر نفهمو ونحللو مو نبررو وكل يللي حكاه كان مجرد تحليل ومحاولة فهو لكل اطراف الموضوع....

واخر شي تعازي الحارة بكل يللي توفو وبزميلاتك ياسين

لأ بس أنا بدي تقسيمك انت.. طالما قسّمت شعوب أوربا.. فبدي شو نفس المعيار حول تقسيم الشعوب العربية..

شغلة تانية بدي ياها ما تفوت



انت هون كنت مع ضرب العراق بعد غزو الكويت, و بالتالي كنت مع انو تجي أميركا من بعد 20 ألف كيلومتر و تعمل شرطي العالم عند ربنا... طيب هلأ ليش مو هاد ازدواجية معايير؟ يعني كنت تقول انو ليش الغرب لازم فينا خليه يحل عن ربنا... لكن انت عم تقول انو اجراء غربي صار بأراضي عربية هو اجراء منطقي

صدام احتل الكويت, اجت أميركا ضربتو.. ماتو ناس كتير, و بالتالي صدام مسؤول أخلاقي عن الضحايا...

انت صاحب مبدأ... و البراغماتية عندك مسبة أو تكاد... طيب كيف هلأ فيك تقنعني انو مانك برغماتي لما تدعم ضرب دولة عربي من قبل أميركا لأنو سبب الضرب عاجبك؟ و كيف ترضى انو أميركا تضرب بلد احتل بلد تاني لما هيي عملت نفس الشي بهايتي و ببنما؟ ليش عم تستخدم المبدأ غير المزعزع لما عم تحمّل كل شعوب كل حكومات الغرب مسؤوليات اللي عم يصير و تبعياتها, و تقسمهون خواريف و أرانب و شركاء.. و بنفس الوقت عم تدعم تدخّل غربي بالمنطقة لأنو سبب التدخل عجبك؟؟ شو أتفقنا؟ مبدأ و للا براغماتية؟ و للا كلاهما حسب الموقف؟؟

و سؤال أخير... بعز دين الاجتياح السوفيتي لأفغانستا, سوريا كانت حبيبة قلب السوفييت, و اشتغلت كتير المخابرات السورية لكبح الأفغان العرب و حركة دعم طالبان و كل هالحكي... شو رأيك ازا شي أفغاني من ضحايا الغزو السوفيتي سمع انو -لاسمح الله- صرلك شي, و كـ سوري صار يشمت فيك.. بهالحالة انت شو بتقول؟


نفس الحكي على الشيشاني اللي انضرب من قبل روسيا.. أو الجورجاوي اللي مات تحت القصف الروسي (كون الرئيس السوري أعلن دعمو الكامل للموقف الروسي)...


لا بالله يا شريك ..لا براغماتية ولا بلوط .....دولة هي الكويت ..فاقو الصبح لقو مافي لا دولة ولا كويت ..شو بيعملوا ؟؟

طلبوا المساعدة من اصدقائن ....و تحت جناح الشرعية الدولية ...قرار من مجلس الامن هالقد قدو ...و شارك بحرب تحرير الكويت شي 300 دولة ....وين المشكلة لحد هون بالتحديد يعني ؟؟

مافي مشكلة ابداً ...و ما ضروري اذا ما كنا براغماتيين انو نكون دوغمائيين يعني ....ما شرط ابداً
و ما الموضوع انو الموقف يعجبني ...يمكن ما يكون عاجبني ! شو خص يعني ؟؟

انا ماني ضد انو امريكا تدخل بقرار من مجلس الامن لتحرر بلد محتلة عسكرياً ..بالعكس ..انا ادعو من هذا المنبر الولايات المتحدة انو تجي تجيب اسطولا و تحرر فلسطين ...هيك تجي تقصف تل ابيب بالصواريخ البالسيتة و تمهل الاسرائيلين 48 ساعة لمغادرة فلسطين ....انا كتير مع هالحكي ...و ما قلت انتي ضدو بولا وقت من الاوقات .

بس هني بالحقيقة عكس هيك تماماً و انت بتعرف هالشي ..و بتعرف اانو في فرق كبير بين تجي الولايات المتحدة عم تنفذ قرار مجلس امن بتحربر الكويت ..و بين انو تجي بقرار اميركي داعس ع مجلس الامن ..و تحتل الكويت ...كتير في فرق ..كتير كتير ...

و كل هاد يعني ..مع تحفظي ع مجلس الامن من حيث المبدأ .


هلأ بخصوص الشيشاني و الجورجي و هيك فصص يعني ...عادي شريك..عادي وطبيعي ..اذا صار و انو نحنا اذينا بشكل من الاشكال ..و انا ما عندي علم بهالشي يعني فشي طبيعي انو يعاملنا بطريقة مش ولا بد ...و الشي اللي مانو طبيعي انو يعاملنا غير هيك !

لا تحصر الموضوع بالعرب ...خود الارمن مثلاً ....انو بعد شي 100 سنة ..طايقين الاتراك شي ؟؟

اي و الله و الله ما بطيقوا يشوفوا خلقتن !!

لا بالله يا شريك ..لا براغماتية ولا بلوط .....دولة هي الكويت ..فاقو الصبح لقو مافي لا دولة ولا كويت ..شو بيعملوا ؟؟

طلبوا المساعدة من اصدقائن ....و تحت جناح الشرعية الدولية ...قرار من مجلس الامن هالقد قدو ...و شارك بحرب تحرير الكويت شي 300 دولة ....وين المشكلة لحد هون بالتحديد يعني ؟؟

مافي مشكلة ابداً ...و ما ضروري اذا ما كنا براغماتيين انو نكون دوغمائيين يعني ....ما شرط ابداً
و ما الموضوع انو الموقف يعجبني ...يمكن ما يكون عاجبني ! شو خص يعني ؟؟

انا ماني ضد انو امريكا تدخل بقرار من مجلس الامن لتحرر بلد محتلة عسكرياً ..بالعكس ..انا ادعو من هذا المنبر الولايات المتحدة انو تجي تجيب اسطولا و تحرر فلسطين ...هيك تجي تقصف تل ابيب بالصواريخ البالسيتة و تمهل الاسرائيلين 48 ساعة لمغادرة فلسطين ....انا كتير مع هالحكي ...و ما قلت انتي ضدو بولا وقت من الاوقات .

بس هني بالحقيقة عكس هيك تماماً و انت بتعرف هالشي ..و بتعرف اانو في فرق كبير بين تجي الولايات المتحدة عم تنفذ قرار مجلس امن بتحربر الكويت ..و بين انو تجي بقرار اميركي داعس ع مجلس الامن ..و تحتل الكويت ...كتير في فرق ..كتير كتير ...


يعني مع احترامي الك أنا شايفا براغماتية... و رح قلك ليش..

هلأ أي قرار مجلس أمن و شو ما بدك... بس هلأ لو ما من مصلحة أميركا تفوت تحرر الكويت.. ما كان فاتت لأنو مجلس الأمن طلب منها تدخل.. و بالتالي مصلحتك تلاقت مع مصلحة الأميركي و حققتو مراد مشترك.. و انت بهالشكل عم تشرّع انو اللي هلأ كانت مصلحتو مع أميركا انو صدام يسقط يكون تلاقى معو بهالشي.. و يكون جاب شرعيتو من مئات الآلاف من القتلى اللي ماتو ع ايد صدام... ليش أنا هلأ بدي اعتبر هدول خونة, و انت ما اعتبرك كذلك (انت كموقف اعتباري مو كـ حشت نشت) ما دام انت تعرف انو الحركة ما كانت لأنو مجلس الأمن قال هيك... لأنو لو جينا ع مجلس الأمن شو بيقول كان اسرائيل برا الجولان و ورا خط الـ 67 و كان هلأ عم نروح رحلات عالقدس الشرقية.. صح لما لأ؟؟ اذا انت بتعرف انو أميركا ما عم تشتغل من مبدأ انساني أو شرعي أو قانوني انما لمجرد المصلحة.. و عم تدعم هالشي طالما جاي لصالحك.. معناتا هاي اسما بقاموسي براغماتية.. و الله وكيلك قاموسي من النوع المنيح ما بزل عليك بحرف الله وكيلك

انت عم تقلي ما شرط تكون دوغماتي لحتى تكون براغماتي.. و أنا شايفك -كشوف شخصي- عم تروح من الدوغماتية الأشد تشددا (بموقفك من شعوب أوربا) الى البراغماتية الأكثر بطاطا (بموقفك من تحرير الكويت) .. أنا هيك شايف ها... و السماح منك يعني..

أما انو في فرق.. فو الله مافي فرق غير بانو بهديك الفترة كانت مصلحة العربان انو صدام ياكل كلاش ع وجهو.. و بالحرب الأخيرة كان بدهون ياه يسقط (لأنو كلهون استفادو من سقوطو.. حتى سوريا ازا حبيت) بس عملو عروبيين عند ربي..



هلأ بخصوص الشيشاني و الجورجي و هيك فصص يعني ...عادي شريك..عادي وطبيعي ..اذا صار و انو نحنا اذينا بشكل من الاشكال ..و انا ما عندي علم بهالشي يعني فشي طبيعي انو يعاملنا بطريقة مش ولا بد ...و الشي اللي مانو طبيعي انو يعاملنا غير هيك !

لا تحصر الموضوع بالعرب ...خود الارمن مثلاً ....انو بعد شي 100 سنة ..طايقين الاتراك شي ؟؟

اي و الله و الله ما بطيقوا يشوفوا خلقتن !!




المشكلة ازا بدنا نعامل اشخاص على مبدأ العرق أو القومية أو المبدأ... فبحياتنا ما رح نوقف تدبيح بعض (و هو ما رح نوقف تدبيح بعض فعلا.. هاد قدرنا..) بس يا أخي أنا سميني أرنب.. بس مافيني اكره حدا لعرقو أو لدينو أو لدولتو.. هلأ سميني خاين بس أنا ما بكره اسرائيلي لأنو اسرائيلي.. بصراحة يعني.. و بتجي Noa بتغني و بروح احضر الحفلة.. و يجي آموس أوز يعمل محاضرة و بروح احضرلو و اقرا كتبو.. ما بشوف مقالة لأوري أفنيري الا اقراها و أفصفصها.. لأنو بعتقد انو هاد الشي الصح.... انبطاحي زئبقي استسلامي سميها شو ما بدك..و بيني و بينك سمعان مسبات ليوم المسبات على هالموقف.. لكن أنا على ثقة انو أنا صاحب مبدأ أكتر من جماعة السيوف.. و غالبا أكثر صدقا.. و أنا - و العياذ بالله- من الناس اللي بيفكرو انو لولا المهاتما غاندي كان الانكليز لهلأ بالهند...


يبقى هيك يابو شريك.. مافيني أفهم الكره مهما كان سببو.. و الله وكيلك ربيان بين كراهية و تارات .. مو انو خلقان بالشانزلزيه يعني.. فلذلك ازا بدك ياني حل عنك بخزعبلاتي السلماوية خبرني لأنو ما بدي كون تقيل.. و أخرتها ما رح اوصل معك لنقطة لأنو ما بقدر يعني.. أي و الله و هيك...


و سلاماتي... الاسبانيولية

يا فرحت داروين

وتبرأ داروين من نظريته

لك اخي ليش لنورح لبعيد ؟؟
هي اليوم الخبر...
بقى اذا مثلا وقعت طيارة...او شي جسر...او اجى شي اعصار....بركان ..هيك قصص بتصير كانو هي استجابة لدعاء هالمستضعفين ....عرفت كيف ؟
ليش ..لانو ما قادرين يعملو شي ...ما باقي بايدن سلاح غير الدعاء و الشماتة ....و ممكن بحالات متطرفة انو تلاقي شي واحد مفجر حالو .




أنتَ يا عزيزي لا تريد أن تفهم أنَّ موضوعَنا لا يدور حولَ هذا... ولو كنتُ أتّفقُ معك في الكثير ممّا تقولُه عن السياسة الغربيّة لا عن الشّعوب كاملةً. فأنا أيضاً مثلُك أمقتُ سياسة الغرب في إبقاء بلداننا في الدرجة الثّانية والثّالثة، وهذه تدخل ضمن مصالح السّياسة الدوليّة لا الفرديّة.وإذا كانَ كلامُك صحيحاً لصحّ أن يقول كلُّ لبنانيّ أنّ الشّعبَ السوريّ شعبٌ بلا كرامةٍ ولا شرفٍ قذرٌ مثل حكومته، ولا تنسَ أنَّ حكومتنا هي منّا وفينا فالرّجاء أن تميّز بين الأمور!!!


بقى لك اخي انو تعى حط عينك بعيني ....انو وقت واحد بيشمت بالبريطانيين عموماً بدون تمييز و بعاملن كلاميا بطريقة غير انسانية ..ما احسن بالف مرة من وقت بتطلع ال b52 لتقتل العراقيين عموماً و تتعامل معن تفجيريا بطريقة حيوانة !!!
هل تريد أن تقنعَني أنَّ التعليقات جاءت ردّاً على ما فعله الغرب في العراق أو في أماكن أخرى؟! أنتَ إمّا تضحك من نفسِك أو تريد أن تبسّط الأمور!!! أخبرني منذ متى والعربُ تغار على بعضها البعض؟ وهل تريد أن تقولَ إنّ الشّماتة جاءت رداً على هذه السياسات الرّعناء؟! ما أبعدَك عن الحقيقة!!! اذهب يا سيّدي الكريم لتقرأ في تاريخ العرب والمسلمين الذين يشمتون دون أسباب... اقرأ عن مقتل آل البيت وكيف شمتَ بهم كلُّ من ذكرَ عثمانَ بن عفّان. اقرأ عن مقتل الخلفاء على يد أبنائهم وشماتة كلّ قريبٍ بهم. اقرأ علّ القراءة تنفعك لتفهم أسباب الشّماتة الحقيقيّة.
أنت تريد أن تغلّف الأبصار بالغشاوة التي لفّت عينيك لكنّك لن تستطيع ذلك، فالعربُ يشمتون بسببٍ وبغير سبب، يشمتون ببعضهم، ويشمتون بكلّ شيء بسبب مجتمعاتهم المريضة وعقائدهم الفاسدة وتربيتهم التي انحطّت منذ زمنٍ بعيد.
اقرأ عن شماتة كلّ قريبٍ وبعيد بإعدام صدّام... اقرأ عن شماتة هؤلاء أنفسهم عندما دخل هذا الرئيس التكريتيّ أرضَ الكويت... اقرأ عندما هبّت التهاليل والزغاريد بموت الرئيس الأسد... اقرأ عن كلّ شماتة وبعدَ هذا تعال حدّثني عن تصرّفات الغرب...

اذهب يا صديقي لتقرأ خطبة طارق بن زياد الحقيقيّة التي قالَ فيها: لا تتركوا لا شيخاً ولا طفلاً ولا شجرةً... لا "البحر من ورائكم والعدوّ من أمامكم" كما علّمونا في مناهجنا الرديئة... أخبرني ماذا فعل الإسبان للعرب تلك الآونة ليكونوا أعداءً... أم أنَّ كلّ غريبٍ وآخر هو عدوّ؟؟!!!!

مسكينٌ أنتَ يا صديقي على غرار الملايين الذين يحسبون أنَّ العربَ أبرياء يدافعون بشماتة أو بإرهاب عن حقّ مغتصب ويتناسون أو ينسون كم من الحقوق اغتصبها وما يزال هؤلاء العرب أنفسهم.


مين المحتل ؟
اسأل حالَك ونفسَك عن المحتلّ... تكفيك كتب التاريخ الحقيقيّة. وإذا قلتَ لي هذا من الماضي البعيد سأحدّثك عن حكوماتنا التي هي أسقط من صرماية الغرب، هل تعرف لماذا؟! لأنّ هؤلاء منّا ومن دمنا ولحمنا يفعلون بنا هكذا، فلا عتب على الغرب إذاً.
عندما احتلّت فرنسا سوريّة بحجّة الانتداب أزهرت بلادنا بشكلٍ لا مثيل له: الصّحافة والمؤسّسات والمنشآت والمطارات والجسور... لك يلعن هيك حكومة تخلّينا نستعمل جسور مبنيّة على أيّام الفرنسيّين!!!! فرنسا أقامت المدارس الحديثة والمتحرّرة في سوريّة وأنشأت منها مستعمرة حقيقيّة، وهل تعرف ماذا تعني كلمة مستعمرة؟! تعود إلى الجذر ع م ر الإعمار يا صديقي الإعمار... استعمرتنا فرنسا عن حقّ واستفادت الكثير منّا لكنّها أنشأت جيلاً مثقّفاً حراً قادراً على بناء وطن، لا مثل جيل البعث وجيل سوريّة اليوم. اقرأ عن الشخصيّات السوريّة في تلك الآونة، اقرأ عن جميع الذين بنوا سوريّة الحديثة الذين درسوا في فرنسا... يؤسفني جهلك لكلّ هذه الأمور وحديثك عن محتلّ وشماتة وأسباب... أفضّل غريباً يبني وطني ويستفيد منه على قريبٍ يمتصّ دمائي ويهدم وطني بكلّ ما فيه من جمال!!! هذا حال الحكومات العربيّة فمن هو المحتلّ يا ترى؟!!!
رحم اللهُ ترابَك يا عليّ رضي الله عنك عندما قلت: "الفقرُ في الوطن غربة والغنى في الغربة وطن"!!!!



المشهد هيك متل اذا عشرين شب نازلين ضرب بواحد ..و ضرب ع كبفك بعنب ..وين بيوجعو عم يضربوه ..و اخر شي اجا هو سبن مثلاً ..حشكلن .....قمت انت اتدايقت منو !!
انو لاء يا ابوالشباب ما بصير تحشك ..عيب عليك ...مانك مؤدب انت !!!!
اي بدو يحشك يا زلمي ...بدو يحشك لانو عم يموت ....داقت خلاقو نظامي يعني !!

لأ خيّو المشهد أنتَ رأيتَه على هذا الشّكل بسبب الغشاوة التي حدّثتك عنها، وهو ليس كذلك ويكفي ما قلتُه أعلاه عن الأسباب الحقيقيّة التي تدفع هؤلاء وتدفعك أنت لتقولَ مثلما قلتَ.
وأنا أقول لك: حشّك خيّو حشّك أنت وهنّ لشوف وين رح توصلوا... هيك هيك أنتو بزبالة هالعالم فالتحشيك لا رح يقدّم ولا يأخّر!!!

على عيني ..انت و أمثالك ...بس ما فهمت شو هو الذنب لحتى شو هو العذر..و بس تفهمني بتسليطك الضوء منبقى منتناقش باذا كان بشع اور نط .
شو هو الذّنب؟! الأخلاق المتدنّية لأصحابِك الشّامتين... قلّة الإنسانيّة أو عدمها... إلخ.

اما بخصوص ال b52 بجوز تكون اميركية ...او فلبينية ...او حتى اردنية ...بس كانت تطلع من لندن ...اي و الله وكيلك , اي و على عينك يا تاجر.....كانت ال B52 تاقلع من بريطانيا محملة بالهدايا للشعب العراقي و تنثر عليه الورود ....و هيك قصص يعني ....اما عن سؤالك منذ متى و امريكا ناطقة عسكرية باسم بريطانيا فما عندي علم يعني..بس اللي بعرفو انو اميركا ناطقة بكلشي باسم بريطانيا ..متل ما بريطانيا ناطقة بكلشي باسم اميركا !! و الفهمان يفهم .
بتعرف أنو أنت بتضحك... يا زلمة قول غلطت ما تقعد تبرر كمان... لك يلعن رب التبرير شو عم يساوي بالشعوب العربيّة... يتستّروا عالغلط لمليون سنة وما بتعرف كيف يطالعولك ألف تبرير وتبرير بس محدا يقلن غلطتوا يا شباب. لك الاعتراف بالخطأ فضيلة مو رذيلة!!!
تاني مرّة لما تحكي اعرف شو عم تحكي وجيب أمثال صحيحة مو من العلش والتخبيص تبعك.


أظنّ أنَّ هذا يكفي اليوم لينسف كلّ كلمة جئتني بها مدافعاً عن شماتتهم التي قيلت بفمك أنتَ...

نسيت قلّك أنّو اسمك "حَشتْ نَشتْ" بلهجتنا ألو معاني بتناسب تماماً للشي يللي عم بتدافع عنّو وبلا ما تعرف المعنى يكفّي الشباب الطيبة عرفوه!!!

كلمة أخيرة: بيجوز يكون ردّي منفعل بس مناسب جداً لكلماتك وردودك :D.

اذهب يا صديقي لتقرأ خطبة طارق بن زياد الحقيقيّة التي قالَ فيها: لا تتركوا لا شيخاً ولا طفلاً ولا شجرةً... لا "البحر من ورائكم والعدوّ من أمامكم" كما علّمونا في مناهجنا الرديئة...








اسف للخروج عن الموضوع
بس حبيت سجل أعجابي بالرد السابق . وخاصة هالأقتباس :larg:

أنتَ يا عزيزي لا تريد أن تفهم أنَّ موضوعَنا لا يدور حولَ هذا... ولو كنتُ أتّفقُ معك في الكثير ممّا تقولُه عن السياسة الغربيّة لا عن الشّعوب كاملةً. فأنا أيضاً مثلُك أمقتُ سياسة الغرب في إبقاء بلداننا في الدرجة الثّانية والثّالثة، وهذه تدخل ضمن مصالح السّياسة الدوليّة لا الفرديّة.
ما فهمت شو يعني فردية !!! ...مين فردية !
و للتنويه ...مقدمتك مانا راكبة مع بقية حديثك منوب ...يعني هلأ اذا منقرا كفاية ردك و منرجع لهون بالاخر منشوف هالشي كتير واضح !!

وإذا كانَ كلامُك صحيحاً لصحّ أن يقول كلُّ لبنانيّ أنّ الشّعبَ السوريّ شعبٌ بلا كرامةٍ ولا شرفٍ قذرٌ مثل حكومته، ولا تنسَ أنَّ حكومتنا هي منّا وفينا فالرّجاء أن تميّز بين الأمور!!!لاء ..ما كل لبناني ..بس بعض اللبنانين ..و هني قالوا يعني ...و حشكوا ..و حتى قتلوا عمال و عملوا كومة عمايل..صار ولا ما صار ..صار ..و نص !! و هدول اللي قالوا و عملوا و بلطوا البحر بالذات ما بهموني ..لانو ما بقدمو ولا باخروا ...الله وكيلك يعني .المهم انو ليك زياد الرحباني و ين كان ..و ليك فيروز وين كانت .


هل تريد أن تقنعَني أنَّ التعليقات جاءت ردّاً على ما فعله الغرب في العراق أو في أماكن أخرى؟! أنتَ إمّا تضحك من نفسِك أو تريد أن تبسّط الأمور!!! أخبرني منذ متى والعربُ تغار على بعضها البعض؟ وهل تريد أن تقولَ إنّ الشّماتة جاءت رداً على هذه السياسات الرّعناء؟! ما أبعدَك عن الحقيقة!!!اللي بيسمعك بفكرك واقف عند الحقيقة وشايفني بناضور :lol: ..او انك اخد وكالة الحقيقة الحصريةمثلاً !!!

اي نعم ..انا هيك عم قول ...و العرب بتغار على بعضها ..يعني اذا انت ما بتغار ما معناتو انو انت القاعدة ( ما قاعدة بن لادن قصدي ) ... و برجع بعدلك للامرة السكطعش ..انو الشماتة رد فعل طبيعي للمارسات غير طبيعية ( بكل اشكالها يعني ) من قبل الغرب.

اذهب يا سيّدي الكريم لتقرأ في تاريخ العرب والمسلمين الذين يشمتون دون أسباب... اقرأ عن مقتل آل البيت وكيف شمتَ بهم كلُّ من ذكرَ عثمانَ بن عفّان. اقرأ عن مقتل الخلفاء على يد أبنائهم وشماتة كلّ قريبٍ بهم. اقرأ علّ القراءة تنفعك لتفهم أسباب الشّماتة الحقيقيّة.عادي حبيبي عادي ...الشماتة اذا بدك صفة انسانية ....و العرب بشر ..ما بعلمي ملايكة يعني ..اذا بالتاريخ ما بدك تلاقي شماتة وين بدك تلاقي ؟؟
بعدين ليش طاعجينك العرب و المسلمين يعني ؟؟

أنت تريد أن تغلّف الأبصار بالغشاوة التي لفّت عينيك لكنّك لن تستطيع ذلك، فالعربُ يشمتون بسببٍ وبغير سبب، يشمتون ببعضهم، ويشمتون بكلّ شيء بسبب مجتمعاتهم المريضة وعقائدهم الفاسدة وتربيتهم التي انحطّت منذ زمنٍ بعيد.كذب + افتراء + عنصرية

انت عم تتهم مجتمعات كاملة بانها مريضة و عقادئها فاسدة و تربيتا منحطة !!
يعني عدم المؤاخذة انت الله شي ! ...لانو اذا مانك الله معناتا انت زلمي عنصري !
عنا كتير مشاكل ..و فايتي بالحيط بكذا جهة ..بس ما صرنا و لا رح نصير مجتمعات مريضة و لا عقائدنا فاسدة ولا تربيتنا منحطة !! ...و حكيك بيندرج تحت اطار الاهانة المتعمدة يعني .....يا زلمي وزراء ثقافة ما بيسترجوا يحكو كلمتين من اللي قلتن ..لحتى حضرتك - عفواً يعني - تجي تقول هدول كلن !

اقرأ عن شماتة كلّ قريبٍ وبعيد بإعدام صدّام... اقرأ عن شماتة هؤلاء أنفسهم عندما دخل هذا الرئيس التكريتيّ أرضَ الكويت... اقرأ عندما هبّت التهاليل والزغاريد بموت الرئيس الأسد... اقرأ عن كلّ شماتة وبعدَ هذا تعال حدّثني عن تصرّفات الغرب...لاء بدي حدثك عن تصرفات الغرب اول شي ..و مانك اخو مراقي ...باي ذا وي يعني
عم تذكر اسماء و احداث كبيرة كتير بالسياسة و ما بدك يكون عندن اعداء!! ..يعني و الله ما بعرف شو بدي قلك ..خليني ساكت


اذهب يا صديقي لتقرأ خطبة طارق بن زياد الحقيقيّة التي قالَ فيها: لا تتركوا لا شيخاً ولا طفلاً ولا شجرةً... لا "البحر من ورائكم والعدوّ من أمامكم" كما علّمونا في مناهجنا الرديئة... أخبرني ماذا فعل الإسبان للعرب تلك الآونة ليكونوا أعداءً... أم أنَّ كلّ غريبٍ وآخر هو عدوّ؟؟!!!!اول شي طارق بن زياد مانو عربي ... اذا مالك خبر يعني ....تاني شي كذب !

انت عم تفتري عالزلمي .... و الهدف من الحرب كان الفتوحات ( الاستعمار يعني ) ...مبينة بعتقد !!

مسكينٌ أنتَ يا صديقي على غرار الملايين الذين يحسبون أنَّ العربَ أبرياء يدافعون بشماتة أو بإرهاب عن حقّ مغتصب ويتناسون أو ينسون كم من الحقوق اغتصبها وما يزال هؤلاء العرب أنفسهم.اخي انت مغتصبيلك العرب شي حق و ما بدك تحكي يعني !!! انا مسكين ما اختلفنا , بس انت شو :?

اسأل حالَك ونفسَك عن المحتلّ... تكفيك كتب التاريخ الحقيقيّة. وإذا قلتَ لي هذا من الماضي البعيد سأحدّثك عن حكوماتنا التي هي أسقط من صرماية الغرب، هل تعرف لماذا؟! لأنّ هؤلاء منّا ومن دمنا ولحمنا يفعلون بنا هكذا، فلا عتب على الغرب إذاً.و ماذا يغعلون بك يا هذا ّ!!!...قطعتلي قلبي يا زلمي !!!

انت كيف بتحب تكون الحكومات ابو شريك ؟؟ يعني بتحبا تفصيل ولا جاهزة ؟؟

انو انشالله مفكر فوكوياما رضيان عليك ! ..ليكو مبارح كان عم يتهور بالجرايد ....قال والله شو :

ويمكن القول إن الراديكالية الأصولية الإسلامية تمثل التحدي الوحيد أمام الليبرالية. لكن في نهاية الأمر فإنّا نحتاج الى إطار فكري لفهم الدول غير الديمقراطية في العالم، وتصرفاتها إذا ما أردنا تفادي البقاء أسرى للماضي ويجب ألا نخشى قوة أفكارنا حتى في «عالم ما بعد أميركا».

و شو كمان بقول ؟:

وحتى يمكننا فهم ما يجري أمامنا في هذا العالم لابد لنا من التمييز بين نماذج وأنماط من أنظمة الحكم الأتوقراطية، فهناك انظمة تقوم على مفهوم القوة المطلقة والحزم للنظام بكل مؤسساته وتفاصيله، وهناك انظمة تقوم على وجود رئيس او حاكم قوي على رأس حكومة ضعيفة وفاسدة، فقد حكم الجنرال مشرف باكستان قرابة عقد بسبب مساندة الجيش، بينما يتمسك موغابي بكرسي الرئاسة في بلد يعاني اقتصاده من مشكلات خطيرة تجعله يترنح على حافة الانهيار.

وإذا كان الاتحاد السوفييتي السابق وألمانيا النازية والصين بقيادة ماوتسي تونغ كانت تتملك قوى حقيقية على مستوى الأفكار والايديولوجيا، وتمثل خطورة لما لقيته من صدى وقبول عالمي، إلا أن الأنظمة الاتوقراطية الحديثة ضعيفة في مواجهة القيم الديمقراطية والليبرالية.

وحتى الرئيس الصيني هو جنتاو وجد أنه لابد له من الحديث عن الديمقراطية في افتتاح دورة الألعاب الاولمبية في بكين، كما لا يغيب عن بال أحد أن الجنرال مشرف نفسه اختار الاستقالة والتنحي لتجنب خطر المساءلة والمحاسبة.



__________________________________________________ _____________________________


حبيبي اذا انت من جماعة فوكوياما ...بحب قلك انك صرت معو ..براة التاريخ يعني ...باعتبار انو نهاية التارخ تبعو كانت بال 89 :lol: ...لانو التاريخ بينتهي ع كيف اميركا و فوكوياما !!


عندما احتلّت فرنسا سوريّة بحجّة الانتداب أزهرت بلادنا بشكلٍ لا مثيل له: الصّحافة والمؤسّسات والمنشآت والمطارات والجسور... لك يلعن هيك حكومة تخلّينا نستعمل جسور مبنيّة على أيّام الفرنسيّين!!!! فرنسا أقامت المدارس الحديثة والمتحرّرة في سوريّة وأنشأت منها مستعمرة حقيقيّة، وهل تعرف ماذا تعني كلمة مستعمرة؟! تعود إلى الجذر ع م ر الإعمار يا صديقي الإعمار... استعمرتنا فرنسا عن حقّ واستفادت الكثير منّا لكنّها أنشأت جيلاً مثقّفاً حراً قادراً على بناء وطن، لا مثل جيل البعث وجيل سوريّة اليوم. اقرأ عن الشخصيّات السوريّة في تلك الآونة، اقرأ عن جميع الذين بنوا سوريّة الحديثة الذين درسوا في فرنسا... يؤسفني جهلك لكلّ هذه الأمور وحديثك عن محتلّ وشماتة وأسباب... أفضّل غريباً يبني وطني ويستفيد منه على قريبٍ يمتصّ دمائي ويهدم وطني بكلّ ما فيه من جمال!!! هذا حال الحكومات العربيّة فمن هو المحتلّ يا ترى؟!!!انا كنت اسمع عن الانبطاحية سمع ...و كنت فكر انو موجودة بس بالكتب !! ...انو يالله شلون بكون الواحد انبطاحي ؟؟ ..انا ممنونك ...زدتني خبرة و الله يا غالي !!

و يعني اتعلمت منك انو الاستعمار لازم نرجعو للجذر ع م ر ...ما اتحيون و فكر انو شي ما منيح ..:shock:



رحم اللهُ ترابَك يا عليّ رضي الله عنك عندما قلت: "الفقرُ في الوطن غربة والغنى في الغربة وطن"!!!!مزبوط 100%

لأ خيّو المشهد أنتَ رأيتَه على هذا الشّكل بسبب الغشاوة التي حدّثتك عنها، وهو ليس كذلك ويكفي ما قلتُه أعلاه عن الأسباب الحقيقيّة التي تدفع هؤلاء وتدفعك أنت لتقولَ مثلما قلتَ.اي انا هيك شايفو ..هلأ بسبب غشاوة بسبب خدع سينمائية ترى ما بعرف...بس يعني شايفو بشكل واضح كتير ....و ما رح كذب يعوني و صدقك ...مع احترامي الك يعني


وأنا أقول لك: حشّك خيّو حشّك أنت وهنّ لشوف وين رح توصلوا... هيك هيك أنتو بزبالة هالعالم فالتحشيك لا رح يقدّم ولا يأخّر!!!فشرت ..عفوا يعني بس انو اي فشرت ..

زبالة العالم !!! ...ما رح رد عليك ..بس رح قلك ...استحي !!!


بتعرف أنو أنت بتضحك... يا زلمة قول غلطت ما تقعد تبرر كمان... لك يلعن رب التبرير شو عم يساوي بالشعوب العربيّة... يتستّروا عالغلط لمليون سنة وما بتعرف كيف يطالعولك ألف تبرير وتبرير بس محدا يقلن غلطتوا يا شباب. لك الاعتراف بالخطأ فضيلة مو رذيلة!!!اي انا كتير بضحك ...كل العالم هيك بتقلي :lol:..ميرسي عالاطراء ..كلك ذوق

و الاعتراف بالخطأ فضيلة مرتبة اي و الله الحق يقال يعني ..بس انا متعود اعترف عند البطرك ...اذا انت البطرك او حدا من الشباب هون البطرك يخبرني ...بعترف فوراً !!!

مع انو وينك ..يعني ما بس بموضوع ال b52 , وين ما بدك شيل كلمة اميركا حط بريطانيا , او شيل بريطانيا حط اميركا ما رح يختلف المعنى ابداً ..شي مسلي يعني ...لعبة حلوة بتطلع ..اذا بتحب منفتحلا موضوع بالسقيفة و منلعب مع بعض ;)

تاني مرّة لما تحكي اعرف شو عم تحكي وجيب أمثال صحيحة مو من العلش والتخبيص تبعك.بدك تجي تعملي كفين ولا بدك تكتفي بس بالبهدلة اليوم !!:?


أظنّ أنَّ هذا يكفي اليوم لينسف كلّ كلمة جئتني بها مدافعاً عن شماتتهم التي قيلت بفمك أنتَ...حاشى وكلا ...كوسى و محشي كمان !!
و الله ما انت بناسف يا اخا العرب :frown:

نسيت قلّك أنّو اسمك "حَشتْ نَشتْ" بلهجتنا ألو معاني بتناسب تماماً للشي يللي عم بتدافع عنّو وبلا ما تعرف المعنى يكفّي الشباب الطيبة عرفوه!!!اي حبيب ...و الله يهاد الموضع بدك تسمحلي عني ..و من بعد اذن شواربك ..انا بعرف تماماً شو يعني حشت نشت ...و مسمي حالي حشت نشت لاني ما بستحي فيهن ...اذا الحشت نشت هني الشعب المعتر الي الشرف و الفخر و كل العزة اني اتكنى فيهن ....و يكون بعلمك انو اتكنى بالشعب الشنتر حفانا ببلدي احسن بشي كذا مليون مرة من اني اتكنى بالقراصنة اللي بالادرياتيك ....من وجهة نظري يعني و مع احترامي العميق الك يعني

و من جهة تانية ماننا فاتحين موضوع عن اسمي هون ...اذا بدك فتاح موضوع و منناقشو هنيك..سبام و شخصنة بلالك ياهن ..نصيحة يعني


كلمة أخيرة: بيجوز يكون ردّي منفعل بس مناسب جداً لكلماتك وردودك :D.اي و بجوز ما يكون مناسب كمان ...ما حدا بيعرف

انت عم تتهم مجتمعات كاملة بانها مريضة و عقادئها فاسدة و تربيتا منحطة !!
يعني عدم المؤاخذة انت الله شي ! ...لانو اذا مانك الله معناتا انت زلمي عنصري !

الله يلعن هداك الواحد :?.. عرفتو؟؟ أي هوي بذاتو.. بالزبط :lol:

الله يلعن هداك الواحد :?.. عرفتو؟؟ أي هوي بذاتو.. بالزبط :lol:

شو قصدك :roll:

شو قصدك :roll:

القصد عند بيت جيران المعنى.. و المعنى في قلب الشاعر..

هلأ ماني مع حكي الأخ قرصان الأدرياتيك.. بس ما عمل شي انت ما عملتو يا أب نهلة لما حكى هالحكي.. قصدي بالتعميم الشعوبي هاد تبع سيرة الحب و بحلم بيك...

طنش و لا يهمك.. شغلة فاضية

القصد عند بيت جيران المعنى.. و المعنى في قلب الشاعر..

هلأ ماني مع حكي الأخ قرصان الأدرياتيك.. بس ما عمل شي انت ما عملتو يا أب نهلة لما حكى هالحكي.. قصدي بالتعميم الشعوبي هاد تبع سيرة الحب و بحلم بيك...

طنش و لا يهمك.. شغلة فاضية

لا و الله ما فاضية !!! ..و كبيرة كمان ...و هالقد يعني

اذا انا ( انا ) انا يعني حكيت شي حط اصبعتك عليه و قلي وين !!! ...بليز يعني ..

لا و الله ما فاضية !!! ..و كبيرة كمان ...و هالقد يعني

اذا انا ( انا ) انا يعني حكيت شي حط اصبعتك عليه و قلي وين !!! ...بليز يعني ..

ما قلت انو كل اسباني كذاب و ابن كذاب؟؟ ضروري جيبلك الاقتباس؟

ما قلت انو كل اسباني كذاب و ابن كذاب؟؟ ضروري جيبلك الاقتباس؟

انا بجيب الاقتباس

هلأ بربك يا زلمي...انو بعد ما عطو فلسطين للاسرائيلية ..يو عليه اذا عملو مذكرة جلب ب 47 كلب !!! انو يعني هني اثروا على مسار القضية ؟؟؟ يا اخي بضلو يبعتو جيوش لكل الكرة الارضية ...اذا هني عندن فعلا موقف انساني و عقلاني و عادل ناح القضية الاخت فلسطينية كانو يبعتولن كم عسكري لهون ويخلصونا من هالقصة ...غير هيك هني كذابين ..و ولاد ستمية الف كذاب .و متل ما حكيت انت الشعوب اما غافلة او مغفلة ....و هالشي للاسف ما بيعفيها من دفع التمن ..لانو غير شعوب غافلة و مغفلة و كلشي يعني ..ما عفوها حكومات الغرب من دفع التمن ...و اللعبة قذرة يعني ...كلياتها ع بعضا قذرة...بقى ليش بدك الشرق يعامل الغرب بانسانية اكتر ما الغرب بعامل الشرق بانسانية !!!! ...اللي عم يموتو بالعراق برقبة الغرب..كل الغرب ..لانو لا روسيا ولا الصين هني الي بالعراق ..و كمان فلسطين ...و الغرب اللي بوقف ضد استقلال اوسيتيا و ابخازيا مع استقلال كوسوفو هو غرب عربيد ...بدو يمن يوقفو عند حدو ..ولو بالعنف ..ما بيشكي من شي العنف مع الهة القتل و التدمير


ما عندي شي ضيفو ...الله يسامحك يا زلمي :cry:

انا بجيب الاقتباس




ما عندي شي ضيفو ...الله يسامحك يا زلمي :cry:

ما تغيّر معي شي... ع كل مو مشكلة.. حطيت رأي فقط لا غير

ما تغيّر معي شي... ع كل مو مشكلة.. حطيت رأي فقط لا غير

اي عزيزي ...جرب مرة تانيىة ....يعني انا اللي قلتو هو نفس اللي انتي قلتو و اللي هو غير اللي قالو القرصان!

بس هيك ..ببساطة

اي عزيزي ...جرب مرة تانيىة ....يعني انا اللي قلتو هو نفس اللي انتي قلتو و اللي هو غير اللي قالو القرصان!

بس هيك ..ببساطة

القو يختلف... لكن المبدأ -باعتقادي- واحد و موحّد و العاقبة لعبد الواحد... ع كل قلتلك لا توقف كتير عندي مو مشكلة

يعني مع احترامي الك أنا شايفا براغماتية... و رح قلك ليش..

هلأ أي قرار مجلس أمن و شو ما بدك... بس هلأ لو ما من مصلحة أميركا تفوت تحرر الكويت.. ما كان فاتت لأنو مجلس الأمن طلب منها تدخل.. و بالتالي مصلحتك تلاقت مع مصلحة الأميركي و حققتو مراد مشترك.. و انت بهالشكل عم تشرّع انو اللي هلأ كانت مصلحتو مع أميركا انو صدام يسقط يكون تلاقى معو بهالشي.. و يكون جاب شرعيتو من مئات الآلاف من القتلى اللي ماتو ع ايد صدام... ليش أنا هلأ بدي اعتبر هدول خونة, و انت ما اعتبرك كذلك (انت كموقف اعتباري مو كـ حشت نشت) ما دام انت تعرف انو الحركة ما كانت لأنو مجلس الأمن قال هيك... لأنو لو جينا ع مجلس الأمن شو بيقول كان اسرائيل برا الجولان و ورا خط الـ 67 و كان هلأ عم نروح رحلات عالقدس الشرقية.. صح لما لأ؟؟ اذا انت بتعرف انو أميركا ما عم تشتغل من مبدأ انساني أو شرعي أو قانوني انما لمجرد المصلحة.. و عم تدعم هالشي طالما جاي لصالحك.. معناتا هاي اسما بقاموسي براغماتية.. و الله وكيلك قاموسي من النوع المنيح ما بزل عليك بحرف الله وكيلك

اي !!! ..معناتا مين البراغماتي !! ...انا ولا الغرب !!

انت عم تقولا يا زلمي ....هني الراغماتيين..هني وقت تلاقت مصالحن مع مصالحي ..ما انا !!..

يعني اذا صدام فات احتل الكويت ..بيجو الكويتين و كرمال ما شتوفهن براغماتييت ...مل بيقبلوا انو الجيش الامريكي يساعد برد الغزو !!! و اذا قبلوا مساعدة اميركية بكون هاد الشي لمجرد مصلحة !!!!

اذا هيك مافي حدا مانو براغماتي !! ...ما في حدا منوب منوب منوب منوب ..و منتفق انو بقاموسك كل الناس براغماتيين ..و خلصنا .

انا وجهة نظري بالموضوع ..انو يا اخي هاللي اسمو مجلس الامن ..مع تحفظي عليه مرة تانية ...طبفقوا كل قراراتو ...هي براغماتية شي !!

طيب اذا الاميركان اللي هني دين رب مجلس الامن ..بطبقوا اللي ع كيفن ..مين بكون براغماتي ؟ انا !!


انت عم تقلي ما شرط تكون دوغماتي لحتى تكون براغماتي.. و أنا شايفك -كشوف شخصي- عم تروح من الدوغماتية الأشد تشددا (بموقفك من شعوب أوربا) الى البراغماتية الأكثر بطاطا (بموقفك من تحرير الكويت) .. أنا هيك شايف ها... و السماح منك يعني..

كيف عم تشوف هالشي !! ..و ين لمستو يعني ...وين بتتمثل دوغمائيتي من شعوب اوروبا ؟؟ ..اصلاً انا بهاد الموضوع كلو شو حكيت ع شعوب اوروبا !!!!:shock:

أما انو في فرق.. فو الله مافي فرق غير بانو بهديك الفترة كانت مصلحة العربان انو صدام ياكل كلاش ع وجهو.. و بالحرب الأخيرة كان بدهون ياه يسقط (لأنو كلهون استفادو من سقوطو.. حتى سوريا ازا حبيت) بس عملو عروبيين عند ربي..

ما مزبوط ...مصلحة العربان انو تتحرر اراضيهن المحتلة ....و بدقة اكتر كل العرب اتضرروا من احتلال العراق ..


المشكلة ازا بدنا نعامل اشخاص على مبدأ العرق أو القومية أو المبدأ... فبحياتنا ما رح نوقف تدبيح بعض (و هو ما رح نوقف تدبيح بعض فعلا.. هاد قدرنا..) بس يا أخي أنا سميني أرنب.. بس مافيني اكره حدا لعرقو أو لدينو أو لدولتو.. هلأ سميني خاين بس أنا ما بكره اسرائيلي لأنو اسرائيلي.. بصراحة يعني.. و بتجي Noa بتغني و بروح احضر الحفلة.. و يجي آموس أوز يعمل محاضرة و بروح احضرلو و اقرا كتبو.. ما بشوف مقالة لأوري أفنيري الا اقراها و أفصفصها.. لأنو بعتقد انو هاد الشي الصح.... انبطاحي زئبقي استسلامي سميها شو ما بدك..و بيني و بينك سمعان مسبات ليوم المسبات على هالموقف.. لكن أنا على ثقة انو أنا صاحب مبدأ أكتر من جماعة السيوف.. و غالبا أكثر صدقا.. و أنا - و العياذ بالله- من الناس اللي بيفكرو انو لولا المهاتما غاندي كان الانكليز لهلأ بالهند...

و مين حكي غير هيك يعني !!! بس الحياة ما انا وياك و بس ...في مليارات غيرنا ... و مسألة الصدق هي مسألة نسبية ..يعني ع قد ما انت شايف حالك صادق في ناس بنقيضك تماما و عالضفة التانية من الموضوع و هني مامنين للعضم انو هني صادقين .


يبقى هيك يابو شريك.. مافيني أفهم الكره مهما كان سببو.. و الله وكيلك ربيان بين كراهية و تارات .. مو انو خلقان بالشانزلزيه يعني.. فلذلك ازا بدك ياني حل عنك بخزعبلاتي السلماوية خبرني لأنو ما بدي كون تقيل.. و أخرتها ما رح اوصل معك لنقطة لأنو ما بقدر يعني.. أي و الله و هيك...

اي و الله يا شريك اذا ما فينك تفهم الكره ..ما معناتو انو هو شي ما موجود يعني !!..لاء هو الاكثر وجوداً ..و هو السائد و هو العام و انا و انت الاستثناء .
و وقت بقول هو السائد يعني هو السائد وين ما كان ..بالشرق بالغرب و ين ما رحت يعني ....و هيك


تحياتي

اي !!! ..معناتا مين البراغماتي !! ...انا ولا الغرب !!

كلاكما... برأيي


ع كل هاد الأمر يرجع لمنظوري و بعتقد تعبت مني و معك حق... (و ما بدي ياك تتعب مني ها! ماصدقت ع ألله انو جيت تشارك بالمنبر حضرة جنابك)

بعتقد النقاش حمي زيادة عن اللزوم.. يعني حلو يكون حامي و تسالي.. بس انو تحمايتو شلوطتنا شوي.. فأنا عني بقدم اعتذار ازا ازعجت حدا بكلامي خصوصا انو كنت متألم من الحادث كون صارت وفيات نوعا ما قريبة علي.. فإزا ازعجت حدا فلا تآخدونا

:akh: للجميع



و لأبو نهلة:


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

كلاكما... برأيي


ع كل هاد الأمر يرجع لمنظوري و بعتقد تعبت مني و معك حق... (و ما بدي ياك تتعب مني ها! ماصدقت ع ألله انو جيت تشارك بالمنبر حضرة جنابك)

بعتقد النقاش حمي زيادة عن اللزوم.. يعني حلو يكون حامي و تسالي.. بس انو تحمايتو شلوطتنا شوي.. فأنا عني بقدم اعتذار ازا ازعجت حدا بكلامي خصوصا انو كنت متألم من الحادث كون صارت وفيات نوعا ما قريبة علي.. فإزا ازعجت حدا فلا تآخدونا

:akh: للجميع



و لأبو نهلة:


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////




أحلا خسة من ايدك ابو مارال :D:D:D

شريك انا شخصيا معك تماما ...بس ع اساس في ديمقراطية ...يعني مثلا تركيا ..اللي هي تركيا يعني البرلمان التركي ما سمح للولايات المتسخة الاميريكة انو تضرب العراق من اراضيها !!! ...ليش لانو الشعب التركي ممثلا بالنواب قالو لاء...مع انو الحكومة مثلا ممكن يكون بدها توافق

هلأ الشعب البريطاني ممثلا بممثليه ايد الحرب على العراق ..و كذلك الاسباني !!!

هلأ ما تجي لعند المثقفين و تحكيلن ...هدول مثقفين يا اخي ..بس شوفلي الشعب المعتر ...يعني انو هلأ انو هالعراقي اللي قاعد تحت القصف ...مضطر يفكر بالفرق بين المواطن الاسباني و حكومتو !!! ...ليش هو قدران يفكر اصلاً !!!

من جهة تانية ...ما انو اذا طلعت مظاهرة بمدريد و وحدة بباريس ضد الحرب معناتا انو الشعب الاسباني واعي و فهمان واخد قرار...يا زلمي بيطلعوا مظاهرات مشان منع استخدام جلود الحيوانات يمكن اكتر من المظاهرات اللي ضد الحرب .

انو ب 11 ايلول ...فكرك يعني قديش نسبة اللي كانو مبسوطين , برأيك ..سكان هيروشيما هيك بينن و بين حالن..ما انبسطوا ؟؟؟ ..انا واثق انو كانت قلوبن عم تدق من الفرح ...مع انو اللي كانو واقعين برجين تجاريين , ما بارجتين حربيات يعني .

يا اخي في ناس ما بطيقوا الغرب بشكل عام ..و عندن اسبابن ..و ما قادرين يعملوا شي مع الغرب غير بالشماتة ...و بيتمنوا انو يشوفو الغربيين عم يموتو واحد واحد...اذا بصير حادث سيارة بينبسطوا ...مقهورين ...ترى معبايين قهر ...
من يومين كان طالع عالجزيرة بالاتجاه المعاكسالناطق الرسمي باسم الحكومة البريطانية مع دكتور ما بعرفو ..و شفت اخر خمس دقايق من الحلقة ...هاد البريطاني كان عم يقول انو نحنا بدنا الديمقراطية للعراق ...الدكتور قلو مين انتو ؟؟؟

يا اخي مين هني ؟؟ ....شو بدن بافغانستان و العراق و لبنان و سوريا و جورجيا ...يحلوا عن طيزنا يا زلمي و نحنا منعرف نعيش .

انو يعني الدول اللي ما بعد قومية باوروبا بتحب الخير للشعوب التانية ؟. ..اكيد لاء

انو هالدول الاستعمارية هلأ صارت دول موزعة للديمقراطية والحرية ؟؟ .....اي اكيد اكيد لاء

انو هالشعب الجحش اللي بعلق ع الانترنت و بيحكي بطريقة فظيعة ...هو هيك منو لحالو صار جحش و صار بيكره الغرب ؟؟؟.....اي كمان لاء ..يا اخي الغرب ما عطانا مجال نحبو منوب يعني ..و الناس اللي عم يعبروا عن هالحكي بتعليقات فطرية بمثلو ما يطفو على السطح بس..و بالعمق لسى في اكتر من هيك

تحياتي الغربية :D

يسلم تمك يا أبو نهلة،، :D

كلامك واقعي ومنطقي مليون بالمية.

طبعاً تعليقات المدرجة في الموضوع أعلاه مرفوضة جملة وتفصيلا، لكن ما بينفع يا ياس نقول "لا تقربوا الصلاة" ونترك " وأنتم سكارى" !
العالم هاي اللي الحقد والكره عمى بصيرتها أكيد في مليون سبب وصلها لهون، وكمان ما بينفع أنك تحكم على إنسان دون أن تضع في حساباتك كل المؤثرات التي تعرض لها ليكون موقفه على هذا النحو أو ذاك.

ممكن يكون هذا الشخص عائلته قتلت في قصف استهدف منزلها في العراق أو افغانستان إلخ. ومع ذلك مرفوض تعليقهم .

خذ هالمثال، بمقال الأخير المنشور هون بأخوية قلت عن العرب لقطاء، أحد الأشقاء العرب في موقع إلكتروني ما عجبه أنو أحكي عنهم لقطاء، ترك كل الفلم الهندي المكتوب وترك أكل الهوى اللي احنا فيه وهمه الوحيد ليش هدا الزلمة كتب لقطاء!
عضو في هذا المنتدى اقتبس مشاركة من مشاركاتي في الشبكة التي أعمل بها ووضعها كرد عليه وهدا نصها:
قد يشعر قارئ المقال أن الكاتب قد ظلم تاريخ العرب، ولكن نلتمس له العذر فهو إن تحدث إنما بلسان جياع قومنا من أهل غزة، فهل على الجائع حرج؟!

في عرف أهل غزة تسقط كل الإعتبارات عندما يتعلق الأمر بـ:
230 مريض فارقوا الحياة جراء الحصار.
وعندما نكون على أبواب رمضان وما يزيد عن مليون ونصف آدمي لا يملكون قوت أطفالهم.

والقائمة تطول وتطول، ثم يأتيك من يرى أن الحل الأمثل لردع جياع غزة هو كسر الأرجل، فيقترح آخر أن معالجة الموقف تتطلب شيء من الحكمة ، فلا يجدوا حكمة أسمى وأرفع منزلة من رش الغازات السامة في الأنفاق التي تدخل حليب الأطفال. !

سحقاً للعرب ولتاريخهم عندما نُجبر أن نرى الموت يعصف بأطفالنا واحداً تلو الآخر!!!

القصد، أنو يا أخي ما تختزل كل السياقات التي أدت لهذا الموقف وتلقي الضوء فقط على المشهد الأخير فقط، شوف مين اللي وصل هاي العالم لهون حتى تقدر تعالج، بغير هيك منطق ما راح تزبط.


بالنسبة للترحم عليهم فهو غير جائز شرعاً بالنسبة للمسلمين، لما روي عن الرسول صلى الله عليه وسلم أنه استأذن أن يستغفر لأمه التي ماتت على غير الإسلام فلم يأذن الله تعالى له، فاستأذن أن يزورها، فأذن الله تعالى له.
ولكن لا يعني ذلك أن يشمت المسلم من موت الغير المسلم، بل عليه أن يتعظ من الموت وان أراد أن يقول شيء فليقل خيراً أو ليصمت، لكن الترحم غير جائز. والله أعلم

طبعاً تعليقات المدرجة في الموضوع أعلاه مرفوضة جملة وتفصيلا، لكن ما بينفع يا ياس نقول "لا تقربوا الصلاة" ونترك " وأنتم سكارى" !
العالم هاي اللي الحقد والكره عمى بصيرتها أكيد في مليون سبب وصلها لهون، وكمان ما بينفع أنك تحكم على إنسان دون أن تضع في حساباتك كل المؤثرات التي تعرض لها ليكون موقفه على هذا النحو أو ذاك.

ممكن يكون هذا الشخص عائلته قتلت في قصف استهدف منزلها في العراق أو افغانستان إلخ. ومع ذلك مرفوض تعليقهم . أنت بالذات بعتقد راح تفهم على قصدي...

أنا ماني مع انو الشخص اللي عم يلعن أبو الغرب الكافر هاد.. عم يحكي من منطلق انو متضرر منو.. بالعكس هاد أكيد سيارتو شيفرليه و باكيتو مارلبورو..

انت يا وائل من غزة.. كم واحد يزاود عليك من النوع اللي بتقول (اللي ايدو بالمي مو متل اللي ايدو بالنار؟).. أنا على ثقة انو السواد الأعظم من هالناس (و عم خص بالحكي شيوخ السعودية و الخليج بشكل عام) هو اللي بتلاقيه يزاود على أمة محمد كلها بالدين و بالأخلاق الكرتونية.. و فينو بحق عشا بشي كازينو بموناكو يفوّت آلاف من براميل البترول إلى غزة... لكن بتلاقيه حتى أخبار غزة (بيزهق منها) أو و لا حتى يعطيها أدنى أهمية, لكن تسمعو يوزّع أحقاد بالجملة على العالم كلو..

مافي شمتانين على أهل غزة و محنتهم بسبب "انقلاب" حماس, غير المواتية لهم؟ شو عملو العرب لنجدة غزة و اهلها لحتى عم يزاودو؟؟ هاد قصدي.. ع شو شمتان و بأي حق اذا أخوك بمحنتو (مليت من أخبارو؟ )


اللي انقصف و ماتت عائلتو مظلوم.. و لأنو بيعرف شو يعني الظلم صعب يظلم.. صدقني..

أنت بالذات بعتقد راح تفهم على قصدي...

أنا ماني مع انو الشخص اللي عم يلعن أبو الغرب الكافر هاد.. عم يحكي من منطلق انو متضرر منو.. بالعكس هاد أكيد سيارتو شيفرليه و باكيتو مارلبورو..

انت يا وائل من غزة.. كم واحد يزاود عليك من النوع اللي بتقول (اللي ايدو بالمي مو متل اللي ايدو بالنار؟).. أنا على ثقة انو السواد الأعظم من هالناس (و عم خص بالحكي شيوخ السعودية و الخليج بشكل عام) هو اللي بتلاقيه يزاود على أمة محمد كلها بالدين و بالأخلاق الكرتونية.. و فينو بحق عشا بشي كازينو بموناكو يفوّت آلاف من براميل البترول إلى غزة... لكن بتلاقيه حتى أخبار غزة (بيزهق منها) أو و لا حتى يعطيها أدنى أهمية, لكن تسمعو يوزّع أحقاد بالجملة على العالم كلو..

مافي شمتانين على أهل غزة و محنتهم بسبب "انقلاب" حماس, غير المواتية لهم؟ شو عملو العرب لنجدة غزة و اهلها لحتى عم يزاودو؟؟ هاد قصدي.. ع شو شمتان و بأي حق اذا أخوك بمحنتو (مليت من أخبارو؟ )


اللي انقصف و ماتت عائلتو مظلوم.. و لأنو بيعرف شو يعني الظلم صعب يظلم.. صدقني..

يا زلمة لأجل هاي الأخيرة برفعلك مليون قبعة.. كنت بحكي فيها قبل أيام بسبب مغالاة البعض في ردود الأفعال!

متفق معك مليون بالمية أخي، وقد يكون السواد الأعظم من هؤلاء الذين يقطرون حقد هم من نفس الشريحة التي تتحدث عنها، لكن أنا ومن قبلي أبو نهلة نتحدث عن الأصل العام وليس عن هؤلاء الإستثناءات، فهم أقل بكثير من أن نتحدث عنهم .

أؤكد أن التعليقات التي ذكرتها في موضوعك أخي ياس مرفوضة سواء كان كاتبها من مرفهي موناكو أم من آكلي الهوا في العراق أو فلسطين.

ولكن بنظرة شمولية لمجتمعنا العربي وأقصد هنا الشرائح المهمشة يعني الغلابى ينظرون للغرب شعوب وحكومات على أنهم السبب في مآسينا ويتمنون لهم الموت بأفظع صورة نظير ما يتعرضون له يومياً.

يعني متل ما بيقولوا العجايز عنا: قالوا يلعن أبو اللي بيلعن أبو الناس، ردوا عليهم: يلعن أبو اللي بيخلي الناس تسب عليه!:lol:

حوار ياس - هشت نشت كتير عجبني (على الرغم من انو واخد اتجاهين متضادين تماما) بس من فترة ما شفنا حوار بهالسخونة بين طرفين من المؤسسين لهالصرح ،

بدي اشترك عند هالنقطة (بس شو رئيك ياس ابلش من الاخر ولا ارجع اجيب من الاول ؟)
الويك اند تاعي اخر يوم فيه هو السبت ، مارح استنى كتير :pos:

هلاء اخدت قرار ابلش من الاول رغما عني .
مبدئيا اوجه تحية الى ياس والجانب الانساني عندو مسيطر على تقديرو للموقف وربما مشاعرو لفقد 2 من اصدقائو بنفس الطيارة ، الله يرحم الجميع وربنا يكون بعون اهل الصديقتين ويصبرهم ويصبرك .

التحية التانية اوجها لابو نهلة ، اللي ظروفو تختلف عن ياس (يعني مافقد 2 من اصدقائو بنفس الطائرة) لذلك كان اهدى وناقش الموضوع بعقلانية بعيدا عن المشاعر ، وخرج بسلسلة ردود جيدة جدا جدا في معظمها وان كان لي تعليق على بعض محتويات هذه الردود ولكنها قليلة جدا مقارنة بمحتوى تلك الردود .

انا شخصيا مع وجهة نظر ابو نهلة في كتير جدا جدا من اللي حكاه ومؤيد الو .

رح ابلش مبدئيا ب

1- التاكيد على ان ليس من شيم الكرام الشماتة في الموت (لاشماتة في موت)
2- العزاء واجب الى اهالي وذوي الضحايا الابرياء

وبعدين يهمني اروح على تعليقات الشابين
الشاب الاول قال
هذا بداية العقاب الرباني لدول الكفر الغربيه ...الاسلام قادم
شاب جاهل لانو دول الكفر موجودة من قرون كتير والسؤال هو ليش الرب تركون كل هالوقت وبلش هلاء ؟!!!
وطبعا مع ملاحظة انو الاجيال بيجي غيرها باستمرار يعني هالجيل مختلف عن الاجيال السابقة (يعني بقصد اقول في اجيال كاملة ما اتعاقبت ) هل لنا ان نتسأئل لماذا لم تتعاقب الاجيال السابقة ؟؟

مع الشاب الثاني

أأمنتم من فى السماء. هذه دعوة للتمسك بقيم السماءوالرجوع الى الله سبحانه وتعالى، ورد المظالم لاهلها . نترحم على الموتى من المسلمين اذا كان منهم احد بالطائرة المنكوبة ونسال الله لهم المغفرة.

رحمة الله لا تنتظر دعوة شخص او مجموعة اشخاص
الله قال رحمتي وسعت كل شيئ وانا اؤمن ان الله يرحم من شاء .


هذا عن الموضوع ، في الرد القادم اعلق على الردود الواردة بالموضوع

مبدئيا اوجه تحية الى ياس والجانب الانساني عندو مسيطر على تقديرو للموقف وربما مشاعرو لفقد 2 من اصدقائو بنفس الطيارة ، الله يرحم الجميع وربنا يكون بعون اهل الصديقتين ويصبرهم ويصبرك .

التحية التانية اوجها لابو نهلة ، اللي ظروفو تختلف عن ياس (يعني مافقد 2 من اصدقائو بنفس الطائرة) لذلك كان اهدى وناقش الموضوع بعقلانية بعيدا عن المشاعر ، وخرج بسلسلة ردود جيدة جدا جدا في معظمها وان كان لي تعليق على بعض محتويات هذه الردود ولكنها قليلة جدا مقارنة بمحتوى تلك الردود . هلأ ما اختلفنا معك أنا في جانب من المشاعر مسيطر علي لكن ما بعتقد هالشي خلاني قول شي غير عقلاني أو غير موضوعي .. ع كل مو مشكلة...

مدري ليش بس و أنا عم شارك بموضوع تبع العنف بعلم النفس, و تذكرت لما ولاد صفي فشو قهرهون بالاستعمار فيني:lol:...

كنت صف.. مدري صف أيش.. بالابتدائي يعني .. صغير كتير. يمكن صف تاني يا تالت ابتدائي.. و جابولنا عالمدرسة مجلة الطليعي (هاي اللي بتجي مرة مرتين بالسنة و بس تجي تشتريها بالغصب و يكون مكتوب حقها عالغلاف بس يدفعوك دبل :lol:).. و كان مكتوب بصفحة فيها عن عبد الكريم الخطابي الثائر المغربي اللي حارب الاحتلال الاسباني و هي يعني.. و قعدت الآنسة تقرالنا هالصفحة و تشرحلنا و شو يعني استعمار قال و احتلال و هيك قصص....

هلأ أمي اسبانية و كل الصف كانو يعرفو هالشي تقريبا كون كلهون ولاد حارتي تقريبا...

و ضربت النخوة بولاد الصف و وقفولي عند الانصراف شي عشرة منهون.. و خود ضرب و رفس وين ما بدك.. لو ما لطف ألله و صاحب محل مقابيل المدرسة بعدهون عني بالقشاط و دخلني عالدكان و خلا الصانع يروح يدق ع باب بيت أهلي كان عملولي عاهة مستديمة... و اكلت جرح بقطب بجبهتي لسى أثرو موجود و كسرولي سناني و كدمات بكل جسمي.. ضليت شهر أو اكتر بخاف اطلع عالباحة و لازم يجي أبوي يوصلني للصف و بس يخلص الدوام يجي عالصف يطالعني منو, و حطولي مقعد لحالي جنب طاولة الآنسة لأنو كنت خاف اقعد مع الباقين (طبعا اللي ضربوني اشتكو أهلي عليهون عالشرطة و صارت معمعة طويلة عريضة انتهت بانو نقلوهون من المدرسة و وقعو أهلون تعهدات انو في حال تكرار هيك فصل بيروحو عالأحداث (ما بتزكر وين حكيت هالقصة قبل... بالمقلاية يمكن)


هلأ أبو نهلة يقلي انو رد فعل و الحق ع أمي لأنو ربيبة دولة استعمارية :o ( عم امزح..)

ياس بنضل عاطفيين اكتر من كوننا منطقيين

هلأ ما اختلفنا معك أنا في جانب من المشاعر مسيطر علي لكن ما بعتقد هالشي خلاني قول شي غير عقلاني أو غير موضوعي .. ع كل مو مشكلة...
متل ما بتعرف انو المشاعر اذا سيطرت على الانسان بتكون ارائو عاطفية ، بما انو عاطفتك كانت نبيلة وطبيعية فهاد شيئ جيد بس اللي مش جيد هو انها بالاول وبالاخر عاطفية وهاد بيخليها تبعد شوي عن الموضوعية
لذلك اول نصيحة كنت اسمعها من اساتذة البحث العلمي انو لا تترك حيز لمشاعرك يأثر عليك او يسيطر عليك وقت تكتب او تحكي ، على كل حال اي حدا بيشوف الموضوع من منظور عام رح يقدر مشاعرك النبيلة وفقدانك ل2 من اصدقائك ويقدر موقفك ، ومتل ما قلت ع كل مو مشكلة فعلا .
مدري ليش بس و أنا عم شارك بموضوع تبع العنف بعلم النفس, و تذكرت لما ولاد صفي فشو قهرهون بالاستعمار فيني:lol:...

كنت صف.. مدري صف أيش.. بالابتدائي يعني .. صغير كتير. يمكن صف تاني يا تالت ابتدائي.. و جابولنا عالمدرسة مجلة الطليعي (هاي اللي بتجي مرة مرتين بالسنة و بس تجي تشتريها بالغصب و يكون مكتوب حقها عالغلاف بس يدفعوك دبل :lol:).. و كان مكتوب بصفحة فيها عن عبد الكريم الخطابي الثائر المغربي اللي حارب الاحتلال الاسباني و هي يعني.. و قعدت الآنسة تقرالنا هالصفحة و تشرحلنا و شو يعني استعمار قال و احتلال و هيك قصص....

هلأ أمي اسبانية و كل الصف كانو يعرفو هالشي تقريبا كون كلهون ولاد حارتي تقريبا...

و ضربت النخوة بولاد الصف و وقفولي عند الانصراف شي عشرة منهون.. و خود ضرب و رفس وين ما بدك.. لو ما لطف ألله و صاحب محل مقابيل المدرسة بعدهون عني بالقشاط و دخلني عالدكان و خلا الصانع يروح يدق ع باب بيت أهلي كان عملولي عاهة مستديمة... و اكلت جرح بقطب بجبهتي لسى أثرو موجود و كسرولي سناني و كدمات بكل جسمي.. ضليت شهر أو اكتر بخاف اطلع عالباحة و لازم يجي أبوي يوصلني للصف و بس يخلص الدوام يجي عالصف يطالعني منو, و حطولي مقعد لحالي جنب طاولة الآنسة لأنو كنت خاف اقعد مع الباقين (طبعا اللي ضربوني اشتكو أهلي عليهون عالشرطة و صارت معمعة طويلة عريضة انتهت بانو نقلوهون من المدرسة و وقعو أهلون تعهدات انو في حال تكرار هيك فصل بيروحو عالأحداث (ما بتزكر وين حكيت هالقصة قبل... بالمقلاية يمكن)
هلأ أبو نهلة يقلي انو رد فعل و الحق ع أمي لأنو ربيبة دولة استعمارية :o ( عم امزح..)أول مرة اقرا هالحكاية بس عنجد اتعاطفت معك كتير (وبيهمني اعرف الخطبة العصماء اللي الانسة قالتها بالصف)
كنت بقرأ موضوع في الجارديان عدد يوم السبت 15-10-2006 اعتقد لجو ريفيل
كتب التالي
A 53-year-old imam was punched and kicked by a man who entered a mosque in the west end of Glasgow last Friday. Mohammed Shamsuddin was taken to hospital after the incident at the Dawat ul Islam centre.

حسب نظرية ابو نهلة اللي انا اؤيدو فيها تمام " انو التعليقات اللي كتبها 2 او اكتر من العرب او المسلمين هو شيئ بسيط جدا جدا مقارنة بافعال الغرب ضدهم " انا شخصيا افضل فصل اسبانيا والمانيا وفرنسا عن الغرب وبيهمني اسبانيا تحديدا لاسباب ربما تطرقت اليها فيما بعد اذا سمحت ظروفي .
شابين عرب او مسلمين بيكتبو ضد الغرب "انا عبرت انهم اخطأو التعبير واسائتهم مردودة عليهم " لكن الغرب على الاغلب يفعل اكثر بكثير وردة فعل هؤلاء الاشخاص بسيطة جدا وقليلة جدا وضعيفة جدا جدا مقارنة لافعال الغرب (طبعا لا اقصد التعميم بكلمة الغرب كما وضحت سابقا) لكن اقصد الاغلب ،
انظر معي الى التالي :
Croats conducting "policy of apartheid" against Muslims in Bosnia - Grand Mufti

على الرابط التالي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

بيشير الى التمييز العنصري ضد مسلمين البوسنة والهرسيك



* اما عن بريطانيا مرة اخرى من الانديبندنت



Attacks on Muslims rise after veils row

على الرابط التالي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

*أما عن اميركا
Attacks on Muslims and Arab-Americans

على الرابط التالي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

* الدانمارك
Denmark: Three Muslims attacked after embassy bombing (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

الرابط ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

في مقال A War against Islam
Monday, October 29, 2001
By: Robert Tracinski

الكاتب امرو عجيب من ناحية بيكتب حقيقة الاسلام دين السلام ولما تقرا المقال تستعجب ،
الرابط
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
عالانترنت الاف المقالات والاراء والموضوعات بتوضح رؤية الغرب (مش الغرب كله ولكن شريحة ضخمة منه) وكمان بتوضح افعال الغرب اللي لما احاول اقارنها مع اقوال اتنين عرب او مسلمين الاقيها اكبر بكتير جدا جدا وانو ردة فعل هالشابين بسيطة جدا جدا مقارنة بافعال الغرب

يتبع

في مقال جيد جدا من وجهة نظري لسمر فتحي على عرب نيوز تحت عنوان Stop The Attack Against Islam

هي عرضت بعض الامثلة عن اللي كتبوه صحفين وغير صحفين وكتاب وغير كتاب ومشهورين وغير مشهورين ورجال دين وهكذا
وكان كالتالي : "We should invade their countries, kill their leaders and convert them to Christianity."
- Columnist Ann Coulter, September 2001
"I believe it (Islam) is a very evil and wicked religion."
- Franklin Graham, November 2001
"Muhammad was a demon-possessed pedophile."
- Rev. Jerry Vines, former president, Southern Baptist Convention, June 2002
"I knew that my God was bigger than his. I knew that my God was a real God, and his was an idol."
- Lt. Gen. William G Boyken, the deputy undersecretary of defense for intelligence and war fighting
"This is not a war between Arabs and Jews. It is a war between God and the devil."
- Telivangelist Benny Hinn, July 2002
"I believe the Qur'an teaches violence. It does not teach peace, it teaches violence."
- Franklin Graham, Belief net interview, August 2002
"This man Muhammad was an absolute wild-eyed fanatic. He was a robber and brigand."
- Pat Robertson, on (Hannity & Colmes), September 2002
"I think Muhammad was a terrorist."
- Jerry Falwell, October 6, CBS 60 minutes
"You know what we ought to do? We ought to take every single Muslim student in every college in this nation and ship them back to where they came from. And we ought to tell every other Muslim living in this nation, if you say one word, you are gone. You're gone. With a diaper on their head and a fan-belt around their waist."
- Jimmy Swaggart, Jimmy Swaggart Ministries, Nov. 10, 2002
"Somehow I wish the Jews in America would wake up, open their eyes and read what is being said about them...this is worse than the Nazi... Adolph Hitler was, but what the Muslims want to do to the Jews is worse..."
- Pat Robertson, Christian Broadcasting Network, November 11, 2002
"Islam is a very destructive type of faith... They are a revengeful people...."
- Paul Mills, pastor of Arlington Faith chapel
انا اسف ما عندي وقت اترجم


على كل حال باختصار شديد اللي مكتوب عبارى عن هجوم شديد للغاية على الاسلام وعلى المسلمين وعلى رسول الاسلام وعلى اله الاسلام وعلى قادة وحكام الدول الاسلامية ،

دعونا نقارن بين هذا وبين ما كتبه الشابين لنرى الفارق !

يتبع