كيف ممكن تتؤسس دولة مدنية بوجود فكر راديكالي اقصائي !


مهي هيي المشكلة الفكر الراديكالي الي بيتزعمو مجموعة من أصحاب المصالح الدينية اي رجال الدين الي بوجود النظام العلماني بينتفي دورهم السياسي وبيقتصر عالدور الروحي وبالتالي بتضرر مكتسباتهن وهنن أكبر عقبة

هلق متل ما قالو الشباب انو العلمانية ماخود عنها فكرة سيئة عنا انا بدي اعرف شغلة صغيرة بس
انو يا ترى العلمانية تمنعني من تأدية الشعائر الدينية تبعي
يا ترى بتغصبني على اداء واجبات منعني عنها ديني مهما كان الدين
اذا اي فانا ارفضها
اذا لا ما بتمنعني فانا علماني من الدرجة الاولى
أكيد لأ العلمانية ما بتمنعك من تادية الشعائر الدينية لأنو هاد حرية شخصية لألك بس العلمانية ضد انو يصير الدين مصدر السلطات والتشريع والحريات

طيب خدني على قد عقلي واشرحلي وبسطلي الموضوع مشان اقدر استوعبو كيف العلمانية دين :jakoush:
بقص ايدي اذا قريان كلمة عن العلمانية

tawil balak
hai wahda mn alhkom almosbak bas anta karat alalmania

لكي تصبح العلمانية مطلب العالمين
أعطو الحكم للاسلامين لمدة
يومين

tawil balak
hai wahda mn alhkom almosbak bas anta karat alalmania
يا عمي مو هيك قصدي مو انا يلي بس قريان عن العلمانية ومو انا يلي ماسس العلمانية بس لما بحكي كلمة بكون مستعد ناقش فيها يعني لا بتنزل لا بميزان ولا بقبان انو العلمانية دين
يعني هي اول مرة بسمعها منك بجوز البقية غلطانين يعني بجوز انك سبقت الي اسسو العلمانية بافكارك

لكي تصبح العلمانية مطلب العالمين
أعطو الحكم للاسلامين لمدة
يومين

فكرة رائعه.. بالفعل منضرب عصفورين بحجر

لكي تصبح العلمانية مطلب العالمين
أعطو الحكم للاسلامين لمدة
يومين
اولا كيفك ارسلان من زمان هالقمر ما بان
تاني شي تجارب الدول الأسلامية بظن أخدت وقتها من التجربة وشفنا نتائجها مو هيك:D
بلا ما نعطيهن ياها يومين بتخرب الدنيا

اولا كيفك ارسلان من زمان هالقمر ما بان
تاني شي تجارب الدول الأسلامية بظن أخدت وقتها من التجربة وشفنا نتائجها مو هيك:D
بلا ما نعطيهن ياها يومين بتخرب الدنيا
ممكن تذكريلي شي من النهضة يلي عملوها العلمانيين بالوطن العربي

ممكن تذكريلي شي من النهضة يلي عملوها العلمانيين بالوطن العربي


باعتبار العلمانيين لسا ما أخدو فرصتهون بالحكم بدول العالم التالت ليش ما منبلش بالنهضة يلي عملوها الاسلاميين بالدول يلي حكموها؟؟ أفغانستان على سبيل المثال

ممكن تذكريلي شي من النهضة يلي عملوها العلمانيين بالوطن العربي

ممكن اذكرك مو تذكرلك المهم العلمانية ما انعطت فرصتها بالوطن العربي لحتى تعمل نهضة اعطيني بلد عربي طبق العلمانية بشكل الصحيح لحتى تشوف نتائج بس بدك مثال اطبقت فيه العلمانية واحدثت نهضة شوف اوروبا زمن الكنيسة واوروبا بعد الكنيسة

ممكن تذكريلي شي من النهضة يلي عملوها العلمانيين بالوطن العربي



اي سيدي ... من الاحتلال العثماني ثم البريطاني و الفرنسي .. ..

و شوف وين صرنا اليوم ؟؟

و مين ممكن نصير لو ما صارت المشاكل و التنافسات



تتصور لو بقينا تحت العثماني وين كان صرنا ؟؟ !

العلماني ما بينكر وجود شخص مسيحي او مسلم ... بالسلطة
لكن بينكر وبيرفض وجود شخص بالسلطة لممارسة دينو .. وتطبيقو عالوطن والمواطن !

لذالك المشكلة بالمتدينين مو بالعلمانية
برجع بئلك أنو تعريف العلمانية بيختلف بين تجربة وأخرى وبين شخص وأخر
وأذا بدنا نضرب مثل على كلامنا من تجارب علمانية رح نختلف على وصف تجربة بعلمانية صحيحة واخرى بلا
بدي رد على كلامك يلي أقتبستو
أنو المتدين مابينكر وجود شخص علماني بالسلطة . طالما بيشتغل لمصلحة بلدو
لكن بينكر وبيرفض وجود شخص بالسلطة لممارسة قناعاتو ومعتقدو . على الوطن والمواطن
يعني اذا الرئيس مسيحي مثلا وبدو يعمل البلد مسيحي العلماني رح يختلف معو متل المسلم ومتل اليهودي
متل أذا كان مسلم وبدو يعمل البلد أسلامي
أو علماني وبدو يمنع الناس عن أديانها

باعتبار العلمانيين لسا ما أخدو فرصتهون بالحكم بدول العالم التالت ليش ما منبلش بالنهضة يلي عملوها الاسلاميين بالدول يلي حكموها؟؟ أفغانستان على سبيل المثال
ممكن تذكرلي الأنظمة الأسلامية بالوطن العربي من الحرب العالمية التانية لهلأ ؟
أغلب الأنظمة العربية هي أنظمة علمانية

ممكن تذكرلي الأنظمة الأسلامية بالوطن العربي من الحرب العالمية التانية لهلأ ؟


أغلب الأنظمة العربية هي أنظمة علمانية

أنظمة علمانية ؟

اذكرلي نظام مافي بدستورو اعتماد عالدين او التشريع الديني

ممكن اذكرك مو تذكرلك المهم العلمانية ما انعطت فرصتها بالوطن العربي لحتى تعمل نهضة اعطيني بلد عربي طبق العلمانية بشكل الصحيح لحتى تشوف نتائج بس بدك مثال اطبقت فيه العلمانية واحدثت نهضة شوف اوروبا زمن الكنيسة واوروبا بعد الكنيسة
طيب أساسا مفهوم العلمانية ممكن أختلف أنا وياكي فيه . فكيف بتكون العلمانية الصحيحة
بعدين رقي الدول بيختلف . في دول متدينة ومتقدمة كاسرائيل وفي دول علمانية ومتخلفة

طيب أساسا مفهوم العلمانية ممكن أختلف أنا وياكي فيه . فكيف بتكون العلمانية الصحيحة


بعدين رقي الدول بيختلف . في دول متدينة ومتقدمة كاسرائيل وفي دول علمانية ومتخلفة

هون اختلفت الحكاية الدولة الإسرائيلية بتختلف عن غير امثلة ووضعها غير
اسرائيل دولة اتخذت الأيديولوجية الدينية كغطاء لوجود كيان مغتصب يعني وجودها معتمد على الفكرة الدينية
فبالتالي هو وجود مؤقت وأي فصل للدين اليهودي عن الدولة يعني انهيار هي الدولة .
تاني شي اذا كان مقياس التقدم هوي مدى وجود كومبيوترات وأسلحة وشوارع نضيفة وما شاكل ففي دول كتير متقدمة من هالناحية وهاد مثال بعيد عالي عم نحكيه

أنظمة علمانية ؟

اذكرلي نظام مافي بدستورو اعتماد عالدين او التشريع الديني
التشريع الديني بيكون بأمور القانون المدني
وتعدد الزوجات أو نظام التركة . لايؤثر على عمل المؤسسات الحكومية . ولا يتعارض مع النظام الأقتصادي مثلا
الدين بيكون تدخل بالسياسة لما بيفرض وجود رجل دين في السلطة
وطالما مفتي الدولة غير رئيسها أو لبا يملك صلاحيات عليه . فهو لا يتدخل بالسياسة
التشريع الديني بالقوانين الدينية بكل أوروبا هناك أعادة نظر في أخذ بعضها . لأنها لا تتعارض مع تقدم الدول

ممكن تذكرلي الأنظمة الأسلامية بالوطن العربي من الحرب العالمية التانية لهلأ ؟
أغلب الأنظمة العربية هي أنظمة علمانية


ممكن نكون دقيقين أكتر شوي.. يعني شو بتقصد بأغلب؟؟ عطيني أمثلة وشو وصفك للنظام العلماني.. بعدين قلتلك عطيني أمثلة عن حكم الإسلامين وعطيتك مثال أفغانستان.. اذا عندك مثال ناجح عن حكم الاسلاميين تفضل لنناقشو

هون اختلفت الحكاية الدولة الإسرائيلية بتختلف عن غير امثلة ووضعها غير
اسرائيل دولة اتخذت الأيديولوجية الدينية كغطاء لوجود كيان مغتصب يعني وجودها معتمد على الفكرة الدينية
فبالتالي هو وجود مؤقت وأي فصل للدين اليهودي عن الدولة يعني انهيار هي الدولة .
تاني شي اذا كان مقياس التقدم هوي مدى وجود كومبيوترات وأسلحة وشوارع نضيفة وما شاكل ففي دول كتير متقدمة من هالناحية وهاد مثال بعيد عالي عم نحكيه
أذا كان البحث العلمي . والأقتصاد المتين . والتطور التكنولوجي . والحياة المدنية الحديثة لا تعني دول متقدمة
فماهي الدولة المتقدمة ؟

لا شريك ... حتى الغير طائفيين عندن هالنزعة .. وبكل الأديان

فيك تقلي ... انو ممكن بدولة مسلمة ... يتركو شخص مسيحي يساهم بتشريع القوانين والدستور .؟
ونفس الشي بالنسبة للمسيحية ... ولليهودية

مظبوط كتير كتير ..

يعني جوات كل واحد متدين في طائفية .. ولو انها بتتفاوت بـ النسبة

يعني أنا لما بروح عـ الكافي نت ( كل اللأشخاص هنيك اسلام )

صحي بيعاملوني متل ما بيعاملو بعض و يمكن اكتر .. بس ما بيخلو الأمر انو أول ما فوت .. مثلأً اذا كان في شخص جديد بيناتون ينبهوه أنو هاد يلي دخل هلا مسيحي

بتنى تكون وصلت الفكرة حبيباتي

ممكن نكون دقيقين أكتر شوي.. يعني شو بتقصد بأغلب؟؟ عطيني أمثلة وشو وصفك للنظام العلماني.. بعدين قلتلك عطيني أمثلة عن حكم الإسلامين وعطيتك مثال أفغانستان.. اذا عندك مثال ناجح عن حكم الاسلاميين تفضل لنناقشو
الأانظمة في سورية . مصر . تونس . لبنان . الجزائر . العراق . ليبيا . وغيرها كلها علمانية ماذا قدمت من حضارة وتقدم منذ أكثر من خمسين عام
بعدين الكل ضد يلي صار بأفغانستان وهو غلط وأنا أكيد ضدو . رغم أنو تجربة ما أنعطت خمسين سنة متل الأنظمة العربية
وفيني أعطيك عن حكم الأسلاميين مثال الأمارات العربية . أو ماليزيا
متل مافي دول علمانية فوق وتحت في دول متدينة فوق وتحت
القصة قصة صراع حضاري أقتصادي جغرافي هو عميساعد على تقدم الدول أو العكس

اول شي ... مساءكم مسك اجمعين ...

رح بلش من اخر نقطة .. يالي هي دولة اسرائيل .. بداية متل ما حكيو اسرائيل اتخذت الدين كستار او كحملة اعلامية لتشجيع الهجرة ... لكن المجتمع الاسرائيلي ... سياسيا وحتى اجتماعيا هو مجتمع ما رح احكي علماني ... رح احكي مجتمع الحادي درجة اولى .... باستثناء الزنادقة المتدينين ...

مشان الفرص وحكم الاحزاب الدينية ... خلينا نشوف مثلا ونرجع بالتاريخ لمصر بالثمانينات ... شو الاخوان المسلمين عملو بمصر قبل ان يحكمو ... وخلينا نشوف الازمة القبطية الاسلامية في مصر حاليا ... كل شهر كم من واحد بيموتبعنف طائفي ... فيكم تتخيلو لو رئيس البلد اعلن انو البلد دينية ... رح تصير افضل البلد ؟ ؟

العراق حاليا .. كل العنف الطائفي ... كله ارهاصات من عمق الفكر الديني ... الاقصائي ... مو على اساس ملحد ومؤمن او حتى مسيحي .. بل بين المسلمين انفسهم ... سنة وشيعة ...

لبنان كمان ما بنقدر نبعدها عن القضية الطائفية ... غزة تدخل الدين بالسياسة ونتائجو ... افغانستان ...

فينا نشوف التحضر والتنمية البشرية في مجال الغباء والتبعية في السعودية ...

===

الفكر الديني بشكل عام متقوقع .. متحجر لا يقبل العقل ... ولا يقبل النقاش ... لسبب انه عم يعتبر نفسه المطلق الاوحد ... وبيلغي ما سواه ... يعني رح يتعامل معي ومع غيري على اساس اننا شيطان رجيم ...

===
الاحزاب العلمانية في الوطن العربي ... لم تعطى الاحزاب العلمانية فرصتها ... بالاغلب لاسباب داخلية ... والشكر للاسلاميين على اثارة القلاقل في كل مرة ...


حاب اسأل شغلة
التشريع الديني بالقوانين الدينية بكل أوروبا هناك أعادة نظر في أخذ بعضها . لأنها لا تتعارض مع تقدم الدول
هالخبر شو مصدرو ؟ وين باوروبا تحديدا بدهم يرجعو الدين ؟

اي خيو وضحلنا شوي عن الدين العلماني.. شو مبادئه ومين نبيو وشو كتابه المعتمد.. باعتبار هي شغلات معتمده بالأديان

هوي نفسو الدين الجديد .. بتلاقي الموضوع ملحوش هون بـالمنبر

مبادئو مبهمة شوي .. الـ الله تبعو هوي سعدو

و النبي هوي الـ (( أنا )) أبو طريق

اما كتابه .. فهو ليس كتاب بـ المعنى الحرفي .. بيشبه لكن أكتر من كتاب .. و بيسموهه السطل

وفيني أعطيك عن حكم الأسلاميين مثال الأمارات العربية . أو ماليزيا

يسعد الله ... ماليزيا حكمها اسلامي ؟

نشأت العلمانية في الغرب نشأة طبيعية نتيجة لظروف ومعطيات تاريخية –دينية واجتماعية وسياسية وعلمانية واقتصادية- خلال قرون من التدريج والنمو، والتجريب، حتى وصلت لصورتها التي هي عليها اليوم..
ثم وفدت العلمانية إلى الشرق في ظلال الحرب العسكرية، وعبر فوهات مدافع البوارج البحرية، ولئن كانت العلمانية في الغرب نتائج ظروف ومعطيات محلية متدرجة عبر أزمنة متطاولة، فقد ظهرت في الشرق وافداً أجنبياً في الرؤى والإيديولوجيات والبرامج، يطبق تحت تهديد السلاح وبالقسر والإكراه؛ لأن الظروف التي نشأت فيها العلمانية وتكامل مفهومها عبر السنين تختلف اختلافاً جذرياً عن ظروف البلدان التي جلبت إليها جاهزة متكاملة في الجوانب الدينية والأخلاقية والاجتماعية والتاريخية والحضارية، فالشرط الحضاري الاجتماعي التاريخي الذي أدى إلى نجاح العلمانية في الغرب مفقود في البلاد الإسلامية، بل فيها النقيض الكامل للعلمانية، ولذلك كانت النتائج مختلفة تماماً، وحين نشأت الدولة العربية الحديثة كانت عالة على الغربيين الذين كانوا حاضرين خلال الهيمنة الغربية في المنطقة، ومن خلال المستشارين الغربيين أو من درسوا في الغرب واعتنقوا العلمانية، فكانت العلمانية في أحسن الأحوال أحد المكونات الرئيسية للإدارة في مرحلة تأسيسها، وهكذا بذرت بذور العلمانية على المستوى الرسمي قبل جلاء جيوش الاستعمار عن البلاد الإسلامية التي ابتليت بها.
ومن خلال البعثات التي ذهب من الشرق إلى الغرب عاد الكثير منها بالعلمانية لا بالعلم، ذهبوا لدراسة الفيزياء والأحياء والكيمياء والجيولوجيا والفلك والرياضيات فعادوا بالأدب واللغات والاقتصاد والسياسة والعلوم الاجتماعية والنفسية، بل وبدراسة الأديان وبالذات الدين الإسلامي في الجامعات الغربية، ولك أن تتصور حال شاب مراهق ذهب يحمل الشهادة الثانوية ويلقى به بين أساطين الفكر العلماني الغربي على اختلاف مدارسه، بعد أن يكون قد سقط أو أسقط في حمأة الإباحية والتحلل الأخلاقي وما أوجد كل ذلك لديه من صدمة نفسية واضطراب فكري، ليعود بعد عقد من السنين بأعلى الألقاب الأكاديمية، وفي أهم المراكز العلمانية بل والقيادية في وسط أمة أصبح ينظر إليها بازدراء، وإلى تاريخها بريبة واحتقار، وإلى قيمها ومعتقداتها وأخلاقها –في أحسن الأحوال- بشفقة ورثاء، إنه لن يكون بالضرورة إلا وكيلاً تجارياً لمن علموه وثقفوه ومدّنوه، وهو لا يملك غير ذلك.
ثم أصبحت الحواضر العربية الكبرى مثل: (القاهرة-بغداد-دمشق) بعد ذلك من مراكز التصدير العلماني للبلاد العربية الأخرى، من خلال جامعاتها وتنظيماتها وأحزابها، وبالذات دول الجزيرة العربية، وقل من يسلم من تلك اللوثات الفكرية العلمانية، حتى أصبح في داخل الأمة طابور خامس، وجهته غير وجهتها، وقبلته غير قبلتها، إنهم لأكبر مشكلة تواجة الأمة لفترة من الزمن ليست بالقليلة.
ثم كان للبعثات التبشيرية دورها، فالمنظمات التبشيرية النصرانية التي جابت العالم الإسلامي شرقاً وغرباً من شتى الفرق والمذاهب النصرانية، جعلت هدفها الأول زعزعة ثقة المسلمين في دينهم، وإخراجهم منه، وتشكيكهم فيه.
ثم كان للمدارس والجامعات الأجنبية المقامة في البلاد الإسلامية دورها في نشر وترسيخ العلمانية.
ثم كان الدور الأكبر للجمعيات والمنظمات والأحزاب العلمانية التي انتشرت في الأقطار العربية والإسلامية، ما بين يسارية وليبرالية، وقومية وأممية، سياسية واجتماعية وثقافية وأدبية بجميع الألوان والأطياف، وفي جميع البلدان حيث إن النخب الثقافية في غالب الأحيان كانوا إما من خريجي الجامعات الغربية أو الجامعات السائرة على النهج ذاته في الشرق، وبعد أن تكاثروا في المجتمع عمدوا إلى إنشاء الأحزاب القومية أو الشيوعية أو الليبرالية، وجميعها تتفق في الطرح العلماني، وكذلك أقاموا الجمعيات الأدبية والمنظمات الإقليمية أو المهنية، وقد تختلف هذه التجمعات في أي شيء إلا في تبني العلمانية، والسعي لعلمنة الأمة كل من زاوية اهتمامه، والجانب الذي يعمل من خلاله.
ولا يمكن إغفال دور البعثات الدبلوماسية: سواء كانت بعثات للدول الغربية في الشرق، أو للدول الشرقية في الغرب، فقد أصبحت في الأعم الأغلب جسوراً تمر خلالها علمانية الغرب الأقوى إلى الشرق الأضعف، ومن خلال المنح الدراسية وحلقات البحث العلمي والتواصل الاجتماعي والمناسبات والحفلات ومن خلال الضغوط الدبلوماسية والابتزاز الاقتصادي، وليس بسر أن بعض الدول الكبرى أكثر أهمية وسلطة من القصر الرئاسي أو مجلس الوزراء في تلك الدول الضعيفة التابعة.
ولا يخفى على كل لبيب دور وسائل الإعلام المختلفة، مسموعة أو مرئية أو مقروءة، لأن هذه الوسائل كانت من الناحية الشكلية من منتجات الحضارة الغربية –صحافة أو إذاعة أو تلفزة- فاستقبلها الشرق واستقبل معها فلسفتها ومضمون رسالتها، وكان الرواد في تسويق هذه الرسائل وتشغيلها والاستفادة منها إما من النصارى أو من العلمانيين من أبناء المسلمين، فكان لها الدول الأكبر في الوصول لجميع طبقات الأمة، ونشر مبادئ وأفكار وقيم العلمانية، وبالذات من خلال الفن، وفي الجانب الاجتماعي بصورة أكبر.
ثم كان هناك التأليف والنشر في فنون شتى من العلوم وبالأخص في الفكر والأدب والذي استعمل أداة لنشر الفكر والممارسة العلمانية.
فقد جاءت العلمانية وافدة في كثير من الأحيان تحت شعارات المدارس الأدبية المختلفة، متدثرة بدعوى رداء التجديد والحداثة، معلنة الإقصاء والإلغاء والنبذ والإبعاد لكل قديم في الشكل والمضمون، وفي الأسلوب والمحتوى، ومثل ذلك في الدراسات الفكرية في علوم الاجتماع والنفس والعلوم الإنسانية المختلفة، حيث قدمت لنا نتائج كبار ملاحدة الغرب وعلمانييه على أنه الحق المطلق، بل العلم الأوحد ولا علم سواه في هذه الفنون، وتجاوز الأمر التأليف والنشر إلى الكثير من الكليات والجامعات والأقسام العلمية التي تنتسب لأمتنا اسماً، ولغيرها حقيقة.
ولا يستطيع أحد جحد دور الشركات الغربية الكبرى التي وفدت لبلاد المسلمين مستثمرة في الجانب الاقتصادي.
هكذا سرت العلمانية في كيان الأمة، ووصلت إلى جميع طبقاتها قبل أن يصلها الدواء والغذاء والتعليم في كثير من الأحيان، ولو كانت الأمة حين تلقت هذا المنهج العصري تعيش في مرحلة قوة وشموخ وأصالة لوظفت هذه الوسائل توظيفاً آخر يتفق مع رسالتها وقيمها وحضارتها وتاريخها وأصالتها.

هالخبر شو مصدرو ؟ وين باوروبا تحديدا بدهم يرجعو الدين ؟
صار خطأ مطبعي أنا قصدت القوانين المدنية مو القوانين الدينية :p
بعدين بعض ومو كل الدين بدهم ياخدوه بالقوانين المدنية
وبيختلف بين دولة وأخرى

الأانظمة في سورية . مصر . تونس . لبنان . الجزائر . العراق . ليبيا . وغيرها كلها علمانية ماذا قدمت من حضارة وتقدم منذ أكثر من خمسين عام
بعدين الكل ضد يلي صار بأفغانستان وهو غلط وأنا أكيد ضدو . رغم أنو تجربة ما أنعطت خمسين سنة متل الأنظمة العربية
وفيني أعطيك عن حكم الأسلاميين مثال الأمارات العربية . أو ماليزيا
متل مافي دول علمانية فوق وتحت في دول متدينة فوق وتحت
القصة قصة صراع حضاري أقتصادي جغرافي هو عميساعد على تقدم الدول أو العكس






لا تقلي كم بناية و ناطحة سحاب ينوها و صمموها الاميركان و الفرنسيين صار تطور تكنولوجي ... !


قبل تلاثين سنة ... كانت الامارات شي عادي !

بس بعد الاحداث الاخيرة و تغييب العراق ... صار اسم للخليج !


حبيبي .. التطور العلمي الكبير في العراق و سوريا و لبنان و مصر و تونس ...... و عملوا شغلات ما حدا يحلم فيها .. بالخليج


و الدليل .. جامعات الخليج و مؤسسات الخليج عايشة على الاساتذة العرب و المهندسين العرب و حتى المدارس ثانوية !!!


مو تقلي جامعة فيها اجهزة أمريكية حديثة ما يعرفون يشغلوها صار اسمو تطور


ماليزيا ... الحزب الحلكم و ان اكن ديني الطابع ... لكن الدولة علمانية ما تفرق بين الناس ... و الدولة متطورة لان شعبها متطور فكريا


بينما لو كان فيها فكر اقصائي .. ما كان وصلوا الى هذه المرحلة و خاصة انه نسبة كبيرة من الشعب هم صينيين !

يسعد الله ... ماليزيا حكمها اسلامي ؟
لأ هندوسي

انا برايي انه هناك نظام يسيطر على اتباعه , ان كان للمسلمين فهو الدين الاسلامي وان كان للمسيحيين فهو الدين المسيحي وان كان لليهود فهو الدين اليهودي , وان كان للهندوس فهو الهندوسي الخ....

وايضا النظام العلماني هو عباره عن ( دين ) يؤمن به اتباعه , و يسيطر عليهم , ويضع قوانينا و نظما للحياه, على الاخرين ان يقبلوا بها , سواء معتنقين للعلمانيه ام لا .

ارى كل نظام سياسي حاكم , عباره عن دين معين , قد يكون سماوي , او ارضي , او ممزوج , او دين فصله الحاكم على مقاسه لينال قدسيه الحكم وشرعيته .

لذلك ارى العالم كله محكوم بانظمه دينيه .

:D

اي تمام يسلمو ايديك وصلت الفكرة...
مابعرف ليش بتكذبوا كل شخص يخالف رايكم ؟
يعني بفرض ان الرجل عنده بالبيت كيبورد عربي وهلق عم يحكي من مكان تاني مافيه كيبورد عربي
هاي انا قاعد بدولة عربية بالشغل ماعندي كيبورد عربي وبالبيت عندي !
ماهذا المنطق العلماني!

وايضا النظام العلماني هو عباره عن ( دين ) يؤمن به اتباعه , و يسيطر عليهم , ويضع قوانينا و نظما للحياه, على الاخرين ان يقبلوا بها , سواء معتنقين للعلمانيه ام لا .



مئة مرة قلنا ... العلمانية ليست الالحاد !


ثاني شي ... شلون استنتجت هذا الشي ؟؟

لا تقلي كم بناية و ناطحة سحاب ينوها و صمموها الاميركان و الفرنسيين صار تطور تكنولوجي ... !


قبل تلاثين سنة ... كانت الامارات شي عادي !
تماما وقصة الدول المتقدمة متل ما أنا قلت بترتبط بصراع حضاري أقتصادي جغرافي
شاء القدر أنو قوى أقتصادية غربية ساعدت وسمحت بتقدم أقتصادي ومدني بالأمارات . مع العلم أنو طبيعة الأمارات لا تساعدها أقامة نهضة صناعية مثلا

بس بعد الاحداث الاخيرة و تغييب العراق ... صار اسم للخليج !


حبيبي .. التطور العلمي الكبير في العراق و سوريا و لبنان و مصر و تونس ...... و عملوا شغلات ما حدا يحلم فيها .. بالخليج
شو التطور العلمي يلي عملوه ؟

و الدليل .. جامعات الخليج و مؤسسات الخليج عايشة على الاساتذة العرب و المهندسين العرب و حتى المدارس ثانوية !!!


مو تقلي جامعة فيها اجهزة أمريكية حديثة ما يعرفون يشغلوها صار اسمو تطور


ماليزيا ... الحزب الحلكم و ان اكن ديني الطابع ... لكن الدولة علمانية ما تفرق بين الناس ... و الدولة متطورة لان شعبها متطور فكريا


بينما لو كان فيها فكر اقصائي .. ما كان وصلوا الى هذه المرحلة و خاصة انه نسبة كبيرة من الشعب هم صينيين !
تماما . ومين قال أنو الفكر الديني لازم يكون أقصائي
أي فكر أقصائي مرفوض

مئة مرة قلنا ... العلمانية ليست الالحاد !






اصل العلمانية ترجمة للكلمة الإنجليزية (secularism) وهي من العلم فتكون بكسر العين، أو من العالَم فتكون بفتح العين وهي ترجمة غير أمينة ولا دقيقة ولا صحيحة، لأن الترجمة الحقيقية للكلمة الإنجليزية هي (لا دينية أولا غيبية أو الدنيوية أولا مقدس)

العلماني هو الشخص الذي يريد جواب على كل سؤال يتعلق بالدين .. وان لم يجد هذا الجواب قام بدحض هذا الدين فورا

نشأت العلمانية في الغرب نشأة طبيعية نتيجة لظروف ومعطيات تاريخية –دينية واجتماعية وسياسية وعلمانية واقتصادية- خلال قرون من التدريج والنمو، والتجريب، حتى وصلت لصورتها التي هي عليها اليوم..
نشئت العلمانية نتيجة لـ ظروف دينية و علمانية ؟:shock:


فكانت العلمانية في أحسن الأحوال أحد المكونات الرئيسية للإدارة في مرحلة تأسيسها، وهكذا بذرت بذور العلمانية على المستوى الرسمي قبل جلاء جيوش الاستعمار عن البلاد الإسلامية التي ابتليت بها.

البلاء كان قبل قدوم العلمانية وليس بعدها



ثم أصبحت الحواضر العربية الكبرى مثل: (القاهرة-بغداد-دمشق) بعد ذلك من مراكز التصدير العلماني للبلاد العربية الأخرى، من خلال جامعاتها وتنظيماتها وأحزابها، وبالذات دول الجزيرة العربية، وقل من يسلم من تلك اللوثات الفكرية العلمانية،

قصدك قل من انتبه ألى ضرورة الغلمانية في البلاد بعد ان كان الطابع الديني - الفاشي سأئداً فيها


ثم كان للبعثات التبشيرية دورها، فالمنظمات التبشيرية النصرانية التي جابت العالم الإسلامي شرقاً وغرباً من شتى الفرق والمذاهب النصرانية، جعلت هدفها الأول زعزعة ثقة المسلمين في دينهم، وإخراجهم منه، وتشكيكهم فيه.

صرت عم تخربطني شوي .. كان هدف هل بعثات زعزعة أيمان المسلمين .. ولا قيادة المسلمين نحو المسيحية ولا نشكر الفكر العلماني ؟

وبعد أن تكاثروا في المجتمع عمدوا إلى إنشاء الأحزاب القومية أو الشيوعية أو الليبرالية، وجميعها تتفق في الطرح العلماني، وكذلك أقاموا الجمعيات الأدبية والمنظمات الإقليمية أو المهنية، وقد تختلف هذه التجمعات في أي شيء إلا في تبني العلمانية، والسعي لعلمنة الأمة كل من زاوية اهتمامه، والجانب الذي يعمل من خلاله.

رغم هل شي .. كل الجمعيات الأدبية و العلمية و الفكرية .. و الأحزاب العلمانية ما بين شيوعيين و ليبراليين و يساريين فشلت فشلت في تحقيق أهدافها










هكذا سرت العلمانية في كيان الأمة، ووصلت إلى جميع طبقاتها قبل أن يصلها الدواء والغذاء والتعليم في كثير من الأحيان، ولو كانت الأمة حين تلقت هذا المنهج العصري تعيش في مرحلة قوة وشموخ وأصالة لوظفت هذه الوسائل توظيفاً آخر يتفق مع رسالتها وقيمها وحضارتها وتاريخها وأصالتها.



صديقي .. تتحدث عن العلمانية و كأنها مرض دخل البلاد ..

العلمانية كانت الدواء .. ولكن رغم قوتها و فاعليتها .. فشلت امام فيروسات الجهل و التخلف .. تحياتي :D

مئة مرة قلنا ... العلمانية ليست الالحاد !



حبيب
انا لم اقل ان العلمانيه هي الحاد , كيف فهمت من كلامي انني اصف العلمانيه بالالحاد ؟؟


ثاني شي ... شلون استنتجت هذا الشي ؟؟



لو تمعنت جيدا وقرات اخر كلامي في الرد السابق , لعرفت كيف وصلت لهذا الاستنتاج .

:D

هلأ معلش بس العلمانية مو الحل الأمثل لأنو في دول متل تركيا وفرنسا والي تعتبر دول علمانية فهي الدول
بتقيض حرية الفرد بشعائرو الدينية للفرد يعني مو متل ماعم تقولوا انو العلمانية بتعطي جميع المواطنين نفس الحقوق

اصل العلمانية ترجمة للكلمة الإنجليزية (secularism) وهي من العلم فتكون بكسر العين، أو من العالَم فتكون بفتح العين وهي ترجمة غير أمينة ولا دقيقة ولا صحيحة، لأن الترجمة الحقيقية للكلمة الإنجليزية هي (لا دينية أولا غيبية أو الدنيوية أولا مقدس)

العلماني هو الشخص الذي يريد جواب على كل سؤال يتعلق بالدين .. وان لم يجد هذا الجواب قام بدحض هذا الدين فورا


ترجمة غير امينة ... و غير دقيقة ... !


حتى تكون على بينة ... لا ديني .. لا تعني ضد الدين ...


و انما فصل الدين عن السياسة ... و بداية ظهورها فرنسا كمصطلح ..

بينما في البلاد اللي تحت الاحتلال العثماني .. ما قدرت تظهر كحركة واسعة بسبب الاقصاء الفكري لكل شيئ يمس امن الدولة و بإسم الدين !

العلماني هو الشخص الذي يريد جواب على كل سؤال يتعلق بالدين .. وان لم يجد هذا الجواب قام بدحض هذا الدين فورا

هون عم تحكي عن الملحد بيجوز .. العلماني لا يشكك بـ مصداقية الدين

على عكس الملحد

العلماني يطلب بـ أبعاد احكام الدولة و أعرافها عن الأحكام الدينية .. فـ هو لا ينفي بـ الضرورة الدين

هلأ معلش بس العلمانية مو الحل الأمثل لأنو في دول متل تركيا وفرنسا والي تعتبر دول علمانية فهي الدول


بتقيض حرية الفرد بشعائرو الدينية للفرد يعني مو متل ماعم تقولوا انو العلمانية بتعطي جميع المواطنين نفس الحقوق



يعني تركيا حكينا عليها لان النظلم شوفيني ...

فرنسا لم تقيد احد ... منعت لبس الصلبان الكبيرة و الحجاب داخل المدارس !

حتى ما يصير تمييز بين الطلاب

هلأ معلش بس العلمانية مو الحل الأمثل

أنما حل أفضل

بس هي تعتبر نقطة ضد العلمانية

حبيب
انا لم اقل ان العلمانيه هي الحاد , كيف فهمت من كلامي انني اصف العلمانيه بالالحاد ؟؟


من تصف العلمانية كأنها دين ... يعني تفرض وجود تعاليم الكل تمشي عليها .. و رجال مؤمتمنين عليها

بالعكس اصلا العلمانية منفتحة و قابلة للتغير ... لانها نظام سياسي بحت ...





لو تمعنت جيدا وقرات اخر كلامي في الرد السابق , لعرفت كيف وصلت لهذا الاستنتاج .

:D

تمعنت جيدا ... و فهمت قصدك .. .. و لكن في كثير بلاد الحاكم ما يحدد الدستور و الدولة !

نشئت العلمانية نتيجة لـ ظروف دينية و علمانية ؟:shock:


كلمة علمانية هنا جائت غلطة مطبعية كان لازم ينكتب بدالها ظروف لادينية

[QUOTE]البلاء كان قبل قدوم العلمانية وليس بعدها

اعطيك مثال واحد بس ... لو نظرت الى تركيا كدولة اسلامية كيف كانت قبل نظام اتاتورك العلماني وكيف صارت بعد هذا النظام ..



قصدك قل من انتبه ألى ضرورة الغلمانية في البلاد بعد ان كان الطابع الديني - الفاشي سأئداً فيها
نظام ديني فاشي لايوجد على الاطلاق .. ان كان يوجد ياريت تعطيني مثال حي
هنالك فقط نظام شريعة اسلامية بالسعودية وللاسف لايطبق على الجميع ولو طبق عالجميع دون استثناء القبليات لما شاهدت جريمة واحدة تحصل بالسعودية


صرت عم تخربطني شوي .. كان هدف هل بعثات زعزعة أيمان المسلمين .. ولا قيادة المسلمين نحو المسيحية ولا نشكر الفكر العلماني ؟
الاثنين .. طبعاُ تلك البعثات حاطة بالحسبان انه لايمكن لمسلم ان يتحول الى الدين المسيحي الا من كان متأسلم يعني مسلم بالاسم فقط ... وهذا الشيء نادر نسبة 1 على مليون على اقل تقدير ... لذلك تحول هدفهم الى عصرنة المجتمعات الاسلامية عن طريق نشر مفاهيم العلمانية التي هي بالاساس ضد الدين الاسلامي



رغم هل شي .. كل الجمعيات الأدبية و العلمية و الفكرية .. و الأحزاب العلمانية ما بين شيوعيين و ليبراليين و يساريين فشلت فشلت في تحقيق أهدافها
اكيد رح تفشل لأن مبادئها باطلة وانكشف تعصب وغلو بعض العلمانيين




صديقي .. تتحدث عن العلمانية و كأنها مرض دخل البلاد ..


برأيي الشخصي اعتبر العلمانية مرض طول مالعلمانيين وراء علمنة المجتمع وابعاد المجتمع عن الالتزامات الدينية وهذا هو هدفهم الاسمى ... بكل الاحوال لم نسمع عن علمانية ناجحة لاتقل لي فرنسا لأن علمانية فرنسا أثرت على المسلمين الفرنسيين حصراً ولم تؤثر على غيرهم سلباً

العلمانية كانت الدواء .. ولكن رغم قوتها و فاعليتها .. فشلت امام فيروسات الجهل و التخلف .. تحياتي :D
استغرب وصفك لكل شيء غير علماني بفيروس الجهل والتخلف ...
تحية:D

أنما حل أفضل
الحل الافضل يكون بدولة تطبق القانون الالهي على جميع ابنائها لافرق بين غني وفقير ولاامير ولامدير كلهم سواسية .. تطبق هذا القانون بدون تشدد وتعصب فالتشدد والتعصب والفكر الاقصائي منبوذ ... ففي ذلك حفظ للمجتمع وتنمية الوازع الديني لديه هذا الوازع الذي يمنع كل الافعال الاجرامية والافعال المنافية لطبيعة الانسان ولكي لايعم الفساد في الارض ... فالعلمانية لاتحتوي على عقوبات رادعة تمنع الجرائم من الحدوث مرة أخرى ...
=====
بعطيك مثال أنا كفرد عادي لدي نزعات شيطانية في تدمير مديري وسرقته ونهبه لأنه انسان سيء ويستحق كل ماهو سيء ... لكن وازعي الدين يمنعني من ان احتال عليه مع انني قادر على .. فلو كنت من اتباع العلمانية لما كان هنالك شيء يردعني غير المفهوم الضعيف الذي يتشدق به العلمانيون وهو المفهوم الانساني بالتعامل بين الناس .... الانسان يخطىء لكن الوازع الديني يمنعه من الخطأ أو تكراره ...
العلمانية هدفها ايجاد بديل للقوانين الآلهية لأنهم لايقتنعون بتلك القوانين ... ويريدون احلال القوانين الانسانية محلها وسيفشلون بذلك لامحالة ...

الحل الافضل يكون بدولة تطبق القانون الالهي على جميع ابنائها


لك ما هون المشكلة

ما عرفانين على مبدأ اينو اله بدنا نمشي .. لانو بكون بكل دولة في عدة آلهة

بعطيك مثال أنا كفرد عادي لدي نزعات شيطانية في تدمير مديري وسرقته ونهبه لأنه انسان سيء ويستحق كل ماهو سيء ... لكن وازعي الدين يمنعني من ان احتال عليه مع انني قادر على .. فلو كنت من اتباع العلمانية لما كان هنالك شيء يردعني غير المفهوم الضعيف الذي يتشدق به العلمانيون وهو المفهوم الانساني بالتعامل بين الناس .... الانسان يخطىء لكن الوازع الديني يمنعه من الخطأ أو تكراره ...

اها .. يعني هلأ ما في عندك مبادء انسانية ابدا انتي .. حلوة هي .. نقطة تسجّل ..


العلمانية هدفها ايجاد بديل للقوانين الآلهية لأنهم لايقتنعون بتلك القوانين ... ويريدون احلال القوانين الانسانية محلها

لك برد بقلك .. مانا عرفانين على اينو قوانين آلهية بدنا نمشي .. عطيني قوانين الهية .. لاعطيك قوانين منافية الها .. بس كمان " يقال " انها آلهية .. فاينو اله بدنا نسدق .. واينو عالم عم يحكو عالآله بدنا نسدق


وسيفشلون بذلك لامحالة ...


يا الهي :? او .. يا الهك:shock:

اعطيك مثال واحد بس ... لو نظرت الى تركيا كدولة اسلامية كيف كانت قبل نظام اتاتورك العلماني وكيف صارت بعد هذا النظام ..

من وجه نظر اسلامية .. تركيا كانت في اوج تألقها

لا تنسى المجازر يلي قام فيها العثمانين بحق الأرمن و السريان و الأشوريين ..

هل المجازر كانت وفقاً لـ قوانين ألهية ؟





نظام ديني فاشي لايوجد على الاطلاق .. ان كان يوجد ياريت تعطيني مثال حي
هنالك فقط نظام شريعة اسلامية بالسعودية وللاسف لايطبق على الجميع ولو طبق عالجميع دون استثناء القبليات لما شاهدت جريمة واحدة تحصل بالسعودية

النظام السعودي .. هون حطنا الجمال ..

هلا اذا عم تحكي عـ نسبة الجريمة .. بواقفك رح تقل كتير .. اذا كان كل واحد بدو يسرق بدنا نقطع ايدو

وكل وحد بيزني منقطع ****

هاد ابداً مانو الحل

أذا كان برأيك مقايس تطور الدول بينقاس بـ نسبة الجريمة .. ( و هوي ما نو هيك أبداً )

بس رح اجي معك ..
الحرامي بـ سويد .. بس ينمسك .. أو خليني أعطيك مثال حي
في شخص قرايبي .. دخل عندو حرامي عـ البيت .. و هل زلمة عايش لحالو و معاق .. ما بيقدر يمشي

الحرامي حمل هل زلمة و حطو بت الحديقة و قعد يحكي معو ( الحرامي كان من دولة عربية كمان )

المهم .. هوي عم يحكي مع الحرامي .. و الحرامي عم ينقل غراص من البيت لـ برا .. الزلمة دق للشرطة .. اجت الشرطة .. و بكل أحترام و عاملوه كأنو وزير عنا .. حطوه بـ السيارة و أخدوه .. قعدوه بت غفة سألوه ليش أنت عم تسرق .. قالون جوعان و ما معي اكل

أخدوه على مطعم عملوله أشتراك لت مدة سنة مبلاش ( على حسابون ) راحو أشترولو تياب .. دبرولو شغل و سكنوه بـ الكامب

ما قطعو ايدو

هاد من طرف .. من طرف تاني .. تطور الدولة يتعلق بـ مدى حريات الشخصية .. أنا كـ مسيحي .. ما فيني اظهر صليبي داخل السعودية .. مافيني اطلع أتمشى بـ الشارع وقت الأفطار بـ رمضان ..


الاثنين .. طبعاُ تلك البعثات حاطة بالحسبان انه لايمكن لمسلم ان يتحول الى الدين المسيحي الا من كان متأسلم يعني مسلم بالاسم فقط ... وهذا الشيء نادر نسبة 1 على مليون على اقل تقدير ... لذلك تحول هدفهم الى عصرنة المجتمعات الاسلامية عن طريق نشر مفاهيم العلمانية التي هي بالاساس ضد الدين الاسلامي

خليني قلك أنو مو غلط لما بتفصل السياسة عن الدين .. الغلط انو تدخلون بـ بعض ..

لهيك مو مبادئ العلمانية خاطئة .. حاشا و كلا ..



اكيد رح تفشل لأن مبادئها باطلة وانكشف تعصب وغلو بعض العلمانيين

مبادئها خاطئة من وجهة نظر يلي بدو ينضر منها .. أصلاً ما تعرفنا على أهدافها و ما شفنا أي تنفيذ لـ مشاريعها حتى نحدد انو غلط أو صح



برأيي الشخصي اعتبر العلمانية مرض طول مالعلمانيين وراء علمنة المجتمع وابعاد المجتمع عن الالتزامات الدينية وهذا هو هدفهم الاسمى ...
أبداً .. أبعاد السياسة عن الدين .. ليس المجتمع ..
بكل الاحوال لم نسمع عن علمانية ناجحة لاتقل لي فرنسا لأن علمانية فرنسا أثرت على المسلمين الفرنسيين حصراً ولم تؤثر على غيرهم سلباً

ألمانيا - سويد - بلجيكا - هولندا

سوريا عملياً و ليس نظرياً


استغرب وصفك لكل شيء غير علماني بفيروس الجهل والتخلف ...
لا تستغرب .. كل شي محدد بـ قوانين لا يحق لنا المساس بها أو تغيرها.. فاشل حتماً


بعطيك مثال أنا كفرد عادي لدي نزعات شيطانية في تدمير مديري وسرقته ونهبه لأنه انسان سيء ويستحق كل ماهو سيء ... لكن وازعي الدين يمنعني من ان احتال عليه مع انني قادر على .. فلو كنت من اتباع العلمانية لما كان هنالك شيء يردعني غير المفهوم الضعيف الذي يتشدق به العلمانيون وهو المفهوم الانساني بالتعامل بين الناس .... الانسان يخطىء لكن الوازع الديني يمنعه من الخطأ أو تكراره ...


انسانية - أخلاق - ضمير - محبة - تسامح - سلام

هل صفات أسمى بـ كتير من القوانين الألهية - ان وجدت و ان صحت - .

العلمانية هدفها ايجاد بديل للقوانين الآلهية لأنهم لايقتنعون بتلك القوانين ... ويريدون احلال القوانين الانسانية محلها وسيفشلون بذلك لامحالة ...

ذكرتي بـ حرب مو متذكر اسما .. بس بعرف انو كانت بين العرب و الفرس يمكن

المهم

الفرس كان معهم بواريد .. قامو العرب طلعو يحاربوهن بـ السيف على اعتبار انه سلاح الرسول و أنو الأنتصار مسبقاً
ضامنينو .. و اكيد خسرو

لك ما هون المشكلة
ما عرفانين على مبدأ اينو اله بدنا نمشي .. لانو بكون بكل دولة في عدة آلهة

في الله بيقلك أنو فلسطين لليهود

ذات الله بيقلك أنو من لطمك على الأيسر أدر له الأيمن

نفس الله بيقلك اللي بيطلع عن دين الحق أهدر دمه

هوي الله ما غيرو يلي حرم الطلاق .. و نفسو يلي منع الزواج الا بـ امرأة واحدة .. وعينه يلي قال اتجوز 4

في الله بيعطل الجمعة .. و في الله بيعطل السبت .. وفي الله بيعطل الأحد

" ما لازم تخاف يا قاسم .. امشي و اتكل على الله
رامز : و بلكي يلي معو فنبلة و بدو يفجرها كمان متكل على الله ؟ "

من وجه نظر اسلامية .. تركيا كانت في اوج تألقها

لا تنسى المجازر يلي قام فيها العثمانين بحق الأرمن و السريان و الأشوريين ..

هل المجازر كانت وفقاً لـ قوانين ألهية ؟




هون بس بدي ضفلك عل يلي ذكرلك ياهون بارليب كأمثلة على عظمة الدولة العثمانية:

نسيت احتلالها لبلادنا 400 سنة؟؟ ونسيت سحب شباب سوريا على جيوش السلطان وموتون بهالحروب يلي ما إلهون فيها لا ناقة ولا جمل؟؟؟ نسيت تجويعهون لشعبنا 400 سنة؟؟ هاد كلو من عظمة الامبراطورية العثمانية "الاسلامية"

بظن هلا عرفت كيف أجت عبر فوهات المدافع والمدارس التبشيرية:pos:
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////