القبيسيات من هم؟ [الأرشيـــــف]

zerocold hacker

12/08/2008, 10:55

انا هدفي من هالموضوع انو اعرف

مين القبيسيات؟؟؟؟؟

هل هنن عنجد بيكفروا اللي ما بتقدس الانسة ولا شو؟؟؟؟؟؟؟!!!!!1

يا ريت من اللي عندون خبرة يقولولي

zerocold hacker

12/08/2008, 11:24

بالمناسبة هي اول مرة بسمع باسم هالكتاب :"مزامير داوود"

phoenixbird

12/08/2008, 11:26

طيب انا كنت احضر دروس عندون بس تركت بسبب ظروفي وما شفت ولا سمعت عن هيك اشيا

يعني بالعكس الجماعة بحالون وما في قصة تقديس الانسة

بس انا كتير بستغرب من هالنظرة

انا ما بنكر انهن بيحملوا السلم بالعرض احيانا

بس مو معناتو انو هالاشاعات صح
اذا انك كنتي تحضري معون معناتا بتعرفيهون

مرة حكيوا عنهون بمسلسل عملو نجدت انزور يمكن اسمه المارقون
وفعلا كانوا حاملين السلم بالعرض

zerocold hacker

12/08/2008, 11:31

اي انا بعرفون بس ما كنت متوقعة هالاشاعات هي كلها هيك تطلع

يعني الجماعة مو هيك
واذا كم بنت جدبة وما بتفهم وبتروح بتأول الحكي على كيفها مو معناتو انو الانسات هيك

والله انا ما شفت منهن الا كل خير ولو اني ما بوافقون بكم قصة

phoenixbird

12/08/2008, 11:35

اي انا بعرفون بس ما كنت متوقعة هالاشاعات هي كلها هيك تطلع

يعني الجماعة مو هيك
واذا كم بنت جدبة وما بتفهم وبتروح بتأول الحكي على كيفها مو معناتو انو الانسات هيك

والله انا ما شفت منهن الا كل خير ولو اني ما بوافقون بكم قصة
يا ستي انا ما طبيقون ولا بطيق اس شي بيقرب لون
ولسا في بلاوي اكتر من هيك
بيكفي فتوى انو حرام البنت تنتام جنب الاحيط قال لانو الحيط مذكر
اي شو هالمسخرة
وباقي المدراس الدينية مو احسن منون

zerocold hacker

12/08/2008, 11:40

سؤال بس انت من وين جبت هالفتوى

انا ضليت معون خمس سنين وما سمعت بهيك شي؟؟؟؟!!!!!!!!!

ومن ناحية المدارس الدينية الباقية انا ما بعرف شي

phoenixbird

12/08/2008, 11:46

سؤال بس انت من وين جبت هالفتوى

انا ضليت معون خمس سنين وما سمعت بهيك شي؟؟؟؟!!!!!!!!!

ومن ناحية المدارس الدينية الباقية انا ما بعرف شي

فقشي هون لقلك (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
وبحبشكل عالخبر بالوطن وبحطه

zerocold hacker

12/08/2008, 11:49

انو هاد الحكي كلو مسخرة

اصلا هنن بالموقع قايلين انو القصة مو صح

phoenixbird

12/08/2008, 11:58

وبمحلات تانية انسمع حكي اكتر من هيك

هلق من الاخر انتي لشو بدك توصلي؟

zerocold hacker

12/08/2008, 12:00

انا بدي اعرف شو نظرتك وشو نظرة كل واحد باخوية لالهون

حسيت انو في كتير سوء فهم صاير تجاهون

zerocold hacker

12/08/2008, 12:05

انا ما عم قول انو بدي كون محامي دفاع عنهون

بالعكس يا ريت من الكل يقول رايو بصراحة تامة

سوري محشش

12/08/2008, 16:32

انا بدي اعرف شو نظرتك وشو نظرة كل واحد باخوية لالهون

حسيت انو في كتير سوء فهم صاير تجاهون
ماشي رح قلك رأيي باعتباري مرية بتجربة شخصية مع بنت من هل جماعة
البنت كانت بالبداية طبيعية متلي متلك ومافيا شي المهم كنا انحب بعض كتير ومتفقين انو خلص رح نكمل سوا
بعد فترة قالتلي انو عم تروح تاخد دروس دين بالشام
هلأ انا مالي دين ورأيتي بالله مو متل المسلمين ابداً وبشوفو انو ظالم ومن هل حكي
هلأ هية بتعرف هل كلام
بعدا صارت تحاول تدعيني للاسلام وانا اتناقش معا بالاخير مامشي حالي
المخلوقة بعد علاقة سنتين تركتني والسبب هوة اخوية
قال لايجوز مخالفة ولي الامر وانا ماعم سلم بالاسلام وعم خالف الله لزلك مارح يمشي الحال
المهم حاولت انا شكلس الامور مامشي الحال
مخ حجر لايمكن الحوار معو
بالاخير المخلوقة سبحتني بكل بساطة
بس قبل ما نترك كانت تحكليلي على انستا
صراحةً كانت تحكي على انستا اكتر من الله بزاتو وحطت الانسة بمنزلة الله تبع الله
لزلك انا بكرهن وبكره الارض يلي بيمشو عليا

saman

12/08/2008, 17:19

يا ستي في حلقة ببقعة ضوء ... بتزكرها تبع الآنسة شاكيرا ...هي الحلقة مقتبسة عن قصة لآنسة من تبع القبسيات اسمها "شهيرة" وسمعت انو قبضوا لانو عم تاخد مصاري ورشاوي من يلي عم يحضروا عندها !!!
المهم القصة تبع الحلقة هيي : انو وحدة متجوزة كانت تروح تحضر دروس عند هدول الجماعة ومن ورا هالدروس صارت موسوة ... وصارت تسكر كل اباجورات البيت ليلاً نهارا ... وتطهر الشغلة وتسبعها سبع مرات ومدري شو ... وضلت تتخانق مع جوزها لحد ما طلبت الطلاق ...
وطبعاً هي القصة كانت مكتوبة بالجرايد قبل ما يساووا عليها الحقلة .... بس لو عندي الجردية كنت كتبتلك ياها حرفياً بس للاسف لأ ......

انتي عشتي معهن 5 سنين ... مين قلك انو هنن بسهولة بمجرد عيشة معهن 5 سنين لح يدلوكي على كل اسرارهن وشو في وراهن ..... طبعاً هنن لح يكونوا لطييييييييفيييييييين للغاية معك .. هادا شي اكيد .......واوال شي ما بيجبروكي ع شي ... بس بعدين بيبلش الرص ....
في هلأ عم يطلع مسلسل "عصي الدمع " عالفضائية السورية شوفيه وشوفي كيف الآنسة بتحكي مع طالباتها يلي عالطالعة والنازلة بيبسوا ايديها .. وشلون هيي بتضل بتحط من كرامة هالمرأة ..!!!

بقا فعلاً ناس غريبين ....!!

مشاعر

12/08/2008, 17:34

بيكفي فتوى انو حرام البنت تنتام جنب الاحيط قال لانو الحيط مذكر
اي شو هالمسخرة

غريبة أول مرة أسمع هذه الفتوى على ذلك لن أستطيع النوم لا على الفراش ولا السرير ولا أتغطى باللحاف كلها مذكر وبعدين ياما استندت على الحيط

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ابو عمير السوري

12/08/2008, 21:03

لم تخلوا عائلة دمشقية دون المرور في احدى مراحل حياتها بالقبيسيات سيما ان لهم مدارسهم او متواجدون في مختلف مناحي الحياة لهم ايجابيات كثيرة ولهم بعض الأفكار المتشددة والانسان خلق بعقل ليميز بين الواجب أو التشدد بالواجب

zen

13/08/2008, 00:19

كما اذا بتلاحطو انو مسلسل عصي الدمع طرح موضوع القبيسيات وبالذات قصة طاعة الأنسة
وكيف انو وحدة منون واللي هي بتكونن صباح جزائري بتخالف تعليمات الأنسة وبتناقشها
وهديك بتبلش تستغفر الله تبعها
لانو الله تبعها غير شكل وغير ريحة
المهم انا ما بطيقون لتبعوت الحيط
يعني القبيسيات
بعدين بدي قللك انو طريقة طرحك للموضوع كانت غلط
وما بيصير تطرحي هيك العالم مانها مسخرة
خيتو مو مشكلة
اذا كنتي من القبيسيات و عرفوا انك عم تشاركي معنا
فالله معك الأنسة بتبشرك انو انتي رايحة ع النار
بس انو كيف الحكومة سمحتلون يرجعو ما بعرف
بس بظن لهدف سياسي ما بعرف اذا محلوا هون
بس هوي باختصار انو مشان السلطة تكسب الطائفة السنية
لهيك سمحو بكتر شغلات ما كانت مسموحة متل الاحتفالات بعيد المولد النبوي كانت ممنوعة وهلا سمحو فيها
وكما مفتي الجمهورية كان مغضوب عليه وهلاء ما شالله صاير من الرحال المقربين من السلطة السويسرية

المحارب العتيق

13/08/2008, 00:58

مع أني مو معهم . بس غريب قصص التلفيق يلي بتصير

منسبلهم فتاوي وقصص شي متل الأفلام . ولا تمت للأسلام بصلة

Ms. J.A

13/08/2008, 01:13

اول مرة بسمع عنهم انا !!
صراحة مستغربة من اللي قرأتو!!

yass

13/08/2008, 01:16

ما بعرف كتير عن هالجماعة... بعرف انو كتير منتشرة في الأوساط المحافظة الغنية بدمشق خصوصا.. و انو مدعومة نوعا ما... غير هيك ما بعرف

whiterose

13/08/2008, 01:19

لنفرض جدلا أنهم جماعة حاملين السلم بالعرض
ولنفرض جلا انهم متخلفين عقليا
ولنفرض جدل انهم في منهجهم ممنوع النوم قرب الحائط لأنه مذكر

هم بالنهاية جماعة اجتمعوا على رأي ومنهج
هم بالنهاية
كالمسلمين السنيين والمسلمين الشيعة والمسلمين السمعوليين
هم بالنهاية كالدروز
كالمسيحيين
هم بالنهاية كالشيوعيين والملحدين

جماعة من البشر اجتمعوا على راي وفكرة ومنهج
ومجبورين على احترامهم وعدم المس بشعورهم او جرح احاسيسهم
كما تطالبوا باحترام زملائنا الملحدين والشيوعيين والعلمانيين والماسونيين
فانتم ايضا مجبورين على احترام القبيسيات وغيرهم من اي طائفة او جماعة
سواء كانت كافرة ام ملحدة ام مسيحية ام مسلمة

يلي بيته من أزاز ياريت لايضرب الناس بحجار

Abu Guzef

13/08/2008, 01:29

هم بالنهاية جماعة اجتمعوا على رأي ومنهج
هم بالنهاية
كالمسلمين السنيين والمسلمين الشيعة والمسلمين السمعوليين
هم بالنهاية كالدروز
كالمسيحيين
هم بالنهاية كالشيوعيين والملحدين

يعني فكرك ازا جماعة تفقو على منهج بيصيرو متل هدول يلي عديتيون

يعني طالما مجموعة تفقت على منهج لازم ما نحكي عليهون ولا يصير نقاش لافيون ولا بمنهجون

هلق في يعني في بعض ال ((الجماعات )) متل ما حكيتي ممكن منهجون يفوت بعقل وبراس

بس انو ما تنام الوحدة جنب الحيط لانو مزكر بالله هاد منهج هاد

شو رح يصير خلوة غير شرعية بين الحيط وبينا :?

في شي اشوا من شي

========
يعني انا ما كنت بعرفون
بس لما سمعت هي تبع الحيط والبنت يعني ما .. ما زابطة

whiterose

13/08/2008, 01:40

يعني فكرك ازا جماعة تفقو على منهج بيصيرو متل هدول يلي عديتيون

يعني طالما مجموعة تفقت على منهج لازم ما نحكي عليهون ولا يصير نقاش لافيون ولا بمنهجون

هلق في يعني في بعض ال ((الجماعات )) متل ما حكيتي ممكن منهجون يفوت بعقل وبراس

بس انو ما تنام الوحدة جنب الحيط لانو مزكر بالله هاد منهج هاد

شو رح يصير خلوة غير شرعية بين الحيط وبينا :?

في شي اشوا من شي

========
يعني انا ما كنت بعرفون
بس لما سمعت هي تبع الحيط والبنت يعني ما .. ما زابطة

يعني مجنون يحكي وعاقل يسمع

انت بتتخيل جماعة متل القبيسييات دراساتهم على القليل جامعيات
يقولو مابصير تنام جانب الحيط
مو كل شيء يقال لازم نصدقه
ولا اذا شغلات مو على مزاجنا ومرائنا الديكتاتوري منصدقه
وحسب السوق منسوق

Abu Guzef

13/08/2008, 01:47

صق

طيب ماشي سمعي

هلق انا لما قلت بأخر الحلقة انو انا ما بعرفون ولابعرف شو دينون ولا شو ربون ولا شو تعاليمون قلت هيك

وكمان ما خرط مزاجي الدكتاتوري

لا عمي ما حسب السوق منسوق

انا على كيفي بسوق

يعني لونو شي مذهب ((إزا فيني سميه مذهب)) عجبتني تعاليمو بجوز دافع عنو

بس انو انا حكيت يعني مابغرف شي عنون غير هون وهيك قرأت من الشباب وهيك كتبت ع حسب ما قريتو

بعدين لشو كل هالتعصيب
:frown:

مايسترو

13/08/2008, 02:04

يعني مجنون يحكي وعاقل يسمع

انت بتتخيل جماعة متل القبيسييات دراساتهم على القليل جامعيات
يقولو مابصير تنام جانب الحيط
مو كل شيء يقال لازم نصدقه
ولا اذا شغلات مو على مزاجنا ومرائنا الديكتاتوري منصدقه
وحسب السوق منسوق

اي بتخيل

واللي متل القبيسيات انا شخصيا مالي مضطر اني اعطيهن ذرة احترام

لانون واصلين لمرحلة من التعصب والفكر الملق مالون مضطرين انو يتقبلو اي شي تاني غير فكرهن

متلون متل الاخوان المسلمين تماما

بس هاد الفرع النسائي

بما انو الاختلاط حرام

والقصة مالها علاقة بجامعي ولا مو جامعي بشكل مباشر لانو المخ لما يسكر وخصوصا بالمواضيع اللي بتخص الله عندون

فالله بذاتو ما بيفتحو

whiterose

13/08/2008, 02:19

بعدين لشو كل هالتعصيب
:frown:
وحياتك لاتعصيب ولا اي شي
انا نقاشي عادي وجدا بس انا لازم وصل فكرتي مابعرف راوغ على الكلام يعني بحكي بوضوح
(سمايلي لاتزعل )

واللي متل القبيسيات انا شخصيا مالي مضطر اني اعطيهن ذرة احترام
لانون واصلين لمرحلة من التعصب والفكر الملق مالون مضطرين انو يتقبلو اي شي تاني غير فكرهن
متلون متل الاخوان المسلمين تماما

اوكيتو رح اجي معك وقلك انه هنن متعصبين فكريا ومو متقبلين غير انفسهم
كتار متلون يا عمّي
المسيحيين متعصبين لقضية صلب المسيح ومابيتقبله اي شخص يقول لهم
لم ينصلب
نحنا هلىء عم ندور بحلقة دائرية مافيها ولا مخرج غير انك تنط برات السور

زملائنا عبدة الشيطان
بيعملوا دائرة من نار وببلشو عبادة هز ياوز
واللي بيطلع برات دائرة النار قبل ما تطفي النار بيقتلوه
لانه نط فوق الله تبعه
هع
تسالي
مو متل شغلة الحيط

يا محلا الرفاق الشوعيين

suryoyo

13/08/2008, 02:30

انا احب اعطي فكرة ... بغض النظر عن هذي الجماعة اللي فهمت هي بالاصل (صوفية)

في نوعين من الجماعات الدينية او الفكرية

نوعية ممكن تتعايش مع الناس ... و نوعية انعزالية

الانعزالية اللي ترفض العيش مع الآخر ... و تتحفظ في العلاقات الاجتماعية مع الاخرين حتى لو من صنف مشابه

و ما ممكن كل شوية ... تنفتح مواضيع .. عن الله و عن الديانات و عن المعتقدات ... بين الناس ... بين الاصدقاء ...

و لذلك المتعصبين فكريا يرفضون العيش المشترك و يربطون معتقداتهم بالعلاقات الاجتماعية .. و هذه الكارثة

و الكارثة الاكبر ... من ينشرون فكرهم بين البسطاء من الناس ... على انهم هم منفتحين جدا على الآخر !!!

ترجع بالنهاية الى مبدأ ... نحن فقط الصح و البقية هم الاشرار !

sandra

13/08/2008, 02:54

وحياتك لاتعصيب ولا اي شي
انا نقاشي عادي وجدا بس انا لازم وصل فكرتي مابعرف راوغ على الكلام يعني بحكي بوضوح
(سمايلي لاتزعل )

اوكيتو رح اجي معك وقلك انه هنن متعصبين فكريا ومو متقبلين غير انفسهم
كتار متلون يا عمّي
المسيحيين متعصبين لقضية صلب المسيح ومابيتقبله اي شخص يقول لهم
لم ينصلب
نحنا هلىء عم ندور بحلقة دائرية مافيها ولا مخرج غير انك تنط برات السور

زملائنا عبدة الشيطان
بيعملوا دائرة من نار وببلشو عبادة هز ياوز
واللي بيطلع برات دائرة النار قبل ما تطفي النار بيقتلوه
لانه نط فوق الله تبعه
هع
تسالي
مو متل شغلة الحيط

يا محلا الرفاق الشوعيين

ما بدي حول الموضوع لديني بس مثالك عالمسيحية هاد مو تعصب يا عزيزتي هاد اسمو دفاع عن عقيدة
وشتان بين ال 2
التعصب على سبيل المثال بيكون لما المسيحي بيقول أنو مالازم أصافح حدا من غير دين أو يشتغل بتكفير الناس من غير معتقدات وهالشي مرفوض أكيد طبعاً
سلام

jano.

13/08/2008, 03:12

اوكيتو رح اجي معك وقلك انه هنن متعصبين فكريا ومو متقبلين غير انفسهم
كتار متلون يا عمّي
المسيحيين متعصبين لقضية صلب المسيح ومابيتقبله اي شخص يقول لهم
لم ينصلب
نحنا هلىء عم ندور بحلقة دائرية مافيها ولا مخرج غير انك تنط برات السورهون كانو في كتير خلط بالامور...
مافيكي تقارني بين جماعة ضمن دين معين تطرفت في فكرها (ولا يتفق معها كل ابناء الدين نفسه) وبين دين آخر ... لما المايسترو قلك انو القبيسيات متعصبين متل الاخوان المسلمين فهو بيقصد انو بيفرضو افكارهن عالمجتمع وهالافكار مرفوضة من قبل أكثرية المجتمع... وهالشي مالو علاقة بجوهر الدين او بركائز الدين...
الفرق كبير كتير بين التعصب لافكار أتت من اجتهاد شخصي وبين التمسك بالركائز الاساسية لدين معين ..
لهيك بشوف انو انتي يلي خلقتي الحلقة الدائرية بالموضوع...

يمان Rooooonaldo

13/08/2008, 08:49

هلّا انا بظن انو الاغلبية عم يدور حوالين دويرة فاضية تماما .. لأنو ولا واحد فينا عرفان شو طبيعة القبيسيات .. وشو الحكي والفتاوي والمعتقدات الخاصة و و واللي عم يشتغلو وعم يدافعو عنّا .. لزلك بتوقع انو الافضل .. ما يتم نقاش هاد الموضوع .. لحتّى انو يجي حدا عندو المعرفة والعلم ليحكي عنن .. ولو الاخت صاحبة الموضوع .. عندا معلومات وقاعدة معن 5 سنين .. كان ممكن انك تطرحيلنا الموضوع .. على شكل معلومات عنن بما انو 5 سنين مانن قلال معن .. يعن عرفتي عنن منيح .. " والله يستر ما تطلع فين جماعات كمان .. شي منيح وشي مانو منيح .. يعني كمان داخليا يطلعو مقسومين لعدة جماعات .. " عكلن .. برأيي .. انو ما نحكي وندافع عنن .. او نحكي علين .. بدون ما يكون عنا مصادر ما معينة .. او عندي خبرة معهن وتعامل كبير معن ..

:D

saman

13/08/2008, 10:30

لنفرض جدلا أنهم جماعة حاملين السلم بالعرض
ولنفرض جلا انهم متخلفين عقليا
ولنفرض جدل انهم في منهجهم ممنوع النوم قرب الحائط لأنه مذكر

هم بالنهاية جماعة اجتمعوا على رأي ومنهج
هم بالنهاية
كالمسلمين السنيين والمسلمين الشيعة والمسلمين السمعوليين
هم بالنهاية كالدروز
كالمسيحيين
هم بالنهاية كالشيوعيين والملحدين

جماعة من البشر اجتمعوا على راي وفكرة ومنهج
ومجبورين على احترامهم وعدم المس بشعورهم او جرح احاسيسهم
كما تطالبوا باحترام زملائنا الملحدين والشيوعيين والعلمانيين والماسونيين
فانتم ايضا مجبورين على احترام القبيسيات وغيرهم من اي طائفة او جماعة
سواء كانت كافرة ام ملحدة ام مسيحية ام مسلمة

يلي بيته من أزاز ياريت لايضرب الناس بحجار
مين قال هني متل المسلمين السنة او متل الشيعة او متل المسيحية او الدروز .... :shock:
اكيد مو متل لقلك ليش.....!!

يا ستي اول شي هدول فكرة مستحدثة وبالتالي اذا بتجي عالدين بتلاقيها بدعة ...!!!;)

تاني شي الفكر تبعهن كتيييييييييير خطير ..... وعندهن افكار غريبة عجيبة وومكن توصل احيانً لقتل ما يسموهن : الفاسقات المارقات " قصدهن يلي ما بيلبسوا الحجاب .. مثلاً !!!
والفكرة يلي حطوها بمسلسل "المارقون " عنهن بتوقه انو فيها نسبة صحة كبيرة ......يعني ما لح يجيب شي من عندو ويطرحها عالتلفزيون .....!!!:?

المهم انو هنن اصحاب فكر ومبادئ ومناهج ... بس هالمناهج شو هيي ... هيي بالواقع مناهج خطيرة !!!
يعني هي الوهابية عندهن منهج وعندهن مبدأص بس فيكي تقولي انو مبادئهن ومناهجهن متل باقي المسلمين او المسحيين او غيرهن ... طبعاً مافي مجال للمقارنة !!!:frown:

يعني مجنون يحكي وعاقل يسمع

انت بتتخيل جماعة متل القبيسييات دراساتهم على القليل جامعيات
يقولو مابصير تنام جانب الحيط
مو كل شيء يقال لازم نصدقه
ولا اذا شغلات مو على مزاجنا ومرائنا الديكتاتوري منصدقه
وحسب السوق منسوق
طيب انتي بتتخيلي انو هالبنات الجمعيات بلا عقل تيفكروا فيه ... بتسأل الوحدة ليش هيك عاملة ... بتقلك : " والله هيك قالتلي آنستي " ..... طيب وين راح الله !!!!!!:?
طبعاً كلام الآنسة مسموع أكتر من كلام الله ... ومن كل الأنبياء ... لانو الآنسة عندهن ملاك مقدس ما بيصير مخالفتو ... اي انو ملاك ... يمكن بيعتبروها إلهتهن !!!!

المسيحيين متعصبين لقضية صلب المسيح ومابيتقبله اي شخص يقول لهم
لم ينصلب

ليش حضرتك مو متعصبة اذا اجا حدا حكى على نبيك او شي خليفة او شي صحابي !!!! هادا اكيد ما اسمو تعصب !!! متل ما قالتلك ساندرا هادا اسمو دفاع عن العقيدة .. وهادا من صلب العقيدو ويلي بيؤمن فيه لازم يدافع عنو ......:pos:

phoenixbird

13/08/2008, 10:41

ما بعرف كتير عن هالجماعة... بعرف انو كتير منتشرة في الأوساط المحافظة الغنية بدمشق خصوصا.. و انو مدعومة نوعا ما... غير هيك ما بعرف
وانت الصادق بكل الاوساط المحافظة الغنية منها والمشحرة

zen

13/08/2008, 10:55

تعقيباً على وايت روووز انو هني جماعة حرين الهون معتقد وفكر
وهيك شي وشبهتون بالباقيين
بس انا ماني معها بالمرة
لانو هني واللي متل ما بيشبهو حدا
يعني اذا جماعة بدها تعتقد معتقدان\ت فيها خراب للمجتمع فلازم تنمنع
اسقاطاً على ملامي
متل أنو شي عشرة مشتريين سفينة وواحد منون قال بدو يبخشها
بترجع نفس الشي
بس متل ما قلت
السلطة السويسرية عنا ما بيهمها المجتمع بيهمها المناصب
ولانو القبيسيات وعائب\لاتهون ذات نفوذ تجاري بهالبلد
فهني بينفعو السلطة السويسرية عنا
وكمان هني سنة يعني من الطائفة ذات الأغلبية السورية
فلهيك عم يتقربو منون
يعني مصالح
مش أكتر

zerocold hacker

13/08/2008, 13:27

انا معك تمام انو الدولة داعمتون بس كمان بحدود

الدولة مو عاطيتون غير دويرة صغيرة لتتنفس الجماعة كلها منها

انا برجع وبقول انا ما عم دافع عنهن

انا بس ما عم صدق كل هالاشاعات اللي عم تطلع عليهن

لاني ما شفت كل هالقد منهن

على كل حال انا بعتذر استاذ فادي على سوء طرحي للموضوع

و برجع بكرر انا مالي عم دافع عنهن انا بس بدي اعرف شو منظور الشباب باخوية لالهن

Reemi

13/08/2008, 13:50

يا جماعه ع شو صار 3 صفحات ... انا قريت الموضوع رد رد ولسا ما فهمت .. هالنسوان شو بدهن؟ لشو عم يدعوا ؟ شو افكارهن ؟ شو بيختلفو عن الاخوان المسلمين يعني؟؟ بس هنيك جناح رجالي وهون ستاتي ؟

zerocold hacker

13/08/2008, 13:54

يا جماعه ع شو صار 3 صفحات ... انا قريت الموضوع رد رد ولسا ما فهمت .. هالنسوان شو بدهن؟ لشو عم يدعوا ؟ شو افكارهن ؟ شو بيختلفو عن الاخوان المسلمين يعني؟؟ بس هنيك جناح رجالي وهون ستاتي ؟
لا القبيسيات بمنظوري انا طبعا هنن جماعة دينية متشددة تسعى لتحويل المجتمع الاسلامي لمجتمع ملتزم

يعني عالم ماسكة السلم بالعرض

بس ما بيدخلو بالسياسة يعني دين وبس

بس مو لدرجة انو ما بيجوز النومز جنب الحيط لانو المجنون ما بيقول هالكلام

whiterose

13/08/2008, 14:06

ما بدي حول الموضوع لديني بس مثالك عالمسيحية هاد مو تعصب يا عزيزتي هاد اسمو دفاع عن عقيدة
وشتان بين ال 2
التعصب على سبيل المثال بيكون لما المسيحي بيقول أنو مالازم أصافح حدا من غير دين أو يشتغل بتكفير الناس من غير معتقدات وهالشي مرفوض أكيد طبعاً
سلام

هلا ساندرا

ماشي رح اجي معك وقول انها ليست تعصب وانما دفاع عن عقيدة
وشتان بين التعصب والدفاع؟؟

التعصب هو اني عنّد برأي او تصرف او اي شيء
وقول انو لو بصير اي شيء مستحيل غيّر فكرتي

وشو ممكن نعرف الدفاع بهيك حالات؟؟؟
هو النقاش على اثبات رأي او فكرة بطريقة محترمة

التعصب كالدفاع عن رأي وفكرة ومنهج ولكن بطريقة محترمة اكتر و موضوعية وديموقراطية اكتر

نفس الشي وحياتك

وعذراً لها المثال السوقي

كل ديك على مزبلته صيّاح
وهلا:D

whiterose

13/08/2008, 14:16

تعقيباً على وايت روووز انو هني جماعة حرين الهون معتقد وفكر
وهيك شي وشبهتون بالباقيين
بس انا ماني معها بالمرة
لانو هني واللي متل ما بيشبهو حدا
يعني اذا جماعة بدها تعتقد معتقدان\ت فيها خراب للمجتمع فلازم تنمنع
اسقاطاً على ملامي
متل أنو شي عشرة مشتريين سفينة وواحد منون قال بدو يبخشها
بترجع نفس الشي
بس متل ما قلت
السلطة السويسرية عنا ما بيهمها المجتمع بيهمها المناصب
ولانو القبيسيات وعائب\لاتهون ذات نفوذ تجاري بهالبلد
فهني بينفعو السلطة السويسرية عنا
وكمان هني سنة يعني من الطائفة ذات الأغلبية السورية
فلهيك عم يتقربو منون
يعني مصالح
مش أكتر

كلام منطقي

لا غُبار عليه
لكن هون في حريات ومسؤليات
يعني البنت يلي حابة تصير قبيسيية هي حرة وعندها عقل
حط عقلك براسك بتعرف خلاصك

وانت شايف انهم خراب للمجتمع بنشرهم لاشياء بتخرب المجتمع السوري الفظيع؟؟؟
انت برايك عبدة الشيطان ماعم يخربو نفوس شباب وعقول شباب بعمر الورد
شباب عم تموت من ورا جرعة هلوسة لحتى يرتقوا ل الله تبعون

ولله القصة هون مغايرة والها علاقة بالدين الاسلامي

whiterose

13/08/2008, 14:22

انا معك تمام انو الدولة داعمتون بس كمان بحدود

الدولة مو عاطيتون غير دويرة صغيرة لتتنفس الجماعة كلها منها

انا برجع وبقول انا ما عم دافع عنهن

انا بس ما عم صدق كل هالاشاعات اللي عم تطلع عليهن

لاني ما شفت كل هالقد منهن

على كل حال انا بعتذر استاذ فادي على سوء طرحي للموضوع

و برجع بكرر انا مالي عم دافع عنهن انا بس بدي اعرف شو منظور الشباب باخوية لالهن

الدولة داعمة اي نشاط بحدود
وها الشي مو على كيفها
متل ما عم تدعم الحزب الشيوعي
وتدعم حزب البعث
والقومي السوري

لازم تعطي كمان بعض الحرية لكل انسان حابب يعيش على كيفه
انشا الله بصير قبيسي وهابي صوفي الانسان حر طالما عقله تمام

zerocold hacker

13/08/2008, 14:27

الدولة داعمة اي نشاط بحدود
وها الشي مو على كيفها
متل ما عم تدعم الحزب الشيوعي
وتدعم حزب البعث
والقومي السوري

لازم تعطي كمان بعض الحرية لكل انسان حابب يعيش على كيفه
انشا الله بصير قبيسي وهابي صوفي الانسان حر طالما عقله تمام
انا بحيي فيكي عقلك الشغال

whiterose

13/08/2008, 14:30

لا القبيسيات بمنظوري انا طبعا هنن جماعة دينية متشددة تسعى لتحويل المجتمع الاسلامي لمجتمع ملتزم

يعني عالم ماسكة السلم بالعرض

بس ما بيدخلو بالسياسة يعني دين وبس

بس مو لدرجة انو ما بيجوز النومز جنب الحيط لانو المجنون ما بيقول هالكلام

وما نفهم ولا نعرف شو بدهم ....

جماعة احرار

مو نحنا عم نطالب بمجتمع علماني مدني معناها يصطفلوا بيلي بيفكرو فيه
وتكون قصة الحيط صحيحة
في معتقدات وافكار لديانات بتفرط من الضحك مالي متذكرتها
للبوذيين و الهندوس
رح بحبش عليهم

whiterose

13/08/2008, 14:34

مابدي قول اسم طائفة معروفة

من احدى قوانينها المخزية والمثيرة للأشمئزاز
انه كل شاب لما ينوي الزواج لازم زوجته تنام مع رئيس القبيلة تبعهم او يمكن الله تبعهم
يعني يشوفها اذا عذراء

وبعدين بقلو مبروك مدامتك شريفة وريحتك من مهمة صعبة

خلينا نشوف الاوساط بالمجتمع بعيون كتيرة
ونتفتح كمان ابواب اكتر للموضوعية ونظرتنا لبشر من ناحية انسانية

zerocold hacker

13/08/2008, 14:40

انو الجماعة يمكن عندون شوية تخبيص وهو انو الانسة كلامها مسموع دايما بس اللي مو مقتنع فيو يتركون ما بيقتلو حدا الله وكيلكن واكبر مثال حضرتي ليكني عايشة واسم الله حولي

بس هالشي ما بيسوغ الاشاعات والخزعبلات يللي عم يحكوها العالم

وبيكفي انهن ما بيكفروا اي طائفة شو ما كانت

بذكر انو الانسة كانت تقول :"مين نحنا لنقول هاد عالنار وهاد عالجنة بركي الزلمة عامل شي لوجه الله قام الله ببركة هالعمل الصالح غفرلو ذنوبو "

يعني ما بظن انو هالحكي بيطلع من عالم منغلقين على حالون وما بيشوفوا انو غيرهن بيفوت عالجنة

sandra

13/08/2008, 14:47

هلا ساندرا

ماشي رح اجي معك وقول انها ليست تعصب وانما دفاع عن عقيدة
وشتان بين التعصب والدفاع؟؟

التعصب هو اني عنّد برأي او تصرف او اي شيء
وقول انو لو بصير اي شيء مستحيل غيّر فكرتي

وشو ممكن نعرف الدفاع بهيك حالات؟؟؟
هو النقاش على اثبات رأي او فكرة بطريقة محترمة

التعصب كالدفاع عن رأي وفكرة ومنهج ولكن بطريقة محترمة اكتر و موضوعية وديموقراطية اكتر

نفس الشي وحياتك

وعذراً لها المثال السوقي

كل ديك على مزبلته صيّاح
وهلا:D

الحلقة المفرغة انتي اللي عن تدوري فيها لأن ما عم تقدري تميزي بين التعصب وبين الدفاع عن ركيزة أساسية بالعقيدة
بعمرو ما كان التعصب والدفاع عن الرأي نفس الشي
في خطوط بتفصل بيناتهم بيكفي أنو التعصب بيحض على رفض الآخر ;)
قلتلك ما رح حول الموضوع عن القبيسيات وهيك بس أنو ياريت ترجعني لرد Urhoy

MadMax

13/08/2008, 14:51

لا القبيسيات بمنظوري انا طبعا هنن جماعة دينية متشددة تسعى لتحويل المجتمع الاسلامي لمجتمع ملتزم

و هون تكمن مشكلتهون ...و خطورتهون
يعني لو أنون مجرد مجموعة عم تمارس معتقداتها بطريقة معينة .. أو بوجهة نظر معينة ... فهي تعتبر حرية شخصية
أما قصة تحويل المجتمع الى مجتمع اسلامي ملتزم .... فهي تتعدى الحرية الشخصية

zerocold hacker

13/08/2008, 14:55

و هون تكمن مشكلتهون ...و خطورتهون
يعني لو أنون مجرد مجموعة عم تمارس معتقداتها بطريقة معينة .. أو بوجهة نظر معينة ... فهي تعتبر حرية شخصية
أما قصة تحويل المجتمع الى مجتمع اسلامي ملتزم .... فهي تتعدى الحرية الشخصية
هالنقطة هي سلبية عندون بس هنن ما بيجبروا حدا يعني اللي بدو يطبق اهلا وسهلا واللي ما بدو هوي حر يصطفل

whiterose

13/08/2008, 14:56

الحلقة المفرغة انتي اللي عن تدوري فيها لأن ما عم تقدري تميزي بين التعصب وبين الدفاع عن ركيزة أساسية بالعقيدة
بعمرو ما كان التعصب والدفاع عن الرأي نفس الشي
في خطوط بتفصل بيناتهم بيكفي أنو التعصب بيحض على رفض الآخر ;)
قلتلك ما رح حول الموضوع عن القبيسيات وهيك بس أنو ياريت ترجعني لرد Urhoy

حلقة مفرغة ممكن كون عم دور فيها كلياتنا اسيرين لافكار وقصص
وسجناء تحت سلطة بصير ومابصير

انا وانتي الآن في حالة تعصب ودفاع عن فكّرنا ورأينا
وباعتبار اتهمتيني اني انا يلي عم دور
:Dفنقاشنا عقيم

Seth

13/08/2008, 14:58

يا جماعه ع شو صار 3 صفحات ... انا قريت الموضوع رد رد ولسا ما فهمت .. هالنسوان شو بدهن؟ لشو عم يدعوا ؟ شو افكارهن ؟ شو بيختلفو عن الاخوان المسلمين يعني؟؟ بس هنيك جناح رجالي وهون ستاتي ؟

القبيسيات هي حركة صوفية الشكل لكن على المثال السني , اهدافها كعادة هكذا حركات تنحصر في استفادة الطبقة المتحكمة (المستنيرة و العارفة كل شيء) من طبقة البسطاء و المغرر بهم (العميان) وطبعا الجزرة الموعودين بها هي ايضا الجائزة التقليدية في هذه الحالات رضا الله و الرسول و دخول الجنة , علما بأن منيرة القبيسي بذاتها لا ضمانة عندها ولا اثبات على وجود الله او الجنة او بأنها ستدخل الجنة في حال وجودها.

MadMax

13/08/2008, 15:01

هالنقطة هي سلبية عندون بس هنن ما بيجبروا حدا يعني اللي بدو يطبق اهلا وسهلا واللي ما بدو هوي حر يصطفل

بما أنو عندون هدف ( تحويل المجتمع لمجتمع اسلامي ملتزم ) معناها عندون طرق لتحقيق هالهدف ..
شو هي هالطرق يا ترى ..؟؟

و بما أنو عندك فكرة عنهون ..
ممكن تحكيلنا شو رأيهون بالغير محجبات
أو بالغير ملتزمات دينياً

whiterose

13/08/2008, 15:03

و هون تكمن مشكلتهون ...و خطورتهون
يعني لو أنون مجرد مجموعة عم تمارس معتقداتها بطريقة معينة .. أو بوجهة نظر معينة ... فهي تعتبر حرية شخصية
أما قصة تحويل المجتمع الى مجتمع اسلامي ملتزم .... فهي تتعدى الحرية الشخصية

مين المجتمع؟؟؟
المجتمع انا وانت مثلا..
انا اذا دعوني مابقبل...لي اسبابي رغم اني مو شايفتون غلط

وانت اذا دعوك اكيد مابتقبل الك اسبابك وشايفهون غلط

معناها هون هنن ماعم يتعدوا الحرية الشخصية
لانهم ماسلبوني ولا سلبوك حريتك

ولعلمك القبيسيات ماعندهم دعوة لنهجهم وفكرهم ابدا
هم متلهم متل اي بيئة مسلمة محافظة
وهلا:D

sandra

13/08/2008, 15:10

حلقة مفرغة ممكن كون عم دور فيها كلياتنا اسيرين لافكار وقصص
وسجناء تحت سلطة بصير ومابصير

انا وانتي الآن في حالة تعصب ودفاع عن فكّرنا ورأينا
وباعتبار اتهمتيني اني انا يلي عم دور
:Dفنقاشنا عقيم

لا لا لا تتهميني بشي مالي فيو بس المشكلة أنك ما عم تقدري تميزي بين الدفاع عن عقيدة أو شي يُعتبر أساسي بالدين المسيحي وإلا كان باطل الأيمان المسيحي و وبين جماعة دينية مسيحية على سبيل المثال متعصبة تدعو لرفض الآخر اللي مو متلها وأنو بتفرض أفكارا ومعتقداتا وكل شي على بقية البشر
هون المشكلة والفرق بيناتهم

وعالهامش الدفاع عن الرأي ما بيعني إني أجبر الواحد على اعتناقو