روى شاهد عيان للجنة السورية لحقوق الإنسان أن قرابة خمسين امرأة مسنة كلهن أمهات لمعتقلين في سجن صيدنايا العسكري اجتمعن قبل ظهر يو أمس الثلاثاء (8/7/200 في إحدى الساحات العامة في وسط مدينة حمص ورفعن لافتات لمعرفة مصير أبنائهن المعتقلين في سجن صيدنايا، ولم تمض دقيقتان حتى حضر رجال بمناظر مشبوهة بدأوا يتحدثون بهواتفهم الخليوية ويصورون المعتصمات. ثم اقترب أحد المراقبين منهن ونصحهن بفض الاعتصام، وأخبرهن أن مدير الفرع (أي المخابرات يريد مقابلتهن)، رفض الأمهات ذلك وأعلموه أنهن لا يردن مقابلة رئيس الفرع وليس لهن عنده حاجة، أتاهم مرة ثانية وكرر طلبه فلم يستجبن، وفي المرة الثالثة أعلمهن بأن محافظ حمص يرغب في مقابلتهن. ذهب النسوة إلى مكتب المحافظ مع عنصر المخابرات وبعد نصف ساعة ... حضر المحافظ وقال أنه تأخر حتى يأتيهن بآخر الأخبار من دمشق، كان كلام المحافظ عبارة عن مجاملات ليس فيها معلومات سوى أنه قال أن مهجع أهل حمص في سجن صيدنايا لم يتعرض لشئ مطلقاً وأن الأمر في طريقه للإنتهاء وأن الأمور جيدة.
ومن المعلوم جيداً أن المعتقلين لا يحتجزون حسب محافظاتهم، بل تعمد إدارة السجون إلى تفريق الأقارب وأهل المدينة أو المحافظة لأسباب هي أدرى بها.
إن اللجنة السورية لحقوق الإنسان إذ تعرب عن تأييدها لهؤلاء النسوة وحقهن في معرفة مصير أبنائهن لتطالب بالكشف عن أحوال كل المعتقلين في سجن صيدنايا والسماح لذويهم بزيارتهم والتأكد من سلامتهم.


اللجنة السورية لحقوق الإنسان

يا جماعة حذفنا الردود اللي فاتت بنقاش تاني مالو علاقة بالموضوع الأساسي (لسى في كم رد كمان بدهون حذف.. كون مالهون دخل بالخبر اللي هو أساس كل هالحكي)....


رجاءا نرجع للموضوع الأساسي.. و شكرا

أما ياحبيب عن الوطن فأنا بشوف انو الوطنية أنو الواحد مهما انظلم ببلدو لازم ما يئذيه (يضرو)بنتقد ايه بحكي ايه بس لما حدا غريب(بقصد حتى الغريب اللي بالاسم سوري)عم يهاجم بلدي ويحكي عليه بردلو بكل طريقة بقدر عليها. أما حقوقو للواحد بوطنو ممكن يضل يسعى وراها الا مايحصلها مهما كان فيه أشخاص انتهازيين هون أو هنيك (يعني مثلا الموظف أو المسؤؤل الوصولي) عم بحكيلك هاد الشي عن تجربة

يبدو صار لازم كون واضح بحكيي معك أكتر ..مابعرف شي ممكن يضر سوريا متل التهليل و الهتاف بالروح بالدم و البلد عم يدمر و المثقفين بالسجون و رامي مخلوف سارق البلد من أولها لأخرها ( بالمناسبة بتوصلو طرطوشة من دعائك عاش الأسد ) و المخابرات حاكمه البلد... ياريت تفرق بين الهجوم عالبلد و الهجوم على الشغلات يلي قلتلك ياهن...
اذا انت بتعبر الوطنية انو تقبل بهالشغلات و تقول عاش و عاش فأنا من هلئ بحب قلك إني أبعد واحد عن هالوطنية و اذا بدك بصنفلك حالي غير وطني..
المشكلة كبيرة و صدقني كتير كبيرة.. الناس يلي عم تموت بالسجون و الناس يلي عم تتعذب بدون ذنب و الأهالي يلي عم ينحرق قلبن على ولادن بيستاهلو منا شو ية ضمير..

يا شباب يا ريت نرجع للموضوع الأساسي لأنو الموضوع عم يتشعب كتير و عم نوصل لنقاط مالا علاقة بالخبر...


مشكورين

المشكلة كبيرة و صدقني كتير كبيرة.. الناس يلي عم تموت بالسجون و الناس يلي عم تتعذب بدون ذنب و الأهالي يلي عم ينحرق قلبن على ولادن بيستاهلو منا شو ية ضمير..

بصراحة هي مشكلة الاهالي والامهات لحالها بتبكي الحجر , بتذكر بسنة 2001 عملوا بالجزيرة مقابلة مع نزار نيوف, واثناء المقابلة اللي عملها احمد منصور , حكى انو كل اسبوع بتجي رسالة من ام سورية لمعتقل اختفى من شي 15 سنة وانو كلو اسبوع بتبعتلو نفس الرسالة وبنفس المضمون

يا شباب يا ريت نرجع للموضوع الأساسي لأنو الموضوع عم يتشعب كتير و عم نوصل لنقاط مالا علاقة بالخبر...


مشكورين

صدقني هاد صلب الموضوع.. يعني لما بدنا نحكي عن يلي صار بالسجن بدنا نحلل موضوع هاد السجن و أسباب وجوده و بدنا نوضح انو الناس يلي مسجونين فيه مانهن مجرمين و سبب وجودهن هونيك هو عدم موافقتن على طريقة حكم البلد... و بهالحلة رح نفوت بموضوع ممارسات النظام بحق المعارضه الوطنية و يلي بلشت انهن ينحطو بالسجون و اليوم وصلنا لمرحلة انهن ينقتلو بالسجون.

صدقني هاد صلب الموضوع.. يعني لما بدنا نحكي عن يلي صار بالسجن بدنا نحلل موضوع هاد السجن و أسباب وجوده و بدنا نوضح انو الناس يلي مسجونين فيه مانهن مجرمين و سبب وجودهن هونيك هو عدم موافقتن على طريقة حكم البلد... و بهالحلة رح نفوت بموضوع ممارسات النظام بحق المعارضه الوطنية و يلي بلشت انهن ينحطو بالسجون و اليوم وصلنا لمرحلة انهن ينقتلو بالسجون.

بهالحالة رح نختصر كل شي بموضوع واحد, لأنو كل شي بينفّذ ع أمر واحد و هو البلد... و انا مجبور أخصص .. مشان القارئ ما يضيع مو مشان شي.. لذلك خلينا بموضوع الخبر هاد.. تداعياتو المباشرة و أمور مباشرة خاصة فيه.. غير أمور الها مواضيع تانية ممكن ينحكى فيها بشكل موسع...


و شكرا

انا كنا موجودة بصيدنايا وقت صارت القصة من كام يوم
بس ما فهمنا شو عبصير ابدا وفي كتير اشياء سمعتها اول مرة من الأنترنت لأن على ارض الواقع ما سمعنا شي
كل اللي شفناه انه كان في حريق مو طبيعي صاير ودخان كثيف جدا وما عبمنقدر نشوف مصدره
وبقي الحريق لساعات طويلة بالسجن حتى اني بعد ما غادرت صيدنايا كان الحريق مستمر بشكل اقل لكنه مازال مستمر
وشفنا 3 دبابات لا اكثر
وصار في القاء لغازات مسيلة للدموع إلى داخل السجن باعداد كبيرة نسبيا

لكن شو نوع المعتقلين او السجاء ما عرفنا
وحادثة تدنيس القرآن سمعتها من صفحات الأنترنت وما سمعنا هيك شي ابدا على ارض الواقع .
والعالم اللي بالشارع متلكم تماما ما حدا عرفان شي من شي وما حدا عنده فكرة عن اللي صار او عن اللي عبصير

وبحب اقول انه تغطية الموبايل انعدمت بشكل مفاجئ عن المنطقة سواء من سيرياتيل او mtn ما عاد في تغطية لحد ما سافرت يوم الأحد باليل ما كان في تغطية ...

هلأ هيك انتي ضوعتينا بقصة مافي تغطية لكن مين هاد الي كان عم يتصل بالنيو تي في :?

هلأ قصة التغطية مزبوطة مية بالمية

واضحة سوريتك و أسلوبك الوطني اللاطائفي فما في داعي للحلفان
:larg:
قلتلك وبقلك مرة تانية انت مين حتى تقيم واحد بيحب وطنو عنجد وعلى القليل نحن ما بنبيع دماغنا من شان مصالح شخصية

انا كنا موجودة بصيدنايا وقت صارت القصة من كام يوم
بس ما فهمنا شو عبصير ابدا وفي كتير اشياء سمعتها اول مرة من الأنترنت لأن على ارض الواقع ما سمعنا شي
كل اللي شفناه انه كان في حريق مو طبيعي صاير ودخان كثيف جدا وما عبمنقدر نشوف مصدره
وبقي الحريق لساعات طويلة بالسجن حتى اني بعد ما غادرت صيدنايا كان الحريق مستمر بشكل اقل لكنه مازال مستمر
وشفنا 3 دبابات لا اكثر
وصار في القاء لغازات مسيلة للدموع إلى داخل السجن باعداد كبيرة نسبيا

لكن شو نوع المعتقلين او السجاء ما عرفنا
وحادثة تدنيس القرآن سمعتها من صفحات الأنترنت وما سمعنا هيك شي ابدا على ارض الواقع .
والعالم اللي بالشارع متلكم تماما ما حدا عرفان شي من شي وما حدا عنده فكرة عن اللي صار او عن اللي عبصير

وبحب اقول انه تغطية الموبايل انعدمت بشكل مفاجئ عن المنطقة سواء من سيرياتيل او mtn ما عاد في تغطية لحد ما سافرت يوم الأحد باليل ما كان في تغطية ...

بفهم منك ماشفتي شي بس شفتي كلشي :?

يالنسبة لربط الوطن بشخص كمان برجع بقلك انو المسألة مانا شخصية المسألة سياسية وكمان برجع بقلك هدا رأيي الشخصي .
أما ياحبيب عن الوطن فأنا بشوف انو الوطنية أنو الواحد مهما انظلم ببلدو لازم ما يئذيه (يضرو)بنتقد ايه بحكي ايه بس لما حدا غريب(بقصد حتى الغريب اللي بالاسم سوري)عم يهاجم بلدي ويحكي عليه بردلو بكل طريقة بقدر عليها. أما حقوقو للواحد بوطنو ممكن يضل يسعى وراها الا مايحصلها مهما كان فيه أشخاص انتهازيين هون أو هنيك (يعني مثلا الموظف أو المسؤؤل الوصولي) عم بحكيلك هاد الشي عن تجربة
ليش مين قلك أنو بنحب انو يحتل بلدنا اكيد نحن عم نحكي من حرقة قلبنا على الوطن مو من شان تجي امريكا و السعودية والحريري ومدري مين يدعو لاحتلال سوريا نحن ضد كل مين بيدعي امريكا ل أحتلال سوريا بس بنفس الوقت النقد اللي عم تحكي عنو اذا حكيتوا بتصير بسجن صيدنايا وبيعتبروك ارهابي ومترد

طيب قصة الموبايلات شيلوها على جنب, حدا من السكان اللي ساكنين جنب السجن سمع اصوات اطلاق نار؟؟؟

طيب قصة الموبايلات شيلوها على جنب, حدا من السكان اللي ساكنين جنب السجن سمع اصوات اطلاق نار؟؟؟


لشو بدك توصل ؟؟ اذا البيان الحكومي معترف بتدخل قوات حفظ النظام.. فهو أكيد صاير إطلاق نار.. اذا حدا سمع و لا ما حدا سمع شو الفرق؟

لشو بدك توصل ؟؟ اذا البيان الحكومي معترف بتدخل قوات حفظ النظام.. فهو أكيد صاير إطلاق نار.. اذا حدا سمع و لا ما حدا سمع شو الفرق؟

البيان الحكومي اعترف صح بتدخل قوات حفظ النظام بس قلك ما في ولا حتى جريح واحد
بدي وصل انو لو تاكد فعلا انو صار اطلاق نار معناها اكيد في قتلى وجرحى وهدا الشي الفظيع اللي لازم نركز علي بغض النظر عن القصص التانية اللي عم تطلع متل حكاية تدنيس القران الكريم او شلون عم يتصلوا بالموبايل

البيان الحكومي اعترف صح بتدخل قوات حفظ النظام بس قلك ما في ولا حتى جريح واحد
بدي وصل انو لو تاكد فعلا انو صار اطلاق نار معناها اكيد في قتلى وجرحى وهدا الشي الفظيع اللي لازم نركز علي بغض النظر عن القصص التانية اللي عم تطلع متل حكاية تدنيس القران الكريم او شلون عم يتصلوا بالموبايل

بس لوضحلك نقطه إنو البيان أبداً ما قال إنو مافي ولا جريح واحد.. البيان قال انو تدخلت قوات حفظ النظام و قوات حفظ النظام ما بتدخل بالمونة و تبويس الدقون... و مشان موضوع انك تتأكد انو فيه قتلى ما حدا نفى أساساً انو فيه قتلى..

يعني سيارات الاسعاف اللي أجت على المكان من شان شو أجت سياحة؟؟؟؟؟

بس لوضحلك نقطه إنو البيان أبداً ما قال إنو مافي ولا جريح واحد.. البيان قال انو تدخلت قوات حفظ النظام و قوات حفظ النظام ما بتدخل بالمونة و تبويس الدقون... و مشان موضوع انك تتأكد انو فيه قتلى ما حدا نفى أساساً انو فيه قتلى..


يا خيو ما حدا نفى بس ما حدا من النظام اكد , يعني الخبر اللي نزل بموقع سيريا نيوز , واللي اكيد اجاهن من شي فرع مخابرات, قال سيطروا على السجن من دون وقوع اصابات

يا خيو ما حدا نفى بس ما حدا من النظام اكد , يعني الخبر اللي نزل بموقع سيريا نيوز , واللي اكيد اجاهن من شي فرع مخابرات, قال سيطروا على السجن من دون وقوع اصابات

يا أخي شوبدك بالخبر بسيريا نيوز.. اقرا الخبر تبع سانا.. عم يقولولك صار أحداث و تم السيطرة عليها و بس.. بمعنى هالسيطرة أكيد تمت بالعنف... ولو غير هيك كانو تسوعو ابالخبر

ليش في حدا بيقدر يأكد انو لما قوات الأمن تتدخل بالموضوع ما بيصير قتلى هي شغلة من البديهيات اذا مالك عامل شي بيضربوا ضرب كيف اذا عامل بدون يقتلوا ويخربوا هي سياستون ماشيين على مبدأ انو الشعب متل الراصور اذا ما تميتك داعس عليه بيفلت وهاد مبدأهن بالتعامل مع الشعب

غريب النقاش اللي عم يصير ياشباب واحد بيقول أكيد صار في لبط وقتل وقتلى مو لأنو ما حدا سمع رصاص لأ لأنو هيك أنحكى بالمواقع الموثوقة!!!!!
والتاني بيقلك وهوي مستغرب (ومستنكر)انو حفظ النظام بيكسرو وبيقتلو اللي عاملين تمرد وارهاب بالسجن طبعا هاد الشي غريبماهيك. ياحبيبي حتى باميركا او المانيا او اي بلد بيقولو عنها ديموقراطية اذا بيصير تمرد وشغب بالسجن(عم قول اذا) رح يلعنو سلسفيل المساجين (وخاصة اذا كانو اسلاميين)ومو بس رح يدنسو المصحف(حسب الاشاعة)رح يدنسو المسجون نفسه(يعني رح يش.... عليه).

طيب قصة الموبايلات شيلوها على جنب, حدا من السكان اللي ساكنين جنب السجن سمع اصوات اطلاق نار؟؟؟

نعم
كان في صوت متقطع لعيارات نارية وانا كنت بالدير الواقع بجانب المعتقل ومافي بين الدير والمعتقل مسافة كبيرة واللي بيعرف المنطقة حيفهم شو بقصد .

بفهم منك ماشفتي شي بس شفتي كلشي :?
انت هاد اللي فهمته ؟!؟!
بعتقد كنت واضحة وقت قلت اني كنت بصيدنايا وكنت واضحة وقت قلت انه العالم بالطريق ما عندهم معلومات اكيدة تماما متلكم لكن في اشياء صارت بدون شك على ارض الواقع متل وجود 3 دبابات " بحسب ما شفت " ومتل وجود حريق كثيف ومتل صوت العيارات النارية ومتل اطلاق غازات مسيلة للدموع ومتل انعدام تغطية الموبايل
هاي الشغلات كنت واضحة جدا وقت قلتها ، واكيدة تماما كوني شخصيا كنت متواجدة باقرب منطقة للمعقتل

لكن بيبقى السبب مجهول حول شرارة لبدء من فين طلعت وبيبقى السبب مجهول حول شو عبصير حاليا
فهمت هلق ولا ارجع عيد بلغة مبسطة اكتر ؟!؟!!!!!!!!

حلب تستقبل أولى ضحايا سجن صيدنايا



بهية مارديني من دمشق: علمت ايلاف ان بلدة مارع في مدينة حلب السورية استقبلت شابا مجندا في الشرطة العسكرية يخدم في الخدمة الالزامية منذ اشهر ُقتل اثناء اضطرابات سجن صيدنايا العسكري، ونقلت مصادر في مدينة حلب ان هناك ستة قتلى من الشرطة العسكرية، فيما تعيش بلدة قطنا في ريف دمشق اياما مأساوية اثر ورود خبر عن مقتل احد ابنائها من السجناء في سجن صيدنايا دون ان يعرف اسمه وكل عائلة لديها معتقل في سجن صيدنايا تظن انه ابنها بينما استطاع بعض السجناء التواصل مع عائلاتهم عبر الهاتف بسرعة.

وفي حين تقول مصادر مقربة من السلطات ان السجناء صادروا اسلحة بعض عناصر الشرطة واطلقوا النار عليهم، نقل بعض اهالي السجناء ان السجناء لم يستخدموا الاسلحة التي حصلوا عليها عندما احتجزوا بعض عناصر السجن كرهائن وانهم مالبثوا ان قاموا بتسليمها واكدوا ان المجندين قضوا بالرصاص العشوائي الذي استخدمه عناصر وضباط الشرطة المسؤولين عن السجن.

وحول تبعية سجن صيدنايا اكد الدكتور عمار قربي رئيس المنظمة الوطنية لحقوق الانسان في سوريا لايلاف ان سجن صيدنايا سجن سياسي وعسكري في نفس الوقت وليس سجنا مدنيا، وقال لهذا فهو غير تابع لوزارة الداخلية ولا توجد فيه حتى مفارز من الشرطة او من الامن السياسي فهو يدار من قبل الشرطة العسكرية وادارته تابعة للجيش.

الاهالي يقولون ان اسباب ماحصل في صيدنايا هو ان هناك الكثير من السجناء يقبعون دون محاكمات في السجن منذ سنوات وان هناك نقصا حادا في الخدمات، وكانت منظمة العفو الدولية طالبت بتحقيق مستقل لتَحرّي التقاريرِ التي تحدثت عن مقتل معتقلين في سجن صيدنايا وقالت" ان مثل هذا التحقيق يجِب أَن يَكُون نزيها وعاجلا وشاملا، كما هو مطلوب تحت القانون والمعايير الدولية ونتائجه يجب أن تُعلَن، وأي شخص مشكوك فيه إلى حدّ معقول مِنْ التدخّل في حالات القتل يجب أنْ تُحمّلَ المسؤوليةَ وتُقدّمَ للعدالة.واكدت امنسيتي ان المحجوزون ذكروا بأنهم أطلقوا سراح الأسرى وأنْهم سلّموا الأسلحةَ وان تعزيزات أمنِ كَانتْ قَدْ جُلِبتْ وووصلتْ واحاطت السجنِ في 7 يوليو(تموز).

وشددت منظمة العفو الدوليةَ ندائِها إلى السلطاتِ السوريةِ لإلْغاء البنود التي تَمْنحُ الحصانةَ عملياً مِنْ الإدّعاءِ على عناصر قوّات الأمن لاية مخالفات يرتكبونها بينما يُمارسون واجباتهم.

هذا واعتصمت امس عشرات النساء من اهالي سجناء صيدنايا العسكري على باب القصر العدلي بدمشق وحملن لافتات تناشد الرئيس السوري بشار الاسد بالتدخل، وتطالب بالحفاظ على حياة الاسرى في سجن صيدنايا.

وقالت زوجة معتقل لايلاف ان النسوة شكلن لجنة لنصرة سجناء الراي في سجن صيدنايا واكدت انهن تجمعن امس وذهبن الى مستسشفى تشرين العسكري حيث علموا ان القتلى والجرحى هناك ولكن دون نتيجة. وقالت ان دورتين للشرطة بينهم برتبة عميد سحبوا منهن اللافتات وطردوهن من جانب القصر العدلي واحتجزوا احدى النسوة واستجوبوها حول من وراء الاعتصام ثم تركوها.وتضاربت الاقوال منذ يوم السبت الماضي حول انتهاء الاعتصام بين سجناء صيدنايا الا ان السلطات اكدت في بيان الاحد انها سيطرت على الوضع تماما وان معتقلين على خلفية ارهابية كانوا وراء الشغب وافتعلوا المشاكل مع زملائهم، ناشد أهالي سجناء في سجن صيدنايا العسكري في اتصالات مع ايلاف في وقت سابق الرئيس السوري بالتدخل لمعرفة مصير ابنائها والكشف عنها.


المصدر موقع ايلاف

ومتل اطلاق غازات مسيلة للدموعكنت بدي علق من أول رد بس قلت بلاها.. بس هلأ رح علق.. و تاني مرة عم تعيدي صياغة الجملة بنفس الطريقة أول شي أكيد بتقصدي بإطلاق غازات يعني قنابل مسيلة للدموع.. " للتوضيح بس"... هون ياريت تقوليلي كيف شفتيهن بعينك هدول؟ أو ميزتيهن من الصوت؟؟
وشكراً

انا كنا موجودة بصيدنايا وقت صارت القصة من كام يوم
بس ما فهمنا شو عبصير ابدا وفي كتير اشياء سمعتها اول مرة من الأنترنت لأن على ارض الواقع ما سمعنا شي
كل اللي شفناه انه كان في حريق مو طبيعي صاير ودخان كثيف جدا وما عبمنقدر نشوف مصدره
وبقي الحريق لساعات طويلة بالسجن حتى اني بعد ما غادرت صيدنايا كان الحريق مستمر بشكل اقل لكنه مازال مستمر
وشفنا 3 دبابات لا اكثر
وصار في القاء لغازات مسيلة للدموع إلى داخل السجن باعداد كبيرة نسبيا

لكن شو نوع المعتقلين او السجاء ما عرفنا
وحادثة تدنيس القرآن سمعتها من صفحات الأنترنت وما سمعنا هيك شي ابدا على ارض الواقع .
والعالم اللي بالشارع متلكم تماما ما حدا عرفان شي من شي وما حدا عنده فكرة عن اللي صار او عن اللي عبصير

وبحب اقول انه تغطية الموبايل انعدمت بشكل مفاجئ عن المنطقة سواء من سيرياتيل او mtn ما عاد في تغطية لحد ما سافرت يوم الأحد باليل ما كان في تغطية ...
فيكي تشرحيلي كيف حريق هائل ومو مبين مصدرو . ومع ذلك قدرتي تشوفي الغازات المسيلة للدموع وهنن عم يلقوها لداخل السجن :?

كش كش كش يا شباب شفتولي شي عم يطير

مالي خايف;الشعب متل الراصور اذا ما تميتك داعس عليه بيفلت وهاد مبدأهن بالتعامل مع الشعب

جديدة وحلوي:clap::clap::clap::clap::clap::clap::cla p:

كنت بدي علق من أول رد بس قلت بلاها.. بس هلأ رح علق.. و تاني مرة عم تعيدي صياغة الجملة بنفس الطريقة أول شي أكيد بتقصدي بإطلاق غازات يعني قنابل مسيلة للدموع.. " للتوضيح بس"... هون ياريت تقوليلي كيف شفتيهن بعينك هدول؟ أو ميزتيهن من الصوت؟؟
وشكراً

بعتذر منك لأني غير اختصاصية بهيك شغلات لكن وقت فاتوا لعنا قالوا لنا نبقى بالدير لان في قنابل او غازات ايا كانت التسمية فلتكن
مسيلة للدموع سيتم القائها على السجن " او المعتقل ايا كان يكن تسميته "
وشفتا بالهواء انطلاق متل اجسام بتصدر دخان ابيض وبتسقط بعدها داخل المعقتل " او السجن ايا كان يكن تسميته "



فيكي تشرحيلي كيف حريق هائل ومو مبين مصدرو . ومع ذلك قدرتي تشوفي الغازات المسيلة للدموع وهنن عم يلقوها لداخل السجن :?

وقت بتشوف دخان كثيف جدا وما بتعرف من فين طالع صار اسمه " حريق هائل " لأن من كثافة الدخان ما بتقدر تعرف شو بالضبط اللي عبيحترق وشو هوي المصدر الاساسي للدخان وانا لحد اللحظة ما عرفت شو كان عبيحترق .
ومشان الغازات او " القنابل " سبق وجاوبت على هي النقطة

يا جماعة انا كنت موجودة وقلت لكم شو صار معي ما تقلبوا القصة استجواب
وقبل ما حدا يسال
سمعنا صوت الرصاص بفترتين منفصلتين الأولى كانت الساعة 6:30 فجر الأحد والتانية ما بذكر تماما امتى لكن بنفس اليوم ..
وكان الصوت متواصل وهوي كان سبب استيقاظ اهالي صيدانا حتى ان البعض اعتقد انه في زخيرة انفجرت بفعل الحرارة من كتر ما كان الصوت متواصل وعالي ومرعب بنفس الوقت ..

ما تقلبوا القصة استجواب
معك حق قلبت القصة استجواب خبرني .. ما ندمتي على اللحظة اللي حطيتي فيها الشي اللي شفتيه :lol:

بعتذر منك لأني غير اختصاصية بهيك شغلات لكن وقت فاتوا لعنا قالوا لنا نبقى بالدير لان في قنابل او غازات ايا كانت التسمية فلتكن
مسيلة للدموع سيتم القائها على السجن " او المعتقل ايا كان يكن تسميته "
وشفتا بالهواء انطلاق متل اجسام بتصدر دخان ابيض وبتسقط بعدها داخل المعقتل " او السجن ايا كان يكن تسميته "





وقت بتشوف دخان كثيف جدا وما بتعرف من فين طالع صار اسمه " حريق هائل " لأن من كثافة الدخان ما بتقدر تعرف شو بالضبط اللي عبيحترق وشو هوي المصدر الاساسي للدخان وانا لحد اللحظة ما عرفت شو كان عبيحترق .
ومشان الغازات او " القنابل " سبق وجاوبت على هي النقطة

يا جماعة انا كنت موجودة وقلت لكم شو صار معي ما تقلبوا القصة استجواب
وقبل ما حدا يسال
سمعنا صوت الرصاص بفترتين منفصلتين الأولى كانت الساعة 6:30 فجر الأحد والتانية ما بذكر تماما امتى لكن بنفس اليوم ..
وكان الصوت متواصل وهوي كان سبب استيقاظ اهالي صيدانا حتى ان البعض اعتقد انه في زخيرة انفجرت بفعل الحرارة من كتر ما كان الصوت متواصل وعالي ومرعب بنفس الوقت ..


شكرا جزيلا على شرحك الوافي لما رأيتي :D

معليه تحمليهون للشباب بس نحنا هون كلنا ديكارتيين على الطراز المشرقي صايرين

ما بعرف شو قصة الشباب عملولها ياها قصة وتحقيق امر من فرع فلسطين المخلوقة حبت تقول شو شافت الي حب يصدق أهلا وسهلا والي ما حب كمان أهلا وسهلا

أحسن شئ يقول الواحد
لا تعللللللللللق

أربعة قتلى من السجناء الأردنيين في احداث سجن صيدنايا


قال رئيس اللجنة الوطنية للدفاع عن المعتقلين الاردنيين في السجون السورية ورئيس لجنة السجون والمعتقلات في المنظمة العربية لحقوق الانسان المحامي عبد الكريم الشريدة : إنه تلقى اتصالا هاتفيا من أحد السجناء السوريين قال فيه ان هناك أربع وفيات وقعت لاردنيين على خلفية احداث سجن صدنايا التي وقعت الاسبوع الماضي، وان معظم السجناء الذين سقطوا خلال الاحداث لبنانيين وسوريين.

وعلّق الشريدة على هذه المعلومات بالقول: نسعى في الوقت الراهن الى محاولة التثبت منها. ووفق الاتصال كشف السجين السوري عن أوضاع سيئة يتعرض لها السجناء الاردنين في سوريا. وقال للشريدة: إن من بين هؤلاء السجناء سجين أردني "ف.ع" أصيب بشلل نصفي، مشيرا الى انه لا يعرف بالضبط فيما اذا كان اصيب بالشلل النصفي جراء التعذيب او خلال احداث صيدنايا.

ونقل السجين بأن عددا من السجناء الاردنين كتبوا رسائل الى السفارة الاردنية في دمشق لايفاد وفد رسمي للتحقيق في أوضاعهم في السجون ومساعدتهم في توكيل محامين إلا انه لم يجر ذلك حتى الان، مشيرا الى انه لا يعرف اذا كانت هذه الرسائل وصلت اصلا الى السفارة الاردنية في دمشق أم لا.

وناشد المحامي الشريدة العاهل الملك عبد الله الثاني المدافع الاول عن حقوق الانسان في الاردن أن يوعز الى الجهات ذات العلاقة بضرورة الاهتمام في هذا الملف خاصة وان بعض السجناء الاردنين على خلفيات سياسية قضى أكثر من 30 عاما في تلك السجون.


المرصد السوري

تعتيم غريب حتى الأن على القصة

مع تسريبات عن وجود سيناريو نهائي للقصة

بأتهام أسلاميين بأمهم قامو بقطع رؤووس وغيره من القصص . مع وجود هواتف فضائية داخل السجن . و أشتراك أجهزة مخابرات عربية في الأحداث

قضية جديدة تبدأ و تطول و تنتهي.. و نحن آخر من يعمل..

قضية جديدة تحدث في بيتنا.. و ندق باب الجيران لنستفسر عما يحدث في بيتنا...