في حدا من الشباب اللي ساكنين بالشام بيقدر ياكد انو الطريق لمشفى تشرين مقطوع؟؟

لاء مو مقطوع بس في اكتر من 20 سيارة حفظ نظام وشرطة ومخابرات وباقي الشلة .. مزبوط حصل اشتباكات مع الأهالي وسمعت انو في السبب أم حاولت الدخول للمشفى بالقوة ومنعوها وضربوها بالهراوات وعلقت بعدها , ودخل عميد وعدهم بالاتصال بهم وتطمينهم على صحة ابنائهم باقرب وقت يمكن ع الوعد ياكمون والله اعلم

وشغلة تانية من الصبح والابراج تبع الخلوي بصيدنايا ماعم تشتغل على ذمة احد سكان

وفي جرحى نقلو لمشفى أبن النفيس , وعالم كتير عم تقول القصة لساتا مانحلت وأنو المفاوضات جارية مع السجناء ,

شو عم يصير بهل البلد ماحدى بيعرف , شغلة السجن صايرة حديث الشارع كتير عالم عم تحكي ماحدى عرفان شي بالضبط , الشغلة المفيدة أنو المواطن عم يحكي بس مو مسترجي يتقل بالحكي

رجلي بسيريا نيوز اثبتت أنها مجلة تجارية وماعندها شي من شرف المهنية او شي من السلطة الرابعة , والخبر الي حطو ماسمحو لحدى يعلق علية أما حرية , والاجمل أنو صار مقتول شي 5 شرطة مرور بالشام من وقت صدور قانون السير وماجابت سيرة لاهيي ولاغيرها وحالات الاعتداء على شرطة المرور صايرة بالجملة


الي صار لازم يصير من زمان نشالله بيتسكر هل السجن وتتوقف محاكم أمن الدولة , ع فكرة شبيبة المنبر هون المفروض يكونو بيصيدنايا شنو لسانهم طويل وبدو قص ونازلين على سلخ حكي مصدي واضعاف للشعور القومي
ع كلن ثائر بحالة بلبلة صار بدو يوميات جديدة هوي وأبنائو

يذكر أن سجن صيدنايا بني عام 1978, ويقع على بعد 15 كلم شمال مدينة دمشق ويضم سجناء محكومين على خلفيات اسلامية وجنائيةجملة خاطئة من ببها لمحرابها
بني 1987
ونسيو انوفي سجناء راي و كأنو بدن يعملو مكان للمجرمين فقط

فقدت سيريانيوز مصداقيتها وسقطت ورقة التوت وظهر الجنزير

ونسيو انوفي سجناء راي و كأنو بدن يعملو مكان للمجرمين فقط

كلون مجرمين بنظرهم !!؟

كمان نسبة كبيرة من الاسلاميين سجناء رأي يعني كان لسانهم طويل

فقدت سيريانيوز مصداقيتها وسقطت ورقة التوت وظهر الجنزير

خافو من الحجب وخسارة الاعلانات وخافو ينشحطو لهونيك

وبما انكم بأخوية رافضين تنصاعو للجنزير لح ضلو محجوبين , مشروعكم اجرامي هاه ,

شيل لون الاحمر من توقيعك شنو راسكم يابس

طيب سؤال
على فرض على فرض على فرض واحد من الامن دعس عالقرآن (مع اني مستبعده هالشي-يعني انا مع فكرة و قتلوهن من الباب للطاقه اكتر من قصة القرآن) مستاهله القصه يعملو كل هاد وكل هالعصيان ويروحو فيها كمشة عالم .. يعني عرفانين حالون اذا عملو شي رح يقتلوهن ليش ما يحفظو الشر من الاول .

طبعا انا ما عم برر الي صار ابدا والي صار شي ما مقبول ولا باي مقياس

كل شيء جائز وكل تحليلاتكم محتملة طالما أن الحكومة لم تنفي بوضوح.

استمرار عصيان سجن صيدنايا لليوم الثالث


صرح احد المشاركين في عصيان سجن صيدنايا للمرصد السوري لحقوق الانسان خلال اتصال هاتفي جرى الساعة 11.20 بتوقيت دمشق بان العصيان مستمر وان المعتصمين لن يستسلموا الا بضمانات من الرئيس السوري بشار الاسد تضمن الابقاء على حياتهم كما حذر من احتمال وقعوا مجزرة كبيرة في حال نفذت قوات الامن تهديداتها باقتحام المكان الذي يعتصمون به ومعهم 6 عناصر من الشرطة العسكرية يحتفظون بهم كرهائن لحماية انفسهم
كما علم ا لمرصد السوري لحقوق الإنسان من شهود عيان صباح اليوم الاثنين 7/7/2008 ان قوات حفظ النظام انسحبت من محيط سجن صيدنايا ولم يعد هناك وجود الا لدوريات الامن و الشرطة التي بمجرد ان يقترب الاهالي من بوابة السجن تاتي لتبعدهم الى مسافة كيلو متر عن محيط السجن الا ان العشرات من أمهات المعتقلين تجمعن امام بوابة السجن في اصرار منهن على معرفة مصير ابنائهم والكثيرات منهن وصلوا فجر اليوم من كافة المحافظات السورية وقال البعض من الاهالي للمرصد السوري انهم شاهدوا السجناء على سطح مبنى السجن يلوحون بملابسهم في دليل على استمرار العصيان وفي اخر اتصال مع احد المعتقلين الإسلاميين فجر اليوم قال ان مجموعة منهم مازالت تحتجز 6 عناصر من الشرطة العسكرية على سطح المبنى وان مطالبهم فقط الحفاظ على حياتهم بضمان من الرئيس السوري بشار الاسد وكان والد معتقل في سجن صيدنايا ابلغ المرصد السوري لحقوق الإنسان ان وفد من السلطة السورية وصل الى السجن حوالي الساعة السابعة من مساء الاحد بتوقيت دمشق وبعد ساعة من وصوله خفت حدة الانتشار الامني بشكل ملحوظ في محيط السجن ولم يعد يسمع اي صوت اطلاق نار او يشاهد اي من السجناء على سطح السجن واستمر هذا الوضع الى منتصف الليل وقال ان هذا الامر مؤشر على ان مفاوضات حصلت بين المعتقلين والسلطات السورية ادت الى نزولهم من سطح السجن وانسحاب قوات الامن من محيطه لكن الرجل قال سوف ابقى هنا بالقرب من السجن حتى الصباح لكي اقف على حقيقة الامر وكانت قوات الأمن السورية فرقت الساعة السادسة من مساء الاحد تظاهرة سلمية لأمهات المعتقلين في سجن صيدنايا كانت متوجهة الى القصر الرئاسي بدمشق غير ان بعض الامهات استطعنا الوصول الى القصر وسلموا رسالة ناشدوا فيها الرئيس السوري التدخل لانقاذ حياة ابنائهم وكان مصدر من داخل سجن صيدنايا تمكن المرصد من الاتصال به صباح الأحد 6/7/2008 وقال أن العصيان الذي نفذه معتقلون إسلاميون مازال مستمرا منذ أمس وقال المصدر ان السجناء كانوا يعاملون معاملة سيئة جدا من قبل سجانيهم وتوجه لهم الاهانات باستمرار وهناك من هم معتقلون منذ سنوات دون محاكمة وإذا حوكموا تصدر بحقهم أحكاما جائرة من قبل محكمة امن الدولة العليا بتهم لاعلاقة لهم بها و قال شاهد عيان من أهالي المعتقلين الإسلاميين في سجن صيدنايا للمرصد انه تمكن من اختراق الطوق الأمني المفروض على السجن منذ أمس و شاهد عدد من السجناء مازال على سطح مبنى السجن ولكن اقل من العدد الذي شوهد أمس وخلافا لبعض التسريبات الإعلامية المضللة عن انتهاء العصيان والسماح لأهالي المعتقلين بزيارة أبنائهم قال الأهالي للمرصد ان عناصر الأمن السورية منعتهم من الاقتراب من السجن الأمر الذي اثار مخاوف كبيرة لديهم على مصير أبنائهم وسط مخاوف عن ارتفاع كبير في عدد الضحايا وقرروا تنظيم مسيرة باتجاه القصر الجمهوري بدمشق لايصال صوتهم الى الرئيس بشار الاسد

وكانت شقيقة معتقل إسلامي في سجن صيدنا يا تقيم بالقرب من مستشفى تشرين العسكري أبلغت المرصد مساء امس أنها شاهدت سيارات الإسعاف تنقل قتلى وجرحى السجن إلى مستشفى تشرين العسكري وعندما حاولت الدخول إلى المستشفى لمعرفة مصير شقيقها قالوا لها ممنوع الدخول لأي شخص بأمر من الأجهزة الأمنية وقال لها احدهم إن المستشفى مكتظاً بالقتلى والجرحى الذين جيء بهم من سجن صيدنا يا وكان معتقل سياسي في سجن صيدنا يا العسكري قرب دمشق ابلغ المرصد السوري لحقوق الإنسان ان عصيانا وقع داخل السجن صباح يوم السبت 5/7/2008 وان عدد القتلى بلغ العشرات وان السجناء صعدوا إلى سطح السجن خوفا من القتل

ان المرصد السوري لحقوق الإنسان يطالب السلطات السورية بالكشف عن تفاصيل مجزرة السبت الأسود التي وقعت في سجن صيدنايا وتبيان أعداد الضحايا لطمئنت أهالي المعتقلين على مصير أبنائهم و تشكيل لجنة تحقيق من شخصيات حقوقية وقضائية مستقلة معروفة بنزاهتها ومحاكمة كل من أطلق الرصاص الحي على السجناء وتسبب بمقتل سجين


المصدر :المرصد السوري

أشار إلى احتمال إطلاق سراح معتقلي " إعلان دمشق " قبل زيارة رأس النظام إلى باريس
مصدر فرنسي لـ " الحقيقة " :
أحداث سجن صيدنايا تم تدبيرها والتخطيط لها على مدار أسابيع في لبنان لتأتي قبل زيارة بشار الأسد إلى العاصمة الفرنسية ، و لإشاعة خبر مفاده أن المعتقلين اللبنانيين قتلوا في السجن ، يتلوه طلب تدخل دولي
مصدر طبي في مشفى تشرين : الخسائر في صفوف الشرطة أكبر من الخسائر في صفوف السجناء
دمشق ، باريس ـ الحقيقة : كشف مصدر ديبلوماسي فرنسي لـ " الحقيقة " عن أن المعلومات الأمنية المؤكدة لدى وزارة الخارجية الفرنسية والسفارة الفرنسية بدمشق تشير إلى أن أعمال الشغب في سجن صيدنايا ، التي انتهت عصر أمس ، تم تدبيرها والتخطيط لها على مدى أسابيع ، وتحديدا منذ أن تلقى رأس النظام دعوة رسمية من الرئيس الفرنسي نيكولا ساركوزي للمشاركة في القمة المتوسطية أواسط هذا الشهر . وقال المصدر وثيق الصلة بمكتب سوريا ولبنان في الخارجية الفرنسية إن " غرفة عمليات " التخطيط للشغب أدارتها جهة أصولية لبنانية قامت بتحويل أموال لأهالي بعض المعتقلين الأصوليين في سوريا من أجل شراء ذمم بعض الضباط وصف الضباط في إدارة السجون بفرع الشرطة العسكرية ، التي تعطي بطاقات الزيارة لأهالي المعتقلين ، وكذلك بعض صف الضباط في السجن نفسه ، من أجل المساعدة على إدخال أجهزة اتصال ثريا وموبايلات . وقال المصدر إن ما خطط له كان أكبر بكثير مما جرى . فقد تضمنت الخطة في بعض مراحلها إدخال سلاح بهدف تنظيم عملية فرار جماعية للأصوليين بعد السيطرة على السجن وأخذ عناصر الشرطة رهائن ، والاستيلاء على سيارات السجن والفرار بها عن طريق تل منين ـ لبنان الذي كانت تستخدمه المنظمات الفلسطينية قبل خروجها من لبنان لإدخال السلاح القادم من أوربا الشرقية عبر ميناء طرطوس بعيدا عن الأعين الإسرائيلية . إذ إن الطريق يمر بين الجبال وفي الوديان . وبحسب الخطة ، فقد كان مقررا أن تنقسم المجموعات الفارة إلى مجموعتين ، إحداها تأخذ طريق رنكوس ـ عسال الورد ـ الحدود اللبنانية ، و لا يبلغ طول هذا الطريق أكثر من 17 كم ؛ أما المجموعة الثانية فتأخذ طريق حلبون ـ سرغايا ـ الحدود اللبنانية . ولا تبلغ مسافة هذا الطريق أكثر من عشرين كيلو مترا . وكان من المخطط له أيضا قيام جهات لبنانية موالية لـ " 14 آذار " بطلب تدخل دولي " لحماية وإنقاذ السجناء اللبنانيين " على اعتبار أن الفارين " هم المفقودون اللبنانيون في السجون السورية " ، دون الانتباه إلى أن سجن صيدنايا أصبح عمليا ، ومنذ بضع سنوات ، " سجنا مفتوحا " ، بمعنى أنه أصبح خارج دائرة الأسرار الأمنية ، لاسيما عدم وجود أي سجين لبناني فيه منذ نهاية العام 2000 حين أطلق سراح آخر مجموعة لبنانية منه ( حوالي 54 معتقلا ). وقال المصدر ، إن مخططي العملية وضعوا " سيناريو " آخر ، وهو فشل العملية ، ومن ثم توجيه اتهام للسلطات السورية بقتل المعتقلين اللبنانيين ، وطلب تحقيق دولي ، مستفيدين أيضا من السمعة القذرة للنظام السوري في هذا المجال ، ومن واقع أن سجونه ومعتقلاته أشبه بمغارة علي بابا ، أو هكذا يعتقدون . ونوه المصدر إلى ما جاء على ألسنة بعض رموز " تيارالمستقبل" يوم أمس ، مثل مصطفى علوش ، لجهة الحديث عن " وجود معتقلين لبنانيين في صيدنايا " !!؟
على صعيد متصل ، قال مصدر طبي في قسم الطوارىء بمشفى تشرين العسكري إن الخسائر في صفوف عناصر الشرطة " تبدو أكبر من الخسائر في صفوف السجناء " ، وأكد أن بعضهم أصيب بعيارات نارية من مسافة قريبة جدا . وتؤكد هذه المعلومة ما كان كشفه أمس لـ " الحقيقة " مصدر في قسم المباحث العسكرية في فرع الشرطة العسكرية لجهة أن بعض لسجناء استطاع سلب عناصر الشرطة أسلحتهم وإطلاق النار عليهم قبل تصفيتهم على أيدي حراس آخرين .
على صعيد آخر ، لكنه يتعلق بقضايا المعتقلين أيضا ، قال المصدر الفرنسي نفسه إن الرئيس السوري يمكن أن يطلق سراح معتقلي " إعلان دمشق " قبل زيارته فرنسا ، وأشار إلى أن الجهات الفرنسية " تلقت معلومات مهمة بهذا الشأن من الجهات السورية " .

موقع الحقيقة

بس والله احترت بهالخبر

انا بس عندي تعليق على اخبار موقع الحقيقة اللي بتخص احداث صيدنايا الاخيرة, يعني من الاول و الموقع عم يحاول يبرأ النظام ويطالع الموضوع على انو شغلة شغب وبس طبعا مو محبة بالنظام انما بس لانو القضية بتمس معتقلين اسلاميين, وهدا عار على صاحب الموقع لانو كونو معتقل سياسي سابق لازم يتعاطف مع اي معتقل تاني لانو بيعرف انو كل الناس اللي جوا معتقلين ظلما وباحكام صادرة عن محاكم اشبه بمحاكم التفتيش تبع اسبانيا

هلق بعد ما القصة كبرت تفبركت القصة معو انو قال شو مخطط لها لتخريب زيارة بشار الاسد لفرنسا؟؟؟

المزعج أنو ما يكون في لا إعلام رسمي و لا إعلام مضاد ... ولا إيا شي موثوق
الطرفين يجيدون العبث بالحقيقة ...

بس وقت بتعترف المصادر الرسمية بهالسرعة انو صار تدخل لحفظ النظام .. انا ميالة اني صدق انو حصل اكتر من تدخل وانو حصل اكتر من حفظ نظام .. وانو صار في هدر ارواح .. وببلاش

غريب :?

اول شي مين قلك أنو اذا حارس متلا فهاد يؤدي مباشرة على أنو علوي ...أصلا بشارطك اذا في واحد منن علوي لأنو أغلب العلويين بيتطوعو ب "الجيش" وليس بالشرطة
كمان مين قلك انو العلويين بيدنسو القران :oأنو هي سمعة والله...العلوي اسلامو قائم ع القران والعلوي اذا حلف بيحلف بالله وبعدو بالقران
يعني والله مسخرة
بس ع كل ..هاد كلو بيدل ع افلاس بعض أطياف "المعارضة" ..
و برأيي أنو تعاملن مع الحدث كان على درجة كبيرة من الغباء وأفادو النظام اكتر ما انو ضروه لأنو مجرد ما عم يلعبوا على الوتر الطائفي رح يحتقروا من قبل كل سوري شريف وحريص على سوريا واذا كان عندن أسهم عند بعض الناس فانا بتصور انو رح يخسروها

ما بعرف بس انت يا اما ما عايش بهل بالبلد يا أما وطنيتك خلتك ما تشوف الفساد التفريق العنصري والطائفي بالبد وهاد ما بدوا نقاش بعتقد وقضية انو العلويين مو اسلام وما بعرف شو انا ما بدي ادخل أكتر من هيك بالموضوع بس والله غريب كل شي صار بالسبعينيات والثمانينيات ما بيخليكم تسدؤا أنو ممكن يصير هيك شي و كأنكم نسيتوا كيف كان الجيش يشلح النسوان الحجاب بالطريق ب حماه ودمشق واللاذقيو التي تعرضت مناطقها السنية الى ابشع انواع التفريق الطائفي القائم حتى الان
وانو اذا كذبنا المنطق بنصير تعاملنا مع الخبر بغباء هي ما دخلت لعقلي

انا بس عندي تعليق على اخبار موقع الحقيقة اللي بتخص احداث صيدنايا الاخيرة, يعني من الاول و الموقع عم يحاول يبرأ النظام ويطالع الموضوع على انو شغلة شغب وبس طبعا مو محبة بالنظام انما بس لانو القضية بتمس معتقلين اسلاميين, وهدا عار على صاحب الموقع لانو كونو معتقل سياسي سابق لازم يتعاطف مع اي معتقل تاني لانو بيعرف انو كل الناس اللي جوا معتقلين ظلما وباحكام صادرة عن محاكم اشبه بمحاكم التفتيش تبع اسبانيا

هلق بعد ما القصة كبرت تفبركت القصة معو انو قال شو مخطط لها لتخريب زيارة بشار الاسد لفرنسا؟؟؟
أي طبيعي من حدا متلو بدك تسمع شي وتكب بالبحر شي تاني . الو سياستو ووجهة نظرو الخاصة

اعتصم عشرات من أهالي معتقلين صيدنايا مساء اليوم في حمص مناشدين الرئيس بشار الأسد بالتدخل لحماية أبنائهم والحفاظ على حياتهم. وشوهد حشد من النساء وبعض الأطفال ينتشر في الشارع الرئيسي وسط مدينة حمص، على طول رصيف المؤسسة العامة للاتصالات مقابل الساعة وبمواجهة بناء السرايا / دار الحكومة، وكانت النساء تحملن لافتات متعددة كتبت عليها عبارات مثل: نناشد السيد الرئيس لحماية أبنائنا، أنقذوا أبناءنا من الفتنة، الحرية والعدل لمعتقلي صيدنايا، ، أهالي معتقلي صيدنايا يطالبون بحماية المعتقلين، المعتقلون أمانة لدى الدولة ، كما حملت لافتة كتبت بالانكليزية عبارة مفادها: الحرية لأبنائنا
وقد تسبب الاعتصام المفاجىء والجديد على المدينة، في حصول تجمعات كبيرة من مواطني المدينة كانوا يقفون ويستفسرون من الأهالي عن أحداث المجزرة المستمرة والمروعة في سجن صيدنايا، والتي مازالت الفضائيات والوكالات تنقل أخبارها منذ صباح يوم السبت الماضي،
هذا، وبعد أكثر من ساعة على بدء الاعتصام بدأ تدخل كثيف لرجال الأمن السري وعناصرالشرطة أدى إلى تفريق الحشود المحيطة به ، وجرى تفاوض بين قيادات أمنية والأهالي المعتصمين، تم على إثره اصطحاب أكثر من عشرين من النسوة المعتصمات إلى دار الحكومة لمقابلة محافظ حمص والنظر في طلباتهن.

النداء / الاثنين 7 تموز (يوليو) 2008

بدء الاعتصام بدأ تدخل كثيف لرجال الأمن السري وعناصرالشرطة أدى إلى تفريق الحشود المحيطة به


شئ طبيعي

ما بعرف بس انت يا اما ما عايش بهل بالبلد يا أما وطنيتك خلتك ما تشوف الفساد التفريق العنصري والطائفي بالبد وهاد ما بدوا نقاش بعتقد وقضية انو العلويين مو اسلام وما بعرف شو انا ما بدي ادخل أكتر من هيك بالموضوع بس والله غريب كل شي صار بالسبعينيات والثمانينيات ما بيخليكم تسدؤا أنو ممكن يصير هيك شي و كأنكم نسيتوا كيف كان الجيش يشلح النسوان الحجاب بالطريق ب حماه ودمشق واللاذقيو التي تعرضت مناطقها السنية الى ابشع انواع التفريق الطائفي القائم حتى الان
وانو اذا كذبنا المنطق بنصير تعاملنا مع الخبر بغباء هي ما دخلت لعقلي

لا يا عيوني انا عايش بالبلد و بعرف الأوضاع بس المبين انو انتي يللي عايش برات البلد أو حتى بيجوز ماالك علاقة بالبلد اصلا بدليل حافظلك هالكام كلمة "كذب" يللي معلمينك ياها وما عندك غيرن "احداث السبعينات والتمانينات" "التفريق العنصري والطائفي" .. كأنو شكلك عايش بالماضي ونسيان انو نحن بالقرن الواحد والعشرين يعني بتمنى منك تحاكيني بالعصر يللي نحنا عايشين فيه وما تطلع عن الموضوع وتشيلني كمان من موضوع التمانينات يللي انا بشبهها بأحداث مخيم نهر البارد يللي صارت بلنان يعني مجموعة ارهابية عم تفجر الباصات و عم تروع الناس واذا بتحب نتناقش بالموضوع لحالو فأنا ما عني مشكلة


أما من ناحية" تشليح النسوان الحجاب" فأنا بصراحة ما كنت واعي لهديك المرحلة و ما بعرف اذا عن جد صار هيك بس بتصور من خلال قرائتي لللأحداث التاريخية الموثقة والمروية أنو في واحد أجدب اسمو رفعت الأسد كان يقوم ببعض التصرفات المشينة بحق كام وحدة وبتصور انها ما كانت ابدا ع اساس طائفي لأنو لمعلوماتك انو الاذى يللي تعرضلو العلويين منو هوي بالذات اكبر من اي اذى تعرضلو اي حدا تاني ...... فهاد لا بيمثل العلويين ولا بيمثل اسلامن الجعفري و"كلن" بينتبرؤأ من هيك تصرفات فتمنى منك ومن يللي بيفكر متلك انو نطلع شوي من هالفكر التخلفي الجاهلي يللي كل ما بيحمل الجماعة كلها مسؤولية تصرفات احد "الأفراد"
و ما بعرف من وين جايبلي هل "التخريطات" اذا بدك تبع التمييز ضد جيراننا السنة اصلا القاصي و الداني بيعرف انو نحني و جيراننا السنة اخوة و طول عمرنا عايشين بسلم وأمان مع بعضنا .. في حين العكس تماما عم بيصير بطرابلس حيث يفرض السنة المسيسين حصارا على المنطقة العلوية فيها

و باعتبارك "منطقي" خلينا نشيل موضوع أنو العلويين مسلمين او لا ع جنب " واصلا هدول يللي مو معتبرين العلويين مسلمين ما خلو حدا ما كفروه "
فهل انتي برأيك أنو جماعة بتتدعي حب الامام علي ممكن تساوي شي بيخالف يللي اوصى فيه الامام علي ويللي مارسو قولا وفعلا ..بالمنطق لازم يكون قدوة الا في حال كنت بتعتبر انتي او غيرك انو الامام علي كان يدنس المصاحف و هاد شي غير وارد اطلاقا

اخر شي بحب وجه كلامي كمواطن عربي سوري مسلم لهدول الكام واحد "المعارضة" يللي استثمروا الاحداث طائفيا و حاولوا اثارة الغرائز من خلال اخبارن الكاذبة أنو انتو يللي عايشين بأحقاد الماضي وبثقافة الطائفية ما رح تبنو وطن و انتو افة بهالمجتمع "بالعراق و بلبنان وبفلسطين وغيرا " و انكن اخطر علينا من اعدائنا و عم تثبتو من خلال اساليبكن لكل مواطن سوري بيهمو مصلحة بلدو انو النظام السوري اشرف منكن با عتباروا نظام وطني علماني لايميز بين سوري و اخر و انو نحنا كسوريين انشاءالله رح منضل ايد وحدة و كلمة وحدة ورح نكون متل لكل العالم العربي بالعيش المشترك

ردك يلي فوق ما رح معك بنقاش فيه لانو في اهانات للبشر و انا مابدي فوت معك هالفوته.. بس عندي تعليق على هاد الحكي :

اخر شي بحب وجه كلامي كمواطن عربي سوري مسلم لهدول الكام واحد "المعارضة" يللي استثمروا الاحداث طائفيا و حاولوا اثارة الغرائز من خلال اخبارن الكاذبة أنو انتو يللي عايشين بأحقاد الماضي وبثقافة الطائفية ما رح تبنو وطن و انتو افة بهالمجتمع "بالعراق و بلبنان وبفلسطين وغيرا " و انكن اخطر علينا من اعدائنا و عم تثبتو من خلال اساليبكن لكل مواطن سوري بيهمو مصلحة بلدو انو النظام السوري اشرف منكن با عتباروا نظام وطني علماني لايميز بين سوري و اخر و انو نحنا كسوريين انشاءالله رح منضل ايد وحدة و كلمة وحدة ورح نكون متل لكل العالم العربي بالعيش المشترك

مو ملاحظ انك صغرت المعارضه كتير؟؟ يعني المعارضين مو هنن بس عبد الحليم خدام و الاخوان و رفعت الأسد.. وبالنسبة لموضوع انو "النظام اشرف منكون كلكون " ياريت توضحلي أشرف من مين تحديداً؟؟ و انت مين لحتى تعطي شهادات بالشرف و بالوطنية؟؟ و بالنهاية بدي قلك نقطه لازم تفهمها : محبة البلد مو بهالحكي الفاضي و التستر على كل اغلاط النظام و التهليل للديكتاتورية.. اذا عن جد بتحب بلدك حاول تحس فيها.. حرام تدمر البلد مشان كم واحد الله مابيحركهن عن الكراسي لأنو معتبرين البلد مزرعه و الشعب خواريف..

يا حبيبي رغم انك جرحت كتير بالكلام بس خلص عرفت حالي مع مين عم بحكي ولهيك النقاش معك ما ألو اي فائدة لانك انت اللي حافظلي هل كم شعار اللي تخب قلبنا منن مو انا ولعلمك انا معاني كتير بهل بالبد ومابدي واحد متلك يعلمني شو ممكن يصير وانت خلص متبع هل الشلة اللي حاكمين البلد وراكض وراهم وما بعرف اذا عانيت فهلا متل ما قلت يا مواطين يا عربي يا سوري
وعلى كل حال اللي عم تسميهم ارهابيين هيدول الوحيدين الرجال اللي وقفوا بوجه النظام الدكتاتوري وهي شغلة تفجير الباصات اللي مضحكين عليك فيها بس رح يجي يوم ويدوب التلج ويبان المرج
وهي شغلة لبنان والعراق اللي انصرعنا منا انو يا اما بناكل ...... بهل البلد وبنسكت يا اما بدو يصير فينا متل العراق
تحية مواطن عربي سوري محروق دمو بيلي عم يصير ببلدوا

ردك يلي فوق ما رح معك بنقاش فيه لانو في اهانات للبشر و انا مابدي فوت معك هالفوته.. بس عندي تعليق على هاد الحكي :



مو ملاحظ انك صغرت المعارضه كتير؟؟ يعني المعارضين مو هنن بس عبد الحليم خدام و الاخوان و رفعت الأسد.. وبالنسبة لموضوع انو "النظام اشرف منكون كلكون " ياريت توضحلي أشرف من مين تحديداً؟؟ و انت مين لحتى تعطي شهادات بالشرف و بالوطنية؟؟ و بالنهاية بدي قلك نقطه لازم تفهمها : محبة البلد مو بهالحكي الفاضي و التستر على كل اغلاط النظام و التهليل للديكتاتورية.. اذا عن جد بتحب بلدك حاول تحس فيها.. حرام تدمر البلد مشان كم واحد الله مابيحركهن عن الكراسي لأنو معتبرين البلد مزرعه و الشعب خواريف..
:o يعني مو مبينة شغلي مخك شوي
لما عم قول "هول يللي" و "الكام واحد" معارضة وعم حطلك "خط "تحت الصفات تبع الفئة يللي عم وجه كلامي الها فاكيد مو قصدي عكل المعارضة وكان خطابي موجه لهدول الفئة يللي مسماية حالها معارضة تحديدا .. وفيك تتأكد من مشاركاتي السابقة بخصوص المعارضة
انشاء الله تكون وصلتك الفكرة
يا حبيبي رغم انك جرحت كتير بالكلام بس خلص عرفت حالي مع مين عم بحكي ولهيك النقاش معك ما ألو اي فائدة لانك انت اللي حافظلي هل كم شعار اللي تخب قلبنا منن مو انا ولعلمك انا معاني كتير بهل بالبد ومابدي واحد متلك يعلمني شو ممكن يصير وانت خلص متبع هل الشلة اللي حاكمين البلد وراكض وراهم وما بعرف اذا عانيت فهلا متل ما قلت يا مواطين يا عربي يا سوري
وعلى كل حال اللي عم تسميهم ارهابيين هيدول الوحيدين الرجال اللي وقفوا بوجه النظام الدكتاتوري وهي شغلة تفجير الباصات اللي مضحكين عليك فيها بس رح يجي يوم ويدوب التلج ويبان المرج
وهي شغلة لبنان والعراق اللي انصرعنا منا انو يا اما بناكل ...... بهل البلد وبنسكت يا اما بدو يصير فينا متل العراق
تحية مواطن عربي سوري محروق دمو بيلي عم يصير ببلدوا
ع الأقل أنا كلامي موثق و اهلنا عاشوه وبيحكولنا كيف كان يتم دبح المدنيين العلويين ع الهوية و كيف كان يتم استهداف النخبة الواعية والمثقفة من خلال الاغتيالات من قبل هدول الرجال الأبطال بنظرك
و شغلة تانية انا عم بحكي قناعاتي وما ني متبع حدا وانا مجرد مواطن عادي لا ابي ولا جدي مسؤول ولا الن شي بالدولة وانشاء الله قناعاتي ما رح غيرها ان كان هلأ أو بعد خمسين سنة

يا سلام يعني هلق أنقلبت الاية وصار الشي بالعكس يعني السنة قتلوا العلوية
و اللي قالولك اياه مدري مين كلو مو صحيح ولما بيأمرو عسكري عادي بالهبوط المظلي على مدينة حماه وقتل كل من يصادف بالمنزل الذي ينزل فيه هاد بيكون اسمو انو السنة قتلوا العلوية ولما ولما ولما ولك اه من هل البلد كل واحد بينتعلك الف شعار وراكض وبيعرف من جوى قلبوا انو هل حكي كلو خرندي ومو صحيح
وبعدين ليش اتهربت من جوابي منشان قية العراق والتشبه بها

شباب مافي داعي نقلب الحديث لحديث طائفي بهالشكل البشع هاد... لازم نفهم انو النظام الحاكم ما بيمثل كل الطائفة العلوية بسوريا.. في نسبة عالية من الطائفة معارضة للنظام.. و نفس الحكي بينطبق على الإخوان المسلمين كمان هنن مانهون ممثلين الطائفة السنية بسوريا... أغلب السنة الطائفة السنية ضد الإخوان ...ياجماعه المهم البلد و البلد مابيمشي اذا كل واحد حامل سيف الطائفية و ماشي..

كلامك صحيح بس سؤالي الك وانا ما بعرف شو طائفتك
بغض النظر عن معتقداتك وديانتك
ألا تستفز عندما احد يدنس معتقداتك و مقدساتك
وعلى قولة المثل ما تاخد صديق والا بعد قتلة لذلك يمكن طلعنا ب أوجه نظر قريبة ولكن بنختل شو بطريقة التفكير
سلام

لا تستفز عندما احد يدنس معتقداتك و مقدساتك

بغض النظر عن معتقداتي و مقدساتي... بس بدي قلك شغلة قد ماحدا استفزني بمذهبي اذا كنت عم احكي عن مصلحة بلدي بكبت مشاعري و ما بحول الموضوع موضوع طائفي... برجع بقلك من محبتنا ببلدنا لازم نتحمل

ولك أخخخخخ شو بدنا نتحمل لنتحمل

يعني والله الشي الغريب انو لما كل الشعب بمختلف طوائفو و توجهاتو الفكرية ,عم يعاني من ممارسات هالنظام المجرم , ومع هيك بتلاقي بهالمنتدى كم واحد شغلتن كل ما انحط موضوع عن شي جريمة جديدة من جرائم بيت الاسد بحق سوريا بيخونوا الطرف الاخر وبيقعدوا يتمسخروا على اي راي معارض لراي النظام

وهالشي بيدفع الكل يسالوا سؤال , ليش هيك هدول عم يعملوا؟؟؟

يعني حضرتو شاف وسمع بكم مثقف و كم مدني قتلون الاخوان, بس ما سمع والله بكم الف معتقل وكم الف قتيل وكم الف مفقود سوري مو علوي ولا سني ولا مسيحي لانو اجرام النظام شمل الكل وماسمع بوطن تم تدميرو والدوس على كرامة شعبو بحجة الاخوان وبالاخير طلع رفعت الاسد هو اللي عمل كل الجرائم, طيب والجرائم اللي صارت وعم تصير بعدو ؟؟؟

عن جد انتو محامين فاشلين لقضية صار الولد الصغير بيعرف انها فاشلة

وينك يا Yass؟؟؟؟؟

لانو في كتير ردود حسب رايي ع الاقل خارج الموضوع وعم تنقط طائفية وسخافة بتوقع انو ما لازم تنشر

شباب رجاءً نقاشنا سياسي خلوه سياسي..يلي عم تحكوه بسيئ لقضيتنا و قضية هالبلد.. صغرتو الموضوع كل واحد على مقاسو و نسيتو البلد يلي عم تحترق.... عيب

barcawi
كلامك صحيح بس سؤالي الك وانا ما بعرف شو طائفتك
بغض النظر عن معتقداتك وديانتك
ألا تستفز عندما احد يدنس معتقداتك و مقدساتك
وعلى قولة المثل ما تاخد صديق والا بعد قتلة لذلك يمكن طلعنا ب أوجه نظر قريبة ولكن بنختل شو بطريقة التفكير
سلام
يعني انتي ملاحظ انو تقريبا مافي حدا غيرك بهالمنتدى عطى للموضوع بعد طائفي وديني و بلش بالكلام المذهبي البغيض لاحظ متلا انو حتى المعارضين الاصليين بتحسن مو قبلانيين هالتعاطي مع الأحداث بهالشكل الطائفي يللي عم تمارسو
وبصراحة كلامك وردودك غريبة علينا كأعضاء منتدى أخوية وفيك تلاحظ الامتعاض عند الأعضاء بما فيهن المعارضين
من التطرق لكلام الفتنة .. وبصراحة اكتر عم تخليني بلش شك اكتر بكونك سوري وما بعرف ممكن في غير اغضاء يشاركوني هالشعور فبتمنى منك تثبتك "سوريتك" بالتخلي عن هيك احاديث يللي ما بتليق فينا كسوريين

واخيرا بطلب من المشرفين ع المنتدى حذف كل المواضيع الخارجة عن الموضوع الأصلي وتفويت الفرصة ع المصطادين بالماء العكر

ما فيني قول غير بدون تعليق بنوب
مع احترامي للكل بس انتو اللي عم تحكو عن الديمقراطية ما نك عم تطبقها والدليل أنك رديت على تعليق انت حذفتو لأنو مالو ماشي مع رأيك صار هدا الشي معي من زمان مهلأ عم يتكرر وكمان انتو طحشتو عالزلمة اللي كتب تعليقو وكل واحد منكن بلش يعطي دروس بالوطنية بتمنى تتقبلو النقد والرأي الاخر وبعدين تحكو عن حرية التعبير....عاشت سورية وعاش الأسد

أحلا شي لما ينربط اسم البلد بإسم شخص... هي أكتر شغلة يتخليك تعرف مستوى الوطنية يلي عند الشخص يلي عم تحكي معو

مزبوط فادي بوافقك الراي و خصوصي هالشي وقت يكون برات بلدك ...
كتير بتحس بشي ما بينوصف

أحلا شي لما ينربط اسم البلد بإسم شخص... هي أكتر شغلة يتخليك تعرف مستوى الوطنية يلي عند الشخص يلي عم تحكي معو
يا حبيباتي للمرة التانية هاد رأيي الشخصي وبعتقد أني حر حب سورية أو حب رئيسها أو ....
مشكلتنا نحنا السوريين أنو ما منشاطر غير عبعض بالنسبة لموضوع السجن على الأقل لازم نكون واقعيين ونفكر بالنكت اللي عم نقراها على انها أخبار موثوقة مثال صغير للتفكير أنو المعتقل اتصل من جوال مهرب بالسجن (وأكيد بمعرفة الأمن) مع محطات ووكالات عالمية(يعني مكالمة دولية وكملها للاخر وبعدين سكر الخط وشربلو فنجان قهوه) تخيل انك انت برى السجن لما بتحكي مكالمة (خاصة دولية) بينعرف كل حرف قلتو

أكبر حالات التنكر و الكره للوطن هي تفصيل الوطن على مقاس شخص.. يعني تصوري اختزال سوريا الوطن والأرض و الشعب و التاريخ تحت اسم سوريا الأسد... عن جد غريب يا أنا تفكيري مجدود و ماعم اقبل يصغرولي من قيمة بلدي يلي عندي ياها أكبر من الكون.. يا هنن ما عم يعرفو شو عم يقولوا.. و المصيبة اذا بيعرفوا.

مع احترامي للكل بس انتو اللي عم تحكو عن الديمقراطية ما نك عم تطبقها والدليل أنك رديت على تعليق انت حذفتو لأنو مالو ماشي مع رأيك صار هدا الشي معي من زمان مهلأ عم يتكرر وكمان انتو طحشتو عالزلمة اللي كتب تعليقو وكل واحد منكن بلش يعطي دروس بالوطنية بتمنى تتقبلو النقد والرأي الاخر وبعدين تحكو عن حرية التعبير....عاشت سورية وعاش الأسد

مشكور عالدرس.. بوعدك احفظو منيح..

و يا هلا

علم المرصد السوري لحقوق الانسان ان العشرات من اهالي معتقلين في سجن صيدنايا يعتصمون الان امام مبنى المحافظة في مدينة اللاذقية على الساحل السوري مطالبيبن بتدخل الرئيس السوري بشار الاسد للكشف عن مصير ابنائهم والسماح لهم بزيارتهم للاطمئنان على اوضاعهم بعد انقطاع الاتصال فجر اليوم الثلاثاء مع داخل السجن اثر اخر انذار وجهته قوات الأمن السورية في السجن للسجناء المعتصمين طالبتاً إنهاء العصيان قبل فجر الثلاثاء محذرتا في حال عدم استجابتهم باقتحام مكان الاعتصام بالقوة مهما كانت التكلفة البشرية
ان المرصد السوري لحقوق الانسان يعلن تضامنه مع المعتصمين من اهالي المعتقلين ويطالب السلطات السورية بالكشف عن تفاصيل مجزرة السبت الأسود التي وقعت في سجن صيدنايا وتبيان أعداد الضحايا لطمئنت أهالي المعتقلين على مصير أبنائهم و تشكيل لجنة تحقيق من شخصيات حقوقية وقضائية مستقلة معروفة بنزاهتها ومحاكمة كل من أطلق الرصاص الحي على السجناء وتسبب بمقتل سجين
8/7/2008 المرصدالسوري لحقوق الإنسان

barcawi

يعني انتي ملاحظ انو تقريبا مافي حدا غيرك بهالمنتدى عطى للموضوع بعد طائفي وديني و بلش بالكلام المذهبي البغيض لاحظ متلا انو حتى المعارضين الاصليين بتحسن مو قبلانيين هالتعاطي مع الأحداث بهالشكل الطائفي يللي عم تمارسو
وبصراحة كلامك وردودك غريبة علينا كأعضاء منتدى أخوية وفيك تلاحظ الامتعاض عند الأعضاء بما فيهن المعارضين
من التطرق لكلام الفتنة .. وبصراحة اكتر عم تخليني بلش شك اكتر بكونك سوري وما بعرف ممكن في غير اغضاء يشاركوني هالشعور فبتمنى منك تثبتك "سوريتك" بالتخلي عن هيك احاديث يللي ما بتليق فينا كسوريين

واخيرا بطلب من المشرفين ع المنتدى حذف كل المواضيع الخارجة عن الموضوع الأصلي وتفويت الفرصة ع المصطادين بالماء العكر
اولا انا ما نطرك لحتى تقيمنياذا كنت سوري ولا لا
وبعدين القصة فيها طائفية وهاد رأيي و التهجم على المقدسات بيثبت انو الموضوع اصلا طائفي مو انا اللي حولتوا ل طائفي
وخلصنا بقى من هل كم جملة اللي حافظلي اياهم من اللي عم يلقحوك بهل الافكار لانو كلها مكشوفة والكل بيعرف انها كلام مصدي والمستور لا بد وانو يجي يوم وينكشف
وبعدين هاد رأيي مو على اساس منتدى أخوية الحر يعني انا حر برأيي وما ناطر واحد متلك تاني مرة يشكك بسوريتي
بس يبدوا انت اللي بعت سوريتك من شان الدفاع عن النظام الفاسد والجزار وما بعرف شو مصلحتك والله أعلم

أكبر حالات التنكر و الكره للوطن هي تفصيل الوطن على مقاس شخص.. يعني تصوري اختزال سوريا الوطن والأرض و الشعب و التاريخ تحت اسم سوريا الأسد... عن جد غريب يا أنا تفكيري مجدود و ماعم اقبل يصغرولي من قيمة بلدي يلي عندي ياها أكبر من الكون.. يا هنن ما عم يعرفو شو عم يقولوا.. و المصيبة اذا بيعرفوا.

كلامك صحيح 10بال100

الموضوع اصلا طائفي

اعربلي ياها

كلامك صحيح 10بال100

توضيح بس بتقصد عشرة أما الصفر سقط سهواً؟

يعني الخبر يا بني ادم يعني الشغلة والقصة كلها طائفية يعني لازم نضحك على حالنا ونقول انو مو طائفي وانو بيت الاسد على راسي ويعيش بيت الاسد والله حيو حزب البعث حتى ابدوا لأعضاء اني انا مش طائفي
ولك والله يا شباب انو اللي اصدقاء كتير بحياتي شيعة وسنة وعلوية ومسيحية وهي والله العظيم بس انا ما بحب سمي الامور الا بمسميتها

توضيح بس بتقصد عشرة أما الصفر سقط سهواً؟
سقط سهوا حبيب 100بال100 روح ما تزعل

ولو ياحبيب العفو مين نحنا لنعطيك دروس..بس حبيت أعطي رأيي ومشان الله ماتاخزونا

أكبر حالات التنكر و الكره للوطن هي تفصيل الوطن على مقاس شخص.. يعني تصوري اختزال سوريا الوطن والأرض و الشعب و التاريخ تحت اسم سوريا الأسد... عن جد غريب يا أنا تفكيري مجدود و ماعم اقبل يصغرولي من قيمة بلدي يلي عندي ياها أكبر من الكون.. يا هنن ما عم يعرفو شو عم يقولوا.. و المصيبة اذا بيعرفوا.
ياعيني أنا مافصلت ولا خيطت ولا لبست شي وأنت مالك عرفان تقرا ..انا قلت عاشت سورية ..وعاش الأسد
بحب الرئيس بشار شو بدك تساوي متنفع من النظام متل مابتقولو

هو كان بدي اكتب هالشي بموضوع مستقل... بس يالله هون أحسن مشان ما تتشتت الأفكار:

بعتقد لازم نفرّق بشكل واضح و صريح بين شغلتين أساسيات.. الأولى هي "ماقد حصل", و التانية "استغلال ما قد حصل اعلاميا و سياسيا"


الشغلة الأولى.. أي ما قد حصل.. بعتقد مابدها 2 يحكو فيها... في قتلى نتيجة بطش السلطة (و هالشي دليل على العجز و ليس على القوة).. ما منعرف قديه القتلى و لا قديه الجرحى و لا منعرف شي... بسلامة سياسة التعتيم و الضبابية و مبدأ "هون ما صار شي و كل واحد ع بيت اهلو من أسرع طريق" .. مهما كانت صفة و هوية القتلى.. ما بتفرق معي ازا اسلامي أو مانو اسلامي.. و حتى ازا حبيتو ما بتفرق معي ازا سجين سياسي أو لأ.. البطش هاد مالو مبرر و لا الو أخلاق و لا منطق .. و شي يخجّل فعلا


الشغلة التانية و هي الاستغلال الاعلامي و السياسي اللي عملوه الاخوان المسلمين بالتعاون مع الاعلام السعودي و الاعلام الحريري (الجهتين اللي ناصبين حالهون حاميات حمى السنة) .. هون بعتقد خطأ.. و خطأ كبير و اجرام بحق القتلى أولا.. مو بحقي أنا أو بحقك انت.. بحق اللي مات بصيدنايا و اللي انجرح بصيدنايا و حتى بحق الأم اللي ما بتعرف ابنا اللي مسجون بصيدنايا شو صار فيه لحد هلأ.. المرصد السوري طلّع الخبر و الساعات الأولى ما حدا التكش فيه.. بسحر ساحر طلعت قصة تدنيس القرآن.. و يا ويلااااااه.. العربية حاطتها بصفحتها الرئيسية.. و تعبى الانترنت بدعوات نصرة اخوانكم السنة في بلاد الشام ضد العلوية الرافضة

ما عم كذّب انو تدنّس القرآن... و لا فيني أنفي أو أجزم هالشي.. لكن اللي بيقززني هو التعاطي اللي صار بالخبر من قبل ناس حملت قميص عثمان و طلعت تطالب بالثأر لما مانون سائلين بفرنكين عن شو صار و شو ما صار.. تحويل خبر مقتل (لك عمي مقتل.. ناس ماتت .. موت ) ناس بسجن الى خبر ذو شحنة طائفية بقصد الغمز بانو الضابط العلوي حاول اذلال سجناء سنيين... و طبعا تحويل الخبر الى هالوجهة مقصود جدا.. لأنو هاي استراتيجيتهون و هاي حجتهون ...

و مهما كنت معارض و مهما كنت كرهان لهالنظام و مهما بدي التغيير ما رح أوقف مع هالاستراتيجية الطائفية, و لا رح استسيغ انو هالاستراتيجية تستخدم اسم المعارضة السورية و لا انو هالناس هدول ياخدو اسم المعارضة و يدنسوه بهيك استراتيجيات قذرة.. لأنو كبير سجناء الضمير.. الاستاذ الدكتور عارف دليلة علوي.. زميلنا و أخونا و صديقنا أسير الضمير حسام ملحم علوي.. و غيرهم كثيرون

هاد اللي ذاهلني.. خبر مقتل مدري كم سجين و بطش لحد هلأ ما منعرف شو نتائجو.. تحول بفضل السماسرة و المرتزقة الى خبر حول تدنيس القرآن من عدمه... و بقصد وحيد و هو اللعب على وتر "العلوي اللي أهان الاسلام" و بدون أي التفات و لا اهتمام بالقتلى و لا بأي شي... ذاتا لو التمرد صاير من قبل سجناء علمانيين كان ما مشت هالحجة و بالتالي ما كان سمعنا صوت الاخوان المسلمين, و لا صوت عبد الحليم خدام (مشان تشوفو قديه الاخوان مرتزقة.. كقيادة طبعا.. عبد الحليم خدام كان محافظ حماه أيام الاحداث الشهيرة.. هلأ صار حبيبهون) و لا العربية حكت عنو...


بيذهلني فعلا انو عقل بشري يترك معلومة القتلى .. أو يعتبرها شي ثانوي.. بس يمسكلي قصة القرآن و يلولح فيها باسم الدين... الدين انسانية بعتقد.. قبل كل شي


اتمنى تكون وصلت وجهة النظر

وصلت وجهة النظر ولي عودة للمناقشة

ياعيني أنا مافصلت ولا خيطت ولا لبست شي وأنت مالك عرفان تقرا ..انا قلت عاشت سورية ..وعاش الأسد
بحب الرئيس بشار شو بدك تساوي متنفع من النظام متل مابتقولو

عاشت سورية ..و عاش الأسد

مبدئياً أنا كتير شاطر بالقراية و حتى بقرا أبعد من الكتابه يمكن.. شايفو هدا الحرف بالأحمر هاد اسمو باللغى العربية حرف عطف يعني انت عطفت بين عاشت سوريا و عاش الأسد...
هلئ مشان انت تفهم عليي أنا شو بدي وصلك أنا ما عم قلك كراه حدا أو حب حدا بناءً على عواطف بمعنى انو بقبل تحب مطرب أو ممثل بناءً على عواطفك بس ما عم اقدر استوعب محبتك لحاكم بناءً على مشاعر.. هون لازم تكون مشاعرك عالجنب شوي و تفكر بمصلحة بلدك و مستقبلو.. و للعلم أنا مابكره حدا كشخص و لا في تار بيني و بين حدا... بس يلي لازم تفكر فيه منيح هل مصلحة هالبلد باستمرار هاد الشخص بهالمكان واستمرار هالنهج هاد؟؟ أو مصلحتو بتغيير سلمي ديمقراطي بيراعي حقوق كل المواطنين و بيوقف النهب و الظلم يلي عم بيصير بالبلد؟؟

عاشت سورية ..و عاش الأسد

مبدئياً أنا كتير شاطر بالقراية و حتى بقرا أبعد من الكتابه يمكن.. شايفو هدا الحرف بالأحمر هاد اسمو باللغى العربية حرف عطف يعني انت عطفت بين عاشت سوريا و عاش الأسد...
هلئ مشان انت تفهم عليي أنا شو بدي وصلك أنا ما عم قلك كراه حدا أو حب حدا بناءً على عواطف بمعنى انو بقبل تحب مطرب أو ممثل بناءً على عواطفك بس ما عم اقدر استوعب محبتك لحاكم بناءً على مشاعر.. هون لازم تكون مشاعرك عالجنب شوي و تفكر بمصلحة بلدك و مستقبلو.. و للعلم أنا مابكره حدا كشخص و لا في تار بيني و بين حدا... بس يلي لازم تفكر فيه منيح هل مصلحة هالبلد باستمرار هاد الشخص بهالمكان واستمرار هالنهج هاد؟؟ أو مصلحتو بتغيير سلمي ديمقراطي بيراعي حقوق كل المواطنين و بيوقف النهب و الظلم يلي عم بيصير بالبلد؟؟
يعني أنا مابعرف كيف بتقرا او بتفهم أبعد من المكتوب بتخيل كل مرة أنا كتبت سورية ورئيسها والرئيس بشار ..
يعني اللي بدو قولو اني بحب الرئيس كرئيس كسياسة (ملاحظة :انا عشت بسورية وبراة سورية وبقصد اللي عم قولو) وجهة نظري انك لازم تحكم عالأمور بمنطقية يعني تشوف الايجابي والسلبي وتوازن .
مشان الوطنية أنا بشوف الوطنية وهدا رأيي انو الواحد يوقف لجانب وطنو بوقت الشدة أكتر من وقت المنفعة والروقان يعني يحكي ويناقش وينتقد لمصلحة بلدو بس يكون حريص لأنو في كتير أعداء بعيد عنك ولا في أحقر ولاأجبن من هيك(بعتذر) بدهن شغلة ليدحشو انفهن ويمكن أنت فهمان شو بقصد انا ..وبغض النظر عن كل شي انا بحترم رأيك ووجهة نظرك

وبعدين القصة فيها طائفية وهاد رأيي و التهجم على المقدسات بيثبت انو الموضوع اصلا طائفي مو انا اللي حولتوا ل طائفي


حتى ابدوا لأعضاء اني انا مش طائفي
ولك والله يا شباب انو اللي اصدقاء كتير بحياتي شيعة وسنة وعلوية ومسيحية وهي والله العظيم بس انا ما بحب سمي الامور الا بمسميتها

واضحة سوريتك و أسلوبك الوطني اللاطائفي فما في داعي للحلفان
:larg:

مشان الوطنية أنا بشوف الوطنية وهدا رأيي انو الواحد يوقف لجانب وطنو بوقت الشدة أكتر من وقت المنفعة والروقان يعني يحكي ويناقش وينتقد لمصلحة بلدو بس يكون حريص لأنو في كتير أعداء بعيد عنك ولا في أحقر ولاأجبن من هيك(بعتذر) بدهن شغلة ليدحشو انفهن ويمكن أنت فهمان شو بقصد انا ..وبغض النظر عن كل شي انا بحترم رأيك ووجهة نظرك

يبدو في فرق كبير بيناتنا بفهم الوقفة جنب الوطن... و هاد الحكي بيرجعنا انك رابط الوطن بشخص بس ياصاحبي الوقفة جنب الوطن يعني انك توقف جنب همومو و مصايبو و الظلم يلي عم بيصير فيه و النهب يلي عم ينهبوه للوطن... يمكن أنا شوي ما عم افهم لهلأ شو يعني كلمة وطن

يا شباب رجاءا خففو حدية النقاش و مافي داعي لهاللهجة و كأنو المشكلة شخصية..


مشكورين

* دعت لتشكيل لجنة تحقيق مستقلة: المنظمة العربية لحقوق الإنسان في القاهرة تطالب دمشق بمحاكمة المسؤولين عن أحداث سجن صيدنايا (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) دعت منظمة العفو الدولية السلطات السورية إلى تشكيل لجنة مستقلة على الفور للتحقيق مجزرة سجن صيدنايا المستمرة منذ السبت الماضي، والتي راح ضحيتها نحو 25 سجيناً.

وأكدت المنظمة أن "هذا التحقيق (ويجب أن يكون) شاملاً وسريعاً وحيادياً، كما يقتضي القانون والمعايير الدولية. ويجب نشر نتائجه على الملأ ومساءلة كل من يُشتبه بشكل معقول في مشاركته في عمليات القتل وتقديمه إلى العدالة".

ووفقاً للمعلومات التي أوردتها تلقتها منظمة العفو الدولية، فقد "بدأت الاضطرابات في صبيحة 5 يوليو/تموز عندما قامت مفرزة من أفراد الشرطة العسكرية بتفتيش زنازين السجن ورمت خلاله نسخاً من القرآن على الأرض وداست عليها، فأهانت المعتقدات الدينية للعديد من السجناء. وقيل إن الشرطة العسكرية أردت بالرصاص تسعة معتقلين إسلاميين عُزَّل حاولوا استرجاع نسخ القرآن".

وتابعت المنظمة روايتها للأحداث: "تشير الأنباء إلى أنه بعيد وقوع عمليات القتل هذه، تمكَّن المعتقلون العزَّل من التغلب على أفراد الشرطة العسكرية وأسروا عدداً منهم، فضلاً عن مدير السجن ووضعوهم جميعاً في زنازين وأخذوا أسلحتهم. ويقال إن المعتقلين طالبوا بحقن دمائهم وباتخاذ تدابير لتحسين الأوضاع داخل السجن. وبحسب المنظمات السورية لحقوق الإنسان التي اتصلت بالمعتقلين داخل سجن صيدنايا العسكري، قُتل 14 معتقلاً آخر خلال الصدام. وبحسب ما ورد أطلق المعتقلون سراح الأسرى وسلموا الأسلحة. واستدعيت تعزيزات أمنية واستمرت في محاصرة السجن في 7 يوليو/تموز".

وأكدت منظمة العفو الدولية أن "السلطات السورية ملزمة، بموجب كل من العهد الدولي الخاص بالحقوق المدنية والسياسية والميثاق العربي المنقح لحقوق الإنسان اللذين تشكل سورية دولة طرفاً في كليهما، بحماية بحق الحياة الذي يتمتع به جميع الأشخاص الخاضعين لولايتها القضائية. وينبغي على قوات الأمن وحراس السجن عند أداء عملهم "التقليل إلى أدنى حد من الضرر والأذى واحترام حياة الإنسان وصونها"، وفقاً للمبادئ الأساسية بشأن استخدام القوة والأسلحة النارية من جانب الموظفين المكلفين بإنفاذ القانون التي تنص على أن الموظفين المكلفين بإنفاذ القانون يجب أن يستخدموا وسائل غير عنيفة قبل اللجوء إلى استخدام القوة والأسلحة النارية التي لا يمكن استخدامها إلا عند الضرورة القصوى. بيد أنه يجب أولاً السعي إلى استخدام الأسلحة غير المميتة التي تشل القدرة في الأوضاع المناسبة بما يتناسب مع درجة الخطر المحدق. "ولا يتم اللجوء إلى الاستخدام المميت والمتعمد للأسلحة النارية إلا عندما يتعذر تجنبه تماماً من أجل حماية الأرواح". وتبعاً لذلك تهيب منظمة العفو الدولية بالسلطات السورية مراجعة الأنظمة المتعلقة بإطلاق النار من جانب الموظفين المكلفين بإنفاذ القانون لضمان تقيدها بالقانون والمعايير الدولية".

ولفتت المنظمة إلى "أنباء واسعة النطاق حول الانتهاكات التي تُرتكب ضد المعتقلين، مثل التعذيب وسوء المعاملة خلال الاعتقال السابق للمحاكمة، والذي قد يدوم بحد ذاته عدة سنوات، في مراكز الاستجواب والسجون السورية، وبرغم ذلك قلما يتم التحقيق فيها، هذا إذا جرى التحقيق أصلاً". وأضافت: "يشكل الإفلات من العقاب على انتهاكات حقوق الإنسان في البلاد باعث قلق قائماً منذ زمن طويل ويسلط الضوء على الحاجة إلى أن يكون أي تحقيق يُجرى مستقلاً عن الحكومة وسلطات السجن وقوات الأمن المشاركة في الحوادث".

وبينما أكدت المنظمة أنها لا تسعى منظمة العفو الدولية إلى المساس بنتائج أي تحقيق كهذا، إلا أنها كررت "دعوتها إلى السلطات السورية لإلغاء النصوص التي تمنح أفراد قوات الأمن حصانة فعلية من المقاضاة على أية جرائم يرتكبونها خلال أدائهم لمهامهم، مثل المادة 16 من المرسوم التشريعي رقم 14 للعام 1969".

المصدر: أخبار الشرق ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

يبدو في فرق كبير بيناتنا بفهم الوقفة جنب الوطن... و هاد الحكي بيرجعنا انك رابط الوطن بشخص بس ياصاحبي الوقفة جنب الوطن يعني انك توقف جنب همومو و مصايبو و الظلم يلي عم بيصير فيه و النهب يلي عم ينهبوه للوطن... يمكن أنا شوي ما عم افهم لهلأ شو يعني كلمة وطن
يالنسبة لربط الوطن بشخص كمان برجع بقلك انو المسألة مانا شخصية المسألة سياسية وكمان برجع بقلك هدا رأيي الشخصي .
أما ياحبيب عن الوطن فأنا بشوف انو الوطنية أنو الواحد مهما انظلم ببلدو لازم ما يئذيه (يضرو)بنتقد ايه بحكي ايه بس لما حدا غريب(بقصد حتى الغريب اللي بالاسم سوري)عم يهاجم بلدي ويحكي عليه بردلو بكل طريقة بقدر عليها. أما حقوقو للواحد بوطنو ممكن يضل يسعى وراها الا مايحصلها مهما كان فيه أشخاص انتهازيين هون أو هنيك (يعني مثلا الموظف أو المسؤؤل الوصولي) عم بحكيلك هاد الشي عن تجربة