انت عم تجيب الخبر كرد على الخبر الأول و الأخبار البقية.. يعني بقصد انك انت بنقلك لهاد الخبر عم تقول انو الموضوع مضخم زياده و مافي كل يلي صار.. أكيد انا ماعم قلك انك عم تتبنى رأي أي مصدر من المصادر و اكيد أنا كمان ما عم اتبنى أي مصدر منهن..
بردع لسؤالي الأول يلي هو عبارة عن سؤال مو مرتبد بنقل الخبر.. انت برأيك أي شي بيصير بالسجن حتى لو كان اضراب أو استعصاء أو شو ماكان مو الدولة بتتحمل مسؤوليتو؟؟ مو وجود هالسجن من الأساس غلط؟

هامش: بدي أعرف رأيك ماني عم بغض النظر عن أي شي انكتب بالموضوع.


يا عيني أنا ما عم جيب خبر لا كـ رد ع هاد و لا ع هداك.. عم جيب الأخبار اللي عم شوفا عن الخبر اللي مذكور و فقط...

قلتلي بدك رأيي؟ طيب خود رأيي:

أساسا وجود هالسجن غلط.. و ما بني على خطأ فهو خطأ.. لهون بعتقد متفقين.. هلأ هالشي ما يمنع انو الخبر عم يتضخم كتير... و ع أيد مين؟ ع أيد محافظ حماة أيام احداث الاخوان اللي هلأ صار حبيب قلبهون.. و فهمك كفاية.. و تضخيم الخبر و فبركتو و طبلو و تزميرو ما بيدعم قضية هالمساجين انما العكس تماما... بيحولها لشي مبتذل

بعدين صرع ربنا انو بصيدنايا مافي غير اسلاميين... هاي معلومات نائب الرئيس السابق؟ صيدنايا فيو معتقلين سياسيين من كل التيارات و فيو جناح خاص على مايبدو للاسلاميين هو اللي حسب ما عم يحكو بدء منو الاشكال

تماما . بس أنا من البداية حسيت أنو حبكة الخبر ضعيفة جدا . وتعارض ماتناقلته عشرات الوكالات الموثوقة

بس ماحبيت رد لأنو حسيت أنو نقلك للخبر مبني على معطيات معينة ببالك

أب شريك مافي وكالة أنباء وحدة حاكية بشكل موثوق.. كلها عم تقول انو مصدر حقوقي قال, و لاحظ انو لا رويترز و لا البي بي سي عم تتورط باثبات هالشي.. بيقولو حكى المرصد السوري.. هنن بس عم يأكدو انو في عمود دخان طالع من السجن شايفينو من بعيد...

فيني قلك من منطلق معرفة للاسف انو 90% من "ألمصادر الحقوقية" هاي هيي مصادر مبتذلة و تشكّل عبئ على قضية حقوق الانسان بدل دعمها و تعزيزها... للأسف عم قلك هالحكي

بعدين صرع ربنا انو بصيدنايا مافي غير اسلاميين... هاي معلومات نائب الرئيس السابق؟ صيدنايا فيو معتقلين سياسيين من كل التيارات و فيو جناح خاص على مايبدو للاسلاميين هو اللي حسب ما عم يحكو بدء منو الاشكال
على فكرة سمعت بالراديو مابعرف عن أنو مصدر حقوقي داخل سوريا

أنو يلي بلش بالأعتصام هنن سجناء غير أسلاميين

على فكرة سمعت بالراديو مابعرف عن أنو مصدر حقوقي داخل سوريا

أنو يلي بلش بالأعتصام هنن سجناء غير أسلاميين

حسب ما بعرف انو هنن حاطين السجناء السياسيين غير الاسلاميين مع سجناء عامين (يعني مع المجرمين ) و الاسلاميين حاطينهون ع طرف...هيك بعرف..

ع كل صعب كتير واحد يعرف شو صار بالزبط.. يعني بتوقع المنطقة محاوطة و مافي حدا يفوت و يطلع و أغلب الأخبار لا تعدو عن كونها تكهنات أو تسريبات ما فيك تعرف مدى مصداقيتها

حسب ما بعرف انو هنن حاطين السجناء السياسيين غير الاسلاميين مع سجناء عامين (يعني مع المجرمين ) و الاسلاميين حاطينهون ع طرف...هيك بعرف..


عفوا مابدي غير الموضوع بس
السجن مقسّم كمان حسب الدين :shock:

اذا بيصيرو 25 الف .. بيئلولك اضطرابات وتم اتخاذ الاجراءات المناسبه والسيطره على الوضــع ..


سيدي مافينا غير ندعيلون .. كوننا ابعد من الصفر ع الشمال بمليون رقم لورا ..


ئال لجنة حقوق الانسان ئال .. لك هدول معون خاتــم اللورد اوف ذا الرينكز ..

صحيح اول مرة بعرف
هلا سجن صيدنايا مو بس للسياسيين ؟
عموما
النيو تي في بثت الاتصال وعلى حسب ما قالوا كما ورد
الشخص اللي عم يحكي عم يقول انو هني جماعة ذات تفكيبر اسلامي وقسم منون كانوا بالعراق وانو السلطات السورية غدرت فيهون وقتلت اكتر من واحد وهني هلا محتجزين ضباط و400 عسكري
وبدون يفاوضوا عليهون

حسب ما حسيت من اللهجة انو الزلمة من المنطقة الشرقية عم يحكي لهجة اقرب للعراقية

وكان في كذا واحد عم يحاولوا يقولوا شي بس مو واضح

بس واضح انو هوي بمكان مو قادرين يوصلوله الامن لانو كان عم يحكي بهدوء ورواق

أعلنت جماعات سورية معنية بحقوق الانسان السبت 5-7-2008 أن عددا من نزلاء سجن سوري قتلوا وأصيبوا عندما أحبطت سلطات السجن أعمال عصيان قام بهاسجناء سياسيون إسلاميون في سجن صيدنايا شمال دمشق بسبب الظروف السيئة فى السجن.

وقال عمار قربي رئيس المنظمة الوطنية لحقوق الانسان في سوريا "من الصعب معرفة عدد الاشخاص الذين أصيبوا وقتلوا لان السلطات السورية صادرت كل التليفونات المحمولة داخل السجن"، ونفى قربي رئيس المنظمة ومقرها سوريا التقارير الاعلامية التي تكهنت بمقتل 25 شخصا وقال إن هذا العدد كبير ومن الصعب تأكيده.
وكان المرصد السوري لحقوق الانسان قال فى موقعه على شبكة الانترنت ان السجناء الاسلاميين نظموا احتجاجا صباح اليوم فى سجن صيدنايا مما دفع رجال الشرطة العسكرية الى فتح النار عليهم.

ونقل المرصد ومقره لندن عن نزيل سوري في السجن قوله ان عشرات النزلاء قتلوا وآخرين هربوا إلى سطح السجن.

وقال المرصد السورى ان عائلات النزلاء ناشدت من خلاله الرئيس السوري بشار الاسد التدخل فورا، وقال قربي إن السجن الذي يقع في قرية صيدنايا الجبلية شهد من قبل اضطرابات استمرت لقرابة شهرين.

وأضاف أن النزلاء بدأوا أعمال التمرد بعد اندلاع حريق عن عمد وأضاف أن السجن أغلق لمدة أسبوع وأن عددا من النزلاء المصابين نقلوا إلى مستشفى قريب، وأوضح أن أعمال شغب أخرى اندلعت في سجن عدرا أكبر سجون سوريا بعد وقت قصير من اندلاع أعمال الشغب في صيدنايا.

واستبعد قربي أن تكون أعمال الشغب التي اندلعت اليوم ذات دوافع سياسية وقال إن فقر حالة السجن هي السبب على الارجح، ومن بين الشكاوى المعتادة التي توجه للسجون في سوريا إساءة معاملة السجناء وعدم وجود كميات كافية من الطعام والاسرة.

وقال قربي إن السلطات السورية يجب أن تنظر في أمر هذه الشكاوى بتلبية مطالب السجناء بدلا من فتح النار عليهم.

وتشتكي جماعات حقوق الانسان من أن السجون السورية تديرها وزارة الداخلية وليست وزارة العدل. وأشارت المنظمة الوطنية لحقوق الانسان إلى أن الجيش السوري يدير عددا من السجون


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

أنا عتبي الوحيد هوي ع هالاعلام ال*** يللي عنا يعني وين المشكلة لو بيطلع معاون شوفير شي وزير عالأقل وبينفي الخبر أو ع الأقل بيوضح شو عم بيصير و أنا واثق أنو رح يحل المشكلة و ناس كتير رح تميل لتصديق الرواية الرسمية
مو احسن من أنو نتشرشح ع الفضائيات بهالشكل
والله نحنا هلأ بعصر المعلومات والتكنولوجيا والعالم كلو صار"قرية صغيرة" و ما بيصير يضل اعلامنا هيك

الشخص اللي عم يحكي عم يقول انو هني جماعة ذات تفكيبر اسلامي وقسم منون كانوا بالعراق وانو السلطات السورية غدرت فيهون وقتلت اكتر من واحد وهني هلا محتجزين ضباط و400 عسكري

قال يفاوضوا قال
دخيلك قديش فارقه ...بكرا بيصفوهن كلهون هني والي محتجزينهن :x

قال يفاوضوا قال
دخيلك قديش فارقه ...بكرا بيصفوهن كلهون هني والي محتجزينهن :x

هو معك حق , بس حسب وضع الضباط المحتجزين يعني لو فين شي واحد مدعوم , بيقرب بيت الاسد او مخلوف ومن والاهم بيصير للمفاوضات معنى وبيصير الن قيمة غير هيك اكيد رح يصفوا المساجين والسجانين ويعتبروا مدير السجن واللي معو شهداء

عفوا مابدي غير الموضوع بس
السجن مقسّم كمان حسب الدين :shock:

لا مو حسب الدين فيكي تقولي حسب الانتماء السياسي , يعني الاسلاميين لحال والشيوعيين لحال, والمفروض سجناء الراي لحال بس هلق في ظل سياسة التطوير والتحديث اخترعوا عقوبة جديدة لسجناء الراي وهي انو يحطون مع المجرمين يعني مثلا معارض بيكون محامي او طبيب بيحطوا مع شي حشاش او مهرب

ممكتن كتير بامكانهون يمحوا السجن بمن فيه من الوجود

أنا عتبي الوحيد هوي ع هالاعلام ال*** يللي عنا يعني وين المشكلة لو بيطلع معاون شوفير شي وزير عالأقل وبينفي الخبر أو ع الأقل بيوضح شو عم بيصير و أنا واثق أنو رح يحل المشكلة و ناس كتير رح تميل لتصديق الرواية الرسمية
مو احسن من أنو نتشرشح ع الفضائيات بهالشكل
والله نحنا هلأ بعصر المعلومات والتكنولوجيا والعالم كلو صار"قرية صغيرة" و ما بيصير يضل اعلامنا هيك


ليش هلق وقفت على هالحادثة بس , بتقدر تقلي الاحداث اللي مرت بسوريا باخر سنتين مثلا شو خبرنا اعلامنا الرسمي العظيم عنها؟؟؟؟ شو صار بالغارة الاسرائيلية على دير الزور؟؟؟ مين قتل عماد مغنية؟؟؟
وحوادث كتيرة اذا بدي عدلك ياها ما رح خلص بيومين

واسمحلي قلك ما في ناس كتير رج تميل لتصديق الرواية الرسمية لانو حتى لو طالعوا شي خبر بتكون مصداقيتو صفر

لا مو حسب الدين فيكي تقولي حسب الانتماء السياسي , يعني الاسلاميين لحال والشيوعيين لحال, والمفروض سجناء الراي لحال بس هلق في ظل سياسة التطوير والتحديث اخترعوا عقوبة جديدة لسجناء الراي وهي انو يحطون مع المجرمين يعني مثلا معارض بيكون محامي او طبيب بيحطوا مع شي حشاش او مهرب
انا برايي اذا بدهن عقاب مزبوط يحطو الشيوعيين مثلا مع واحد من الاسلاميين .. ;)

بس ما فهمنا انو السجن هو بس للسياسيين ولا عام للكل؟

بس ما فهمنا انو السجن هو بس للسياسيين ولا عام للكل؟

والله انا اللي بعرفو انو السجن تحت اشراف المخابرات العسكرية , يعني السجناء اللي في هني يا اما سياسيين يا اما عسكريين يعني ضباط وعناصر الجيش اللي بيرتكبوا مخالفات بيحطون هنيك كمان

مبارح حكيو عالمستقبل بنشرة اخبار الساعة 8 مع شيخ سوري موجود في لبنان قال هوي امين عام هيئة علماء سوريا (مشي طق الحنك)
قال صارو 115 قتيل !!
وقال المواجهات صارت لأنو جندي سوري اهان القرآن الكريم !!!!!!!!!!!!!!!!

مبارح حكيو عالمستقبل بنشرة اخبار الساعة 8 مع شيخ سوري موجود في لبنان قال هوي امين عام هيئة علماء سوريا (مشي طق الحنك)
قال صارو 115 قتيل !!
وقال المواجهات صارت لأنو جندي سوري اهان القرآن الكريم !!!!!!!!!!!!!!!!
دخيلك طارق جيب اخبار من وين ما بدك ما عدا المستقبل !!!!!!!!!!

والله انا اللي بعرفو انو السجن تحت اشراف المخابرات العسكرية , يعني السجناء اللي في هني يا اما سياسيين يا اما عسكريين يعني ضباط وعناصر الجيش اللي بيرتكبوا مخالفات بيحطون هنيك كمان
يعني مافي معهون مجرمين شغل تحشيش ودعارة وسرقات وهيك شي

دخيلك طارق جيب اخبار من وين ما بدك ما عدا المستقبل !!!!!!!!!!

ما كتبنا مشي طق الحنك
ولسا الخير لقدام هلق لو فتنا لشي موقع سعودي بنلاقي اخبار اغرب واغرب

يعني مافي معهون مجرمين شغل تحشيش ودعارة وسرقات وهيك شي

لأ في.. مافي سجن بسوريا ينقال عنو انو سياسي بحت (لزوم انو رسميا مافي مساجين سياسيين).. بصيدنايا في مهربين بشكل أساسي.. و في جناح تاني عسكري بحت هاد للعقوبات المسلكية و سجن الضباط و هيك قصص

قال هلأ بالصدفة حاطين خبر بالفضائية بفيد انو سبب المشكلة
قيام عدد من المحكومين بالاعتداء على زملائهم .. مما اطر قوات حفظ النظام للتدخل
لاعادة الهدوء بس هه مو مشان شي .. ;)

الله يرحمهم يا رب...

يعني طلعت القصة مشكلة بين المساجين أنا من جهتي صدقت الحكي كتير وبالمناسبة الخبر أكيد حطو بالشريط الأخباري صح
وبوكرة بيقلولك انو سبب المشكلة الشيوعيين تخانقو مع الإسلاميين وصار الي صار معروفة الرواية

يعني طلعت القصة مشكلة بين المساجين أنا من جهتي صدقت الحكي كتير وبالمناسبة الخبر أكيد حطو بالشريط الأخباري صح
وبوكرة بيقلولك انو سبب المشكلة الشيوعيين تخانقو مع الإسلاميين وصار الي صار معروفة الرواية


كمان ماتستغرب يوصلولك القصة اخر الشي كلياتا بسبب لعبة طرنيب بين المساجين وصلتن لهالمواصيل ;)
لا وشو بعد يومين ع القصة هلأ تزركوا .. شي بيخجل هالاعلام

بيان رسمي حول احداث سجن صيدنايا : اعمال شغب واخلال بالنظام
ذكر تقرير رسمي حول الانباء التي تداولتها وسائل الاعلام بما يخص احداثا وقعت في سجن صيدنايا بانها "اعمال "اثارة فوضى واخلال بالنظام العام" قام بها عددا من "المساجين المحكومين بجرائم التطرف والإرهاب .. ما استدعى تدخل قوى حفظ النظام".
المصدر سيريانيوز

لندن- قدس برس

قالت اللجنة السورية لحقوق الإنسان، إنها تلقت اتصالا هاتفيا من "شاهد حي" داخل سجن "صيدنايا" العسكري السوري، الذي شهد أمس السبت 5-7-2008 تمرداً من قبل عدد من السجناء الإسلاميين والسياسيين أدى إلى مقتل العشرات منهم برصاص حراس السجن، قال فيه إن تعزيزات من الشرطة العسكرية السورية وصلت إلى السجن يقدر عدد أفرادها بين 300 - 400 شرطي.

وبحسب ما نقلته اللجنة في بيان لها عن "الشاهد الحي"، فإن عناصر الشرطة قاموا بحملة تفتيش "استفزازية مهينة تخللتها مشادات كلامية مع المعتقلين السياسيين، ثم بدأوا بتصعيد الاستفزازات وقاموا بوضع نسخ المصحف الشريف الموجودة بحوزة المعتقلين السياسيين الإسلاميين على الأرض والدوس عليه أكثر من مرة".

وبحسب البيان، فإن التصرف المذكور أثار احتجاج المعتقلين الإسلاميين "الذين تدافعوا نحو الشرطة لاسترداد نسخ المصحف، منهم ففتح عندها عناصر الشرطة العسكرية النار، وقتلوا 9 منهم على الفور وهم: زكريا عفاش، محمد محاريش، محمود أبو راشد، عبد الباقي خطاب، أحمد شلق، خلاد بلال، مؤيد العلي، مهند العمر، خضر علوش".

وأضاف البيان أنه، إثر ذلك "عمّت الفوضى في السجن، لا سيما وأن المعتقلين تلقوا تهديدات، لم يشر البيان من أطلقها، بمجزرة على غرار مجزرة تدمر خلال الأسابيع الماضية، فبادروا إلى خلع الأبواب على أقفالها وخرجوا للتصدي للشرطة العسكرية التي فتحت عليهم النار مجدداً، مما أوصل عدد القتلى إلى نحو 25 قتيلاً.

يشار إلى أن "مجزرة سجن تدمر"، وقعت في بداية الثمانينيات من القرن الماضي، حينما انقض السجانون على نزلاء السجن الصحراوي، وكانوا جميعهم من نشطاء حركة "الإخوان المسلمين"، وقاموا بتنفيذ مجزرة تشير التقديرات إلى أن ضحاياها بضعة آلاف من السجناء.

وبحسب البيان، فقد كان عدد المعتقلين في سجن صيدنايا العسكري "أكثر بكثير من عدد الشرطة العسكرية، لذلك استطاعوا توقيفهم واتخذوهم رهائن مع مدير السجن، وضباط آخرين و5 برتبة مساعد أول، فاستسلم جميع من كانوا بداخل السجن. لكن بقية كتيبة الشرطة العسكرية المرابطة حول السجن مع التعزيزات التي وصلتهم فوراً قاموا بإطلاق القنابل المسيلة للدموع والقنابل الدخانية داخل السجن فهرب المعتقلون إلى سطح السجن وبقوا هناك حتى الساعة الثالثة بتوقيت دمشق حيث انقطع الاتصال مع المصدر بعد ذلك".

واستقدمت السلطات الأمنية السورية حوالي 30 دبابة ومدرعة، بالإضافة إلى عدد كبير من قوات حفظ النظام ومكافحة الشغب المعززة بالقناصة و الآليات والدروع. وعند ظهر السبت، بدأت عملية تفاوض بين المعتقلين وقوات الأمن. فانتدب المعتقلون السجين سمير البحر (60 سنة) لنقل الرسائل المتبادلة بينهم وبين الأمن، كان مطلب المعتقلين الوحيد هو الحصول على وعد قاطع بعدم قتلهم في حال استسلامهم، وقدموا على ذلك دليلاً بحسن النية أنهم لم يستخدموا السلاح الذي وقع بأيديهم، وأنهم مسالمون وأنهم احتجوا فقط على الإهانات والإساءات التي يتعرضون لها" وتابع البيان يقول: "السلطات من جهتها رفضت منحهم أي وعد بعدم قتلهم أو إيذائهم وتطالبهم بالاستسلام فوراً وإطلاق الرهائن، ثم يتحدثون بباقي القضايا .. وهددت السلطات باقتحام السجن في حال استمر الرفض ودخوله بالقوة ولو أوقع ألف قتيل.. نقل المعتقل المراسل سمير البحر رفض المعتقلين فقاموا بضربه وأخذوه في سيارة مصفحة بعيداً عن السجن.. بقيت الأمور عالقة عن هذه النقطة وفقد الاتصال بالمصدر من داخل سجن صيدنايا".

ويشار إلى أن السلطات السورية، لم تصدر أي تعليق، حتى الآن، على الأحداث المذكورة، ويقدر عدد نزلاء سجن صيدنايا العسكري بنحو 3 آلاف معتقل، جميعهم سياسيون.

خود بقا ....

ولك يلعن رب هالشعب

ايمتا بدو يصير يفهم

ما منحاول نحرر مخنا شوي

ونقرا اي خبر قبل ما نتاجر فيه

بالاضافة

يرجى ذكر المصدر حبيب

الله حيو .. هلأ بدنا نصير متل اسرائيل والدنمارك وهولندا .. والناس بدا تصير تعمل مظاهرات
وتحرق علامنا وتدعس عليها .. وتحرق دواليب لانو معصبة من هالعملة

حاسس مو دقيق الكلام
على كل حال تعدي على خير ما بدنا حدى يموت

وبحسب البيان، فقد كان عدد المعتقلين في سجن صيدنايا العسكري "أكثر بكثير من عدد الشرطة العسكرية، لذلك استطاعوا توقيفهم واتخذوهم رهائن مع مدير السجن، وضباط آخرين و5 برتبة مساعد أول، فاستسلم جميع من كانوا بداخل السجن. لكن بقية كتيبة الشرطة العسكرية المرابطة حول السجن مع التعزيزات التي وصلتهم فوراً قاموا بإطلاق القنابل المسيلة للدموع والقنابل الدخانية داخل السجن فهرب المعتقلون إلى سطح السجن وبقوا هناك حتى الساعة الثالثة بتوقيت دمشق حيث انقطع الاتصال مع المصدر بعد ذلك".

واستقدمت السلطات الأمنية السورية حوالي 30 دبابة ومدرعة، بالإضافة إلى عدد كبير من قوات حفظ النظام ومكافحة الشغب المعززة بالقناصة و الآليات والدروع. وعند ظهر السبت، بدأت عملية تفاوض بين المعتقلين وقوات الأمن. فانتدب المعتقلون السجين سمير البحر (60 سنة) لنقل الرسائل المتبادلة بينهم وبين الأمن، كان مطلب المعتقلين الوحيد هو الحصول على وعد قاطع بعدم قتلهم في حال استسلامهم، وقدموا على ذلك دليلاً بحسن النية أنهم لم يستخدموا السلاح الذي وقع بأيديهم، وأنهم مسالمون وأنهم احتجوا فقط على الإهانات والإساءات التي يتعرضون لها" وتابع البيان يقول: "السلطات من جهتها رفضت منحهم أي وعد بعدم قتلهم أو إيذائهم وتطالبهم بالاستسلام فوراً وإطلاق الرهائن، ثم يتحدثون بباقي القضايا .. وهددت السلطات باقتحام السجن في حال استمر الرفض ودخوله بالقوة ولو أوقع ألف قتيل.. نقل المعتقل المراسل سمير البحر رفض المعتقلين فقاموا بضربه وأخذوه في سيارة مصفحة بعيداً عن السجن.. بقيت الأمور عالقة عن هذه النقطة وفقد الاتصال بالمصدر من داخل سجن صيدنايا".



ولو الله

شو عم تحكي انتي

عم تتفرج كتير على بريزن بريك؟

اي لعما بربك

يععني بس شغلة وحدة





عطيني حكي بيسدقو العقل ماشي

مو صحيح ..
و اللي نزكر كزب ...
ليش الشرطة بجم ليطلعو يعملو هيك ؟؟
مو زابطة منوب

اكيد لازم ينحكا انو اتدنس القران والا كيف بدون يخلو العالم تحكي وتنبذ وتعارض ؟؟ هي الشاطرين فيه بس يكون موضوع الو علاقة بالدين بيصير كل العالم العربي يستنكر غير هيك يعني مثلا قضايا سخيفة متل فلسطين او تعذيب سجناء رأي غير اسلاميين هي شغلات ما في داعي للاهتمام فيها لشو بالله

عن جد كل ما بقرا هيك خبر بيتضاعف يأسي من تنوير فكر مسخرة والله

ليش هلق وقفت على هالحادثة بس , بتقدر تقلي الاحداث اللي مرت بسوريا باخر سنتين مثلا شو خبرنا اعلامنا الرسمي العظيم عنها؟؟؟؟ شو صار بالغارة الاسرائيلية على دير الزور؟؟؟ مين قتل عماد مغنية؟؟؟
وحوادث كتيرة اذا بدي عدلك ياها ما رح خلص بيومين

واسمحلي قلك ما في ناس كتير رج تميل لتصديق الرواية الرسمية لانو حتى لو طالعوا شي خبر بتكون مصداقيتو صفر
اعلامنا قد ما كان.. مصداقيتو بضل اكتر من هالكام واحد الخرطجي يللي مسمي حالو معارضة .لأنو الناس مستعدة تصدق انو صار اشتباكات وفوضى بين الأسرى مع بعضن البعض في حين رح يكون صعب عليها كتير تصدق أنو والله الحراس فاتو ع السجناء الصبح وهني بامان الله و قالولن عطونا مصاحفكن لندنسن اي العمى بقلبن انو اليهود بيجوز ما عملوها

اعلامنا قد ما كان.. مصداقيتو بضل اكتر من هالكام واحد الخرطجي يللي مسمي حالو معارضة

بغض النظر عن هالحادثة.(اللي ماني مقتنع بانو سببها تدنيس القرآن انما هالأمر مجرد "طعم" لتحريك مشاعر المسلمين, كان الأبدى فيهون التمسك بقضية حالة السجون و سوء المعاملة و البطش).. بس بدي سجّل تعجّبي من حكمك تبع معارضة= خرطي.. و مقارنة بمين؟ بالاعلام الرسمي... خلينا نقول بدون تعليق

اعلامنا قد ما كان.. مصداقيتو بضل اكتر من هالكام واحد الخرطجي يللي مسمي حالو معارضة .لأنو الناس مستعدة تصدق انو صار اشتباكات وفوضى بين الأسرى مع بعضن البعض في حين رح يكون صعب عليها كتير تصدق أنو والله الحراس فاتو ع السجناء الصبح وهني بامان الله و قالولن عطونا مصاحفكن لندنسن اي العمى بقلبن انو اليهود بيجوز ما عملوها


هلأ لا السجناء ملايكة

ولا الشرطة ملايكة

في جنان من التنين

.......

انا ما كزبت الخبر تبع تدنيس القرآن لا ابدا

بس كزبت الحكي هاد


وبحسب البيان، فقد كان عدد المعتقلين في سجن صيدنايا العسكري "أكثر بكثير من عدد الشرطة العسكرية، لذلك استطاعوا توقيفهم واتخذوهم رهائن مع مدير السجن، وضباط آخرين و5 برتبة مساعد أول، فاستسلم جميع من كانوا بداخل السجن. لكن بقية كتيبة الشرطة العسكرية المرابطة حول السجن مع التعزيزات التي وصلتهم فوراً قاموا بإطلاق القنابل المسيلة للدموع والقنابل الدخانية داخل السجن فهرب المعتقلون إلى سطح السجن وبقوا هناك حتى الساعة الثالثة بتوقيت دمشق حيث انقطع الاتصال مع المصدر بعد ذلك".

واستقدمت السلطات الأمنية السورية حوالي 30 دبابة ومدرعة، بالإضافة إلى عدد كبير من قوات حفظ النظام ومكافحة الشغب المعززة بالقناصة و الآليات والدروع. وعند ظهر السبت، بدأت عملية تفاوض بين المعتقلين وقوات الأمن. فانتدب المعتقلون السجين سمير البحر (60 سنة) لنقل الرسائل المتبادلة بينهم وبين الأمن، كان مطلب المعتقلين الوحيد هو الحصول على وعد قاطع بعدم قتلهم في حال استسلامهم، وقدموا على ذلك دليلاً بحسن النية أنهم لم يستخدموا السلاح الذي وقع بأيديهم، وأنهم مسالمون وأنهم احتجوا فقط على الإهانات والإساءات التي يتعرضون لها" وتابع البيان يقول: "السلطات من جهتها رفضت منحهم أي وعد بعدم قتلهم أو إيذائهم وتطالبهم بالاستسلام فوراً وإطلاق الرهائن، ثم يتحدثون بباقي القضايا .. وهددت السلطات باقتحام السجن في حال استمر الرفض ودخوله بالقوة ولو أوقع ألف قتيل.. نقل المعتقل المراسل سمير البحر رفض المعتقلين فقاموا بضربه وأخذوه في سيارة مصفحة بعيداً عن السجن.. بقيت الأمور عالقة عن هذه النقطة وفقد الاتصال بالمصدر من داخل سجن صيدنايا".



بس سؤال بعدين طلع دعايات يعني

ولا فقت

يعني والله شئ عجيب اللي كان ضد ممارسات الدولة صار هلق بيصدق كلامها وبكذب المعتقلين اللي هنن مسجونيين مش بجرم مسجونين سياسيين
وهلق هي شو اللي مو زابط فيها القصة يعني شو بدكم اذا رئيس السجن والعساكر مو اسلام بقى شو بيمنع واللي صار من 40 سنة لهلق بسوريا بيعني انو هل الحكي صحيح ومافي دخان من دون نار

تنويه اخر كدليل على المبالغة انو السجن من جوا كتييير في تشديد امني بين الباب و الباب في باب و اي ممر الو بابين يعني صعبة شوي يصير فلتان و حسب ما بزكر العسكر جوا بيحمل هراوات مو متاكد
منرجع منتمنى تهدا الاوضاع

يعني والله شئ عجيب اللي كان ضد ممارسات الدولة صار هلق بيصدق كلامها وبكذب المعتقلين اللي هنن مسجونيين مش بجرم مسجونين سياسيين
وهلق هي شو اللي مو زابط فيها القصة يعني شو بدكم اذا رئيس السجن والعساكر مو اسلام بقى شو بيمنع واللي صار من 40 سنة لهلق بسوريا بيعني انو هل الحكي صحيح ومافي دخان من دون نار

بتصور الحديث عني و عن أمثالي...

أول شي ما عم صدّق حكي الدولة لأنو الدولة قبل كل شي ما حكت شي.. أو بالأحرى طالعو بيان مقتضب انو مشكلة ما بين المساجين و شغلة بسيطة.. طبعا كلام ما بيتصدّق


اللي ماني مجبور و ماني بصدد تصديقو لأنو يضر أول شي بقضيتي هو لصق مشاكل سوريا بالدين... انو هلأ بدهون يعملو كل شي بيصير مؤامرة ضد السنة و ضد الاسلام و المسلمين و هاد شي بنوب مو مقبول.. مو بس من طرفي او من أي طرف علماني..

تعا لقلك ازا مانك متابع قصة المصاحف مين طالع هالسبب المفترض: سوريا الحرة (عبد الحليم خدام) + أخبار الشرق و توابعها ( الاخوان المسلمين) + العربية ( الخارجية السعودية) ... و لأنو معروف انو الـ 3 جهات الها مصلحة اللعب على الاحساس الاسلامي السني و بيعرفو انو افتراض تدنيس القرآن من قبل السلطة "النصيرية العلوية الرافضية الخ الخ الخ" راح يكون الو صدى كبير و هاد اللي بدهون ياه... و روح شوف الرودود و التعليقات بالمواقع المذكورة و تشوف انو ما حدا سائل عن اللي ماتو (لحد هلأ يبدو في تسع قتلى معروفي الأسامي و الباقي مو معروف العدد و الاسم) بس كلو مسك قصة اهانة القرآن و حاملها معلنا الجهاد... شو اللي صار؟ ابتذلك قضية و صارت شوربة... و هالدجالين طلعو بمرادهم...


كون الواحد معارض لا يعني انو لازم يررد كالببغاء كل شي يقولو واحد مصداقيتو صفر مكعب متل عبد الحليم خدام بس لأنو عم ينتقد أو يتهم السلطة... ليش وين كان جنابو لما رفعت الأسد كان يشلّح الحجابات بالقوة بالباصات و للا لما كانت سرايا الدفاع تكتب عالحيطان "العروبة ربنا و البعث ديننا" وين كان؟ هلأ غلي ع قلبو القرآن لهالدجال اللص الحرامي؟

السجون زفت و التعذيب و سوء المعاملة شغّال مية بالمية على ايد وحوش الأجهزة الأمنية هاد أمر معروف جدا... و الأبدى العمل على هالنقطة و الدعوة و العمل من أجل تحسين الحقوق الأساسية للمساجين و أولها محاكمة عادلة أمام قضاء حقيقي و محايد ... بدل ايقاظ مشاعر ما راح تجيب شي

و بالأخير مين قللك انو الحرس مو اسلام؟ مين عمل هالجرد هاد؟

عبد الحليم خدام وامثاله وحتى العربية والشرق الاوسط وكل اللي ذكرتهم انا ما قرأت الخبر منهم ولا هيك شي ابدا
انا سمعت على قناة البيبي سي العربية اتصال هاتفي من شقيق احد السجناء اللي قال انو احد الحراس العلويين دخل مع مجموعة من العساكر على اساس عميفتشو على ممنوعات بالسجن وبعدين دنس المصحف الي لاقى بحوذة احد الاسلاميين التي اصبحت للأسف تهمة
وأقول لك انت اذا قرأت التاريخ منذ عام 1970 وحتى هذه اللحظة هل من الممكن ان يكون هذا الكلام غير صحيح ؟

ثم الكلام لم يكن لك نهائيا ابد
وأريد ان اضيف شئ اتمنى ان يبقى النقاش هادئ ودون ألفاظ غير محبب رأيتها
ملاحظة الاختلاف بالراي لايعني اننا اعداء

عبد الحليم خدام وامثاله وحتى العربية والشرق الاوسط وكل اللي ذكرتهم انا ما قرأت الخبر منهم ولا هيك شي ابدا
انا سمعت على قناة البيبي سي العربية اتصال هاتفي من شقيق احد السجناء اللي قال انو احد الحراس العلويين دخل مع مجموعة من العساكر على اساس عميفتشو على ممنوعات بالسجن وبعدين دنس المصحف الي لاقى بحوذة احد الاسلاميين التي اصبحت للأسف تهمة
وأقول لك انت اذا قرأت التاريخ منذ عام 1970 وحتى هذه اللحظة هل من الممكن ان يكون هذا الكلام غير صحيح ؟

ثم الكلام لم يكن لك نهائيا ابد
وأريد ان اضيف شئ اتمنى ان يبقى النقاش هادئ ودون ألفاظ غير محبب رأيتها
ملاحظة الاختلاف بالراي لايعني اننا اعداء

أخوي أشرلي وين الألفاظ غير المحببة اللي شفتها؟

البي بي سي قريت تقاريرها و شفت الفيديو اللي حاطينو.. هنن ما قالو غير انو يا ناس في جماعة عم يقولو هيك.. لا عم تأكد و لا عم تنفي..

بعدين اسمحلي يعني كون الواحد علوي صارت تهمة؟ واحد علوي يعني= منطقي يشيل مصحف و يدوس عليه؟ هاد اسمو طائفية متل أي طائفية تانية... و دحشة سيرة العلوي بالنص تؤكد وجود ايد الاخوان المسلمين بفبركة القصة... و بيني و بينك كل واحد يحكي عالناس بالملل و الطوائف ما بثق فيه و لا بحترمو..

كترت الاتصالات و التلفونات عامل آخر بيخليني شك.. انو انت محاصر و بمبنى محترق و صار بايدك تلفون بتدق للعربية؟؟؟ أو للمستقبل؟؟ شو حافظ تلفوناتهون للطوارئ يعني؟ في شي مانو زابط بالقصة... و لا تعتبر كلامي دفاعا عن القصة انما احتقارا لتحويرها بما يناسب مصالح جهات تجار الدين و المشاعر الدينية... و أسفي على انو ما صار صدى للقصة الا بعد ما طالعو قصة تدنيس القرآن.. يعني يموتو كل المساجين ما فارقة مع ربهون.. او لو هالمساجين شيوعيين أو قوميين أو يساريين...

اول شي بدي بس رد على اللي عم يتباهى بالاعلام الرسمي ومصداقيتو ويتمسخر على اعلام المعارضة , بحب قلك يا رفيق انو اساليب اعلام المعارضة في الكذب واللعب على الطائفية كلها تعلموها من نظام الممانعة, لانو كل وساخة النظام و اساليبو حملها معو عبد الحليم خدام لبرا وعم يستخدمها هلق


تاني شي , انا مع ياس انو تم استخدام قضية السجناء بشكل رخيص من قبل الاخوان و خدام وتم التركيز عمدا على قصة تدنيس المصحف ونسيوا القضية الاساسية واللي هي السجناء والسجن نفسو

الافتراض انو كل الحرس علوية افتراض ساذج, اذا بترجع للتمانينات بتلاقي كتير من الجلادين ومن اللي ارتكبوا مجازر بحق مدنيين ابرياء كانو من نفس طائفة الضحايا وبالعكس يمكن كانوا اقسى علين من طوائف تانية

على فكرة ليلي عم ينكر تدنيس القرأن الكريم من عناصر الأمن

بحب خبرهم أنو هي مو أول مرة وسمعنا كتير حكايات مماثلة من قبل وبأكتر من مكان . بس ماوصلت

فيهم الأحداث لهيك قصص

بكل الأحوال بدون مانتهم الحرس أنهم من طائفة واحدة . معروف أنو اذا بيحسوه بيوم من الأيام ممكن

يصلي أو يقرا قرأن مابينقبل يتطوع

من شوي قريت ب اخبار الشرق التالي :

اشتبك أهالي المعتقلين في سجن صيدنايا العسكري قرب دمشق مع قوات الأمن بعد مقتل أكثر 25 من المعتقلين منذ أمس السبت نتيجة إطلاق الرصاص عليهم من جانب حراس السجن، بعد عصيان للسجناء بدأوه احتجاجاً على تدنيس المصحف الشريف على يد حراس السجن.

وأفادت اللجنة السورية لحقوق الإنسان أن اشتباكاً جرى في حوالي الساعة الخامسة من عصر اليوم الأحد؛ بين الأهالي الغاضبين وعناصر الأمن على الطريق المؤدي للسجن حيث افترشت الأمهات الأرض وقطعن الطريق أمام السيارات، ثم تدخلت عناصر مكافحة الشغب واستخدمت القوة لتفريق الأمهات اللواتي علا صوتهن بالندب والعويل. وقد سقط عدد من الأمهات جرحى، كما نُقل بعضهن إلى المستشفى.

كما وقع اشتباك ثان أمام مستشفى تشرين العسكري، حيث احتشد أكثر من 200 شخص من أهالي المعتقلين مطالبين بالدخول للمستشفى للتعرف إلى القتلى من السجناء أو نشر لائحة بأسماء القتلى. وحينما رفضت السلطات الأمرين، بدأت النسوة بالصراخ والعويل وتدخلت قوات مكافحة الشغب وقمعت الأمهات بقسوة مفرطة موقعة عدداً من كبيراً من الجرحى، "إذ كان منظر الدماء على الأرض كبيراً" حسب تأكيد اللجنة نقلاً عن بعض أهالي المعتقلين اتصلت بهم اللجنة.


في حدا من الشباب اللي ساكنين بالشام بيقدر ياكد انو الطريق لمشفى تشرين مقطوع؟؟

يا أخي مالهم حق

يقتلو أهالي المعتقلين

حلوة والله بكل عين وقحة عم يحتشدوا

لازم يقطعوا راس القط دغري

أذا هلأ 200 بوكرة بيصيرو ألاف . مابيصير هيك

ياسواد وشنا قدام أجهزة المخابرات العالمية

سمايلي قرفان

انو هلأ بغض النظر عن كل شي... شو شعور الأم اللي ابنها بصيدنايا؟ فوق ما لازم تتعايش مع سجنو و تدمير حياتو و تخوينو و و و ... بدها هلأ تعيش بهاجس انو ما تعرف شو صار و ما بتعرف ابنا طيب ميت مجروح مكسّر.... يا لطيف ع هالاحساس...

للاسف اصعب شي وضع هالام اللي مابتعرف شو صاير مع ابنا ..عايش ولا ميت
شعور صعب كتير للاسف وببكي ..
مافي شي الواحد يقولو

اول شي بدي بس رد على اللي عم يتباهى بالاعلام الرسمي ومصداقيتو ويتمسخر على اعلام المعارضة , بحب قلك يا رفيق انو اساليب اعلام المعارضة في الكذب واللعب على الطائفية كلها تعلموها من نظام الممانعة, لانو كل وساخة النظام و اساليبو حملها معو عبد الحليم خدام لبرا وعم يستخدمها هلق

ع الأقل اتفقت معك كمعارض أنو الاعلام يللي عم تستخدمو ال"المعارضة" هوي اعلام كاذب و اعلام "وسخ"يلعب ع الوتر الطائفي
عبد الحليم خدام وامثاله وحتى العربية والشرق الاوسط وكل اللي ذكرتهم انا ما قرأت الخبر منهم ولا هيك شي ابدا
انا سمعت على قناة البيبي سي العربية اتصال هاتفي من شقيق احد السجناء اللي قال انو احد الحراس العلويين دخل مع مجموعة من العساكر على اساس عميفتشو على ممنوعات بالسجن وبعدين دنس المصحف الي لاقى بحوذة احد الاسلاميين التي اصبحت للأسف تهمة
وأقول لك انت اذا قرأت التاريخ منذ عام 1970 وحتى هذه اللحظة هل من الممكن ان يكون هذا الكلام غير صحيح ؟

اول شي مين قلك أنو اذا حارس متلا فهاد يؤدي مباشرة على أنو علوي ...أصلا بشارطك اذا في واحد منن علوي لأنو أغلب العلويين بيتطوعو ب "الجيش" وليس بالشرطة
كمان مين قلك انو العلويين بيدنسو القران :oأنو هي سمعة والله...العلوي اسلامو قائم ع القران والعلوي اذا حلف بيحلف بالله وبعدو بالقران
يعني والله مسخرة
بس ع كل ..هاد كلو بيدل ع افلاس بعض أطياف "المعارضة" ..
و برأيي أنو تعاملن مع الحدث كان على درجة كبيرة من الغباء وأفادو النظام اكتر ما انو ضروه لأنو مجرد ما عم يلعبوا على الوتر الطائفي رح يحتقروا من قبل كل سوري شريف وحريص على سوريا واذا كان عندن أسهم عند بعض الناس فانا بتصور انو رح يخسروها

لأنو أغلب العلويين بيتطوعو ب "الجيش" وليس بالشرطة

ومين قلك أنو السجن تابع للشرطة