محاكمة صدام حسين وتحليل تصرفاته

[majd88]

تفاجأ الكثيرون عندما رأوا الرئيس العراقي السابق صدام حسين بتلك القوة والروح المعنوية العالية أثناء محاكمته بعدما توقعوا انهياره لأنه كان الحاكم والآمر والآن يحاكم كمجرم بسبع تهم تقود كل واحدة منها إلى حبل المشنقة ببساطة.
لكن خبيرة في لغة الجسد قالت لبي بي سي نيوز اونلاين إن الشكل الذي بدا به صدام حسين خلال مثولة أمام المحكمة يوحي بأنه تحد مفتعل وغير تلقائي.

وطبقا لما ذكرته باتي وود، مستشارة لغة الجسد في أطلنطا، فإن الرئيس العراقي السابق أظهر إحساسا بالهزيمة على الرغم من بعض الاشارات التي دلت على مقاومة عرضية.

وقالت وود: "لم تبدو عليه علامات الارتباك كما ظهر في شريط الفيديو الخاص باعتقاله".

وأضافت وود أن صدام لم يعتبر نفسه حاكما مستبدا كما كان في الماضي حيث "نظراته القوية التي تشبه شعاع الليزر. لقد ذهب كل هذا".

وأوضحت وود أن صدام دأب خلال جلسة الاستماع على وضع بصره في الأرض حانيا كتفيه مع علامات على فقدان القوة.

وأضافت: "انه يحس كما لو أن باقي العالم ضده. لم يعط أحيانا إشارات قوية على التحدي. لكن هذا حدث عندما أظهر ردود فعل معدة مسبقا".

وأشارت وود إلى أنه يبدوا من الواضح أن صدام تدرب على معظم الاجابات مسبقا لأنه دأب على استخدام نفس الكلمات مرارا حيث أن الشخص "عندما يدافع عن نفسه تلقائيا فإنه يقول أشياء في خمس أو ست طرق مختلفة".

وخلال لحظات دفاعه اتخذ صدام أوضاعا مختلفة:

أصابع موجهة:

هذه إشارة على الهجوم. وتقول وود: "إنها تشبه إطلاق نار رمزي على القاضي. إنه يقول كيف تجرؤون على تحدي رئيس بلدكم. إنه يريد رمزيا قتل من يفعلون به ذلك".

استخدام القلم

وتقول وود إن القلم عبارة عن "سيف رمزي". إنه يريد أن يراه الآخرون رجلا قويا بامكانه إيقاع الضرر بالآخرين".


كثيرا ما شبك صدام حسين يديه مبديا نوعا من السلطة
تشبيك أصابع اليدين

يعرف هذا الوضع "بالبرج أو الارتفاع". وطبقا لما ذكرته وود فإن هذه الطريقة تستخدم من قبل أصحاب السلطات وذوي النفوذ عندما يحتاجون إحكام السيطرة أو ضبط النفس.

التحديق

ما يسمى باشارات "وضع الاستماع الداخلي" حيث يشير إلى ما يقوله الشخص المعارض رغبة في جعل الطرف الآخر يشعر بعدم الارتياح.

وتقول وود: "إنه يحاول اخافة القاضي".

لكنها تضيف أنه في الوقت الذي يوقف فيه صدام ردود الفعل المفتعله فإنه يعود إلى الوضع الذي يدل على الهزيمة الذي يوضح أنه يعي جيدا أنه لم يعد يمتلك سلطة.

وتوصلت وود إلى أن التحدي مفتعل حيث قالت "انه ليس تلقائيا".

لكنها قالت إن اشارات صدام حسين ليست الوحيدة في قاعة المحكمة".

ويظهر شريط الفيديو رجلا بالقرب من المدعى عليه واضعا رجلا فوق أخرى تغطي يديه أجزائه السفلى.

وتقول وود: "هذه علامة على أنه يشعر بحاجته إلى حماية نفسه من صدام رغم أنه سجين".

[Joe]

بظن الاحتمالات المطروحة قليلة شوي... كانت بتتحمل احتمالين بالنص. انا بعتبرو طاغية و ابن كلب طبعا... بس ما بدي ينعدم... لازم يضل بالسجن و الحرس الداخلي يكون عراقي و السجن تحت اشراف اميركي مشان ما يهرب. و بدي الحرس يكون عراقي بركي بيطلع واحد من الحراس رايحلو شي أخ او نص عيلة على إيد صدام بركي بيتسلى عليه شوي. الموت سهل كتير.... و بدي كمان سيارة و ساندويشة مرتديلا :P

ع كلن انا ما شفت الجلسة... و ماني عرفان ليش الناس بلشت تورجي تعاطف مع صدام؟ يا جماعة شو نسيتوا كيف كان و شو كان يعمل؟

سلامات

[Hus]

الحقيقة انا اقول دائما في نوعين من الحكام بالوطن العربي
حاكم دكتاتوري و وطني
وحاكم ديمقراطي و متسيب وطنيا

كلى الامرين شر لكن افضل الشرين هو الدكتاتورية مع الوطنية
اي اني بطريقة او باخرى استطيع ان ابرر الكثير لصدام .. واعتقد ان ما حصل معه من فشل متوالي نتيجة حظ سيئ ليس اكثر من حرب ايران لحرب الخليج و السطو على الكويت الي اعتقاله وسقوط بغداد .....

يعني حظ سيئ بس لو اتخيلنا الكويت تابع للعراق هلق كان العراق اليوم اغنى دول العالم ..
العراق تاني احطياطي بترول بالعالم والكويت هوي تالت احطياطي بترول عالمي .. الاول طبعا هوي السعودية
يعني كان بهال التحاد او الاحتلال هذا كان صار العراق اغنى دول العالم قاطبة ..
كان بينقصو شوية حظ وكان ما صار الي صار ,, وكان العراق اليوم افضل الدول العربية دون منازع
ما بعرف يعني شو بدنا بالماضي

بس انشاء الله تعدي هلى خير .. ناقزني قلبي بدو يصير شي مفاجئ هيك يقلب المعايير كلها

[Joe]

مان تاني أغنى دولة او ثالث أغنى دولة... المصاري عم ياخدها صدام بالحالتين.. يعني لو فرضنا دخل العراق من موارد العراق كان 1000 ... الشعب بيوصلوا لو فرضنا 100 و صدام 900... لو أخد موارد الكويت وصارت الموارد 2000... الشعب بيضل بياخد 100 و صدام 1900...

يعني ما كان العراق استفاد كتير

الموضوع مانو موضوع حظ.. هوي غبي يا زلمي... أكيد ذكي لوصل لهل مرحلة... بس غلط كتير و أخطاء ما دخلها بالحظ,,, غلط و روح الاف الارواح معه

انا بفض يكون نظام ديقراطي و تكون الحالة شو ما تكون... لانو بوجود الديمقراطية و العدل كله بيظبط مع الوقت.. بينما اذا في ديكتاتورية بمعرها ما بتظيط

سلامي

[HashtNasht]

اي اني بطريقة او باخرى استطيع ان ابرر الكثير لصدام

كيف فينك تبرر وجود فرامة من القياس الكبير منصوبة على ضفاف نهر دجلة تستخدم لفرم المعارضين وتحويلن لطعام للاسماك؟

[Hus]

لااااااااااااااء مان لاء النظام الديمقراطي اكبر غلط اكبر غلط ..
لنقطتين اثنين .
1- انا سبق وقلت الانظمة العربية اما دكتتوري وطني او ديمقراطي متسيب وطنيا ..
طيب هلق الوطني متمسك بوطنه ولا يقبل بالتفريط بشبر من ارضه نتيجة وطنيته .. بالتالي الوطن حيحافظ على ارضو وعلى نفسو ومع الايماام لما تتحسن الاحوال حيتسن حال الشعب معها ان كان بمجئ رئيس اخر او اي كان .. بس الارض موجودة والوطن ومبادئه وشرفه بخير

اما الديمقراطي المتسيب فهذا ممكن يتخلى او يتساهل مع التفريط بشيئ من الوطن ان كان نتيجة احتلال او نتجية سلم وصلح او اي كان (فهو بالاصل متسيب وطنيا) .. اي نعم الشعب يعيش في رخاء لكن مع الاجيال سيورث لابنائه معضلات كبيرة لانه تخلى او فرط بشئ من وطنه .. وبالتالي بالنسبة لقدام الوضع بيكون اسوء بكتير

يعني اخر الكلام انو الديمقراطية اذا ما اجت اليوم بتجي بكرا .. وهيك هيك ما في خسائر فادحة بغياب الديمقراطية (اقصد خسائر لا تعوض) اما التسيب الوطني ولو رئيس اتنازل عن الجولان مثلا مين بعدين بدو يردلي ياه !!!! ..
اي انا مبسوط وعلى عيني وراص بس نتيجة التسب الوطني حيدفع احفادي .. لاء خليني مع الدكتورية وخلي ارضي ووطني بخير افضلي


النقطة الثانية :
الديمقراطية ما بتنفع في اي مكان وفي اي زمان
الديمقراطية تحتاج شعب واعي لمصلحته وهذا الشئ يتم تباعا وتدريجا .. معلش ما فينا انقول اي اذا الشعب جحش يحدو البلي لاء المفروض لو الشعب جحش وفيه كام واحد نضاف يحاولو يسيرو الشعب بطريقة صحيحة لحين يصير الشعب اقل جحشنة ويصير قادر يسير نفسو ..

الحكم الديكتاتوري او انعدام الديمقراطية ليس دائما شيئ سلبي وسئ على العكس بالعرب خاصة لا مكان للديمقراطية ..

[Hus]

كاتب النص الأصلي : hashtnasht

كيف فينك تبرر وجود فرامة من القياس الكبير منصوبة على ضفاف نهر دجلة تستخدم لفرم المعارضين وتحويلن لطعام للاسماك؟

خود الاحداث بحماه 82 .. الي صار بحماه كان عمل غير انساني باي مقياس ونوع من انواع الابادات الجماعية الي تم التستر والتكتم عليها بطريقة او باخرى ..

لكن شوف النتائج واحكوم !!
انا شايف النتائج اليوم ايجابية .. وصلت البلد لحالة من فصل الدين عن الدولة مقبولة وصلت البلد لقبول الاخر ولو بالترهيب لكن هذا تم ..

وبالمثل ما حصل بالعراق .. انا لا ادافع عن صدام باي حال لكن انا اعتقد ان الحظ او ممكن شوية زكاء وحنكة اكبر كان الموازين كلها بصفو وكانت العراق اليوم من ارقى الدول اوكثرها تقدما من ناحية الشعب والطباع ومن ناحية الدولة عامة

[HashtNasht]

طيب يا حكيم اذا عم تحكم عالأمور من مبدأ كون النتيجة ايجابية أو سلبية فنتيجة اللي عملو صدام انو اليوم العراق بلد تحت الاحتلا وانو ولادو التنين صارو فرجة بعد ما ماتو وهوي بالسجن عم يعدم القملات اللي بدقنو

[Hus]

نعم انا قلت انو كان بينقص صدام انو يكون الله معو او مثلا يكون الحظ معو او مثلا يكون اكثر حنكة حبة !!
بس من تجارب مماثلة في بلدان عربية اخرى الطرق كان الاسلوب تبع صدام مرضي .. و جاب نتائج جيدة نسبيا .. ولو على المدى البعيد ..

[Joe]

كاتب النص الأصلي : Dr_HUS

لااااااااااااااء مان لاء النظام الديمقراطي اكبر غلط اكبر غلط ..
لنقطتين اثنين .
1- انا سبق وقلت الانظمة العربية اما دكتتوري وطني او ديمقراطي متسيب وطنيا ..
طيب هلق الوطني متمسك بوطنه ولا يقبل بالتفريط بشبر من ارضه نتيجة وطنيته .. بالتالي الوطن حيحافظ على ارضو وعلى نفسو ومع الايماام لما تتحسن الاحوال حيتسن حال الشعب معها ان كان بمجئ رئيس اخر او اي كان .. بس الارض موجودة والوطن ومبادئه وشرفه بخير

اما الديمقراطي المتسيب فهذا ممكن يتخلى او يتساهل مع التفريط بشيئ من الوطن ان كان نتيجة احتلال او نتجية سلم وصلح او اي كان (فهو بالاصل متسيب وطنيا) .. اي نعم الشعب يعيش في رخاء لكن مع الاجيال سيورث لابنائه معضلات كبيرة لانه تخلى او فرط بشئ من وطنه .. وبالتالي بالنسبة لقدام الوضع بيكون اسوء بكتير

لاء مان مستحيل شو هل حكي هاد
أول شي خليني قول إني بوافقك معك انو الديمقراطية بدها شعب معين يكون صاحب حس حضاري . ع كلن انا ما رح أدخل بموضوع اذا هل شيء متوفر عنا لما لاء و شو الاسباب لانو هيك بيتشعب جدا

بس منرجع ع كلامك
مان انت الوطنية يلي عم تحكي عنها و يلي بتروجها الانظمة الديكتاتورية... هاي وطنية زائفة مية بالمية بتروج لها الانظمة مشان الحفاظ على المناصب. يعني بهل حالة الشعب عم يبيع و يشتري وطنيات. ما بكيون في وطنية حقيقية. مان شوف هون بكندا... الشعب الكندي وطني و قومي لأبعد الحدود... و الناس متيمة بكندا و العلم ... بس الوضع مختلف عن مفهوم الوطنية بالعراق مان... الوطنية بالعراق كانت مفروضة و مباعة و مشتراة... غير شي نهائي
ثم أي مبدائ و شرف الوطن؟ ليش شو هوي الوطن أصلا؟ الوطن هوي الشعب مان... اذا الشعب شرفو منصان... و عندو مبادئ... بيكون الوطن اله شرف و مبدأ.... لانو شو المبادئ يلي عم تحكي عنها هلق؟ هاي شعارات زائفة و فارغة و أقنعة أمام الضرب و اللبط و القمع. مان انا الوطن عندي مو بس قطعة أرض... ! الوطن محل بيكون فيه الانسان عايش باحترام و جرية و حقه مصان... بغض النظر عن اذا خرج لما ما خرج.. هادا حق كل إنسان بيتنفس و بيقكر و بيبكي و بيضحك.....
مان هاي الانظمة الديكتاتورية يلي عم تحكي عنها انا بتحمي شرف الوطن و عرض الوطن... اي هي أكبر من يلعن نفس الوطن و يسرق الوطن و ما يخلي شي لا إلك و لا لأحفادك... و معظم الارض يلي عم تحكي عليها انو الانظمة الديكتاتورية رح تحميها... بتطير بسبب الانظمة هاي.. و غالبا هي بتبيع الارض.. متل ما بتبيع حريات الناس و شرف الناس.. و قسم كبير من الارض العربية انباع و اتسلم تسليم

و مشان "الشعب المتسيب"... انا بصراحة ما عرفت اي شعب متسيب وطنيا و عم يفرط بالوطن و رح يورث أبناؤه معضلات... يعني منرجع لتعريف الوطن... و شو نوع هل معضلات و شو رح تقدر تعمل قدام شعب مثقف و حر ... الحرية يعني الابداع و النقد الذاتي.. و يعني الثقة و العلم. و ما لما يكون الشعب واعي و حر .. خليه متسيب و بيسكر و بيعربد و يلبس قصير قد ما بدو... بس مهم يكون في حرية و ابداع و عنفوان حضاري و حس انساني.. و قتها ما بيكون في اي معضلة.. و كل المعضلات بتنحل. هلق تقلي تحرير فلسطين او الجولان... بقلك رابع المستحيلات... بس لما يكون شعب حر... غير مان غير.. ما بيعود في شيء اسمو مستحيل

انا مستحيل فرط بالحرية مان... هاي أهم شي... نشالله تكون الدولة قد البحرين... بس حرة

[mhmary]

أخي حسام يعني أنا معك بشوية شغلات هلأ انت برأيك أنو أحسن النظام بالعراق ولا بسوريا من ناحية الدكتورية والحالة الأقتصادية
يا زلمي الدراسات عن صدام تدل أنو شخص مريض نفسيا وهو مجرم حرب بدين المصاري ألي كان عم يعملا كلا عم يشتري فيا بيوت وقصور وما رح بحياتا ترجع للشعب العراقي الجوعان بعدين صدام هو أكبر عميل لأميركا
يعني أنا ما عم لاقي ولا شغلي فاد فيا بلدو

[majd88]

يا جماعة صدام لما وصل للحكم بالطريقة الثورية و(البطولية لحد ما) كان أمل العرب بقائد مخلص بحقق للأمة أحلام وآمال وحتى أيام الحرب العراقية الإيرانية الحري اللي قادها صدام مدعوم من أمريكا لإضعاف الدولة الإسلامية الناشئة واللي اعتبرها صدام دفاع عن الشرف واسترداد للحقوق (حقوق العرب بعربستان) كان فيها صدام بطل بنظر الملايين.
وغزو الكويت باعتبارها محافظة عراقية مو بس فكرة صدام بل هي فكرة الشعب العراقي من أيام الانتداب البريطاني لأنهم يعتبرون الكويت جزء مهم واسترتيجي للعراق لأنها المنفذ إلى الخليج.
أما إبادة الأكراد بالغاز السام فكان رد على محاولة الأكراد الانفصال وتشكيل دولة مستقلة لتكون نواة الدولة الكردية الكبرى التي تمتد على العراق وسوريا وتركيا وايران وكان هالشي خط أحمر بالنسبة لصدام لأنو كان فعلاً قومي ووطني.
أما الممارسات الوحشية الأخرى فهي فعلاً ناتجة عن مرض نفسي وشك بأقرب الناس إليه للحفاظ على الحكم، ونهب خيرات العراق لـ30 سنة وحمل الشعب على الهرب من الفقر والوحشية فهالشي هو خطأ صدام اللي لا يغتفر وبيستحق عليه الإعدام.

[Joe]

مجد
نحنا ع قد ما تعودنا ع سيرة الحروب.. صارت قصة الحرب العراقية الايرانية مبررة على أنها دفاع عن القومية... و غزو الكويت مبرر... و رمي الاكراد بالغاز مبرر... بس الحقيقة انو هل ممارسات لما بيسمع عنها الشخص الاجنبي يمكن ما يستحملو عقله.... لما تقله كم واحد مات بحرب بسبب غرور صدام
بقى نحنا تعودنا يمكن ع سيرة الحروب فما عاد نلاقيه قصة "كبيرة"... بينما هي قضية كبيرة جدا إنك تقحم دولتك بحروب و تكون مانك قدها او بغياب نظرة استراتيجية

[majd88]

كلامك صحيح................والحرب مو لعبة ولازم تكون آخر خيار بالنسبة للقائد لأنها بتكلفوا وبتكلف الدولة خسارة مادية وبشرية كبيرة ولكن شخص متل صدام لا يهمه مترتبات الحرب أما اللي بيهمه أنو يدخل التاريخ وفعلاً حقق هدفو لأنو سيرته رح تضل على كل لسان لعقود. وفعلاً صدام ما بيهموا غير حاله.
وأتوقع أنو رح يلاقي المبررات المناسبة للتهم السبعة الموجهة ضده.

[majd88]

في تطور لافت انضمت ابنة الزعيم الليبي معمر القذافي إلى فريق الدفاع عن الرئيس العراقي السابق صدام حسين.

وقال المحامي محمد الرشدان إن عائشة القذافي، وهي في منتصف العشرينيات من عمرها، ستنضم إلى فريق يتراوح عدد أعضائه ما بين 20 و30 محاميا للدفاع عن صدام حسين.

وأضاف الرشدان إنه لم يتحدد بعد الدور الذي ستقوم به عائشة، التي تخرجت حديثا من كلية الحقوق.

وكان صدام حسين قد مثل أمام المحكمة للمرة الأولى الخميس لسماع الاتهامات الموجهة إليه، ومن بينها تهم بالإبادة.

وكان القذافي قد دافع علنا عن صدام حسين، وهاجم القادة العرب الذين اتهمهم بالتعاون مع الولايات المتحدة.

تهديدات بالقتل
وقال الرشدان، وهو أردني الجنسية، إن ما يصل إلى 1500 محامي أعربوا عن رغبتهم في الدفاع عن "الرئيس صدام حسين".

لكنه قال إن ما يتراوح بين 20 و30 محاميا هم المسؤولون في الوقت الحالي عن الدفاع عن الرئيس العراقي المخلوع. وأضاف أن المحامين ينتمون لعدد من الدول الغربية مثل فرنسا والولايات المتحدة والمملكة المتحدة وبلجيكا بالإضافة لبعض الدول العربية مثل لبنان وليبيا.

وأضاف أن المحامين كانوا يرغبون في التوجه إلى العراق لمقابلة موكليهم في أقرب وقت ممكن، لكنهم يريدون ضمانا لأمنهم وسلامتهم من المسؤولين العراقيين والأمريكيين.

وقال الرشدان لبي بي سي: "تلقينا الكثير من التهديدات بالقتل" بعضها من شخصيات ورموز دينية.

وتابع قائلا إنهم إذا لم يحصلوا على ضمانات أمنية فإنهم سيتوجهون إلى بغداد برفقة صحفيين من وسائل الإعلام الغربية.

[Joe]

و الله شي ضرب هل عائشة


طالعة لأبوها

[majd88]

هدول عيلة عاكس تعرف

وعموماً فرخ البط عوام :P


شوف أبوها بهالكاريكاتير

[Hus]

عائشة عامة منيحة .. بس غريبا جدا ومتقلبة بتصرفاتها بشكل رهيب .. يعني فترة بتلاقيها لابسة حجاب
فترة بتشلح الحجاب .. فترة بترجع بتلبس نص حجاب شي من قبيل حطّة على الراص
بترجع فترة بتصرح بضرورة الجهاد المسلح في فلسطين والعراق ضد العدو .. بعدها بتقول الحل الوحيد هوي السلام والحل الودي ..
متقلبة بشكل ما طبيعي .. بس عموما ظريفة كمرأة عربية اتكون هيك مثال للعربيات يعني (الضياع والتشتت وخلافو ..)
بليبيا وشمال افريقيا عامة بيسموها كلوديا شيفر الافريقية .. :P