|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
17/03/2008
|
#1 | ||||||
|
مسجّل
-- اخ طازة --
 |
هلوسات ..شي بطعمة وشي بلا طعمة !!
نحن شعب فاضي و رايق و عندنا كتير محاسن و بلدنا عبتطور و شعبنا عبتقدم .. ليش هالتشاؤم ما بعرف ..
يا أخي ليش ما عمنطلع لنص الكاسة الملان .. ليش منطلع عل السلبيات .. أنا اليوم بركت مع حالي شفت أنه نحن بنعيم مو مقدرينه .. نحن الشعب الوحيد اللي حسن يخترع مصطلحات جديدة و يطورها لتتكيف مع القضية .. هلق أحد أهم وجوه التطور أنه رح يصير في عندنا توب موديل سوريا top model Syria لك شوفوا تطورنا على كل الاصعدة و ما بقي غير ننتخب موديل لسوريا تمثلنا بمهرجان ملكات الجمال في العالم .. و لأنه المنظمين فهايم ما سموها ملكة جمال ..قال ملكة جمال عيب و حرام و المشايخ ممكن تخرب الدنيا أنه ملكة جمال سوريا أعوذ بالله فسموها التوب موديل .. و هلق عملو مدرسة و برنامج يومي على قناة دنيا و خلي هالشعب يصوت و ينبسط شو ملكة جمال لبنان اللي بتطلع بدعايات العلكة عندنا أفضل .. و على سيرة اشكالية المصطلح لاحظوا معي تغيير المصطلحات .. الواسطة صار اسمها علاقات عامة ..و الرشوة صارت هدية و الغش صار شطارة و الكذب صار تورية و الخداع صار تقية و الربح فائدة .. بصراحة نحن عندنا اشكالية في المصطلح بتلاقي الواحد عبقاتل التاني و بناقشه أنه لازم يكون مواعيدنا عربية و لا اسلامية .. لك يا أخي تعا عالموعد و ما رح نختلف ما الاسلام بشدد عل الموعد و العربي ما كان يخلق الموعد .. بتلاقي الشخص بقلك الرشوة حرام بس إذا صحله واسطة ببلاش بقلك عادي علاقات عامة .. و لكي لا يقال أن هلوساتي مؤذية فإنني أعلن أن ما سبق هو مجرد حالة فاشلة للاحباط و نشر ثقافة الاحباط في المجتمع .. فأخيرا ابتدعنا و الحمد لله مصطلحات مرشحة لنيل جائزة نوبل و منها التسبيح ... و يعني أن تقول للاخر ميت السلامة 5 دقايق و بردلك جواب و بعدها بتسبحه و هناك اغنية تقول اسبااااااااااااااااااح بعد اسبااااااااااااااااااح أما الخورفة فهي مصطلح مهم في عالم خورفة الناس و الزبائن لتصيح مااااااااااااااااااااااع مصطلح الأفلمة مصلح جديد للكذب و معه التقسيم ... أما في الدين فقد أوجدنا السلفنة و تعني التحول للسلفية و الصوفنة للصوفية و صرنا شي ميت طائفة و مذهب .. و الشاطر يكفر التاني و يقول أنه هو الصح ..وعقولة حج جبران خليل جبران :/ويل لامة تكثر فيها الطوائف وتخلو من الدين /..!! بس ببقى مواطنا هو رمز الشموخ و الاباء هالمواطن الموظف النايم عى كرسيه أو عبياكل فلافل و عبسمع على صوت الشباب أو المواطن اللي عبركض ليل نهار ليجيب كم الف يصرفها على بيته هدا هو أملنا في التقدم و نهضة الأمة .. هدا المواطن الذي قال فيه أحد الأوربيين .. الموطن العربي مستعد لتفجير نفسه في عملية استشهادية بأي لحظة و لكنه غير مستعد للوقوف على الدور أو رمي الزبالة في مكانه المخصص ... لك ياريت هالمواطن و هنا يأتي دور نهضة الأمة .. لا أعرف عن أي نهضة يتحدثون أو عن أي أمة يتحدثون .. .. ما السؤال ليش تنهض في أحلى من النوم أحد العرب قال بمكر .. نحن نستغل الغرب هو يتعب و يخترع و نحن نشتري عالجاهز يا لهم من أغبياء يصرفوا الملايين لتطوير موبايل نشتريه نحن بسهولة .. و لكن أحدهم علق قائلا المواطن العربي لا بعرف كيف يصنع صحن فول ... فكيف سيصنع موبايل.. بقي أن نشير أن الهلوسات لا تعبر عن رأي مهلوسها و كاتبها لانه تبقى هلوسات لا تقدم و لا تؤخر تزيد من حالة الاحباط لدى الشعب .. و تضعف الهمة لذلك حاربوا معي الهلوسات السابقة و ارموها وراء ظهوركم ,.,, و تفاءلوا بالخير تجدوه و ليبق عندنا أمل أن إشعال شمعة في الظلام خير من أن تلعن الظلام ألف مرة .. وعلى الله !! |
||||||
|
|
17/03/2008
|
#2 | ||||||
|
شبه عضو
-- اخ حرٍك --
|
سلامات Naahfoot كلامك مظبوط شي كم مية بالمية . بس قلي انا ماني شايف ولا كاسة ,حتى شوف نصفها الملآن . بيكفي شي قدح صغير بس بيصطل سطل. لانو عندي شي كم كلمة عالمختار بدي احكيها عن صحو. وتصبح على خير
|
||||||
|
|
|
19/03/2008
|
#3 | |||||||
|
مسجّل
-- اخ طازة --
|
اقتباس:
 .. وشرفتنا بمرورك حجي .. يعني انا كنت متوقع شي جزء واحد من المية من الاعضاء انو يردو عالموضوع  ..او على القليل ..يصير عدد مشاهدات لا باس فييو ..لك اخي يمرو ويروحو مو مجكلة  ..واللع عزيم اتقولو ما حدا شايفو  !!..واللع عزيم ازا ما شفتوالموضوع ..رحبو فينا  .. عضو اجديد ولسه ما اخدت وج عليكون  |
|||||||
|
|
|
19/03/2008
|
#4 | ||||||
|
عضو
-- مستشــــــــــار --
|
ياسيدي عنجد بهنيك علي هالهلوسات
يعني هيه القصة مو قصة قاموس جديد ومصطلحات مبتكرة علي قد ماهيه مرض اجتماعي عم نعيش البعض بيحط الحق عالفقر والاخر علي عدم الرقابة وغير وغير بس انا براي السبب الحقيقي بيرجع لتربية الانسان عنا يعني قبل 50 سنة كان الي بيرتشي بيخجل ومابيعود فيه يطلع بالاخرين هالق الي مابيرتشي بيكون حالة شاذة المشكلة بالقيم و خلقيات مجمتعنا الي بتلاقي التاجر الي عم يمص دم هالشعب طول السنة وبنفس الوقت بيروح عالحج كل سنة!! وبالنهاية ضايعة الطاسة وصدقوني ومابدي كون متشائم بس عنجد وصلت لقناعة ان مافي امل
اسكر اسكر اسكر...فهذا العالم مملوء بالليل
|
||||||
|
|
|
19/03/2008
|
#5 | |||||||
|
مسجّل
-- اخ طازة --
|
اقتباس:
 نزل عاليمين .. ) يعني كان بطق عرق المواطن لو طرى كلامو وقلو الله يسلم ديياتك ..الله يعطيك العافية .. ما بعرف ازا هدا مو كمان مرض اجتماعي .. اما بالنسبة للرشوة فصارت الها مورثات عمتتناقلها الاجيال .. بس جد خلي عندك امل .. شخصيا وبصراحا املي مو هون ولا في فلان ولا علان .. لانو الامل بالله ..وعلى الله !! |
|||||||
|
|
بلشنا ناخد وش 
..ومرورك احلى يا غضيب البحر |
19/03/2008
|
#11 | |||||||
|
مسجّل
-- اخ طازة --
|
اقتباس:
ومن ناحيية انها كتير واقيعية ..فهدا لانو هيي تجسيد للواقع اصلاً بس لشو زعلان ياحج ..!!  بصراحة كلنا منعرف انو هالواقع محزن .. يا اخي بالفعل نحني مجتمع منستغل كلشي بطرق رهيبة .. يعني الي بيدرس فن ادارة الذات ... او بيعمل بحث بكتاب كيف تصبح مدير ناجح ..او بستطلع عن موضوع كيف تنجرز اكتر بوقت اقل وابتعد عن الامور الخارجية ..هدا الشخص بعد كل العلم الي بيتوصل الو ..بيستخلص انو التسبيح هوي من ابرز المهارات الشخصية ..شخصيا انا عمقوم حاليا بتاليف كتاب عنوانو : ( مهارات التسبيح الناجح وانا بتوقع انو يلاقي رواج هالكتاب ويحقق نسبة مبيعات بالملايين بأوساط المجتمات الشرقية .. فأط طريقك لكي تسببح خلق الله في خمس دقائق   |
|||||||
|
|
|
20/03/2008
|
#12 | ||||||
|
شبه عضو
-- اخ حرٍك --
 |
شي هالهلوسات هي شي ظريف و الله المواطن العربي مستعد لتفجير نفسه في عملية استشهادية بأي لحظة و لكنه غير مستعد للوقوف على الدور أو رمي الزبالة في مكانه المخصص ...
يا سيدي هي مظبوطة مية بالمية
أحن الى خبز أمي و قهوة أمي و لمسة أمي
|
||||||
|
|
|
20/03/2008
|
#13 | |||||||
|
مسجّل
-- اخ طازة --
|
اقتباس:
 شكرا لمروك .. سرني مرروك .. ويضحكني شر البلية لمن بزكر هالمقولة  .. شي مسخرة واللع عزيم .. |
|||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 18:44 (بحسب عمك غرينتش الكبير +3)