لماذا يبتعد الرجال عن النساء الاكثر ثقافة منهم؟؟

[ريتــا]

طبعاً شباب متل ما انتوا عرفانين انو هلا الحياة تطورت و الصبيي فاتت لتنافس الشاب بكل شي و طبعا حققت نجاح ملحوظ و اثبتت جدارتها و تفوقها و نجاحها على الشباب


ابسط مثال هوى التعليم و مدى الثقافي لدى الصبيي بيكون بالغالب منشان ما نظلمكن بالغالب بيكون اكتر من الشاب .......


لذلك سؤالى لكل شباب المنتدى هوى ليه الشاب بيحاول قدر الامكان انو يبتعد عن الصبيى المثقفى ؟؟
كتير لاحظت هالظاهرة بتصير بمجتمعاتنا
دايما الشاب بيحاول يلاقي بنت بتفهم اقل منو او اقل منه ثقافة
و مش ضروري تكون مثقفة , بس يلاقيها ذكية و ذكاءها ممكن يكون اكتر منو بيروح بيتركا
ليش ما بعرف ؟
راح اترك الجواب للشباب
و خلينا نشوف شو اراءكون

[dimozi]

لعمى و اللي عم يدور دوارة على بنت مثقفة بخمسة؟؟؟

[W.E.G.A]

والله بصراحة هاد الموضوع انا من رايي هو في المجتمع الشرقي بيظهر اكتر من المجتمع الغربي
يعني الرجل الشرقي هيك متعود وهيك متربي ببيته
لازم هو الي يكون بيفهم لازم هة الي يشرح ويفسر كل شي للبنت لان هيك شاف ابوه وامه
وهاد كله بسبب ان البنت ما كانت الفرصة الها متاحة للتعلم فانت دوما الاجهل وكانت دوما تطلب التفسير
والشرح من الرجل لانه هو الي متعلم او على الاقل اذا مو متعلم بكون عم يخالط الناس ويعرف انواع البشر
ويفهم الحياة بشكل اكبر
فانا من رايي بعد ما تغير الوضع والبنت اخدت فرصتها فالموضوع بده شوية وقت لحتى يتعود الرجل انه يشوف البنت الذكية او المثقفة دون ان يتفاجا من وجود هيك نوع من البنات
ووقتها رح تخف هي الظاهرة ورح يتحول الاهتمام للنواحي الانسانية بالطرف الاخر دون التقيد بمستوى ذكاء او ثقافة معين
شكرا على الموضوع

[ارسلان]

هي طبائع الحياة فبعضنا لا يستطيع ان يتصور احد " افهم منه" فما بالكبان يكون هذا الاحد هو انثى

لكل قاعدة استثناء طبعا




اكيد هاي قصة واقعية صارت معك

[M@hmoud]

هالشي يا اختي العزيزة مو بكل مكان بسوريا

بس موجود طبعا .... لانو مجتمعنا قائم على اثبات الرجل لوجوده....بعلمو وثقافتو

اذا اجت المرأة واخدت هالمكان منو...ما بقيلو شي بالحياة يفتخر فيه

هالشي غلط من زاوية بس كمان صح من زاوية تانية

انا ضد انو يجي شب مو مخلص بكلوريا وبدو يتجوز وحدة عندها دبلوم ...اي مارح يتفاهمو...والعكس نفس الشي

لانو هالفارق رح يتصادم دايما بالحياة ويسبب مشاكل .....ا

لكن اذا كان الفارق الثقافي كبير رح يصير في سوء تربية للاولاد لاختلاف وجهات نظر التربية

الا في حالة وحدة...اذا كان احد الطرفين مسللم بالامر كليا ومتل التوتو ورا شريكو...هيك اختلف الحكي

تحية

[ziad rahbani]

لانه معقد وشرقي. كيف تكون الانثى متقوفة عليه ؟؟؟؟

دي الانثى مدرسة

لعب وفن وهندسة

[marioma alghzayala]

كاتب النص الأصلي : dimozi

لعمى و اللي عم يدور دوارة على بنت مثقفة بخمسة؟؟؟

بخمسة يازلمي ...

ليه الشاب بيحاول قدر الامكان انو يبتعد عن الصبيى المثقفى ؟؟

يبتعد؟؟؟

ما بظن ..

[suryoyo]

يمكن لان العض يخافوا على مستقبلهم!! يخافوا لا تمدح الناس المرأة اثر من الزوج !


لكن مع ذلك في كثيرين يتمنوا الارتباط ببنت مثقفة و صاحبة شهادة

بس يلاقيها ذكية و ذكاءها ممكن يكون اكتر منو بيروح بيتركا
ليش ما بعرف ؟

اي اثنين اذا انفصلوا عن بعض ....... ما ينفصلوا فجأة و نتيجة سبب واحد

لان الارتباط و الانفصال متعدد العوامل

و يجوز الذكاء الزائد هو احد العوامل الثانوية!



موضوع حلو

[يمان Rooooonaldo]

ابسط مثال هوى التعليم و مدى الثقافي لدى الصبيي بيكون بالغالب منشان ما نظلمكن بالغالب بيكون اكتر من الشاب .......

انو .. عـ شو ؟ اعتمدتي ؟ ما فهمت ؟

اقتباس:
ليه الشاب بيحاول قدر الامكان انو يبتعد عن الصبيى المثقفى ؟؟

يبتعد؟؟؟

ما بظن ..

شرحو .. انو شو المشكلة وان كانت البنت مثقفة .. بالعكس .. يعني حدا بدور عبنت ما فهمانة الله وين حاططا ؟

[يمان Rooooonaldo]

لعمى و اللي عم يدور دوارة على بنت مثقفة بخمسة؟؟؟

مانا ظابطة شريك

[ظل جيفارا]

هلأ انا برأيي انو الإنسان الشرقي اعتاد على القيادة او خلينا نقول على ممارسة " الرجولة " كما يراها ولربما هو يعلم ان وجود انثى - مع مرعاة النظرة القاصرة لها - في المنزل اكثر معرفة منه قد ينتقص من " رجوليته " لذا يقرر الإنسحاب .
تحياتي الحارة
ظل جيفارا

[joys]

اذا كانت متفوقه اكتر منه بحس بضعغه قدامها
وبالاخص بالثقافة لانه يمكن تحسسه بقوتها من
خلال ثقافتها

[ريتــا]

مرحبا يا جماعة
الي رجعة لرد ع ردودكم بس خلص الي بايدي

و بشكر الكم مروركم

[ريتــا]

كاتب النص الأصلي : dimozi

لعمى و اللي عم يدور دوارة على بنت مثقفة بخمسة؟؟؟

ما بعرف حاسة حالي ما فهمت من حكيك
ع العموم راح جاوب قد ما فهمت
هلأ انت عم تدور ع بنت مثقفة بس غيرك بدو بنت تكون جدبة متل ما بيحكوا
عشان يصير يتعالى عليها
و ما بعرف شو
انتو هيك الشباب , بتحبوا تكونوا بكل شي احسن
يعني هلأ انت لو لقيت وحدة مثقفة مع انو البلد مليانة مثقفات
المهم لو لقيت وحدة , بتقدر تتحمل تعيش معا و هي ممكن تكون اكتر منك فهما و ثقافة
ما راح بالاخير تنغاظ منا و ما بعرف شو
المهم ما بدي طول بالرد و صير اتفلسف بالاخير
ثانكس ع المرور
و يعطيك العافية

[ريتــا]

كاتب النص الأصلي : ويجا

والله بصراحة هاد الموضوع انا من رايي هو في المجتمع الشرقي بيظهر اكتر من المجتمع الغربي
يعني الرجل الشرقي هيك متعود وهيك متربي ببيته
لازم هو الي يكون بيفهم لازم هة الي يشرح ويفسر كل شي للبنت لان هيك شاف ابوه وامه
وهاد كله بسبب ان البنت ما كانت الفرصة الها متاحة للتعلم فانت دوما الاجهل وكانت دوما تطلب التفسير
والشرح من الرجل لانه هو الي متعلم او على الاقل اذا مو متعلم بكون عم يخالط الناس ويعرف انواع البشر
ويفهم الحياة بشكل اكبر
فانا من رايي بعد ما تغير الوضع والبنت اخدت فرصتها فالموضوع بده شوية وقت لحتى يتعود الرجل انه يشوف البنت الذكية او المثقفة دون ان يتفاجا من وجود هيك نوع من البنات
ووقتها رح تخف هي الظاهرة ورح يتحول الاهتمام للنواحي الانسانية بالطرف الاخر دون التقيد بمستوى ذكاء او ثقافة معين
شكرا على الموضوع

ما هي المشكلة انو الرجل ما عم يتقبل المرأة بشكل عام, و بعدينا مش حكاية انو متعود ع هيك او متعود يكون هوي الي بيشرح كل شي دايما و ما بعرف شو
الفكرة انو الرجل ما بيحب تكون المرأة اعلى مرتبة منو
او مثلاً بتفهم اكتر منو
بتلاقيه صار يدايق , و بيصير بكل شي يناقرها , و يحكي عن كل اراءها غلط مع انو عارفون صح بس هوي هيك بدو يكون الاقوى او الاحسن
ما بعرف يمكن هي عقدة نقص عندو((ما تزعلو بس انا عم احكي بشكل عام))
او يمكن هيك طبيعة الرجل
من فترة , فتحت نفس الموضوع مع زملائي بالجامعة , واحد رد عليي بيحكيلي اصلا المراة شو ما درست و ان شاء الله تكون عالمة بتضلها بالاول و الاخير امرأة ما الها فايدة
هاي هي نظرة الرجل للمرأة , انو المرأة ما الها فايدة غير انها تكون اداة بالمطبخ تطبخ و تجلي و تمسح و ما بعرف شو
ع العموم , انا بحكي ان شاء الله بيصير في تقبل اكتر بمجتمعنا لانو عنجد لو ضلينا هيك , ما بعرف , يمكن تلاقي نسبة العنوسة كل يوم عم ترتفع اكتر
لانو البنات هلأ صارو كتير متابعات للثقافة و العلم
اني واي
شكرا ع مرورك و ردك
و يعطيك العافية

[ريتــا]

كاتب النص الأصلي : ارسلان

هي طبائع الحياة فبعضنا لا يستطيع ان يتصور احد " افهم منه" فما بالكبان يكون هذا الاحد هو انثى

لكل قاعدة استثناء طبعا




اكيد هاي قصة واقعية صارت معك

الحق معك هاي طبيعة الانسان , او بالاغلب الرجال ,
دايما ما بيحب يكون حدا احسن منو , و خصوصا الانثى, ما بعرف اذا هالشي نابع من خوف , يمكن بيخاف تتكبر عليه الانثى,و بعدين تتركه , او يكون ضعيف قداما
ما بعرف , جايز كتير
انا مرقت بهيك قصة , بس ما اتدايقت منها قد ما اتدايقت من طريق تفكير الرجال
انو كيف بفكروا هيك , و ليش دايما بيحبوا ينزلوا من قيمة المرأة ,ليش بكل بساطة ما بتتقبلوا انو ممكن تلاقوا حدا احسن منكون , او ممكن تكون البنت مثقفة او عندها فهم اكتر , ليش ما بتتقبلوا اراءها بكل بساطة
و لو بتلاقوا اراءكم احسن ناقشوا , حاولوا تثبتوا انكون احسن بس مش بطريقة بتجرح!!!!!
ما بعرف
الحكاية بدا حكي
انا عندي حكي كتير بس ما بدي احكي اكتر هيك بيكفي
اني واي
شكرا ع المرور و الرد و يعطيك العافيةيا رب

[ريتــا]

كاتب النص الأصلي : M@hmoud

هالشي يا اختي العزيزة مو بكل مكان بسوريا

بس موجود طبعا .... لانو مجتمعنا قائم على اثبات الرجل لوجوده....بعلمو وثقافتو



هالشي غلط من زاوية بس كمان صح من زاوية تانية

انا ضد انو يجي شب مو مخلص بكلوريا وبدو يتجوز وحدة عندها دبلوم ...اي مارح يتفاهمو...والعكس نفس الشي

لانو هالفارق رح يتصادم دايما بالحياة ويسبب مشاكل .....ا

لكن اذا كان الفارق الثقافي كبير رح يصير في سوء تربية للاولاد لاختلاف وجهات نظر التربية

الا في حالة وحدة...اذا كان احد الطرفين مسللم بالامر كليا ومتل التوتو ورا شريكو...هيك اختلف الحكي

تحية

اذا اجت المرأة واخدت هالمكان منو...ما بقيلو شي بالحياة يفتخر فيه
و مين قال انا جاي تاخد مكانو , المرأة ما بدا شي غير انها تثبت وجودها و تتلقى الاحترام و تصير مقبولة بالمجتمع
و اراءها مقبولة
ما الها الحق يعني يكون الها رأي , و ما الها الحق تعطي رأيها بأي شي , الرجل المثقف بيتقبل كل وجهات النظر
و بعدين ((اختلاف وجهات النظر لا يفسد للود قضية ))
ولا نسيت شو بيحكوه
انو ممكن ما يكون في فارق بين الاتنين بمستوى الثقافة , بس خلص هو بدو يكون احسن منا
احيانا بتمرق مسائل ممكن المرأة يكون رأيها فيها حسن من رأي الرجل
و بيكون عارف الرجل هالشي بس هو بدو يثبت انو المرأة غلط و هو الصح
و بعدين انا معك , ما المفروض و ممنوع الرجل يتجوز وحدة اكتر منو ثقافة او مثلا هي مخلصة جامعة و هو مخلص بكالوريا
بس هون, ما كان قصدي بالثقافة العلم و هالاشيا
ما ضروري الواحد يكون بيقرا و يكتب عشان يكون مثقف ,
انو يعني كان قصدي , بمسائل الحياة , احيانا بتكون المرأة اكتر بصيرة من الرجل , و ممكن اراءها تكون احسن من اراءه و فهمها اكتر منو
و هو ما بيحب هالشي , بيصير ما بدو ياها
ما بعرف كيف فهمك اكتر
ع العموم , يا ريت كون وضحت كفاية هيك
شكرا ع المرور و الرد
و يعطيك العافية يا رب

[ارسلان]

لماذا يبتعد الرجال عن النساء الاكثر ثقافة منهم؟؟

وقد تواجه الانثى المثقفة تحدي اخر هو ان يطلب قربها بالرباط المقدس ليس لانوثتها بل لما تحمله من ثقافة
اعتقد اننا نواجه امتهان اخر للانثى