صورة و قصة زواج

[yass]

الصورة المدرجة في هذا الموضوع هي للمصورة ستيفاني سينكلير و يظهر فيها زفاف في افغانستان لطفلة في الحادي عشر من عمرها على رجل في الأربعينات.








هذه الصورة تم الاعلان اليوم عن فوزها بالجائزة الأولى في مسابقة التصوير الفوتوغرافي لليونيسيف (وكالة الأمم المتحدة للطفولة.

هذه الصورة تنفعني كأساس لبناء نقاش في المنبر حول الزواج التعسفي في المجتمع الشرقي و زواج البنات القصّر جدا



بانتظار آرائكم

[MaTyA]

الصورة ما ظهرت لكن بحب عقب على القصة انو في كتير هالايام رجال كبار بالسن بيتزوجو بنات صغار ، والسبب في اغلب الاحيان بيكون بسبب انو الوالد ( وملا والد ) طمع بثروة الرجل وزوج بنتو كرمال تورث الرجل الكبير بالعمر ، بيقلك انو اكيد ما رح يعيش اكتر من ما عاش، وهالقصة بتذكرني بـ قصة نثرية تعلمناها بالمدرسة اسمها " الزواج بالبريد المضمون " بالتحديد بتحكي عن زواج فتيات صغار بالسن من ورا انو اهلها بيبعتو مواصفاتها لرجل غني بدو يتزوج كرمال المصاري ، يعني لا شافو شكلو ولا عرفو اخلاقو ولا عرفو شو تاريخو لك يا خيي حتى ما استفسرو ع اذا هو مريض بشي مرض معدٍ ، اوباش شو بدك تقول ،

[yass]

هاد رابط موقع الصورة في حال عدم ظهورها

http://www.cadenaser.com/recorte/200...s-forzados.jpg

[MadMax]

كاتب النص الأصلي : yass

الصورة المدرجة في هذا الموضوع هي للمصورة ستيفاني سينكلير و يظهر فيها زفاف في افغانستان لطفلة في الحادي عشر من عمرها على رجل في الأربعينات.








هذه الصورة تم الاعلان اليوم عن فوزها بالجائزة الأولى في مسابقة التصوير الفوتوغرافي لليونيسيف (وكالة الأمم المتحدة للطفولة.

هذه الصورة تنفعني كأساس لبناء نقاش في المنبر حول الزواج التعسفي في المجتمع الشرقي و زواج البنات القصّر جدا



بانتظار آرائكم

المشكلة .... لما مناقش حدا بهالشغلة ......
الجواب السريع بكون : كلو على سنة الرسول

[Moonlights]

هذا هو المجتمع الأبوي الرعوي الصرف بلا تجميل وبهرجة جوفاء .
إن قالو هذه سنّة الرسول أم لم يقولوا أكثر من هذا لا يوجد قرف , ومجتمعاتنا المتدثرة برداء الحداثة تجد فيها نفس هذا وأكثر ولكن بقشور تجميلية وفلسفات خرقاء .

[*Marwa*]

كاتب النص الأصلي : Madmax

المشكلة .... لما مناقش حدا بهالشغلة ......
الجواب السريع بكون : كلو على سنة الرسول

لا عزيزي لا على سنة الرسول ولا على بالو واللي بقول هيك لازمو بوكس بنص عينو
الرسول ما في الو ولا اي حديث بأمرنا فيه ولا حتى بطلب طلب انو نتزوج زواج مبكر
المسالة وما فيها انو الزواج المبكر كان عادي في الماضي البعيد وكان مقبول جدا ..وحتى مريم العذراء كانت صغيرة لما كانت مخطوبة ليوسف النجار! وكتير ممالك اجنبية كان فيها زواج مبكر..الاشي بتعلق بحقبة تاريخية معينة اللي كان فيها هاد الوضع مقبول!

لكن انو يصيروا يقولوا سنة الرسول وما بعرف شو.. هاد كلام فاضي لانو لا الرسول حكى فيه ولا الله قاله !

وشكرا عالموضوع اللي بستحق بالفعل نظرة عميقة

[MadMax]

عزيزي لا على سنة الرسول ولا على بالو واللي بقول هيك لازمو بوكس بنص عينو
الرسول ما في الو ولا اي حديث بأمرنا فيه ولا حتى بطلب طلب انو نتزوج زواج مبكر

قصدي ... انو بتكون حجتون أنو الرسول عملها قبلون لما تزوج السيدة عائشة و عمرها تسع سنين

[*Marwa*]

كاتب النص الأصلي : Madmax

قصدي ... انو بتكون حجتون أنو الرسول عملها قبلون لما تزوج السيدة عائشة و عمرها تسع سنين

بعرف يعرف شو قصدك وانا شرحت بردي انو الزواج المبكر في الماضي البعيد جدا كان عادة وانتهت ولا اي حدا من الرسل الانبياء او القديسين حكى انها واجب او فرض!
لذلك افتراءاتهم مردودة عليهم!

[ارسلان]

الزواج المبكر من أسوء العادات الشرقية للاسف

وأبعد ما تكون عن تعاليم الدين والاسلام ,

يعني بالمختصر المفيد هذه العادة منبوذة

[التقرير الجوال]

في عندس شؤال للاخوه و الأخوات بخصوص الموضوع.


برأيكن شو هوي السن المثالي للموافقه على تزويج البنت, و هل السن المفبول لتزويج الفتاة يختلف مع إختلاف العادات و التقاليد و المجتمعات.!


موضوع قيّم أخ ياس.

[*Marwa*]

كاتب النص الأصلي : التقرير الجوال

في عندس شؤال للاخوه و الأخوات بخصوص الموضوع.


برأيكن شو هوي السن المثالي للموافقه على تزويج البنت, و هل السن المفبول لتزويج الفتاة يختلف مع إختلاف العادات و التقاليد و المجتمعات.!


موضوع قيّم أخ ياس.

أكيد السن بختلف من بيئة لبيئة ومن مجتمع لاخر..بس حسب رايي قد ما يكون المجتمع متخلف والعادات قبيحة ممنوع تزويج البنت ازا ما قطعت ال 18 سنة!!

اما بالنسبة للسن المثالي فهاد كمان بتعلق بالظروف بالبيئة والمجتمع ..بالنسبة للمجتمع اللي انا عايشة فيه فا عنا الشخص (ذكر او انثى) اللي ما بكون معو شهادة جامعية بعتبروه متخلف..so معظم البنات هون بتجوزوا وهني يمنتصف العشرينات

[Nabilove]

بالنسبة لي هذا النوع من الزواج مروفوض.
يجب تحديد سن الزواج بالنسبة للبنت في 18 سنة و ما فوق و ان يكون برضاها 100%
فشروط الاسلام في الزواج : الايجاب و القبول + ان تكون الفتاة راشدة

و ما يقوم به الجهلاء في المناطق النائية و القرى هو تجارة للحوم البشرية باسم الاسلام

[التقرير الجوال]

في عندي تعليق بسيط عالصوره و إلي رجعه


فرجيت الصوره لمجموعه من الناس هون, سمعو شو كانت أحكامهم.

النساء أكثر تعليقهم كان على القسمات القاسيه التي يملكها الرجل الافغاني مصرحين بأنه يملك وجه الغشاش الذي يحبب الارتطباط فقط للجنس زائد بأنه يبدو مجرم.

طبعاً صلّحت الموضوع و قلت: بأن الطبيعه القاسيه تفرض عليهم أمور كثيره جسديه و روحانيه رجال و نساء.

أما الرجال فقالو: اذا كانت البنت ريفيه و تجيد الاعتناء بالمنزل و زوجها فلم لا.

على اعتبار بأن البنت الريفيه لا تحتاج الكثير من الوقت للدراسه و اكتساب الخبرات الحياتيه,فهي تعمل في الحقل و المنزل منذ نعومه أظافرها.

[ارسلان]

ننتظر ...

[ارسلان]

نقاش الموضوع حول مدى منطقية تطبيق تلك العادات التي اتبعها الناس في الماضي
وهل يمكن تطبيقها في هذه الاثناء اذا استجدة بعض الامور التي تبيح ولو عقلييا تلك العادة
وماهي تلك الظروف التي يمكن تفرض علينا تطبيق تلك العادة هذا وبالله التوفيق

[طفوله]

انا شايفه تركو النقاش



ولحئو السنه



ع كلن لا تعزبو حالكم ماضل هالحكي لانو العنوسه اكتسحت شوارع سوريا

[ارسلان]

يعني قولك في ارتباط بين العنوسة والزواج المبكر

[التقرير الجوال]

كاتب النص الأصلي : ارسلان

يعني قولك في ارتباط بين العنوسة والزواج المبكر

بظن الكلام يحمل في ثناياه الحث على الزواج المبكر
و الا شلون شايف.؟