الحجاب !

[Tarek007]

رغم تشابه وظائف الحجاب، إلا أن، أشكاله ليست واحدة، فهناك الحجاب الديني، والحجاب الاجتماعي. للأول دور وظيفي محدد بنصوص دينية وإن دارت حوله الخلافات والاجتهادات، والثاني شكلي يتنوع بتنوع المجتمعات ويختلف باختلافها.. وبين هذا وذاك، برز في العقدين الأخيرين ظاهرة ما يسمى بالحجاب السياسي، الذي يرافق بروز وظهور الحركات الإسلامية وانتشارها في الكثير من البلدان بقوة، وتحديداً بعد انتصار الثورة الإسلامية في إيران واستلام حركة طالبان الحكم في أفغانستان وظهور حزب الله في لبنان وانتعاش الحركات الإسلامية في كل من مصر والجزائر...الخ.
وعلى الرغم من تباين شكل الحجاب، حسب البلد أو المنطقة أو المذهب، إلا أن الوظيفة والى حد كبير هي واحدة، دينية أو اجتماعية أو سياسية... كما أن تطور الحياة المادية وثورة الاتصالات الهائلة بكل آثارها الاجتماعية العميقة، كل ذلك أدى الى التطور في موضوعة التعاطي مع الحجاب، فأصبح له أشكالاً عديدة ومتنوعة، لدرجة يمكن معها القول بأن وظيفة وشكل الحجاب اليوم هي غيرها في الماضي.
وفي سوريا اليوم يرى البعض في الحجاب وسيلة من وسائل الرد على التحلل القيمي والانحلال الأخلاقي الذي يجتاح المجتمع وخاصة، فئة الشباب، في حين يرى البعض الآخر، أن ارتداء الحجاب ليس أكثر من سلوك نفعي يتيح فرصاً أفضل وأسرع للزواج، وبين هذا وذاك، هناك من يرى في العامل الاقتصادي سبباً رئيساً في ارتداء الحجاب، باعتبار أن الغالبية العظمى من السكان، فقراء وغير قادرين على تحمل أعباء تكاليف الموضة المزدهرة والمتغيرة باستمرار.
وفي السنوات الأخيرة، شكل ارتداء الحجاب من قبل بنات الأسر المسلمة المنفتحة، ظاهرة في دمشق، وهي ظاهرة لايزال المجتمع الدمشقي يتعامل معها بتحفظ نظراً لقدسية الحجاب، والذي يخشى الكثيرون عليه من الأهواء الطارئة الناجمة عن ردود الأفعال الاجتماعية0
حول وظيفة الحجاب ودوره والموقف منه، كان لإيلاف هذه الجولة الاستطلاعية في دمشق:
*دلال الأبطح-أدب عربي من جامعة دمشق، تقول رداً على أسئلة إيلاف:
أنا من أسرة متوسطة الحال، مسلمة ولكن غير متعصبة، أحترم الحجاب ولا أتقيد به، فقبل زواجي لم أكن أرتدي الحجاب وفي مظهري الخارجي لم أكن مقيدة باللباس الشرعي وقد كان مظهري الخارجي يجذب الأنظار وكثيراً ما كنت أسمع وأنا في طريقي الى الجامعة كلمات إعجاب و"تلطيش" وفي كثير منها كنت أسمع كلمات نابية ومزعجة تخدش الحياء العام.
بعد زواجي، ووضع طفلي الأول، اقتنعت بارتداء الحجاب خاصة وان زوجي لم يكن قادر على تحمل نظرات وتلطيشات الرجال لي في الشارع، وبالفعل، بعد ارتدائي للحجاب صرت أشعر بالأمان أكثر، كما أنني تخلصت من المظاهر الاستهلاكية الضاغطة على الفتاة غير المحجبة، ففي الماضي كنت أفكر، بلبس آخر صرعات الموضى والسهر مع الأصدقاء في الأماكن العامة.. لقد كان سلوكي في الماضي نوع من التمرد المرهق وبلا معنى، فالمتعة التي كنت أحصل عليها ليست أكثر من ومضة سريعة الزوال ولم يكن أن تؤمن عن هذا الطريق توازنك الداخلي واستقرارك الاجتماعي.
*هيفاء محمد-طالبة جامعية/ ارتديت الحجاب بتأثير من زميلاتي في الجامعة وأنا اليوم أكثر ثقة بنفسي وأكثر قدرة على التعبير عن آرائي وأفكاري، والحجاب يجعل الرجال ينظرون إليك باحترام فلطافة المحجبة لا ينظر إليها كدعوة أنثوية بل لباقة يفرضها موقف معين.
وتتابع هيفاء: بعض زملائي في الجامعة ينظرون إلي وكأني مخلوق قادم من العصر الحجري، يبتعدون عني رغم محاولاتي مشاركتهم جلساتهم ونشاطاتهم على الرغم من أنهم كانوا يفاجأون بآرائي وحرية حركتي.. فأنا أتصرف بحرية وعفوية، ولا يجوز اعتبار الحجاب عامل معيق للحركة والمشاركة والعمل.
*نيروز شعبان-كلية الحقوق، غير محجبة: أنا أعاني أحياناً من نظرات بعض زميلاتي المحجبات.. هذا مرفوض فأنا حرة ولا أقبل أن يصادر حقي في ارتداء ما يعجبني من الملابس ومهما بدت متطرفة.. كما أني أرفض الحجاب باعتباره ظاهرة تخلف.. إن نظرات المحجبات لي تزعجني فهم دائمي الغمز عليك وعلى طريقة لبسك.. إن لدى هؤلاء عقد كثيرة مستحكمة ومن الصعب التعامل معهم.. وتتابع ذات مرة، اضطررت أن أستعير كراس محاضرات من إحداهن، فوجئت أنها أرادت هدايتي وجلبي الى طريق الاصلاح عن طريق الذهاب معها لحضور الدروس الدينية... إنهم يتكلمون معك وكأنهم وحدهم فقط يمتلكون الحق والحقيقة.. أنا أكثر تديناً من هؤلاء فالدين سلوك ومعاملة وليس مجرد مظاهر.
*حسن خالد-خريج جامعي ومن أسرة متدينة، يقول: ارتداء الحجاب لا يرتبط بالقدر الذي يرتبط في التعبير عن الهوية المحافظة للمرأة المتشبثة بالتقاليد والحريصة على العرف والتقليد المألوف اجتماعياً.. ويتابع قائلاً: أنا أحترم الحجاب وأرفض التعامل معه من منظور الاحتجاب والامتناع عن الدخول والمشاركة في الحياة العامة.. وأعتقد أن المحجبة يمكن لها أن تفكر بحرية وأن تتصرف بسلوك منفتح وتحرري بالمعنى الحقيقي لا الظاهري للكلمة رغم أنها ترتدي الزي الإسلامي.
البعض الآخر يعتقد أن لدى المحجبة، قدر كبير من الحرج في التعامل والمشاركة في الحياة العامة.. لأن المشكلة تكمن في أن هناك نوعان من الحجاب، أحدهما فرضه الدين وآخر فرضه المجتمع، والغالب في المجتمعات الشرقية هو النوع الثاني أي الذي فرضه المجتمع الأمر الذي يجعل من الخوف حالة مسيطرة وتتملك المحجبة في كل تصرف ومهما بدا عفوياً وطبيعياً أن يكون منافياً للحجاب بمعناه الاجتماعي لا الديني

ايلاف

[Tarek007]

سورية... الحجاب يصعد .. بقلم : شعبان عبود

مثلها مثل العديد من الدول العربية، تجتاح سورية منذ سنوات قليلة وعلى نطاق واسع عودة لمظاهر التدين، ولا تقتصر هذه المظاهر على طائفة اسلامية دون غيرها، بل تشترك الأقليات الدينية في التعبير عن هذه المظاهر, صحيح ان سورية ورغم وجود حزب «علماني» يحكمها منذ أربعة عقود، تعتبر بلدا اسلاميا وتنتمي بشكل طبيعي لمحيطها المشرقي، الا انها وعبر تاريخها قلما عرفت مظاهر التشدد والتطرف، ما عدا حقبة نهاية السبعينات وبداية الثمانينات من القرن الماضي، حين شهدت صراعا مسلحا بين جماعة الاخوان المسلمين والسلطة، لكن تلك الأحداث لم تعكس في ذلك الوقت خلافا دينيا بين الجماعة الأصولية المتشددة والنظام العلماني المنفتح، بقدر ما عكست صراعا سياسيا اتخذ شكلا مسلحا وقفت وراءه رغبة الجماعة في الوصول الى السلطة بأي طريقة.
غير انه ومنذ انهيار النموذج السوفياتي أوائل تسعينات القرن الماضي، وقبله صعود الثورة الاسلامية في ايران، مقترنا بترهل البعث السوري في السلطة وتضخم ظاهرة الفساد التي ترافقت بدورها مع انحلال في النظام القيمي والأخلاقي عند مفاصل وكوادر مهمة في المؤسسات الحكومية، كل ذلك أدى الى تنام منقطع النظير لمظاهر التدين والانغلاق عند السوريين الذي تم التعبير عنه بالاهتمام من جديد بالحجاب وانتشاره على نطاق واسع.
واذا كانت دمشق وحلب وحماة قد مثلت ولعقود طويلة مركز ثقل الاسلام التقليدي المحافظ ومدت الكثير من الأحزاب الدينية بغالبية كوادرها وقواعدها النشطة والفاعلة، فإنه ولأول مرة في سورية صار من الممكن رؤية نماذج لرجال ونساء في الأرياف والمدن السورية البعيدة والنائية (دير الزور، درعا، الرقة، الحسكة، ادلب) متدينون بشكل غريب عن المظاهر المتعارف عليها، لقد صار طبيعيا ان تصادف في تلك المحافظات رجالا مكحلي العينين وحليقي الشوارب وشعر الرأس ومطلقي اللحى ويرتدون أثوابا متواضعة قصيرة تمتد لأسفل الركبة بقليل, وليس بالضرورة ان تعكس هذه المظاهر تسييسا للدين بقدر ما تعكس رفضا للواقع القائم وانغلاقا على المجتمع رغم عدم وجود بعض المطالبين بطبع السياسة بطابع الدين.
لا يبدو ان حزب البعث الحاكم ومن حوله بقية الأحزاب القومية والناصرية والماركسية المنضوية في الجبهة الوطنية التقدمية معادون كثيرا لما يجري في المجتمع، بل على العكس تماما، فكل المظاهر تقول ان السلطات تحاول استغلال هذه الصحوة لحشد تأييد حولها في «مواجهة التهديدات الأميركية والاسرائىلية»، ولا أدل على ذلك من محاولة الانصات من النافذة لذلك الكم الكبير من الخطب المبعثرة في الأثير التي يتلوها أئمة الجوامع على الجمهور الغفير، الذي صار يتردد على الجوامع ويجهد للحصول على مجرد مكان بين أقرانه المؤمنين, كلها خطابات تتوعد لأميركا واسرائىل وتدعو لنصرة المجاهدين في كل مكان مثلما مطلوب منها ان تدعو لرئيس الجمهورية بأن «يحفظ الله خطاه ويسددها لما هو خير المسلمين» ولا يقتصر التردد على الجوامع على الرجال فقط، فالكثير من الأسر السورية صارت ترسل بناتها ونساءها لحضور الدروس الدينية حتى صار من الممكن رؤية الأم تتقدم بناتها وكناتها مسرعة لحضور درس الشيخ «فلان» يوم كذا الساعة كدا.
هكذا ولوقت طويل وبعد ان كانت المدارس الابتدائية والاعدادية والثانوية العامة، تعج بالمئات من الطالبات والطلاب بشكل مختلط، بعيدا عن مظاهر الفصل بين الجنسين، صار من الممكن اليوم رؤية تلميذات صغيرات في الصفوف الابتدائية والاعدادية يرتدين الحجاب بطريقة محتشمة جدا، حجاب موضوع بعناية لا يسمح بهروب شعرة واحدة من رأس الطفلة، حجاب يعكس ما تريده الأسرة السورية القلقة أكثر مما يناسب وجه طفلة صغيرة.
ومنذ أيام أخبرتني مديرة المدرسة الابتدائية التي يتعلم فيها ابني، ان رجلا أتاها يطلب منها متوسلا فصل طفلته ذات الأعوام السبعة عن زملائها من الاطفال في المقعد الدراسي، لقد ترجاها ذلك الرجل ان تضع بجانب ابنته اطفالا اناثا وليس ذكورا,,, هذه الطفلة تضع الحجاب امتثالا لرغبة والدها!
وتعبر هذه الظاهرة عن نفسها دون ضجيج مع السلطات، مثلما هي السلطات تغض الطرف عنها متحاشية اتخاذ قرارات واضحة بهذا الشأن رغم «علمانية» حزب البعث الذي يبدو انه يدرك ما يتمتع به الاسلام من جاذبية، وخاصة بين الطبقات المتوسطة والفقيرة، لكن ألا تعلم السلطات ان أكثر من 80 في المئة من السوريين ينتمون لتلك الشرائح الاجتماعية؟ كذلك فإن لغياب الحياة السياسية وتغييب الأحزاب السورية متضافرا مع صعود ظاهرة الفساد في أجهزة الدولة ومؤسساتها الذي ترافق مع انهيار متدرج في نظام القيم والأخلاق، قد ساهم بدوره في انتعاش التدين، وقد ساهم أخيرا السقوط السريع لنظام البعث في العراق الشبيه، من حيث بنية الهياكل القائمة وآليات العمل، مما هو قائم في سورية، في تعزيز مظاهر التدين الذي انعكس بدوره بزيادة كبيرة في ارتياد الجوامع وزيادة عدد المحجبات.
صحيح ان السلطات استطاعت تجيير هذه المظاهر وحشدها لمواجهة حملة الضغوط الأميركية، الا ان نتائج هذه السياسة يبدو انها لن تتوقف عند نهاية الحملة بقدر ما ستسمح للمتدينين في المستقبل بالتعبير أكثر عن أنفسهم وفلسفتهم ورؤيتهم للحياة كلما سنحت لهم الفرصة.
وتنتشر مظاهر التدين كثيرا بين الشباب وخاصة منهم الذين يعيشون أوضاعا اقتصادية غير مستقرة ويقضون جل أوقاتهم في البحث عن فرصة عمل, وكما هو معروف فإن البطالة تتركز بين الشباب، وتبلغ نسبة البطالة في الفئة العمرية 15-24 عاماً حوالي 70 في المئة، وتتركز عند الأميين وخريجي المدارس الابتدائية والاعدادية، وهم غالبا أشباه أميين، اذ تبلغ نسبة هاتين الفئتين 82,4 في المئة من حجم العاطلين عن العمل, الأمر الذي يعني على المدى الطويل استقطاب الدين المزيد من الشباب اليائسين المستعدين أكثر من أي وقت مضى للهروب خلفا واللجوء الى «الله».



الرأي العام

[krimbow]

موضوع خطير كتير و كتير مهم

مستغرب كيف لهلأ ما حدا علق عليه

برأيي انو هي الظاهرة فعلا ظاهرة خطيرة

وقد كان مظهري الخارجي يجذب الأنظار وكثيراً ما كنت أسمع وأنا في طريقي الى الجامعة كلمات إعجاب و"تلطيش" وفي كثير منها كنت أسمع كلمات نابية ومزعجة تخدش الحياء العام.

هلأ التلطيش ظاهرة غير محببة ... و خصوصي لما تصدر عن اشخاص قليلين ادب و ترباية
بس يا ترا الحل هوي الحجاب؟؟؟؟
شي طبيعي لما البنت تتحجب انو ما تعود تتلطش كتير
تخيلوا شب عم يلطش شب او سيارة او نعجة ...
لما تكون البنت محجبة بتكون عبارة عن كتلة قماش عم تمشي مو اكتر، وحدو المعقد و المجنون بيلطش كتلة قماش ماشية
عال كتير قضينا ع ظاهرة التلطيش بس ع حساب شو؟؟؟ حساب المشاعر و الاحاسيس

ايا اخطر ؟ التلطيش او كبت المشاعر و الاحاسيس؟؟؟؟
هل الحب جريمة ؟؟؟؟ او حرام ؟؟؟؟ يعني الحب يللي هوي الشي الوحيد يللي بيميزنا عن باقي الحيوانات (جنسيا او من جهة حفظ النوع) صار خطأ ؟؟؟
بعدين لا تنسوا " ان الله جميل يحب الجمال"
بهيك حالة منكون عم ندمر الميزة الوحيدة يللي بتميزنا عن مملكة الحيوان

[zen]

الحجاب برأئي قناعة وانا بعتبر انو كثرة الحجاب ظاهرة مو سلبية
لانو هاد دليل انو في ناس رجعت لله اكتر من الاول
وكلامي ما بيعني انو كل المحجبات رجعوا لله
(في بلاوي احيانا بتكون مسترة بالحجاب)
:P :P :P :P :P :P
وكمان كلامي ما بعني انو الغير محجبات انو مو مناح بالعكس
وبعدين ما فبنا نقيس اخلاق الفتاة من ارتدئها للحجاب
وبالاخر الحجاب قناعة شخصية يعني انا ضد اجبار الفتاة على ارتداء الحجاب
لانو هاد بيعود بسلبية على الدين لانو البنت بتصير تكره الدين من ورا هالقصة
وكمان انا ضد منع البنت انو تلبس حجاب متل ما صار بفرنسا (بلد المفضل بلد الحريات )

الحجاب لا يساوي الاسلام
بدل يدل عليه

[krimbow]

وأنا اليوم أكثر ثقة بنفسي وأكثر قدرة على التعبير عن آرائي وأفكاري، والحجاب يجعل الرجال ينظرون إليك باحترام فلطافة المحجبة لا ينظر إليها كدعوة أنثوية بل لباقة يفرضها موقف معين.

هي نكتة حلوة
شو محسبة انو كل الشباب عألا صغير او محصور بالتفكير الهرموني؟؟
سؤال
الشب الاوروبي عألو اكبر من الشب العربي؟؟؟
الشب المسيحي عألو اكبر من الشب المسلم؟؟؟
طيب ليش هدول بيحترموا المرا و بيتعاملوا معا بلطافة حتى لو كانت سافرة بينما الشب المسلم لازم يتعامل معا ع اساس انها غير محترمة؟؟؟
هاد نتيجة العأد و الكلاكيع المزروعة بازهان الصبايا و الشباب

بعد ارتدائي للحجاب صرت أشعر بالأمان أكثر، كما أنني تخلصت من المظاهر الاستهلاكية الضاغطة على الفتاة غير المحجبة، ففي الماضي كنت أفكر، بلبس آخر صرعات الموضى والسهر مع الأصدقاء في الأماكن العامة.. لقد كان سلوكي في الماضي نوع من التمرد المرهق وبلا معنى،

طيب و هلأ كيف صار سلوكا ؟؟؟ عقلاني و واعي ؟؟؟ هالشقفة قماشة ع راسها هيي يللي غيرت سلوكا؟؟؟
يعني هلأ كيف صارت بتفيد وطنا اكتر من لما كانت محجبة؟؟؟ كيف ازدادت مساهمتا ببناء المجتمع
شو يللي اختلف ؟؟؟؟
كرمال الله احكوا حكي واعي
انا بعرف انو الانسان (شب او بنت) بتزيد مساهمتو و بتزيد ايمتو لما بيضحي.... لما بيشارك .... بس انو ازا عملت لحية بيتطور المجتمع ؟؟؟؟؟ هاد قمة التخلف و الجهل
قال بنات جامعة قال

[Tarek007]

up ..............



بسبب الظروف الدولية الحالية

[krimbow]

كاتب النص الأصلي : Tarek007

up ..............



بسبب الظروف الدولية الحالية

ما بتقصر يا كينغ

[fady juventus]

يا زلمة up

والله قلبنا مقرح من هالمواضيع

[whiterose]

كاتب النص الأصلي : krimbow

هي نكتة حلوة
شو محسبة انو كل الشباب عألا صغير او محصور بالتفكير الهرموني؟؟
لاء أبداً بس بعض الشباب الخارجة عن نطاق الأخلاق مابهما تنظر لبنت محجبة أبداً أو يمكن حتى ما بيشوفوها
بدون يطلعو على بنت سبور لينوبون منا شي شغلة يعني لو نظرة على أماكن بتفتن وبتثير
وهاد يلي بدو ياه الشب بعصرنا وأن جيت للصراحة يمكن شبابنا شبعو هيك قصص من الأنفتاح الكبير والرهيب اللي صاير وصارت البنت رخيصة كتير بنظرة بتبيع حالها
لما كان الشب يحصل على نظرة كان ماينام 360 يوم لأنو بدكون النظرة مدوختو هاد أذا ما أثرت عليه طول حياتو هلىء بيحصل على علاقة كاملة وبيشخر كأنو يوم عادي وأذا بشوفا تاني يوم بقلا مين أنتي؟؟
هاد الشي أدى على فقد الأحترام بين الجنسيين ونظرة الشب الدنيئة للبنت اللي بتعرف شب لأنو هو مسمحلو يعمل شو مابدو لاء وبيفتخر فيه (مو رجال)
سؤال
الشب الاوروبي عألو اكبر من الشب العربي؟؟؟
لاء عقلو مو أكبر بس شبعان أكتر من الجنس الرقيق
واللي شايفو من إمرأة الشعب العربي مو شايفو من ولا ستين امرأة
بشوفو باليوم من خمستالف مرة(شاطىء العراة مو كافي أنو يخلي عقل الشعب الأوروبي أكبر من الشعب العربي وبدرجات)
لما الأتنين يلتقو بأمرأة واحدة سبور ببكيني على شي بحر مين الأعقل وليش؟؟
الشب المسيحي عألو اكبر من الشب المسلم؟؟؟
سمحلي ألك أنو هي مو حلوة منك كمشرف ولو نحن ماعهدناك هيك
نظريتك خاطئة مليون بالمية مارح قلك انو المسلم عقلو اكبر
لاء رح قلك انو متل بعض
وفي تخبيص من الجهتين بالنهاية انتو بشر ونحن بشر ولا أنتو شي تاني ونحنا مامعنا خبر؟؟؟؟!!!
أنا بعرف شباب مسيحيين تصرفاتن أشنع من تصرفات المسلمين وبكتير والجامعة أكبر دليل
أنا ماعم عمم أنا عم احكي متل ما حكيت
الشب المسلم راقي ونبيل وأخلاقو عالية بينظر للفتاة وكأنها قطعة نادرة
بحب الشب المسلم يلي بعبر على رجولتو بأسلامو مو بشي تاني
وأنا ما عم عمم هون كمان
طيب ليش هدول بيحترموا المرا و بيتعاملوا معا بلطافة حتى لو كانت سافرة بينما الشب المسلم لازم يتعامل معا ع اساس انها غير محترمة؟؟؟
مين قال ها الحكي
حكيك خطأ وانت عم تعمم والتعميم خطأ أسال طارق عن التعميم
هاد نتيجة العأد و الكلاكيع المزروعة بازهان الصبايا و الشباب
أبداً واذا كنت هيك بتسميها فانا اول العأد والكلاكيع

طيب و هلأ كيف صار سلوكا ؟؟؟ عقلاني و واعي ؟؟؟ هالشقفة قماشة ع راسها هيي يللي غيرت سلوكا؟؟؟
هاد شرفها كمسلمة افتخرت باسلامها بحجابها حرام وعيب تقول عنو شقفة قماشة لأنو هاد شرفنا
وانتو شرفكون الصليب
بتحبو حدا يجي يلكون معلقين عامودين برقبتكون عامودين متل الل...
أديش بتنقهرو وبتزعلو لما حدا يطعنلكون بالصليب يلي أنتو بتفتخرو فيه وبتعلقوا برقبتكن ونحن هيك متل ما انتو بتعلقو عامودين فخر الصناعات المسيحيية كمان نحنا منعلق شقفة قماشة فخر الصناعة الأسلامية
مشان هيك بلا ما نجرح بعض نحنا متساويين
عنجد عم تقووني على الحجاب اني حطو بالطريق وامشي واقول انا مسلمة انا محجبة شفتوني
يعني هلأ كيف صارت بتفيد وطنا اكتر من لما كانت محجبة؟؟؟ كيف ازدادت مساهمتا ببناء المجتمع
شو يللي اختلف ؟؟؟؟
بنت مسلمة وفرحانة ومفتخرة بحجابها ضروري تنزعولا فرحتها
بتريدو اتمسخر على صليبكون أنا رفيقتي مسيحيية بشتغل انا وياها بمكتب واحد الصليب برقبتها من يوم عرفتها بكرى بدي قلها انتي ليش عم تحطي شوعم تفيدي دينك فبه؟ووطنك فيه؟
هيي لما بتحطو بتكون عم تقول أنا مسيحيية
والبنت المسلمة لما بتحط الحجاب بتكون عم تقول أنا مسلمة
كرمال الله احكوا حكي واعي
هاد هو الحكي الواعي....
انا بعرف انو الانسان (شب او بنت) بتزيد مساهمتو و بتزيد ايمتو لما بيضحي.... لما بيشارك .... بس انو ازا عملت لحية بيتطور المجتمع ؟؟؟؟؟ هاد قمة التخلف و الجهل
معناتو الراهبات عنكن المتحجبات متخلفين؟؟
لأنو حطوا حجاب وبرقبتن الصليب وزنز كيلو
هل بالضرورة انو يكونوا بقمة الجهل والتخلف لأنو لبسوا الصليب وغطوا شعراتون؟؟؟
أذا بنظرك يلي عمل لحية جاهل وأنا بنظري الراهبة المتحجبة جاهلة
قال بنات جامعة قال
لحمدلله جامعية وعين الله عليي

كريمبو وحياة الله ردي موضوعي كتير وبالذات معك لأني بحترمك
أنا رديت على أد كلامك

[عبورة]

أول شي شكراً عالموضوع طارق
على فكرة أنا متحجبة و عن قناعة لإنو لما الوحدة بتتحجب مو بس بتكون عم تطبق أوامر دينها ، كمان بتكون عم تريح حالها منكتير مشاكل متل شلون بدها تعمل شعراتها اليوم و لا هي البكلة بتلبق على لبسها و لا لأ ....... و في كمان مشكلة الهوا يلي بدو يطير شعراتها و يخربلها الموديل يلي أعدت ساعة تظبط فيه
و بعدين لما الوحدة تتحجب ماحدا بيسترجي يسمعها كلمة هيك ولا هيك، أنا ما عم قول إنو كل البنات المحجبات ممتازات و محترمات في منهن كتير بيحطوا الحجاب بس بيمشو مشية فيها دلع أو بيعدوا بيضحكوا بأعلى صوت عندهن بالشارع أو بيبتسموا و بيحكوا مع مين ما كان، بنفس الوقت أنا ما عم قول إنو الوحدة لازم تمشي ضاربة بوز بالشارع بس كمان ما تزودها

و ياريت ما تفهموا كلامي غلط أو تعتبروا فيه إهانة لغير المحجبات بالعكس في كتير بنات غير متحجبات أحسن من المتحجبات

[fady juventus]

حلو يا عبورة
الحجاب قناعة
بس يا ريت ناس تفهم هالحكي
وعندكن مسلمين بس يشوفوا بنت مارة بالشارع ومانها محجبة بيقول"اسطخفر الله..."
ومرة كنت ماشي مع رفيقتي بالشام وهيي مسيحية بيقوم واحد تافه لابس جلابية بيقول "اسطخفر الله.."
جيت رحت لعنده معصب وقلتله بيني وبينه (ع شو عم تستغفر ربك)
قلي على شغله
قلتله بتخصك ولا بتخص العالم
قام قلي لأ بتخصني
قلتله لكان استغفره لربك بقلبك ولا تسمع العالم.قام دار راسه وهزه متل الكديش

بس المصيبة هدول ما بيلتفتوا لحالن ولبناتن
بيتدخلوا بديننا وبيقولولك بوقاحة "المسيحية بتفرض الحجاب بس ما حدا بيطبقه"؟؟؟؟!!!!

[whiterose]

برافو عبورة كتيير حلوة
إذا ما كنت قرأت ردي أقرأيه

[magoody1981]

كاتب النص الأصلي : krimbow

هي نكتة حلوة
شو محسبة انو كل الشباب عألا صغير او محصور بالتفكير الهرموني؟؟
سؤال
الشب الاوروبي عألو اكبر من الشب العربي؟؟؟
الشب المسيحي عألو اكبر من الشب المسلم؟؟؟
طيب ليش هدول بيحترموا المرا و بيتعاملوا معا بلطافة حتى لو كانت سافرة بينما الشب المسلم لازم يتعامل معا ع اساس انها غير محترمة؟؟؟
هاد نتيجة العأد و الكلاكيع المزروعة بازهان الصبايا و الشباب

طيب و هلأ كيف صار سلوكا ؟؟؟ عقلاني و واعي ؟؟؟ هالشقفة قماشة ع راسها هيي يللي غيرت سلوكا؟؟؟
يعني هلأ كيف صارت بتفيد وطنا اكتر من لما كانت محجبة؟؟؟ كيف ازدادت مساهمتا ببناء المجتمع
شو يللي اختلف ؟؟؟؟
كرمال الله احكوا حكي واعي
انا بعرف انو الانسان (شب او بنت) بتزيد مساهمتو و بتزيد ايمتو لما بيضحي.... لما بيشارك .... بس انو ازا عملت لحية بيتطور المجتمع ؟؟؟؟؟ هاد قمة التخلف و الجهل
قال بنات جامعة قال

يبدو أن السيد كريمبو من مشجعي الدعارة والانحلال الاخلاقي والاختلاط الغير شرعي بين الرجال والنساء
ويبدو أن نظرة كريمبو بيك للمرأة على أنها جمال فقط ويجب أن تبرز جمالها كالعاهرات على الشباب وخصوصا العزاب لكي تفتخر بجمالها وتزداد ثقتها بنفسها

ولايعلم كريمبو بيك أنه مااجتمع رجل وامراءة الا وكان ثالثهما الشيطان حيث أن لكل انسان شهوة ولايستطيع كبت هذه الشهوة الا بالرجوع الى الله او ان ان يفلت شهوته ويسلم نفسه للشيطان ويرتكب فعل الزنا والعياذ بالله لذا لم نسمع الى الآن أحدا تعرض لأمرأة محجبة بالاذى او اعتدى عليها وانا شخصيا استرخص الامرأة الغير محجبة والتي اما ان تكون صبية جميلة أو أنت تكون عجوز شمطاء واحترم واقدر الإمراة المحجبة والتي اعتبرها كأخت لي ولن تسمح لي كرامتي ورجولتي بأن اعتدي عليها او ادع احد اخر يعتدي عليها او يلطشها مع العلم انني اعزب

ولايعلم ايضا كريمبو بيك عن احصائيات الانحلال الاخلاقي وضياع الاسر والابناء الغير شرعيين والاغتصاب والزنا والدعارة المنتشرة بشكل مرعب في دول الغرب المسيحي

ولايعلم ايضا كريمبو بيك ان المرأة المحجبة لديها ثقة اكبر بنفسها من المراة الغير محجبة وان المرأة المحجبة تنتج بعملها اكثر من المرأة الغير محجبة والتي عادة ماتكون خائفة من الذكور ومن افعالهم اتجاهها

سؤال الى كريمبو بيك :
على سبيل المثال : اذا كانت اختك ماشية بالشارع امام الجمهور شبه عارية وبارزة كل محاسنها ومفاتنها كما تقول انت ان الله جميل يحب الجمال فهل تقبل الكلام الذي يقال ضدها إما :
1- استغفر الله : ولايقول هذه الجملة غير المتدينين الذي لايريدون كسب الذنوب بسبب منظر مخل
2- عاهرة : ويقولها فئة المحتشمين او المتزوجين

3- التلطيش والحركشة : وهم فئة الشباب وخصوصا العزاب فليطشون الى مالانهاية ومعهم حق بذلك لاان المنظر الذي امامهم منظر مخل ويجعل الشخص يفكر بأن هذه المرأة تريد أن يلطش بها .

وللحديث بقية
سلام على من اتبع الهدى

[magoody1981]

كاتب النص الأصلي : krimbow

بهيك حالة منكون عم ندمر الميزة الوحيدة يللي بتميزنا عن مملكة الحيوان

خخخخخخخخخخخخخخخخخخخخخخخخخ
ضحكتني ياكريمبو ومالي نفس اضحك
هلأ الفرق الوحيد بين الانسان والحيوان هو الجمال بنظرك ؟؟؟؟ هل هكذا علمك دينك ؟؟؟

اظن ان الطفل الصغير بالصف الاول يعرف ماهو الفرق الوحيد بين الانسان والحيوان الا وهو العقل
الا توافقونني الرأي ياجماعة ؟؟؟ أظن انو المسألة مابدها اتنين يحكوا فيا

سلام

[السورية المشتاقة]

اولا يعني بما انكن عمتحكوا عن ناس بالقصص الي زكرتوها فباي دين رح تلاقو ناس منيحة وناس مو منيحة وازا بدكن بزكرلكن قصص كتير عن اساءات للمسلمين من اديان اخرى بدون سبب... كل القصص اللي زكرتوها بتسئ لبعض المسلمين ...اوكي يعني مو للاسلام...لانه ما حدا بيطلعله ...

تانيا ...الاسلام كرم المراة وصانها لانه الالماس دائما بتلاقيه مغطى وعليه حمايات لكن الشئ
المزيف التنك بتلاقيه مزتوت عالبسطات بلا علب وبارخص الاسعار بينباع ...
انا ماقصدي شي لكن بالموضوع الناس اساءت كتير للمسلمين ...

مع العلم انه الراهبات بيغطو راسهن ...شو تعليقكن؟؟؟
وياريت الكل يفهم انه الاسلام دين يسر ...دين سهل ...ما امرنا بشئ الا لمصلحتنا ...

بعدين مرة انعزمت على عرس لوحدة مسيحية منعرفها ...اول ما فتنا عالكنيسة وعرفت وحدة جنبي اني مسلمة حسيتها بدها تقوم تقتلني ...مع انه منيح اللي رضيت اقعد جنبها لانها جايه عالعرس ومو مغسله وجها وشعرها متل المقشة وكانت بتخوف...
ما عمسئ لحدا بحكيي لكني عمرد عاي واحد اساء ...السلام

[Willi]

يبدو أن السيد كريمبو من مشجعي الدعارة والانحلال الاخلاقي والاختلاط الغير شرعي بين الرجال والنساء

ليش الوحدة اذا ما اتحجبت معناتها انها منحلة اخلاقية و..................؟؟؟؟
شو هالمنطق هاد؟

ولايعلم كريمبو بيك أنه مااجتمع رجل وامراءة الا وكان ثالثهما الشيطان حيث أن لكل انسان شهوة ولايستطيع كبت هذه الشهوة الا بالرجوع الى الله او ان ان يفلت شهوته ويسلم نفسه للشيطان ويرتكب فعل الزنا والعياذ بالله لذا لم نسمع الى الآن أحدا تعرض لأمرأة محجبة بالاذى او اعتدى عليها وانا شخصيا استرخص الامرأة الغير محجبة والتي اما ان تكون صبية جميلة أو أنت تكون عجوز شمطاء واحترم واقدر الإمراة المحجبة والتي اعتبرها كأخت لي ولن تسمح لي كرامتي ورجولتي بأن اعتدي عليها او ادع احد اخر يعتدي عليها او يلطشها مع العلم انني اعزب

كلامك ابدا مو صحيح ومافيه شي من الدقة مين اللي قلك انو بحياتو ما حدا تعرض لمرا متحجبة؟؟
اذا انت ما سمعت هاد مو معناه انو هالشي ما صار
اما بالنسبة انك ما رح تسمح لواحد يلطش او يعتدي على مرا محجبة فهاد معناه انو اذا شفت واحد عم يعتدي على وحدة ما محجبة فانت رح تتركو وممكن كتير تشاركو
اي بقا هاي بتعتمد على تربايت الواحد

ولايعلم ايضا كريمبو بيك عن احصائيات الانحلال الاخلاقي وضياع الاسر والابناء الغير شرعيين والاغتصاب والزنا والدعارة المنتشرة بشكل مرعب في دول الغرب المسيحي

وببلادنا لسى اكتر

ولايعلم ايضا كريمبو بيك ان المرأة المحجبة لديها ثقة اكبر بنفسها من المراة الغير محجبة وان المرأة المحجبة تنتج بعملها اكثر من المرأة الغير محجبة والتي عادة ماتكون خائفة من الذكور ومن افعالهم اتجاهها

ما رح احكي عن الثقة بالنفس لان ولا مرة تحجبت وجربت هالشغلة
الله واعلم ابو الميج مجربها بجوز

بس ما فهمت شلون بقا بتنتج بعملها اكتر من المرا الما محجبة؟؟ هات لشوف اشرحلي

على سبيل المثال : اذا كانت اختك ماشية بالشارع امام الجمهور شبه عارية وبارزة كل محاسنها ومفاتنها كما تقول انت ان الله جميل يحب الجمال فهل تقبل الكلام الذي يقال ضدها إما :

اذا الوحدة ما لبست حجاب مو معناتها انها شبه عارية


بتوقع انو اغلب المسلمات اللي بالمنتدى ما بيلبسو حجاب (حسب قولهون)
بتوقع انو المفروض يردو عليها لانك بحكيك هيك عم تقول انو كل وحدة مو محجبة معناها انها منحلة اخلاقية وشغل دعارة وما بعرف شو من هالحكي الفاضي

1- استغفر الله : ولايقول هذه الجملة غير المتدينين الذي لايريدون كسب الذنوب بسبب منظر مخل

ابدا مو صحيح عجبتني هاي المتدينين هاد اسمو مسخرة
يبدو انو ابو الميج لايعلم انو ببلادنا كلو عامل حالو شريف زمانو
مع انو كل واحد عامل اخطاء ما بينعدو ولا بينحصو
واللي بقول هالكلمة بكون واحد من هاللي عم يعملو حالهون شرفة
ليش وين الغلط اذا الوحدة ما اتحجبت ؟؟
بس فهمني وين؟؟ انو منطق بقول انو الوحدة اذا ما تحجبت معناتها انها وحدة مو منيحة
هاد تفكير مجتمعنا المتخلف وبس

2- عاهرة : ويقولها فئة المحتشمين او المتزوجين

هاي بقولها فئة المتخلفين وبس
وكمان هاي اسمها مسخرة

3- التلطيش والحركشة : وهم فئة الشباب وخصوصا العزاب فليطشون الى مالانهاية ومعهم حق بذلك لاان المنظر الذي امامهم منظر مخل ويجعل الشخص يفكر بأن هذه المرأة تريد أن يلطش بها .

كمان هاد اسمو تخلف ووقت الواحد بقول هالحكي بكون عم يضحك على حالو وبس
وقت بتلاقي شب لحالو ماشي بالشارع لو البنت قدامو بالزلط ما رح يحكي معها كلمة وحدة
الشباب ما بلطشو لسبب انو المنظر اللي قدامهون منظر مخل وانو المرة بدها العالم تفكر فيها
لاء هاد كلام مافيه اي شي من الصحة لان بكون عم يتفاخر قدام رفقاتو الشباب وعم يعمل حالو شغلة رجولية وتنكيت قدامهون

[Willi]

ضحكتني ياكريمبو ومالي نفس اضحك
هلأ الفرق الوحيد بين الانسان والحيوان هو الجمال بنظرك ؟؟؟؟ هل هكذا علمك دينك ؟؟؟

بتوقع انك عم تكتب بالمنبر الحر مانك بنادي ديني
لايمت بدنا نضل نعلق على كلمة الواحد على اساس الها دخل بالدين؟
متل ما قلت انت انو الفرق بين الانسان وبين الحيوان العقل مو الجمال وهاد انا بوافقك فيه
يعني الحيوان اذا علمتو شي ما رح يعرف اذا خطأ او صح
اما الانسان بيقدر يميز بين الخطأ والصح
والانسان الو عقل مشان يفكر فيه ويعطي رئيو بعيد عن كلشي
بتوقع انو مو كلمة الواحد بقولها الها علاقة بالدين
فهالحكي يا ريت يعني من بعد اذنك لا تدخلو بهيك نقاش

[Willi]

اولا يعني بما انكن عمتحكوا عن ناس بالقصص الي زكرتوها فباي دين رح تلاقو ناس منيحة وناس مو منيحة وازا بدكن بزكرلكن قصص كتير عن اساءات للمسلمين من اديان اخرى بدون سبب... كل القصص اللي زكرتوها بتسئ لبعض المسلمين ...اوكي يعني مو للاسلام...لانه ما حدا بيطلعله ...

عينو السورية المشتاقة الحكي ما الو علاقة بالدين ولا بالاسلام ولا بشي الحكي الو علاقة بالحجاب بشكل خاص ممكن يكون الموضوع اتطرق لشي عن الاسلام السبب هوي انو المسلمين هني اكتر الشي بيلبسو الحجاب

تانيا ...الاسلام كرم المراة وصانها لانه الالماس دائما بتلاقيه مغطى وعليه حمايات لكن الشئ
المزيف التنك بتلاقيه مزتوت عالبسطات بلا علب وبارخص الاسعار بينباع ...
انا ماقصدي شي لكن بالموضوع الناس اساءت كتير للمسلمين ...

نحنا اكتر عالم منعرف شو المرا بمجتمعنا فما بدنا كل واحد يضحك على حالو على اساس على قولتك (عم يتحربق)
غطاء المرأ قال على اساس مشان الواحد ما يفكر بالمرا بشي سيء
وهاد معناه انو الرجل بمجتمعنا ما بفكر بالمرا غير على اساس جنس ومنظر

مع العلم انه الراهبات بيغطو راسهن ...شو تعليقكن؟؟؟
وياريت الكل يفهم انه الاسلام دين يسر ...دين سهل ...ما امرنا بشئ الا لمصلحتنا ...

لا تعليق

بعدين مرة انعزمت على عرس لوحدة مسيحية منعرفها ...اول ما فتنا عالكنيسة وعرفت وحدة جنبي اني مسلمة حسيتها بدها تقوم تقتلني ...مع انه منيح اللي رضيت اقعد جنبها لانها جايه عالعرس ومو مغسله وجها وشعرها متل المقشة وكانت بتخوف...

ما فهمت شو الو دخل هالحكي بالموضوع؟