هل سوريا دولة طائفية؟

[yass]

الطائفية هي تمييز أو تفريق بين مختلف أفراد الشعب على أسس دينية أو فئات أصغر ضمن دين واحد. تتراوح درجات الطائفية بين حد عدم الاعتراف بحق الوجود و المحاربة (مثل القتل على الهوية في لبنان أيام الحرب الأهلية و العراق حاليا) و التمييز لمجرد اعتبار الدين كسمة من سمات شخص ( يعني عندما تحاول تشرح شيئا ما عن شخص و تستخدم دينه كسمة من سماته لتمييزه مثل : فلان المسيحي, فلان العلوي .....الخ) و بين المثالين أمثلة كثيرة تتراوح خطورتها و شدتها.


بناءا على هذا الشرح السطحي و على مفهومك عن الطائفية, هل تعتقد أن الشعب السوري طائفي؟


شكرا

[ayhamm26]

الشعب السوري ما كان طائفي ولكن بعد المحن والنكبات اللي مرت في على مدى ال40 سنة الماضية للاسف صارت الطائفية منتشرة بكل مكان في سوريا

[was616im]

يعني والله يا معلم اذا بدك تحكي بالواقع ما بعرف كيف بدي اشرحلك ياها
لانو الشغلة اولا و اخيرا بتعود للانسان نفسو
يعني في عنا بسورية عالم كتير طائفيين بس بالمقابل في كمان كتير ناس مو طائفيين
بقى هيك حسب ما انا كنت عايش بحمص بين اصدقائي اللي منهن علوي و منهن سني و منهن مسيحي و غير طوائف بقلك انو ما كان في مشاكل بيننا نهائيا و بحياتنا ما اختلفنا على شي اسمو طائفة او دين لانو هاد كان اخر همنا قصدي انو بحبك على معاملتك الي مو لدينك او لطائفتك
بس هالحكي مو يعني انو كل شباب حمص و سكانها هيك
فلذلك الامر محير

[was616im]

كاتب النص الأصلي : ayhamm26

الشعب السوري ما كان طائفي ولكن بعد المحن والنكبات اللي مرت في على مدى ال40 سنة الماضية للاسف صارت الطائفية منتشرة بكل مكان في سوريا

عفوا بس كلامك مو صحيح 100 % وفي امثلة كتير على هالشي
فيك تسأل كتير من الناس و كل واحد بيذكرلك عدة امثلة على هالشي
بس بنفس الوقت في الم تؤيد رايك
فبرجع بكرر كلامي و بقول انو سورية دولة محيرة و مقسومة لقسمين
قسم طائفي و قسم غير طائفي
بس شقد النسبة كمان ما بحسن اعطي رقم

[yass]

كاتب النص الأصلي : was616im

يعني والله يا معلم اذا بدك تحكي بالواقع ما بعرف كيف بدي اشرحلك ياها
لانو الشغلة اولا و اخيرا بتعود للانسان نفسو
يعني في عنا بسورية عالم كتير طائفيين بس بالمقابل في كمان كتير ناس مو طائفيين
بقى هيك حسب ما انا كنت عايش بحمص بين اصدقائي اللي منهن علوي و منهن سني و منهن مسيحي و غير طوائف بقلك انو ما كان في مشاكل بيننا نهائيا و بحياتنا ما اختلفنا على شي اسمو طائفة او دين لانو هاد كان اخر همنا قصدي انو بحبك على معاملتك الي مو لدينك او لطائفتك
بس هالحكي مو يعني انو كل شباب حمص و سكانها هيك
فلذلك الامر محير

شكرا للرد حبيب. كنت حاط ببالي أول واحد يجاوب بهالشكل أسألوا سؤال محدد و علقت براسك


السؤال هو: هل تقبل بزواج أختك من طائفة أخرى؟؟ (لن أسألك عن دينك لأن هذا السؤال هو أبسط أشكال الطائفية)



تحية




ملاحظة ثانية: باعتقادي وجود تعايش سلمي لا يعني انعدام وجود طائفية.

[was616im]

كاتب النص الأصلي : yass

شكرا للرد حبيب. كنت حاط ببالي أول واحد يجاوب بهالشكل أسألوا سؤال محدد و علقت براسك
السؤال هو: هل تقبل بزواج أختك من طائفة أخرى؟؟ (لن أسألك عن دينك لأن هذا السؤال هو أبسط أشكال الطائفية)
تحية
ملاحظة ثانية: باعتقادي وجود تعايش سلمي لا يعني انعدام وجود طائفية.

هههههههه سؤالك حلو و مو مشكلة اذا علقت براسي انا او لاء بس بتمنى هون انو اللي بدو يجاوب عالموضوع كمان يجاوبك على سؤالك هاد و بكل صراحة
يا سيدي زواج اختي من رجل من طائفة تانية انا بعارضو مو من ناحية انو انا طائفي و ما بقبل انو اختي تاخد حدا من غير طائفة و انو الحكي اللي حكيتو من شوية بس حبر على ورق
لاء
انا بعارضو من ناحية تانية واللي هيي
اولا انت بتعرف المجتمع بسورية و الناس كيف عايشة هنيك يعني ما حدا بيرحمك من لسانو و بتصير سيرتك على كل لسان
تانيا الاولاد هدول كمان رح يكونو مشكلة...يعني الاب بدو ياهن ينتموا لطائفتو و الام كمان بتحن لاهلها يا اخي و اهل البنت رح يضلو ينقو براس البنت و يحرضوها على هالشي
تالتا اهل الزوج كمان ما رح يكونو مبسوطين منها لانو من غير طائفو ولو اظهرولها غير هالشي و هاد بيسبب مشاكل كتير نحنا بغنى عنها
و لسى في اسباب تانية بس هاد اللي خطر ع بالي هلق
ف للاسباب التالية انا بعارض هالشي

على فكرة خالي متجوز وحدة من غير طائفة يعني سؤالك ما فاجأني كتير
و اذا بدك تسال لسى تفضل انا جاهز مشان ما تقول انو كلامي بالرد الاول كان حبر على ورق

[Syrian Gay]

كاتب النص الأصلي : yass

السؤال هو: هل تقبل بزواج أختك من طائفة أخرى؟؟ (لن أسألك عن دينك لأن هذا السؤال هو أبسط أشكال الطائفية)

هللا بدي ادحش حالي وقول رأيي .. لأن الاغلب بيصير () من حكيي .. وسبق وانسأل هالسؤال وانا جاوبت الايجاب ..

"نعم" اقبل انو اختي تتزوج واحد من غير ديانة ..

لأن اذا شخصين حبو بعض .. فالدين ما رح يخلي العلاقة توقف .. ممكن الطرفين يحاولوا يبعدوا عن بعض بس بشان المبادئ الاجتماعية بس هني داخلياً رح يضللوا يحبوا بعض ..

فأنا ماني مستعد خلّي اختي تتعذب بشان مسألة دينية بحتة ..

اما بالنسبة للأولاد مستقبلاً .. فممكن الولد يختار الدين يللي بيعجبوا .. او ممكن يصير "لا ديني" متل خالو

وبالنسبة لأهل الزوج .. فبعتقد مو هني يللي عم يتزوجوا البنت .. ابنون هوي يللي حبها وهني مالون علاقة بموضوع عاطفي بين شخصين ..

اما بشان لسان العالم .. فـ انسى .. اذا على كل شي بدنا نخاف من لسان العالم ما بدنا نعيش ..

[MadMax]

من الصعب انك تحكي عن كل الشعب السوري
يعني الشغلة بتختلف من مدينة لمدينة و أحيان من حي لحي
بس بشكل عام .... الشعب السوري أفضل حالأ من شعوب المنطقة









و مشان سؤال الزواج ... اي أكيد بقبل و هالحالة منتشرة كتير عنا هون و تعتبر أمر عادي

[ASH]

انا برأي لا مافي طائفيه و تفاجئة انو نسبة يلي قايلين نعم اكتر من لا

وين الطائفيه بسوريا ، اي بلد فيها نوع من الطائفيه بس بسوريا مو هل شي الكبير يعني و متل ما قال مادماكس بتختلف من منطقه لمنطقه او حاره لحاره او مدينه لمدينه ...

وبالنسبة لسؤال ياس انو بقبل اختي تتجوز من طائفه تانيه ؟ اي وين المشكله يعني ولا انا بسمح لحالي حب بنت من طائفه تانيه و بحرمها على غيري ..

[manalak]

بكل دول العالم في عدة طوائف مو بس سوريا ومو كل العالم عنا هون بتتاثر بموضوع الطائفة ثقافة الشباب والاهل عم تلعب دورها و جيلنا حاليا قلص المسافة كتير بها الموضوع


وانا من الناس يلي مخطوبة لشخص من غير طائفتي

[التقرير الجوال]

طائفيه شو..؟
اختلاف مذاهب الدين الواحد يعني

[yass]

هههههههه سؤالك حلو و مو مشكلة اذا علقت براسي انا او لاء بس بتمنى هون انو اللي بدو يجاوب عالموضوع كمان يجاوبك على سؤالك هاد و بكل صراحة

يا سيدي هاي عممنا الدعوة عالشباب كلهون

اولا انت بتعرف المجتمع بسورية و الناس كيف عايشة هنيك يعني ما حدا بيرحمك من لسانو و بتصير سيرتك على كل لسان

اذا الناس تحكي بالعاطل عن واحد أو وحدة "تجوز من غير ملتو" هذا يعني أنو الشعب, بشكل عام, طائفي

تانيا الاولاد هدول كمان رح يكونو مشكلة...يعني الاب بدو ياهن ينتموا لطائفتو و الام كمان بتحن لاهلها يا اخي و اهل البنت رح يضلو ينقو براس البنت و يحرضوها على هالشي

شو دخل الناس بالأولاد؟؟ ما الدين و اللادين معتقد و كل واحد حر فيه... ومن صار الدين سمة انتماء معناتو في طائفية, أو عالأقل أنا هيك بشوفها

تالتا اهل الزوج كمان ما رح يكونو مبسوطين منها لانو من غير طائفو ولو اظهرولها غير هالشي و هاد بيسبب مشاكل كتير نحنا بغنى عنها

يعني أهل الزوج ما بيهمهون أنو أختك (الحكي بشكل عام لا حدا ياخد الموضوع شخصي رجاءا) آدمية و خلوقة و مرتبة, بيهمهون أنو من خارج ملتهون. هاد مو طائفية؟؟

على فكرة خالي متجوز وحدة من غير طائفة يعني سؤالك ما فاجأني كتير

أنا ابن أب من عائلة مسلمة و أم مسيحية و صدقني خبرتي بوضعي و بوضع ناس بنفس حالتي خلتني أوصل لنتائج

و اذا بدك تسال لسى تفضل انا جاهز مشان ما تقول انو كلامي بالرد الاول كان حبر على ورق

له يا طيّب هاد رأيك و على عيننا و راسنا ليش حبر على ورق؟؟



تحية

[yass]

كاتب النص الأصلي : التقرير الجوال

طائفيه شو..؟
اختلاف مذاهب الدين الواحد يعني

الطائفية هي تمييز أو تفريق بين مختلف أفراد الشعب على أسس دينية أو فئات أصغر ضمن دين واحد

[COSTA]

تسجيل متابعة

[باشق مجروح]

طبعا لأ برأيي
أنا شيعي سوري عشت بمنطقة نحنا فيها أقليه ورغم هالشي ما حسيت بحياتي بالتمييز الطائفي بالعكس عشنا جنب السنة والدروز والعلويه والمسيحيين وبقيه الكوكتيل الطائفي الرائع الي منحترمو ومنحبو
برأيي هالشي نابع من ثقافة الشعب السوري وترفعو عن هالسخافات الي ما بيوقع فيها غير الجهلة والمتخلفين لذلك لازم نكون صاحيين من هالأصوات الطائفيه الظلاميه ونصير متل دول العالم المتحضر الي ما عندون هيك أشياء أبدا
شكرا لقياده سوريا الي حكمت البلد بصوره غير طائفيه وما حسست حدا بالظلم أكتر من حدا

[cyclonesyr]

نعم نحن طائفيون منذ ربينا في بيوتنا

و طائفيون في التعليم المدرسي

وطائفيون في المسجد و الكنيسة

الطائفية زرعت داخلنا كبذرة يستحيل أن تنزع

انسوا قصة زواج أختي أو أختك من طائفة أخرى فلو حدث ووافقت انا فهي وهو سيخسران المجتمعين !

أليس هذا أكبر دليل على أننا طائفيون حتى النخاع

[yass]

برجع بقول: باعتقادي وجود تعايش سلمي لا يعني انعدام وجود طائفية. قصدي أنو يا ريت تاخدو المعنى الواسع للطائفية. كمان تاخدو بعين الاعتبار الطائفية الايجابية ( يعني عمامنا الشوايا بالجزيرة بيعتبرو المكنسيان المسيحي أشطر بس لأنو مسيحي, و اذا فوقها أرمني يكون أحسن....) و مو قصدي بالايجابية بمعنى أنو أمر جيد انما قصدي أنك تنتظر مزايا محددة من شخص فقط لأنه من طائفة أو دين محدد

[MadMax]

كاتب النص الأصلي : yass

كمان تاخدو بعين الاعتبار الطائفية الايجابية

يا سيدي .... بالناقص منها و من ايجابياتها