من أخوية .. إلى أخوية

[Nirvana]

من كام يوم كنت عم نكوش بمواضيع أخوية القديمة .. لانو صرلي يمكن أكتر من سنة بفوت أخوية وحبيت شوف شو كان في مواضيع وقتها ..
لفت نظري شي .. انو من هداك الوقت لهلا .. راح من أخوية أعضاء كانت مشاركاتهم بتضوي أخوية .. في منهم راحو باختيارهم وفي منهم راحو غصب عنهم ..
وتزكرت وقتها كيف كنا نقول .. وين أخوية قبل .. يا محلا أخوية بمواضيعها القديمة ... وهلا عم نقول هيك ..
أكيد كانت ايام حلوة .. اللي مرت علينا قبل .. واللي كانت قبل ما يكون البعض منا موجودين ..
هلا رح تقولولي ليش صف الحكي هاد كلو .. ؟

أنا بقلكم ..
بتعرفو برنامج خبرني يا طير .. عالفضائية السورية .. أنا بدي اعمل متلو .. وبدي وجه نداء .. خصوصي انو في بعض أعضاء سمعت اشاعات بأنهم يمكن يخففو فوتاتهم على أخوية أو يتركو ...

هلا نحنا قبل ما نكون مشرفين أو منسقين .. كمان كنا اعضاء وما زلنا .. مشان هيك رح منتزكر سوا الاعضاء اللي تركونا .. الاعضاء اللي بدهم يتركونا .. الاعضاء اللي ما بنشوفهم الا بالمناسبات .. وبدنا نشكر الأعضاء الموجودين والمتواجدين دائما ..

خلينا نبدا .. انا رح ازكر اللي بعرفهم واللي كانو بوقتي .. واي حدا بيتزكر حدا تاني يزكرو ..

قبل ما العي هاللعية الطويلة ..

بدي هيك .. قول للحكيم Hus شكرا .. شكرا مشان أخوية .. شكرا مشان رجعة أخوية دائما بالرغم من الحجب والتهكير والمشاكل التقنية .. وشكرا لانك عم بتطل من الوقت للتاني بالرغم من مشاغلك .. بس نحنا طمعانين بوجودك أكتر (شو بدك تعمل بهالشلة الطماعة) ..
وشكرا لكل الادارة اللي معو والأمناء والمحاربون القدامى والمشرفين والمنسقين (ما عدا انا ) ... فرداً فرداً دون استثناء ..

بدي ابدا باني اشكر شخصين تلات .. صرلهم فترة منقطعين عن أخوية أو كتير قليلة مشاركاتهم .. رجعو وعم يتواجدو وعم يشاركو .. وهني :
Majood شكرا لانك موجودة وبيناتنا وعينك دائما علينا ولو انو حابين تشاركي معنا أكتر وأكتر كمان ...
yass أنا ما بعرفك منيح وكان صرلك مدة غير متواجد .. بس بشكرك كتير انك موجود هلا وعم تشارك معنا وتتحفنا بآراءك الحلوة ..
Sezar سيزار صرلك فترة موجود ومو موجود .. بس عم حس من جديد انك عم تتواجد وعم تشارك .. شكرا الك ..

وبدي عاتب كمان شي شخصين تلاتة اربعة خمسة ستة سبعة ..
Hanny dagher هاني لازم ترجع عأخوية متل الأول .. ما بنستغني عنك وعن هضامتك .. يلا .. بدنا نحشش سوا متل زمان .. شو يعني بحشش لحالي .. هانيييييييييييييييييييييي ييي .. ارجع ..
Sweetbaby سمعت اشاعة انو ما عاد فوتي عأخوية متل الفترة الماضية .. نحنا ما صدقنا ورجعتي ... ما تتركي وما تغيبي وما تخففي .. بدنا عطول تطلي .. وتطولي وتنطي من قسم لقسم وتحلي أخوية بطلتك ..
Butterfly وكمان سمعت اشاعة عنك .. وفعلا ما عم تفوتي متل أول .. اذا بصدق هالاشاعة على الكل .. ما بصدقها عليكي .. انتي معقولة ؟؟؟ .. مين رح يعمل مشاكل وينق ويحط ويشيل ويعمل وينطوط .. ويخلينا نقرا ونكتب ..انت بترضي يصير فينا هيك!
Maher 4x4 وينك .. ؟ بعلمي عم تفوت وتروح وتجي بأخوية .. فجأة اختفيت .. اذا مفكر انو تغيب .. بتكون غلطان .. بنعلن حالة الطوارئ وبنشغل كل سيارات أخوية لندور عليك ..
Chefadi بعرف انك مشغول بس اشتقنا لمشاركاتك خصوصي بالمنبر .. يعني كنت بقول زمان انو هالفادي بيجي بشارك وبروح بكل هدوء .. بس شو؟ بكون زرعلو شي لغم فكري أو قنبلة معنوية بالاراضي المنبرية أو الشعرية ..
Danito اشتقنا للنقاشات والردود الصاروخية .. بالمنبر أوقات كتيرة بكون مقتنعة بشي .. بقرا الرد تبعك وبطنط بوجي كلمة أو جملة من ردك .. بصفن وبعيد تفكير .. عطول في شي جديد عندك .. بدنا هالجديد ..
The light غيابك طال .. ولما رجعت ما رجعت متل أول.. ما بتتزكر المنبر وطق الحنك بالسقيفة .. والخناق والهداية والبلد .. كنا وقتها لا برتقالي ولا أخضر .. كانت ايام حلوة بكل شي فيها ..

وفي مجموعة اذا عم بطل .. ما عم تشارك .. وازا عم تشارك .. فبالقليل القليل .. وفعلا ما عندي اي فكرة عن سبب غيابهم أو مشاركاتهم الاقل من قليلة وفي منهم ما بعرفهم منيح بس كانو موجودين وهلا ما كتير عم يشاركو يعني مو متل الأول .. حابة قلهم انو ما بنستغني عنكم و مشكورين علي قدمتو لأخوية .. بس نحنا عم نشتاق ..

dot, Geeny, layla, marioma elghzayala, tiger, kakaboda, yamen_h , Spector, hashtnasht,توت توت توت .

وفي ناس عم بطل وتشارك .. بس بالحقيقة انا حاسة أنهم موجودين ومو موجودين .. يمكن ملو .. يمكن تعبو .. بس الأكيد أنو ما تفكرو ابدا بانو تغيبو ..

Reemi, Willi, Syrian_Angel, costa,امرأة من ورق، سرسورة، كهربجي.

وفي أعضاء للاسف غابو بطريقة أو بأخرى وأنا عم اتزكرهم وقول بحالي لو بيرجعو .. اشتقت للنقاش معهم والمواضيع الساخنة .. والرواق ..

MR.SAMO, me2,Tulip, raw , ابو مزيد، ابو طريق ، وائل76 ..

أنا بعرف اني ما زكرت الكل .. بس الكل بقلب أخوية .. منهم غابو من زماااان ويمكن كتير منهم ما بنعرفهم .. لكن كمان بشكرهم ويا ريت اللي بيقدر يرجع فيهم يرجع يطل ويشارك ..

ما بعرف اذا قدرت اوصل الفكرة وما بعرف اذا حدا رح يشوف الموضوع أو ما يشوفو .. من فترة بدي فش خلقي وبدي قول هالحكي لكل واحد منهم ..
مشان تضل أخوية متل ما بنعرفها ..
الشي اللي عم نقضي فيو بالقليلة تلات اربع ساعات باليوم أو أكتر واللي كنتو انتو تقضو فيو متل هالوقت أكيد بيستاهل انو نشتغل عليها ونشارك فيها ..

بعتذر اذا نسيت حدا من الغايبين أو الحاضرين .. تزكرو معي ..

[وشم الجمال]

انا ما الي كتير باخوية كلها شهرين ونص بالكتير
بس اللي اشتقت لطلاتهم هم
الوطواط
alwar
واحد سوري
demon0086
وما بعرف مين كمان
وكل شي اوهام طبعا
ودائما متألقة بمواضيعك نيرفانا

[Nirvana]

كاتب النص الأصلي : وشم الجمال

انا ما الي كتير باخوية كلها شهرين ونص بالكتير
بس اللي اشتقت لطلاتهم هم
الوطواط
alwar
واحد سوري
demon0086
وما بعرف مين كمان
وكل شي اوهام طبعا
ودائما متألقة بمواضيعك نيرفانا

شكرا الك ... لو صرلك بس يوم واحد .. أكيد رح تتعلقي بشي شغلة باخوية .. بالناس .. بالجو .. باي شي ..

[Nirvana]

بدي ازكر انسانة من معرفتي فيها بأخوية .. كانت اكتر من رائعة واشتقتلها كتير ... ري مي

[وشم الجمال]

كاتب النص الأصلي : Nirvana

شكرا الك ... لو صرلك بس يوم واحد .. أكيد رح تتعلقي بشي شغلة باخوية .. بالناس .. بالجو .. باي شي ..

انا متعلقة باشياء كتيرة
ومنها حدا اسمو نيرفانا
وربي بلا مجاملة او مبالغة انا بحبك

[Nirvana]

كاتب النص الأصلي : وشم الجمال

انا متعلقة باشياء كتيرة
ومنها حدا اسمو نيرفانا
وربي بلا مجاملة او مبالغة انا بحبك

خجلتيني
تسلميلي .. هاد من زوقك ولطفك واحساسك الحلو ...
واحلى باقة ورد لاحلى وشم الجمال

[وشم الجمال]

Odell
فسحة امل
الالهة
ماس
f_fattal
lord_tartous
ابو عبسي
محمد سنغر
صغير الشعراء
البركان
هدول انا زمان ما صادفتهم كمان واشتقت لحكياتهم

[*Marwa*]

كلشي باخوية حلو ومختلف عن باقي المواقع..انو الجو حلو.. السوريين بشكل عام نغشين

وانتي نيرفانا امورة ومواضيعك بالفعل حلوة..شكرا عاللفتة الجميلة

[بسومة]

والله عنجد عم نشتاق لناس كتار كانوا هون بالاخوية مليينها حيوية وكلشي

وهني بالقلب من جوى لانون عنجد ناس محترمين وفهمانين مهما مابتعرف ولا حدى فيون بس بتعرف ردود او مواضيعون

وتتعلق بشخصياتهون....ويتركوا آثار ماحدى يسترجي ينساهون

وانا عم اشتاق للأخوية ككـل

حتى اني لو فيها بشتقلها لاني بعرف أنو رح اترك النت هلأ

يعني عنجد الاخوية شي خيلة

ومتل ماقلتي يلي بيعيش بالاخوية ولو يوم واحد رح يتعلق بكلشي فيها خصوصي ناسها

هيومش اشتقتلك يا محششة

شو بحبــــــــــــــــــــك يا اخويـــــة

حبك عايش بالروح مابيروح

[Nirvana]

كاتب النص الأصلي : *Marwa*

كلشي باخوية حلو ومختلف عن باقي المواقع..انو الجو حلو.. السوريين بشكل عام نغشين

وانتي نيرفانا امورة ومواضيعك بالفعل حلوة..شكرا عاللفتة الجميلة

شكرا مروى .. كلك زوق

[Nirvana]

اشتقنا لـ :

ghazool وحكياتها الحلوين .. و"الشوكلاطة" ..وينك غزووووول ؟؟
Gazita الطيوبة الأمورة .. وينك يا قمر .. ؟؟
The morning ولمستها باخوية متل نسايم الصبح .. ما عم شوفك ..؟؟

[بسومة]

كاتب النص الأصلي : *Marwa*

السوريين بشكل عام نغشين

يأبرني ربك انتي شو فهمانه

اي والله الاخوية هيدى هو اللي محليــــها

تشكلي آسي أنتي

[وشم الجمال]

يا هل ترى لما غيب عنكن رح تفتقدوني؟؟؟؟؟؟؟؟؟
والا ما حدا رح يتزكرني!!!!!!!!!!!!!!!
ما أجمل أن تجد رغم بعدكك أناسا يفتقدوك ويحنون اليك

[بسومة]

كاتب النص الأصلي : Nirvana

اشتقنا لـ :

ghazool وحكياتها الحلوين .. و"الشوكلاطة" ..وينك غزووووول ؟؟
Gazita الطيوبة الأمورة .. وينك يا قمر .. ؟؟
The morning ولمستها باخوية متل نسايم الصبح .. ما عم شوفك ..؟؟

اي يا محلى أيامك يا غزلان اي شو اشتقتلهاكومايات

واشتقنا للصبحية المروقة من عند المزوقة ذ مورنينغ
وهامش تبعها مايا* اشتقتلك

واشتقنا ل إ ل ي ن د يا الله


وكمان حســـــــونة اغلى حكومه اشتقتلو كتيــــــــــــــــــــــ ر

والله رح ابكي من كتير مني مشتاقة

والله يانيرفانا فتحتي القلوب هون و خليتي الدموع تحكي

[بسومة]

كاتب النص الأصلي : وشم الجمال

يا هل ترى لما غيب عنكن رح تفتقدوني؟؟؟؟؟؟؟؟؟
والا ما حدا رح يتزكرني!!!!!!!!!!!!!!!
ما أجمل أن تجد رغم بعدكك أناسا يفتقدوك ويحنون اليك

عندك شك بهل الحكي

[COSTA]

فلاش باك ما عاد فات من زمان ...
كان معي رقمو بس للاسف ضاع وقت غيرت تلفوني ......
كانت مشاركاتو حلوة ومهضومة
يسلمو Nirvana

[Nirvana]

كاتب النص الأصلي : وشم الجمال

يا هل ترى لما غيب عنكن رح تفتقدوني؟؟؟؟؟؟؟؟؟
والا ما حدا رح يتزكرني!!!!!!!!!!!!!!!
ما أجمل أن تجد رغم بعدكك أناسا يفتقدوك ويحنون اليك

طبعا بنتزكرك وبنشتقلك كمان .. بس ما تجربينا ..

[Nirvana]

كاتب النص الأصلي : بسومة

والله يانيرفانا فتحتي القلوب هون و خليتي الدموع تحكي

خلينا نتزكر كلنا سوا .. هيك ونتمنى انو الكل يرجع