علم الوطن شو بيعني

[phoenixbird]

هذا هو احد الرموز الوطنية للسيادة العلم

كتار منا ضربوله تحية وقت كنا بالمدرسة وبالجيش وكتار منا رفعوه بغرفون وعلى شرف بيوتون وكتار من اللي قاعدين برا اول شي حملوه معون هو العلم

العلم يرمز للوطن الوطن الكامل بكل متر منه وكل شخص عايش فيه واخد جنسيته
ما بيرمز لشخص ولا لفئة ولا لدين

ما رح طق حنك كتير بالادبيات بس شو اللي بيعنيه العلم لكل منا ؟

اول شي خليني خبركون شوي عنه

العلم اعتمد سنة 1982 وهو نفسه علم الجمهورية العربية المتحدة سنة1958 وبشكل عام الوان العلم تبدلت قبله بالترتيب بس ضلت الالوان مثل ما هيي

الابيض للعهد الاموي
الاسود للعهد العباسي
الاخضر للفاطمي والخلفاء الراشدين
الاحمر النضال العربي ودم الشهدا

وهدول هني كمان الوان معظم الدول العربية اللي اخذت من الثورة العربية الكبرى

[phoenixbird]

بدي بس قول شي

يا ريت نناقش بموضوع العلم وبس

[yass]

و الله يا حبيب قدسيّة العلم من قدسيّة البلد عندك... يعني هو رمز للبلد و ما يمثّله البلد في داخلك

أنا شخصيا معلقو بغرفتي

[phoenixbird]

شرحه قدسية العلم من قدسية البلد

[mams_civil]

شكرا على موضوعك

شو معنى النجمتين؟

[phoenixbird]

حالة الاتحاد العربي هيك تعني النجمتين

[COSTA]

تسجيل متابعة

[Syrian Gay]

وين رموز العصور القديمة ؟

وليش لنتحمل حالة الاتحاد العربي ونحترمها وهي وهم ؟

انا محترم هالعلم لأنو هو هللا مطبق حالياً .. بس لو حدا اخد رأيي بتغييروا بكون اول الموافقين ..


كنان

[صياد الطيور]

العلم شغلة كبيرة ..

لما بروح عالسفارة السورية .. و بيبلش تعب القلب و المشاكل من الموظفين
الشي الوحيد الي بيفتحلي قلبي هو علم سوريا ..

علم سوريا معي وين ما رحت .. بيبتي .. على سيارتي و بمكتبي ... و على صدري حاطط شعار بخريطة سوريا و علم الوطن ..


حماك الله يا سوريا

[yass]

كاتب النص الأصلي : Syrian Gay

وين رموز العصور القديمة ؟

وليش لنتحمل حالة الاتحاد العربي ونحترمها وهي وهم ؟

انا محترم هالعلم لأنو هو هللا مطبق حالياً .. بس لو حدا اخد رأيي بتغييروا بكون اول الموافقين ..


كنان

فهمان كلامك... لكن هذه الامور أعتقد يمكن ابرازها (قصدي المميزات التاريخية و هيك) برموز اخرى وطنية متل الدستور و هيك.... صعب انو بعلم واحد نحط كل شي بدنا بنرزو عن البلد, و عادة ما يكون العلم نتيجة الحقبة التاريخية اللي انعمل فيها.

مثلا ضمن الشعار اللي بعلم اسبانيا موجودة رموز فقط خمس مقاطعات من أصل 18, و غرناطة حاطيلها الرمز العربي تبعها , يللي هو ثمرة رمان صغيرة..

حاسس حالي حكيت كتير عالفاضي ما هيك؟؟ حدا فهم علي شي؟

[phoenixbird]

اي اساسا العلم انا قلت اعتمد بشكله العام من ايام الثورة العربية الكبرى وكتار الدول اللي اخدته بس عدلت شوي متل الاردن الامارت السودان سوريا العراق فلسطين الكويت مصر اليمن

يعني وقت اعتمد كان نتيجة حقبة تاريخية مروا فيها العرب بانتصارات كالدولة الاموية والعباسية والراشدية

هيك بظن

[Nabilove]

كنت قريت من زمان ان اللون الاسود و الاحمر و الابيض و الاخضر منفردين كانت الوان لاعلام قبائل عربية و في معركة ذي قار لما توحدوا ضذ الفرس جمعوا كل الالوان في علم واحد تعبيرا عن الوحدة ومنذ ذلك الوقت اعتبرت تلك الالوان رمزا للبلدان العربية

[phoenixbird]

لا اظن ذلك

[sezar]

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[phoenixbird]

عمي سيزر اللينك اللي حطيته بعتذر منك بس ما فتح عندي معليه تقللي شو هو

[phoenixbird]

ابو السيز الكلام بالللينك شفته وهو اللي اعتمدته فلسطين والاردن باعلامون
بس بتذكر هيك تعلمنا بالمدارس

[ASH]

قصتي مع العلم طويله و كبيره

سنة اعتماد العلم سنة مولدي و هاد شرف الي ، بس يا رتني اعرف اي شهر تحداد تم اعتماد العلم ..

بالنسبه الي علم سوريا عندي واحد فوق تخت مباشرة واحد علخزانه ، واحد تاني علطاوله جنب تختي و العلم الرابع ناح الكمبيوتر ، وهلا بدي جيب علم خامس بس انزل كمان للغرفه عندي

بدي جيب علم للسياره بس يكون متل فرش ...

لو بحسن ولح احسن قريبا بدي اوشم العلم على كتافي على شكل جناحين ...

بس شوف العلم صدقوني بفتخر بهل شي لانو هاد الشي من المقدسات عندي بكل ما للكمله من معنى ..

وبتوقع كل مين شاف صوري شاف حجم العلم يلي حاطو علحيط ....

شكرا ابو الكن علشرح ، بالفعل موضوع مميز ، و بيستحق يتقيم على انو ممتاز

تحياتي للجميع

[COSTA]

كان القدماء يرفعوا الاعلام كراية ورمز الون بيدل عليهون
ايام الرومان كان يرفعوا شعارات ومنها النسر على شكل باسط جناحو ويرفع على حربة
والبيزنطيين كان في احزاب بالقسطنطينية عددها اربعة وكل حزب الو علم خاص فيه ولن واحد خاص فيه والالوان كانت ابيض واخضر واحمر وازرق ...... وكتير من الامبراطوريات القديمة رفعت اعلام وعليها شعارات ايضا

كاتب النص الأصلي : yass

فهمان كلامك... لكن هذه الامور أعتقد يمكن ابرازها (قصدي المميزات التاريخية و هيك) برموز اخرى وطنية متل الدستور و هيك.... صعب انو بعلم واحد نحط كل شي بدنا بنرزو عن البلد, و عادة ما يكون العلم نتيجة الحقبة التاريخية اللي انعمل فيها.

مثلا ضمن الشعار اللي بعلم اسبانيا موجودة رموز فقط خمس مقاطعات من أصل 18, و غرناطة حاطيلها الرمز العربي تبعها , يللي هو ثمرة رمان صغيرة..

حاسس حالي حكيت كتير عالفاضي ما هيك؟؟ حدا فهم علي شي؟

بالنسبة للحقبة التاريخية هون بدي نوه على شغلة انو العلم السوري ومتل ما شرح كنان بيرمز لعهود اسلامية

الابيض للعهد الاموي
الاسود للعهد العباسي
الاخضر للفاطمي والخلفاء الراشدين
الاحمر النضال العربي ودم الشهدا

طيب هدول العهود مقارنة مع غير عهود مريت عليها سورية اذا منجمعون بيطلع عننا الفترة الزمنية لحقبة وحدة اكتر بكتير من العهود هي ....
طيب وين بقية العهود بالعلم ؟؟ رغما انو اثارها موجودة بسوريا وبكثرة ....
وسوريا بتشمل عدة اعراق وطوائف ومذاهب وكلون بينطووا تحت اسم سوريا وتحت العلم السوري
ليش العلم بيمثل طائفة واحدو فقط وبيقية الطوائف ما اخدت حقها من العلم رغم انها نسيج من المجتمع السوري وموجودة فيه متل اي طائفة اخرى
طبعا انا ما عم انشر لدعاية طائفية بكلامي بس الموضوع صار وانطرح السؤال عليي هون بالاخوية من فترة قريبة
ورديت عليه وفي ناس فهمتني غلط
كل يللي بقصدو من كلامي انو العلم بيمثل دولة سوريا وهي الدولة بيمثلها شعبها ....
وشعبها مجتمع موجود بكل اطيافو .... بس طائفة وحدة يللي ممثلة بالعلم

بتمنى ما يتفهم كلامي بغير طريقة .....