في الذكري السادسة ل11 سبتمبر

[اممي]

متل ماتذكر كانها كانت امبارح منظر الطيارة التانية وهيه عم تفوت ببرج التجارة العالمي ..
مابخفيلكن بوقتها انبسطت كتير لاني حسيت ان اجا اليوم الي الامركان ذاقو فيه الي عم نذوقو ..
صراحة بعد ماازداد وعي صرت بتعامل مع هالحادثة باسلوب تاني وبعيدا عن تبعاتها والويلات الي جرتها عالمنطقة
هالاستفتاء اليوم الهدف من ان نعرف شو انطباع و موقف الشباب العربي من هالعملية
الارهابية/الاستشهادية
لاتحرمونا من تعليقاتكن

[mey]

و الله موضوع كتير حلو
بالنسبة الى اول شي كنت كتيير مبسوطة و فرحانة انو امريكا انكسرت شوكتها
بس بعدين بعد ما تابعت التقارير و عن اللى ماتو انزعجت كتيرو انا شخصيا باعتبرها عملية ارهابية مو استشهادية
بعدين بعض التقارير و المنطق عم يقولو انو لولايات المتحدة كانو عارفين بها الشي و سمحو بحدوتو مشان يكون الهم حجة فى الحرب فرضا عالارهاب يعنى القصة فيها ان

[handsome]

لا عملية ارهابية ولا استشهادية ولا بطيخ مبسمر

حركة مخططلة من زمان
مشان تكون الاساس لبدء الحرب ضد الارهاب
والعرب والمسلمين وكل الي شاركو فية .. ما بعتقد انون غير كانو عالم ملعوب بعقلون ( متل كل هالجماعات الغبية ) وهني بس كانو اداة التنفيذ .. والي خطط لهالشي هني اكبر من اسامة ومن جماعتو بكتير
الواحد بس فينو يتخيل شلون كنا منكون هلق لو ما كانت طالعة كل هالقوانين والمفاهيم والاتفاقيات و... تبعيت محاربة الارهاب؟
شو كان صار بافغانستان هلق ؟ شو كان صار بالعراق؟ شو كان صار بالقوات الامريكة الي موزعة قواتة هلق بالعالم كلو متل لعبة الريسك؟

الشغلة مانا شغلة تنظيم. الشغلة شغلة مصالح دولية

[اممي]

يسلمن عالمشاركات بس لاتنسو التصويت

[*Marwa*]

كاتب النص الأصلي : اممي

متل ماتذكر كانها كانت امبارح منظر الطيارة التانية وهيه عم تفوت ببرج التجارة العالمي ..
مابخفيلكن بوقتها انبسطت كتير لاني حسيت ان اجا اليوم الي الامركان ذاقو فيه الي عم نذوقو ..
صراحة بعد ماازداد وعي صرت بتعامل مع هالحادثة باسلوب تاني وبعيدا عن تبعاتها والويلات الي جرتها عالمنطقة
هالاستفتاء اليوم الهدف من ان نعرف شو انطباع و موقف الشباب العربي من هالعملية
الارهابية/الاستشهادية
لاتحرمونا من تعليقاتكن

شكرا عالموضوع
لك وانا اول ما شفت الطيارتين والابراج فرحت بس على المدى البعيد طبعا لاااااااااااا
بعدين لك اي طيارة وما طيارة شكلك بتصدق افلام هوليوود انتي؟!!
لك ازا الاميركان نفسهن مش مصدقين انو بن لادن عملها انتا بتصدق؟
اقسم بالله عندي بال myspace اجانب (مش مسلمين) بيبعتوا دائما فيديوهات بتفضح اسرار هالعملية لك كتير من الشعب مؤمن انو هالعملية عملية امريكية!
بعدين ولنفرض انو اتباع بن لادن عملوها فهي اولا مش عملية استشهادية هاد اسمو انتحار والانتحار حرام (هاد ازا هني بالاساس مسلمين ) تانيا هالعملية مهدت لامريكا كتير ولسياستها ضد المسلمين فهي بتتذرع باضهادها النا بانو المسلمين ارهابيين ف برافو على بن لادن حبيب امريكا والله امريكا بتموت على بن لادن
بعدين خيا انتي شفت الفيديو الجديد تبع بن لادن؟ لك والله في كتير تساؤلات حواليه! شنو كان مبين عليه الاخ بن لادن مصحصح اكتر وشاب اكتر مع انو المفروض بشخص بهرب من الملاحقة الامريكية يكون تعبان
يعني دراما امريكية بتجنن
قال قاعدة قال اي والله كلو واحد ما في فرق بين القاعدة والسياسة الامريكية

تحياتي

[وشم الجمال]

لا أعلم إن كان الثأر هو المنطق الذي أتكلم به ولكني فرحت لأنهم تكبدوا الخسائر الكثيرة وذاقوا بعض ما ذاق العرب ، قد يكون الأمر قاسيا لأن هناك الكثير من الأبرياء الذين ذهبوا ضحايا لأمر لا يد لهم به ، ولكنه عالم لا بد له من ضحايا ولكن من منطلق اخر نحن الى الان ليس بامكاننا ان نبت في ان هذا انتصار عربي لتعدد الاراء فمنهم من يقول انهم المجرمون العرب ومنهم من يقول اسرائيل ومنهم من يقول خطة امريكية بعيدة المدى ، ولكن في جميع الاحوال نبقى منتظرين انتاج هذا التاريخ وما سيقرؤه الاجيال بعد مئة عام .

[اب حمرا]

عملية اجرامية ذهب ضحيتها 2000 انسان بريء & افغانستان & العراق و شي 3 او 4 بلاد عربية عل طريئ الله اعلم

[handsome]

كاتب النص الأصلي : اممي

يسلمن عالمشاركات بس لاتنسو التصويت

زكاتك اذا بتلحق تعدل .
حطلنا اسا احتمال انو جريمة امريكة!!!

[Government]

عملية بطولية برهنت للامبريالية ان الشعوب قادرة على الثورة

احسن وصف لالى هادا

[handsome]

كاتب النص الأصلي : GOVERMENT

عملية بطولية برهنت للامبريالية ان الشعوب قادرة على الثورة

احسن وصف لالى هادا

ثورة؟؟
وين شفت ثورة انت بالموضوع؟

بس يموت ملون واحد واحد افغاني وعربي

وامريكا تسحب نفط من العراق وافغانستان عكيفة ووبلاش , هاي هيي الثورة؟

زكاتك شرحلي ووضحلي كيف هال الشي الي صار كان " عملية بطولية برهنت للامبريالية ان الشعوب قادرة على الثورة"
لك لا تكون مخربط , وعما تحكي عن الثورة العربية الكبرى مثلا؟

[اب حمرا]

كاتب النص الأصلي : GOVERMENT

عملية بطولية برهنت للامبريالية ان الشعوب قادرة على الثورة

احسن وصف لالى هادا

برافو برافو برافو برافو برافو

[اممي]

هلق انا مابعرف ليش نحنا شعب مسحور بنظرية الموامرة يعني
المجازر الي صارت بالجزائر هي كمان عملوها الامريكان والجرائم الي ارتكبتها طالبان بحق العزل والاطفال هي كمان عملتها الامبريالية
طيب يعني نحنا شعب كتير حبوب ومافي متلنا ؟
نرجع شوي لتاريخنا المجيد المذابح الي عملوها المسلمين المتطرفين بالعلوية والشيعة والدروز هي كان للحركة الصهيونية دور فيها والجرائم الي ارتكبت بالاندلس علة ايد اجدادنا كمان هي كذب وغيرو وغيرات
اليوم كل يوم عم ينقتل اكثر من 100 واحد بالعراق من خلال ناس عم تفوت علة سوق لتفجر حالها هدول روبوتات امريكية ما هدول كلهم ناس من عنا بس القصة قصة تطرف
انا بكره النظام الاميركي وبكرة كل الانظمة الامبريالية بس انا مابسقطها اني بقعد كذب على حالي
الطيارات قادها عرب والي انتحرو كانو من طالبان راح يجي حدا يقلي ان بتحريض اميركي طيب شي دليل واحد على هالمؤامرة..لك الله يرحم تراب بيك يازياد (مؤامرة عملتها علينا الامبريالية والدول العميلة من اجل شق الصف ..لك بس شو هيه هالمؤامرة بدياهن بالاسماء مع كل الوثايق)

[Willi]

عملية اجرامية, مخططها مجرم, ومنفذها مجرم, واللي ساعدهون مجرم, والعرب متخلفين و حمير

[*Marwa*]

كاتب النص الأصلي : اممي

هلق انا مابعرف ليش نحنا شعب مسحور بنظرية الموامرة يعني
المجازر الي صارت بالجزائر هي كمان عملوها الامريكان والجرائم الي ارتكبتها طالبان بحق العزل والاطفال هي كمان عملتها الامبريالية
طيب يعني نحنا شعب كتير حبوب ومافي متلنا ؟
نرجع شوي لتاريخنا المجيد المذابح الي عملوها المسلمين المتطرفين بالعلوية والشيعة والدروز هي كان للحركة الصهيونية دور فيها والجرائم الي ارتكبت بالاندلس علة ايد اجدادنا كمان هي كذب وغيرو وغيرات
اليوم كل يوم عم ينقتل اكثر من 100 واحد بالعراق من خلال ناس عم تفوت علة سوق لتفجر حالها هدول روبوتات امريكية ما هدول كلهم ناس من عنا بس القصة قصة تطرف
انا بكره النظام الاميركي وبكرة كل الانظمة الامبريالية بس انا مابسقطها اني بقعد كذب على حالي
الطيارات قادها عرب والي انتحرو كانو من طالبان راح يجي حدا يقلي ان بتحريض اميركي طيب شي دليل واحد على هالمؤامرة..لك الله يرحم تراب بيك يازياد (مؤامرة عملتها علينا الامبريالية والدول العميلة من اجل شق الصف ..لك بس شو هيه هالمؤامرة بدياهن بالاسماء مع كل الوثايق)

ما تتطلع عالمسالة من طرف واحد ازا بدك تحكي عالجرائم فما في متل الغرب والصهاينة بالجرائم وعندك امثلة لا تعد ولا تحصى هتلر متلا او الصهاينة واللي عملوه باجدادي ..ما تتطلع من منظور واحد للمسالة ازا بترجع للتاريخ وبتشوف الحملات الصليبية والحروب العالمية بتلاقي انو المسلمين المتطرفين ما عملوا شي مقارنة بغيرهن (وهالحكي مش بس انا بحكي لا هاد كلام كبار المستشرقين)
وانتبه انو الجرائم كانت بايدي مسلمين متطرفين يعني ما بمتلوا الاسلام الصحيح!
متلا مين منا اليوم بعرف انو الصهاينة عم يمارسوا ابشع الجرائم بالضفة ؟؟ طبعا كلكو بس بتعرفوا جرائم فتح وحماس.. لانو هيك الاعلام بدو ياكون تعرفوا وتشوفوا!
ازا الاعلام عم بغطي بس ارهاب الاسلاميين وبتجاهل ارهاب الغربي والصهيوني وبدنا نحكي انو هاي مش مؤامرة ..معناها ما ضل شي اسمو مؤامرة !!

تحياتي

[Willi]

كاتب النص الأصلي : Willi

عملية اجرامية, مخططها مجرم, ومنفذها مجرم, واللي ساعدهون مجرم, والعرب متخلفين و حمير

ومؤيديها مجرمين هاي نسيتا

[اممي]

كاتب النص الأصلي : *Marwa*

ما تتطلع عالمسالة من طرف واحد ازا بدك تحكي عالجرائم فما في متل الغرب والصهاينة بالجرائم وعندك امثلة لا تعد ولا تحصى هتلر متلا او الصهاينة واللي عملوه باجدادي ..ما تتطلع من منظور واحد للمسالة ازا بترجع للتاريخ وبتشوف الحملات الصليبية والحروب العالمية بتلاقي انو المسلمين المتطرفين ما عملوا شي مقارنة بغيرهن (وهالحكي مش بس انا بحكي لا هاد كلام كبار المستشرقين)
وانتبه انو الجرائم كانت بايدي مسلمين متطرفين يعني ما بمتلوا الاسلام الصحيح!
متلا مين منا اليوم بعرف انو الصهاينة عم يمارسوا ابشع الجرائم بالضفة ؟؟ طبعا كلكو بس بتعرفوا جرائم فتح وحماس.. لانو هيك الاعلام بدو ياكون تعرفوا وتشوفوا!
ازا الاعلام عم بغطي بس ارهاب الاسلاميين وبتجاهل ارهاب الغربي والصهيوني وبدنا نحكي انو هاي مش مؤامرة ..معناها ما ضل شي اسمو مؤامرة !!

تحياتي

انا ماحكيت ان الاسلام هو الي عم يادي الي القتل بل انا حكيت التطرف
انا بكره الامبرياليه والامبرياليه شي متطرف بالاستيلاء على كل شي بيملك الاخر
التطرف مجرم بكل هويات واشكال
ثم جرائم الاخرين ما بتبرئ جرائمنا ولابتجيرها باسمهن
نحنا بسوريا عانينا متلنا متل غيرنا من هالمجرمين وراح عنا شهداء علة ايادي المتطرفين ومثال عليها الازبكية والي عمل هن هنيك
بالنهاية تحويل جرائم المتطرفين وتبرئة ساحتهم بيدفع ليبالغو اكثر بتطرفهن ومن هون انا بومن ان الي بيدافع عنن هو مشارك معن بكل الدم الي عم يريقو

[اممي]

بتعرف ليش العالم ماعادت بتميز بين الامريكي والصهيوني وتبعوت القاعدة(الوهابين) ؟
لانن كلهن بيمثل نفس الشي ...الكره الحقد والتعصب الاعمي
كلهن اعداء للانسانية والانسان

[*Marwa*]

كاتب النص الأصلي : اممي

انا ماحكيت ان الاسلام هو الي عم يادي الي القتل بل انا حكيت التطرف
انا بكره الامبرياليه والامبرياليه شي متطرف بالاستيلاء على كل شي بيملك الاخر
التطرف مجرم بكل هويات واشكال
ثم جرائم الاخرين ما بتبرئ جرائمنا ولابتجيرها باسمهن
نحنا بسوريا عانينا متلنا متل غيرنا من هالمجرمين وراح عنا شهداء علة ايادي المتطرفين ومثال عليها الازبكية والي عمل هن هنيك
بالنهاية تحويل جرائم المتطرفين وتبرئة ساحتهم بيدفع ليبالغو اكثر بتطرفهن ومن هون انا بومن ان الي بيدافع عنن هو مشارك معن بكل الدم الي عم يريقو

الله وكيلك ما عم دافع عنهن ولا عن التطرف
بس انا بقول انو الانسان لازم يشوف الشي من كل النواحي والامكانيات وانو ما يكون في تحيز يعني متل ما بكره القاعدة كمان بكره جورج بوش! ومتل ما بحكي على اعمال المتطرفين الاسلاميين كمان ما انسى افعال الغرب والصهاينة! وهاد ما بقول انو اعطي تبرير لافعال المتطرفين بس انو شي بزعج انو الانسان بشوف بس افعال غيرو!!
بس طبعا ما بنكره الامريكان ولا اليهود لانو مش كلهن صهاينة بالعكس في منهن طيوبين

وتحياتي الك