أنت مع قانون الإعدام ..

[Syrian Gay]

هل أنت مع عقوبة الإعدام .. سؤال بس جوابك ألو ممكن يلعب دور كبير بحياة أفراد ممكن يكون غلطو غلطة بس طلع عقوبتها وخيمة

وحط محلك بدال هالشخص يللي بدو يتعرض للإعدام

او حط محلك محل يللي بدو يصدر حكم الإعدام وكيف انك حكمت على شخص انو يموت

عطينا رأيك بعيد عن الدين

وطبعاً هو مطلب أساسي من مطالب حقوقي الإنسان بالعالم

وجهة نظر معارضي عقوبة الإعدام، تتركز في أنها انتهاك لقدسية الحياة التي لا يحق لأحد أن يزهقها سوى الخالق، وأنه يمكن استبدالها بعقوبات لا تحمل طابع الثأر والانتقام، بل طابع التأهيل والعلاج، كما في عقوبة السجن التي يمكن فيها إعادة تأهيل المتهم الذي عادة ما يكون شخصاً غير سوي وغير متوازن نفسياً وانفعالياً، الأمر الذي يجعل إعدامه شكلاً من أشكال الإجحاف بحقوقه في العلاج وإعادة التأهيل.

طبعاً أنا ضد عقوبة الإعدام بأي شكل من الأشكال

[betty_palestine]

والله انا ضد اعدام صدام وانا كتير حزنت عليه وكنت بتابع جلسات المحكمة وبصراحة بكلمة وحدة بينوصف انو زلمة وهاد ما انعدم بس لانو بشكل خطر على اميركا

[Syrian Gay]

كاتب النص الأصلي : betty_palestine

والله انا ضد اعدام صدام وانا كتير حزنت عليه وكنت بتابع جلسات المحكمة وبصراحة بكلمة وحدة بينوصف انو زلمة وهاد ما انعدم بس لانو بشكل خطر على اميركا

هللا بعيد عن إعدام صدام وعن السياسة وكمان انا ضد إعدام صدام كوني ضد الإعدام بأي شكل من الأشكال

بس نحن هون عم نحكي من الناحية الإنسانية

اهلين بيتي

[betty_palestine]

اها الانسانية اوكي يسلمو عالموضوع الحلو

[samsoum]

شكرا عالموضوع
انا ضد الاعدام بكل اشكاله، و ضد قرار انهاء حياة انسان من قبل انسان آخر
عادة أي عقوبة بحق شخص ما، بتكون لردعه عن تكرار المخالفة، وبالتالي بتكون درس لغيره من الناس لحتى مايوقعو بنفس الخطأ وينالو نفس العقاب
بس المشكلة انو عم نشوف ونسمع عن جرائم تكررت مئات وآلاف المرات، وتحديدا جرائم القتل اللي غالبا مابيتم تنفيذ عقوبة الاعدام بحق مرتكبيها، هللأ في ناس بيخافو وبيتعلمو، بس بالمقابل في ناس مابيتعلمو وهدول هني اللي بيرتكبو الجرائم
أكيد مافينا نقول انو كلهم مرضى وغير سويين وعندهم مشاكل نفسية .. الخ كمبرر لارتكاب جرائمهم، لأنو كتار من المجرمين واعيين تماما وعرفانين شو عم يعملو ولازم ينالو جزاءهم
مابدي طول بالحكي
بالمختصر المفيد انا مع عقوبة السجن مدى الحياة بدل عقوبة الاعدام
وسلامات

[yass]

موضوع ممتاز

أنا ضد عقوبة الاعدام دون شك. لأن الاعدام يمحي أي فرصة لاصلاح الخطأ في حال اتهام شخص برئ. و بصراحة اشمئز عندما أقرأ في الصحف الالكترونية خبر أي جرم كان (ولو حتى سرقة دجاجة) و أرى عشرات التعليقات لا تطلب الا الاعدام بساحة عامة... لماذا هذه السادية و عشق الدم؟؟

[maged-syrian]

أنا ضد الاعدام في حال كان القتل غير متعمد من طرف القاتل ... أما إن كان القاتل محترف وقام بعمليات قتل وجرائم شنيعة أخرى روعت المجتمع فأنا أؤيد اعدامه وبشدة باعتبار انه خطر على أمن المجتمع ... وليكن عبرة للآخرين الذين يفكرون في الاقدام على نفس الخطوة

[maged-syrian]

كاتب النص الأصلي : Syrian_Gay

طبعاً أنا ضد عقوبة الإعدام بأي شكل من الأشكال

احترم وجهة نظرك
لكن سؤالي لك هنا ,, لاسمح الله ان قام أحد المجرمين بالاعتداء على احد من اقربائك وقام بقتله ,, وتم القاء القبض على هذا المجرم وصدر الحكم الشرعي من المحكمة باعدامه بعد التأكد من جميع الدلائل ,, وتم التأكد أيضا من أن هذا المجرم قد قام بعمليات قتل أخرى مع أناس آخرين ,, سؤالي لك هنا : هل تعفو عن هذا المجرم وتسقط حقك الخاص ؟؟ !!

وبحال انك عفوت عنه !! باعتبار انك ضد عقوبة الاعدام
الاترى انه بعفوك هذا قد قمت بتحفيز المجرمين الاخرين للقيام بالاعمال الاجرامية !!

[Syrian Gay]

كاتب النص الأصلي : maged-syrian

احترم وجهة نظرك
لكن سؤالي لك هنا ,, لاسمح الله ان قام أحد المجرمين بالاعتداء على احد من اقربائك وقام بقتله ,, وتم القاء القبض على هذا المجرم وصدر الحكم الشرعي من المحكمة باعدامه بعد التأكد من جميع الدلائل ,, وتم التأكد أيضا من أن هذا المجرم قد قام بعمليات قتل أخرى مع أناس آخرين ,, سؤالي لك هنا : هل تعفو عن هذا المجرم وتسقط حقك الخاص ؟؟ !!

وبحال انك عفوت عنه !! باعتبار انك ضد عقوبة الاعدام
الاترى انه بعفوك هذا قد قمت بتحفيز المجرمين الاخرين للقيام بالاعمال الاجرامية !!

طبعا رح أعفوه من الإعدام حتى مثلاً لو كان قتل أبني

بس ما بعيفو طليق يفتري على غير عالم
لازم يكون تأهيل لهل الشخص او حكم مؤبد لأن اذا ابني او قريبي انقتل مو ضروري ينقتل المجرم كمان ويللي رح يخلي اهلو للمجرم كمان يزعلو وأكيد هني احسن منو بس يعني مافي حدا ما يزعل على ابنو او ابوه لو شو ما كان وبهل الحالة رح يحل السواد عل العيلتين

وطبعاً بما انو انا بأمن بالله فأكيد ما رح قول الله يسامحو لأن انا ضد انو انهي حياة هالشخص بالدنيا بس بطلب من الله انو يعاقبو هو بالاخرة بما انو هو خلقو

اهلين مجودة

[maged-syrian]

كاتب النص الأصلي : Syrian_Gay

طبعا رح أعفوه من الإعدام حتى مثلاً لو كان قتل أبني

بس ما بعيفو طليق يفتري على غير عالم
لازم يكون تأهيل لهل الشخص او حكم مؤبد لأن اذا ابني او قريبي انقتل مو ضروري ينقتل المجرم كمان ويللي رح يخلي اهلو للمجرم كمان يزعلو ويحل السواد عل العيلتين

وطبعاً بما انو انا بأمن بالله فأكيد ما رح قول الله يسامحو لأن انا ضد انو انهي حياة هالشخص بالدنيا بس بطلب من الله انو يعاقبو هو بما انو هو خلقو

اهلين مجودة

يبعتلي حمص شو قلبك طيب

ياريت كل الناس عندها قلب طيب متلك كنا عشنا بخير وسلام
اهلين فيك ابو رامات

[بنفسجة]

والله اذا كان يستحق الاعدام فانا مع الاعدام كمثل ذلك الرجل اللذي اعتدى على الطفلة ذات 4 سنوات
بشكل عام انا لا احبذ الفكرة لكن احيانا بتمر حالات مابتقدر الا انو تتمنى الاعدام لمرتكب الجريمة

[cold vampire]

اذا كان بيستحق الاعدام فانا مع الاعدام وازا كان ما بستحق بكون ضدد هلا ازا واحد قتل واحد عن قصد يعني هو كان قاصد فهو هون اتل واحد وما احترم قدسية الحياه وانهى حياة انسان برئ فلشو نحنا نعفيه من الاعدام زي ما اتل واحد لازم يموت شكرا سيريان عالموضوع

[ryacoub123]

كاتب النص الأصلي : Syrian_Gay

هل أنت مع عقوبة الإعدام .. سؤال بس جوابك ألو ممكن يلعب دور كبير بحياة أفراد ممكن يكون غلطو غلطة بس طلع عقوبتها وخيمة

وحط محلك بدال هالشخص يللي بدو يتعرض للإعدام

او حط محلك محل يللي بدو يصدر حكم الإعدام وكيف انك حكمت على شخص انو يموت

عطينا رأيك بعيد عن الدين

وطبعاً هو مطلب أساسي من مطالب حقوقي الإنسان بالعالم

وجهة نظر معارضي عقوبة الإعدام، تتركز في أنها انتهاك لقدسية الحياة التي لا يحق لأحد أن يزهقها سوى الخالق، وأنه يمكن استبدالها بعقوبات لا تحمل طابع الثأر والانتقام، بل طابع التأهيل والعلاج، كما في عقوبة السجن التي يمكن فيها إعادة تأهيل المتهم الذي عادة ما يكون شخصاً غير سوي وغير متوازن نفسياً وانفعالياً، الأمر الذي يجعل إعدامه شكلاً من أشكال الإجحاف بحقوقه في العلاج وإعادة التأهيل.

طبعاً أنا ضد عقوبة الإعدام بأي شكل من الأشكال

ana deed el 2e3dam

la2no 3ala 7asab 3elmy ne7na el bashar mana allah lan7adeed maseer 7ayat bany adam.... elo allah bey7asbo

[dot]

yes,i do for good

[The Dark Dragon]

والله انا مع الاعدام.....اذا كان القاتل بيستاهلو



يعني اللي بيقتل انسان بغير حق لازم ينقتل


وشكرا على موضوعك





MAJD.....The Dark Dragon

[•• LEO ••]

هل أنت مع عقوبة الإعدام ..

كاتب النص الأصلي : betty_palestine

والله انا ضد اعدام صدام وانا كتير حزنت عليه وكنت بتابع جلسات المحكمة وبصراحة بكلمة وحدة بينوصف انو زلمة وهاد ما انعدم بس لانو بشكل خطر على اميركا

كاتب النص الأصلي : Syrian_Gay

هللا بعيد عن إعدام صدام وعن السياسة وكمان انا ضد إعدام صدام كوني ضد الإعدام بأي شكل من الأشكال

بس نحن هون عم نحكي من الناحية الإنسانية

اهلين بيتي

كاتب النص الأصلي : betty_palestine

اها الانسانية اوكي يسلمو عالموضوع الحلو

ههههههههههههههههههههههههههههههاااااااااااااااااااا ااااااااه

[Zahi]

لا للأعدام مهما كانت الأسباب

و ستضغط القوى الفكرية النافذه في سوريا الجديدة لألغاء هذه العقوبة

[اممي]

كاتب النص الأصلي : betty_palestine

والله انا ضد اعدام صدام وانا كتير حزنت عليه وكنت بتابع جلسات المحكمة وبصراحة بكلمة وحدة بينوصف انو زلمة وهاد ما انعدم بس لانو بشكل خطر على اميركا

كائن متوحش قتل من شعب ومن جيرانو اكتر من مليون بني ادم وياريت بلا ماننسى دم الشهداء السورين الي راحو بمعيتو بتفجيرات البولمنات ...يعني اذا ماكان حدى من عيلتك ميت علة ايدو بدك تترحمي عليةّ!!!
انا ضد عقوبة الاعدام بس في قاذورات بتاريح الانسانية اعتماد على جرائمهم بيفقدو محتواهن الانساني بعتقد ان عقوبة الاعدام بتلزمهن ..رغم انها مابتعمل شي لعوائل الضحايا
ملاحظة:هالي عم تتاسفو على اعدامو عدم بزمناتو 4 من عيلتي ..وبالتالي الي حابب يناقش بالموضوع لايتوقع اني راح كون حيادي ...يسلمن رفيقي علة موضوعك