بيهم كل الرفاق الي بدن يدرسوا بالالمانيا

[اممي]

مرحبا شباب ...قبل كلشي مابعرف اذا هاد هو القسم المصبوط لهالمشاركة
بس المهم انا وصلت اخيرا على المانيا وذلك بعد جهد استغرق سنة ونص
بين ZD ومصدقة تخرج على فتح حساب بنكي على تدبير قبول وموعد سفارة ومابيناتهن...
المهم انا بالاخير قبل مابوس تراب الوطن قطعت وعد مع حالي ان خفف كيف ماكان عن كل شب بدو يدرس هون
هلق انا كتبت ملف فية كل النظال الدامي مدونا بالسرافيس الي بتحتاج تركبوها مشان صدقو الاوراق
لحد رقم السفارة الالمانية بالشام
ومشان القبول وفتح الحساب الي هن ضروري حدا من هون يدفشهن فانا رفيقكن الي راح يحاول بوفي بوعدو للوطن
لاتخافو مراح اخد منكم نقلة وبالطبع مراح ادفع شي من جيبتي الكريمة
معظم الجامعات هون بتسكر عال15/7 فلحقو حالكن
واي حدا بدو اي استفسار انا بالخدمة
رفيقكن اممي

[Barleb]

ولله كنت عم دور عليها .. بس عندي امتحانات هلا .. منحكي بعدين ..

ميرسياتوو

[YaSeR]

الله يسلم هالديات يا ابو شريك

والله بتكون خدمتني خدمه العمر

[اممي]

لك تكرم عيونكن شباب

[مايا *]

هلى أنا ما كتير فهمت .. إنت حاببت تساعدون بسوريا .. و لا من هون
إذا بسوريا فهاي بسيطة ..
أما أنو تقدر تساعدهون هون .. فأنا بظن أنو هاي شغلة كتير صعبة
بما أنو عم تقول أنت أنو و أخيراً وصلت يعني يادوبك عم تمشي أمورك
على كل .. مشاعرك حلوة .. و موفق يا رب
بس قلنا وين عم تدرس بلكي بيطلع بإيدنا نحنا المعتقين نساعدك ..

[x-vernichter]

أول شي حاب قلك شكرا .
تاني شي حاب قول للشاب الي بدون يطلعلو ع المانيا شوفولكن شي بلد تاني احسن من المانيا
بجوز التعليم هون منيح بس الحياة و الدراسة بالجامعة صعبين كتير وحتى الحصول ع قبول صار صعب ومكلف.

اول شي كانو ياخدو كتير طلاب اجانب بدون ما يدققو ع علامة البكلوريا او علامات المواد اما هلق صارو يدققو كتير كتير عليها , ولا كمان في جماعات عم تطلب من الطلاب الاجانب يعملو فحص ليشوفو فيه شو مستوى هالطلاب (يعني اذا المستوى العلمي تبعهن بيتوافق مع مستوى الجامعة او مستوى الدراسة بألمانيا),
هي شي وشي تاني انو القسط الفصلي بالجامعات صار ب 700 يورو بعد ماكان ب 150 يورو
ونسيت خبركن انو المراسلة بتكلف تقريبا شي 350 يورو ,وع تكاليف الحياة هون مارح احكي لانو بتوقع معروفة .

بالمناسبة اخي كان بدو يطلع ع المانيا بس بعدين قرر يطلع ع بولونيا .

لهيك بتمنى من الكل يدور ويشوف قبل ما يتخذ قرار ويندم عليه.

انا حبيت بس حطكن بالصورة وطبعا هاد بيضل رأيي الشخصي.

[مايا *]

كاتب النص الأصلي : x-vernichter

أول شي حاب قلك شكرا .
تاني شي حاب قول للشاب الي بدون يطلعلو ع المانيا شوفولكن شي بلد تاني احسن من المانيا
بجوز التعليم هون منيح بس الحياة و الدراسة بالجامعة صعبين كتير وحتى الحصول ع قبول صار صعب ومكلف.

اول شي كانو ياخدو كتير طلاب اجانب بدون ما يدققو ع علامة البكلوريا او علامات المواد اما هلق صارو يدققو كتير كتير عليها , ولا كمان في جماعات عم تطلب من الطلاب الاجانب يعملو فحص ليشوفو فيه شو مستوى هالطلاب (يعني اذا المستوى العلمي تبعهن بيتوافق مع مستوى الجامعة او مستوى الدراسة بألمانيا),
هي شي وشي تاني انو القسط الفصلي بالجامعات صار ب 700 يورو بعد ماكان ب 150 يورو
ونسيت خبركن انو المراسلة بتكلف تقريبا شي 350 يورو ,وع تكاليف الحياة هون مارح احكي لانو بتوقع معروفة .

بالمناسبة اخي كان بدو يطلع ع المانيا بس بعدين قرر يطلع ع بولونيا .

لهيك بتمنى من الكل يدور ويشوف قبل ما يتخذ قرار ويندم عليه.

انا حبيت بس حطكن بالصورة وطبعا هاد بيضل رأيي الشخصي.

معاك حق .. الوضع كل مالو من سيئ لأسوء
بس أنا ما حبيت خلي هلـ الشباب تتشائم ..

بس مع هيك في طلاب سوريين ( وواحد منهون بعرفو معرفة كتير قريبة ) إجى كتير متفائل
طبعا طالبو أنو يعمل فحص إختبار معلومات .. و نجح فيه بتفوق
و بعد التخرج جدودلو الفيزا .. لا ووظفوه بالمستشفى دوام كامل .. و تحملو مصاريف تخصصوا
و كل هلـ الشيئ لأنو ....



هئ مو مدعوم ..
لأنو جاب درجات عالية .. و بين مستواه أنو ممتاز ..

كاتب النص الأصلي : x-vernichter

بالمناسبة اخي كان بدو يطلع ع المانيا بس بعدين قرر يطلع ع بولونيا .

.

بولونيا حلوة كتير ..
و المعيشة فيها أرخص بـ أربع مرات من ألمانيا ..
و معاملاتها أسهل
بس مشاكلها من نوع تاني
يعني مافيات .. و عنصرية لازالت ضد الـ ( السود و العرب )
و على فكرة سمعت بالفترة الأخيرة أنو حتى التعليم صاير أفضل من ألمانية ..

..
لاتواخزنا أممي إذا طلعنا شوي عن الموضوع ..
و مية على مشاعرك الحلوة / للمرة التانية /

[x-vernichter]

كاتب النص الأصلي : مايا *

معاك حق .. الوضع كل مالو من سيئ لأسوء
بس أنا ما حبيت خلي هلـ الشباب تتشائم ..

بس مع هيك في طلاب سوريين ( وواحد منهون بعرفو معرفة كتير قريبة ) إجى كتير متفائل
طبعا طالبو أنو يعمل فحص إختبار معلومات .. و نجح فيه بتفوق
و بعد التخرج جدودلو الفيزا .. لا ووظفوه بالمستشفى دوام كامل .. و تحملو مصاريف تخصصوا
و كل هلـ الشيئ لأنو ....



هئ مو مدعوم ..
لأنو جاب درجات عالية .. و بين مستواه أنو ممتاز ..

بهي معك حق المتفوق بحطو ع راسهن .
بس حسب مافهمت انو الشب الي بتعرفي طالب دراسات عليا وفي فرق كتير كبير بين طالب جاي يبلش من الصفر هون وطالب جاي يعمل اختصاص .
وانا عم شوف الطلاب هون بالجامعات كيف عايفين الله و كل مادة بدها سنتين ليرفعوها
وخود بقى كل سنة بسنتين وعيــــــــــــــــــــــ ـــــــــــــــــــــــش ......

كاتب النص الأصلي : مايا *

بولونيا حلوة كتير ..
و المعيشة فيها أرخص بـ أربع مرات من ألمانيا ..
و معاملاتها أسهل
بس مشاكلها من نوع تاني
يعني مافيات .. و عنصرية لازالت ضد الـ ( السود و العرب )
و على فكرة سمعت بالفترة الأخيرة أنو حتى التعليم صاير أفضل من ألمانية ..

..
لاتواخزنا أممي إذا طلعنا شوي عن الموضوع ..
و مية على مشاعرك الحلوة / للمرة التانية /

برجع بقلك انو معك حق بس لاتنسى انو العرب بالي عم يعملو هون خلو العالم تكرهن , وشغلة التعصب والعصابات موجودة بكل مكان يعني هون بألمانيا في النازيين الجدد وفي عصابات الها علاقات مع المافيات الروسية ولهلق ما سمعت انو تحركشو او تعدو ع ناس انا بعرفهن .
بعدين الي بعيش باحترام وبيبعد عن المشاكل (بيمشي الحيط الحيط وبيقول يارب السترة) ماحدا بيحكي معو .

[YaSeR]

هلا انا ناوي اطلع كمل ماستر بالمانيا

ما بعرف شو رايكون لانو x-vernichter قال انو في فرق بين البكالوريوس والماستر

انا بدرس هندسه برمجيات
يا ريت تفيدوني بما انو عنكون خبره وهيك اذا عنكون كم نصيحه عالماشي يا ريت

[مايا *]

كاتب النص الأصلي : x-vernichter

وانا عم شوف الطلاب هون بالجامعات كيف عايفين الله و كل مادة بدها سنتين ليرفعوها
وخود بقى كل سنة بسنتين وعيــــــــــــــــــــــ ـــــــــــــــــــــــش .......

إي شوف شو بيكون آخد عقلون الشباب غير الدراسة .. ( مزحة )

كاتب النص الأصلي : x-vernichter

برجع بقلك انو معك حق بس لاتنسى انو العرب بالي عم يعملو هون خلو العالم تكرهن , وشغلة التعصب والعصابات موجودة بكل مكان يعني هون بألمانيا في النازيين الجدد وفي عصابات الها علاقات مع المافيات الروسية ولهلق ما سمعت انو تحركشو او تعدو ع ناس انا بعرفهن .
بعدين الي بعيش باحترام وبيبعد عن المشاكل (بيمشي الحيط الحيط وبيقول يارب السترة) ماحدا بيحكي معو .

هوي موجودة بكل مكان .. بس أنت ما إنتبهت أنو أنا قصدت ببولونيا
ببولونيا نسبة الجريمة .. أعلى بكتير من النسبة الموجودة بألمانيا
لأنو ببساطة النظام هونيك / شي بيهوي /
أنا حكيت من مبدء الجهل بالآخر .. يعني عند البولون جهل ما طبيعي بالثقافية العربية ..
فمن مبدء الي بتجهلو كرهو ..
(طبعا أنا عشت بوارسو .. و بعد العشرة بالليل كنت ما إسترجي إمشي بالشارع )
...
كأنو طلعنا عن الموضوع ..
سوري يا جماعة ..

[jazz_music]

كيفكن ....

انا بدرس موسيقى ... و المانيا حلمي لأنو الموسيقى هونيك غير.... بس محسوبكن ما بيعرف الماني غير شو و هي الشوي تعلمتن لحالي ...... بقا شو الحل .........

الخطوات لو سمحتو ....... مشان صير بالبلد الحلم ...




شكرا .,.

[اممي]

عفكرة في بكلام الشباب شي صح وشي مبالغ فيه
العيشة صعبة صح بس هلق انا عم عيش ب300 يورو ل350 بالشهر مع الايحار مع البيت
ومشان القبول قالواحد من الشباب ان بيكلف 300 يورو
ومشان هيك انا حطيت المشاركة تبعي
انا دفعت لشركة بالشام 15000 ليرة غير تكاليف البريد
واتضح هون ان القصة مابتكلف شي
القبولات هون بلالالالالالالالالالالالا ش
بس لما بدكن تسجلو فبتدفعو 500 يورو ومو بكل الجامعات
هلق انا بدي احاول ابعت قبولات الشباب للمطارح الauslander يعني هيئة الاجانب مابتطول فيه
يعني رفيقكن اجت فيزتي بسبوعين بعد التقديم
غير ان تكون حتى التسجيل بالجامعة ببلاش
متل الجامعة الي هلق انا عندي قبول منها
بالنسبة لفحوص التعديل حاليا صار الوضع احسن بعد ما معظم الجامعات صارت تتعامل مع شهادتنا بشكل معترف فية
طبعا في جامعات عم تعيد الشباب مواد بس منن كتار
عكل حال انشاللة بتوصلو لهون وتشوفو بعيونكم
رفيقكن اممي

[handsome]

انو هلق انتي بجوز عايش بـ 300 ايرو بالشهر او يا اخي بروح معك 350 ايرو .. بس انو هل يا ترا انتي عنجد عايش بالمانيا هاي نفسة ايل بيحكو عنا بالتلفزيون وعلى اساس انا نفسا جيرمني ودويتشلاند ومدري شوفي اسماء اسا لهالبلد ؟؟
لانو بهيك مبلغ الواحد يا دوبو يدفع الشغلات الشهرية من تامين لتلفون لاجار البيت بيكونو هدول رايحين ومصلى عليون بالجامع ..
بس بالله وين قلتلي عايش انتي بلا صغرة

[Barleb]

كاتب النص الأصلي : handsome

انو هلق انتي بجوز عايش بـ 300 ايرو بالشهر او يا اخي بروح معك 350 ايرو .. بس انو هل يا ترا انتي عنجد عايش بالمانيا هاي نفسة ايل بيحكو عنا بالتلفزيون وعلى اساس انا نفسا جيرمني ودويتشلاند ومدري شوفي اسماء اسا لهالبلد ؟؟
لانو بهيك مبلغ الواحد يا دوبو يدفع الشغلات الشهرية من تامين لتلفون لاجار البيت بيكونو هدول رايحين ومصلى عليون بالجامع ..
بس بالله وين قلتلي عايش انتي بلا صغرة

من هل ناحية .. انا سمعت من عالك أنو العيشة بتقشف بتكلف 300-350 يورو ..

بس بظن أنو الواحد أذا بيشتغل مع الدرس .. و بياخد راتب .. بظن أنو رح يقدر يعيش عيشة حلوة .. و كمان رح يقدر يوفر مصاري منيح ..

[اممي]

كاتب النص الأصلي : handsome

انو هلق انتي بجوز عايش بـ 300 ايرو بالشهر او يا اخي بروح معك 350 ايرو .. بس انو هل يا ترا انتي عنجد عايش بالمانيا هاي نفسة ايل بيحكو عنا بالتلفزيون وعلى اساس انا نفسا جيرمني ودويتشلاند ومدري شوفي اسماء اسا لهالبلد ؟؟
لانو بهيك مبلغ الواحد يا دوبو يدفع الشغلات الشهرية من تامين لتلفون لاجار البيت بيكونو هدول رايحين ومصلى عليون بالجامع ..
بس بالله وين قلتلي عايش انتي بلا صغرة

ياسيدي انا مني عم بعمل دعاية للدراسة بالمانيا وياليت بلا صغرة وبلا كبرة بلاهن رفيقي
بس السكن الطلابي هون 160 يورو
التامين 23 يورو
الاكل اذا بدك تتبرجز كتييييييييير فما بيوصل لل100يور
هلق انا عم بطبح بالبيت تقريبا كل اسبوع بحتاج اتسوق اكل 20 ايورو
بكل الاحوال اذا بدك تتبعزق وتعيش عيشة فضيعة والله 3000يورو مابيكفوك بس صديقي بعتقد ان الشباب طالعين دراسة مو سياحة
هلق صحيح انت انسان عربي والانسان العربي بيعرف بالفطرة كل شئ موجود بالعالم بس بتمني ان يكون توضيجي صحح معلوماتك

[x-vernichter]

كلنا اول ما اجينا ع المانيا كنا نعمل متلك ,ايه انا ما تركت حدا بعرفو الا وقلتلو يتروك سوريا ويطلع لهون - لانو كنا جداد وغشما مامنعرف شي- بس هلق مابنصح حدا بالطلعة لانو غربة وتكاليف عالفاضي.
مافي انسان بيقدر يعيش حياة مقبولة بألمانيا بأقل من 500 ل 600 يورو بالشهر والي بيحيكي غير هيك مع احترامي للجميع بكون يا كذاب يا الله ادرى كيف عايش.
انا مصروفي بالشهر تقريبا 600 يورو وحاس حالي محروم من كتير شغلات يعني اذا سكن ب 225 يورو و انترنت ب 30 يورو وفي التأمين الصحي ب 60 يورو وفاتورة الموبايل 20 يورو واذا حب الواحد يحكي كل فترة ع سوريا كمان شي 30 يورو وغير اذا حب الواحد يطلع ع شي كفيه او ع شي محل .
وهي انا مابطلع لا ع حفلات ولا ع ديسكوات .

والي مو مسدق يسأل شي حدا الو زمان بألمانيا ويشوف شو رح يحكي.

[x-vernichter]

كاتب النص الأصلي : jazz_music

كيفكن ....

انا بدرس موسيقى ... و المانيا حلمي لأنو الموسيقى هونيك غير.... بس محسوبكن ما بيعرف الماني غير شو و هي الشوي تعلمتن لحالي ...... بقا شو الحل .........

الخطوات لو سمحتو ....... مشان صير بالبلد الحلم ...




شكرا .,.

بتوقع متلك متل اي طالب طالع يدروس هون يعني لازم تعمل دورات بمعهد غوتا (سنة تقريبا) ولازم تقدم فحص Zertifikat Deutsch (ZD) ولازم تنجح فيه ,وبعدين بتقدم وراقك للسفارة -بس طبعا لازم يكون معك قبول من شي جامعة بألمانيا وهاد سهل يجيك لانو قبول مبدأي بيعطو لمين ما كان- ولازم يكون عندك كفيل بألمانيا او بتحط مصاري بحساب بال Deutsche Bank تقريبا شي (8000 يورو) ومصاريك هي بتصير كفالتك ....... وبعدين بتضلك تصلي حتى يبعتولك الموافقة وتاخد الفيزا وبعدين بتطلع لهون ,طبعا رح تكون اول فترة مفتون بجمال المانيا والالمان ورح تحس حالك وصلت لبلد الاحلام ,بس بعد فترة رح تصحى من هالحالة وتقول لحالك انا مين داعي علي لحتى اجيت لهون وهيك بتبلش تسب ع المانيا والساعة الي اجيت فيها ع المانيا .

[YaSeR]

كاتب النص الأصلي : x-vernichter

بتوقع متلك متل اي طالب طالع يدروس هون يعني لازم تعمل دورات بمعهد غوتا (سنة تقريبا) ولازم تقدم فحص Zertifikat Deutsch (ZD) ولازم تنجح فيه ,وبعدين بتقدم وراقك للسفارة -بس طبعا لازم يكون معك قبول من شي جامعة بألمانيا وهاد سهل يجيك لانو قبول مبدأي بيعطو لمين ما كان- ولازم يكون عندك كفيل بألمانيا او بتحط مصاري بحساب بال Deutsche Bank تقريبا شي (8000 يورو) ومصاريك هي بتصير كفالتك ....... وبعدين بتضلك تصلي حتى يبعتولك الموافقة وتاخد الفيزا وبعدين بتطلع لهون ,طبعا رح تكون اول فترة مفتون بجمال المانيا والالمان ورح تحس حالك وصلت لبلد الاحلام ,بس بعد فترة رح تصحى من هالحالة وتقول لحالك انا مين داعي علي لحتى اجيت لهون وهيك بتبلش تسب ع المانيا والساعة الي اجيت فيها ع المانيا .

الله يبشرك بالخير رفعتلي معنوياتي للسما
بس قول انا حياه الغربه متعود عليها انا اخدت البكالوريوس برات سويا مع انو ببلد عربي بس بتضل غربه

بس انتي ما قلتلي شو رايك بالنسبه للماستر هنيك, بتوقع انو الوضع اسهل ولا شو رايك ؟؟
صح وبالمناسبه انا بلشت دورات الماني وبما انو دراستي هنيك بالانكليزي فمو مطلوب مني الا اربع كورسات ولح خلصون قريبا انشالله