جيش ابو الزلف

[krimbow]

رغم قلقي الشديد من تطورات الاوضاع في الشمال اللبناني هذه المرة، و رغم التشاؤم القاتل الذي يجتاحني حزنا و غما على مستقبل الحرب الاهلية اللبنانية الجديدة التي باتت قاب قوسين او ادنى، و لكن لا اخفيكم سرا اني ضحكت اليوم بشكل متواصل و انا اتابع اخبار ما يجري في مخيم النهر البارد

ليست تصريحات اقطاب قوى 14 آذار هي سبب كل هذا الضحك هذه المرة، و لو انها كانت عاملا مساعدا، و لكن ما جعلني اضحك اليوم حقا، هو صور جنود الجيش الوطني اللبناني العتيد، و المناسبات التي دعتني الى الضحك كثيرة و لكن اذكر منها:

- عندما كان مراسل الجزيرة يصور دبابة لبنانية فجاءه احد الجنود و قال له: ممنوع تصور آليات الجيش اللبناني، فاردف المذيع في الاستوديو: طبعا فهي احد الاسرار العسكرية

- مشهد آخر لجنديين لبنانيين منبطحين على الارض و يطلقون الرصاص من الـ إم سكستين، و يقف فوقهما على بعد مترين مواطنا لبنانيا ينظر اليهما و هو يدخن سيغارته

- مشهد ثالث لجندي رابع (لعن الله الثلاثة) من هذا الجيش العرمرم و هو يحاول اصابة احدى النوافذ في الطابق الثالث من احدى العمارات، فاستعمل مشطين كاملين (40 طلقة) فاصاب حول النافذة ما يقارب الـ 40 طلقة... فعلا كنت اتساءل هل هو احول مثلا؟؟؟

و لكن بلغ ضحكي ذروته عندما سمعت خبرا مهضوما جدا يفيد ان الجيش اللبناني قرر اقتحام مخيم نهر البارد

اتساءل حقا، اذا كان ضحايا الجيش جراء اصطداماته الدامية اليوم مع تنظيم مسرحي يدعى "فتح الاسلام" بلغت 29 شهيد، طيب ما هو حجم الضحايا الذي تتوقعه قيادة هذا الجيش في حال قررت اقتحام المخيم و الاصطدام مع "فتح الانتفاضة"؟؟؟

طيب و هذا يقودنا الى سؤال آخر، هل حقا جيش ابو الزلف هذا ... قادر على تأمين وحدة و استقرار الاراضي اللبنانية؟؟؟

[MadMax]

في مشهد كمان كتير معبّر
لما انصاب النقيب بالجيش اللبناني ...و أسعفوه الصحفيين و المصورين
بينما عساكرو متخبيين بالملالة (ام 113 )

[مايسترو]

كاتب النص الأصلي : madmax

في مشهد كمان كتير معبّر
لما انصاب النقيب بالجيش اللبناني ...و أسعفوه الصحفيين و المصورين
بينما عساكرو متخبيين بالملالة (ام 113 )

ماد سؤال فني من بعد اذنك


لبنان عندون جيش؟؟؟؟؟؟؟؟؟؟؟



مايسترو

[MadMax]

كاتب النص الأصلي : مايسترو

ماد سؤال فني من بعد اذنك


لبنان عندون جيش؟؟؟؟؟؟؟؟؟؟؟



مايسترو

اي ولو
جيش أبو الزلف
و على فكرة أنا خدمت جنبون 6 شهور
و كان شعارهن الدائم ( كل ما صار شي ) نحنا ... ما خصنا

[مسطول على طول]

معو معو بيصير هيك بقول سعدو وجماعتو

والدليل هوه زيارة وزير الدفاع الياس المر الى واشنطن والجماعه وعدو بدعم من مدرعات واليات وشغلات الها اول مالها أخر بس شو قدمت واشنطن ؟

وعمو جنبلاط سعى كاالافعى الى الاستقواء بالاميركيين وطلب المساعدة السياسية ‏والعسكرية من الادارة الاميركية للقضاء او لمواجهة النظام السوري وحلفائه في لبنان.

وبين قوسين ( مواجهة النظام السوري وحلفائه في لبنان ) هيك حكا بالحرف الواحد للسيد بوش يعني الزلمه بدو يزبط الجيش بس مشان يواجهه سوريا وحزب الله وحركة أمل الخ...

جنبلاط عم يحكي جد ولا بدو ينصب على أمريكا ولا ضاربين لفيوزات .. أن لله في خلقه شؤن

يعني مالح يأمنو الدوله بس ويواجهو فتح الأنتفاضه كمان لح يواجهو الجيش السوري

جيش ابو الزلف الو مستقبل بس ايمتا مابعرف ؟

لا امريكا دعمتهم

ولا السعوديه دعمتهم

واذا وصل شوية دعم عم يتبخر مدري وين ؟

بس الو مستقبل مع تيار المستقبل وأذا فكر بالمخيمات بدو يبوس الواوه

[فاوست]

لبنان بلد صغير خرج من حرب أهلية انهكته لعبت فيها دول عربية وأجنبية كثيرا
نال استقلاله الفعلي منذ فترة قصيرة بعد خروج الجيش السوري وللأسف وبالرغم من ان الجيش السوري حارب بعض الملشيات إلا انه شجع بعضها الأخر كالملشيلت الفلسطينية وحزب الله بالرغم من أن حزب الله له دور مقاوم لكن هذا لا يخلو من كونه وضع غير صحي وكل هذا يساهم في اضعاف الجيش اللبناني ولكن لايجب ان ننسى مقاومة الجيش اللبناني للأنزال الجوي الأسرائيلي في حرب تموز ومن المؤكد ان الجيش يستطيع ضرب ميليشا فتح الأنتفاضة لكن لأظن ان الجبش اللبناني في هذا الوقت يحبذ ا الخيار الدموي بسبب أن الحرب الأهلية بدأت هكذا وأدت إلى انقسام الجيش في ذلك الوقت

[BL@CK]

لك كيف ما عندون جيش ولو .. ما تظلمون .. عندون جيش ..

هاد جيش تبع شد الشعر اللي بصل الجيل للركب في آخر المعركة

جيش توسيخ الكنادر .. و مين بدوس ع كندرة التاني أسرع

جيش معتبر هاد ولو

[samsoum]

كاتب النص الأصلي : فاوست

ولكن لايجب ان ننسى مقاومة الجيش اللبناني للأنزال الجوي الأسرائيلي في حرب تموز ومن المؤكد ان الجيش يستطيع ضرب ميليشا فتح الأنتفاضة لكن لأظن ان الجبش اللبناني في هذا الوقت يحبذ ا الخيار الدموي

عجبتني كتير هي( مقاومة الجيش اللبناني للانزال الجوي) بدليل انو قام بتقديم الشاي لبعض الضباط والجنود الاسرائيليين.
واذا كان الجيش قد فقد 29 شهيدا في مواجهات مع عدة اشخاص خلال اقل من 8 ساعات فقط، كيف له ان يضرب فصائل المقاومة الفلسطينية في المخيمات، والتي لا احد يعرف ما تملكه من سلاح؟ أضف على ذلك ان افراد منها ساعدو بالامس الجيش اللبناني في ملاحقة المسلحين.

اتمنى ان تتكلم بواقعية اكثر
تحياتي

[MadMax]

كاتب النص الأصلي : فاوست

لبنان بلد صغير خرج من حرب أهلية انهكته لعبت فيها دول عربية وأجنبية كثيرا
نال استقلاله الفعلي منذ فترة قصيرة بعد خروج الجيش السوري وللأسف وبالرغم من ان الجيش السوري حارب بعض الملشيات إلا انه شجع بعضها الأخر كالملشيلت الفلسطينية وحزب الله بالرغم من أن حزب الله له دور مقاوم لكن هذا لا يخلو من كونه وضع غير صحي وكل هذا يساهم في اضعاف الجيش اللبناني ولكن لايجب ان ننسى مقاومة الجيش اللبناني للأنزال الجوي الأسرائيلي في حرب تموز ومن المؤكد ان الجيش يستطيع ضرب ميليشا فتح الأنتفاضة لكن لأظن ان الجبش اللبناني في هذا الوقت يحبذ ا الخيار الدموي بسبب أن الحرب الأهلية بدأت هكذا وأدت إلى انقسام الجيش في ذلك الوقت

لك ...عن أي جيش عم تحكي ..؟؟
ما يسمى بالجيش بلبنان ( أو جيش أبو الزلف )
هو عملياً شرطة مرور لا أكتر ...
ما عندو غير وظيفة تنظيم المرور على الحواجز
و من كم شهر ضافولهن وظيفة جديدة .... هي تقديم الشاي و القهوة ..و سمعنا رح يدرجوها ضمن منهاج
الكلية الحربية عندكون
*
و على فكرة اذا عند ما يسمى الجيش اللبناني شي قطعة سلاح هي تقدمة من الجيش السوري
و لا سيما الدبابات t55 يللي عم تتنسق حاليا من الجيش السوري بس بصراحة شفتهن آخر مرة ... داهنينهن منيح و مبولشينهن كمان

[شب الكوبة]

كاتب النص الأصلي : krimbow

- عندما كان مراسل الجزيرة يصور دبابة لبنانية فجاءه احد الجنود و قال له: ممنوع تصور آليات الجيش اللبناني، فاردف المذيع في الاستوديو: طبعا فهي احد الاسرار العسكرية

- مشهد آخر لجنديين لبنانيين منبطحين على الارض و يطلقون الرصاص من الـ إم سكستين، و يقف فوقهما على بعد مترين مواطنا لبنانيا ينظر اليهما و هو يدخن سيغارته

- مشهد ثالث لجندي رابع (لعن الله الثلاثة) من هذا الجيش العرمرم و هو يحاول اصابة احدى النوافذ في الطابق الثالث من احدى العمارات، فاستعمل مشطين كاملين (40 طلقة) فاصاب حول النافذة ما يقارب الـ 40 طلقة... فعلا كنت اتساءل هل هو احول مثلا؟؟؟

مع انو ظروفي ما سمحتلي تابع أخبار .. بس عن جد ضحكت من قلبي هلا لما اتخيلت الوضع
يعني من باب "المضحك المبكي"

اتساءل حقا، اذا كان ضحايا الجيش جراء اصطداماته الدامية اليوم مع تنظيم مسرحي يدعى "فتح الاسلام" بلغت 29 شهيد، طيب ما هو حجم الضحايا الذي تتوقعه قيادة هذا الجيش في حال قررت اقتحام المخيم و الاصطدام مع "فتح الانتفاضة"؟؟؟

في حل يطلبو من الجيش السوري التدخل ... او عالاقل بيطلبوا مساعدة الطيران السوري وهيك بيحلو المشكلة للابد

[الحب الازرق]

كاتب النص الأصلي : krimbow

- - مشهد ثالث لجندي رابع (لعن الله الثلاثة) من هذا الجيش العرمرم و هو يحاول اصابة احدى النوافذ في الطابق الثالث من احدى العمارات، فاستعمل مشطين كاملين (40 طلقة) فاصاب حول النافذة ما يقارب الـ 40 طلقة... فعلا كنت اتساءل هل هو احول مثلا؟؟؟

مافهمناها يا ابضاي ....
شو هي يلي بين قوسين تبع لعن الله الثلاثة .... ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟

وما دخل ذلك بالموضوع ؟؟؟؟؟؟
جاوبنا يامعلم !!!!!!!!!!!!!

[krimbow]

كاتب النص الأصلي : الحب الازرق

مافهمناها يا ابضاي ....
شو هي يلي بين قوسين تبع لعن الله الثلاثة .... ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟

وما دخل ذلك بالموضوع ؟؟؟؟؟؟
جاوبنا يامعلم !!!!!!!!!!!!!

ما الها اي علاقة بالموضوع، يعني عادة باغلب ردودي بتذكر لعن ثلاثة امور مو اكتر من هيك

[fofo besset syria]

كاتب النص الأصلي : شب الكوبة

في حل يطلبو من الجيش السوري التدخل ... او عالاقل بيطلبوا مساعدة الطيران السوري وهيك بيحلو المشكلة للابد

هنة مستحين يطلبوها ما الن عين

الي من ايدو الله يزيدو ... خليهن يتلئو بقا نتائج فصولن الناقصة

كاتب النص الأصلي : BL@CK

لك كيف ما عندون جيش ولو .. ما تظلمون .. عندون جيش ..

هاد جيش تبع شد الشعر اللي بصل الجيل للركب في آخر المعركة

جيش توسيخ الكنادر .. و مين بدوس ع كندرة التاني أسرع

جيش معتبر هاد ولو

حلوة حلوة ابو الشباب

كاتب النص الأصلي : krimbow

- مشهد ثالث لجندي رابع (لعن الله الثلاثة) من هذا الجيش العرمرم و هو يحاول اصابة احدى النوافذ في الطابق الثالث من احدى العمارات، فاستعمل مشطين كاملين (40 طلقة) فاصاب حول النافذة ما يقارب الـ 40 طلقة... فعلا كنت اتساءل هل هو احول مثلا؟؟؟

لك هوة لأنه الهدف قريب ما ئدر يركز!!!

الجيش تاعن بس شغل مهمات صعبة...عهيك مهمات بنحولووووووووووووووووووو

[like2killu]

رح احكي كلمتين وبدون زعل , لبنان بلد عربي , ولازم يكون الو سياده يعني سياده للجيش اللبناني , ولازم كل القوى تدعم هالشي من حزب الله للتقدمي الاشتراكي الخ ....
وهلق هالمنظمات الي عم تفوت وفاتت هيي الي عم تدمر لبنان وهاي للي منكن عندو معرفه بالتاريخ السياسي هاي هيي بدايه الحرب الاهليه الي صارت سابقا , وانا ضد انو انتو تضحكو ع الجيش اللبناني مع انو مو جيش هاد جيش ابو الزلف معكن حق , بس ليه ما تعلقو ع منظمه مسلحه دخيله ع لبنان , ورح تجيب مشاكل الله للبنان , وكمان تهكمكن عل قوى 14 اذار , وتنسو انو لا حزب الله ولا اي طرف سعى ليعمل شي , وانا ما بتوقع يكون سوريا الا ايد بالموضوع , الموضوع مبين , اي ميليشيا عم تحتمي بلبنان وعم تجبلو مشاكل .
هيك منظمات انا رافضا , وهلي عم يتمرجل ع بلد عربي يروح يتمرجل ع اسرائيل , ما سمعت انو هاي فتح الاسلام قوست رصاصه ع اسرائيل , انا حاليا مع الجيش اللبناني , ولازم يوقفو هالمنظمه واعمالا والكل يتكاتف مشان هيك وما في داعي للتهكمات السياسيه على اطراف اخرى ,
والجيش اللبناني ضايع ... بيضحك... بشرفي بس فكرو ليه ؟
بدل ما يستغل هيك موقف لردود فعل سياسيه بين الاطراف , يطالعو الدخيل ويهدو الامور ليلاقو حل .

[MadMax]

كاتب النص الأصلي : like2killu

رح احكي كلمتين وبدون زعل , لبنان بلد عربي , ولازم يكون الو سياده يعني سياده للجيش اللبناني , ولازم كل القوى تدعم هالشي من حزب الله للتقدمي الاشتراكي الخ ....
وهلق هالمنظمات الي عم تفوت وفاتت هيي الي عم تدمر لبنان وهاي للي منكن عندو معرفه بالتاريخ السياسي هاي هيي بدايه الحرب الاهليه الي صارت سابقا , وانا ضد انو انتو تضحكو ع الجيش اللبناني مع انو مو جيش هاد جيش ابو الزلف معكن حق , بس ليه ما تعلقو ع منظمه مسلحه دخيله ع لبنان , ورح تجيب مشاكل الله للبنان , وكمان تهكمكن عل قوى 14 اذار , وتنسو انو لا حزب الله ولا اي طرف سعى ليعمل شي , وانا ما بتوقع يكون سوريا الا ايد بالموضوع , الموضوع مبين , اي ميليشيا عم تحتمي بلبنان وعم تجبلو مشاكل .
هيك منظمات انا رافضا , وهلي عم يتمرجل ع بلد عربي يروح يتمرجل ع اسرائيل , ما سمعت انو هاي فتح الاسلام قوست رصاصه ع اسرائيل , انا حاليا مع الجيش اللبناني , ولازم يوقفو هالمنظمه واعمالا والكل يتكاتف مشان هيك وما في داعي للتهكمات السياسيه على اطراف اخرى ,
والجيش اللبناني ضايع ... بيضحك... بشرفي بس فكرو ليه ؟
بدل ما يستغل هيك موقف لردود فعل سياسيه بين الاطراف , يطالعو الدخيل ويهدو الامور ليلاقو حل .

سيادة .. حرية .. استقلال
*
*
*
*
لسا ما شفنا منهن شي

[الحب الازرق]

كاتب النص الأصلي : krimbow

ما الها اي علاقة بالموضوع، يعني عادة باغلب ردودي بتذكر لعن ثلاثة امور مو اكتر من هيك

ذكرتني باحد الاشخاص الذي لا ينفك عن لعن الثلاثة ......
طبعا هي ليست ثلاثة امور ...!!!
كما كان يصرح صاحب اللعن اللعين في موقع مراّة سورية ....
وانت كما اظن .. تعني ما يعنيه محب اللعن في مراّة سورية ...وان كان الامر كذلك ...
ان كان الامر كذلك
فانك اضفت صفة الكذب والجبن الى صفة اللعن التي تلحق اللاعن
والا ما هي الامور الثلاثة التي حشرت ضمن الموضوع ولا علاقة لها بشئ ..
ان كان كما تقول :
انك باغلب ردودك تتذكر لعن ثلاثة امور مو اكتر من هيك
فاني انصحك بزيارة طبيب نفسي (وهو امر لا عيب فيه .. والا لما وجد الاطباء النفسيون )

[علاء.]

جيش ئلتلي هه

وكلن بيئولو ماحدا بيمس الجيش تئولي شي ولد صغير

وبدو مين يحمي


ولما خسر مع ميتين مسلح

بلش يقصف المدنيين مفكر بدو يسترد هيبتو

ليش كان ئلو هيبة

اللبنانين ديرون ورا التفنيص

[brave heart2]

يا أخواتي يعني الله يعنون الجماعة كمان

عشرين ايد وخمسين دولة عم تبعوص فيهم

وعندهم جوا مليشيات اذا اتحركت بتحرق الارض

ويلي بتقرصو الحية بأيدو بخاف من جر الحبل