التدخين

[الزعيم السداوي]

التدخين عادة ذميمة
هذة العبارة لا يختلف عليها اثنان

[the hunter]

بس بختلفوا عليها ثلاث ههههههههههههههههه

[khaliiiil]

يعني الله وكيلك لسا عم شوف الموضوع و شعلت سيكارة شو بدي سااوي
انا معك التدخين عاادة ذميمة و مميتة
شقفة سيكاارة عم تتحكم فيناا
حسبي الله و نعم الوكيل!!

[بطيخـ حمرة ـة]

شساالفه ؟؟

[بنوتة حلب]

هي عادة مو حلوة
يعني ما بعرف الواحد شو بيحس لما ما بيدخن لانو انا ما بدخن
بس بعتقد المدمن عليها
متل الي مدمن على اي شي تاني
هههههه مثلا انا مدمنة على النت ولما بيكون في نت بحس انو بتبوكر كل حواسي حتى اقعد على النت
هههههه وخاصة بعد ما تعرفت على هالمنتدى الي بجنن

[الهوى سلطان]

انا مدخن لاكني لست مدمن

الادمان مصيبة كبرى وتعني عدم الارادة

فباي لحظة مثلا استطيع الاقلاع عن التدخين

لكن سؤالي هو كيف نستيطع كبح شهوتنا للدخان في رمضان ؟؟؟

ارجو ان يكون الحوار اكثر جدية من ذلك ؟؟؟

[khaliiiil]

تعاالوا نسااوي هيك مشروع بيناتنا
و نقترح أفكاار منشان نترك التدخين
شو رأيكن؟؟

[عيون جريئه]

التخدين عاده سيئه لاني انا ما بدخن

زمان وانا صغير كنت ادخن بس لما كبرت بطلت بلاش ابوي يضربني


عنجد التدخين ما ببحه ولما اشم ريحة السيجاره بدوخ

[khaliiiil]

كاتب النص الأصلي : للهوى احكام

ارجو ان يكون الحوار اكثر جدية من ذلك ؟؟؟

و متل ما حكي الأخ
خلو الموضوع جدي شوي

[عيون جريئه]

كاتب النص الأصلي : بنوتة حلب

هي عادة مو حلوة
يعني ما بعرف الواحد شو بيحس لما ما بيدخن لانو انا ما بدخن
بس بعتقد المدمن عليها
متل الي مدمن على اي شي تاني
هههههه مثلا انا مدمنة على النت ولما بيكون في نت بحس انو بتبوكر كل حواسي حتى اقعد على النت
هههههه وخاصة بعد ما تعرفت على هالمنتدى الي بجنن

متلي انا مدمن نت كمان

ومدمن حشيش

[the hunter]

حشيش ؟!!!!!!!!!!!!!!!!!!!!!!!!!!!!!!!!!

[عيون جريئه]

كاتب النص الأصلي : khaliiiil

و متل ما حكي الأخ
خلو الموضوع جدي شوي

مو تكرم عيونك حبيبي

اول شي التدخين بيبدأ في مرحلة الطفوله وبحس الطفل انه اذا دخن بيصير زلمه
وبعدين بيتعلق بهالعاده السيئه وبيصير ما بيقدر يتركها بتصير ادمان عنده واذا ما شعل السيجاره كل شوي كنأنه ناقصه اشي
وبتجي بتقول لواحد التدخين بيضر بيقلك بلناقص من سنه من هالعمر وهو بيعرف انه التدخين عاده سيئه وانها بتضر
ومع ذلك الكل بيدخن والكل بيحب الدخان بس الي بدنا نقوله انه الله يقطع الدخان وسنين الدخان

[عيون جريئه]

كاتب النص الأصلي : the hunter

حشيش ؟!!!!!!!!!!!!!!!!!!!!!!!!!!!!!!!!!

كنت زمان حشيش بس هلء صرت هروين ابر اسهل واوفر

[المستحيل]

شو يعني
مين مات

[الهوى سلطان]

جميعنا يعلم ماهي أضرار التدخين وسمومه وبالأخص المدخنون فهم أكثر دراية بذلك
لذلك لن اطيل الكلام وأذكرها فقط سأعطي طريقة ( منقولة طبعا وليست من اختراعي)
تساعدك على ترك التدخين وهي :

1. حدد الوقت الذي تنوي فيه التوقف عن التدخين ، في عطلة نهاية الأسبوع مثلا .

2. قبل أن تتوقف عن التدخين ، حاول أن تغير نوع السجائر إلى نوع لا تحبه من السجائر . ثم اتلف السجائر

والكبريت وصحون السجائر التي لديك .

3. قم بزيارة طبيب الأسنان ، ودعه يزيل عن أسنانك بقع النيكوتين
.

4. ابتعد عن أصدقائك المدخنين وأشغل نفسك في اليوم الذي تقلع فيه عن التدخين بأعمال كثيرة . اذهب إلى أماكن

خالية من التدخين كالمخازن الكبرى وغيرها .


5. استعمل العلكة ( اللبانة ) أو أقراص النعناع والفواكه عندما تشتهي تدخين سيجارة ما

6. لا تحمل معك سجائر ، ولا تدخن مباشرة عندما تفكر بالتدخين . انتظر مضي عدة دقائق. وخلال هذا الوقت

حاول أن تغير العمل الذي كنت تقوم به

7. ابتعد عن كل ما يثير رغبتك في التدخين ، ولا تدخن أبدا أثناء مشاهدة التلفزيون

8.فكر دوما في الآثار السيئة التي يتركها التدخين على صحتك . وفكر في المال الذي توفره على نفسك وعائلتك

بالإقلاع عن التدخين

9. نظف أسنانك ثلاث مرات يوميا ، وتناول كمية كبيرة من الماء والعصير وأكثر من تناول الفواكه والخضار ،

ومارس نوعا من الرياضة.

‍10. عليك أن تتوقع حدوث بعض الأعراض عقب التوقف عن التدخين كالصداع والسعال والإمساك والدوخة

والتهيج وتغير المزاج أو بعض الهمود . ولكن لا تشغل بالك أبدا بهذه الأعراض ، مهما كانت شديدة ، فإنها لا

تهدد حياتك بالخطر ، وعادة ما تختفي خلال أسبوع أو اثنين . وتذكر دوما كم تجني من التوقف عن التدخين .

11. انظر إلى نفسك تجد أن رائحتك أجمل ، وتنفسك أسهل .

‍12. تذكر أن التوقف عن التدخين ليس سهلا ، إلا أنه ليس مستحيلا . ولا

تشعر بالخجل إن فشلت في الإقلاع عن التدخين لأول مرة ، بل حاول التوقف من جديد .

سؤالي هو متى سوف نصبح جديين بمثل هذه المواضيع ؟؟

لنترك لانفسنا ساعة واحدة فقط من الجد وكفاكم مهزلة اخواني

لي عودة وعودات مرة اخرى لهذا الموضوع المهم اف عصرنا التدخين

اقبلو تحياتي

[Odell]

كاتب النص الأصلي : للهوى احكام

انا مدخن لاكني لست مدمن

الادمان مصيبة كبرى وتعني عدم الارادة

فباي لحظة مثلا استطيع الاقلاع عن التدخين

لكن سؤالي هو كيف نستيطع كبح شهوتنا للدخان في رمضان ؟؟؟

ارجو ان يكون الحوار اكثر جدية من ذلك ؟؟؟

بتحداك تقدر تتركو يومين ورا بعض وماتفكر فيه نهائيا

لا تقنعني

[Odell]

انا ممنوع عن التدخين حاليا اتهنى ,,, حكم القوي ,, فتئتولي جروحاتي

[KILLER011]

ياأخ زعيم التدخين عادة كتير سيئة مش لانو بخاف من البابا................


لا سيدي انا مابدخن يعني ماكينتي انضيفة ................ وانا هيك مرتاح

بس صحيح انتا بتدخن؟