عيب عليكن يا شباب .تزويج السوريات

[therion]

عيب عليكن يا شباب والله خجلتونا .
العنوان غريب شوي مو هيك بس انا رح فوت بالموضوع فورا والله يخليكم لا تواخزونا ويلي بياخزنا بيكون قضاء و قدر بس الشباب اوعى من هيك , ما حدا رح ياخزنا انشالله , بلا سئالة رح نفوت بالموضوع :
القصة وما فيها اني انا عايش بالخليج من دون زكر الدولة وانا من سوريا بالاساس , من عيلة معروفة الحمد لله , يلي بيعيش بالخليج يا شباب كل يوم بيسمع اهانة ألا وهي( نحنا بنشتري بناتكم شرى) انتو شو رايكم ؟ دائما بيضحكو علينا انو نحنا فقرا ومشان هيك بنجوزهم بناتنا ونحنا بنعرف شو عم يساوو فيهم بتروح الوحدة بعد ما ينعملا عرس مطنطن( هو بالاساس فضيحة ), بتروح عالخليج على اساس انو شو معززة مكرمة وحفي لبين ما اخدها هيك بيقولو اهلها (وكأنو ما ضل شباب بالبلد وهي القصة بيني و بينكم ابن البلد ما عندو بيت و سيارة ...الخ) , بالاخير بتلاقوها راجعة بعد شهرين تلاتة مطلقة, ومساكين في منهم بنات بيخافو يقولو لأهلهم شو عم يصير معهم , و بيضلو بقى حاطين عالجرح ملح واكلين هوا وساكتين شو بدن يساوو .
متل انا مثلا بتعرفلي على شي واحد بيكون عندو اخ عاهة او عوكة او رايح نصو بشي حادث ورايح انتو اكبر قدر تبعو بالحادث بيجي لعندي بيقلي شفلنا شي وحدة حلبية من هدول النغانيج او شي شامية كربوجة او حمصية لهلوبة خلينا نجوزو ياها لأنو هون ما حدا رضي يعطينا وئلك اكراميتك, كأنو نحن ما عنا كرامة او عنا البنات من الفقر بيشيلن اول زبون طيار .
طبعا نحنا حكينا كل هالحكي بس ما مننسى انو في بنات فعلا عايشين اميرات ببيوتهم , ما بدي كتر حكي .
ولا حدا يفكر اني عم حاول سيء لحدا بس والله يا شباب يلي مو عايش بالخليج ومو دايق اللوعة يلي انا وكل السوريين يلي عايشين بالخيلج ما رح يحسو بيلي حاسين فيه نحنا , وانا بعتزر من هلأ اذا زعلت حدا بس والله هي هية الحقيقة .
أودعناكن , لا تواخزونا , وبيهمني اسمع رايكم .

[يمان Rooooonaldo]

لك فشرو اصلا يللي بيجوز ينتو لهيك نوعية همجية معاقة متخلفة فيها حلو وانخلال عقلي بيكون حمااااااااااااااااااااااااااااااااااااااااار
اكيــــــــــــــــــــــــــــــــــــــد انو مو الكل بس للاسف النسبة العظمى منهم

[Eh@Ab]

ماشي ماشي

[meYnot]

السلام عليكم
وبعدها بدي قولك شغله .. هذا الكلام كله صحيح 100% وانا لمحتي كثير هيك شغلات .. والله لحدة اني انا صرت حس انو انا منهان كمان معي اني مو سوري ولكني شامي من فلسطين!
على اي حال .. اخي الكريم مو كل الناس مثل بعضهم ...
وبعدين لشو بالله بتسمح لحدا يقول هيك كلام معك .. من شان الله يا عمي شو هذا يااااااااا
بتسكر له ثمه وبتقوله روح اشتري لك وحده من هناك ما تيجي تكلمني بهيك امور احنا عيله محترمين ومو كل اصابعك مثل بعضها.

اها هيك بتحكي اخي.. مش بتسمع وبتسكت... شو يااااااا انتم قبضايات مو؟

انا مش شخص عنصري والله اني تعرفت وبعرف ناس كثير اوادم ومحترمين بالخليح وبنحطوا على الجرح يطيب.. ولكن ياعمي ما بقدر طلع فكرة """""""""" ارخص """""""" هاي معششه في راسي عنهم مع احترمي الهم.. وما حدا يزعل مني بالله عليكم... لأني والله شفت شغلات كثير ما عجبتني ولكن انا بقول هاي لأنه الناس ابتعدت عن الدين وصار من النادر لتشوف حدا بيصلي اصلاً ... صح الحكي ولا لا؟

وبعدين ما توخذوني يعني الراجل ومرته بتصير ساعات مشاكل (يعني طفيفة مش كبيره) على الكورة واللاعبين كيف بالسياسة وكيف بأمور ثانية .. اللي بدها تتجوز من غير بلدها بدها تعمل حسابه على عادات وتقاليد مختلفه عن تقاليدها... وبيصير شوية حساسيات على اشياء تافهه... وما ننسى شي مهم كثير هي لحالها يعني كمان ضغوطات عليها من اكثر من شغله .. وهذا منطقي طبعاً.

اما اللي بيجوز بنته غصب عنها .. علشان مصاري .. الخ .. الله لا يسامحة ان شاء الله ... واذا هي وافقت الله يارب يوفقهم ويكتب الهم السعادة.

وبالنسبة لبنات يعني بالشام ولا غيرها اخلاقهن مش كثير .... ياعمي في كل مكان في منه هذا الحكي .... ما تزعل حالك ولا توخذك العزة كثير هيك ... على فكره انا كنت حمقي كثييييييييييير واطابش كثير على هيك كلمات.. بس والله ما بتسوى!!

فأذاً يا عزيزي ... نقطتين هن
1. ياعمي احنا ناس ما بنغرب بنتنا!
2. الفساد في كل البلاد مو بس بالشام!

وبعد هيك اخي ... لا تكون انت تدقر بكل كلمة... خليك مرح وما توخذ في بالك ...
الله يسعدك ويرزقك ان شاء الله وكل المسلمين يارب العالمين

[therion]

حبيبي انا ما بسكتلو بس انا باخدها من مبدأ ( انت اكبر قدر ) اذا عضك الكلب بتعضو ؟؟

[demaaa]

مو مهم انو يكون فقير اهم شي الكرامه والشرف اهم من ملايين العالم كلها

واحد ما عندو شرف وبيملك الملايين

شو بيكون هاد يعني؟؟

فشروا وفشروا وكمان فشروا

بس يمكن مو كل الخليجيين نفس الشي او بيقولو نفس الحكي

لانو مستحيل تلاقي مجتمع الناس يلي فيه نفس الحكي والطباع

بعدين شو مقعدك انت بالخليج ارجع ع سوريا

في حدا بتكون سوريا بلدو وبيروح ع الخليج

[therion]

لا تئرئيني و تطالعيني عن ديني , يستر اختك طلعي من راسي . حبيبتي لو كان راتبي بالشام متل الخليج ما كنت اكلت هوا و اجيت لهون , عرفي حالك شو عم تحكي يا انسة انتي قاعدة ببيتك تستني عريسك حتى يجي حامل محمل , اما انا اكل هوا بالكبجاية , لالي قدران اتجوز ولالي قدران انضرب على قامتي , وبدك ياني ما اجي عالخليج , بعدين ماشالله شو مرحب فينا باوروبا مشان هيك اجينا عالخليج , معليش سامحيني لأنك استفزيتيني

[ميستي]

فيه مثل عندنا بقول " يا ماخذ القرد على ماله بكرة برووح المال وبيظل القرد على حاله "

هذا مثل كتير مشهور عندنا

بعدين بالاصل ما بصير تفسحلهم مجال يحكوا عن بنات سوريا مثل هيك لنهم بالاصل كلهم مثل خواتك وبتخاف على عرضهم وشرفهم
يعني لازم يكون دمك حامي شويه وايواحد بحكي مثثل هذا الحكي المفروض تلطخه كف يمين وكف شمال بستحي على حالو
وبعدين الخليجين بفكروا حالهم انهم معاهم فلوس يا ارض اشتدي ما حدا قدي بس ممكن ما عندهم طاقات بشريه زي ما بنملكها احنا احنا عندنا كل شيء

[Government]

شفلنا شي وحدة حلبية من هدول النغانيج

شو هاد ياباااااااااااطل
مين هالأخو ##### اللي عبحيك عالحلبيات






مافشر


اللي بقلك هالكلام دعاس في راسو
بس ماقلتلي انت وي قاعد بأي بلد
لانو انا صلي 8 سنيني قاعد بهالبلد
وللأمانة بحياتو ماحدا قلي هالكلام ((الحق يقال))


بعدين حبيب مو كل اصابيعك متل بعضن

[meYnot]

لا خرجنا عن المطلوب يا شباب ........... كثير طلعنا براة الموضوع!
والله ابناء الخليج في منهم كثيييييييييير ناس طيبين وأولاد اصول .. والله على ما أقول شهيد..
انا ما قصدت اللي انفهم وما بحب التحامل عليهم والله هذا مش مظبوط الحكي يا جماعة.. هن منا وفينا شئنا ام ابينا.
ولكن يعني قلة بنات في البلد اللي هو فيها ليطلع على سوريا او اي دولة ثانية ليوخذ واحدة ويرجع فيها على بلده؟
أعتقد الجواب معروف...
ولكن انا بعرف ناس في لبنان اجاهم عريس من دولة خليجية وقال ابو البنت ياعمي بنتي مهرها تحفظ القرأن كامل.. وحفظ القرأن الزلمة وهن ما شاء الله عليهم مبسوطين وسعداء..
انا كلامي على الأب اللي بعطي بنته بشوية مصاري ... هذا هوي اللي اهان بنته وخدعها كمان ... اي حرام هيك .. يعني بالله ما في بسوريا وغيرها ناس ظالمين يعني .. زي ما هون زي ما هناك.. بس اللي بالخليج معروف ان عندهم مصاري اكثر هاي كل الشغلة.

وبعدين شو يا therion أخي الكريم اول شي علشان تتعايش بدك تحب الناس اللي انت عندهم، ما بقولك حبهم كلهم .. على الأقل شوف لك كم واحد هيك يعني على مزاجك وبهيك بتكسر روتين الشغل والنوم والأحساس بالوحدة...

وبعدين demaaa هانم يعطيك 1000 عافية شو ياااااا عداوه هي... الله يوفق مو هيك اختي لولا اختلاف الأذواق لبارت السلع ... ما هيك؟....... وبعدين عن طلب وارفضيه اه... ما في صورة احلى من الصورة تبعت ملفك

[EyOs]

......... والله من وجهة نظر الأخ في كم بنت بيروحو هيك روحة وبيتجوزو تحت ضغط المادة ... وحكيك 80 % منو صح
أنا ما عم قول الباقي خطأ .... بس من حيث التصرف .....

دخلك ...بعد ما واحد من هدول يقول هيك ..... وبعد اذنك تسألو هالسؤال .... ( بعد ازنكم على الأفاظ )

اسألو وين بناتهم أو اخواتهم ... اللي عامليلهم تماثيل ....سألو وين عم بينامو ...... يا سيدنا أفقر شب من عنّا بيصاحب أحسن وأثرى وحدي منهم ... وإذا البنت من هون بتاخذ واحد منهم تحت ضغطك العيشة المعترة والحياة الصعبة .... فبناتهم بيصاحبو الواحد من هون بس مشان الشهوة وإرضاء الغريوة ...... لهيك احكم بنفسك وعريف جاوبو وحطّو عند حدّو المرة الجاي ....... ( الكلام فقط عن الأشخاص السيئين ... لأنهم لا يخلو الأمر من ناس فهمانة )

[جورج الأول]

عمي كلمتين أحسن من عشرة .يلي بيشتري النسوان بكون .... و يلي بتنشرى بتكون .... .
قلون كتر خيركون عم تاخدو ال .... من عنا لأنون ما بيعرفو يعيشو غير معكن.

[أبو عقييد]

كاتب النص الأصلي : therion

عيب عليكن يا شباب والله خجلتونا .
العنوان غريب شوي مو هيك بس انا رح فوت بالموضوع فورا والله يخليكم لا تواخزونا ويلي بياخزنا بيكون قضاء و قدر بس الشباب اوعى من هيك , ما حدا رح ياخزنا انشالله , بلا سئالة رح نفوت بالموضوع :
القصة وما فيها اني انا عايش بالخليج من دون زكر الدولة وانا من سوريا بالاساس , من عيلة معروفة الحمد لله , يلي بيعيش بالخليج يا شباب كل يوم بيسمع اهانة ألا وهي( نحنا بنشتري بناتكم شرى) انتو شو رايكم ؟ دائما بيضحكو علينا انو نحنا فقرا ومشان هيك بنجوزهم بناتنا ونحنا بنعرف شو عم يساوو فيهم بتروح الوحدة بعد ما ينعملا عرس مطنطن( هو بالاساس فضيحة ), بتروح عالخليج على اساس انو شو معززة مكرمة وحفي لبين ما اخدها هيك بيقولو اهلها (وكأنو ما ضل شباب بالبلد وهي القصة بيني و بينكم ابن البلد ما عندو بيت و سيارة ...الخ) , بالاخير بتلاقوها راجعة بعد شهرين تلاتة مطلقة, ومساكين في منهم بنات بيخافو يقولو لأهلهم شو عم يصير معهم , و بيضلو بقى حاطين عالجرح ملح واكلين هوا وساكتين شو بدن يساوو .
متل انا مثلا بتعرفلي على شي واحد بيكون عندو اخ عاهة او عوكة او رايح نصو بشي حادث ورايح انتو اكبر قدر تبعو بالحادث بيجي لعندي بيقلي شفلنا شي وحدة حلبية من هدول النغانيج او شي شامية كربوجة او حمصية لهلوبة خلينا نجوزو ياها لأنو هون ما حدا رضي يعطينا وئلك اكراميتك, كأنو نحن ما عنا كرامة او عنا البنات من الفقر بيشيلن اول زبون طيار .
طبعا نحنا حكينا كل هالحكي بس ما مننسى انو في بنات فعلا عايشين اميرات ببيوتهم , ما بدي كتر حكي .
ولا حدا يفكر اني عم حاول سيء لحدا بس والله يا شباب يلي مو عايش بالخليج ومو دايق اللوعة يلي انا وكل السوريين يلي عايشين بالخيلج ما رح يحسو بيلي حاسين فيه نحنا , وانا بعتزر من هلأ اذا زعلت حدا بس والله هي هية الحقيقة .
أودعناكن , لا تواخزونا , وبيهمني اسمع رايكم .

أنا ردي على الموضوع رح قول شو هو ياسيدي ما أنت هدول تبع الخليج بياخدوا من عنا لأنو نسوانهم فايتين بالحيط لا خرج مسؤولية ولا خرج شي بس حطها للموبايل و للسوق و بعدين ...... ؟ و مو خرج يمسكو بيت أما البنت السورية فمافي منها ست بيت درجة أولى و بعدين فش كل مين قال أنو هنن بيشترونا بالمصاري إلا بعض العيل يلي عنا بسوريا يلي للأسف تفكيرهم مادي و بيلحشو بنتهن لحشات شلون ماكان فهدول يلي بيشوهو سمعة الناس التانية و الله يكون بعون الناس بس على فكرة نسوان أهل الخليج أغلبهم معنس مو متزوجين و شكرا ......

[demaaa]

كاتب النص الأصلي : therion

لا تئرئيني و تطالعيني عن ديني , يستر اختك طلعي من راسي . حبيبتي لو كان راتبي بالشام متل الخليج ما كنت اكلت هوا و اجيت لهون , عرفي حالك شو عم تحكي يا انسة انتي قاعدة ببيتك تستني عريسك حتى يجي حامل محمل , اما انا اكل هوا بالكبجاية , لالي قدران اتجوز ولالي قدران انضرب على قامتي , وبدك ياني ما اجي عالخليج , بعدين ماشالله شو مرحب فينا باوروبا مشان هيك اجينا عالخليج , معليش سامحيني لأنك استفزيتيني

ع مهلك عليي شوي طيب

انا ما بعرف انو هيك وضعك ما ضل الا تجي وتضربني كم كف

لاني استفزيتك

منسحبها لهالكلمه ولا قلك للتعليق كلو

مشكور

[EyOs]

كاتب النص الأصلي : therion

لا تئرئيني

المعنى : أي لا تصيبينني بالأرق أي القلق ( لا تصرعيلي راسي )




مشان اختلاف اللهجات .....

[عيون جريئه]

كاتب النص الأصلي : demaaa

مو مهم انو يكون فقير اهم شي الكرامه والشرف اهم من ملايين العالم كلها

واحد ما عندو شرف وبيملك الملايين

شو بيكون هاد يعني؟؟

فشروا وفشروا وكمان فشروا

بس يمكن مو كل الخليجيين نفس الشي او بيقولو نفس الحكي

لانو مستحيل تلاقي مجتمع الناس يلي فيه نفس الحكي والطباع

بعدين شو مقعدك انت بالخليج ارجع ع سوريا

في حدا بتكون سوريا بلدو وبيروح ع الخليج

ايه والله احنا بنحلم نطلع على سوريا واهلا طالعين منا

[عيون جريئه]

كاتب النص الأصلي : demaaa

ع مهلك عليي شوي طيب

انا ما بعرف انو هيك وضعك ما ضل الا تجي وتضربني كم كف

لاني استفزيتك

منسحبها لهالكلمه ولا قلك للتعليق كلو

مشكور

ليش انتي شو قلتي لحتى تسحبي كلمتك

[demaaa]

كاتب النص الأصلي : عيون جريئه

ليش انتي شو قلتي لحتى تسحبي كلمتك

انا بدي اسحبها لانو في ناس ع اساس كاتبه موضوع من شان نحنا نكتب تعليقاتنا وتنسمع ارئنا

بس الظاهر هالناس ما بتحب تسمع رايي غيرها

ما دامك يعني مقتنع برايك وجايي وهاتت عليي

ليه لتنشر هالموضوع بدي افهم بس ؟؟!!