|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
21/10/2006
|
#1 | ||||
|
عضو
-- اخ حرٍك --
|
انت وانا والمواطن !!!
نفس أرجيلة يا ولد
 وعلى بابي واقف قمرين وكيفك انت ملا انت ؟ وعلدلعونا وعلدلعونا ويلعن الساعة الـ فيا خلقونا. ايه وهون بيت القصيد (الساعة الـ فيا انخلقنا) الواحد مننا يا قبضايات بطلع من رحم امو بطلوع الروح  بطلع من المدرسة بطلوع الروح  بطلع من طفولتو الـ نص بريئة نص مدري شو بطلوع الروح  بطلع من مراهقتو بأقل الخسائر الممكنة بطلوع الروح  بطلع من جامعتو هاهاهاهاها بطلوع الروح  بفوت لقبرو بطلوع الروح (أكيد بطلوع الروح) ويا روح ما بعدك  روح . وكل يغني على ليلاه:  العز للرز والبرغل شنق حالو (مواطن كسلان) ألف قولة جبان ولا قولة الله يرحمه (مواطن عادي) الموت مع الناس رحمة (مواطن يائس) بيقتل القتيل وبيمشي بجنازتو (مواطن بوشين) حكى بدري وانشرح صدري (مواطن مفلسف) رضينا بالبين والبين ما رضي فينا (مواطن بسيط) صام صام وفطر على بصلة (مواطن معتر = مالو حظ ) صرلو بالقصر من امبارح العصر (مواطن ذو نعمة حديثة) = (مواطن ********) اييه وغيرو وغيراتو  مو عاجبكن ما تفوتو / ما بدكن ياه ما تردو/ ويا جبل ما يهزك ريح  حتقلي وين الموضوع مع صدمة ايواه .. حبايبي الموضوع بين السطور  شفت وين موضوع .. ايه الموضوع .. هنيك . شو نوعك انت كمواطن؟ وشو دورك بمجتمعك؟ وهل عندك همّ وطني؟ ولا مو عبالك هالموال يا عزيزي  هممم كح كح كح خلص.
لا تجبر الإنسان ولا تخيّره
يكفيه ما فيه من عقل بيحيَّره اللى النهارده بيطلبه ويشتهيه هو اللى بكره ح يشتهى يغيّره عجبى !! |
||||
|
|
21/10/2006
|
#2 | ||||||
|
مشرف متقاعد
|
أنا مواطن غير عادي .. و مفلسف (رح أحكي انشالله بينشرح صدركون)
أنا المواطن اللي اتطلع لفوق و ما انكسرت رقبتو ... بس وجعتو أنا أخو أختي  و أخو لأخي المواطن و أخي المو .. واطن أنا همي الوطني ثلاث غرف و منافعون و أربع دواليب و مسجلة  همي القومي فلسطين و بغداد و نواكشط و عبد الحليم حافظ  أنا مش أنا .. أنا و بعدي الطوفان  أنا اللي أخدوا أمي ما صاروا عمي .. صارو جوزت خالتي (عرفتو لوين أخدوا  )أنا مواطن صباطي مقفوع و جرابي مقفوع و بنطروني مقفوع و قميصي مقفوع جيبي مقفوع هرت منو كل الفراطة الحديد و المحارم المهترية و نتاتيف الورق اللي عليها أرقام منسية لك كل شي هر من هالجيبة حتى صحتي بس في شغلة وحدة ما عم تهر كرامتي هوي صحي مسحولي فيها الأرض و ضربوها بعرض الحيطان و باعوها بالمزادات العلنية والسرية و نفخوها نفسوها لحد ما نشفت و شقشقت بس أنا محتفظ فيها و هي محتفظة فيني و بدي صرخ و بدي عيط ليبح صوتي و لياخدوني عالمعتقل بس ما رح اسكت و مارح حطها واطية شبكون ما أنا مواطن غير عادي 
تحيا سوريا!
الحرية لسوريا و السوريين I'm going to buy this place and start a fire Stand here until I fill all your heart's desires Because I'm going to buy this place and see it burn Do back the things it did to you in return |
||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 17:32 (بحسب عمك غرينتش الكبير +3)