الابتعاد عن الناس وقت مننزعج

bratgirl1 · 25/09/2006

يعني الصراحة يمكن هو مو موضوع كبير , يمكن بالاصح هي فكرة وحابة انو نتناقش فيها واعرف رأيكن

ليش عندما تكون مزعوج و تفضل الابتعاد عن الناس تدخل على النت مع أن النت هو اسلوب من أساليب التخاطب مع الناس

لمااااااااااااااااااااااا اااااااااااااااذااااااااا ااااااااااااااااااااااااا ااااااا؟؟؟؟؟؟؟

بس ملاحظة: يعني ما بيهمني اذا كان الموضوع مكرر او مذكور سابقا المهم انو انا قرأت هالفكرة بمكان تاني و حابة اعرف وجهة نظر الاعضاء هون بهالفكرة لانو حسيت هالموضوع بيهم كل واحد بيدخل النت و عندو تعلق بالنت و ميرسي الكن

ayham-hemo · 25/09/2006

ايوااااااااااااااااا برات انا جيت وجايب معي كيلو ونص حكي بدي اعرضهم هون بلكي حدا بيشتري واربح هههههههههههه تاجر بالفطرة.
ياستي انا بقلك شو القصة بالتفصيل:
النت يا انستي هو عبارة عن تخاطب العقول، بلغة بعيدة عن استخدام الحواس اللي بنستخدمها عادة مع الأشخاص العاديين -متل السمع والنظر والتكلم ..... الخ الخ-، ونحنا لما بدنا نهرب من الناس، ماعنا اي مشكلة بالتخاطب معاهم بشكل فكري وعقلي كما بالنت، وبنتخلص من مراقبتهم ومتابعة حركاتنا وتصرفاتنا وردود افعالنا، كمن الزمن اللي بنتخاطب معاهم بالنت مختلف -غالبا- عن زمن الاختلاط الحقيقي الواقعي، كمان الاشخاص المخاطبين نتياً -يعني بالنت- ما بيعرفو شو هي ظروفك او مشكلتك أو حالتك النفسية، بالتالي تخلصتي من احراجهم الك بمعرفة شو صاير معاكي في حال شافوكي بالواقع، بمعنى تاني الهروب للنت هو تتمة للهروب من الواقع والاشخاص، والانجرار لعالم خيالي فيه مانك مجبرة بالرد على اي شيء ما بيعجبك دون ما تنحرجي، وخلق الحالة المعاكسة لواقعك وتعيشي فيها لمدة زمنية محددة، مع أنك هيك ما حليتي شي، وبدك ترجعي لعالمك الحقيقي وتواجيه بالنهاية، بس نوع من الاقناع الشخصي بتمني استمرار هادا الواقع ودوامو، كمان ممكن يكون بسبب الادمان بتفوتي عالنت، متل ما عمبيصير معي شخصياً، ومو مشان لاتخلقي واقع او تهربي منو مجرد عادة فقط يعني.
أنا شخصيا لما كون متضايق ومابدي أحكي مع حدا بفوت وبتفرج بس بدون حتى ما شارك أي حدا باي نقاش، لاني من النوع اللي بتظهر حالتو النفسية على كلامو وتصرفاتو حتى الباطنية منها -كالكلام على النت- رح تتغير تصرفاتي بشكل اكيد وواضح، هي طبعا لما وصل لمرحلة الانفجار -هههههههههه بهيك حالة بصير قنينة غاز والقدحة جاهزة-.
على كل أنشالله ما تضطري للجوء للنت لما تكوني مزعوجة بس ويكون مرورك لما تكوني مبسوطة كمان، والله يبعد عن الجميع الزعل والقهر.
يلا انا عرضت بضاعتي واللي حابب يشتري يلي بدو يغتنم الفرصة العرض محدود ودمتم.

الله حيوووووووووو الدعم اللوجستي

bratgirl1 · 25/09/2006

اهلا هيمووووووووووو

الحقيقة انو عجبني ردك كتير و افكارك اجت مطابقة للفكرة يلي براسي بمعنى تاني انا كنت عم فكر كمان انو دخول النت اذا كان الشخص هارب من الواقع ما هو الا تتمة للهروب

بس طبعا انا ما عم قول انو دايما دخول النت هو هروب , لاء طبعا, بس انا حددت حالة وحدة بس

مشكوور هيمو نورت الموضوع وبالنسبة للبضاعة يعني بضاعتك حلوة بس غالية شوي انا شخصيا رح استنى اوكازيون هههههههههههه

PRINCE BROWN · 25/09/2006

خطي ليش ما حدا رادد عليكي يا خطي ؟؟

انا من ناحيتي لما بعصب ماعندي استعداد لا شوف ولا احكي مع حدا إلا بعد حين ولا ممكن فوت لا عالنت ولا ع محل (بس ممكن إني فوت ع التواليت إزا مزنوق

)

PRINCE BROWN · 25/09/2006

لك ليش ما طلعولي المشاركات لما فتت شفت الموضوع ؟؟؟؟

والله فكرت حالي انا الرد الوحيد

يالله حصل خير

نيرفانا · 25/09/2006

اقتباس:

كاتب النص الأصلي : ayham-hemo

ايوااااااااااااااااا برات انا جيت وجايب معي كيلو ونص حكي بدي اعرضهم هون بلكي حدا بيشتري واربح هههههههههههه تاجر بالفطرة.
ياستي انا بقلك شو القصة بالتفصيل:
النت يا انستي هو عبارة عن تخاطب العقول، بلغة بعيدة عن استخدام الحواس اللي بنستخدمها عادة مع الأشخاص العاديين -متل السمع والنظر والتكلم ..... الخ الخ-، ونحنا لما بدنا نهرب من الناس، ماعنا اي مشكلة بالتخاطب معاهم بشكل فكري وعقلي كما بالنت، وبنتخلص من مراقبتهم ومتابعة حركاتنا وتصرفاتنا وردود افعالنا، كمن الزمن اللي بنتخاطب معاهم بالنت مختلف -غالبا- عن زمن الاختلاط الحقيقي الواقعي، كمان الاشخاص المخاطبين نتياً -يعني بالنت- ما بيعرفو شو هي ظروفك او مشكلتك أو حالتك النفسية، بالتالي تخلصتي من احراجهم الك بمعرفة شو صاير معاكي في حال شافوكي بالواقع، بمعنى تاني الهروب للنت هو تتمة للهروب من الواقع والاشخاص، والانجرار لعالم خيالي فيه مانك مجبرة بالرد على اي شيء ما بيعجبك دون ما تنحرجي، وخلق الحالة المعاكسة لواقعك وتعيشي فيها لمدة زمنية محددة، مع أنك هيك ما حليتي شي، وبدك ترجعي لعالمك الحقيقي وتواجيه بالنهاية، بس نوع من الاقناع الشخصي بتمني استمرار هادا الواقع ودوامو، كمان ممكن يكون بسبب الادمان بتفوتي عالنت، متل ما عمبيصير معي شخصياً، ومو مشان لاتخلقي واقع او تهربي منو مجرد عادة فقط يعني.
أنا شخصيا لما كون متضايق ومابدي أحكي مع حدا بفوت وبتفرج بس بدون حتى ما شارك أي حدا باي نقاش، لاني من النوع اللي بتظهر حالتو النفسية على كلامو وتصرفاتو حتى الباطنية منها -كالكلام على النت- رح تتغير تصرفاتي بشكل اكيد وواضح، هي طبعا لما وصل لمرحلة الانفجار -هههههههههه بهيك حالة بصير قنينة غاز والقدحة جاهزة-.
على كل أنشالله ما تضطري للجوء للنت لما تكوني مزعوجة بس ويكون مرورك لما تكوني مبسوطة كمان، والله يبعد عن الجميع الزعل والقهر.
يلا انا عرضت بضاعتي واللي حابب يشتري يلي بدو يغتنم الفرصة العرض محدود ودمتم.

الله حيوووووووووو الدعم اللوجستي

صباح الخير أولاً

طبعاً أنا مو جاي إشتري لكن بدي عقّب
بالإضافة لهاد الكلام نحنا بالحياة اليومية لما منكون بتماس مباشر مع الناس بتنطرح مواضيع وبتكون عادةً وليدة الموقف اللي مننحط فيه بصورة تانية أغلب الأحيان بينفرض نوع الحديث أو النقاش ونحنا منرضخ تماشياً مع الحالة اللي خلقت هالموضوع أو غيرو.... بهالحالة بيكون النت أريح من نواحي كتير وأهمها أنو الشخص بيقدر يفوت على الموضوع اللي هو بيعجبو وبلاقي عندو الرغبة إنو يناقشو وبتصو ر إنو هيك أحسن بكتير للناس العصبيين.

ماما منوشه · 25/09/2006

انا بعتقد انو الواحد منا بيهرب على النت لأن الناس الي بنحكيها بتكون غالبا ما بتعرفنا
وكمان وقتها بنبدأ ندور على شي يبهج يعني لما نفوت عالماسنجر واحنا متضايقين او منكدين بنبعت فورا للموجودين عالماسنجر بلوك إلا الذين يدخلون البهجة على قلوبنا
شكرا على الموضوع وما اعتقد انو مكرر هنا

Abu Guzef · 27/09/2006

لأنو الواحد
يعني كيف بدي أحكيلك
خلص بعدين

ameen · 27/09/2006

لانو النت اسرع و سيلة للهروب من الواقع

و بياخد الواحد الشخصية اللي بدو ياها

nnosh · 27/09/2006

مابعرف
بس انا لما بكون متضايقة بفوت على الشات
وبعملي خناقة مع شي حدا وبفضي كل قهري فيه
واذا مارتحت ولا لقيت حده اتخانق معو بنكد عليهون شوي وبخرب عليهون الشات وبطلع

شفتو كيف هلق بنتخانق
منيح لكان لاهرب

PRINCE BROWN · 27/09/2006

بالله قومو نتخانق

والله ديقة الخلاق دايقا خلاقا مني ع كتير مو دايقة خلاقي

بالله ما داقت خلاقكن مني ؟؟؟
هلأ بالله داقت خلاقكن مني

**butterfly** · 27/09/2006

اقتباس:

كاتب النص الأصلي : PRINCE BROWN

بالله قومو نتخانق

والله ديقة الخلاق دايقا خلاقا مني ع كتير مو دايقة خلاقي

بالله ما داقت خلاقكن مني ؟؟؟
هلأ بالله داقت خلاقكن مني

يعني لو ما نك حاطط هالسمايلي

اللي بيقطعلي قلبي ... كنت قلت الحقيقة ...
بس هلق مضطرة كذب ..

لأ يوه معقول تضيق خلاقنا منك ...

**abosleman** · 27/09/2006

اقتباس:

كاتب النص الأصلي : butterfly

يعني لو ما نك حاطط هالسمايلي

اللي بيقطعلي قلبي ... كنت قلت الحقيقة ...
بس هلق مضطرة كذب ..

لأ يوه معقول تضيق خلاقنا منك ...

بصــــــــــــراحه

اي لا تستغربو بشان السمايلي
بربك بلا مجاملات

**butterfly** · 27/09/2006

اقتباس:

كاتب النص الأصلي : abosleman

بصــــــــــــراحه

اي لا تستغربو بشان السمايلي
بربك بلا مجاملات

أنا هالسمايلي بيدبحني بيقطعلي قلبي ...
خرج يبتزوني عاطفيا بهالسمايلي

**abosleman** · 27/09/2006

اقتباس:

كاتب النص الأصلي : butterfly

أنا هالسمايلي بيدبحني بيقطعلي قلبي ...
خرج يبتزوني عاطفيا بهالسمايلي

حاج تبكي

طيب استنى لقللك

هي نهايه السمايلي تبعك
إذا ما اخدتوني معكن بكره بالرحله

shosho cat · 27/09/2006

ما بعرف بس انا رح بحكي عن حالي
هلا مو في كل الاوقات النت بكون وسيله للتخاطب مع الناس يعني انا احيانا بدخل على النت وما بحكي مع حداا مو شرط , ولو دخلت لحتا احكي هاده مو معناتو اني مزعوجه من الناس اللي حوالي وبدي اهرب من الواقع لا , لأنو وانا مزعوجه ما بكون عندي مراق اصلا ادخل على النت.

بس انا بحس انو النت عالم واسع بامنلي فرصه اني التقي واحكي مع اشخاص يمكن ما كان ممكن التقي فيهم بحياتي العاديه , اشخاص مختلفين عني بالفكر ... بالعقيده....باللغه وشغلات كتيره هون بصير فيه تبادل افكار وخبرات وتجارب يعني الفائده بتكون اكتر

لانو في الحياه اللي بعيشها مهمها كانت علاقاتي وصداقاتي كتيره غالبا بكونو من نفس المحيط اللي انا عايشه فيه يعني افكارنا غالبا بتكون قريبه من بعض واحيانا بصير في نوع من الملل

كاليمارو · 27/09/2006

انا ما بعرف بس يمكن لما بيحكي ع النت بيرتاح حاله عشان هو ما بيعرف الشخص الي عم بيحكي معه فيكون اسهل عليه انه بيقول الي في قلبه والطرف الاخر بيرد عليه بكل صراحة وبيريحه بكلمه حلوه .

PRINCE BROWN · 27/09/2006

لك ميرسي كتير أختي بتر رجلاي يا خطي علاي

عنجد شكرا كتير باترفلاي والله جبرتيلي خاطري كزا مرة روحي الله يجبر بخاطر أهلك وأكتر مرة لما قريت هي الخواطر تبعيتك نعنشتيلي قلبي من جوااا (طبعا وعن الأخر لا نرضى بديل

)
لك والله حي ابو سليمان وام سليمان وسليمان ورفيق سليمان وأهل سليمان وأهل أهلو لسليمان وجمال سليمان

و أحلا مسوية و أحلا سهرة لعيون الله اللي خلق سليمان
ولجواااااااااااااااااااااا وهي هيكي شغلة 100 وردة من أريبو و100 تانيات من تسعتو تلاتو