من اين اتت كلمة عربي

Willi · 09/09/2006

هلق هو للصراحة العرب كل واحد بيحكي عن تاريخو شكل

بقرا كتاب بكون مكتوب شي, بقرا مقال بكون مكتوب شي تاني, بقرا كتاب تاني, لسى شي مختلف تماما.
بس كنت عم اقرا مقال من المقالات ولقيت فيه تاريخ تسمية العرب
سبق وقريت المكتوب فيها باكتر من مكان.
يلا بلا طول سيرة, رح نبلش:
وقفو عندكون
بس عد للتلاتة وقوص منبلش
ما حدا يبلش قبل. والله اللي ببلش قبل الضرب تبع الانطلاق رح يجي على مخو, يعني بالمشرمحي رح قوصو.
يلا 1, 2, 3

اطلق الآراميون وهم سكان شرقي الفرات، لفظة "عرب" على قاطني غرب الفرات ، في ما يعرف اليوم بالجزيرة العربية للدلالة على موقعهم الجعرافي .

لفظة "عرب" تعني "غرب" في اصلها الآرامي، ومن الآرامية انتقلت الى العبرانية والبابلية والسريانية وغيرها من اللغات السامية.

ولمّا كان هؤلاء "الغربيون" يسكنون البوادي القاحلة، اصبحت لفظة "عرب" تطلق على كل من قطن البادية وعاش حياة البداوة والاعرابية والجفاف والفقر"
(المفصّل في تاريخ العرب قبل الاسلام_ جواد علي_ 1/18)

الآراميون اطلقوا لفظة "عرب" على سكان غربي الفرات، لأن لفظة "عرب" في لغتهم تعني "الغرب" ، ومنها "عرُبُو" أي "غروب" ...وتعني ايضاً "خلط" و"مزج" ...ومنها ايضاً "عروبتو" ليوم "الجمعة" ، الذي كان يسمّى في المصادر الجاهلية "يوم العروبة" ، وهو يوم غروب الاسبوع قبل يوم الراحة...
وسمّى الجاهليون يوم "العروبة" بيوم الجمعة من تجمّعهم (جمعة مشتقّة من تجمّع) فيه للتبضّع في مساء السبت، وما زالت اللغة العربية تحمل هذه المعاني حتى اليوم.

"وقد فهم الآراميون بالعرب وببلاد العرب كل ما له علاقة بالإعرابية والسكن في البادية"
(المرجع نفسه_ 1/22)

...وفي الكتابات البالبية وردت جملة "ماتوا اربي" أي "ارض عربي" أو "ارض العرب" ...والمقصود بها : البادية الحافلة بالبدو الذين يعيشون حياة فقر، والذين يعيشون غربي الفرات.

ولهذا سمّى سكان مدن بابل ، اهل البادية بإسم "عمرو" (أو عربوا) أي اهل الغرب، لأن بلادهم واقعة غربي الفرات، وهو اسمهم القديم في بابل...ثم سمّوهم "عريبي" او "عرب" ومعناها ايضاً في اللغة السامية الأصلية "الغربيون" وكانوا يسمون بلادهم "مات عريبي" اي بلاد الغربيين، او بلاد العرب.

وفي الكتابات الأشورية نجد اقدم نص وردت فيه لفظة "عرب" من ايام الملك الشوري شلمنصر الثالث سنة 824 ق.م ، وقد ترك نصّاً شهيراً بعد ان انتصر على ملك دمشق الآرامي ...يقول في النص: " قرقر، عاصمته الملكية، أنا خرّبتها ، انا دمرتها، انا احرقتها بالنار: 1200 مركبة، 10.000 جمل لجندب عربي ...هؤلاء تألبّوا عليّ" ..والمقصود في كلمة "عرب" في هذا النص "بداوة ومشيخة كانت تحكم في ايامها البادية ، تمييزاً لها عن قبائل اخرى كانت مستقرّة في تخوم البادية"

ويعلّق الدكتور فيليب حتّي على ذلك في كتابه "تاريخ العرب قبل الاسلام" بقوله:" ومن بديع الاتفاق ان اول اسم عربي يسجّله التاريخ ، جاء مقروناً بإسم الجمل"

وفي النص الفارسي المكتوب للملك داريوس سنة 486 قز/ جاءت لفظة "عرباية" بمعنى البلاد الصحراوية المتاخمة لأرض فارس، ووجدت هذه الكتابة في قرية "بهستون" في همذان وحلوان.

نستدّل من كل ذلك أن لفظة "عرب" هي صفة لأناس عاشوا حياة فقر وبادية كانوا يقطنون غربي الفرات، وقد تطورّت اللفظة مع الزمن لتشمل كل من سكن في الصحراء القاحلة ، فذهب بعض العلماء الى إدخال طور سيناء في جملة هذه البوادي ، حتى ان كل قطعة ارض قاحلة في اي بقعة، دعيت "عربية" وكل شعب يعيش في البداوة سميّ "عربياً".

اهلا وسهلا

~YAFA~ · 09/09/2006

انا ما بهم في التسميات
بس خلص اسم العرب اسم مطبوع علينا

ولو شو معملنا بنضل عرب

Fady007 · 09/09/2006

شكرا يا معلم علي المعلومات

بس لو تقدر تطلع معني كلمة عربي في القواميس
يبقي عملت خير
لاني انا سمعت عن وجود كلمة عربي في احدي القواميس
وتعني الشحاذ والمتشرد

Willi · 09/09/2006

اي لاء ما عم نحكي شي
ما قصدي نزل من قيمة العرب او شي

انا بس عم قول شو هية اصل التسمية مو اكتر

اقتباس:

بس خلص اسم العرب اسم مطبوع علينا ولو شو معملنا بنضل عرب

هلق هية المشكلة مو بكلمة عربي
المشكلة بالشعب العربي
لانو انت اللي بترفعي من شأن اسمك
وانت بتنزلي من قيمتو

ومع الاسف العرب عم يعملو التانية, ومو مفكرين بالاولى

احلا شروق
مشكورة لمرورك

Willi · 09/09/2006

اقتباس:

شكرا يا معلم علي المعلومات

بس لو تقدر تطلع معني كلمة عربي في القواميس
يبقي عملت خير
لاني انا سمعت عن وجود كلمة عربي في احدي القواميس
وتعني الشحاذ والمتشرد

الشحاد والمتشرد

ما بظن في قاموس بقول هيك (اذا بتعرف يا ريت اتدلنا عليه) او تقلنا مين اللي اطلق هالتسمية وليش.

ما بعرف اذا محل مو سمعان هالحكي بيقصدو انو معناها بدوي بس مبالغين فيها وقايلين شحاد ومتشرد
بس هاي اول مرة بسمع شي من هالحكي

Fady007 · 09/09/2006

هي بعض المعاني اللي طلعتها من بعض المواقع
مش عارف معني الكلمه صح ولا غلط؟؟؟

عايزين حد يكون ليه في اللغه والقواميس

وهنا بعض المرادفات التي يتضمنها "وبستر" ويتوسع فيها "روجتس" لكلمة "عربي":

المتسكع، المتشرد، المتسول، المنحرف، الأفاق، العالة، الصعلوك، المنبوذ، التائه، الزائغ، الاخرق، المتبطل، المستجدي، الكسول، المهمل، الولد الشرير، الشارد، الضال، الزقاقي، العائم، الهائم على وجهه، الهادر وقته، المقامر، المبذر، البائع الجوال، التاجر، المتاجر، المزايد، المضارب، المحتال.

فاذا كنت عربيا ، اختر ما شئت من هذه الكلمات في وصف من أنت، فلن تخطئ. ولا تحزن، لانك اذا حاولت الخروج من القاموس هذه الايام ستتعثر بمرادفات اخرى قد لا يطول الامر لتدخل الطبعات الجديدة، بل المستغرب في اطار هذا التعامل النمطي مع العرب ان كلمة "ارهابي" لم تضف بعد مرادفا في القواميس العنصرية. فأي حصار هو هذا؟

عدنان · 09/09/2006

حلو كتير ههههههههههههههههههههههه

~YAFA~ · 09/09/2006

اقتباس:

كاتب النص الأصلي : Willi

اي لاء ما عم نحكي شي
ما قصدي نزل من قيمة العرب او شي

انا بس عم قول شو هية اصل التسمية مو اكتر

هلق هية المشكلة مو بكلمة عربي
المشكلة بالشعب العربي
لانو انت اللي بترفعي من شأن اسمك
وانت بتنزلي من قيمتو

ومع الاسف العرب عم يعملو التانية, ومو مفكرين بالاولى

احلا شروق
مشكورة لمرورك

وانا رأي من رايك وبقول انو كونا عرب هادا مش عار بالعكس احنا الي شوهنا العروبة !! بحكامنا بشعوبنا الي مارسوا عليها كل انواع الضغط !!

Willi · 09/09/2006

اقتباس:

وهنا بعض المرادفات التي يتضمنها "وبستر" ويتوسع فيها "روجتس" لكلمة "عربي":

المتسكع، المتشرد، المتسول، المنحرف، الأفاق، العالة، الصعلوك، المنبوذ، التائه، الزائغ، الاخرق، المتبطل، المستجدي، الكسول، المهمل، الولد الشرير، الشارد، الضال، الزقاقي، العائم، الهائم على وجهه، الهادر وقته، المقامر، المبذر، البائع الجوال، التاجر، المتاجر، المزايد، المضارب، المحتال.

فاذا كنت عربيا ، اختر ما شئت من هذه الكلمات في وصف من أنت، فلن تخطئ. ولا تحزن، لانك اذا حاولت الخروج من القاموس هذه الايام ستتعثر بمرادفات اخرى قد لا يطول الامر لتدخل الطبعات الجديدة، بل المستغرب في اطار هذا التعامل النمطي مع العرب ان كلمة "ارهابي" لم تضف بعد مرادفا في القواميس العنصرية. فأي حصار هو هذا؟

معلم نحن عم نحكي عن تاريخ الكلمة مو عن شو رأي العالم بالشخص العربي
يعني منطقيا وعقليا
وقت انوجدت كلمة عربي بالتأكيد ما كان هاد المعنى تبعها

يعني اذا قريت المقال رح تلاقي مكتوب انو اقدم نص وردت فيه لفظة "عرب" كان سنة 824 ق.م
يعني نحن هون عم نحكي 3 الاف سنة
اللي عم تحكي عليه انت, اذا وجد فرح يكون عمرو شي 50 سنة يمكن اكتر شوي او اقل
يعني هاد مانو اصل التسمية.

Fady007 · 09/09/2006

اقتباس:

معلم نحن عم نحكي عن تاريخ الكلمة مو عن شو رأي العالم بالشخص العربي
يعني منطقيا وعقليا
وقت انوجدت كلمة عربي بالتأكيد ما كان هاد المعنى تبعها

عندك حق وقت وجدت هالكلمه ما كان معناها كده
بس انا حزين

علي رأي العالم يبقي كده علي الشخص العربي
لانو في الاول والاخير انا عايش في مجتمع عربي
ولو اني مش مقتنع بفكرة العروبه

اقتباس:

يعني اذا قريت المقال رح تلاقي مكتوب انو اقدم نص وردت فيه لفظة "عرب" كان سنة 824 ق.م
يعني نحن هون عم نحكي 3 الاف سنة
اللي عم تحكي عليه انت, اذا وجد فرح يكون عمرو شي 50 سنة يمكن اكتر شوي او اقل
يعني هاد مانو اصل التسمية

.

بس اعتقد برده انو معني كلمة عربي بالشكل ده
راح تبقي في يوم من الايام عباره عن تاريخ
بمعني انها لو وجدت هذه المعاني منذ 50 سنه او اكتر
مسيرها تبقي تاريخ وبحر اسود بعد مئات السنين القادمه
في تاريخ المفاهيم لكلمة الشخص العربي

Willi · 10/09/2006

معنى كل عربي ما رح تتغير

هية اسم للشعوب اللي عايشة بهالمنطقة
بالنسبة لرأي العالم بهالشعوب
هاد شي مختلف تماما

estephan · 26/09/2006

هلو شباب...
انا سامع انه كلمة عربي مشتقة من كلمة عربا الارامية والتي تعني الماشية وكان الاشوريون يطلقون اسم عرباي(رجل الماشية ) علىالبدو الرحل لانهم كانوا يشتهرون برعي الغنم تماما كما يطلق الامريكيون اسم كاو بوي(رجل البقر)على سكان ولاية تكساس لانهم يشتهرون برعي البقر.ولازال الاشوريون في شمال العراق الى يومنا هذا يدعون الخروف عربا وجمعها عربيي كما واطلق الاشوريون الذين اخترعوا اول عجلة في التاريخ اسم عربة على وسائط نقلهم لانها كانت تسير بواسطة الماشية ولازال المصريون يدعون السيارة عربية الى يومنا هذا.

Willi · 26/09/2006

هلق اذا بدنا نجي للي سمعانينو انا سمعان شي ست الاف معنى

بس هاد اللي كاتبو قريت متلو باكتر من مناسبة

وائل 76 · 26/09/2006

حتى ولو كان معنى الكلمة سيئ والى ابعد من ذلك
فيكفيها شرفا انها تطلق على امتنا
يكفبها شرفا ان الله انزل القران بالعربية
حتى وان لم نكن على قدر المسؤلية في بعض الاحيان لنرفع من شان العروبة لكن هناك الكثير الذين افنوا روحهم ليرفعوا رايات العروبة عالية
وهناك وعدا ننتظره يعيد للعروبة مجدها

شكرا اخي العزيز على الموضوع

Willi · 26/09/2006

سبق وقلت الموضوع مو للتنقيص من قيمة العرب, (مو ناقصهون).
الموضوع هو منين اجت تسميتون وبس

وائل 76 · 26/09/2006

اقتباس:

كاتب النص الأصلي : Willi

سبق وقلت الموضوع مو للتنقيص من قيمة العرب, (مو ناقصهون).
الموضوع هو منين اجت تسميتون وبس

انا فاهم قصدك منيح بس حبيت وصل فكرة

بعدين دخلك مين يلي منقص قيمة العرب
نحنا مية فل واربعتعشر

lucky · 04/10/2006

مع اني بعرف غير هيك بس زي ما قلت انو كلمصدر بقول شكل

ع العموم شكرا عالمعلومه الاضافيه

Willi · 04/10/2006

هلا زعيم نورت