ماذا يفعل المثقفون ؟

Nirvana · 27/07/2006

حبيت أسأل هالسؤال لأني ببساطة ما عم بعرف جواب لإلو ..؟؟

في يوم من الأيام كانت لما تصير أحداث متل أحداث لبنان .. كانت النخبة من المجتمع أو الطبقة المثقفة بيكون إلها نشاطات وفعاليات داعمة أو شاجبة أو بتعبر عن رأيها .. لكن لاحظت أنو ما في صوت في البلد (الأردن) عالأقل، طبعاً عدا عن النقابات اللي روح قلبها معارضة الحكومة !!!

يفترض المثقفين من فنانين وأدباء وأيا كانت مهنهم يكون الهم صوت، كلمة، بس الظاهر انو إما انا (متل الأطرش بالزفة) .. أو إنو مقصات الرقابة قاصة لساناتهم ...وكابسة على نفسهم متلنا؟

ما دور المثقفين بالمجتمعات العربية بشكل عام وفي الظروف التي تعيشها المنطقة بشكل خاص؟ وماذا يمكن أن تقدم أو تفعل؟

وبالنسبة للدول العربية الاخرى هل توجد فعاليات ونشاطات تقدمها هذه النخبة لتندد وتشجب ما يحصل في لبنان وتدعم الشعب اللبناني؟

أم أنه لا أمل في أن تستيقظ هذه النخبة من سباتها لتقول كلمة حق؟

وإذا كان المثقفون لا يستطيعوا التعبير عن موقفهم هل يستطيع الإنسان البسيط؟

وشكراً

مجد محمد · 27/07/2006

بالنسبة لسوريا انا بعرف انو في هيئات عم تقدم مساعدة للشعب اللبناني عند نقطة الحدود
ومنها نقابة المحامين .........

Nirvana · 27/07/2006

اقتباس:

كاتب النص الأصلي : مجد محمد

بالنسبة لسوريا انا بعرف انو في هيئات عم تقدم مساعدة للشعب اللبناني عند نقطة الحدود
ومنها نقابة المحامين .........

هادا الشي كتير مهم وخصوصا للشعب اللبناني في الظروف الصعبة اللي بتمر عليه.. على المستوى المادي ..

بس شو عم يعملو على المستوى المعنوي وخصوصا واللبنانيين عم يسمعو ويشوفو مواقف بعض الحكام العرب أو أغلبهم حتى ؟

COSTA · 27/07/2006

اقتباس:

بس الظاهر انو إما انا (متل الأطرش بالزفة) ..

على سلامتك بس الوضع يلي وصلنا الو هيك عم يخلينا نفكر

اقتباس:

وبالنسبة للدول العربية الاخرى هل توجد فعاليات ونشاطات تقدمها هذه النخبة لتندد وتشجب ما يحصل في لبنان وتدعم الشعب اللبناني؟

في فعاليات ونشاطات بس كلها الا مصالح خاصة

اقتباس:

أم أنه لا أمل في أن تستيقظ هذه النخبة من سباتها لتقول كلمة حق؟

وإذا كان المثقفون لا يستطيعوا التعبير عن موقفهم هل يستطيع الإنسان البسيط؟

وشكراً

لا في امل بس هي ما نها بسبات هي مربطة ومهددة اما بالتعذيب او الاتهام بالارهاب

والانسان البسيط دوبو يلاقي لقمة الخبز فشو ما صار بقول (شو ما جرى طنجرة)

اعذروني على لهجتي القاسية في بعض الاحيان بس الحقيقة دايما ما بدها عواطف

تحية الك نيرفانا

مجد محمد · 27/07/2006

اقتباس:

كاتب النص الأصلي : Nirvana

هادا الشي كتير مهم وخصوصا للشعب اللبناني في الظروف الصعبة اللي بتمر عليه.. على المستوى المادي ..

بس شو عم يعملو على المستوى المعنوي وخصوصا واللبنانيين عم يسمعو ويشوفو مواقف بعض الحكام العرب أو أغلبهم حتى ؟

بالنسبة للحكام العرب يعني ما بعرف شو بدي قلك بس نحنا مو واصلين لالهن ......
بعدين الحمد الله موقف سوريا منيح بالرغم من انو منتمنى يكون كمان احسن ........
على فكرة انا بتوقع انو سورية وايران مو مطولين ليدخلوا الحرب ...... يعني هو مو ضروري يكون منشان لبنان بس لانو اسرائيل وامريكا مو مصلين عالنبي ........

Nirvana · 27/07/2006

اقتباس:

اعذروني على لهجتي القاسية في بعض الاحيان بس الحقيقة دايما ما بدها عواطف

مرات هالأسلوب بعبر أكتر خصوصاً بحالة الطرش اللي صايبة العالم ..

اقتباس:

لا في امل بس هي ما نها بسبات هي مربطة ومهددة اما بالتعذيب او الاتهام بالارهاب

اذا هلأ ما تحركو وعملو متى لكان راح يقومو بدورهم في المجتمع وبين الناس؟

اقتباس:

والانسان البسيط دوبو يلاقي لقمة الخبز فشو ما صار بقول (شو ما جرى طنجرة)

وهاد اللي صاير فعلاً .

وشكرا على مشاركتك كوستا

القلب الطيب · 27/07/2006

أنا من الاردن وكلنا مع لبنان والشعب اللبناني ومع المقاومة

بس انا ما بعرف ليش كل الشعوب بتفكر غير هاد الشي

ممكن بسبب التغطية الاعلامية

مجد محمد · 27/07/2006

اقتباس:

كاتب النص الأصلي : القلب الطيب

أنا من الاردن وكلنا مع لبنان والشعب اللبناني ومع المقاومة

بس انا ما بعرف ليش كل الشعوب بتفكر غير هاد الشي

ممكن بسبب التغطية الاعلامية

نحنا ما عم نحكي عالشعب العربي .....

منعرف انو الشعب العربي كلو مع لبنان والمقاومة ........

بس المشكلة بالحكام العرب .......

Nirvana · 27/07/2006

اقتباس:

كاتب النص الأصلي : مجد محمد

بالنسبة للحكام العرب يعني ما بعرف شو بدي قلك بس نحنا مو واصلين لالهن ......
بعدين الحمد الله موقف سوريا منيح بالرغم من انو منتمنى يكون كمان احسن ........
على فكرة انا بتوقع انو سورية وايران مو مطولين ليدخلوا الحرب ...... يعني هو مو ضروري يكون منشان لبنان بس لانو اسرائيل وامريكا مو مصلين عالنبي ........

أنا بتخيل أنو اسرائيل وأميركا ما بدهم سوريا تدخل بالحرب .. وتأكيدا على ذلك تصريحات اسرائيل ..مشان هيك ما رح يوفرو الاسباب لسوريا لتفوت بحرب.
هادا غير أنو سوريا ما ظنيت تتدخل عسكريا بالمرحلة هاي إلا اذا صار اعتداء على أراضيها ..

COSTA · 27/07/2006

اقتباس:

كاتب النص الأصلي : مجد محمد

بالنسبة للحكام العرب يعني ما بعرف شو بدي قلك بس نحنا مو واصلين لالهن ......
بعدين الحمد الله موقف سوريا منيح بالرغم من انو منتمنى يكون كمان احسن ........
على فكرة انا بتوقع انو سورية وايران مو مطولين ليدخلوا الحرب ...... يعني هو مو ضروري يكون منشان لبنان بس لانو اسرائيل وامريكا مو مصلين عالنبي ........

حبيب في شغلة بدي قولها بس بتمنى انك ما تفهما غلط

اول شي اميركا واسرائيل ما بيعرفو لانبي ولا مسيح ولا موسى ولا الشيطان بذاتو

وموقف سوريا مو من شطارتها

بس من الدعم يلي عم يجيها وهال الدعم مو ايراني لانو ايران كمان مدعومة

وسوريا وايران حايصين بنفس الخانة يلي مدعومين منها

وانا حاسس انو من 11 ايلول و انت جاي صار في حرب باردة جديدة غير يلي كانت بالستينات والسبعينات

Nirvana · 27/07/2006

اقتباس:

كاتب النص الأصلي : القلب الطيب

أنا من الاردن وكلنا مع لبنان والشعب اللبناني ومع المقاومة

بس انا ما بعرف ليش كل الشعوب بتفكر غير هاد الشي

ممكن بسبب التغطية الاعلامية

بسبب تصريحات الملك والصمت العام اللي صايب الشعب ، والإعلام !!

وعفكرا انا من الاردن كمان ، أهلا وسهلا

مجد محمد · 27/07/2006

اقتباس:

كاتب النص الأصلي : كوستا

حبيب في شغلة بدي قولها بس بتمنى انك ما تفهما غلط

اول شي اميركا واسرائيل ما بيعرفو لانبي ولا مسيح ولا موسى ولا الشيطان بذاتو

وموقف سوريا مو من شطارتها

بس من الدعم يلي عم يجيها وهال الدعم مو ايراني لانو ايران كمان مدعومة

وسوريا وايران حايصين بنفس الخانة يلي مدعومين منها

وانا حاسس انو من 11 ايلول و انت جاي صار في حرب باردة جديدة غير يلي كانت بالستينات والسبعينات

ما فهمت ؟ من مين قصدك مدعومة ؟ ما حدا داعمها غير روسيا ومو كتير

COSTA · 27/07/2006

اقتباس:

كاتب النص الأصلي : مجد محمد

نحنا ما عم نحكي عالشعب العربي .....

منعرف انو الشعب العربي كلو مع لبنان والمقاومة ........

بس المشكلة بالحكام العرب .......

اذا الشعب العربي كلو مع لبنان ليش ما بروحوا ويحاربو هونيك مع المقاومة؟؟؟
بعدين اذا بدك تقاي انو تبرعو بمصاري ... طيب المصاري شو بتساوي ؟؟يعني اذا لمينا هال المصاري وحطيناها بكيس وبعتناها على لبنان شو رح تعمل ؟؟رح بتحارب ؟؟لا.. رح بتشتري سلاح ؟؟كمان لا...

والحكام العرب وين المشكلة فيهون اذا كانو متآمرين ....ما كل عمرهون هيك

مجد محمد · 27/07/2006

اقتباس:

كاتب النص الأصلي : Nirvana

أنا بتخيل أنو اسرائيل وأميركا ما بدهم سوريا تدخل بالحرب .. وتأكيدا على ذلك تصريحات اسرائيل ..مشان هيك ما رح يوفرو الاسباب لسوريا لتفوت بحرب.
هادا غير أنو سوريا ما ظنيت تتدخل عسكريا بالمرحلة هاي إلا اذا صار اعتداء على أراضيها ..

لا تصدقي اسرائيل بكل شي بتقولوا...........

سرسورة · 27/07/2006

بالعكس....انا بشوف انو الشغلات اللي عم تصير على المستوى المعنوي أكتر أو بتوازي الشغلات اللي عم تصير على المستوى المادي....يعني من ناحية الادباء أو الشعراء أو الفنانين.....ما في أشطرمنن بهالشغلات .....انو بتلاقي دغري القصائد و الاغاني و المقالات.....طلعت بسرعة البرق....
هلأ الدعم المعنوي مهم ...وكتير مهم...بس الدور الاكبر هلا للدعم المادي.......يعني الشعب اللبناني بحاجة لكل مساعدة مادية منننا لانو قد ما كان الدعم المعنوي مهم فهو ما رح يفيدون بشي......

COSTA · 27/07/2006

اقتباس:

كاتب النص الأصلي : مجد محمد

ما فهمت ؟ من مين قصدك مدعومة ؟ ما حدا داعمها غير روسيا ومو كتير

حبيب ...مدعومين مو على سواد عيونون يكون بعلمك

مدعومين لانو هنن استراتيجيا بيوقفوا بوجه المد الاميركي ضد روسيا

وبعدين كل الحروب والفتن يلي عم تصير لانو اميركا خايفة من التحالف الروسي الصيني الهندي الحديث العهد ....والقارة العجوز (اوروبا)قاعدة عم تتفرج ومو طالع بايدها شي الا تندد بالامم المتحدة لصالح اميركا

يعني نحنا بقلب لعبة سياسية كبيرة ما فينا نطلع منها

سرسورة · 27/07/2006

والحكام العرب....موضوعون مفروغ منووو........كل واحد ياربي نفسي...وهاد الشي تعودنا عليه من زمان.......و اساسا ما حدا كان ناطر مننون شي ولا رح ينطر

Nirvana · 27/07/2006

اقتباس:

كاتب النص الأصلي : كوستا

حبيب ...مدعومين مو على سواد عيونون يكون بعلمك

مدعومين لانو هنن استراتيجيا بيوقفوا بوجه المد الاميركي ضد روسيا

وبعدين كل الحروب والفتن يلي عم تصير لانو اميركا خايفة من التحالف الروسي الصيني الهندي الحديث العهد ....والقارة العجوز (اوروبا)قاعدة عم تتفرج ومو طالع بايدها شي الا تندد بالامم المتحدة لصالح اميركا

يعني نحنا بقلب لعبة سياسية كبيرة ما فينا نطلع منها

يعني فتنا بالحيط