زيدان يعلن إعتذاره عن حادثة النطح لكنه غير نادم

[صياد الطيور]

أعلن صانع العاب المنتخب الفرنسي لكرة القدم زين الدين زيدان يوم الاربعاء اعتذاراه رسميا على ما قام به في المباراة النهائية لنهائيات كأس العالم التي اختتمت الاحد الماضي في المانيا عندما وجه ضربة برأسه الى صدر مدافع ايطاليا ماركو ماتيراتزي مؤكدا ان الاخير شتمه "بكلمات قاسية جدا"، إلا أن زيدان الذي كانت المباراة النهائية ضد ايطاليا هي الاخيرة في مسيرته الكروية، أكد بانه "غير نادم على ما فعله". وكان زيدان طرد في الدقيقة 110 من المباراة النهائية التي فازت فيها ايطاليا على فرنسا بركلات الترجيح 5-3 بعد تعادلهما 1-1 في الوقتين الاصلي والاضافي على الملعب الاولمبي في برلين. زيدان يرد على أسئلة المذيع الفرنسي وقال زيدان في حديث خاص لشبكة التلفزيون الخاصة "كانال بلوس": "أعتذر للاطفال الذين شاهدوا ذلك، تصرفي لا يغتفر (...). صحيح انها حركة لا يجب القيام بها، اقولها علنا وبوضوح لان تلك الحادثة شاهدها ملياران او ثلاثة مليارات من المشاهدين وملايين وملايين الاطفال، وانا مضطر للاعتذار منهم".وتابع "اعتذر للجميع، واعتذر لجميع الاشخاص والمربين الذين يقومون بتربية الاطفال ويوضحون لهم ما يجب القيام به وما يجب تفاديه".
وفي معرض رده عن سؤال حول ما قاله له ماتيراتزي، اوضح زيدان "انها امور شخصية جدا، انها تمس الام والاخت. قال كلمات، كلمات قاسية جدا وكررها مرات عدة. عندما تسمعها مرة واحدة تحاول الانصراف وهو ما قمت به لكن عندما تسمعها مرة ثانية وثالثة ....".
وتابع "لست نادما على ما فعلته لانني لو لم افعل ذلك فانه يعني بانه كان محقا فيما يقوله. لا أستطيع، لا أستطيع، لا أستطيع قول ذلك. ولا، ليس له اي سبب ليقوله".
ولم يطرح على زيدان ما اذا كانت الشتائم ذات طابع عنصري.
وكان ماتيراتزي اعترف في تصريح لصحيفة "لاغازيتا ديللو سبورت" بانه شتم زيدان لكنه قلل من اهمية كلامه لان هذه الامور تحصل عادة في الملاعب مشيرا الى ان اللاعب الفرنسي استفزه ايضا. اما الصحف الانكليزية التي اعتمدت على اختصاصيين في قراءة الشفاه فاكدت بان الايطالي قال بالحرف الواحد متوجها بكلامه الى زيدان: "نعرف جميعا بانك ابن عاهرة ارهابية".

[لاوديسا]

حرام اللي صار

هنن منشان يشوهولو تاريخو بلحظة غضب

بس اللي صار انو ما حدا زعل من زيدان بالعكس حبوه اكتر واكتر

راي شخصي .. بتمنى لو كانت ردة فعلو اهدى من هيك

بس لو الواحد منا بيحط حالو محلو يمكن يعمل اضرب بكتير

وبالنهاية زيدان انسان يعني كتلة مشاعر وبيحقلو يعبر عن ردة فعلو بالطريقة اللي بيشوفها صح




وهي صورة حلوة لزيدان كرمال صياد

[صياد الطيور]

كاتب النص الأصلي : لاوديسا

وهي صورة حلوة لزيدان كرمال صياد

تسلميلي كلك زوق ..
وكلامك غير شكل

[Nirvana]

فيها وجهة نظر..
لو كان اللاعب الايطالي محلو كان يمكن عمل نفس الشي.
هاي الأشياء بتصير في الملاعب .. ولكل مخالفة عقاب.

ببساطةومع احترامي لرأي الجميع، أنا ما بحب زيدان وكنت أشجع الطليان !!
بس ليه عملو قصة كبيرة من الموضوع يعني لو كانت مباراة مثلاً بالدوري الايطالي، أو كأس الأندية الأوروبية يمكن ما صار عليها أخد وعطى هالقد.

[Forever]

كاتب النص الأصلي : صياد الطيور

تسلميلي كلك زوق ..
وكلامك غير شكل

بالرغم من ما حدث، ولكن ما ننسا انه زيدان بمشواره بكرة القدم حصل على 11 كرت احمر، وعلى فكرة هاي مو اول مرة زيدان يستخدم راسه وينطح بها لاعب بل ثاني مرة، اول مرة كانت ايام لعبه مع فريق يوفينتس الايطالي.

زيادة معلومات عن تاريخ زيدان الرياضي

يا خوفي عدوى زيدان تنتقل للاعبين المنتخب الفرنسي ويصيروا ينطحوا براسهم

ههههههههههه

[صياد الطيور]

كاتب النص الأصلي : Forever

بالرغم من ما حدث، ولكن ما ننسا انه زيدان بمشواره بكرة القدم حصل على 11 كرت احمر، وعلى فكرة هاي مو اول مرة زيدان يستخدم راسه وينطح بها لاعب بل ثاني مرة، اول مرة كانت ايام لعبه مع فريق يوفينتس الايطالي.

زيادة معلومات عن تاريخ زيدان الرياضي

منعرف تاريخ زيدان .. شكراً على المعلومات الجديدة بالنسبة ألك
بس قديمة كتير بالنسبة ألنا لأنو نحنا متابعين أخبارو وأخبار كرة القدم مو متل بعض الناس جديدة على هالشغلة

[Anmar]

كاتب النص الأصلي : Nirvana

فيها وجهة نظر..
لو كان اللاعب الايطالي محلو كان يمكن عمل نفس الشي.
هاي الأشياء بتصير في الملاعب .. ولكل مخالفة عقاب.

ببساطةومع احترامي لرأي الجميع، أنا ما بحب زيدان وكنت أشجع الطليان !!
بس ليه عملو قصة كبيرة من الموضوع يعني لو كانت مباراة مثلاً بالدوري الايطالي، أو كأس الأندية الأوروبية يمكن ما صار عليها أخد وعطى هالقد.

هلأ أوك هاي الشغلات بتصير وهو كان بيستاهل الطرد بالمباراة ..
هلأ أنا بعكسك بشجع إيطاليا كتييييييييير بس بحب زيدان كتيييييييير وهو على فكرة لاعبي المفضل ..

أما بالنسبة لقولك أنو ليش عملوها قصة كبيرة ببساطة لأنو هيي آخر مباراة للاعب أسطورة هو زيدان وكمان نهائي كأس العالم ولأنو الحركة كانت غريبة ورد فعل عنيف يعني كل هالأسباب خلت القصة تكبر ...

بس المهم أنو ربحت أيطاليا كأس العالم ....

وتحياتي للصياد أحلى محبي زيدان

[صياد الطيور]

كلامك سليم وعلى الراس و العين
وما حدا قال ما بيستاهل الطرد .. طبعا بيستاهل الطر ولو كان لسا عندو مباريات كان عاقبوه كم مباراة

أنا زعلي عليه هو كيف انتهت مسيرتو الرياضية بهالشكل ... وكان سببها اللاعب الإيطالي ...
طبعا الأعلام لعب دور كبير بتبهير الموضوع .... وبالنهاية كمان من عندي مبروك الكاس لإيطاليا

وتحياتي للصياد أحلى محبي زيدان

تسلملي يا مشرفنا يا كبير

[Anmar]

اقتباس:
كاتب النص الأصلي : Forever
بالرغم من ما حدث، ولكن ما ننسا انه زيدان بمشواره بكرة القدم حصل على 11 كرت احمر، وعلى فكرة هاي مو اول مرة زيدان يستخدم راسه وينطح بها لاعب بل ثاني مرة، اول مرة كانت ايام لعبه مع فريق يوفينتس الايطالي.

زيادة معلومات عن تاريخ زيدان الرياضي

منعرف تاريخ زيدان .. شكراً على المعلومات الجديدة بالنسبة ألك
بس قديمة كتير بالنسبة ألنا لأنو نحنا متابعين أخبارو وأخبار كرة القدم مو متل بعض الناس جديدة على هالشغلة

عزيزي صياد ...
معلش لاتزعل مني بس الموضوع مو مستاهل الإنفعال وبعدين هاد قسم الساحة الرياضية فلازم روحنا تكون رياضية ولازم نحترم رأي كل الناس حتى ولو كان بعكس رأينا تماماً ...
يعني اذا Forever ما بيحب زيدان بيكون هاد رأيو الشخصي وهو حر ولازم نحترم رأيو ...
أوك مرة تاني بقلك لاتزعل مني وتحياتي إلك ..

[صياد الطيور]

اذا كان ما بحب زيدان ما في مشكلة
بس اذا ما بحبو بيحكي عليه ...

ليكون أخدوا الكاس ما حكينا شي ... وانطرد زيدان وما حكينا شي
هو فاز و لاعبو أذى زيدان ومع هيك بيحكي على زيدان ... طيب شو بدك بعدها .. ربحتو ومشي الحال
راح نزلي كذا موضوع على زيدان وعلى فرنسا

طيب يا عمي اكتب مواضيع عن فريقك عن اللاعب الي بتحبو .... ولا لازم نعلق مع بعضنا ؟

مرة تاني بقلك لاتزعل مني وتحياتي إلك

على راسي انت معلم

[MR.SAMO]

عنجد حرام نهاية متل هيك نهاية لعبقري ونجم متل زيدان كان بدها تروي شوي
تحياتي للجميع

[Forever]

كاتب النص الأصلي : صياد الطيور

منعرف تاريخ زيدان .. شكراً على المعلومات الجديدة بالنسبة ألك
بس قديمة كتير بالنسبة ألنا لأنو نحنا متابعين أخبارو وأخبار كرة القدم مو متل بعض الناس جديدة على هالشغلة

تصحيح معلومات، عدد الكروت الحمراء التي حصل عليها زيدان بتاريخه الرياضي 14 كرت احمر وليس 11 كرت احمر.

انا ما بكره اي لاعب لانه هاي رياضة اولا واخيرا ولازم كل الشباب يتحلوا بروح رياضية عالية، ولكني تفاجأت بالصحف لما قالت ان زيدان حصل على 14 كرت احمر بتاريخه الرياضي، بس هاي كل شي.

انا بشجع الفريق الايطالي اولا وبشجع كل الفرق يلي تعطينا لعب حلو مثل البرازيل، المانيا، الارجنتين، فرنسا. هاي حلاوة كأس العالم وبتمنى انه نشوف منتخباتنا العربية تصل لمستوى هالفرق العالمية.