مباراة بين أعضاء و عضوات المنتدى

[خليجية]

السلام عليكم ..
اليوم جايبة لكم طريقة نقاش جفتهه في أحد المنتديات و عجبتني
انشالله تعجبكم

الموضوع عبارة عن:
سوف نقوم بحوار مثير ونناقش سلبيات

فريق [ الشباب ]
فريق [ الصبايا]


هناك أمور يكرهها الرجل في المرأه أو لا يستطيع فهمها

(( و ))


هناك أمور تكرهها المرأة في الرجل أو لا تستطيع فهمها


وسنقوم في هذا الحوار بتسليط الضوء على كل ما لا يعجبنا في الجنس الآخر بكل صراحة

و موضوعية وبعيداً عن التعصب حتى نستمتع و نخرج منه بنتائج إيجابية.

[ طريقة الحوار ... مثلاً ]
سيقوم فريق البنات بطرح تساؤل عن أمر معين لا يعجبهم في الرجال

مثلاً ( ليش الشباب أكثر شي يهتمون فيه في البنت جمالها ؟ )

وسيقوم فريق الرجال بالرد وتبرير الموقف


وبعد إعطاء الإجابات والمبررات الكافية يصبح فريق الرجال في وضع الهجوم

ويطرح سؤال على فريق البنات..... وتقوم البنات بالإجابة على سؤال الشباب

وهكذا يستمر الحوار

[ملاحظة]
يحق للجميع المشاركه وابداء الرأي

وأرجوا أن نكون مع الحق دائماً بعيداً عن الإنتماء و التحيز .. وعدم الهجوم والاستفزاز بالرد أو التجريح

وأختلاف الرأي لايفسد للود قضية


يالله مين يبدا بالهجوم فريق الأولاد ولا فريق البنات ؟؟؟؟

ومثل ما قلنا منريد زعل ونريد اجابات مقنعه

[Barleb]

ليش البنت أول شي بتطلع على ماركة سيارة الشب و تلفونو ؟

[خليجية]

بالنسبة لي مو كتير بتطلع عهالأشيا كثر ما بطلع على الكشخة

لكن بعض الأحيان السيارة تبين مدى رزانة الشخص و تعطي انطباع بسيط عنه (بعض مو الكل) و التلفون مدري

[اميرة الظلام]

أي أكيد يعني رح أطلع معاه في سيارة تاكسي

والموبايل لازم يكون جديد يعني مو قديم شي يفشل لو كان يحكي من موبايل قديم لأن الناس هلاء تبع المظاهر بقى ما بدي حدااا يتمسخر على الي أطلع معااه انو ما عندوو سيارة أو سيارته قديمة ولا جواله قديم بنحرج يعني

ويكون الشب شيك فهمت قصدي

[Barleb]

كاتب النص الأصلي : اميرة الظلام

أي أكيد يعني رح أطلع معاه في سيارة تاكسي

والموبايل لازم يكون جديد يعني مو قديم شي يفشل لو كان يحكي من موبايل قديم لأن الناس هلاء تبع المظاهر بقى ما بدي حدااا يتمسخر على الي أطلع معااه انو ما عندوو سيارة أو سيارته قديمة ولا جواله قديم بنحرج يعني

ويكون الشب شيك فهمت قصدي

روحي دوري على حدا غيري

[اميرة الظلام]

روحي دوري على حدا غيري

ليش أني قلت أني ابيك

ولا شنووووو

[Barleb]

كاتب النص الأصلي : اميرة الظلام

ليش أني قلت أني ابيك

ولا شنووووو

لا تبلشي تحكي خليجي .. ولا تبيني ولا أبيك ..
أنا جزراوي يا دوب أفهم ..

[HOSAM4U]

شوبدي اربح بأخرالحلقة

[HOSAM4U]

اكتر شي بكرهو في البنت التعجرف وشوفة الحال رح اعطيكي مثال:
اذا كنت قاعد بمقصف واطلعت فيني بنت رح اطلع فيها ورح يصير تبادل نظرات
واخ شي اكيد رح اتعرف عليها وبحي لحتى احكي معها مابترد ولاعلى كلمة
كرمااااااااااااااااال الله ليش

[خليجية]

شباب عاشق من سوريا سأل سؤال المفروض يردون عليه الصبايا و بعدين صبية تبلش تسأل سؤال للشباب و الشباب بجاوب و بعدين بيسأل سؤال

فهمتو؟؟!!

[ماما منوشه]

كاتب النص الأصلي : عاشق من سوريا

ليش البنت أول شي بتطلع على ماركة سيارة الشب و تلفونو ؟

الاجابة:
مو كل البنات يا عاشق

انا زوجي ولا عندو سيارة ولا عندو موبايل

لو كنت بصيت لهيك اشيا ما كنت عرفتو
السؤال:
ليش الشباب بيحبو يمتلكو البنت... بمعنى
لما الشب بيتعرف على بنت (بيكون مثلا التعارف عن طريق مجموعة اصدقاء وصديقات) وتو ما تبدا العلاقه .. اول شي يطلبو منها انو ما تحكي مع شب غيرو
لك لو كانت هالشغلة بتعنيلو انو اخلاقها مو منيحه ياللي بتحكي مع الشباب ليش اختارها من البداية؟؟؟

[butterfly]

كاتب النص الأصلي : عاشق من سوريا

ليش البنت أول شي بتطلع على ماركة سيارة الشب و تلفونو ؟

مو ضروري ..
حسب البنت .. انا عني لاقيلي واحد يخرط مشطي .. ولأركب معو موتور ... بسكليت أبو تلت دواليب معلي ...
ولا حتى بيفرق معي نوعية موبايلو ... المهم انو يجبرني أحترمو ...
وأأقدر حبو

[butterfly]

كاتب النص الأصلي : HOSAM4U

اكتر شي بكرهو في البنت التعجرف وشوفة الحال رح اعطيكي مثال:
اذا كنت قاعد بمقصف واطلعت فيني بنت رح اطلع فيها ورح يصير تبادل نظرات
واخ شي اكيد رح اتعرف عليها وبحي لحتى احكي معها مابترد ولاعلى كلمة
كرمااااااااااااااااال الله ليش

هلق هون في كتير احتمالات
1 ) تكون البنت ما عم تطلع عليك وانت هيك متخيل
2) أنو تكون البنت حست انو أنت انحولت فيا لهيك ..كل شوي بتطلع ..
3) تكون فعلا عم تطلع عليك .. وأنت عاجبا .. بس ما بتقدر تحكي معك
بتخاف من المجتمع ( الذكوري بامتياز ) أو بتخاف منك ( انك ما تكون أهل للثقة )
4) تكون عم تطلع عليك لأنك مرتكب خطأ اناقي فظيع والبنت ما بتتحمل

[بنت الاكارم]

وانا كمان ما بتفرق معي سواء معه سياره ولا ما معه او معه موبايل ولا لا

المهم انه يكون بيفهم وبقدر المرأه ومعني الحياة الزوجيه شو بدي اعمل بسيارته ولا موبايله اذا هو كان مابيقدرني وما بيحبني

[marioma alghzayala]

كاتب النص الأصلي : عاشق من سوريا

ليش البنت أول شي بتطلع على ماركة سيارة الشب و تلفونو ؟

بالنسبة لالي هاي كللا شغلات ثانوية ..وما بتهم .. يعني انا شو بدي بواحد معو احدث موبايل وسيارة .. وما بيعرف يحكي كلمتين ع بعضن .... ..وطجججج.. ....

[اميرة الظلام]

لا تبلشي تحكي خليجي .. ولا تبيني ولا أبيك ..
أنا جزراوي يا دوب أفهم ..

خلاص ولا يهمك أترجمها ألك بالسوري

روحي دوري على حدا غيري

ليش أنااا أيمتى قلت بدي ياك

[SIR RORO]

كاتب النص الأصلي : butterfly

مو ضروري ..
حسب البنت .. انا عني لاقيلي واحد يخرط مشطي .. ولأركب معو موتور ... بسكليت أبو تلت دواليب معلي ...
ولا حتى بيفرق معي نوعية موبايلو ... المهم انو يجبرني أحترمو ...
وأأقدر حبو

يقبرني يلي بيفهمو

يا هيك البنات يا بلا

[SIR RORO]

كاتب النص الأصلي : اميرة الظلام

أي أكيد يعني رح أطلع معاه في سيارة تاكسي

والموبايل لازم يكون جديد يعني مو قديم شي يفشل لو كان يحكي من موبايل قديم لأن الناس هلاء تبع المظاهر بقى ما بدي حدااا يتمسخر على الي أطلع معااه انو ما عندوو سيارة أو سيارته قديمة ولا جواله قديم بنحرج يعني

ويكون الشب شيك فهمت قصدي

اهلين...............