الانجليزية المعربة مظهر جديد

فراولة · 26/04/2006

هناك ظاهرة جديدة بين الشباب ضمن العديد من القضايا والظواهر الاجتماعية التى تستحق التوقف امامها ورصدها وتبيان اسبابها، وهى ظاهرة تحدث الشباب باللغة الانكليزية وبصفة دائمة في حواراتهم وموافقهم اليومية، وهذا في حد ذاته امر طيب لكن ان ينسى ابناء الجيل الجديد لغتهم الاصلية ويهملوا قواعدها وينسوا مفرداتها فهذا خطر جسيم. علما بان تعلم اللغة الانكليزية واللغات الاخرى امر مطلوب وتستلزمه الضرورات العصرية، لكن ان يتوغل الشباب في دروب طمس لغتنا العربية الاصيلة فهذا يستدعي دق ناقوس الخطر. ولقد تزايدت التصرفات الشبابية التي تدل على تغريبهم وابتعادهم عن هويتهم وجذورهم، وغدوا يتسابقون لاستحداث تعليقات غريبة.. حتى في احاديثهم، ومن ذلك.. اختراعهم لما يسمى باللغة الانكليزية المعربة. هذه اللهجة الجديدة.. ان صح التعبير عبارة عن لغة تكتب بأحرف وارقام انجليزية ولكن طريقة قراءتها تكون عربية او بالمعاني العربية، وتستخدم الاحرف الانكليزية فيها للدلالة على الاحرف العربية غير الموجودة باللغة الانجليزية، وهي لغة بدأ استخدامها عبر الانترنت . وهذا ما ذكرته صحيفة القبس. وهناك من يقول انها كتبت لاول مرة من قبل شباب اردني الاصل اميركي الجنسية يدعى "خالد مردم" بينما يرى البعض ان من الفها مجموعة من شباب الكويت لكي يتواصلوا بها مع اصدقائهم واقاربهم الذين يدرسون في الخارج.

blue eyes · 26/04/2006

لا تعليق غير انو الك عم يمشي مع التطور..

فراولة · 26/04/2006

ما فهمت شو قصدك

blue eyes · 26/04/2006

اقتباس:

كاتب النص الأصلي : فراولة

ما فهمت شو قصدك

قصدي انو الشباب عم تمشي مع التطور وتنسى لغتها وكل شي بيخص اللغة العربية..لانوا انا عم شوف بعيني.وصلت الفكرة

Kakabouda · 26/04/2006

كتير ظاهرة حلوة و كتير عالم أتقنت هالظاهرة .
شكراً عالموضوع

فراولة · 26/04/2006

ما اظن انها ظاهرة حلوة بس هذا رايك وانا احترمه

Kakabouda · 26/04/2006

اقتباس:

كاتب النص الأصلي : فراولة

ما اظن انها ظاهرة حلوة بس هذا رايك وانا احترمه

هاد رأيك و أنا بحترمو

adler · 26/04/2006

انا مع التطور

لؤلؤة الجنوب · 27/04/2006

مو بس العربية الي تغيرت كل اللغات اختلطت ببعضها
اوبهالعصر لازم تعرف على الاقل لغتين
اوعندنا بالمغرب لازم تحكي عربي مع فرنسي والا بقلولك دق قديمة
او بتصير امي اذاماكنت بتفهم بالكمبيوتر
يعني لا زم تفهم كل شي بهالايام.

فراولة · 27/04/2006

اقتباس:

كاتب النص الأصلي : لؤلؤة الجنوب

مو بس العربية الي تغيرت كل اللغات اختلطت ببعضها
اوبهالعصر لازم تعرف على الاقل لغتين
اوعندنا بالمغرب لازم تحكي عربي مع فرنسي والا بقلولك دق قديمة
او بتصير امي اذاماكنت بتفهم بالكمبيوتر
يعني لا زم تفهم كل شي بهالايام.

انا متفقة معك في هذا لكن لا يعني ان ننسى لغتنا الجميلة من اجل مسايرة الناس والتطور

لؤلؤة الجنوب · 27/04/2006

انا غير قلتليك كفاش هاذ الجيل كيفكرو

فراولة · 27/04/2006

راه عرفنا واش نتي ماشي مكلخة غير زعما بغيت نحشي الهظرة

ملك الهكرز · 27/04/2006

لك ليش في حدا بيعرف عربي متل العالم

فراولة · 27/04/2006

ولا يهمك احنا نحكي بلهجتنا

Syrian__Angel · 27/04/2006

اقتباس:

ولا يهمك احنا نحكي بلهجتنا

اللي تصنّف ضمن ...؟!؟

**butterfly** · 27/04/2006

مضطرة دافع شوي ...
لأنو أنا من الأشخاص اللي بحس انو اللغة الأنكليزية كتير سلسة وكير بتسهل التعامل ...
اللغة نشأت بالأصل للتواصل مع العالم ... لخلق حوار بين الناس ..
لذلك لا ضرر من التحدث باللغة التي يفهمها الأغلبية من الناس ...
لست أفهم التمسك باللغة العربية ؟؟ لم ؟؟؟؟
ان كانت الأبحاث باللغة الأنكليزية
والأخبار الموثوقة باللغة الأنكليزية ....
دعونا نتمسك بلغتنا ... ونرضى أن ننعزل عن عالم كامل ..

فراولة · 27/04/2006

لا يا عزيزتي فراشة بالطبع يجب علينا تعلم اللغة الانكليزية والتحدث بها لكن عندما نضطر لذالك وليس مع بعضنا البعض ليش العربية مو حلوة حتى نهملها انا لا اقول يجب نتمسك بلغتنا ... ونرضى أن ننعزل عن عالم كامل بس لا ننسى اصالتنا ولغة بلدنا هيك رايي

**butterfly** · 27/04/2006

أنو صعبتيا شوي
وقت بدي أأقرا محاضرة مهمة بالكلية لازم أأقراها بالأنكليزي لأنو العرب ما طالعوا ابحاث من قرن ...
وقت بدي أأقرا كتاب بجيبو أنكليزي لأنو الترجمة الرائعة للغة العربية بتدمر الكتاب تدمير ...
وقت بدي أحضر فيلم عليو القيمة بيطلع بالصدفة

بيحكوا انكليزي ...
ووقت لازم أتواصل مع الناس لازم أستعمل اللغة العربية ؟؟؟

إذا العلم أنجلش والفن أنجلش والأدب ( معظمو ) أنجلش
أكون أنا عم احكي عربي ليش ؟؟