ساهموا بانشاء موقع للرد على ما يسمى الاعجاز العلمي (للادينيين فقط)

[Danny]

نحن مجموعة نهدف الى اطلاق مشروع لتفنيد مزاعم الاعجاز العلمي وذلك بأنشاء موقع متخصص لذلك , فكما الجميع يعلم اصبحت دعاوي الاعجاز منتشرة بشكل كبير ,رغم بطلانها الواضح لكل ذي عقل منفتح وموضوعي , وقد اصبحت مشكلة حقيقية , اذ تؤثر على الفكر في مجتمعاتنا , وتساهم بنشر الخرافات , وتدعم اللاعلمية في العلم , واللامنطقية في البحث , وتحويل فكر الشباب من البحث الجاد في العلم الى التعلق بوهج هذه الادعاءات الكاذبة .
ونحن الان في اطار الدعوة للمشروع , فنحن بحاجة لجميع الجهود لهذا العمل الكبير والشاق .
لذا لكل شخص يرى معنا ضرر هذه الدعاوي وتأثيرها السلبي وضرورة محاربتها , يرجى مراسلتي على الخاص او على بريدي الالكتروني

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

في حال اراد المساهمة .
شاكراً اهتمامكم .

[Danny]

وهذا نص الاعلان الذي وضعه احد الزملاء

لأن انتشار الفكر الغيبي و الإعجازي بدأ ينتشر بين الشباب و العالم العربي و الإسلامي بشكل وبائي ، فنسمع بين فينة و أخرى عن أسد ينطق بالشهادتين ، و فتاة تُمسَخ إلى معزة لأنها استهزأت بالصلاة أو الأذان لا أذكر ، و سمكة عليها لفظ الجلالة ، و غيرها من المواضيع التي تؤذن بانحطاط ما بعده انحطاط ينتظر عقول الأجيال الصاعدة من العرب و المسلمين .

و للعدالة فإن هذه المشكلة تبدو عالمية ، ففي الغرب مثلاً تجد من يقولون بظهور المسيح و غيره من المعجزات ، و لكن المشكلة أن هناك في الغرب من يملكون الحرية للتصدي لهذه الأفكار ، و يمنعون تدريس هذه الخزعبلات ، و آخر دعوى قضائية ضد مَدرسة في بنسلفانيا سعت إلى استبدال تدريس التطور في علوم الأحياء بنظرية التصميم الذكي خير شاهد على حق الجميع في الاعتراض على أي فكر غيبي لا علمي .

في بلادنا ينظّر الناس و من جميع الطبقات ، من بائع البسطة ذي الثقافة المحدودة إلى مهندسين الكهرباء و بروفيسورية الطب و غيره بنشر هذا الخداع و الوهم المسمى "الإعجاز العلمي" و لا يجدون من يتصدى لهم .

لذلك عقدت العزم على إنشاء موقع متخصص في الرد على مقولة الإعجاز العلمي ، و أرجو من الزملاء المهتمين بهذا الأمر أن يراسلوني على الخاص حتى نقوم بتأسيس غرفة حوارية لنا لاحقاً .

و تذكروا أن هذا المشروع كبير لا يمكن أن يقوم بعبئه شخص أو شخصين .

لذلك أنشأنا غرفة خاصة لنقاش آليات العمل ، أرجو ممن يرغب من اللادينيين الانضمام إلينا أن يكتب هنا أو يرسل رسالة على الخاص.



تحياتي

[أبو النسيم]

هاد الأسلوب في الكتابة مو غريب أنا لمحت متل هل السلوب بمنتدى أخر أكتب فيه

مو انت داني (التمرد الغاضب)

هل تكتب في منتديات اللادينين العرب

على كل حال أهلا وسهلا فيك زميل داني وأنا معك إلى النهاية في هذا المشروع

أنا أكتب في اللادينين العرب

بنفس التوقيع
ولكن بأسمي الأصلي

[Danny]

ابو النسيم
اكيد هادا انا ماغيري , واكيد انت ماغيرك زميلي العزيز في منتدى اللادينيين (d) .
شريك اذا حبيت تشارك فهنيك بالمنتدى حاطيين مواضيع ليلي حابب يشارك , فوت ولقيلك نظرة.
ميت وردة احلى زميل والله .

[Joe]

I'm interested in this very very much

I'm specialized in biochemistry and i have the tools to answer most science questions (if there r answers for them!)

so let me know what kind of help do u need and i will be more than happy to be part of this team!!!

[فيروزة]

يريدون أن يطفئو نور الله بأفواههم ويأبى الله إلا أن يتم نوره ولو كره الكافرون

[Danny]

العزيزين ابو النسيم و JOE بعتلكم رسائل خاصة نشالله تكون وصلت .

[SABE]

أود أن أشكر الأخ داني على طرح هذا الموضوع هنا . . .

و أعلن رغبتي بالإنضمام إلى المجموعة .. مع العلم أني أرغب في المساعدة و الإستفاد من أفكار و آراء الأعضاء في هذه المجموعة ..

سلام ..

[202]

للأسف الشديد بدأ اللادينيون بالخروج من مخابئهم

والدعوة علنا .....في منتديات عادية

وللأسف إن إدارة هذا المنتدى الكريم قد سمحت لهم بنشر مثل هكذا إعلان

من جهتنا ...نعتبر أن هذا الموضوع عادي وغير مخيف ابدا
فقد مر قبلكم كثر وكثر حاولوا التهجم على القرأن الكريم والتشكيك بمعجزاته والتشكيك بكل الإعجاز العلمي الذي جاء به الإسلام الكريم

وخُذولوا ولم يستطيعوا أن يقدموا شيئا ............وعلى هذا فلن تكونوا بأذكى منهم ..

ولهذا أدعوكم إلى العودة إلى عقولكم وإضاعة وقتكم في ما هو مفيد عل وعسى أن تشتفيدوا منه في الدنيا والاخرة

التي سنلتقي بها لا محالة

أما إذا ما زلت على استكبارك وعنادكم
فإني أدعوكم بالبدء في رد المعجزات العلمية في هذا الموقع المميز

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

وإن شاء الله سيلزمكم ذلك 100 سنة أو أكثر

وعندما تنتهون أعطيكم موقعا أخر ..................


أبو ياسر

[toocoolfriend]

كاتب النص الأصلي : SABE

أود أن أشكر الأخ داني على طرح هذا الموضوع هنا . . .

و أعلن رغبتي بالإنضمام إلى المجموعة .. مع العلم أني أرغب في المساعدة و الإستفاد من أفكار و آراء الأعضاء في هذه المجموعة ..

سلام ..

على فكرة, أنا كنت معجب بالمشرف SABE قبل ما شوف هالتناقض الكبير بين هيدا التعليق وهيدا (في موضوع عشرين معجزة من القرآن):

كاتب النص الأصلي : SABE

تخلف وسخافة ..
اي أنا رأيي إنو هاد تخلف و سخافة , و انت أكيد ما بيرضيك رأيي ..
لو انك حاطط هالموضوع بحوار الطرشان , كان ما حدا قلك تخلف و سخافة , بس هون منبر حر , و أنا لكن (( على حسب رأيك )) حر إحكي شو ما بدي ..
إذا الواحد مننا ما قدر ينظم حالو .. إذا كل الكتب السماوية حاولت تعمل فيه إعجوبة و تنظمو . ما رح يزبط .. بقا حلو عن رب المنبر ...

كريم .. من بعد إذنك .. حلقلو ..

يعني على الأقل احترم وجهتي النظر وارجع اتبنى واحدة منهم. مش تنهال على وحدي بالهجوم وتقول انو مش هون محلا وتستقبل الأخرى بالترحيب وتساهم فيها بكل رحابة صدر.

انا مش مع حذف أي من الموضوعين. بس المشرف SABE عم بطالب بحذف الموضوع اللي بيحكي عن معجزات القرآن ويتبنى الموضوع الآخر الذي يهجم على وجهة النظر الأخرى. اذا كان من موضوع يجب أن يحذف أو يرد عليه -وانا لست مع حذف أي منهما- فهو موضوع اللادينيين. فالفرق كبير بين أن تطرح وجهة نظرك دون التعرض لأحد (والمنبر هنا حر) وبين مهاجمة وجهات النظر الأخرى ونعتها بنعوت التخلف والسخافة والدعوى الى مهاجمتها.

التناقض رهيب يا شباب. أرجوكم كونو موضوعيين

[krimbow]

كاتب النص الأصلي : toocoolfriend

على فكرة, أنا كنت معجب بالمشرف SABE قبل ما شوف هالتناقض الكبير بين هيدا التعليق وهيدا (في موضوع عشرين معجزة من القرآن):


يعني على الأقل احترم وجهتي النظر وارجع اتبنى واحدة منهم. مش تنهال على وحدي بالهجوم وتقول انو مش هون محلا وتستقبل الأخرى بالترحيب وتساهم فيها بكل رحابة صدر.

انا مش مع حذف أي من الموضوعين. بس المشرف SABE عم بطالب بحذف الموضوع اللي بيحكي عن معجزات القرآن ويتبنى الموضوع الآخر الذي يهجم على وجهة النظر الأخرى. اذا كان من موضوع يجب أن يحذف أو يرد عليه -وانا لست مع حذف أي منهما- فهو موضوع اللادينيين. فالفرق كبير بين أن تطرح وجهة نظرك دون التعرض لأحد (والمنبر هنا حر) وبين مهاجمة وجهات النظر الأخرى ونعتها بنعوت التخلف والسخافة والدعوى الى مهاجمتها.

التناقض رهيب يا شباب. أرجوكم كونو موضوعيين

اي الشغلة مو غريبة
فعلا حذفت هداك الموضوع لأنو بيمس العقيدة الدينية الاسلامية
اما هاد الموضوع
طالما هوي مجرد اعلان لا اكتر و لا اقل و طالما ما فيو اي رد على اي "اعجاز علمي" من "اعجازات القرآن او الاسلام او نبي الاسلام" العملية
رح يبقى
بتمنى يبقى الموضوع مجرد اعلان
و بتمنى انو ما يتم الاعلان عن اي موقع ضمن هالموضوع

المنبر الحر مكان للمخمخة
مو للتحشيش الديني

رأيي الشخصي بموضوع الاعجازات القرآنية او الانجيلية
سمعانين بكتيب اسمو "الف نكتة و نكتة" ؟؟؟
سلموا هالكتيب لشعب واحد مو اكتر لمدة 200 سنة مو اكتر
و خبروهم انو هالكتاب "مقدس" و عاقبوا يللي "بيدنسوه"
رح يطالعولكم من كل حرف اعجاز
فما بالكم لو سلمتوا كتابين او تلاتة مقدسين لكل شعوب العالم لمدة تزيد عن 2000 سنة ؟؟؟

يا جماعة الله ما انشاف
بس بالعقل وحدو مو بالقرآن... فقط بالعقل انعرف

[Danny]

اولاً بدي عبر عن فرحتي بالانضمام لهل المنتدى الحلو , و بدي اشكر المشرفين لانون خلو موضوعي , وهادا بيدل على انو فعلاً المنتدى منبر حر وقادر على استيعاب الجميع .

الاميرة

يريدون أن يطفئو نور الله بأفواههم ويأبى الله إلا أن يتم نوره ولو كره الكافرون

لو قرأتي الموضوع بشكل جيد لعرفتي انو انا ماذكرت سيرة الله , ما بعرف شلون فهمتي الموضوع انت , بس ببساطة حاسك عم تخلطي الامور شوي .....

SABE

أود أن أشكر الأخ داني على طرح هذا الموضوع هنا . . .

و أعلن رغبتي بالإنضمام إلى المجموعة .. مع العلم أني أرغب في المساعدة و الإستفاد من أفكار و آراء الأعضاء في هذه المجموعة ..

سلام ..

الشكر الك عزيزي للتجاوب مع الموضوع
ومعلم نحنا بحاجة لكتير من المساعدة و ببقى برد لك خبر يوم نحتاج للمساعدة .

202

للأسف الشديد بدأ اللادينيون بالخروج من مخابئهم

والدعوة علنا .....في منتديات عادية

وللأسف إن إدارة هذا المنتدى الكريم قد سمحت لهم بنشر مثل هكذا إعلان

من جهتنا ...نعتبر أن هذا الموضوع عادي وغير مخيف ابدا
فقد مر قبلكم كثر وكثر حاولوا التهجم على القرأن الكريم والتشكيك بمعجزاته والتشكيك بكل الإعجاز العلمي الذي جاء به الإسلام الكريم

وخُذولوا ولم يستطيعوا أن يقدموا شيئا ............وعلى هذا فلن تكونوا بأذكى منهم ..

ولهذا أدعوكم إلى العودة إلى عقولكم وإضاعة وقتكم في ما هو مفيد عل وعسى أن تشتفيدوا منه في الدنيا والاخرة

التي سنلتقي بها لا محالة

أما إذا ما زلت على استكبارك وعنادكم
فإني أدعوكم بالبدء في رد المعجزات العلمية في هذا الموقع المميز

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

وإن شاء الله سيلزمكم ذلك 100 سنة أو أكثر

وعندما تنتهون أعطيكم موقعا أخر ..................


أبو ياسر

ضحكتني بشرفي
اول الشي مانا متخباين , عنا منتدى وعم نشارك بكل محل ,وعنا غرفة بالتوك وقريبا اذاعة وصار في مواااااقع الها صفات لادينية , وحتى بالواقع في كتير عالم ما عندها مشكلة تحكي انها لادينية .
بعدين مين جاب سيرة الخوف , ليه عم تدافع عن حالك كأنك بموقف دفاعي ,يعني نحنا ماعم نتهجم ولا عم نقاتل ولا بدنا نغير عقيدة حدا , نحنا عنا موقف فكري عم نحاول نورجيه للعالم يمكن يشاركونا فيه ويمكن لأ , حنشوف الاعجاز ونبين بطلانه للعالم بكل وضوح مشان ما يضلوا مخدوعين , وانت اذا مؤمن بصحة الاعجاز ناقش واثبت رأيك للعالم .
بعدين اذا انت مسلم ومؤمن بالاسلام وبالاعجاز (في مسلمين لا يؤمنو بالاعجاز) اكيد حتلاقي انو اللادينيين على مر العصور ما قدمو شي , والا كنت لاديني , بس صدقني فيه كتييييييييييير عالم رأيون غير رأيك , يعني طالما عم تقيس الموضوع على حالك , يعني بتكون عم تحاكم الامور بطريقة طفولية (الطفل بيفكر حالو مركز الكون وكلشي عم يصير مشانو) ,يعني اذا انت ما عجبك كلام اللادينيين معناها هنن فشلوا , اذا هيك حكيلنا شوي بالعاطل على اميركا بركي بتهر من محلها .
صدقني وصلنا للادينية بعقولنا , لا لانو اهلنا قالولنا هيك ولا لانو بدنا نربح شي , يعني هي النقطة بالذات لصالحنا , انو مافي لاديني صار لاديني هيك لانو قالولو , اما الديني فشريك بيؤمن بسن ما بيكون عندوا اصلاً القدرة العقلية على محاكمة هيك امور , يعني يؤمن ثم يفكر , وهي عكس ما يسمى الموضوعية والحيادية , اللي بيدرسونا ياهن وين ماكان لانون اساس كل علم وكل بحث .
شريك لا تزعل مني , ما بعرف ليه العالم بتفكر اللادينيين بيكرهوا المؤمنين , يعني الموضوع كلو فكري لا اكتر ولا اقل , ومشان الموقع اللي عطيتني ياه , نحنا حنرد على كلشي اسمو اعجاز وبس يجهز الموقع حأعطيك رابطو ووقتها اذا شفت شي اعجاز ما ردينا عليه رجاءاً تخبرنا , بتكون ساعدتنا كتير , وعلى فكرة حيكون الرد مو بس على الاعجاز الاسلامي وعالمسيحي والهندوسي والسينتولوجي وكلشي اسمو اعجاز ديني .

[saleim]

أشارك الزميل داني وأدعو الادينيين العرب للمشاركة بهذا الموضوع.

وشكرا

[SABE]

رح حاول إختصر كتير بردي لأنو ما بدي إطلع عن فكرة الموضوع الي هو دعوة إلى الإنضمام إلى مجموعة ما ...

أول شي لازم الكل يعرفو إنو المشرف مشرف و بس بالقسم اللي هو فيه , و ليس مشرف بكل أخوية .. يعني وقت أنا بكتب رد بالمنبر بكون كاتب على أساس أنا العضو SABE متلي متل أي عضو تاني .و أنا لست مضطر إني أكتب أي شيء لست مقتنع فيه أو أكتب رأي حيادي أو موضوعي لأني مشرف على قسم الصالون , مشرف قسم حوار الأديان يجب أن يكون حيادي, مشرف المنبر الحر , يجب أن يكون موضوعي , مشرف قسم على الطاير يجب أن يكون خفيف الظل , بس برات القسم الخاص بكل من المشرفين, نحن أعضاء قبل أن نكون مشرفين
المقصود بالكلام , أنا لسن مضطر أن أكون مثلما الأعضاء تريد ... لأني عضو أيضاً .

أنا لحد الآن مع الردين , لأني وقت طالبت بحزف الموضوع لأنو موضوع بيزعج , و بيزعجني أنا شخصياً .. ما عاد إقدر إقرا هيك كتابة و إتخيل إنو موجود أناس بتفكر لحد اليوم بهيك تفكير .. إنو تفكير أكتر من سخيف بشي ربع قرن ضوئي .. (( و أنا هون عند كلمتي و لن أتراجع عنها .. بعرف إنها بتجرح عالم كتير .. بس مشان هالنقطة بالذات أنا حبيت إنضم للمجوعة التاني , الي هي بالموضوع هاد الي ما انحزف و ما رح ينحزف, مشان نقدر نفيد و نستفيد بكشف الخداع و النفاق الموجود بجميع المعجزات الدينية ))

يعني على الأقل احترم وجهتي النظر وارجع اتبنى واحدة منهم. مش تنهال على وحدي بالهجوم وتقول انو مش هون محلا وتستقبل الأخرى بالترحيب وتساهم فيها بكل رحابة صدر.

بقا وين التناقض بين وجهتي النظر ما بعرف , إذا وحدة أنا ضد إحدى الديانات .. و التاني إني بدي إنضم لإحدى المجموعات التي تكشف إحدى أكاذيب اديانات و هي الإعجاز العلمي ..
مع العلم أني لست بملحد , ولا أريد أن أذكر أية تفاصيل عن طبيعة إيماني ...

[\\\]

فكما الجميع يعلم اصبحت دعاوي الاعجاز منتشرة بشكل كبير ,رغم بطلانها الواضح لكل ذي عقل منفتح وموضوعي

هههههههههههههه

لا ماصدقت


دمت بهذا

ترن

[\\\]

وبعدين نسيت شغله

الموضوع هذا مكانه البسطه

[silin]

العمى عنجد ما كنت متوقعة من بعض الناس يلي موجودين بالمنتدى هيك يكون ردودن

[toocoolfriend]

بس حابب قول شغلي وحدي
القسم مش قسم حوار الاديان, بس اكتشفت انو جميع الموجودين بما فيهن من كنت أعتبرهم عقلانيين وموضوعيين متل me2 و krimbow اكتشفت انو الجميع ما تمتع بأي شي من صفات العقلانية والموضوعية بالموضوع تبع الاعجاز القرآني. الفهم ببين حين الواحد بيناقش بالحكي الموجود والمثبت في مرجعيات أعظم جامعة في العالم وأنا حطيت الاسماء كلها. مش بيناقش بشكل عام جدا وسطحي بدون أي دليل أو حجة أو برهان. يا ريت واحد منكم راح على شي مكتبة وشاف الكتاب وتأكد بنفسو وقارن هوي بنفسو بين المعلومات وبين الآيات القرآنية اللي ما أخدناها على معنى بعيد أبدا -فقط على معناها القريب والواضح- يا ريت واحد منكم حاول يتعب حالو ويجرب يشوف, بركي بركي لا سمح الله طلع معنا حق. بس المشكلة انو كل مين حامل أفكارو ومعتقداتو ومش مستعد يطلع على الرأي الآخر. بس أأأخ