اقتراحات لمساعدة ابناء الأخوية المعتقلين

Joe · 16/03/2006

مرحبا

يكفينا شجب و ندب و نقاشات عن الإصلاح في سوريا
التأفف لن يساعد الشباب الستة المعتقلين ظلما و بخطر التعذيب تحت أيدي المخابرات الجوية

اريد ان اسمع اقتراحات و اراء عن كيفية مساعدتهم مساعدة فعلية

عدا عن الاتصال بكل جمعيات حقوق الانسان و التي سبق و حصل

اود ان اعرف امكانية تنظيم حملة توعية عربية او محلية سورية او حتى في المغترب بخصوص وضعهم و وضع الحريات السياسية في سوريا بشكل عام
مثلا توزيع كروت مسبقة التجهزير بطابع عليها رسالة موجهة لرئيس الجمهورية بخصوص طارق الغوراني و حسام ملحم و علي العلي و ماهر اسبر و علام خفور و ايهم صقر... و يقوم الشخص (مثلا من المارة في الشارع او طلاب جامعتك) بتوقيع هذه البطاقة و اضافة كلمة خاصة ثم يتم إرسال هذه البطاقات إلى رئيس الجمهورية و وزير الخارجية و سفير سوريا في الدولة الأجنبية المعنية (هذا هو أسلوب منظمة العفو الدولية)... هذه الطريقة من إرسال رسائل الضغط الكثيفة قد تنفع أحيانا

و لكن نحتاج المزيد من الأفكار

اتمنى ان لا يطغى السأم و الروتين و ننسى ان هناك من يواجه خطر التعذيب في كل لحظة هنا

فقط اطلب منك انك كل ليلة و انت تضع رأسك على مخدتك الدافئة على سريرك المريح... تذكر ان طارق و حسام و علي و ماهر و علام و أيهم قد يكونوا نائمين على بلاط بارد في غرفة مظلمة رطبة ... هذا ان كانوا ينامون فعلا

هنا تقرير منظمة العفو الدولية الأمنستي لمزيد من التفاصيل بخصوص الشباب السوريين المعتقلين

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

Majood · 16/03/2006

اقتباس:

كاتب النص الأصلي : Joe

مرحبا

فقط اطلب منك انك كل ليلة و انت تضع رأسك على مخدتك الدافئة على سريرك المريح... تذكر ان طارق و حسام و علي و ماهر و علام و أيهم قد يكونوا نائمين على بلاط بارد في غرفة مظلمة رطبة ... هذا ان كانوا ينامون فعلا

دايما بالبال..

بس يا ترى هالضغوط هي ممكن يكون الها جدوى ... صعب كتير

me2 · 16/03/2006

ولو أنو الموضوع متأخر .. بس أنا برأيي أنو الشباب أكلوها و انتهى الموضوع ... منشان باقي الشباب السوريين .. بتمنى أنو يكون في توعية ووعي ذاتي أنو اللي بدو يعمل ثورة يعمل ثورة ذاتية أول شي و يصلح و ينقي نفسو و بالتالي يصبح أقدر على التأثير بما حوله ..

مافي شي بالدنيا بيسوى انو ينام شب متل الفلة "اسمو حسام أو علي " على بلاط بارد و يتحمل حيونة عسكري سادي و سايكو .

بتمنى من الشباب ما يرهنو حياتهم وقود وحطب للمعارضة "الريموت كزنترول" تبع الغادري و غيرو .. و بتمنى من الشباب اللي بيحب الوطن ينسى النظام "اذا كان مو عاجبو" و يتطلع بس على الوطن.

في شخص عراقي معارض لصدام "أيام صدام" قال لي : الغريب أنو مع أنو صدام لا يقارن بحافظ الأسد , كل سوري مهما علت أو انخفضت رتبته , يأذي و يمعن بأذي سوريا الوطن .. جكارة بالنظام ..بينما العراقيين يتعاملون مع العراق على أن صدام سيزول و يبقى العراق.

لو أمريكا قررت احتلال سوريا قبل العراق .. شو كان صار ؟؟ كنا قاومنا و دافعنا عن سوريا ؟؟

من كم شهر علق مسؤول مع مواطن خناقة منشان صف السيارة بمنطقة المالكي .. و هجم الشبيحة المرافقة شيات المسؤول و سلخو المواطن قتلة .. طلعت الأمم على البرندات و صارت تسب المسؤول .. من بين المسبات : "بوكرا بتيجي أمريكا و بتخلصنا منكم يا علويين اللي جايين من خلف البقر " ...

أما بالنسبة للشباب .. أنا عملت اللي عليي .. ووصلت فكرة أنو الشباب ما عملو شي مؤذي و أنو بينهم واحد مدسوس و حاول يورطهم ..

أبو النسيم · 16/03/2006

اقتباس:

بتمنى من الشباب ما يرهنو حياتهم وقود وحطب للمعارضة "الريموت كزنترول" تبع الغادري

بتمنى توفر النصح لحالك وما تحكي حكي مانك متأكد منو بيشوه سمعت الشباب وهاد الكلام السلطوي يا ريت تنشروا بعيد عن هل الموضوع
وحكينا كتير عن القمعية الفكرية يلي عم تمارس بالمنتدى

هي أخر مرة بنزل بهل الموضوع وإذا نحذف بدي جر المشرف معي على التحقيق

Joe · 17/03/2006

اقتباس:

كاتب النص الأصلي : me2

ولو أنو الموضوع متأخر .. بس أنا برأيي أنو الشباب أكلوها و انتهى الموضوع ...

only for you maybe

if you dont want to participate... you are free... but don't write in here then.. you are not welcome!

syrian · 18/03/2006

أولاً تحية عربية عطرة إلى جميع الأعضاء في هذا المنتدى و إلى جميع معتقلي الرأي في سجون سوريا وبعد ..

أنا شخص سوري , أتابع منتداكم منذ فترة ليست بقصيرة لكن اليوم وجدت نفسي بحاجة إلى أن أشترك معكم هنا لأضم صوتي إلى صوت جميع الأحرار الذين ينادون يحرية معتقلي الصوت في سوريا ..

إلى الأخ joe أقدر لك موضوعك هذا , بالمناسبة فكرت أنا أيضاً بطرق لمساعدة الأشخاص المعتقلين , لكن لم أستطع أن أتوصل إلى حل شافي , و الشيء الوحيد الذي نستطيع فعله هو عدم النسيان مثلما يحل عادة بعد فترة تتراوح بين أشهر و سنوات ..

لن نجعل هذه القصة صفحة أخرى يطويها الزمن و ينساها الجميع ما عدا الأشخاص الذين يبكون بصمتمهم داخل المعتقلات السورية ..

هذا هو الحل الوحيد الذي يخطر الآن على بالي , لكن في حال وجود أي إقتراحات , أرجو مشاركتنا بها إن كان هنا أو عن طريق البريد الخاص (( ضمن إعدادات المنتدى هنا , فعلت إمكانية مراسلتي على بريدي الخاص ,لمن يملك إقتراحاتولا يريد طرحها على العلن ))

مرة أخرى .. لن ننسى ما يحصل , و الزمن حتى لو كان طويلاً غير كافل بجعلنا ننسا معاناة هؤلاء الأبطال الذين ربما ضحو بشبابهم في سبيل الكلمة ..

انسان · 09/04/2006

انا منذ زمن ليس بقصير اتابع جميع مواضيع المنبر الحر واحترم اراء جميع الاخوة في هذا القسم. وبعد تردد طويل قررت ان اكتب في هذا المنتدا واخترت هذا الموضوع بالذات لانه موضوع اهم من المهم وله في نفس الكثير من الاخوة المعنى الكبير لانه يخص اشخاص لهم معنى كبير للاخوية وغيابهم ترك ثغرة كبيرة في قلب كل شخص وفي كل قسم من اقسام هذا المنتدا, ومن ناحية اخرى في قلب كل مواطن سوري شريف استطاع ان يصرخ باعلى صوته ويقول لا والف لا في وجه هذا النظام المتعجرف.
وفي هذا الموضوع بالتحديد كتب الاخ والرفيق والمناضل من اجل الحرية اخر كلماته وعلى الرغم من كل الزل والالم الجسدي والنفسي الذي تعرض له حتى تلك اللحظة الا انه بقي شامخ الراس قوي الارادة ولم يفقد عزيمته...الاخ ابو النسيم
لقد كان مميزا في كل شيء حتى في رفضه للخضوع والعيش الزليل الذي يعيشه كل انسان سوري يريد ان يقول الحقيقة في وجه الظالم.

لقد كتب في توقيعه:
هؤلاء لا يزالون خلف القضبان (سجناء رأي)

الحرية لحسام ملحم (عاشق من فلسطين)
الحرية لعلي العلي (To live is to die)
الحرية لطارق الغوراني ( Tarek 007)
الحرية لماهر أسبر
الحرية لأيهم صقر
الحرية لعلام فخور
الحرية لجميع سجناء الرأي و المعتقلين السياسين في سوريا

الحرية لسوريا

بس نحنا هلق لازم نكفي اللائحة ونضيف البطل
دياب سرية (أبو النسيم)

يا خسارة هالوطن الي في الحرية صارت حلم ممنوع والتفكير فيا عمل ارهابي...
ابو النسيم... طارق... علي... حسام... و عمر...
لا تطولو غيابكون علينا ... انتو امل المستقبل الوحيد...
نحنا كلنا معكون وصوتنا الكون. وعما نستنى رجعوكون.
الله الي ما بتامنو كتير في وسعدو الي هوي من اختراعكون و كلشي في بالعالم الي منعرفو والي ما منعرفو يكون معكون ويخلصكون ...
لا تطولو علينا عما نستناكون ورح نضل نستناكون ونحكي بقضيتكون ونطالب بحريتكم طالمة في دم عميمشي بعروقنا وبيوصل لقلوبنا محل ما محطوطين انتو وسوريا تبعيتنا .
موفقين.....

انسان يبحث عن الانسانية المفقودة

SABE · 23/08/2006

لا للنسيان و ألف لا ..

Joe · 10/09/2006

أكثر من سبع شهور على اعتقال أول مجموعة من الطلبة السوريين

في 26 كانون الثاني كان اعتقال علي العلي و حسام ملحم ... طلاب سنة أولى في جامعات الإعلام و الحقوق
تبعه إعتقال طارق الغوراني
ثم ماهر اسبر, أيهم صقر, علام فخور
ثم اعتقال كل من عمر علي العبد الله (مع أبيه و ابن عمه) و دياب سرية

و جميعهم من قبل المخابرات الجوية بتهمة الاشتراك في أحاديث و نقاشات حول الديمقراطية و حقوق الانسان في سوريا

هل وظيفة المخابرات الجوية اعتقال الشباب المسالم, أم حماية الأجواء السورية من الإختراقات الجوية الإسرائيلية؟

حتى اليوم لم يستطع أحد الحديث معهم أو معرفة ما يجري بقضيتهم ولا تفاصيل التهم الموجهة...

فقط حتى لا ننسى

sezar · 10/09/2006

بالقلب على طول

مستحيل انسى

chefadi · 10/09/2006

يعني عنجد ما أصعب انو الواحد يحكي و بيعرف انو الحكي بلا نتيجة بس شو بدنا نعمل ,,,
ما فيني قول غير الحرية ثم الحرية ثم الحرية للشباب و لكل المعتقلين بسبب افكارون و رأيهم

saleim · 10/09/2006

لن أنسى

الحرية لحسام ملحم

الحرية لعلي العلي

الحرية لطارق الغوراني

الحرية لماهر أسبر

الحرية لأيهم صقر

الحرية لعلام فخور

الحرية لعمر العبد الله

الحرية للزميل العزيز دياب سرية

الحرية لشوكت غرز الدين

الحرية لجميع سجناء الرأي و المعتقلين السياسين في سوريا

الحرية لسوريا

Nirvana · 10/09/2006

اقتباس:

كاتب النص الأصلي : Joe

بتهمة الاشتراك في أحاديث و نقاشات

...............................................

SIMBA · 10/09/2006

و

اقتباس:

جميعهم من قبل المخابرات الجوية بتهمة الاشتراك في أحاديث و نقاشات حول الديمقراطية و حقوق الانسان في سوريا

البلد اللي بده يحاكم شعبه على فكرهن ويحاربهن الرصاص ضد الفكر
بلد كرتوني اي شرارة بتولعه
شفنا شطارة المافيا الجوية لما الطائرات الاسرائيلية صبحت على بشار الاسد

yass · 10/09/2006

واجب علينا ألا ننسى أصدقاءنا و رفاقنا الأسرى في سجون الرعب الدكتاتوري
واجب علينا صد أي تهمة توجه اليهم و تشكك بوطنيتهم و شرفهم

الحرية لشباب الأخوية المعتقلين و لجميع أسرى الضمير في السجون السورية

SABE · 10/09/2006

شباب القصة بعتقد إنو إنفتحت بمحل تاني و كتب كريمبو كمان كل ألأحداث اللي بيعرفها عن هاد موضوع الإعتقال .. بس لهلأ ما عرفنا إذا الشي صح أو خطأ ... و سؤال .. حدا من الشباب على إتصال مع أهل أو أقارب أو أصدقاء الشباب ؟

MR.SAMO · 10/09/2006

انشالله بيفرحوا بالحرية من جديد عن قريب
ونخلص من هيك اعتقالات نهائيا

Nirvana · 10/09/2006

اقتباس:

كاتب النص الأصلي : MR.SAMO

انشالله بيفرحوا بالحرية من جديد عن قريب
ونخلص من هيك اعتقالات نهائيا

منقول آمين .. بس ما عم إقدر آمن بهالشي ..