هل الهمجية من اختراعنا؟

yass · 07/02/2006

أتألم هذه الأيام (شأني كشأن أغلب السوريين المغتربين) عندما أرى كيف أصبحت أحداث دمشق و بيروت افتتاحية كل نشرات الأخبار و الصفحات الأولى من الصحف , حرق السفارات من قبل هذه الجماهير الغاضبة بسبب نشر كاريكاتورات الكراهية في الدانمارك .

بالله عليكم ... منذ متى يقرأ شعبنا العربي الكريم الصحف العربية حتى يقرأ الصحف الدانماركية؟
لماذا يتم التهجم على حكومة و على شعب كلنا نعرف أنه غير مسؤول عن ما ينشر في الصحف لأن الدانمارك دولة ديمقراطية تحترم نفسها و بالتالية الصحافة لديها حرية مطلقة .

لا أعني من هذا طبعا أنني موافق على نشر هذه الكاريكاتورات , أعتبرها عديمة الذوق و الاحساس , و حتى غبية .... فقط لا غير .

يا سادة !!! هل هذه هي الاهانة الكبرى التي لحقت بالاسلام؟ أدعوكم لكي تلتفتوا من حولكم و تنظروا الى الواقع الاسلامي اليوم .

هل انحط الاسلام و نبيه في فكر المسلمين الى الدرجة التي يعتبرون فيها أن مجرد كاريكاتور غبي في جريدة مغمورة في آخر ما عمر الله ( أراهن على أن 90 بالمئة من "ثوار" دمشق لا يعرفون أين تقع الدانمارك) اهانة للاسلام ...هل الاسلام في نظرهم بهذه الوضاعة حتى يهان بهذا الشكل؟ أين كان هؤلاء "المجاهدين" حين حلت الكوارث في بلاد المسلمين ؟؟ شيوخ العقيدة الذين يبثون الغضب في وجه أوروبا "الكافرة" هل تخلوا عن سيارات الكاديلاك و سجائر المالبورو و ويسكي الجاك دانيلز حين غزت أمريكا العراق ؟

ان الخاسر الأكبر في هذه القضية هو الاسلام , الاهانة الحقيقية للاسلام هي اطلاق الدموية و الهمجية و العنف من قبل بعض الجهلة , و لزق حجة الدفاع عن الاسلام لتبرير هذه الجرائم .

لا أعتقد أن كلامي سيصل بعيدا , لكنني أدعو , بل و أرجو , عدم لصق الاسلام بهذه الجرائم , الاسلام برئ, و هؤلاء المجرمون آثمون بحق الاسلام لعقيدة , و بحقنا جميعا كحضارة .

Yass

**Hus** · 07/02/2006

بمرات كتير بحب انظر للأحداث من النتائج ..

واذا بتجي للنتائج اليوم ، بتلاقي
1- الحكام العرب الي مافي اتنين بيختلفو على فسقهم و انحلالاتهم الأخلاقية والخلقية طلعو ببياض الوش كلهم ... وحتى اجمل ما في الموضوع انو اتزعم الحملة (حملة سحب السفراء) الدول الأكثر تقارب مع اسرائيل ..
يعني شيئ مدهش لمن اتشوف مصر و الأردن اول مين سحب سفراؤو وهني نفسون اول مين وقع معاهدات سلام مع اسرائيل !!! وهني نفسون اول مين عم بيلمع صبابيط الغرب !!
فعلا شيئ مدهش وغريب ورهيب و عجيب !!!

شيئ مدهش الأقصى عم يحترق والأقصى عم ينحفر تحتو ورح يوقع و هني عم يتفرجو .. وكرمال شوية رسومات تافهة قامت الدنيا وما قعدت !!

غير الحكام العرب الي بيّض وش ..
2- كان المبيضة الكبيرة لأميركا وبريطانيا

حتى بيتبادر لزهني التخمين الأقرب انو يا اخي اميركا وراء نشر الرسومات او بالأصح وراء اعادة احياء موضوع الرسومات هذا
فبالنهاي اميركا الي نازلي بالعراق تقتيل وتضريب طلعت بهال المهزلة الملاك البريئ ..

انو شوفو يا عربان .. هدول اوربا الي بتحبوهم شوفو شو عم يطلع معهم واحنا اميركا وبريطانيا الي معتبرينا الشيطان الرجيم شوفو شقدنا قوادم وملائكة ومنحبكم ومنحترمكم !!!

هاي النتائج اليوم .. فصل وقيس على اساسها بيطلع معك مين ورا الموضوع وليش هيك صار ________بتقديري_________

عجبي!

**krimbow** · 07/02/2006

لك آخ آخ شو بدو الواحد يحكي

صرلي يومين عم اتخانق مع وايت سنيك انو ازا كان في مؤامرة ع الاسلام فالمؤامرة بلشت بالشرق الاوسط و هوي راسو ميت سيف المؤامرة بلشت بالدانمارك

\\\ · 07/02/2006

اقتباس:

لا أعتقد أن كلامي سيصل بعيدا , لكنني أدعو , بل و أرجو , عدم لصق الاسلام بهذه الجرائم , الاسلام برئ, و هؤلاء المجرمون آثمون بحق الاسلام لعقيدة , و بحقنا جميعا كحضارة .

آآآآآآآآآآآآآآآآآآآآآآآآآ آه ليته يوصل بعيد

mhmary · 07/02/2006

اقتباس:

كاتب النص الأصلي : Dr_HUS

حتى بيتبادر لزهني التخمين الأقرب انو يا اخي اميركا وراء نشر الرسومات او بالأصح وراء اعادة احياء موضوع الرسومات هذا
فبالنهاي اميركا الي نازلي بالعراق تقتيل وتضريب طلعت بهال المهزلة الملاك البريئ ..!

بغض النظر مين الي عمل هادا الشيء بس الي عملو كان عاملو قصدا وكمان ذكي كتير وانا عنجد رح كون معجب بيصاحب هالفكرة يا زلمي هوش امة الله كلا بشقفت كريكتير صغير بجريدة
شخص واحد واحد بس شخص اكتر من عبقري قدر يهوش كل هالملاين والله انو عجيبة اديش في فرق بين مستوى التطور العقلي بينو وبين كل هدول الملاين الي عملو هيك ......يلا سخرية القدر......

stormsmaker · 21/12/2008

أحببت أن أستحدث هذا الموضوع مشان يللي عم يصير باخر فترة
بتمنى تكوني فهمتو
و دمتم