علاقة حزب البعث و الدولة في سوريا

[yass]

ينص الدستور السوري الدائم (1973) على أن :" حزب البعث العربي الاشتراكي هو قائد الدولة و المجتمع".ان الحاكم في سوريا "نظريا" هي الجبهة الوطنية التقدمية بقيادة حزب البعث. النقابات , الاتحادات العمالية و المهنية , منظمات الطلبة و حتى منظمة تلاميذ المرحلة الابتدائية (طلائع البعث) تحت السيطرة التامة لحزب البعث .
ألا يعني هذا تهميشا لجميع السوريين الغير بعثيين?...هل نظام الحزب الواحد هو المثالي لسوريا? ,ألم يحن الوقت لتطبيق تعددية سياسية حقيقية في سوريا?
بانتظار آرائكم....
تحياتي

[yass]

رأيي المتواضع أن الحزب يجب أن يفصل فصلا تاماعن الدولة, صحيح أن عدد البعثيين في سوريا لا يستهان به, أن كان لعقيدة أو لمصالح, لا يهم. لكن الغير بعثيين مواطنو هذا الوطن أيضا...لنا الحق في الانتساب لنقابات حقيقية ذات نشاطات واقعية, و ليس فقط تنظيم المسيرات و الاحتفالات..لنا الحق كذلك في أن يذهب أبناؤنا الى المدارس دون أن يرددوا شعارات الحزب قبل دخول الصفوف...لنا الحق في أن نمثل تمثيلا حقيقيا في البرلمان و تنظيمات الدولة. يجب أن تنتهي جملة " الموافقون....اجماع" . يجب ن تنتهي نسبة الـ 99,9%...يجب أن تنتهي تجديدات البيعة و تبدأ الانتخابات الحقيقية...

يا أعزائي...بلادنا جميلة ...بلادنا عظيمة...بلادنا وطن لـ18مليون سوري...ليست مزرعة خاصة لرجل أعمال "عصامي" اسمه رامي مخلوف.

[عاشق من فلسطين]

يجب أن يكون قائد الدولة هو الشعب والشعب فقط ...

[HashtNasht]

يا جماعة أنا في كلمتين بدي قولن و كيف ما بدكن تفسرون فسرون , لأنو بصراحة ما عاد ققدر اسكت .

أنا ضد تعدد الأحزاب و ضد الحرية و ضد الديمقراطية بسورية .

و ماني عم قول هالحكي هيك عن عبث , ولا عم اعمل مزاودات . و بتمنى أنو الناس اللي بتوجه الاعتراضات ع النظام القائم تحط حالها محل النظام و تتخيل شو بدها تعمل .

سوريا أو مصر أو الهند أو ...أي بلد من بلدان العالم التالت هو بلد غير مستقل حكماً و قطعاً . و منكون خياليين إذا فكرنا انو ممكن يكون مستقل . و بتختلف تبعية هالبلد من زمن لزمن و من ظرف لظرف . يعني أحياناً بكون تابع للمعسكر الاشتراكي ( أيام الاشتراكية ) و أحياناً تابع للغرب و أحياناً تابع لبلد من بلدان العالم التالت ( متل لبنان مثلاً ) .

نتيجة هالتبعية الحتمية ( و أشدد على كلمة حتمية و اللي عندو رأي تاني يا ريت يبرهن علي بالدليل القاطع ) نتيجة هالتبعية لا يمكن انك تعمل ديمقراطية حقيقية أو حرية حقيقية أو ...الخ من هالمصطلحات .
و من جهة تانية نحنا بسورية خليط غير متجانس و بالاحرى متفجر (و بتذكر مرة صار في تصويت بالمنتدى اذا كانت سوريا احسن من غير بلدان من ناحية التعايش الديني و انا وقتها صوتت بلاء لأنو مافي تعايش بالحقيقة في أمن و في مخابرات و اللي ما بدو يتعايش ما نيالو و هاد الشي بشكر على الامن و النظام و المخابرات ) يعني بسوريا في طوائف و في طائفية و في عشائر وفي عشائرية و في تعدد اثنيات و في حساسيات . يعني لو نفرض انو جبنا ملاك من عند الله نحطو بالحكم رح يقدر يعطي هالعالم حرية ؟ طيب اذا عطاهن الحرية شو رح يعملو بالحرية ؟ أنا بقول رح يعملو سلطة ( يعني رح يعملو البلد سلطة ) .

أنا ماني مع نظام الحزب الواحد كفلسفة بس أنا مع وجود نظام حديدي على رأس السلطة في كل دول العالم الثالث , نظام بيقدر يحفظ الأمن و يأمن لقمة الخبز . و أنا بعتقد أنو النظام السوري قدر يحقق بكفاءة عالية الأمن و لقمة العيش للشعب السوري . يعني لهلق منحس حالنا (سكان سوريا ) أنو عنا كرامة , الكرامة اللي ضاعت من كتير بلدان عريقة بدون ما اذكر اسماء .

أنا بشوف انو صار لازم نعمل مصالحة مع النظام بدون ما نحاول تغيرو او نطالبو بالتغيير , يعني لازم نحنا ننسى شو كان يصير لحتى النظام يطلع من عقدة الخوف كمان و يقدر يصلح نفسو و هو حاسس انو الشعب عم يتقبل هالاصلاح بمصداقية .

أنا و انا مسؤول عن الكلام اللي عم قولو هلق , لو صارت انتخابات حرة و نزيهة ما رح انتخب غير الموجودين حالياً ع راس السلطو و انا مرتاح الضمير .

و لا تآخذونا مشان الله

[عاشق من فلسطين]

اخي هشت نشت كلامك كتير حلو وأنا معك فيه بس أنا كمان مع أنو الشعب يوعى على نفسو ويفهم معنى الديمقراطية الحقيقية والحرية الحقيقية اللي عم يطالب فيها ... لأنو بس يوعى معنى هالحرية والديمقراطية اللي عم يطالب فيها .. أتأكد أنو الدولة منها لحالها رح تعمل تعدديات سياسية ... بس نحنا من طالب بالحرية والتعبير عن الرأي والديمقراطية وأنا متأكد أنو الشعب على الوعي اللي عندو حاليا" أول شي رح يقولو اذا صار في حرية اليوم مثلا"... رح يقول جهرا" وبالتأشير بالأصبع : أنت سني وأنت علوي وأنت درزي وأنت ماروني وأنت كثوليكي وأنت أرثوذوكسي ... وأنت ماركسي وأنت ملحد وأنت ... وأنت ....
ورح ينس شيء مهم كتير وهو الشي اللازم أول شي يقولو ويعمل فيه : الدين لله والوطن للجميع...

[yass]

أبو نهلة أنت حر تفكر بشو ما بدك طبعا...مافي داعي للـ لا تواخذونا..

[g]

[yass]

كاتب النص الأصلي : g

يا خيو فعلا أنك شي خيلة!!! عالأقل مواقفك دايما ثابتة في كل زمان و مكان...أحسن من غيرك

[SIMON]

يا خيو فعلا أنك شي خيلة!!! عالأقل مواقفك دايما ثابتة في كل زمان و مكان...أحسن من غيرك

[aboziad]

شباب كل حكيكن عالعين والراس وبالذات رفيقنا واخونا ابو نهلة

بس هون بتحس حالك عم تدور بحلقة مفرغة يعني السلطة عم تحرض عالكراهية المحسوسة بس الوضع مكموش

وبنفس الوقت الديمقراطية وحرية التعبير رح تعود الناس شوي شوي عالاخوة بالمواطنة وحب النظام الحر بس مع احتمال انو يفلت الوضع الامني باي لحظة وبخاصة انو بناء مجتمع ديمقراطي حر ومتقدم وغير طائفي عشائري بياخد وقت طويل كتير يعني عدة اجيال عالاقل

وبصراحة كل اللي فيني قولو انو لو كان في اختيار بالتصويت انو الامران احلاهما مر كان بكون اخد اكتر نسبة بالتصويت يمكن؟

[yass]

كاتب النص الأصلي : aboziad

شباب كل حكيكن عالعين والراس وبالذات رفيقنا واخونا ابو نهلة

بس هون بتحس حالك عم تدور بحلقة مفرغة يعني السلطة عم تحرض عالكراهية المحسوسة بس الوضع مكموش

وبنفس الوقت الديمقراطية وحرية التعبير رح تعود الناس شوي شوي عالاخوة بالمواطنة وحب النظام الحر بس مع احتمال انو يفلت الوضع الامني باي لحظة وبخاصة انو بناء مجتمع ديمقراطي حر ومتقدم وغير طائفي عشائري بياخد وقت طويل كتير يعني عدة اجيال عالاقل

وبصراحة كل اللي فيني قولو انو لو كان في اختيار بالتصويت انو الامران احلاهما مر كان بكون اخد اكتر نسبة بالتصويت يمكن؟

الحمد لله عالسلامة رفيق!!!!! و الله اشتقنالك