هزيمتي .................موت كل النساء

[dimozi]

أنت رائعة , أنت عظيمة , أنت لاعبة محترفة ذات خبرة عمياء .
كم كنت غبيا إذ اعتقدت أني أستطيع هزيمتك , لاعبتني , هادنتني , و منحتني في البدء بعض الراحة النفسية , أوهمتني أن المستحيل ممكن , امتصصت هجماتي المتكررة , ثم أمهلتني بعض لوقت لأفكر و أحتار و أرسم الخطط , و طال الإنتظار , و إذ اعتقدت أن جيشك تعب و يحتاج لإعادة التموين , فاجئتني بهجوم خاطف مسحني عن وجه الخريطة نهائيا .
استعنتِ بالأعداء ,كنت أظن أن حربنا نظيفة . لم اتعلم من غيري أن حرب الحب لا يجب أن تكون نظيفة , ليتني لم أحافظ على نظافتها .
هل تنتظرين اليوم إعلان الهزيمة و توقيع معاهدة الاستسلام بدون قيد او شرط؟
لقد بدأتُ الاجراءات فورا , فكسرتُ رتبتكِ العسكرية من مشير إلى نكرة , و نسيت كل الجراح و اللحظات السعيدة أيضا ,
و جمعت بقايا جنودي لأخطب فيهم , لأودعهم , لأقول لهم : أهربوا و أختبئوا زمانا , لا تحاولوا إعادة تجميع قواكم, عودوا من بعدها إلى بيوتكم و أحرقوا بذلاتكم العسكرية و دوسوا على رتبكم , تعلموا درسا واحدا فقط, درسا في اللؤم و الخبث , اشحذوا سكاكينكم و اخفوها في أكمامكم , لا تدعوا النساء يروها, لا تعطوهن سرا , لا تعطوهن ظهرا, فاليوم يا رجال أعلن موت نساء الأرض.







و أسلموا






Dimozi

[شكو زولو]

حلو الله يعطيك العافية
و حابب قلك ما عاش يلي بيبهدلك

[dimozi]

تسلم أخ شوكوزولو ..............

[SABE]

أنا في شغلة بقولها عن قصص الحب ...
ما المهم قصة الحب بذاتها .. المهم الكتابات يلي بتنتج عن هالقصة و بتخليها خالدة ...
حلوي كتير إبن العم .. الفكرة كتير أصلية ... و طريقة الكتابة رائعة ...
إبن العم .. خسارة معركة ما يعني خسارة الحرب ...
و سلام

[yass]

أسد والله يا شريك

[Anmar]

أخي ديموزي ... انا بهاللحظة متمني يكون عندي القدرة متل عالتعبير لحتى عبرلك عن اللي بحسو وقت بقرأ شي من كتاباتك الرائعة(وخاصة هالخربوشة) بس شو بدنا نعمل العين بصيرة والإيد قصيرة ..

فما بقدر قلك غير شكراً ...

[nana]

يعني انا صرت ملاحظة انو كانت اغلبية خواطرك كلا هيام و غزل بعدين تحولو لشبه اهانات(بل اهانات و نص) اذا صح التعبير يعني لهلدرجة سهل الانتقال بين الشعورين؟
وبرايي انا انو تنساها وترجع لكلامك الايجابي لانو اكيد في كتير غيرا بيستاهلو هالحكي
(و شو هالعملة يلي عاملتا لحتى وصلتك لهلدرجة من الكلام الجارح)
رفقا بالقوارير يعني

[Espaniol]

يعني انا بفهم شعورك منيح
بس مو اذا كانت علقتك مع منافقة تكون نهاية المرأة بالكون
هاد الصنف في منو بالجنسين
وحتى بين الرفقات (يعني موعلاقة حب) اسألني إلي

[NEDAL-S]

يعني انا صرت ملاحظة انو كانت اغلبية خواطرك كلا هيام و غزل بعدين تحولو لشبه اهانات(بل اهانات و نص) اذا صح التعبير يعني لهلدرجة سهل الانتقال بين الشعورين؟
وبرايي انا انو تنساها وترجع لكلامك الايجابي لانو اكيد في كتير غيرا بيستاهلو هالحكي
(و شو هالعملة يلي عاملتا لحتى وصلتك لهلدرجة من الكلام الجارح)
رفقا بالقوارير يعني

أنا برئي أنو لما الواحد بيحب بصدق بيتعلق بلحبيب كتير وأذا بدر من الحبيب غلط بينئلب الحب كلو لكره

[SABE]

أنا برئي أنو لما الواحد بيحب بصدق بيتعلق بلحبيب كتير وأذا بدر من الحبيب غلط بينئلب الحب كلو لكره

بس مستحيل ينقلب لكره مرة وحدة ... طبعاً بيضل في كبرياء عند الواحد وكرامة ... إذا صار في خطأ من الطرف الآخر أكيد الواحد بيتدايق كتير .. بس ما بينقال عن هالشي كره ... و بيرد بيصير حب أكتر من أول بكتير بكتير بكلمة صادقة من الطرف الآخر ..
و مرة تاني بقول كلمة صادقة .. لأنو الشب أو الصبية من السهل إنو يعرف أو تعرف إذا الحكي بس صف حكي أو طالع من القلب ...

سلام

[dimozi]

كاتب النص الأصلي : nana

يعني انا صرت ملاحظة انو كانت اغلبية خواطرك كلا هيام و غزل بعدين تحولو لشبه اهانات(بل اهانات و نص) اذا صح التعبير يعني لهلدرجة سهل الانتقال بين الشعورين؟
وبرايي انا انو تنساها وترجع لكلامك الايجابي لانو اكيد في كتير غيرا بيستاهلو هالحكي
(و شو هالعملة يلي عاملتا لحتى وصلتك لهلدرجة من الكلام الجارح)
رفقا بالقوارير يعني

لا أكيد الشعور ما بيتحول بين يوم و ليلة لكره , بس الانسان هو كرامتو و لما الكرامة بتنمس ما في شي بيعدل الوضع , و ما في مساومة عند الكرامة , انا ها الانسانة اللي كنت اكتبلها كتير عزيزة عليي , كنت فهمان انو ممكن المرحلة ما زابطة هلاء او حتى ما بدها , بس عمري ما دايقتها او حسستها انو انا وراها دايما , ما بتصور انو فهمتها مرة وحدة بشكل مباشر و صريح شو بدي او شو شعوري , لانو فهمان انو الوقت ما كان مناسب , ما ألحيت بعمري , و كنت عاملها كرفيقة بس , يمكن رفيقة غالية , بس ما اكتر , ولما ما كنت شوفها عم تعاملني بالمثل اسكت و ابلع و قول عادي , بس بعدين لما بدر منها تصرف زعجني كتير , ما بعرف انا اعتبرتوا إهانة , اهانة كبيرة كتير , يعني تجاهلت وجودي كلو و تهربت مني بشكل انا بشوفوا مهين , فكانت ردة ها الفعل , هلاء انا بصراحة البنت خلص اعتبرتا تاريخ , بس لازم يكون في رد , بس لقلها انو وين رايحة , شو عملتلك انا لحتا تعملي هيك , انا ماني رخيص ابدا وما برضا حدا يعاملني هيك , و على العموم هيي ما عرفاني شو مروحة على حالها..............

شكرا لكل اللي عم يشجعني ................. جد بتخجلوني كل مرة



و أسلموا جميعا

[HashtNasht]

لا أكيد الشعور ما بيتحول بين يوم و ليلة لكره

برجع بأكد بلا حب بلا كره بلا بطيخ لولا المصالح ما حياك انسان

و ما في مساومة عند الكرامة

الوثبة يا روح

يعني تجاهلت وجودي كلو و تهربت

ما دائماً التجاهل بكون إهانة ....عيد النظر بالموضوع , من غير كاميرا يعني اذ بدنا نجكي بلغة سينمائية , أحياناً ممكن الانسان يتجاهلك اذا حس حالو انو مانو قدك مثلاً

انا ماني رخيص ابدا وما برضا حدا يعاملني هيك

يمكن لأنك بتأكد كتير على هالموضوع بتخلي الناس تخاف منك .... ما بيمنع انك تكون شوي حشت نشت ...ايف يو كان طبعاً :P

[جينو]

بس عمري ما دايقتها او حسستها انو انا وراها دايما , ما بتصور انو فهمتها مرة وحدة بشكل مباشر و صريح شو بدي او شو شعوري , لانو فهمان انو الوقت ما كان مناسب , ما ألحيت بعمري , و كنت عاملها كرفيقة بس , يمكن رفيقة غالية , بس ما اكتر

شو عملتلك انا لحتا تعملي هيك

معلش ديموزي اسمحلي ... إنو شو لسا بدك تعمل أكتر من اللي عملتو؟؟؟؟يعني بشرفك ارجع اقرا اللي كاتبو فوق "عمري ما حسستها إنو أنا وراها دايما" هادا معناتو إنك ما مهتم، و ما بيهم إنت شو عم تحاول تقول لأنو هالبنت و أي بنت تاني هادا اللي رح تفهمو "ما مهتم".
و إنك ما حاولت تفهمها بشكل صريح شو بدك هاي لسا ألعن و أدق رقبة لأنو البنت بيكون حاسة إنو في شي بس ما متأكدة و بيجي حضرة السيد الشب اللي هو بهالحالة إنت بيفكرحالو عم يقدملها خدمة و ما يحكي اللي ببالو قال شو "الوقت ما مناسب" بيقوم بيفوت البنت بالحيط و بيطالعها من حيط و بيرجع بيفوتها بالحيط و هيي قاعدة عم تستنى هالشب اللي عم بيعاملها على أساس إنو "رفيقة غالية" يقول إنك أكتر من رفيقة، بس وييين... الأخ بيصر على موضوعو و بيحسسها إنها "رفيقة بس مو أكتر".
يعني بالمختصر المفيد أي بنت بتحترم حالها و عندها شوية كرامة رح تتجاهل هالشب لو بيكون قلبها دايب عليه إنو بركي بيحس على دمو و بيحس إنو يا أما إحكي و فهمني شو بدك يا أما ما بقا طايقة شوف وجهك.
بقا اللي صار يا سيد ديموزي إنك إنت اللي غلطان ما البنت، يعني إنت بدون ما تحس لعبت بالبنت متل اليويو و معلقها بين السما و الأرض لا هيي عرفانتك بدك ياها أو ما بدك ياها و الشب قد ما حاول يخبي البنت فيها تحس عليه سبحان الله يعني في شي جوا كل بنت بيقولها إذا هيي عادية و لا مميزة عند شب معين بس الباقي على الشب إنو يخبرها بأي طريقة هيي مميزة.

يعني هادا رأيي.... و عن تجربة
و بعتقد الصبايا بيوافقوني الرأي.. ولا شو يا صبايا؟؟؟؟؟؟؟؟؟

[nana]

كاتب النص الأصلي : جينو

معلش ديموزي اسمحلي ... إنو شو لسا بدك تعمل أكتر من اللي عملتو؟؟؟؟يعني بشرفك ارجع اقرا اللي كاتبو فوق "عمري ما حسستها إنو أنا وراها دايما" هادا معناتو إنك ما مهتم، و ما بيهم إنت شو عم تحاول تقول لأنو هالبنت و أي بنت تاني هادا اللي رح تفهمو "ما مهتم".
و إنك ما حاولت تفهمها بشكل صريح شو بدك هاي لسا ألعن و أدق رقبة لأنو البنت بيكون حاسة إنو في شي بس ما متأكدة و بيجي حضرة السيد الشب اللي هو بهالحالة إنت بيفكرحالو عم يقدملها خدمة و ما يحكي اللي ببالو قال شو "الوقت ما مناسب" بيقوم بيفوت البنت بالحيط و بيطالعها من حيط و بيرجع بيفوتها بالحيط و هيي قاعدة عم تستنى هالشب اللي عم بيعاملها على أساس إنو "رفيقة غالية" يقول إنك أكتر من رفيقة، بس وييين... الأخ بيصر على موضوعو و بيحسسها إنها "رفيقة بس مو أكتر".
يعني بالمختصر المفيد أي بنت بتحترم حالها و عندها شوية كرامة رح تتجاهل هالشب لو بيكون قلبها دايب عليه إنو بركي بيحس على دمو و بيحس إنو يا أما إحكي و فهمني شو بدك يا أما ما بقا طايقة شوف وجهك.
بقا اللي صار يا سيد ديموزي إنك إنت اللي غلطان ما البنت، يعني إنت بدون ما تحس لعبت بالبنت متل اليويو و معلقها بين السما و الأرض لا هيي عرفانتك بدك ياها أو ما بدك ياها و الشب قد ما حاول يخبي البنت فيها تحس عليه سبحان الله يعني في شي جوا كل بنت بيقولها إذا هيي عادية و لا مميزة عند شب معين بس الباقي على الشب إنو يخبرها بأي طريقة هيي مميزة.

يعني هادا رأيي.... و عن تجربة
و بعتقد الصبايا بيوافقوني الرأي.. ولا شو يا صبايا؟؟؟؟؟؟؟؟؟

انا معك جينو و حكيك كتير انا بشوفو مزبوط بس في فكرة كمان ما بعرف اذا حدا بيفكر فيا متلي انو انا ما بطيق الشب الغبي (اسفة يعني) يلي ما بيفهم من حركات البنت يعني قصدي ممكن البنت تكون ما حابة تجرح شعور الشخص المنعجب فيا تقوم تحاول توصلو هالشي بطرق غير مباشرة و انا بكره يلي ما بيفهم
و كمان شغلة ما بحبا انو بتكون الوحدة مفكرة انو هيدا اعز رفيق عندا و صديق قريب منا كتير بيقوم بيطلع بالاخير معجب فيا و هي حالة بحسا موجودة عن اغلبية الشباب يعني ما بيتصورو انو تكون عندون رفيقة قريبة اجباري بالنهاية لازم ينعجب احد الطرفين ببعض ومن هون انا صرت ما كتير بامن ب صحبة الشب و البنت(مع اني كنت من مشجعاتها كتير)
بئا ياريت الاخ ديموزي بتراجع يلي صار عمهل و نحنا ما منعرف شو هية الاهانة بس ما بتصورا لهلدرجة و ابشع الشي هوي مواجهة الاهانة(متل ما اعتبرتا انت) ب إهانات اخرى
و كتير حكيت حاجة باي

[nana]

ليكو كتير طلعت عن الموضوع ماهيك

[HashtNasht]

يعني قصدي ممكن البنت تكون ما حابة تجرح شعور الشخص المنعجب فيا تقوم تحاول توصلو هالشي بطرق غير مباشرة و انا بكره يلي ما بيفهم

أي بس أحلا شي وقت تكون شي بنت غبية عم تحاول تفههم شي شب غبي بالحركات ....اي حركات والله

يعني ما بيتصورو انو تكون عندون رفيقة قريبة اجباري بالنهاية لازم ينعجب احد الطرفين ببعض ومن هون انا صرت ما كتير بامن ب صحبة الشب و البنت(مع اني كنت من مشجعاتها كتير)

يالله بسيطة ...أن تصل متأخراً خير من أن لا تصل أبداً ....قال صداقة قال ....ممكن يكون في كل أنواع العلاقات بين البنت والشب ...إلا الصداقة ...ما بتزبط ...

[dimozi]

يا جماعة أنا فتت بالحيط رسمي هلاء في قطار جاي مباشرة عليي.

حشت نشت .............. يعني ما بعرف بتاخد كل موضوع بنكتة ......جد بتشيل الهم عن القلب.

ما هيك القصة أختي جينو ......... البنت مفهمتني أنو ( لم ممكن )بشكل غير مباشر فأنا ما كنت مباشر هاي كل القصة .

ًصديقتي نانا , يعني ما حدا بالعالم بيحب يكون بها الموقف , ما هيك ؟ يعني ما في حدا بيعرف انو رح ينرفض بيقوم بيروح بيحكي متل الاهبل ,أكيد ما رح جيب الجرح لحالي متل ها البنت ما حابة تجرح شعوري.
سمحيلي بقصة الصداقة هاي يعني ......... عندي رفيقة انا بشوفها متل بنتي الصغيرة من كتر ما بحبها ....... بس بحبها كرفيقة بس ........بحكيلها و بتحكيلي و بشكيلها و بتشكيلي و بساعدها و بتساعدني و عمري ما فكرت انو والله بالاخر رح حبها او بالاخر رح تحبني ...... اصلا انا بحب غيرها و هيي بتحب غيري ..... البنت بحبها كتير بس بطريقة مختلفة تماما .
طيب مستكترة عليي قصيدتين فش خلق و خاطرة عم قول فيها اكلت غول ........... الله يسامحك يا بنت ..........كان لازم تشوفي وجهي لما اكلت الغول معناها ....... على العموم ما علينا من هذا او ذاك ...... متل ما كان يقول استاذنا ......... القافلة تسير و مدري شو بعدا :P




تسلمولي كلكن

[Fares]

كاتب النص الأصلي : saeed

أنا في شغلة بقولها عن قصص الحب ...
ما المهم قصة الحب بذاتها ..

؟؟؟؟؟؟؟
؟؟؟؟
؟؟

يا سيدي قصة الحب بحد ذاتها هي المهمة!!!!