ألف الزينة

[krimbow]

مرحبا اخواتي

في شغلة من زمان كتير كتير منكرزتني و حابب استفسر عنها

انو الرقم 100 بينلفظ باللغة الفصعة .. عفوا الفصحى " مِئَة ( بكسر الميم و فتح الهمزة)
بس بينكتب "مائة" و ممنوع ينلفظ متل ما بينكتب ... و لما استفسرنا عن هالمصطيجة يللي بنص هالكلمة متل الاربعا بنص الجمعة قال هي " ألف الزينة "

يعني ع اساس فهمت هلأ

انو ممكن حدا يفسرلي شو هي الف الزينة ؟

يعني انو كلمة " مئة " شكلها مو زابط قاموا كحلوها بهالالف و اللا شو القصة ؟؟

طيب ليش مئة بشعا بينما فئة حلوة ؟؟؟ يعني ليش ما بتحطوا هالمصطيجة بكلمة فئة ؟؟؟ و رئة ؟؟؟ ليش ما بدهم زينة هدول ؟؟؟

و دمتم

[Joe]

مرحبا شريك

هاي صارت ايام زمان لما ما كان في نقاط على الحروف. مشان الناس ما تلخبط بين مئة و فئة صار هادا الشي... انا هيك قلنا استاذ العربي على ما أذكر

[krimbow]

ع راسي حبيبنا ... يعني بيني و بينك ريحتني شوي
صار الموضوع معقول و مقبول
بس انو حاليا ما عاد في داعي انو نستعملها ....و اللا انا غلطان ؟؟؟

طيب كمان سؤال ... ليش اسمها الف الزينة ؟؟؟ يعني ليش مو الف التفريق او التمييز او الف العدد او او .....

انو شو زينت بالله ؟؟؟؟؟؟

[terezia]

الو صباح الفل

[مُسلِم]

مبلغ علمى أن القدماء لم يطلقوا عليها هذا الاسم ( ألف الزينة ). ولم أقرأه فى مصنف للمحدَثين.

على أية حال، فقد غلب على المتأخرين استعمال لفظة ( الزينة ) بمعنى الزيادة. فمن أسمى ألف ( مائة ) زينة، فهو يريد زيادتها. والله أعلم.

وعدم مطابقة المكتوب للملفوظ مشكلة واجهتها كل اللغات المكتوبة. فنجد فى الإنجليزية مثلاً لفظة ( bought ) وما بين حرف b وحرف t ينطق صوتــًا واحدًا، وإن كتب بأربعة حروف.

ولعل العربية أسعد حالاً من غيرها فى حل هذه المشكلة.

[Hus]

كلمة مئة تكتب ك مئة او مائة ، والألف فعلا الف زائدة (او الف الزينة متل ما بيقولو فيها)
لا ادري على وجه التحديد سبب كتابتها سابقا ب "مائة" علما انها تلفظ مئة، (وارجح الإحتمال الي اشار ليه جو فهو الي بين ايدينا حاليا كتفسير، ) ، لكن ما اعرفه ان مجمع اللغة العربية (بإحدى دوراته يعني) اصدر قرار بحذف الألف من الكلمة وإجازة كتابتها بالشكل "مئة" اي كما تلفظ

[ابومزيد]

كاتب النص الأصلي : مُسلِم

مبلغ علمى أن القدماء لم يطلقوا عليها هذا الاسم ( ألف الزينة ). ولم أقرأه فى مصنف للمحدَثين.

على أية حال، فقد غلب على المتأخرين استعمال لفظة ( الزينة ) بمعنى الزيادة. فمن أسمى ألف ( مائة ) زينة، فهو يريد زيادتها. والله أعلم.

وعدم مطابقة المكتوب للملفوظ مشكلة واجهتها كل اللغات المكتوبة. فنجد فى الإنجليزية مثلاً لفظة ( bought ) وما بين حرف b وحرف t ينطق صوتــًا واحدًا، وإن كتب بأربعة حروف.

ولعل العربية أسعد حالاً من غيرها فى حل هذه المشكلة.

احلى شي الايطالي كيف ما بتلفظ بتكتب

[syrvar_man]

السلام على من اتبع الهدى
أما بعد:
حبيبي اذا حاب تعرف لاحض لفضك لكلمة مئة او مائة
وشوف انو ازبط وانتا بتعرف انو العرب بيحبو الزخرفة والزركشة
يعني تجميل بالكلام
بتوقع منشان هيك مو أكتر بس اذا رجعت للكتب بتلاقيهم حاطين ألف مبرر لأنو نحنا عرب وبليس ما قدرلنا بالحكي بس
كتبها:
أبو أصيل المتنبي
تشااااااااااااااااو حجي

[ياسمينة الشام]

[syrvar_man]

كاتب النص الأصلي : ياسمينة الشام

والله منيح رد حلو ومرتب جيبي كرسي وتعي لجنبي اركلي معي

[terezia]

يعني برضه تلاقي واحد يقول ليك جاك 100 عفريت تركبك
ولا واحد اخر يقول ليك 100 فل
ولا اخر يقول ليك 100 100
هههههههههههه